1 2 3 4
ព័ត៌មានរាយការណ៍:
ថ្ងៃ ពុធ ទី 04 ខែ មិនា ឆ្នាំ 2015
មូលហេតុ​អ្វី​បានជា​ទឹកកាម​ចេញ​លឿន​ពេក?
ចុះនៅថ្ងៃទី 25-10-2013, 06:49 AM
ជាទូទៅ​ធ្លាប់មាន​គេ​ពោលថា បញ្ហា​ឆាប់​ចេញ​ទឹកកាម​របស់​បុរស​នេះ​បាន​កើតមាន​ចំពោះ​បុរស​នៅលើ​លោក​នេះ ជា​យូរយារ​ណាស់​មកហើយ ដែល​ស្ថានភាព​នៃ​អាការ​មួយ​នេះ​មាន​ឥទ្ធិពល​បំផ្លាញ​ទំនុកចិត្ត​ដល់​បណ្តា សុភាពបុរស​ខ្លាំងជាងគេ បន្ទាប់មក​គឺ​បញ្ហា​អង្គជាត​មិន​ឡើង​រឹង។ ហើយ​ជាងនេះទៅទៀត​នោះ គេ​មានជំនឿថា​មាន​បុរស​រហូតដល់​ទៅ៧០ភាគរយ​ឯណោះ ដែល​កំពុង​ស្វែងរក​ដំណោះស្រាយ​ក្នុង​បញ្ហា​ខាងលើនេះ។ តែ​ទោះបី​យ៉ាងនេះ​ក្តី​ក៏ត្រូវ ឈ្វេងយល់​ជាមុនសិន​ថា តើ​កម្រិត​ប៉ុណ្ណា​ទៅ​ទើប​អាច​ហៅ​បាន​ថា​ហូរ​លឿន។ បើ​និយាយ​ពី​អា​ការហូរ​ទឹកកាម​លឿន​នេះ អ្នក​ដែល​ព្រម​ទទួលស្គាល់​ច្រើនជាងគេ​គឺ​សមាគម​គ្រូពេទ្យ​អាមេរិកាំង​ដោយ ពួកគេ​បានធ្វើ​ការពិសោធ​ហើយ​បានកំណត់​ទុកជា៣ចំណុច​ដូចខាងក្រោម។ តទៅ​នេះ​សូម​ប្រិយមិត្ត​ឈ្វេងយល់​សេចក្តីលម្អិត​ដូចតទៅ៖

១. ការហូរ​ទឹកកាម​ក្រោយពេល​មានការ​ភ្ញោ​ច​ផ្លូវភេទ​ត្រឹមតែ​បន្តិចបន្តួច ហើយ​ពេលខ្លះ​អាច​កើត​មុនពេល​ស៊ក​អង្គជាត​ចូល​ឬ​ខណៈពេល​ខ្លះ ស៊ក​ចូល​បានត្រឹមតែ២នាទី​ប៉ុណ្ណោះ ស្រាប់តែ​ចេញ​ទឹកកាម​តែម្តង។

២. កើតមាន​អាការ​ដែល​មិនមែន​កើតចេញពី​ឱសថ ឬ​សារ​ធាតុគីមី​ប្រភេទ​ខ្លះ។

៣. បង្ក​ឱ្យ​កើតមាន​បញ្ហា​រវាង​គូ​ស្វាមីភរិយា ឬ​ដៃគូ​ដំណេក ។

ចំពោះ​មូលហេតុ៖ គេ​នៅ​មិនទាន់​ដឹង​ច្បាស់​នៅឡើយ​ទេ​ប៉ុន្តែ​គេ​មានជំនឿថា គឺ​វា​អាចពាក់ព័ន្ធ​នឹង​បញ្ហា​ផ្លូវចិត្ត​និង​រោគ​ក្នុង​រាងកាយ​ដែល​ទាក់ទិន នឹង​សរសៃប្រសាទ។ ក្នុងករណី​អ្នក​នៅមាន​វ័យក្មេង​ច្រើន​មាន​មូលហេតុ​បណ្តាលមកពី​ការ ខ្វាយខ្វល់​ច្រើន​ហើយ​ភ័យខ្លាច ភាគី​ស្រី​មាន​ផ្ទៃពោះ​ដោយ​ការប៉ាន់ស្មាន ឬ​ការភ្ញាក់ផ្អើល​គិតពី​នេះ​ពី​នោះ​ច្រើនពេក ទើប​ធ្វើឱ្យ​ភាគី​បុរស​ឆាប់​ចេញ​ទឹកកាមភ្លាមៗតែម្តង។ ប៉ុន្តែ​ក្រោយពី​យើង​យល់​ពី​អាការ​ទាំងអស់នេះ រួចហើយ​ខិតខំ​ប្រមែប្រមូល​បទពិសោធ​ខាង​ផ្លូវភេទ​ឱ្យបាន​ច្រើន ហើយ​រៀន​ពី​ការប្រើ​អារម្មណ៍​អូសបន្លាយ​ពេលវេលា​ឱ្យបាន​យូរ ពេលនោះ​ភាគី​បុរស​អាចមាន​បច្ចេកទេស កែសម្រួល​ក្នុងការ​បញ្ជា​ទឹកកាម​ឱ្យចេញ​នៅពេលណា​ក៏បាន​ដែរ លើសពីនេះ​ទៀត​នោះ​ក៏​នាំ​ឲ្យ​ដៃគូ​មាន​ទំនុកចិត្ត​ជាខ្លាំង​មកលើ​ខ្លួន ទៀតផង៕
ចុះនៅថ្ងៃទី 04-03-2015, 03:50 PM, អាន 9ដង
ខេត្តបាត់ដំបង​៖​កម្លាំង​អាវុធហត្ថ​ខេត្ត​បាន​បញ្ជូន​ខ្លួន​ជនសង្ស័យ​៣​នាក់​ទៅ​តុលាការខេត្ត​ដើម្បី​ចាត់ការ​តាមច្បាប់​ពីបទ​ឆបោក បន្ទាប់ពី​ជនរងគ្រោះ​បាន​ប្តឹង​សមត្ថកិច្ច​រួចមក ហើយ​ជនសង្ស័យ​ទាំង​៣​នាក់​បាន​ប្រព្រឹត្ត​កាលពី​ថ្ងៃទី​២៥​ខែកុម្ភៈ​ឆ្នាំ​២០១៥​កន្លងទៅ​។​
         លោក ឡា​ច ប្រុស នាយការិយាល័យ​ស្រាវជ្រាវ​បទល្មើស​ព្រហ្មទណ្ឌ​ខេត្ត​បាន​ឲ្យ​ដឹងថា ជនសង្ស័យ​ដែល​សមត្ថកិច្ច​បាន​ឃាត់ខ្លួន​មាន​៖​ទី​១​ឈ្មោះ វ៉ាន់ សា​វិ​ន​ហៅ​យ៉ា ភេទ​ស្រី​អាយុ​៤១​ឆ្នាំ​មុខរបរ​សំអាងការ ទី​២​ឈ្មោះ វ៉ាន់ ដាលីន ភេទ​ប្រុស​អាយុ​៣៤​ឆ្នាំ​និង​ទី​៣​ឈ្មោះ ធឿន​កូន​ចិន ហៅ​ម៉ាប់ ភេទ​ប្រុស​អាយុ​១៨​ឆ្នាំ​ទាំង​៣​នាក់​នេះ​មាន​ទីលំនៅ​ភូមិ​តាថុក​ឃុំ​ធិបតី​ស្រុក​គាស់ក្រឡ​ខេត្តបាត់ដំបង​។​ចំណែក​ជនរងគ្រោះ​មានឈ្មោះ វែង ធា​វី ភេទ​ស្រី​អាយុ​៣០​ឆ្នាំ មុខរបរ ម៉ាស្សា មាន​ទីលំនៅ​ភូមិ​.​សង្កាត់​អូ​ចារ​ក្រុង​បាត់ដំបង​និង​ឈ្មោះ នួន​ស៊ី​ណាត ភេទ​ប្រុស​អាយុ​៥៨​ឆ្នាំ ធ្វើ​ចំការ មាន​ទីលំនៅ​ភូមិ​ព្រែក​មហាទេព​សង្កាត់​ស្វាយប៉ោ​ក្រុង​បាត់ដំបង​។​
        លោក ឡា​ច ប្រុស បាន​បញ្ជាក់ថា ជនសង្ស័យ​និង​ជនរងគ្រោះ​បាន​ស្គាល់គ្នា​កាលពី​ឆ្នាំ​២០១៣​តាមរយៈ​ចូល​ស៊ីផឹក​ជា​មួ​គ្នា​នៅ​ភោ​ជ្ជ​នី​យ៍​ដ្ឋា​ន បុប្ផា​ទិព្វ បាត់ដំបង​។​លុះដល់​ខែមករា​ឆ្នាំ​២០១៥​ជនសង្ស័យ​ទាំង​៣​នាក់​បាននាំគ្នា​ចូល​ស៊ីផឹក​នៅ​ក្លឹប​ដា​មិន​ជាមួយ​ជនរងគ្រោះ​ដែរ​ហើយ​ក៏បាន​និយាយ​គ្នា​ពី​រឿង​ចង់​ប្រ​វ៉ាស់​ចិញ្ចឹមសត្វ​គោ​តែ​ត្រូវ​គិត​ប្រាក់​ឲ្យ​ទៅ​ម្ចាស់​គោ តាម​ចំនួន​៩២​ក្បាល​និង​ចំនួន​មេគោ​ព្រមទាំង​ថ្លៃ​ដាក់​បា ថ្លៃ​រត់ការ​ផ្លូវ​សរុប​អស់​២៧.០០០​ដុល្លារ​។​លុះ​ថ្ងៃទី​១៧​ខែកុម្ភៈ​ឆ្នាំ​២០១៥ ជនរងគ្រោះ​បាន​វេរ​ប្រាក់​ឲ្យ​ជនសង្ស័យ​ចំនួន​៧.០០០​ដុល្លារ​តាម​វី​ង នៅ​ថ្ងៃទី​២០​ខែកុម្ភៈ​ឆ្នាំ​២០១៥​ជនរងគ្រោះ​បាន​វេរ​លុយ​ឲ្យ​ចំនួន​៦.០០០​ដុល្លារ​តាម វី​ង​ដដែល​។​នៅ​ថ្ងៃទី​២៧​ខែកុម្ភៈ​ឆ្នាំ​២០១៥​ជនសង្ស័យ​ឲ្យ​ជនរងគ្រោះ​វេរ​លុយ​ចំនួន​៧.០០០​ដុល្លារ​ថែមទៀត នៅ​ចុងក្រោយ​ជនសង្ស័យ​បាន​ជនរងគ្រោះ​វេរ​លុយ​ចំនួន​១.០០០​ដុល្លារ​។​បន្ទាប់ពី​ជនរងគ្រោះ​បាន​លុយ​ទាំង​ប៉ុន្មាន​លើក​ឲ្យ​ជនសង្ស័យ​ហើយ ក៏​ចាប់ផ្តើម​មានការ​សង្ស័យ រួច​ក៏​ឲ្យ​កូនធម៌​ទៅរក​មើល​នៅ​ភូមិ​ចំការ​ព្រៃ ឃុំ​អន្លង់​រាប ស្រុក​វាលវែង ខេត្តពោធិ៍សាត់ ទីតាំង​ដែល​ទិញ​គោ​ហើយ​ទុក​នៅ​ទីនោះ​ស្រាប់តែ​គ្មាន​សត្វ​១​ក្បាល​ឡើយ​រហូតដល់​ថ្ងៃទី​១​ខែមីនា​ឆ្នាំ​២០១៥ ពួកខ្លួន​ដឹងថា ចាញ់បោក​គេ ក៏​នាំគ្នា​ទៅ​ដាក់​ពាក្យបណ្តឹង​ទៅ​សមត្ថកិច្ច​ឲ្យ​ជួយ​អន្តរាគមន៍​។​បន្ទាប់ពី​ទទួលបាន​ពាក្យបណ្តឹង​ពី​ជនរងគ្រោះ សមត្ថកិច្ច​បាន​ស្រាវជ្រាវ​ករណីនេះ​ឈានដល់​ធ្វើការ​ឃាត់ខ្លួន​ជនសង្ស័យ​បាន​ទាំង​៣​នាក់​នាំយកមក​ទីបញ្ជាការ​អាវុធហត្ថ​ខេត្ត​ដើម្បី​សួរនាំ​។​
         ជនសង្ស័យ​ទាំងអស់​បាន​ឆ្លើយ​សារភាពថា បក្ខពួក​ខ្លួន​ពិតជា​បាន​ឆបោក​លុយ​ពី​ជនរងគ្រោះ​ពិតប្រាកដ​មែន​។​
        បន្ទាប់ពី​បាន​ចម្លើយសារភាពរ​បស់ជនស​ង្ស័​យ​ហើយ សមត្ថកិច្ច​ជំនាញ​បាន​កសាង​សំណុំរឿង​បញ្ជូន​ខ្លួន​ទៅ​តុលាការខេត្ត​ដើម្បី​ចាត់ការ​តាមច្បាប់​៕
ព័ត៌មានលម្អិត
ចុះនៅថ្ងៃទី 04-03-2015, 03:39 PM, អាន 12ដង
ខេត្តកំពង់ចាម​៖​ជន​មិន​ស្គាល់​អត្តសញ្ញាណ​បាន​លួច​កាប់​ប្រហារ​ប៉ង​សម្លាប់​ក្មេងស្រី​អាយុ​១៥ ឆ្នាំ​ក្នុងខណៈ​កំពុង​ដេក​លង់លក់​បណ្តាល​ឲ្យ​របួស​ធ្ងន់ធ្ងរ​។​ហេតុការណ៍​នេះ​បាន​កើតឡើង​កាលពី​វេលា​ម៉ោង​១០ និង​២០​នាទី​យប់ ថ្ងៃទី​៣ មីនា ២០១៥ ស្ថិតនៅ​ភូមិ​វត្ត​ចាស់ ឃុំ​បឹង​ណាយ ស្រុក​ព្រៃឈរ ខេត្តកំពង់ចាម ។  
​អធិការនគរបាល​ស្រុក​ព្រៃឈរ​លោក​វរសេនីយ៍ត្រី កែវ ស៊ា​ង​ហ៊​ន់ ប្រាប់​ឲ្យ​ដឹងថា ស្ត្រី​ឈ្មោះ​ហ៊ុន ទៀង អាយុ​៤៣​ឆ្នាំ​ដែល​ត្រូវជា​ម្តាយ រួមជាមួយ​កូនស្រី កូនប្រសា​ប្រុស ព្រមទាំង​ក្រុម​សាច់ញាតិ​ជាច្រើន​នាក់​បាននាំគ្នា​ធ្វើដំណើរ​ចេញទៅ ខេត្ត​ព្រះសីហនុ​ដើម្បី​កាត់​ចំណងដៃ​ដោយ​ទុក​កូនស្រី​ឈ្មោះ ប៊ុន សុខ​នៅ អាយុ​១៥​ឆ្នាំ និង​កូនស្រី​អាយុ​១០​ឆ្នាំ​ម្នាក់ទៀត​ឲ្យ​នៅ​ដេកចាំ​ផ្ទះ ។ លោក​បន្តថា មុន​ពេលដេក​កូនស្រី​បង​បាន​ចុច​មើល​វីដេអូ​រឿង​ថៃ​។ បន្ទាប់មក​ដោយ​ងងុយដេក​ពេក ក៏បាន​បិទទ្វារ​ផ្ទះ​រួច​ប្រាស​ខ្លួន​ដេក​ទាំង​២​នាក់​តែម្តង ។
​លោក​អធិការនគរបាល​រូប​នោះបាន​បញ្ជាក់ថា លុះដល់​វេលា​ម៉ោង​១០ និង​២០​នាទី​យប់ ស្រាប់​តែមាន​ជន​មិន​ស្គាល់​អត្តសញ្ញាណ​បានមក​ធាក់​ទ្វារ​ទម្លាយ​ចូលទៅ ក្នុងផ្ទះ​ឈើ​ហើយ បើក​មុង​សើយ​ឡើង​រួច​ក៏​ទាញ​វត្ថុ​រឹង​មានមុខ​មុត​កាប់​ប្រហារ​លើ​កូនស្រី បង​ត្រូវ​ចំនួន​៣​កន្លែង ក្នុងនោះ​មាន​ក្បាល​ផ្នែក​ខាងស្តាំ​២​កន្លែង និង​ចិញ្ចើម​ឆ្វេង​ង​១​កន្លែង បណ្តាល​ឲ្យ​ឈាម​ហូរ​ស្រោច​ពេញ​ខ្លួន រួច​ក៏​ស្រែកហៅ​ឲ្យ​គេឯង​ជួយ​ភ្លាមៗ ជនល្មើស​ក៏បាន​រត់គេចខ្លួន​តែម្តង​។​
​ក្រោយ​កើតហេតុ​ក្មេងស្រី​រងគ្រោះ ត្រូវបាន​ក្រុម​សាច់ញាតិ​ដឹកយក ទៅ​សង្គ្រោះ​នៅ​មន្ទីរពេទ្យបង្អែក​ស្រុក​ព្រៃឈរ និង​បន្ត​នាំទៅ​សង្គ្រោះ​នៅ​រាជធានី​ភ្នំពេញ​៕

ព័ត៌មានលម្អិត
ចុះនៅថ្ងៃទី 04-03-2015, 03:28 PM, អាន 14ដង
​រាជធានី​ភ្នំពេញ​៖​ប្រធាន​ទី​៦​នៅ​សហគមន៍ បុរី​កីឡា​ត្រូវបាន​គេ​ប្រទះឃើញ​បាន​ស្លាប់​ក្នុង​បន្ទប់ទឹក កាលពី​វេលា​ម៉ោង​០៩​ព្រឹក​ថ្ងៃទី​០៤​ខែកុម្ភៈ​ឆ្នាំ​២០១៥​នេះ​ស្ថិតនៅ​ចំណុច ផ្ទះ​ជាន់​ទី​៤​ក្នុង​សង្កាត់​វាលវង់ ខណ្ឌ​៧​មករា ។ បុរស​ជនរងគ្រោះ​ឈ្មោះ ញ៉ែម សំ​អូន អាយុ​៤៥​ឆ្នាំ ជា​ប្រធាន​ទី​៦​នៅ​សហគមន៍​បុរី​កីឡា គ្មាន​ប្រពន្ធ​កូន​ទេ រស់នៅ​តែម្នាក់ឯង ដោយ​គាត់​មាន​ជំងឺលើសឈាម​ហើយ​សព្វថ្ងៃ​រស់នៅ​ជាមួយ​ម្តាយ​ដែលជា ក្រុមប្រឹក្សា​សង្កាត់​ជួយ​ថែរក្សា ។  
​ស្ត្រី​ជា​ម្តាយ​និយាយថា​គាត់​តែងតែ​ទិញ​ចំណីអាហារ​ទៅឱ្យ​កូន (​ជនរងគ្រោះ​)​ជា​រៀងរាល់​ព្រឹក ។ លុះ​នៅ​ថ្ងៃកើតហេតុ ពេល​គាត់​មកពី​ទិញ​ចំណីអាហារ​វិញ​ចូលទៅ​ដល់ផ្ទះ​មិនឃើញ​កូន​ទេ ក៏បាន​ដើរទៅ​រក ស្រាប់តែ​ប្រទះឃើញ​កូន​ស្លាប់​ក្នុង​បន្ទប់ទឹក​បាត់ទៅហើយ ។ រូបគាត់​ក៏បាន​ទៅ​រាយការណ៍​ប្រាប់​អាជ្ញាធរ​មូលដ្ឋាន​ចុះមក​ត្រួតពិនិត្យ ។ បន្ទាប់ពី​ពិនិត្យ​រួច​ត្រូវ​សង្ស័យថា ជនរងគ្រោះ​អាច​ស្លាប់​តាំងពី​យប់​មកម្ល៉េះ​ដោយ​ជំងឺលើសឈាម​៕

ព័ត៌មានលម្អិត
ចុះនៅថ្ងៃទី 04-03-2015, 03:24 PM, អាន 10ដង
​ខេត្តបាត់ដំបង​៖​អាជ្ញាធរ​បាន​ឲ្យ​ដឹងថា នៅវេលា​ព្រឹក​ថ្ងៃទី​០៤​ខែមីនា​ឆ្នាំ​២០១៥​នេះ​យ៉ាងហោចណាស់​ក៏មាន​ថា​អ្នក ផ្ទុកមេរោគ​អេដស៍​ក្នុងភូមិ​រកា​ឃុំ​រកា​ស្រុក​សង្កែ​ចំនួន​៥​នាក់​ទៀត កំពុងស្ថិត​ក្នុងស្ថានភាព​ធ្ងន់ធ្ងរ​ណាស់ ដោយ​ក្រុមគ្រួសារ​កំពុង​សូត្រធម៌​ឱ្យ​ជា​រៀងរាល់ថ្ងៃ ។ អាជ្ញាធរ​បញ្ជាក់ថា កន្លងមកនេះ​មាន​អ្នក​ផ្ទុកមេរោគ​អេដស៍​បាន​ស្លាប់​៥​នាក់​មកហើយ ក្នុងនោះ​មាន​មនុស្ស​ចាស់​៤​នាក់ និង​ទារក​ម្នាក់ ។ អ្នក​ផ្ទុកមេរោគ​អេដស៍​៥​នាក់​កំពុង​ប្រឈម​ធ្ងន់ធ្ងរ​នោះ ១-​ឈ្មោះ​ស៊ឹម សូ​យ ភេទ​ប្រុស អាយុ​៦៩​ឆ្នាំ (​កំពុង​សូត្រធម៌​នៅផ្ទះ​) ២-​ឈ្មោះ​សាប់ ឆ​យ ភេទ​ស្រី អាយុ​៤៨​ឆ្នាំ ៣-​ឈ្មោះ​លួង អម ភេទ​ស្រី អាយុ​៨៥​ឆ្នាំ ៤-​ឈ្មោះ​ជិន វុន ភេទ​ស្រី អាយុ​៧៧​ឆ្នាំ និង​៥-​ឈ្មោះ​ប៉ាត់ ធឿ​ត ភេទ​ស្រី អាយុ​៧៨​ឆ្នាំ ។  
​ទាក់ទង​ពត៌មាន​ខាងលើនេះ​គេ​មិនទាន់​ឃើញ​មានប្រតិកម្ម​ណាមួយ​ពី​មន្ត្រី ជំនាញ​សំខាន់​ក្រសួងសុខាភិបាល​នៅឡើយ​ទេ ខណដែល​អ្នកភូមិ​ត្អូញត្អែ​ថា ពួកគាត់​មិនមាន​ថវិកា​គ្រប់គ្រាន់​ដើម្បី​ទ្រទ្រង់​ស្ថានភាព​ជំងឺ​របស់ ពួកគាត់​នោះទេ ៕

ព័ត៌មានលម្អិត
ចុះនៅថ្ងៃទី 04-03-2015, 03:19 PM, អាន 15ដង
ដោយ​៖​អ៊ួ​ង វ៉ឹ​ង​
​ខេត្តកំពត
​៖​លោកយាយ​វ័យ​៧១​ឆ្នាំ​និង​ចៅប្រុស​អាយុ​៣​ឆ្នាំ បាន​លង់ទឹក​អណ្តូង​ស្លាប់​ទាំងពី​នាក់​ខណៈ​ទៅ​កាប់​ឫស្សី​យកមក​ធ្វើ​ស៊ុម​ក្រុងមាន់ ។ ហេតុការណ៍​នេះ​កើតឡើង​នៅ វេលា​ម៉ោង​៨​និង​២០​នាទី​នា​ព្រឹក ថ្ងៃទី​៤ ខែកុម្ភៈ ឆ្នាំ​២០១៥ ត្រង់ចំណុច​ក្នុង​ទឹក​អណ្តូង​មួយកន្លែង​ស្ថិតនៅ​ភូមិ​ស្វាយ​ទង ឃុំ​ស្វាយ​ទង​ខាងជើង ស្រុក​កំពង់ត្រាច ខេត្តកំពត​។​
​សាក្សី​នៅ​កន្លែងកើតហេតុ​បានអោយដឹងថា ជនរងគ្រោះ​ឈ្មោះ អ៊ុង ភន ភេទ​ស្រី អាយុ​៧១​ឆ្នាំ​និង​ចៅប្រុស​ម្នាក់ ឈ្មោះ សុក សារ៉ាត់ អាយុ​៣​ឆ្នាំ មាន​ទីលំនៅ​ភូមិ​ឃុំ​កើតហេតុ​ខាងលើ​។​សាក្សី​បន្តទៀតថា មុនពេល​កើតហេតុ​ប្តី​របស់​យាយ​បាន​ប្រើ​យាយ​ទៅ​កាប់​ឫស្សី​យកមក​ធ្វើ​ស៊ុម​ក្រុងមាន់​ពេលនោះ​លោកយាយ​ក៏បាន​បណ្តើរ​ចៅ​ទៅជា​មួយ ខណៈ​លោកយាយ​កំពុងតែ​កាប់​ឫស្សី​ចៅប្រុស​ក៏​រត់​មក​ចុះ​លេង​ទឹក​អណ្តូង​នៅក្បែរ​កន្លែង​កាប់​ដើម​ឫស្សី​នោះ ពេលចេញ​វិញ​បាត់​ចៅ​លោកយាយ​ក៏​រត់​មក​មើល​ក្នុង​អណ្តូង​ឃើញ​ចៅ​លង់ទឹក​ក៏​ចុះទៅ​ជួយ​តែ​អកុសល​ជួយ​មិនបាន លោកយាយ​ក៏បាន​លង់ទឹក​ស្លាប់​ជាមួយ​ចៅប្រុស​ទាំង​២​នាក់​តែម្តង​។​
​គួរបញ្ជាក់​ផងដែរ​ថា​ឪពុកម្តាយ​ចៅប្រុស​បាន​យក​កូន​មក​ទុក​នៅ​ជាមួយ​ម្តាយ​ហើយ​នាំគ្នា​ទៅធ្វើ​ការ​ប្រទេស​ថៃ​៕


ព័ត៌មានលម្អិត
ចុះនៅថ្ងៃទី 04-03-2015, 03:02 PM, អាន 13ដង
​លី​ប៊ី​៖​អ្នកនាំពាក្យ​របស់​កង​ឆ្មាំ​ការពារ​ទីតាំង​ប្រេងកាត​លី​ប៊ី​លោ​វរសេនីយ៍ឯក អា​លី​អាល់ ហា​ស៊ី និយាយថា ពួក​ឥស្លាម​និយម​រ៉ាឌីកាល់ កាលពី​ថ្ងៃទី​៣ មីនា វាយ​ដណ្តើម​កាន់កាប់​ទីតាំង​ប្រេងកាត​២​កន្លែង​ស្ថិតនៅ​ភាគ​កណ្តាល​ប្រទេស គឺ​AL-BAHI និង AL MABROUK ហើយ​កំពុង​ឈានឆ្ពោះ​ទៅ​វាយ​ដណ្តើមយក​ទីតាំង​ប្រេងកាត AL DAHRA ទៀត ក្រោយ​ការដកថយ​របស់​កង​កម្លាំង​ទទួលបន្ទុក​ការពារ​ទីតាំង​ប្រេង​ទាំងនោះ ដោយសារ​អស់​គ្រាប់រំសេវ​ប្រយុទ្ធ ។​
​អ្នកនាំពាក្យ​រូបនោះ​បន្តថា ទីតាំង​ប្រេង AL-MABROUK និង AL-BAHI ស្ថិតនៅ​ចម្ងាយ​ប្រមាណ​ជា​២០០​គីឡូម៉ែត្រ​ខាងត្បូង​ទីក្រុង SYRTE ចម្ងាយ​៥០០​គីឡូម៉ែត្រ ខាងកើត​ទីក្រុង​ទ្រី​ប៉ូ​លី ។ បុគ្គលិក​នៃ​ទីតាំង​ប្រេងកាត​ទាំងពីរ​កន្លែង​នោះ​ត្រូវ​ជម្លៀសចេញ​បន្ទាប់ ពី​ការវាយប្រហារ​ដំបូង​មួយ​កាលពីដើម​ខែកុម្ភៈ ដែល​បណ្តាលឱ្យ​មនុស្ស​ស្លាប់​យ៉ាងតិច​១១​នាក់ ។ ទីតាំង​ប្រេង AL MABROUK ធ្វើ​អាជីវកម្ម​ដោយ​សហគ្រាស​មួយ​ដឹកនាំ​ដោយ​ក្រុមហ៊ុន​ប្រេង​លី​ប៊ី NOC ដោយ​ក្រុមហ៊ុន​ប្រេង​បារាំង​តូ​តា​ល់ ក៏មាន​ភាគហ៊ុន​ដែរ​៕

ព័ត៌មានលម្អិត
ចុះនៅថ្ងៃទី 04-03-2015, 02:50 PM, អាន 15ដង
សុខភាព​៖​ផ្លែ​ប៊័រ​សម្បូរ វីតាមីន និង​សារជាតិ​រ៉ែ មាន​ប្រយោជន៍ សម្រាប់​សុខភាព​មនុស្ស រួមមាន កាល់ស្យូម , ដែក , ស្ពាន់ , ម៉ាញ៉េ​ស្យូ​ម , ហ្វូ​ស​ហ្វ័​រ , ប៉ូ​តា​ស្យូ​ម , សូ​ដ្យូ​ម​.... ជាងនេះទៀត ផ្លែ​ប៊័រ​នៅ​ជួយ​បង្ការ ជំងឺ​សរសៃឈាម​បេះដូង , បន្ថយ​កូ​ឡេ​ស្តេ​រ៉ូ​ល​អាក្រក់ , បង្ការ​ប្រឆាំង​មហារីក កែប្រែ​ប្រសើរឡើង ចក្ខុប្រសាទ​...​។ ប៉ុន្តែ​ពុំមែន​ទទួលទាន កាន់តែច្រើន កាន់តែ​នាំមក​នូវ ផលប្រយោជន៍​ល្អ នោះឡើយ ។​
​ពួក​អ្នកស្រាវជ្រាវ នៅ​អាមេរិក បាន​បញ្ជាក់ថា ក្នុង​ផ្លែ​ប៊័រ មាន​ផ្ទុក​សារជាតិ​មួយចំនួន ជួយ​ប្រឆាំង​មហារីក ។ សារជាតិ​ចម្រុះ​នោះ អាច​រកឃើញ​កោសិកា មានលទ្ធភាព​បង្ក​មហារីក និង​កំទេច​វា ដោយ​មិន​បង្ក​គ្រោះថ្នាក់ ដល់​កោសិកា​ល្អ ។ ដូចជា ប្រេង​អូ​លីវ​ដែរ , ផ្លែ​ប៊័រ មាន​ផ្ទុក​អាស៊ីត Oleic ក្នុង​បរិមាណ​ខ្ពស់​គួរសម ។ នេះ​ជា​ប្រភេទ​អាស៊ីត ជួយ​ទប់ស្កាត់​មហារីក​សុដន់ ។ ប៊័រ​នៅ​ផ្ទុក​បរិមាណ lutein carotene ខ្ពស់ជាង​ផ្លែឈើ​ដទៃទៀត ។ សារជាតិ​នេះ ជួយ​ទប់ស្កាត់​ជំងឺ​ភ្នែក​មួយចំនួន ។ ក្រៅពីនេះ ប៊័រ​សម្បូរ beta-sitosterol ជា​សារជាតិ​ចម្រុះ​មួយ ធ្វើ​ឲ្យ​ថយចុះ អត្រា​កូ​ឡេ​ស្តេ​រ៉ូ​ល ។
​បើតាម​ការស្រាវជ្រាវ​មួយ បាន​បង្ហាញថា ការទទួល​ទាន​ផ្លែ​ប៊័រ ១​ផ្លែ ក្នុង​១​ថ្ងៃ នឹង​បន្ថយ​អត្រា​ជាតិ​ខ្លាញ់ ចុះ​ប្រមាណ ១៧ ភាគរយ តែ​ក្នុង​រង្វង់ ១​សប្តាហ៍ ។ ទោះបី​ផ្លែ​ប៊័រ មាន​សារប្រយោជន៍​ច្រើន សម្រាប់​សុខភាព តែ​យើង​មិនត្រូវ ទទួលទាន​ច្រើនពេក ព្រោះ​វា​អាច​បណ្តាល ឲ្យ​របួស​ថ្លើម ដោយសារ​នៅក្នុង​ផ្លែ​ប៊័រ មាន​ផ្ទុក collagen ច្រើន ។​
​ប្រសិន ទទួលទាន​ច្រើន collagen អាច​មិន​ត្រូវបាន​រំលាយ​អស់ ប្រមូលផ្តុំ​ក្នុង​ថ្លើម និង​បង្ក​គ្រោះថ្នាក់​ឲ្យ​ថ្លើម​។ ការទទួល​ទាន​ផ្លែ​ប៊័រ​ច្រើន នៅ​ធ្វើ​ឲ្យ​ឡើង​ទម្ងន់ អាលែកហ្ស៊ី និង​ឥទ្ធិពល ទៅដល់​ប្រសិទ្ធភាព របស់​ថ្នាំ​មួយចំនួន ។
​ប្រសិន​អ្នក កំពុង​ប្រើ​ថ្នាំ ធ្វើ​ឲ្យ​ឈាមរាវ​នោះ ត្រូវ​សួរ​យោបល់​វេជ្ជបណ្ឌិត ពេល​ចង់​ទទួលទាន​ផ្លែ​ប៊័រ ។ អ្នក​ដែល​អាលែកហ្ស៊ី ជាមួយ​ស្ករ​កៅស៊ូ​ច្រើន មាន​ហានិភ័យ អាលែកហ្ស៊ី ជាមួយ​ផ្លែ​ប៊័រ យ៉ាងខ្ពស់ ដោយមាន​រោគសញ្ញា ដូចជា វិលមុខ , រមាស់ , ចង់​ក្អួត​... ពេល​ទទួលទាន​ផ្លែ​ប៊័រ ៕

ព័ត៌មានលម្អិត
ចុះនៅថ្ងៃទី 04-03-2015, 02:46 PM, អាន 13ដង
​សុខភាព​៖​ការសិក្សា​ស្រាវជ្រាវ​របស់​ពួក​អ្នកវិទ្យាសាស្ត្រ​អាមេរិក បាន​បញ្ជាក់ថា ផ្លែ​ម្រះ ជួយ​ទប់ស្កាត់ និង​កំទេច កោសិកា​មហារីក​ក្រពេញ​លំពែង ។​
​ពួក​អ្នកវិទ្យាសាស្ត្រ នៅ​មជ្ឈមណ្ឌល​មហារីក CU និង​សាលា​វេជ្ជសាស្ត្រ និង​ឱសថ​សាស្ត្រ Skaggs នៅ Colorado (​អាមេរិក​) បាន​រកឃើញថា ទឹក​កៀប​ពី​ផ្លែ​ម្រះ ជួយ​ដំណើរការ​បំប្លែង​គ្លុយកូស , កំហិត​ថាមពល ផ្គត់ផ្គង់​ឲ្យ​កោសិកា មហារីក​ក្រពេញ​លំពែង និង​កំទេច​វា តែ​មិន​ធ្វើ​ឲ្យ​មាន ផលប៉ះពាល់​ដល់ ឥទ្ធិពល​នៃ​កោសិកា​ធម្មតា នោះទេ ។​
​មហារីក​ក្រពេញ​លំពែង ជា​ប្រភេទ​មហារីក​គ្រោះថ្នាក់​បំផុត​មួយ ,​មាន​អត្រា​បាត់បង់​ជីវិត​ខ្ពស់ ដោយសារ​មិន​ងាយ​រកឃើញ ។ ដោយឡែក តែ​នៅ​អាមេរិក រាល់​ឆ្នាំ មាន​ប្រមាណ ៥៤.២២០ ករណី​កើត​ជំងឺ ត្រូវបាន​រកឃើញ និង ៣៨.៤៦០ ករណី​បាត់​បង់ជីវិត ។​
​ក្រុម​អ្នកស្រាវជ្រាវ បាន​សង្កេតឃើញថា ក្រោយពេល​ឲ្យ​កណ្តុរ ប្រើ​ទឹក​ម្រះ លទ្ធភាព​រីកចម្រើន របស់​កោសិកា​មហារីក ក្រពេញ​លំពែង ថយចុះ​បាន ៦០ ភាគរយ ។ អត្រា​ក៏​ប្រហាក់ប្រហែល ចំពោះ​កោសិកា​មហារីក ក្រពេញ​លំពែង ត្រូវបាន​ចិញ្ចឹម​ផ្សាំ ក្នុង​ចាន Petri (​ចាន​ចិញ្ចឹម​ផ្សាំ​បាក់តេរី​) ក្នុង​បន្ទប់ពិសោធន៍ ។​
​សាស្ត្រាចារ្យ Rajesh Agarwal ,​បាន​និយាយថា ពួក​អ្នកស្រាវជ្រាវ​ជាច្រើន កំពុងអភិវឌ្ឍន៍​ប្រភេទ​ថ្នាំ​ថ្មីៗ ដើម្បី​រារាំង​លទ្ធភាព ផ្គត់ផ្គង់​ថាមពល ឲ្យ​កោសិកា​មហារីក ។ តែ​ឥឡូវ យើង​បាន​មាន​ស្រាប់ សារជាតិ​ចម្រុះ​ធម្មជាតិ​មួយ អាចធ្វើ​បាន​រឿង​នោះ ។​
​តាម​ការស្រាវជ្រាវ​ផ្សេងៗ មួយចំនួន បានបង្ហាញ​ឲ្យ​ដឹងថា ម្រះ​ជា​ប្រភេទ​ផ្លែ​សម្បូរ​វីតាមីន និង​សារជាតិ​រ៉ែ ដូចជា ០,៩ ភាគរយ ប្រូតេអ៊ីន ០,១ ភាគរយ​លីពីត , ០,២ ភាគរយ កាបូ​អ៊ី​ដ្រា​ត និង​វីតាមីន​ផ្សេងៗ ជាច្រើន​ទៀត ដូចជា កាល់ស្យូម , ប៉ូ​តា​ស្បូ​ម , ម៉ាញ៉េ​ស្យូ​ម , ដែក​... ។​
​ម្រះ​មាន​ប្រសិទ្ធភាព ធ្វើ​ឲ្យ​ថយ​ចំនួន​បរិមាណ​ស្ករ ក្នុង​សរីរាង្គ , អាស្រ័យ​ហេតុ​នោះ ត្រូវបាន​ប្រើ ក្នុងការ​ព្យាបាល ជំងឺ​ទឹកនោមផ្អែម ។ ម្រះ​នៅមាន​ប្រសិទ្ធភាព រំញោច​ការទទួល​ទាន , ជំនួយ​មុខងារ​រំលាយ​អាហារ , ជួយ​ថ្លើម , ជួយ​ឲ្យ​បត់ជើងតូច​ស្រួល ។ ពុំ​ត្រឹមតែ​ប៉ុណ្ណឹង​ទេ ម្រះ​នៅ​អាច​ប្រើ​ជា​ម៉ាស​បិទមុខ ព្យាបាល​មុន​យ៉ាង​ល្អ , ជួយ​បន្ថយ​បរិមាណ កូ​ឡេ​ស្តេ​រ៉ូ​ល ក្នុង​សរីរាង្គ ហេតុនេះ វា​ជា​អាហារ​ដ៏ មាន​ប្រសិទ្ធភាព ដើម្បី​ស្ត្រី​បញ្ចុះទម្ងន់ ៕

ព័ត៌មានលម្អិត
ចុះនៅថ្ងៃទី 04-03-2015, 12:54 PM, អាន 13ដង
​ថៃ​៖​នាយករដ្ឋមន្ត្រី​ថៃ ប្រា​យុទ្ធ ច័ន្ទ​អូ​ចា បាន​បដិសេធ​ចំពោះ​ពាក្យ​ចចាមអារ៉ាម​ថា លោក​នឹង​រុះរើ​គណៈរដ្ឋមន្ត្រី​ដោយបាន​លើកឡើងថា មិនមាន​រឿងនេះ​កើតឡើង​ហើយ​លោក​គាំទ្រ​ចំពោះ​រដ្ឋមន្ត្រី​ទាំងអស់​ដែល​បាន តស៊ូ​ជាមួយគ្នា​ទាំង​ពេល​ល្អ​និង​អាក្រក់​នា​៨​ខែ​មកនេះ ។  
​មាន​សារព័ត៌មាន​ក្នុងស្រុក​ជាច្រើន​បាន​ចុះផ្សាយ​ថា រដ្ឋាភិបាល​ថៃ​ប្រហែលជា​នឹង​រុះរើ​គណៈរដ្ឋមន្ត្រី​ដោយសារតែ​ប្រទេស​កំពុង ជួយ​បញ្ហា​វិបត្តិ​សេដ្ឋកិច្ច​អន់ថយ​និង​តួលេខ​នៃ​ការនាំចេញ​អន់ថយ​ជាង ការរំពឹងទុក ។
​លោក ប្រា​យុទ្ធ បាន​លើកឡើងថា រដ្ឋមន្ត្រី​ទាំងអស់​បានធ្វើ​យ៉ាង​ល្អ​បំផុត​តាម​ដែល​ពួកគេ​អាចធ្វើ​បាន ទោះបី​ជាមាន​តម្រូវការ​ឲ្យ​មានការ​ផ្លាស់ប្តូរ​មួយចំនួន​ក៏ដោយ ។ លោក​បាន​បន្តថា ថៃ​ត្រូវការ​ជំនួយ​ហើយ​នៅ​ថ្ងៃមុខ​សេដ្ឋកិច្ច​ថៃ​នឹង​ប្រសើ​ឡើងវិញ ៕

ព័ត៌មានលម្អិត
ចុះនៅថ្ងៃទី 04-03-2015, 12:50 PM, អាន 12ដង
ឥណ្ឌា​៖​នេះ​ជា​លើកដំបូង​នៃ​ការដឹកនាំ​ប្រទេស​ប្រធានាធិបតី​ឥណ្ឌា​មកពី​គណបក្ស​ហិនឌូ  Bharatiya Janata Party របស់​នាយករដ្ឋមន្ត្រី ណារិន​ឌ្រា មូ​ឌី លោក Pranab Mukherjee  ចុះ​ក្រិត​លើ​ច្បាប់​ថ្មី​មួយ​ដើម្បី​ហាម​ការ​សម្លាប់់សត្វ​គោ​យក​ធ្វើ​ម្ហូប ។ ក្នុង​ច្បាប់​នេះ បាន​ចែងថា ជន​ណា​ដែល​ពិឃាតសត្វ​គោ គឺ​មានទោស​រយៈពេល ៥ ឆ្នាំ និង​ពិន័យ​ជា​ប្រាក់​១៦០​ដុល្លារ ចំពោះ​ការសម្លាប់​គោមួយ​ក្បាល​។​
​ប្រជាជន​ឥណ្ឌា​នៃ​សហគមន៍​ហិនឌូ​ភាគច្រើន​គោរព​សត្វ​គោដោយ​ចាត់ទុកជា​ផ្នែក​នៃ​អ​បិ​យ​ជំនឿ​សាសនារបស់​ពួកគេ​ដែលមាន​តាំងពី​បុរាណ។ ប៉ុន្តែ​ក្រិត​ច្បាប់​នេះ អនុវត្ត​ដំបូង​ទៅលើ​រដ្ឋ Maharashtra  ព្រោះ​រដ្ឋ​នេះ​ភាគច្រើន​ជា​អុ្ន​ក​កាន់សាសនា ហិនឌូ ដែល​គោរព​សត្វ​គោ​ខ្លាំងជាងគេ និង​ជា​អ្នកធ្វើ​សេចក្ដីស្នើច្បាប់​។​
​នាយករដ្ឋមន្ត្រី​ប្រចាំ​រដ្ឋ Maharashtra  លោក Minister Devendra Fadnavis  សម្ដែង​ការ​សាទរ​ដោយ ចាត់ទុកថា ជា​ច្បាប់​មួយ​បម្រើ​ជាតិ​សាសនា ហើយ​និយាយថា សុ​បិ​ន្ត​របស់​ប្រជាជន​របស់លោក​បានក្លាយ​ជាការ​ពិត​។​
​ប៉ុន្តែ​នៅក្នុង​ច្បាប់​នេះ​មាន​ចែងថា គេ​អាច​ទទួលទាន​សត្វ​គោ​បាន លុះត្រាតែ គោ​នោះ​ងាប់​ដោយ​ឧបទ្ទវហេតុ​គ្រោះធម្មជាតិ​៕

ព័ត៌មានលម្អិត
ចុះនៅថ្ងៃទី 04-03-2015, 11:53 AM, អាន 22ដង
​កន្លាត​គឺជា​ប្រភេទ​សត្វល្អិត​ចង្រៃ​ដែល​គួរ​ឲ្យ​ស្អប់ខ្ពើម ព្រោះ​វា​ចូលចិត្ត​របស់​កង្វក់ៗ​។ ស្ត្រី​មេផ្ទះ​ជាច្រើន​តែងមាន​កង្វល់​មួយ គឺ​មិនដឹងថា​ត្រូវ​កម្ចាត់​វា​ចេញ​ដោយ​វិធី​ណា ហើយ​បើ​ប្រើ​សារធាតុ​គីមី​ប្រាកដជា​ប៉ះពាល់​ដល់​សុខភាព​ជាមិនខាន​។
១. កម្ចាត់​ប្រភព​៖​ដោយ​អាស្រ័យ​លើ​សីតុណ្ហភាព និង​ទំហំ ពួកវា​អាច​រស់​នៅបាន​បាន​មួយខែ​ដោយ​គ្មាន​អាហារ ប៉ុន្តែ​មិន​លើស​ពីមួយ​សប្ដាហ៍​ទេ​បើ​គ្មាន​ទឹក​។ ដូចនេះ​ត្រូវ​រក​ឲ្យ​ឃើញ​នូវ​ការ​លេច​ធ្លាយ​ទុយ​យោ​ទឹក​នៅ ឬ​ជាតិ​សើម​ក្នុងផ្ទះ និង​ជួសជុល​ឲ្យ​ជិត​ល្អ​។ ពេលដែល​ប្រភពទឹក​ត្រូវបាន​លុប ពួកវា​នឹង​ចាប់អារម្មណ៍​ចំពោះ​ការ​ស៊ីនុយ​ដែល​បានកំណត់​។​
២. លាង​សម្អាតផ្ទះ​ឲ្យ​បាន​ហ្មត់ចត់​៖​ផ្ទះ​ស្អាត​គឺជា​គន្លឹះ​ក្នុង​បណ្ដេញ​កន្លាត​ចេញ ហើយ​កន្លែង​ដំបូង​ដែល​ត្រូវ​សម្អាត​នោះ​គឺ​ចាប់ផ្ដើម​ពី​ផ្ទះបាយ​។ លាងចាន និង​ដាក់​ម្ហូបអាហារ​សល់​ឲ្យ​មាន​របៀបរៀបរយ​បន្ទាប់ពី​ទទួលទាន​រួច​។ ជាពិសេស​សម្អាត​កន្លែង​ដែលមាន​ជាតិ​ខ្លាញ់​ព្រោះ​កន្លាត​ចូលចិត្ត​របស់​នេះ ណាស់​។​
៣. បិទ​កន្ត្រក​គ្រប​អាហារ​ឲ្យ​ជិត​៖​អាហារ​ដែល​នៅសល់​ក្រោយពេល​បរិភោគ​ត្រូវយក​កន្ត្រក​គ្រប​ឲ្យ​ជិត ដើម្បី​កុំ​ឲ្យ​សត្វ​ចង្រៃ​នោះមក​ស៊ី​។ ចូរ​កុំ​ទុក​ចាន​កខ្វក់​ឲ្យ​នៅ​ពេញ​មួយ​យប់​អី ហើយ​បើ​មាន​អាហារ​ដែល​មិនគួរ​ទុក​ត្រូវ​យកទៅ​បោះ​ក្នុង​ធុងសំរាម​។​
៤. យក​សំរាម​ទៅ​ចោល​ឲ្យ​បាន​ទៀងទាត់​៖​សំរាម​ដែលមាន​ក្នុង​ធុង​ត្រូវយក​វា​ទៅ​ចោល​រៀងរាល់ថ្ងៃ ហើយ​ធុង​ទៀតសោត​ត្រូវមាន​គម្រប​សម្រាប់​បិត​ជិត ធ្វើ​ដូចនេះ​ទើប​គ្មាន​កាកសំណល់​សម្រាប់​ឲ្យ​កន្លាត​ស៊ី និង​រស់នៅ​បាន​ទៀត​។​
៥. ក្រូចឆ្មារ​៖​សត្វ​ប្រភេទ​នេះ​គឺ​ស្អប់​សារធាតុ​អាស៊ីដ​ខ្លាំងណាស់ដូចនេះ​ត្រូវធ្វើ​ឲ្យ​ផ្ទះ​មាន​ក្លិន​ក្រូចឆ្មារ​ទើប​កន្លាត​វា​មិន​ហ៊ានរស់នៅ​ផ្ទះ​ជាមួយ​អ្នក​បាន។​
៦. សាប៊ូ​និង​ទឹក​៖​យក​សាប៊ូ​លាយ​ជាមួយ​ទឹក​ដាក់​ក្នុង​ដប​មួយ​ហើយ​ពេល​ឃើញ​កន្លាត​ត្រូវយក ទឹក​ដែល​លាយ​រួច​នោះ​បាញ់​លើ​វា នឹង​ពុល​ប្រកាច់​សន្លប់ ឬ​ស្លាប់​តែម្ដង​។​
៧. ស្លឹក​រុក្ខជាតិ​៖​ស្លឹក​រុក្ខជាតិ​ផ្សេងៗ​ដូចជា​ស្លឹក​ក្រូចសើច ស្លឹក​ម្រេច​ជាដើម ដោយ​គ្រាន់តែ​យក​វា​ទៅ​ដាក់​ផ្លូវចេញចូល​របស់​សត្វ​កន្លាត​។ ពេល​ធុំក្លិន​នោះ​វា​នឹង​រត់​ចេញពីផ្ទះ​ដោយ​ខ្លួនឯង​៕
 

ព័ត៌មានលម្អិត
ចុះនៅថ្ងៃទី 04-03-2015, 11:39 AM, អាន 24ដង
រាជធានី​ភ្នំពេញ​៖​នៅ​ព្រឹក​ថ្ងៃ​ពុធ​នេះ តុលាការ​កំពូល​បាន​បើកសវនាការ​លើ​បណ្ដឹង​សុំ​នៅក្រៅ​ឃុំ​របស់​លោកមា​ជ សុវណ្ណារ៉ា និង​សកម្មជន​គណបក្ស​សង្គ្រោះ​ជាតិ​៥​នាក់​ទៀត​។​ប៉ុន្តែ​សកម្មជន គណបក្ស​សង្គ្រោះ​ជាតិ​លោក មា​ជ សុវណ្ណារ៉ា បាន​ថ្លែងថា រូបលោក​មិន​សង្ឃឹមថា​បាន​នៅក្រៅ​ឃុំ​នោះទេ​បើ​គ្មាន​ការចរចា​ពី ថ្នាក់ដឹកនាំ​របស់​គណ​បក្ស​ទាំងពីរ​ដោយ​លោក​អះអាងថា ករណី​របស់លោក​គឺជា​រឿង​នយោបាយ​សុទ្ធសាធ ។ យ៉ាងណាក៏ដោយ​លោក​សង្ឃឹមថា​តុលាការ​នឹង​ប្រើប្រាស់​អំណាច​របស់ខ្លួន​ដោយ ឯករាជ្យ​ដោយ​មិន មាន​រង​សម្ពាធ​នយោបាយ ។  
​គួររម្លឹកថា ក្រោយ​ព្រឹត្តិការណ៍​ហិង្សា​ក្បែរ​ស្ពាន​នាគ​កាលពី​ថ្ងៃទី​១៥ ខែកក្កដា ឆ្នាំ​២០១៤ តុលាការ និង​អាជ្ញាធរ​បាន​ចាប់ខ្លួន​តំណាងរាស្ត្រ និង​សកម្មជន​របស់​គណបក្ស​សង្គ្រោះ​ជាតិ​ជា​បន្តបន្ទាប់ ប៉ុន្តែ​តំណាងរាស្ត្រ និង​សកម្មជន​មួយចំនួន​ត្រូវបាន​ដោះលែង​វិញ​ក្រោយ​កិច្ចព្រមព្រៀង​នយោបាយ របស់​គណបក្ស​ទាំងពីរ កាលពី​ថ្ងៃទី​២២ ខែកក្កដា ឆ្នាំ​២០១៤ ដោយ​គណបក្ស​សង្គ្រោះ​ជាតិ​ព្រម​ចូលធ្វើការ​ក្នុង​សភា ។ ប៉ុន្តែ​លោកមា​ជ សុវណ្ណ​រ៉ា រួមទាំង​សកម្មជន CNRP ដទៃទៀត​មិនត្រូវ​បាន​ដោះលែង​នោះឡើយ ។
​ការកត់សម្គាល់​នៅពេល​សវ​ការ​ព្រឹក​មិញ​នេះ​ក៏មាន​អ្នកគាំទ្រ CNRP ប្រមាណ​២០​នាក់​បាន​ស្រែក​ទាមទារ​នៅ​ខាងក្រៅ​តុលាការ​កំពូល​ឲ្យ​មានការ ដោះលែង​សកម្មជន CNRP ទាំងអស់​ដោយ​គ្មាន​លក្ខខណ្ឌ ៕

ព័ត៌មានលម្អិត
ចុះនៅថ្ងៃទី 04-03-2015, 11:28 AM, អាន 14ដង
​អូស្ត្រាលី​៖​អូស្ត្រាលី​នឹង​បញ្ជូនទាហាន​ចំនួន​៣០០​នាក់​បន្ថែមទៀត​ដើម្បី​ជួយ​ហ្វឹក​ហាត​កងកម្លាំង​អ៊ីរ៉ាក់ វាយ​ប្រឆាំង​ពួក​សកម្មប្រយុទ្ធ​រដ្ឋ​ឥស្លាម ដែល​គម្រោង​បញ្ជូន​កងទ័ព​នេះ​ធ្វើឡើង បន្ទាប់ពី​ទទួលបាន​សំណើ​ពី​សហរដ្ឋអាមេរិក ដើម្បី​ជួយឧបត្ថម្ភ​គាំទ្រ​ចំពោះ​ការហ្វឹកហ្វឺន​កងកម្លាំង​ចម្រុះ​។​នេះ​បើ​យោងតាម​សម្តី​ពី​លោក តូន​អា​ប៊ុត នាយករដ្ឋមន្ត្រី​ប្រទេស​អូស្ត្រាលី​។​
​លោក អា​ប៊ុត មានប្រសាសន៍ថា​ការសម្រេចចិត្ត​នេះ គឺជា​ជំហាន​បន្ទាប់​នៃ​ការចូលរួមចំណែក របស់​ប្រទេស​អូស្ត្រាលី​ក្នុង​កង​ចម្រុះ​អន្តរជាតិ​ដើម្បី​កម្ចាត់​ក្រុម​ISIL​។  លោក អា​ប៊ុត បាន​ប្រាប់​អ្នកយកព័ត៌មាន​ប្រទេស​អូស្ត្រាលី​កាលពី​ឆ្នាំមុន​បាន​ប្ដេជ្ញាចិត្ត​បញ្ជូន​កម្លាំង ៦០០​នាក់ រួមមាន​បុគ្គលិក​កងកម្លាំង​ទ័ពអាកាស​មួយចំនួន ៤០០​នាក់ និង​ទាហាន​កងកម្លាំង​ពិសេស ២០០ នាក់​ដើម្បី​ជួយ​ប្រយុទ្ធ​ប្រឆាំងនឹង​រដ្ឋ​ឥស្លាម​។
​គួរ​បញ្ជាក់ថា ទាហាន​អូស្ត្រាលី​ថ្មី​នឹងចូលរួម ជាមួយ​សមាជិក​កងក​ម្លាំ​ង​ការពារ​ណូ​វែ​ល​សេ​ឡង់​ប្រមាណ ១៤០​នាក់ និង​មាន​មូលដ្ឋាន​នៅ​ទីក្រុង​តាជី​ភាគ​ពាយព្យ​នៃ​ទីក្រុង​បា​ដា​ដ​ប្រទេស​អ៊ីរ៉ាក់​៕

ព័ត៌មានលម្អិត
ចុះនៅថ្ងៃទី 04-03-2015, 11:10 AM, អាន 17ដង
​កីឡា​៖​ខ្សែការពារ​ស្តាំ​សញ្ជាតិ​ប្រេ​ស៊ី​ល របស់​ក្លិប Porto កីឡាករ Danilo ត្រូវបាន​គេ​អះអាងថា ជិត​ផ្លាស់​ទៅកាន់​ក្លិប​បិសាច​ក្រហម Manchester United ហើយ ។  
​កីឡាករ​វ័យ​២៣​ឆ្នាំ​រូបនេះ​មានតម្លៃ​ខ្លួន​ប្រមាណ​៣៧​លាន​ផោន​ហើយ ថ្មីៗ​នេះ​រូបគេ​ក៏​កំពុងមាន​ទំនាក់ទំនង​ជាមួយ​ក្លិប Liverpool និង Barcelona ផងដែរ ។
​គួរ​បញ្ជាក់ថា Danilo ផ្លាស់​ពី Santos មក Porto ក្នុង​ឆ្នាំ ២០១១ ហើយ​បង្ហាញខ្លួន​ឲ្យ​ជម្រើសជាតិ​ប្រេ​ស៊ី​ល​បាន​១១​លើក ៕

ព័ត៌មានលម្អិត
ចុះនៅថ្ងៃទី 04-03-2015, 11:04 AM, អាន 27ដង
រាជធានី​ភ្នំពេញ​៖​ថ្មីៗ​នេះ​លោក​សួន​សេរី រដ្ឋា​ដែល​គេ​ស្គាល់​ថា​ជា​មេ​ចលនា​អំណាច​ពលរដ្ឋ​ខ្មែរ​ហើយ​ដែល​សំណុំរឿង ទាក់ទង​លោក​កំពុងស្ថិត​ក្នុង​ដៃ​តុលាការ​នៅឡើយ​នោះបាន​លើកយក​ករណី សម្តេចក្រុមព្រះ​ន​.​រណឫទ្ធិ និង​លោក សម រង្ស៊ី មក​ធ្វើជា​អំណះអំណាង​ដើម្បី​ស្នើសុំ​បង្កើត​គណបក្សនយោបាយ​អំណាច​ខ្មែរ ។
 លោក សួន សេរី​រដ្ឋា បាន​ថ្លែងប្រាប់​សារព័ត៌មាន​ក្នុងស្រុក​កាលពី​ម្សិលមិញ​ថា សំណុំរឿង​ចោទប្រកាន់​លោក​ស្ថិតនៅក្នុង​ដៃ​តុលាការ​ពិតមែន ប៉ុន្តែ​វា​មិន​ពាក់ព័ន្ធ​ការស្នើសុំ​បង្កើត​គណបក្សនយោបាយ​នោះទេ ព្រោះថា​កន្លងមក កាលពី​ឆ្នាំ​២០០៣ ក្រសួងមហាផ្ទៃ បានទទួល​យល់ព្រម ទទួលស្គាល់​ព្រះអង្គម្ចាស់ នរោត្តម រណឫទ្ធិ ឲ្យ​ធ្វើជា​ប្រធាន​ដឹកនាំ​គណបក្ស នរោត្តម រណឫទ្ធិ ដែល​កាលណោះ ព្រះអង្គម្ចាស់ នរោត្តម រណឫទ្ធិ មានទោស ជា​ពិរុទ្ធជន ដោយ​អំណាច​សាលក្រម​ស្ថាពរ រួចទៅហើយ​។
​ចំណែក​នៅ​ឆ្នាំ ២០១២-២០១៣ កន្លងទៅ​ថ្មី​នេះ ក្រសួងមហាផ្ទៃ ក៏បាន​យល់ព្រម​ទទួលស្គាល់ លោក សម រង្ស៊ី ឲ្យ​ធ្វើជា​ប្រធាន​ដឹកនាំ គណបក្ស​សង្គ្រោះ​ជាតិ ដែល​ពេលនោះ​លោក សម រង្ស៊ី ក៏​ជា​ពិរុទ្ធជន មានទោស ១២​ឆ្នាំ ដោយ​អំណាច​សាលក្រម​ស្ថាពរ (​មិនមាន​ការប្តឹងតវ៉ា​ឡើង​តុលាការ​សាលាឧទ្ធរណ៍​ទេ​)​។
​ដូច្នេះ​ករណី​របស់ខ្ញុំ ថ្វីត្បិតតែ​តុលាការ​សាលាដំបូង បាន​កាត់ទោស​ដាក់គុក ៧ ឆ្នាំ ក៏ពិតមែន តែ​សាលក្រម​នោះ មិនទាន់​ជា​សាលក្រម​ស្ថាពរ​ទេ ព្រោះ​មេធាវី​របស់ខ្ញុំ គឺ លោក សុខ សំអឿន បាន​បន្ត​ដាក់ពាក្យ​ប្តឹង​ទាស់ ទៅ​សាលាឧទ្ធរណ៍ តាំងពី​ថ្ងៃទី​៣ ខែកុម្ភៈ ឆ្នាំ​២០១៥ មកម្ល៉េះ បន្ទាប់ពី​ប្រកាស​សាលក្រម នៅ​ថ្ងៃទី​១៤ ខែមករា ឆ្នាំ​២០១៥​។
​លោក សួន សេរី​រដ្ឋា ថ្លែង​អះអាងថា គណបក្ស​អំណាច​ខ្មែរ នៅតែ​មិន​រាថយ​ចំពោះ​ការទាមទារ​សិទ្ធិ​ស្របច្បាប់ ជា​គណបក្សនយោបាយ ស្របច្បាប់​នេះ​ទេ ។ ពីព្រោះ​រដ្ឋាភិបាល ធ្លាប់បាន​ចោទថា ខ្ញុំ​ជា​មេដឹកនាំ​ចលនា​ខុសច្បាប់ ដែល​តាមពិត ចលនា​អំណាច​ពលរដ្ឋ​ខ្មែរ មានច្បាប់​ត្រឹមត្រូវ​នៅ​អាមេរិក កាណាដា និង​អឺរ៉ុប ។ ដូច្នេះ​ពេលនេះ ខ្ញុំ​បានមក​ដាក់ពាក្យ សុំច្បាប់​ត្រឹមត្រូវ ធ្វើជា​គណបក្សនយោបាយ ស្របតាម​ច្បាប់ ក្នុងប្រទេស​ខ្មែរ​ហើយ ។ ដូចនេះ ក្រសួងមហាផ្ទៃ និង​រដ្ឋាភិបាល​លោក ហ៊ុន សែន ត្រូវតែមាន​ភាពក្លាហាន ទទួល យក​ការស្នើសុំ​ចុះបញ្ជី​គណបក្សនយោបាយ​របស់​គណបក្ស​អំណាច​ខ្មែរ ហើយ​ត្រូវ​បញ្ចប់​ករណី​នៅ​តុលាការ ដែល​ធ្វើការ​ចោទប្រកាន់​ខ្ញុំ គ្មាន​ការពិត​នោះ​ទៅ ដើម្បី​អនុញ្ញាត​ឲ្យ​ខ្ញុំ ចូលទៅ​ដឹកនាំ គណបក្សនយោបាយ​មួយ ស្របច្បាប់ ហើយ​យើង​នឹង​ប្រកួតប្រជែង នយោបាយ​គ្នា ដោយ​សេរី ឲ្យ​ពលរដ្ឋ​ខ្មែរ ធ្វើជា​អ្នកកាត់ក្តី​។ ប្រភពព័ត៌មាន​ពី​មន្ត្រី​ក្រសួងមហាផ្ទៃ​បាន​ឲ្យ​ដឹងថា​ថ្មីៗ​នេះ ក្រសួងមហាផ្ទៃ​ក៏ បានធ្វើ​លិខិត​មួយច្បាប់​ទៅ​រដ្ឋមន្ត្រី ក្រសួងយុត្តិធម៌​ដើម្បី​ស្នើសុំ​ពិនិត្យ​និង​ផ្តល់យោបល់​លើ ទិដ្ឋភាព​ច្បាប់ រឿងក្តី​របស់លោក សួន សេរី​រដ្ឋា ជា​ប្រធាន​ចលនា អំណាច​ពលរដ្ឋ​ខ្មែរ ដែល​កំពុង​ស្ថិតក្នុង នីតិវិធីតុលាការ ដែល​បាន​ស្នើសុំ​បង្កើត គណបក្ស​អំណាច​ខ្មែរ​។
​យោងតាម​លិខិត​របស់លោក ប៉ុល លឹម រដ្ឋលេខាធិការ ក្រសួងមហាផ្ទៃ ផ្ញើជូន​លោក អង្គ វង្សវឌ្ឍានា រដ្ឋមន្ត្រី​ក្រសួងយុត្តិធម៌​កាលពី​ថ្ងៃទី​២៨ ខែកុម្ភៈ ឆ្នាំ​២០១៥ បានសរសេរថា លោក​សួន សេរី​រដ្ឋា តំណាង​ស្ថាបនិក គណបក្ស​អំណាច​ខ្មែរ បានដាក់​ពាក្យស្នើសុំ បង្កើត​គណបក្ស​អំណាច​ខ្មែរ ដែលមាន ទីស្នាក់ការ​កណ្តាល តាំងនៅ​ផ្ទះ​លេខ​១៨​បេ ផ្លូវ​លេខ​៣៨៣ សង្កាត់​បឹង​សាឡាង ខណ្ឌទួលគោក រាជធានី​ភ្នំពេញ​។
​បច្ចុប្បន្ននេះ លោក សួន សេរី​រដ្ឋា បាន​កំពុង​ស្ថិតនៅក្នុង នីតិវិធីតុលាការ តាម​អំណាច​សាលក្រម​លេខ​១៩ ចុះ​ថ្ងៃទី​១៤ ខែវិច្ឆិកា ឆ្នាំ​២០១៤ របស់​ក្រុមប្រឹក្សា​ជំនុំជម្រះ នៃ​សាលាដំបូង​រាជធានី​ភ្នំពេញ ហើយ​រឿងក្តី​នេះ​កំពុង​ស្ថិតនៅក្នុង​បណ្តឹងឧទ្ធរណ៍ តាមរយៈ​លោក សុក សំអឿន ជា​មេធាវី​ការពារ ដែល​បានដាក់​ពាក្យបណ្តឹង កាលពី​ថ្ងៃទី​៣ ខែកុម្ភៈ ឆ្នាំ​២០១៥​។ ដើម្បី​ឲ្យ​ក្រសួងមហាផ្ទៃ មាន​មូលដ្ឋាន​ក្នុងការ​ជូនដំណឹង ទៅ​លោក សួន សេរី​រដ្ឋា តំណាង​ស្ថាបនិក គណបក្ស​អំណាច​ខ្មែរ ស្របតាម​ជំពូក​ទី​២ មាត្រា​៩ វាក្យខណ្ឌ​ទី​១ នៃ​ច្បាប់ ស្តីពី​គណបក្សនយោបាយ សូម​ស្នើ​រដ្ឋមន្ត្រី​ក្រសួងយុត្តិធម៌ មេត្តាជួយ​ផ្តល់យោបល់ អំពី​ករណីនេះ និង​សូម​ឆ្លើយតប​ឲ្យ​បាន ត្រឹម​ថ្ងៃទី​២ ខែមីនា ឆ្នាំ​២០១៥​។
​អ្នកច្បាប់​បានបញ្ជាក់​ថា ករណី​លោក សួន សេរី​រដ្ឋា មិន​ដូចគ្នា​នឹង​ករណី​លោក សម រង្ស៊ី និង​សម្តេចក្រុមព្រះ​ន​.​រណឫទ្ធិ​នោះឡើយ ព្រោះថា​សម្តេចក្រុមព្រះ​និង​លោក សម រង្ស៊ី​ត្រូវបាន​ព្រះមហាក្សត្រ​ប្រទាន​ការលើកលែងទោស គ្រា​ដែល​លោក សួន សេរី​រដ្ឋា សំណុំរឿង​ស្ថិតនៅក្នុង​ដៃ​តុលាការ​នៅឡើយ ៕

ព័ត៌មានលម្អិត
ចុះនៅថ្ងៃទី 04-03-2015, 10:52 AM, អាន 27ដង
រាជធានី​ភ្នំពេញ​៖​បុរស​ជនជាតិខ្មែរ​អ៊ិ​ស្លាម​ម្នាក់​ទើបតែ​ត្រឡប់​មកពី​ធ្វើការ​នៅ​ប្រទេស​ម៉ាឡេស៊ី​បាន​២​ថ្ងៃ ប៉ុណ្ណោះ​ក៏បាន​ធ្វើអត្តឃាត​លោតទឹក​សម្លាប់ខ្លួន​ពីលើ​ស្ពាន​ជ្រោយចង្វា ហើយ​ត្រូវបាន​ក្រុមគ្រួសារ​រកឃើញ​សព និង​ស្រង់​ឡើង​លើគោក​កាលពី​វេលា​ម៉ោង​៧ និង​៣០​នាទី​ព្រឹក ថ្ងៃទី​៤ ខែមីនា ឆ្នាំ​២០១៥​នេះ​។​
​ជនរងគ្រោះ​ឈ្មោះ​ទ​រ៉ស មាន​ហ្សូ​នី​យ៉ា ហៅ​រ៉ូ​នី អាយុ​២១​ឆ្នាំ​ជា​ជនជាតិខ្មែរ​អ៊ិ​ស្លាម​ទៅធ្វើ​ការ​នៅ​ប្រទេស​ម៉ាឡេស៊ី បច្ចុប្បន្ន​ស្នាក់នៅ​ជាមួយ​ម្តាយមីង​នៅ​ភូមិ​ទី​២ សង្កាត់​ជ្រោយចង្វា ខណ្ឌ​ជ្រោយចង្វា​។  
​តាម​ការ​ឱ្យដឹងពី​ស្ត្រី​ឈ្មោះ​សុះ រ៉ូ​ហ៊ី​ម៉ាស អាយុ​៤៦​ឆ្នាំ ជា​អនុ​ប្រធានភូមិ​២ និង​ត្រូវជា​ម្តាយមីង​សព​ជនរងគ្រោះ​បានឱ្យដឹងថា ជនរងគ្រោះ​ត្រូវ​ឪពុក ម្តាយ​បញ្ជូន​ពី​ប្រទេស​ម៉ាឡេស៊ី​មក​កម្ពុជា​នៅ​ថ្ងៃទី​២ មីនា ហើយ​នៅវេលា​ម៉ោង​១ និង​៤៥​នាទី​រសៀល ថ្ងៃទី​៣ ខែមីនា ប៉ុណ្ណោះ​។
​ចំពោះ​មូលហេតុ​ដែល​ជនរងគ្រោះ​ធ្វើអត្តឃាត​នេះ ត្រូវ​ស្ត្រី​ជា​ម្តាយមីង​ប្រាប់​ឱ្យដឹងថា ដោយសារ​រូបគេ​ពិបាក​ចិត្តនឹង​ឪពុក ម្តាយ​ដណ្តឹងប្រពន្ធ​នៅ​កម្ពុជា​ឱ្យ តែ​រូបគេ​មិន​ស្រឡាញ់ ព្រោះ​គេ​បាន​ស្រឡាញ់​នារី​ម្នាក់​ដែល​នៅ​ធ្វើការ​នៅ​ប្រទេស​ម៉ាឡេស៊ី ជាមួយគ្នា​។ តាំងពី​នោះមក​រូបគេ​ចេះតែ​ពិបាកចិត្ត​រហូត​ធ្លាក់ខ្លួន​មាន​ជំងឺសរសៃប្រសាទ ហើយ​ធ្លាប់​ប៉ុនប៉ង​សម្លាប់ខ្លួន​នៅ​ប្រទេស​ម៉ាឡេស៊ី​ដូចជា​ចង​.​ក រត់​ចូល​ឡាន ជាច្រើនលើក​ហើយ តែ​មិនបាន​សម្រេច ទើប​គ្រួសារ​បញ្ជូនមក​ព្យាបាល​នៅ​កម្ពុជា​វិញ មិន​នឹកស្មានថា មកដល់​កម្ពុជា គេ​ធ្វើអត្តឃាត​នោះទេ​៕

ព័ត៌មានលម្អិត
ចុះនៅថ្ងៃទី 04-03-2015, 10:45 AM, អាន 39ដង
រាជធានី​ភ្នំពេញ​៖​លោក​ឧកញ៉ា​គិត​ម៉េង​នឹង​ចូល​រោងការ​ជាមួយ​អតីត​តារា​សម្តែង​និង​ចម្រៀង​អ្នកនាង ស្រី​តូច​ចំណាន​នៅ​ថ្ងៃទី​២០​ខែមីនា​ឆ្នាំ​២០១៥​ខាងមុខនេះ​បើ​យោងតាម​ការអះអាង​រប​ស់​សាច់ញាតិ​ខាង​លោក​ឧកញ៉ា​ផ្ទាល់​។  
​តាម​ការបញ្ជាក់​របស់​សាច់ញាតិ​អាពាហ៍ពិពាហ៍​នោះ​នឹង​ប្រារព្ធ​នៅ​សណ្ឋាគារ​កាំបូឌីយ៉ាណា ជាមួយនឹង​តម្លៃ​ជួល​ក្រុមហ៊ុន​ពិធីការ​រៀបចំ​រហូតដល់​១០​ម៉ឺន​ដុល្លារ ខណៈដែល​មុននេះ​គេ​ល្បី​ថា​អាពាហ៍ពិពាហ៍​របស់​មហា​សេដ្ឋី​ម្នាក់នេះ គ្រោង​ចំណាយ​ដល់​ទៅ​១​លាន​ដុល្លារ​ឯណោះ ។
​យ៉ាងណាក៏ដោយ​ព័ត៌មាន​ស្តីពី​ការរៀប​អាពាហ៍ពិពាហ៍​របស់លោក​ឧកញ៉ា គិត ម៉េង និង​អ្នកនាង ស្រី តូច​ចំណាន ហាក់ដូចជា​មិនទាន់​ភ្ញាក់ផ្អើល​នៅឡើយ ព្រោះ​ភ្ញៀវ​សំខាន់ៗ ដែល​គេ​រំពឹងថា​លោក​ឧកញ៉ា មិនអាច​ចោល​បាន​នោះ​នៅ​មិនទាន់​ទទួលបាន​លិខិតអញ្ជើញ​ចូលរួម​អាពាហ៍ពិពាហ៍ នោះ​នៅឡើយ ។
​មន្ត្រីជាន់ខ្ពស់​រាជរដ្ឋាភិបាល​ម្នាក់ ដែល​ស្និទ្ធ​លោក​ឧកញ៉ា គិត ម៉េង បាន​ឲ្យ​ដឹងថា​រហូតមក​ដល់ពេលនេះ​លោក​មិនទាន់​ទទួលបាន​ធៀប​ការ​នៅឡើយ ហើយ​បើ​លោក​ឧកញ៉ា គិត ម៉េង រៀបការ​មែន​ប្រាកដជា​មិន​ចោល​លោក​ទេ​៕

ព័ត៌មានលម្អិត
ចុះនៅថ្ងៃទី 04-03-2015, 10:40 AM, អាន 18ដង
កីឡា​៖​ក្លិប​មេឃ​ខៀវ Manchester City កំពុងតែ​សម្លឹង​ឃើញ​គ្រូបង្វឹក​របស់​ក្លិប​អធិរាជ​ស Real Madrid លោក Carlo Ancelotti ដើម្បី​មក​ជំនួស​តំណែង​របស់លោក Manuel Pellegrini នៅ​រដូវ​កាល​ក្រោយ ។
 គ្រូបង្វឹក​សញ្ជាតិ​ឈី​លី​រូបនេះ​កំពុង​ប្រឈម​នឹង​ការបណ្តេញ​ចេញពី​តំណែង បន្ទាប់ពី​លោក​ដឹកនាំ Man City មិនបាន​ល្អ​នា​រយៈពេល​ចុងក្រោយ​នេះហើយ​ក្លិប​ជើងឯក Premier League មួយ​នេះ​ក៏​អាច​នឹង​ធ្លាក់​ចេញពី​ការប្រកួត Champions League វគ្គ​១៦​ក្រុម​ចុងក្រោយ​ផងដែរ ។​
 ជាមួយគ្នា​នោះ​យោងតាម​គេហទំព័រ Daily Star បាន​ផ្សព្វផ្សាយ​ថា គ្រូបង្វឹក Diego Simeone របស់​ក្លិប Atletico Madrid ក៏​ស្ថិតក្នុង​បញ្ជី​ចង់បាន​របស់ Man City ផងដែរ ៕

ព័ត៌មានលម្អិត
ចុះនៅថ្ងៃទី 04-03-2015, 10:35 AM, អាន 22ដង
​កូ​ឡុំ​ប៊ី​៖​អាជ្ញាធរ​កូ​ឡុំ​ប៊ី​បាន​ឃាត់​នាវា​ដាក់​ទង់​ជាតិចិន ធ្វើដំណើរ​ទៅកាន់​ប្រទេស​គុយបា​បន្ទាប់ពី​ឆែក​ឃើញ​មានការ​ដឹកជញ្ជូន​រំសេវ​គ្រាប់កាំភ្លើង និង​សម្ភារៈ​ខុសច្បាប់​ផ្សេងៗ​ទៀត​ប្រហែល ១០០​តោន សម្រាប់​ប្រើ​ដើម្បី​ធ្វើជា​គ្រឿង​បំផ្ទុះ ។ នាវា​នេះ​ត្រូវបាន​គេ​ឃាត់​កាលពី​ថ្ងៃ​សៅរ៍​នៅ​កំពង់ផែ​ភាគ​ខាងជើង​នៃ​ទីក្រុង​កាតា​ហេ​ណា នៅលើ​ឆ្នេរសមុទ្រ​កា​រ៉ា​អ៊ី​ប ។​
​លោក លី​ស​ហ្គូ​ន​ហ្សា​លេស ប្រធាន​សមាគមជាតិ​នៃ​ការិយាល័យ​អគ្គ​រដ្ឋអាជ្ញា​បាន​ប្រាប់​អ្នកយកព័ត៌មាន​ថា ការិយាល័យ​អគ្គ​រដ្ឋអាជ្ញា​សាធារណៈ សូម​ប្រកាសថា​ចាប់តាំងពី​ថ្ងៃ​សៅរ៍​ការត្រួតពិនិត្យ​នៃ​នាវា​ចិន​នៅ​កំពង់ផែ​សមុទ្រ​នៃ​កងទ័ព​ជើង ទឹក បាន​រកឃើញ​គ្រឿង​ធ្វើ​ឲ្យ​បំផ្ទុះ​ប្រហែល ១០០​តោន​ក្នុងនោះ​ម្សៅ​រំសេវ​, គ្រាប់ និង​កាណុង​កាំភ្លើង​ធំ​ប្រមាណ ៣០០០ សម្រាប់​បង្កើត​កាំភ្លើង​ធំ និង​បានឃ​ត់​ខ្លួន​ប្រធាន​ក្រុម​នៅលើ​នាវា​នោះ​ផងដែរ​។ ដោយសារតែ​សម្ភារៈ​ទាំងនេះហើយ ទើប​ប្រធាន​ក្រុម​នៃ​នាវា​ចិន​មួយ​នេះ ត្រូវបាន​គេ​ឃុំខ្លួន​នឹងត្រូវ​សម្រេច​ទោស ដោយ​ចៅក្រម​សម្រាប់​ការគ្រប់គ្រង​សន្តិសុខ​នៅក្នុង​ទីក្រុង​កាតា​ហេ​ណា​។​
 យោងតាម​មន្ត្រី​របស់​ប្រទេស​កូ​ឡុំ​ប៊ី​ឲ្យ​ដឹងថា ប្រភេទ​ទំនិញ​ត្រូវបាន​រាយ​នៅក្នុង​កំណត់ត្រា​របស់​នាវា​នេះ​ថា​ជា ផលិតផល​គ្រាប់​ធញ្ញជាតិ​៕

ព័ត៌មានលម្អិត
ចុះនៅថ្ងៃទី 04-03-2015, 10:24 AM, អាន 16ដង
​អ៊ុយ​ក្រែ​ន​៖​ទាហាន​អ៊ុយ​ក្រែ​ន​និយាយថា​ទាហាន​របស់ខ្លួន​ចំនួន​៣​នាក់​បាន​ស្លាប់ និង​៩​នាក់​រងរបួស​ខណៈ​ពួក​ឧទ្ទាម​គាំទ្រ​រុស្ស៊ី​បាញ់​ផ្លោង​កាំភ្លើង​លើ​ទីតាំង​កងទ័ព​រដ្ឋាភិបាល បើទោះជា​កិច្ចព្រមព្រៀង​ឈប់​បាញ់​គ្នា​ចូល​ជា​ធរមាន​ក៏ដោយ​ក៏​ចំនួន​អ្នកស្លាប់ និង​របួស​កើនឡើង​ក្នុង​រយៈពេល​ប៉ុន្មាន​ថ្ងៃនេះ​។​
​ស្នូរ​សម្លេង​គ្រាប់កាំភ្លើង​ធំ​ត្រូវបាន​គេ​លឺ​រន្ទឺ​ជិត​ព្រលានយន្តហោះ​របស់​ទីក្រុង​ដូ​ណេ​ត គ្រប់គ្រង​ដោយ​ពួក​ឧទ្ទាម​ក្នុងប្រទេស​អ៊ុយ​ក្រែ​ន​បើទោះជា​មាន បទ​ឈប់​បាញ់​គ្នា​រយៈពេល ២​សប្ដាហ៍ ទៅហើយ​ក្ដី ពេញទី​តាំង​ពួក​ឧទ្ទាម ពី​ទី​សដៅ​នៃ​ខ្សែត្រៀម​ជួរមុខ​ភី​ស្គី​កាលពី​ម្សិលមិញ​។​
​លោក​ប្រធានាធិបតី​អ៊ុយ​ក្រែ​ន ហៅ​សកម្មភាព នេះ​ជា​ឱកាស​ចុងក្រោយ​សម្រាប់​សន្តិភាពរ​វាង​រដ្ឋធានី​គៀវ និង​ពួក​បំបែក​ដោយ​លោក​ថា ពួកនេះ​ទទួល​ការផ្គត់ផ្គង់​អាវុធ​ពី ប្រទេស​រុស្ស៊ី​។
​គួរ​បញ្ជាក់ថា ប៉ុន្មាន​ថ្ងៃ​ចុងក្រោយ​នេះ​ភាគី​ទាំងសងខាង​ត្រូវបាន​ដក​កាំភ្លើង​ធំ​ពី​ខ្សែត្រៀម​ជួរមុខ​បណ្ដើរៗ​បន្ទាប់ពី​មាន​កិច្ចព្រមព្រៀង​សន្តិភាព​មួយ​ក្រោម​ការសម្របសម្រួល​ពី​ប្រទេស​បារាំង និង​ប្រទេស​អាល្លឺម៉ង់​៕

ព័ត៌មានលម្អិត
ចុះនៅថ្ងៃទី 04-03-2015, 10:12 AM, អាន 27ដង
រាជធានី​ភ្នំពេញ​៖​គណៈកម្មាធិការ​ប្រតិបត្តិ និង​ជា​ប្រធាន​នាយកដ្ឋាន​រដ្ឋបាល របស់​គណៈកម្មាធិការ​ជាតិ អូឡាំពិក​កម្ពុជា (NOCC) លោក ឈួន ឡេង បានទទួល​មរណភាព​ហើយ កាលពី​វេលា​ម៉ោង ១២ និង ១៥​នាទី​យប់ ឈានចូល​ថ្ងៃទី​០៤ ខែមីនា ឆ្នាំ​២០១៥ នៅ​មន្ទីរពេទ្យ​កាល់ម៉ែត ដោយ​រោគាពាធ ។​
​យោងតាម​សេចក្ដីជូនដំណឹង​នៅលើ Facebook របស់ NOCC បាន​ឲ្យ​ដឹងថា លោក ឈួន ឡេង បានទទួល​មរណភាព ក្នុង​ជន្មាយុ ៦៦​ឆ្នាំ ហើយ​លោក​ក៏មាន​តួនាទី ជា​អគ្គលេខាធិការ ដឹកនាំ​សហព័ន្ធ​កីឡា​សី​ប៉ាក់​តា​ក្រ​ផងដែរ ។​
​បច្ចុប្បន្ន​សព​លោក ឈួន ឡេង កំពុង​តម្កល់​នៅ​វត្ត​ថ្វាយ​ដង្គុំ ក្នុង​រាជធានី​ភ្នំពេញ ដើម្បី​ប្រារព្ធ​ពិធីបុណ្យ តាម​ប្រពៃណី​ព្រះពុទ្ធសាសនា ៕

ព័ត៌មានលម្អិត
ចុះនៅថ្ងៃទី 04-03-2015, 10:00 AM, អាន 16ដង
រាជធានី​ភ្នំពេញ​៖​គណៈបញ្ជាការ​ឯកភាព​ខណ្ឌដង្កោ​ដឹកនាំ​ដោ​យតិ​មា​សោភា​អភិបាលរង​ខណ្ឌដង្កោ​ដោយមាន​ការបញ្ជា​ផ្ទាល់ ពី​លោក​នុត​ពុធ​ដា​រ៉ា​អភិបាល​នៃ​គណៈ​អភិបាល​ខណ្ឌដង្កោ បាន​ដឹកនាំ​កម្លាំង​ចុះ​ណែនាំ​ដល់ទី​តាំង​កត់​កន្ទុយលេខ​ក្នុង​មូលដ្ឋានចំនួន ០៣​កន្លែង ឲ្យ​បិទ​ជាបន្ទាន់ ចាប់ពី​រសៀល​ថ្ងៃទី​២ ខែមីនា ឆ្នាំ​២០១៥ នេះ​តទៅ បើ​មិន​គោរព​តាម នឹងមាន​វិធានការ​តាមផ្លូវ​ច្បាប់​។  
​គណៈបញ្ជាការ​ឯកភាព​ខណ្ឌដង្កោ​ដែល​ដឹកនាំ​ដោយ​លោក តិ​មា សោភា អភិបាលរងខណ្ឌ​ដឹកនាំ​កម្លាំង​ចុះ​ណែនាំ​ដល់​ម្ចាស់​ទីតាំង​កត់​កន្ទុយលេខ ទាំង​០៣​ទីតាំង ប្រព្រឹត្តឡើង កាលពី​រសៀល​ថ្ងៃទី​២ ខែមីនា ឆ្នាំ​២០១៥ រួមមាន ០២​ទីតាំង ស្ថិតក្នុង​ភូមិ​ខ្វា សង្កាត់​ដង្កោ និង ០១​ទីតាំង​ទៀត​នៅ​ភូមិ​ទួលសំបូរ សង្កាត់​ព្រៃវែង ខណ្ឌដង្កោ​។
​មន្ត្រី​សាលាខណ្ឌ​ដែល​ចូលរួម​ប្រាប់​ឲ្យ​ដឹងថា អាជ្ញាធរ​ខណ្ឌ​ចុះមក​នេះ គឺ​ដើម្បី​ណែនាំ​ដល់​ម្ចាស់​ទីតាំង​កន្ទុយលេខ​ឲ្យ​ឈប់​លេង​កន្ទុយលេខ បន្តទៀត ព្រោះថា វា​ជា​ល្បែងស៊ីសង​ខុសច្បាប់ ដោយ​អាជ្ញាធរ​ខណ្ឌ​ឲ្យ​ម្ចាស់​ទីតាំង​កត់​កន្ទុយលេខ​ធ្វើ​កិច្ចសន្យា​បញ្ឈប់ ផងដែរ ដើម្បី​កុំ​ឲ្យ​ពួកគាត់​ស្តីបន្ទោស​មកលើ​អាជ្ញាធរ នៅពេលដែល​ចុះបង្ក្រាប​លើ​ក្រោយ​។ ប៉ុន្តែ​បើ​ក្នុងករណី​មិន​ព្រម​នោះ គឺ​អាជ្ញាធរ​ខណ្ឌ​នឹង​ចាត់វិធានការ​តឹងរ៉ឹង​ទៅតាម​នីតិវិធី​។
​ជាមួយគ្នានេះ​ផងដែរ អភិបាលរង​ខណ្ឌដង្កោ​លោក តិ​មា សោភា ក៏បាន​បញ្ជាក់​ឲ្យ​ដឹង ដែរ​ថា ដោយមាន​ការបញ្ជា​ផ្ទាល់​ពី​អភិបាល​នៃ​គណៈ​អភិបាលខណ្ឌ​ដង្កោ​លោក នុត ពុធ​ដា​រ៉ា ទើប​នៅថ្ងៃនេះ​កម្លាំង​គណៈបញ្ជាការ​ឯកភាព​រដ្ឋបាល​ខណ្ឌដង្កោ​ដឹកនាំ​ដោយ រូបលោក​ផ្ទាល់​ចុះ​ដល់ផ្ទះ​ទីតាំង​កត់​កន្ទុយលេខ​ចំនួន​០២​ទីតាំង នៅក្នុង​ភូមិ​ខ្វា សង្កាត់​ដង្កោ និង​០១​ទីតាំង​ទៀត​នៅ​ភូមិ​ទួលសំបូរ សង្កាត់​ព្រៃវែង ខណ្ឌដង្កោ ក្នុង​គោល​ឲ្យ​គាត់​បញ្ឈប់​បន្ទាន់​។
​លោក តិ​មា សោភា បញ្ជាក់ប្រាប់​បន្តថា ជំ​ហ៊ាន​ដំបូង​ណែនាំ​គាត់​សិន​និង​ឲ្យ​គាត់​ធ្វើ​កិច្ចសន្យា ហើយ​បើ​ក្នុងករណី​គាត់​នៅតែ​បន្ត​កត់​កន្ទុយ លេខ​នេះ​ជា​ដដែល​នោះ គឺ​អាជ្ញាធរ​ខណ្ឌ​និង​ចាត់វិធានការ​ទៅតាម​ច្បាប់​។ ក្នុងនោះ​អាជ្ញាធរ​ខណ្ឌ និង​បន្ត​បង្ក្រាប​ល្បែង​កន្ទុយលេខ​ឲ្យ​អស់ នៅ​ទូទាំង​ខណ្ឌ​តែម្តង​។
​លោក​អភិបាលរង​ខណ្ឌដង្កោ តិ​មា សោភា បានលើកឡើង​បន្ថែមថា ដើម្បី​ចូលរួម​អនុវត្ត នូវ​គោលនយោបាយ​ភូមិ​-​សង្កាត់​មាន​សុវត្ថិភាព​ឲ្យ​មាន​ប្រសិទ្ធភាព​ខ្ពស់ ក្នុង​មូលដ្ឋាន គឺ​ដាច់ខាត មិន​អនុញ្ញាត​ឲ្យ​មាន​ល្បែងស៊ីសង​ខុសច្បាប់​ណាមួយ​នៅក្នុង​មូលដ្ឋាន​ឡើយ​៕

ព័ត៌មានលម្អិត
ចុះនៅថ្ងៃទី 04-03-2015, 09:52 AM, អាន 20ដង
​ខេត្តព្រៃវែង​៖​ផ្លូវជាតិ​លេខ​១​បាន​កកស្ទះ ជាង​២​ម៉ោង​ដោយសារ​តែមាន​ហេតុការណ៍​គ្រោះថ្នាក់​ចរាចរណ៍​មួយ​រវាង​រថយន្ត កុងតឺន័រ​មួយគ្រឿង​បើក​បុក​គូទ​ជាមួយ​រថយន្តក្រុង​យ៉ាង ពេញទំហឹង បណ្តាលឱ្យ​រថយន្ត​កុងតឺន័រ​ខ្ទេច​ផ្នែក​ខាងមុខ និង​អ្នកបើកបរ​រងរបួស​ធ្ងន់​-​ស្រាល កាលពី​វេលា​ម៉ោង​០៧​ព្រឹក​ថ្ងៃទី​០៤ មីនា ២០១៥ នេះ ស្ថិតនៅ​ចំណុច​មុខ​ផ្សារ​កំពង់​សិ​ង្អ ឃុំ​កំពង់​សិ​ង្អ ស្រុក​ព្រះស្តេច ខេត្តព្រៃវែង ។  
​សមត្ថកិច្ច​បាន​ចុះ​សម្រួល​ផងដែរ​ប៉ុន្តែ​ទំរាំ​ដោះស្រាយបាន​គឺ​ត្រូវ​ប្រើពេល​ជាង​២​ម៉ោង​ទើប​អាច​ចរាចរ​ឡើងវិញ​បាន ៕

ព័ត៌មានលម្អិត
ចុះនៅថ្ងៃទី 04-03-2015, 09:47 AM, អាន 15ដង
​រាជធានី​ភ្នំពេញ​៖​យោងតាម​សេចក្តីជូនដំណឹង ស្តីពី​ការប្រកាស​រួម​នៃ​លទ្ធផល​កិច្ចប្រជុំ​រវាង​ថ្នាក់ដឹកនាំ តំណាងរាស្ត្រ​គណបក្ស​ប្រជាជន​កម្ពុជា​និង​គណបក្ស​សង្គ្រោះ​ជាតិ​នា​ថ្ងៃទី ២៨​ខែកុម្ភៈ​ឆ្នាំ​២០១៥​នៅ​វិមាន​រដ្ឋសភា គណបក្ស​ទាំង​ពីរបាន​ព្រមព្រៀង​ឯកភាពគ្នា​បើក​សិក្ខាសាលា​លើ សេចក្តីស្នើច្បាប់​ស្តីពី​ការរៀបចំ និង​ការប្រព្រឹត្តទៅ​នៃ​គណៈកម្មាធិការ ជាតិ​រៀបចំ​ការបោះឆ្នោត​និង​សេចក្តីស្នើច្បាប់​ស្តីពី​វិសោធនកម្ម​ច្បាប់ ស្តីពី​ការបោះឆ្នោត​ជ្រើសតាំង​តំណាងរាស្ត្រ គ្រា​ដែល​សិក្ខាសាលា​នោះ​នឹង​ប្រព្រឹត្តទៅ​នៅ​ថ្ងៃ​ចន្ទ​សប្តាហ៍ ក្រោយនេះ ៕

ព័ត៌មានលម្អិត
ចុះនៅថ្ងៃទី 04-03-2015, 09:43 AM, អាន 15ដង
រាជធានី​ភ្នំពេញ​៖​ប្រធាន​គណបក្ស​ហ្វ៊ុនស៊ិនប៉ិច​សម្តេចក្រុមព្រះ​នរោត្តមរណឫទ្ធិ​សម្រេច​ព្រះទ័យ​ចុងក្រោយ​គឺ មិន​រំលាយ​គណៈកម្មាធិការ​អចិន្ត្រៃយ៍ គណៈកម្មាធិការ​នាយក​និង​រចនាសម្ព័ន្ធ ថ្នាក់មូលដ្ឋាន រួមទាំង​មិន​ផ្លាស់ប្តូរ រូប​សញ្ញា​គណបក្ស ដែលជា​សញ្ញា​សម្គាល់​គណ​បក្ស និង​បាវចនា​ជាតិ នោះទេ គឺ​ទុក​ឲ្យ​សមាជ​ក្រុម​ប្រឹក្សាជាតិ ជា​អ្នកសម្រេច នៅក្នុង​សមាជ​ពេញអង្គ នៅ​ថ្ងៃទី​១២ ខែមីនា ឆ្នាំ​២០១៥ ខាងមុខនេះ ។  
​សម្តេចក្រុមព្រះ​បានសម្រេច​ព្រះទ័យ​ដូច្នេះ​បន្ទាប់ពី​ជំនួប​រវាង ព្រះអង្គ​និង លោក ញឹក ប៊ុនឆៃ រយៈពេល​ជិត ២​ម៉ោង កាលពី​រសៀល​៣ ខែមីនា ឆ្នាំ​២០១៥ ដើម្បី​បញ្ចប់​ភាព​តានតឹង នៅក្នុង​ផ្ទៃក្នុង​គណបក្ស ដែល​កំពុងតែ​មានការ​បែកបាក់​៕

ព័ត៌មានលម្អិត
ចុះនៅថ្ងៃទី 04-03-2015, 09:36 AM, អាន 23ដង
អ៊ីរ៉ាក​៖​កងទ័ព​អ៊ីរ៉ាក​បាន​បើក​ការវាយប្រហារ​មកលើ​តំបន់​កាន់កាប់​របស់​ពួក​រដ្ឋ​ឥស្លាម នៅ​តំបន់​ភាគ​ខាងជើង​រដ្ឋធានី​បា​ដា​ដ បានចាប់ផ្តើម​កាលពី​ម្សិលមិញ នៅ​ទីក្រុង​ទី​គ្រី​ត និង​តំបន់​ជុំវិញ​ខេត្ត​សាឡា​ហ៊ូ​ឌី​ន អំឡុង​ប្រតិបត្តិការ​យោធា​ទ្រង់ទ្រាយ​ធំ​បំផុត​មួយ ចាប់តាំងពី​ក្រុម​រ៉ាឌីកាល់​ឥស្លាម​ជ្រុលនិយម​ស៊ុន​នីមួយ​នេះ ដណ្តើមបាន​ការកាន់កាប់​តំបន់​ភាគ​ខាងជើង​ប្រទេស​អ៊ីរ៉ាក់ កាលពី​ខែមិថុនា​ឆ្នាំ​កន្លងទៅ និង​បាន​ឈ្លានពាន​ជិត​មកដល់​រដ្ឋធានី​បា​ដា​ដ​។​
​លោកនាយក​រដ្ឋមន្ត្រី ហៃ​ដឺ អាល់ អា​បា​ឌី បានប្រកាស​ការចាប់ផ្តើម​ប្រតិបត្តិការ​នៅ​ខេត្ត​សាឡា​ហ៊ូ​ឌី​ន ដោយមាន​ការគាំទ្រ​ពី​ក្រុម​ជីវពល​ស៊ី​អ៊ី​ត អំឡុង​ដំណើរ​បំពេញ​ទស្សនកិច្ច​របស់លោក​ម​ក​កាន់​ទីក្រុង​សា​ម៉ា​រ៉ា ដែល​គ្រប់គ្រង​ដោយ​រដ្ឋាភិបាល និង​ជា​កន្លែង​ដែល​ទាហាន និង​ក្រុម​ជីវពល​រដ្ឋ​ស៊ី​អ៊ី​ត ជួបជុំគ្នា សម្រាប់​ការវាយប្រហារ​ទ្រង់ទ្រាយ​ធំ​លើក​នេះ​។​
​ទោះបីជា យ៉ាងណាក៏ដោយ មេបញ្ជាការ​យោធា​មួយរូប​បាន​ឲ្យ​ដឹងថា សង្គ្រាម​នេះ​នឹង​ជួប​ការលំបាក​ច្រើន ម្យ៉ាង​ដោយសារ​ស្ថានភាព​ទីតាំង និង​ផែន​ការដែល​បានកំណត់ ធ្វើយ៉ាងណា​បោសសំអាត​ឲ្យ​អស់​ពួក​សកម្មប្រយុទ្ធ​រដ្ឋ​អ៊ិ​ស្លាម​។ ដោយឡែក មន្ត្រី​មួយរូប​របស់​សហរដ្ឋ​អាមេរិក បាន​ឲ្យ​ដឹងថា ការវាយប្រហារ​មកលើ​រដ្ឋធានី​ម៉ូ​ស៊ូ​ល ដែលជា​ទីក្រុង​ធំ​បំផុត​ស្ថិតក្រោម​ការគ្រប់គ្រងរ​បស់​ពួក​រដ្ឋ​ឥស្លាម អាច​នឹង​ចាប់ផ្តើម​នៅ​ដើម​ខែមេសា​ខាងមុខ ប៉ុន្តែ​ក្រុមមន្ត្រី​អ៊ីរ៉ាក់ បដិសេធន៍​មិន​អះអាង​កាលបរិច្ឆេទ​មួយ​នេះឡើយ​។​
​គួរ​បញ្ជាក់ថា នៅ​ខេត្ត​សាឡា​ហ៊ូ​ឌី​ន ក្រុម​សកម្មប្រយុទ្ធ​រដ្ឋ​ឥស្លាម គ្រប់គ្រង​បាន​តំបន់​កាន់កាប់​ជាច្រើន ដែល​រួមមាន​ទាំង​ទីក្រុង​កំណើត​ទី​គ្រី​តរបស់​អតីត​ប្រធានាធិបតី ប្រហារជីវិត​សា​ដាម ហ៊ូ​សេន និង​ទីក្រុង​ជាច្រើន​ទៀត តាម​ដង​ទន្លេ​ទី​ហ្គ្រី​ស​៕

ព័ត៌មានលម្អិត
ចុះនៅថ្ងៃទី 04-03-2015, 09:28 AM, អាន 14ដង
ក្រុង​ម៉ានីល​៖​ប្រជាពលរដ្ឋ​រាប់ពាន់​គ្រួសារ​អត់​មានផ្ទះ​សម្បែង​ស្នាក់នៅ ក្រោយ​អគ្គិភ័យ​ដ៏​ធំ​មួយ​បាន​លេប​ត្របាក់​តំបន់​សហគមន៍​ក្រីក្រ​មួយកន្លែង ស្ថិតនៅក្នុង​តំបន់​ទីប្រជុំជន​ក្រុង​ម៉ានីល ប្រទេស​ហ្វីលីពីន ដោយបាន​បំផ្លិចបំផ្លាញ​ផ្ទះ​ប្រជាពលរដ្ឋ​គ្មាន​សល់​។​
​ក្រុម​អាជ្ញាធរ​បាន​ឲ្យ​ដឹងថា អគ្គិភ័យ​បាន​ឆាបឆេះ​ឡើង​កាលពី​រាត្រី​ថ្ងៃ​ចន្ទ និង​បាន​បន្ត​ឆេះ​រហូត​ជាង​១២​ម៉ោង ហើយ​បាន​រីក​រាលដាល​យ៉ាង​ឆាប់រហ័ស​ដល់​តំបន់​ជិតខាង​។ មកទល់នឹង​ពេលនេះ នៅ​មិនទាន់មាន​សេចក្តីរាយការណ៍​ពី​ចំនួន​អ្នក​គ្រោះថ្នាក់​នោះទេ​។​
​ដោយឡែក នាយកដ្ឋាន​សុខុមាលភាព​សង្គម​ហ្វីលីពីន បាន​ឲ្យ​ដឹងថា ប្រជាពលរដ្ឋ​ជាង​១​ម៉ឺន​គ្រួសារ ត្រូវបាន​ជម្លៀសចេញ​ទៅរក​ទី​សុវត្ថិភាព ក្នុងនោះ​ប្រជាពលរដ្ឋ​ជិត​៥​ពាន់​គ្រួសារ កំពុង​ស្ថា​ក់នៅ​ជំរុំ​បណ្តោះអាសន្ន​នៅ​ជុំវិញ​តំបន់​ទីប្រជុំជន​ក្រុង ម៉ានីល​។​
​ទោះបីជា យ៉ាងណាក៏ដោយ មូល​ហេតុដែល​បណ្តាល​ឲ្យ​អគ្គីភ័យ​នេះ​ឆាប់ឆេះ គេ​នៅ​មិនទាន់​ដឹង​នោះទេ ខណៈដែល​ការស៊ើបអង្កេត​កំពុង​បន្ត​។​
​គួរ​បញ្ជាក់ថា គ្រោះ​អគ្គិភ័យ​បានកើត​មាន​៦១៥​ករណី​រួចមកហើយ​នៅក្នុង​ទីក្រុង​ម៉ានីល ចាប់តាំងពី​ខែមករា​ឆ្នាំ​២០១៥ ដែល​ករណី​ភាគច្រើន​ផ្តើមចេញពី​ការ​ទុស្សេ​ខ្សែភ្លើង​៕

ព័ត៌មានលម្អិត
ចុះនៅថ្ងៃទី 04-03-2015, 09:18 AM, អាន 15ដង
​កីឡា​៖​ក្រុម​Borussia Dortmund បានទទួល​ជ័យជម្នះ​លើ​ក្រុម Dyanmo Dresden ដោយ​លទ្ធផល ២-០ ក្នុង​ពានរង្វាន់ German Cup ប៉ុន្តែ​ជា​អកុសល​កីឡាករ Marco Reus ដែលជា playmaker នោះបាន​រងរបួស​ជើង​៕
 

ព័ត៌មានលម្អិត
ចុះនៅថ្ងៃទី 04-03-2015, 09:09 AM, អាន 18ដង
កីឡា​៖​អ្នកលេង​កណ្ដាប់ដៃ ពេជ្រ សីហា ចេញទៅ​ប្រកួត​ក្នុង​ព្រឹត្តិការណ៍​កំពូល​ថៃ Thai Fight នៅ​ថ្ងៃ នេះ ហើយ​ត្រូវ​ប្រឈម​នឹង​កំពូល​អ្នក​ប្រដាល់​ថៃ​ម្នាក់ ខណៈ​រូបគេ​មិនទាន់​ស្គាល់​ច្បាស់​នៅឡើយ​។​
​អ្នក​ប្រដាល់​មកពី​ខេត្តតាកែវ ពេជ្រ សីហា ប្រាប់ថា គេ​ចង់​សាក​ប្រកួត​នៅ Thai Fight ម្ដង ពីព្រោះ​ឃើញ​កីឡាករ​កម្ពុជា​មួយចំនួន​ចេញទៅ​ប្រកួត​ច្រើនតែ​បរាជ័យ និង​ពិបាក​តស៊ូ​យកឈ្នះ ពីព្រោះ​អត់​ពាក់​ហ្គ​ង់​ដៃ​។​
​ពាក់ព័ន្ធ​នឹង​ការប្រកួត​នេះ ពេជ្រ សីហា ថា មិន​ហ៊ាន​មានសង្ឃឹម​ច្រើន​ទេ​គឺ​ប្រហែល​៥០%​ប៉ុណ្ណោះ ពីព្រោះ​ជា​លើកដំបូង និង ជាការ​ប្រកួត​លើក​ទឹកដី​របស់គេ​។ ទោះបីជា​យ៉ាងណា កីឡាករ​រូបនេះ​នៅ​មិនទាន់​ដឹង​ច្បាស់​ថា​ដៃគូ​របស់ខ្លួន​ឈ្មោះ​អ្វី និង​មានបទពិសោធន៍​យ៉ាងណា​នោះទេ​។​
​គួរ​បញ្ជាក់ថា ការប្រកួត​នៅ Thai Fight ដែល​មានតែ​៣​ទឹក និង​អត់​ហ្ក​ង់​ដៃ​នេះ កីឡាករ​កម្ពុជា​មួយចំនួន​ដែល​បាន​ទៅ​ប្រកួត​មិនទាន់​ស្គាល់​ពាក្យ ជ័យជម្នះ​នៅឡើយ​ទេ​ក្នុង​រយៈពេល​ប៉ុន្មាន​ចុងក្រោយ​នេះ​ដូចជា កែវ រំ​ចង់​, វង្ស ណ​យ​, សេន ប៊ុន​ថេ​ន​, អ៊ុង វិ​រៈ​ជាដើម​៕
 

ព័ត៌មានលម្អិត
ចុះនៅថ្ងៃទី 04-03-2015, 11:34 AM, អាន 11ដង
រាជធានី​ភ្នំពេញ​៖​ភរិយា​របស់​ប្រធានាធិបតី​សហរដ្ឋអាមេរិក​លោកស្រី​Michelle Obama​នឹង​មក​បំពេញ​ទស្សនកិច្ច​នៅ​កម្ពុជា​នៅ​ថ្ងៃទី​២១​ខែមីនា​ឆ្នាំ​២០១៥ ខាងមុខនេះ​ដែលជា​ផ្នែក​មួយ​នៃ​គំនិត​ផ្តួចផ្តើម​កម្មវិធី Let Girls Learn Initiative«​ឲ្យ​ក្មេងស្រី​រៀន​»​។  
​សេចក្តីប្រកាស​ព័ត៌មាន​របស់​ស្ថានទូត​អាមេរិក​ចេញផ្សាយ​នៅ​ថ្ងៃ​អង្គារ នេះ ឲ្យ​ដឹងថា​លោកស្រី Michelle Obama នឹងធ្វើ​ដំណើរ​ទៅ​ប្រទេស​ជប៉ុន និង​កម្ពុជា អំឡុងពេល​ធ្វើដំណើរ​ចាប់ពី​ថ្ងៃទី​១៨​ដល់​ថ្ងៃទី​២២​ខែមីនា ឆ្នាំ​២០១៥​។  
​លោកស្រី​នឹង​ចំណាយពេល​នៅ​ទីក្រុង​តូ​ក្យ ប្រទេស​ជប៉ុន ចាប់ពី​ថ្ងៃទី​១៨​ដល់​ថ្ងៃទី​១៩​ខែមីនា​។ បន្ទាប់មក​លោកស្រី​នឹងធ្វើ​ដំណើរ​ទៅ​ខេត្តសៀមរាប ប្រទេស​កម្ពុជា​ចាប់ពី​ថ្ងៃទី​២១​ដល់ទី​២២​ខែមីនា​។
​លោកស្រី​នឹងដាក់​សម្ពោធ​កម្មវិធី​«Let Girls Learn international girls education initiative»​។ លោកស្រី​នឹងត្រូវ​អមដំណើរ​ដោយ​នាយក​Peace Corps លោកស្រី​Carrie Hessler-Radelet​។ កម្ពុជា​ជា​ប្រទេស​១​ក្នុងចំណោម​១១​ប្រទេស​ដំបូង ដែល​ត្រូវបាន​បញ្ចូល​ទៅក្នុង​កម្មវិធី​«Let Girls Learn Peace Corps initiative»​នៅក្នុង​ឆ្នាំ​ដំបូង​នេះ​។
​សេចក្តីប្រកាស​បញ្ជាក់ថា​នៅ​កម្ពុជា​លោកស្រី Michelle Obama និង​លោកស្រី​Hessler-Radelet នឹង​ពិនិត្យមើល​ឲ្យ​ដិតដល់​ថា​តើ​ដំណោះស្រាយ​បែបណា​សម្រាប់​សហគមន៍​នឹង ផ្លាស់​ប្តូរជីវិត​របស់​ក្មេងស្រី ដែល​នេះ​ជា​ធាតុ​សំខាន់​សម្រាប់​កម្មវិធី​«Let Girls Learn Peace Corps»៕

ព័ត៌មានលម្អិត
ចុះនៅថ្ងៃទី 04-03-2015, 08:50 AM, អាន 22ដង
ដោយ​៖​អ៊ួ​ង វ៉ឹ​ង​
​ខេត្តកំពត
​៖​ដោយ​សម្លឹង​ឃើញដំណាំម្រេចកំពុងមាន​ទីផ្សារ​ល្អ និង​មានតម្លៃ​ខ្ពស់ ​ប្រជាពលរដ្ឋ​រស់នៅ​ភូមិ​អង្គរជ័យ ឃុំ​ដំណាក់​កន្ទួត​ខាងត្បូង ស្រុក​កំពង់ត្រាច ប្រមាណ​ជាង​១០០​គ្រួសារ​បាននាំគ្នា​ដាំ​ដំណាំ​ម្រេច​។​
​លោក អ៊ុំ ខ្មៅ ឌន អាយុ​៧២​ឆ្នាំ​ជា​កសិករ​ដាំ​ម្រេច​នៅ​ភូមិ​អង្គរជ័យ​បានអោយដឹងថា ក្នុង​ការដាំ​ម្រេច​យើង​ត្រូវតែ​ធ្វើ​ដី​អោយ​ស្អាត​ពេលនោះ​យើង​ត្រូវ​ដាំ​ហើយ​យកចិត្តទុកដាក់​និង​ថែទាំ​អោយបាន​គ្រប់ពេលវេលា​។ លោក​អ៊ុំ​បាន​បន្តទៀតថា ក្នុង​ការដាំ​ម្រេច​យើង​ត្រូវ​ប្រើ​រយៈពេល​៣​ឆ្នាំ​ទើបបាន​យើង​ទទួលផល​ពេញលេញ ហើយ​ម្រេច​យើង​បែង​ចែកចេញជា​៣​ប្រភេទ ទី​១ ម្រេចខ្មៅ ទី​២ ម្រេចសរ ទី​៣ ម្រេច ក្រហម​។ ចំណែក​តំលៃ​ក៏​វា​ខុសគ្នា​ដែរ ម្រេច ពណ៌​ខ្មៅ ក្នុង​១​គីឡូក្រាម តំលៃ​១៤​ដុល្លារ ម្រេច​ពណ៌ ក្រហម ១​គីឡូក្រាម​តំលៃ​២៤​ដុល្លារ ម្រេច​ពណ៌ សរ ក្នុង​១​គីឡូក្រាម តំលៃ​២៥​ដុល្លារ ព្រោះ​ម្រេច​មាន​តំលៃ​ថ្លៃ បានជា​ពួកគាត់​នាំគ្នា​ដាំ​បែបនេះ​។​
​លោក ងួន ឡាយ ប្រធាន សមាគម​ម្រេច​កំពត បានអោយដឹងថា មាន​ប្រជាពលរដ្ឋ​ចំនួន​២៤៣​គ្រួសារ​ជា​ផលិតករ​និង​មាន​ក្រុមហ៊ុន​ចំនួន​១៧​ក្រុមហ៊ុន​ដែល​ទិញ​ម្រេច​យើង​តាមរយៈ​សមាគម​ម្រេច​កំពត​៕

ព័ត៌មានលម្អិត
ចុះនៅថ្ងៃទី 04-03-2015, 08:39 AM, អាន 15ដង
រាជធានី​ភ្នំពេញ​៖​នារី​ម្នាក់​បើករថយន្ដ​ម៉ាក​កាមរី​មួយគ្រឿង​ក្នុង​ល្បឿន​លឿន ហើយ​វ៉ា​រថយន្ដ​ហាយ​ឡែ​ន​ឌ័​រ​មួយគ្រឿង​ទៀត ក៏​ជ្រុល​បុក​ម៉ូតូ​កង់​បី​មួយគ្រឿង​ខ្ទា​ត់ទៅ​ប៉ះ​ម៉ូតូ​២​គ្រឿង​ទៀត​ដែល​កំពុង​ចត​នៅលើ​ចិញ្ចើមផ្លូវ បណ្ដាល​ឲ្យ​ម៉ូតូ​ទាំង​២​គ្រឿង​និង​ម៉ូតូ​កង់​បី ដួល​គរ​លើ​គ្នា​រង​ការ​ខូច​ខា​ច​យ៉ាងដំណំ ។ ចំណែក​នារី​អ្នកបើកបរ​រថយន្ដ​ភ្លាមនោះ​ក៏​បើក​រត់គេចខ្លួន តែ​ត្រូវ​ប្រជាពលរដ្ឋ​និង​សមត្ថកិច្ច តាម​ឃាត់​រថយន្ដ​បាន យកមក​ធ្វើការ​ដោះស្រាយ ។
​ហេតុការណ៍​នេះ​កើតឡើង​កាលពី​វេលា​ម៉ោង ១០​និង​១០​នាទី​យប់ ថ្ងៃទី​៣ ខែមីនា ឆ្នាំ ២០១៥ នៅតាម​បណ្ដោយ​មហាវិថី​ព្រះស៊ីសុវត្ថិ មុខ​ហាង​លក់​ស៊ុប យីហោ កុលាប​ដូនពេញ ស្ថិតក្នុង​សង្កាត់​ស្រះចក ខណ្ឌដូនពេញ ៕

ព័ត៌មានលម្អិត
ចុះនៅថ្ងៃទី 04-03-2015, 08:29 AM, អាន 15ដង
រាជធានី​ភ្នំពេញ​៖​របាំង​ថ្ម​ពុះ​ចែក​ទ្រូងផ្លូវ​បាក់​អស់​៣​កង់​ដោយសារ​បុរស​ម្នាក់​ទំនង​ស្រវឹង​បាន​បើករថយន្ត កូរ៉ូឡា មួយគ្រឿង ទៅបុក ហើយ​ទ្រូង​រថយន្ត​កល់​ជាប់​នឹង​របាំង​ថ្ម​ទៅមុខ​លែងរួច ។ ហេតុការណ៍​នេះ​កើតឡើង​នៅវេលា​ម៉ោង ១​និង​៤០​នាទី រំលងអធ្រាត្រ ឈានចូល​ថ្ងៃទី​០៤ ខែមីនា ឆ្នាំ​២០១៥ នៅ​ចំណុច​ស្តុ​ប​ណាន​ជី​ង  តាម​បណ្តោយ​វិថី​កម្ពុជា​ក្រោម កែង​ផ្លូវ​លេខ ១៦៩ ក្នុង​សង្កាត់​វាលវង់ ខណ្ឌ​៧​មករា ។
​ក្រោយ​កើតហេតុ​ម្ចាស់​រថយន្ត​បង្ក​បាន​ចុះ​ពី​ក្នុង​រថយន្ត រួច​ជិះ​ម៉ូតូឌុប​គេចខ្លួនបាត់​តែម្តង ដោយ​បន្សល់ទុក​តែ​រថយន្ត​នៅ​កន្លែងកើតហេតុ​តែប៉ុណ្ណោះ ។​
​ចំណែក​រថយន្ត​សមត្ថកិច្ច​ប៉ូលិស​ធ្វើការ​វាស់វែង​ហើយ​ស្ទូច​យកទៅ​រក្សា ទុក​នៅ​ការិយាល័យ​ចរាចរណ៍​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចាត់ការ​ទៅតាម​ផ្លូវច្បាប់ ៕

ព័ត៌មានលម្អិត
ចុះនៅថ្ងៃទី 03-03-2015, 03:50 PM, អាន 32ដង
រាជធានី​ភ្នំពេញ​៖​នៅក្នុងសេចក្តីថ្លែងការណ៍​ដែល​ទើប​និង​ចេញផ្សាយ​នៅមុននេះ​បន្តិច​ក្លឹប​អ្នកកាសែត កម្ពុជា​(​កអក​)​បាន​បញ្ចេញ​ប្រតិកម្ម​ទៅ​និង​ការចាប់ខ្លួន​អ្នកកាសែត នៅក្នុង​ខេត្តព្រះវិហារ​ជា​បន្តបន្ទាប់​ដែល​ធ្វើ​ឲ្យ​សាធារណមតិ​រិះគន់ យ៉ាងខ្លាំង​ទៅ​ប្រព័ន្ធតុលាការ​ដែល​ប្រើប្រាស់​ឆន្ទានុសិទ្ធិ​ជ្រុល​ហួសហេតុ ដែលជា​ការគំរាមកំហែង​ដល់​ការប្រកប​វិជ្ជា​ជី​វះ​របស់​អ្នក​សារពត៌មាន ដែល​មានចែង​ក្នុង​ច្បាប់​៕

ព័ត៌មានលម្អិត
ចុះនៅថ្ងៃទី 03-03-2015, 03:42 PM, អាន 60ដង
អ៊ីរ៉ាក​៖​កងកម្លាំង​រដ្ឋាភិបាល​អ៊ីរ៉ាក់​បាន​បើក​ការវាយលុក​ទ្រង់ទ្រាយ​ធំ​មួយ​ដោយ​កេណ្ឌ​ប្រមូល​កម្លាំង​ដល់​ទៅ​ប្រមាណ​ជា​៣០.០០០​នាក់ ព្រមទាំង​កង​យន្តហោះ​ដើម្បី​វាយ​រំដោះ​ទីក្រុង​ទី​គ្រី​ត ស្ថិតនៅ​ចម្ងាយ​១៦០ គ​.​ម ខាងជើង​ក្រុង​បា​ដា​ដ​ពី​ក្រុម​រដ្ឋ​ឥស្លាម​វិញ​កាលពី​ថ្ងៃទី ២​មីនា ។ ទោះបីយ៉ាងណា កងកម្លាំង​ទាំងនេះ​ទទួល​បរាជ័យ​ច្រើនលើក​មកហើយ​ក្នុងការ​ប៉ុនប៉ង​វាយ រំដោះ​ទីក្រុង​ទី​គ្រី​ត​ជា​ក្រុង​កំណើត​របស់លោក​សា​ដាម​ហ៊ូ​សេន ។​
​នាយទាហាន កងទ័ព​អ៊ីរ៉ាក់​ម្នាក់​អះអាងថា ការវាយលុក​ដែល​ចាប់ផ្តើម​ពី​ព្រឹក​ថ្ងៃទី​២ មីនា​ទៅជា​ការប្រយុទ្ធ​ដែល​ប្រមូល​កម្លាំង​ធំ​បំផុត​នា​លើក​នេះ ចាប់តាំងពី​ក្រុម​រដ្ឋ​ឥស្លាម​ដណ្តើម​កាន់កាប់​ពី​ខែមិថុនា ឆ្នាំ​២០១៤ នូវ​ដែនដី​អី​ុ​រ៉ា​ក់​មួយផ្នែកធំ​មក ។ នាយទាហាន​រូបនេះ​បន្តថា បណ្តា​យន្តហោះ​ប្រដេញ​ទម្លាក់​គ្រាប់បែក បណ្តា​ឧទ្ធម្ភាគចក្រ ព្រមទាំង​កងកាំភ្លើងធំ​ជួយ​ទ្រទ្រង់​ក្នុង​ការវាយរំដោះ​ក្រុង​ទី​គ្រី​ត ពិសេស​ពេល​កងទ័ព​កំពុង​រុលទៅមុខ និង​កាត់ផ្តាច់​បណ្តា​ផ្លូវ​ផ្គត់ផ្គង់ ។ កងកម្លាំង​សន្តិសុខ​វាយលុក​ចេញពី​មុខព្រួញ​៣ ។​
​មន្ទីរ​ប៉ង់​តា​ហ្គោ​ន​បញ្ជាក់ថា បណ្តា​ប្រភពព័ត៌មាន​យោធា​រៀបរាប់​ពី​កង​យន្តហោះ​អ៊ីរ៉ាក់​ចូលរួម​ក្នុង ប្រតិបត្តិការ ក៏ប៉ុន្តែ​ក្រុមចម្រុះ​អន្តរជាតិ​នាំមុខ​ដោយ​សហរ​រដ្ឋ​អាមេរិក ពុំបាន​ចូលរួម​វាយប្រហារ​ឡើយ ព្រោះ​រដ្ឋាភិបាល​អ៊ីរ៉ាក់​ពុំបាន​ស្នើសុំ ។
​មេបញ្ជាការ យោធា​ខេត្ត​សាឡា​ហ៊ុដ​ឌី​ដ ដែលមាន​ទីក្រុង​ទី​គ្រី​ត​ដែរ​គូសបញ្ជាក់ថា ការវាយលុក​នោះ​មាន​សារសំខាន់​ទាំង​ខាង​យុទ្ធសាស្ត្រ ទាំង​ខាង​និមិត្តរូប ។ ទិសដៅ​ប្រាកដ​ណាស់​គឺ​រំដោះ​ខេត្ត​នេះ ដើម្បីឱ្យ​ជនភៀសខ្លួន​វិល​មកវិញ ។ ម្យ៉ាងទៀត​ខេត្ត​សាឡា​ហ៊ុដ​ឌី​ន ស្ថិតនៅ​តាមផ្លូវ​ឆ្ពោះទៅ​វាយ​រំដោះ​ទីក្រុង​ម៉ូ​ស​ស៊ុ​ល​ជាទី​ក្រុង​ធំ ទី​២​របស់​ប្រទេស ស្ថិតនៅ​ចម្ងាយ​៣៥០​គ​.​ម ភាគ​ខាងជើង​ក្រុង​បា​ដា​ដ ដែល​ធ្លាក់​ក្នុង​កណ្តាប់ដៃ​ក្រុម​រដ្ឋ​អ៊ិ​ស្លាម ។​
​យោងតាម នាយទាហាន​អ៊ីរ៉ាក់​ថា កងកម្លាំង​ដែល​ចូលរួម​ក្នុងការ​ប្រយុទ្ធ​រំដោះ​ក្រុង​ទី​គ្រី​ត គឺ​កង​ទាហាន កងកម្លាំង​ប៉ូលិស បណ្តា​កងឯកភាព​ប្រឆាំង​ភេរវកម្ម បណ្តា​ក្រុម​អ្នកស្ម័គ្រចិត្ត ពិសេស​ពួក​ស៊ី​អ៊ី​ត ព្រមទាំង​ពួក​កុលសម្ព័ន្ធ​ស៊ុន​នី​ត មូលដ្ឋាន​ដែល​ប្រឆាំង​ពួក​រដ្ឋ​ឥស្លាម​៕

ព័ត៌មានលម្អិត
ចុះនៅថ្ងៃទី 03-03-2015, 03:28 PM, អាន 30ដង
រាជធានី​ភ្នំពេញ​៖​ក្នុង​គោលបំណង​បង្កើន ស្មារតី​រួមគ្នា​ក្នុងការ​កាត់បន្ថយ​ការចម្លង​បទ​ចម្រៀង​របស់​បរទេស​ជា បណ្តើរៗ​និង​រួមគ្នា​បង្កើត​ស្នាដៃ​តែង​និពន្ធ​បទ​ភ្លេង​និង​ទំនុកច្រៀង ថ្មី​ដោយ​ខ្លួនឯង ក្រសួង​ព័ត៌មាន​បានរៀបចំ​មហោស្រព​តន្ត្រី​និង​ចម្រៀង​សម័យ​ថ្នាក់ជាតិ​ឆ្នាំ ២០១៥ ដែល​គ្រោង​នឹង​ចាប់​ផ្តើមឡើង​នៅ​អំឡុង​ខែកក្កដា និង​ខែសីហា​ឆ្នាំ​២០១៥​ខាងមុខនេះ ។   
​ថ្លែង​នៅក្នុង​សន្និសីទ​សារព័ត៌មាន​នា​ថ្ងៃទី​៣ ខែមីនា​ឆ្នាំ​២០១៥​នេះ លោក ខៀវ កាញារីទ្ធ រដ្ឋ មន្ត្រី​ក្រសួង​ព័ត៌មាន​មាន​ប្រសា​ស៍​ថា ការរៀបចំ​មហោស្រព​ត​ន្ត្រី​និង​ចម្រៀង​សម័យ​ថ្នាក់ជាតិ​ឆ្នាំ​២០១៥​នេះ ជាការ​រៀបចំ​លើក​ទី​៣​របស់​ក្រសួង​ព័ត៌មាន​បន្ទាប់ពី​អាក់ខាន​រយះពេល​២​ឆ្នាំ ដោយសារតែ​ក្រសួង​មាន​ការងារ​ច្រើន​ដើម្បី​បំពេញ​រួមទាំង​កង្វះខាត​ថវិកា ផងដែរ​។
​លោក​រដ្ឋមន្ត្រី​បញ្ជាក់ថា ការរៀបចំ​មហោស្រព​ក​ន្ល​ង​មកនេះ​ក្រសួង​បាន​ខិតខំ​និង​ព្យាយាម​មិន​យក ថវិការដ្ឋ​មក​ចំណាយ​នោះទេ ប៉ុន្តែ​បាន​ស្វះ​ស្វែងរក​ដៃគូ​សំខាន់​ក្រុមហ៊ុន​និង​សប្បុ​ជន​ដើម្បី ចូលរួមចំណែក​ក្នុងការ​រៀបចំ​និង​ប្រព្រឹត្តទៅ​នៃ​មហោស្រព​ដ៏​មាន​សារៈសំខាន់​នេះ ។  
​លោក ខៀវ កាញារីទ្ធ ក៏បាន​ថ្លែងអំណរគុណ​ផងដែរ​ចំពោះ​សប្បុ​ជន​ដែល​បាន​ចូលរួមចំណែក​ក្នុង ការរៀបចំ​មហោស្រព​ឲ្យ​ប្រព្រឹត្តិ​ទៅដោយ​រលូន​និង​ទទួលបាន​ជោគជ័យ​ក្នុងនោះ អរគុណ​ចំពោះ​សិល្បករ​សិល្បការិនី​ដែល​បាន​ចំណាយពេល​វេលា​និង​កំលាំង ចូលរួម​ប្រកួតប្រជែង​ក្នុង​មហោស្រព​បើទោះបីជា​មិនជា​ប់​ចំណាត់ថ្នាក់​រឺក៏ ទទួលបាន​រង្វាន់​ជ័យលាភី​តិចតួច​ក៏ដោយចុះ ហើយ​ស្មារតី​ទាំងនោះ​បានបង្ហាញ​នូវ​គំនិត​រួមគ្នា​ដើម្បី​កាត់បន្ថយ ការចម្លង​បទ​ចម្រៀង​របស់​បរទេស​ជា​បណ្តើរៗ និង​រួមគ្នា​បង្កើត​ស្នាដៃ​តែង​និពន្ធ​បទ​ភ្លេង​និង​ទំនុកច្រៀង​ថ្មី​ដោយ ខ្លួនឯង​សំដៅ​លើកកម្ពស់​សិល្បៈ​វប្បធម៌​ខ្មែរ​។  
​លោក ជា ច័ន្ទ​បរិបូរ​ណ៌ រដ្ឋលេខាធិការ​ក្រសួង​ព័ត៌មាន បាន​រំលឹកថា ព្រឹ​តិ្ត​ការណ៍​នេះ ធ្លាប់បាន​កើតឡើង​៣​ដង​រួចមកហើយ​គឺ​ម្តង​នៅក្នុង​ឆ្នាំ​១៩៦៣ នាទី​ក្រុងកែប​ក្នុង​រជ្ជកាល​ដ៏​រុងរឿង​របស់ ព្រះករុណា​ព្រះមហាវីរក្សត្រ​ព្រះ​វ​រាជបិតា​ជាតិខ្មែរ បូរណភាព​ទឹកដី​និង ឯកភាព​ជាតិខ្មែរ ព្រះ​បរម​រតន​កោដ្ឋ និង​២​លើក​ទៀត​នាពេល​ថ្មីៗ​នេះ គឺ​ក្នុង​ឆ្នាំ​២០១១ មហោស្រព​ប្រឡង​តន្ត្រី និង​ចម្រៀង​សម័យ​ថ្នាក់ជាតិ​ឆ្នាំ​២០១១ និង​មហោស្រព​ប្រឡង​តន្ត្រី និង​ចម្រៀង​សម័យ​ថ្នាក់ជាតិ​ឆ្នាំ​២០១៣ ។ លោក​បញ្ជាក់ថា មហោស្រព​ប្រឡង​តន្ត្រី និង​ចម្រៀង​សម័យ​ថ្នាក់ជាតិ​ទាំង​២​លើក​នេះ បានប្រសូត​ឡើង​ក្រោម​ការផ្តួចផ្តើម​ឡើង​ដោយ​ក្រសួង​ព័ត៌មាន ។  
​លោក ជា ច័ន្ទ​បរិបូណ៌ បាន​អះអាងថា​ឆ្លងតាម​ការរៀបចំ​មហោស្រព​ជា​បន្តបន្ទាប់​មកនេះ​ក្រសួង​បាន ពិនិត្យឃើញថា យើង​នូវមាន​ការខ្វះ​ខាត់​មួយចំនួន​រួមមាន​ការបង្កើត​គំនិត​ក្នុងការ​តែង និពន្ធ​បទ​ភ្លេង​និង​ទំនុកច្រៀង​ថ្មី​នៅឡើយ ។ ដូច្នេះ​ការរៀបចំ​មហោស្រព​ឆ្នាំ​២០១៥​នេះ យើង​បាន​កែសម្រួល​បញ្ហា​មួយចំនួន​ដូចជា ការនិពន្ធ​បទ​ភ្លេង​និង​បទ​ចម្រៀង​ថ្មី​ដែល​អាច​ច្រៀង​ទោល​ឫ​ឆ្លើយឆ្លង​ហើយ ក្រុម​តន្ត្រី​ត្រូវមាន​សមាជិក​មិន​លើសពី​១០​រូប ។
​ដោយឡែក​ការផ្តល់​ព​ន្ទុ​ដើម្បី​ឲ្យ​ការប្រឡងប្រជែង​ប្រព្រឹត្ត​ទៅដោយ រលូន​ប្រកបដោយ​តម្លាភាព សុក្រឹត យុត្តិធម៌ យើង​បានជ្រើសរើស​តាំង​គណៈកម្មការ​ផ្តល់​ពិន្ទុ​និង​លក្ខខណ្ឌ​ផ្តល់​ពិន្ទុ យ៉ាង​សំរិតសំរាំង​និង ច្បាស់លាស់​ជាង​មុន ។  ទាក់ទង​និង​ប្រាក់រង្វាន់​ដែល​ជ័យ​លា​ភ័​ទទួលបាន លោក​រដ្ឋលេខាធិការ​បា​ន​បញ្ជាក់ថា ចំពោះ​ជ័យលាភី​លេខ​១ ទទួលបាន​ថវិកា​ចំនួន​៤០០០​ដុល្លារ​អាមេរិក និង​ពាន​មួយ ។ ជ័យលាភី​លេខ​២​ទទួលបាន​ថវិកា​ចំនួន​៣០០០​ដុល្លារ​អាមេរិក និង​ប្រកាសនីយបត្រ ។ ជ័យលាភី​លេខ​៣​ទទួលបាន​ថវិកា​២០០០​ដុល្លារ​អាមេរិក និង​ប្រកាសនីយបត្រ ។
​ចំណែក​ការដាក់​ពាក្យ​ចូលរួម​ប្រឡង​គឺ​បេក្ខជន​អាចដាក់​ពាក្យ​នៅ​មន្ទីរ ពត៌មាន​ខេត្ត​ក្រុង​និង​ក្រសួង​ព័ត៌មាន​ចាប់ពី​ថ្ងៃនេះ​តទៅ ។  យ៉ាងណាក៏ដោយ​លោក​រំពឹងថា​មហោស្រព​ត​ន្ត្រ​និង​ចម្រៀង​សម័យ​ថ្នាក់ជាតិ ឆ្នាំ​២០១៥ និង​មានការ​ចូលរួម​យ៉ាងច្រើន​កុះករ​ពី​សំណាក់​សិល្បករ​សិល្បការិនី ក្នុង​ទូទាំងប្រទេស​មិន​ខាន​៕

ព័ត៌មានលម្អិត
ចុះនៅថ្ងៃទី 03-03-2015, 03:09 PM, អាន 34ដង
​កីឡា​៖​យោងតាម​សម្ដី​របស់​អ្នករៀបចំ​ការប្រកួត កីឡាករ Manny Pacquiao និង Floyd Mayweather Jr នឹងធ្វើ​សន្និសីទកាសែត​បង្ហាញ​សាច់ដុំ​ដាក់គ្នា​នៅ​ថ្ងៃទី​១១ ខែមីនា​ដ៏​ខ្លី​ខាងមុខនេះ មុនពេល​ចាប់ផ្ដើម​ការប្រកួត​ថ្ងៃទី​២ ខែឧសភា​។​
​ដោយសារតែ​ការប្រកួត​រវាង​អ្នក​ទាំងពីរ​នេះ គឺជា​ប្រកួត​ធំជាងគេ​ក្នុង​ប្រវត្តិសាស្ត្រ ដូច្នេះ​ពួកគេ​មិនមាន​ពេលធ្វើ​សន្និសីទកាសែត​រួមគ្នា​អី​ច្រើន​នោះទេ ពោលគឺ​អាចមាន​តែម្ដង​គត់​នៅ​ថ្ងៃទី​១១ ខែ​មិនា​នេះ​នៅ​ទីក្រុង Los Angeles សហរដ្ឋអាមេរិក​។ ចាប់ពី​ថ្ងៃនោះ​ទៅ អ្នកសារព័ត៌មាន​គ្មាន​ឱកាស​នឹង​បាន​សម្ភាសន៍​អ្នក​ទាំងពីរ​ទៀត​ទេ រហូតដល់​ថ្ងៃ​ឡើង​រេញ​តែម្ដង​។ បច្ចុប្បន្ន កំពូល​អ្នក​ប្រដាល់​អាស៊ី Pacman កំពុងតែ​នៅ​អាមេរិក និង​ហ្វឹកហាត់​នៅ Wild Card gym នៅ​តំបន់ Hollywood ។ ចំណែកឯ Floyd វិញ កំពុង​ហ្វឹកហាត់​នៅ​កន្លែង​ផ្ទាល់ខ្លួន​ក្នុងផ្ទះ​របស់គេ​ក្នុង​ទី ក្រុង Las Vegas ។​
​គួរ​បញ្ជាក់ថា ការប្រកួត​រវាង​អ្នក​ទាំងពីរ​ខាងលើនេះ​នឹងត្រូវ​ធ្វើឡើង​នៅ​ថ្ងៃទី​២  ខែឧសភា​ខាងមុខ​នៅ​ទីក្រុង Las Vegas ស្រុកកំណើត​របស់​អ្នក​ប្រដាល់​មិនដែល​ចាញ់​របស់​អាមេរិក​។ ខណៈដែល​តម្លៃ​ក្នុង​ការប្រកួត​នេះដែរ មាន​រហូតដល់​ទៅ​២៥០​លាន​ដុល្លារ​អាមេរិក​ឯណោះ​។ ងាក​ទៅខាង​តម្លៃ​សំបុត្រ​ចូល​មើល​វិញ​នោះ​គឺ​ថ្លៃ​កប់​ពពក​តែម្ដង ពោលគឺ​ថោក​បំផុត​១.០០០​ដុល្លារ និង​ថ្លៃ​បំផុត​រហូតដល់​ទៅ​៥០០០​ដុល្លារ​៕
 

ព័ត៌មានលម្អិត
ចុះនៅថ្ងៃទី 03-03-2015, 02:52 PM, អាន 23ដង
​រាជធានី​ភ្នំពេញ​៖​យ៉ាងហោចណាស់​មាន​មនុស្ស​ស្លាប់​ចំនួន ០៨​នាក់ (​ស្រី​១​នាក់​) របួសធ្ងន់ ២៤​នាក់​(​ស្រី​៧​នាក់​),​និង​របួសស្រាល​០៩​នាក់​(​ស្រី​២​នាក់​)​ហេតុការណ៍​គ្រោះថ្នាក់​ចរាចរណ៍ នៅ​ទូទាំងប្រទេស​កើតឡើង​ចំនួន ១៧​លើក ក្នុងនោះ​យប់​០៦​លើក​។ នៅក្នុង ហេតុការណ៍​គ្រោះថ្នាក់​ចរាចរណ៍​ទាំង ១៧​លើក​នេះ បាន​បង្ក​ឲ្យ​មានការ​ខូចខាត​យានយន្ត​សរុប ២៩​គ្រឿង ក្នុងនោះ​មាន​ម៉ូតូ​ចំនួន​១៧​គ្រឿង​,​រថយន្ត​ធុន​តូច​ចំនួន​០៧​គ្រឿង​, រថយន្ត​ធុន​ធំ​២​គ្រឿង​,​យាន​ផ្សេងៗ​៣​គ្រឿង​។​
​តាម​របាយការណ៍ បន្តថា មូលហេតុ ដែល​បណ្តាល​ឲ្យ​កើតមាន​ករណី​គ្រោះថ្នាក់​ចរាចរណ៍ គឺ​បណ្តាលមកពី ល្មើស​ល្បឿន​១០​លើក​,​មិន​ប្រកាន់​ស្តាំ​៣​លើក​,​ស្រវឹង​១​លើក​,​ប្រជែង គ្រោះថ្នាក់​២​លើក​និង​ថយ​រថយន្តបុក​១​លើក​។ ក្នុងនោះ​អ្នកជិះ​ម៉ូតូ​គ្រោះថ្នាក់​ដោយ​មិនបាន​ពាក់មួក​សុវត្ថិភាព​ចំនួន ២៤​នាក់​(​យប់​០២​នាក់​) ។​
​របាយការណ៍ ដដែល​បានបញ្ជាក់​ទៀតថា កាលពី​ថ្ងៃទី​២ ខែ​មិនា ឆ្នាំ​២០១៥​នេះ រថយន្ត​ពិន័យ​សរុប​ចំនួន ៧៩០​គ្រឿង (​រថយន្ត​ធំ ២៩៨​គ្រឿង​) ស្មើ​និង​៧៩៥​ករណី ,​ករណី​ល្មើស​ក្រដាស​ស្នាម ៣៧៩​គ្រឿង ស្មើ​និង​៣៨៤​ករណី រួមមាន​ប័ណ្ណបើកបរ​ហួស​សុពលភាព​០៧​ករណី​,​ប័ណ្ណបើកបរ​ខុស​ប្រភេទ​យាន្ត​១ ករណី​,​គ្មាន​ប័ណ្ណ​អាជីវកម្ម​០៣​ករណី​,​គ្មាន​ឈៀក​២៥​ករណី​, បើកបរ​ហួស​ល្បឿន​កំណត់​១២៣​ករណី​, បើកបរ​មិន​ពាក់​ខ្សែក្រវាត់​២២៥​ករណី ,​ករណី​ល្មើស​បច្ចេកទេស​មាន​៤១១​គ្រឿង ស្មើ​និង​៤១១​ករណី​រួមមាន ដឹក​សំពីងសំពោង​៣៩២​ករណី​, ដឹក​លើស​ចំណុះ​១៩​ករណី​។​
​ដោយឡែក​ម៉ូតូ​ត្រូវបាន​ពិន័យ​សរុប​ចំនួន​១,៤៦៦​ស​គ្រឿង​ក្នុងនោះ​មាន ជិះ​ម៉ូតូ​អត់​ពាក់មួក​៨៣៥​ករណី​,​ជិះ​ម៉ូតូ​អត់​កញ្ចក់​៥៤១​ករណី​,​ជិះ ម៉ូតូ​អត់​កញ្ចក់​និង​មួក​០៦​ករណី​, ម៉ូតូ​បើកភ្លើង​ពេល​ថ្ងៃ​៣៦​ករណី​,​ល្មើស​សញ្ញា​ចរាចរណ៍​៣៦​ករណី​និង​ស្រវឹង បើកបរ​១២​ករណី​៕

ព័ត៌មានលម្អិត
ចុះនៅថ្ងៃទី 03-03-2015, 02:39 PM, អាន 32ដង
​សុខភាព​៖​តាម​ការស្រាវជ្រាវ​ឲ្យ​ដឹងថា ផ្លែឈើ​ពណ៌​ក្រហម ដូចជា​ផ្លែ​ឆឺ​រ​រី មាន​ផល​ល្អ​ចំពោះ​សុខភាព​យ៉ាងច្រើន ពិសេស​ផ្លែ​ឆឺ​រ​រី (cherry) កាន់តែ​ក្រហម​ចាស់ កាន់តែ​ល្អ​ព្រ​ញ​វារិត​តែ​សម្បូរ​សារធាតុ ហ្វ្លា​វ៉ូ​ណ​យ (flavonoids) ដែល​អាចជួយ​ការពារ​ជំងឺ​ផ្សេងៗ និង​អាច​លាងជម្រះ​ជាតិពុល ចេញពី​ក្នុង​រាងកាយ​បាន ។​
​ចំណែក​តាម​ការសិក្សា​ស្រាវជ្រាវ​កាលពី​ឆ្នាំ​២០១០ បាន​រកឃើញថា​ទឹក​ផ្លែ​ឆឺ​រ​រី​ជូ អាច​កែ​បញ្ហា​ឈឺក្បាល ល្អ​ជាង​ថ្នាំ​អា​ស្ពឺ​រី​ន​ដល់​ទៅ​១០​ដង ហើយ​ពូជ​ផ្លែ​ឆឺ​រ​រី ប្រភេទ​ជូរ​នេះ ក៏​សម្បូរ​ដោយ​មេ​ឡា​ថូ​នី​ន (Melatonin) ដែល​ជួយ​បន្ថយ​ភាព​ចាស់ជរា​មុន​អាយុ​បាន ។​
​ក្រុម​អ្នកស្រាវជ្រាវ​បាន​ណែនាំ អ្នក​ដែល​ចង់​មាន​សុខភាព​ល្អ គួរ​ពិសា​ផ្លែឈើ​តូចៗ ពណ៌​ក្រហម (​ឆឺ​រ​រី​) នេះ​ឲ្យ​បាន​ញឹកញាប់ នោះ​នឹង​ឃើញ​ផល យ៉ាង​ជាក់ច្បាស់​ជាមិនខាន ៕

ព័ត៌មានលម្អិត
ចុះនៅថ្ងៃទី 03-03-2015, 02:35 PM, អាន 28ដង
សុខភាព​៖​ផ្លែ​មៀន ជា​អាហារ​ដែល​ផ្តល់​ថាមពល និង ប្រយោជន៍​ច្រើនយ៉ាង ចំពោះ​សុខភាព បើ​អ្នក​យល់ដឹង​ពី​ការ​ពិសារ​វា​ឲ្យ​ត្រឹមត្រូវ​។​ផ្លែ​មៀន គឺជា​ផ្លែឈើ​មួយ​ប្រភេទ​ដែលមាន​រសជាតិ​ឈ្ងុយ ផ្អែម​ឆ្ងាញ់ ប្រសិនបើ​ទទួលទាន​ស្រស់ៗ​ក្នុង​បរិមាណ​ច្រើន អាចធ្វើអោយ​អ្នក​កើតមាន​អាការ​ក្តៅ​ក្នុង បាន​យ៉ាង​ងាយ ។ ប៉ុន្តែ នៅពេលដែល​គេ​យក​វា​មក​ធ្វើជា​ផ្លែ​មៀន​ស្ងួត នោះ​កម្តៅ​នឹង​បាត់អស់​នៅសល់តែ​ជាតិ​ស្ករ និង​គ្លុយកូស យ៉ាងច្រើន​ដែល​រាងកាយ​អាច​ស្រូបយក​ទៅប្រើ​ប្រាស់​បាន​ភ្លាមៗ ហើយ​វា​ជួយ​ឲ្យ​រាងកាយ​ស្រស់ថ្លា បំបាត់​អារម្មណ៍​នឿយហត់​យ៉ាង​ស័ក្តិសិទ្ធិ ។​
​ជាពិសេស ផ្លែ​មៀន សម្បូរ​ដោយសារ​ធាតុ​អាហារ​ច្រើនយ៉ាង​ដូចជា កាល់ស្យូម ផូស្វ័រ ជាតិ​ដែក វីតាមីន​B នឹង​វីតាមីន​C ដែល​សារធាតុ​ទាំងអស់នេះ​មាន​ប្រយោជន៍​ដល់​ប្រព័ន្ធ​ប្រសាទ ជួយ​បំប៉ន​ឈាម​បន្ថែម​ភាពរឹងមាំ​ដល់​ឆ្អឹង និង​ធ្មេញ ។ ចំពោះ​សាច់មៀន មាន​ប្រយោជន៍​ដល់​លំហូរ​ឈាម ជួយ​ឲ្យ​ស្បែក​ស្រស់ថ្លា សមស្រប​សម្រាប់​ស្ត្រី​ដែលមាន​បញ្ហា​រដូវ ។ ម្យ៉ាងទៀត វា​ជួយ​បំប៉ន​បេះដូង បំប៉ន​ផាល និង​ជួយ​ធ្វើ​ឲ្យ​ប្រព័ន្ធ​ប្រសាទ​មានការ​ធូរស្រាល ។​រីឯ​គ្រាប់​មៀន នៅពេល​ហាល​ស្ងូ​ត រួច​បុក​ផ្សំ​ជាមួយ​ទឹកឃ្មុំ ប្រើ​សម្រាប់​បំបាត់​ការឈឺចាប់​និង​ព្យាបាល​ជំងឺ​ស្បែក ។​ដោយឡែក ផ្កា​មៀន គី​ជា​ថ្នាំ​បញ្ចុះ​ទឹកនោម និង​អាចជួយ​រំលាយ​ក្រួស​ក្នុង​តម្រងនោម​បាន​៕

ព័ត៌មានលម្អិត
ចុះនៅថ្ងៃទី 03-03-2015, 02:29 PM, អាន 33ដង
​សុខភាព​៖​ស្លឹក​ជីរអង្កាម​មាន​ប្រសិទ្ធិភាព​បំបាត់​អាការ​ក្តៅ ក្នុងការ​បណ្តេញ​ខ្យល់ បណ្តេញ​ញើស​ព្យាបាល​អាការរោគ ផ្តាសាយ ជួយ​ព្យាបាល​អាការ​ឈឺពោះ ហើមពោះ​ចុក​ឆ្អល់ និង​សំខាន់​ជាងគេ គឺ​បំបាត់​ក្លិន​មាត់​តែម្តង ។​
​ជាង​នោះ​ទៅទៀត ជីរអង្កាម​ជួយ​ឲ្យ​ខួរក្បាល​ស្រឡះ​ថ្លា​ជ្រះ និង​ជួយ​បំប៉ន​ប៉ូវ​កែវភ្នែក ជួយ​ឲ្យ​បេះដូង​រឹងមាំ ។ សម្រាប់​អ្នកមាន​អាការ​ឈឺក្បាល ឈឺធ្មេញ ឈឺ​ក ឈឺ​មាត់ និង ឈឺ​អណ្តាត អាច​ប្រើ​ស្លឹក​ជីរអង្កាម ប្រមាណ ៥​ក្រាម ដាំ​ជាមួយ​ទឹក​ចំណុះ​មួយ​កែវ លាយ​អំបិល​បន្តិច ហើយ​ទទួលទាន​ក្នុង​មួយថ្ងៃ​ឲ្យ​បាន ២​ដង ។ ប្រសិនបើ​នៅ​សេសសល់ អាច​នាំទៅ​ព្យាបាល​អាការ​រាគ​មួល​បាន​ទៀតផង ។​
​ចំណែក​រឿង​សត្វល្អិត ទិច​ខាំ​វិញ អាច​ប្រើ​ស្លឹក​ជីរអង្កាម បុក​ឲ្យ​ល្អិត​រួច​បុក​ពីលើ​ស្នាមរបួស​នោះ​និង​បាន​ធូរស្រាល ។ តោង​ចងចាំ​ទុក​ថា ស្លឹក​ជីរអង្កាម​នៅ​ខ្ចី​មានគុណ​ភាព​ជាង​ស្លឹក​ជីរអង្កាម​ចាសៗ​៕

ព័ត៌មានលម្អិត
ចុះនៅថ្ងៃទី 03-03-2015, 02:25 PM, អាន 25ដង
សុខភាព​៖​តាម​ការស្រាវជ្រាវ​ក្រុម​អ្នកវិទ្យាសាស្ត្រ បាន​អះអាងថា ការទទួល​ទាន​ចេក​អាចជួយ​កាត់បន្ថយ​ហានិភ័យ​ស្ត្រូ​ក បាន​៥០​ភាគរយ លើ​ក្រុម​ស្ត្រី​អស់​រដូវ និង​ក្រុម​ស្ត្រី​អាយុ​ច្រើន ។ នោះ​ជាការ​សន្និដ្ឋាន​របស់ ពួក​អ្នកវិទ្យាសាស្ត្រ ទើបត្រូវ​បានប្រកាស លើ​ទស្សនា​វ​ដ្តី Journal របស់​សមាគម​សរសៃ ឈាម​បេះដូង​អាមេរិក ។​
​ការស្រាវជ្រាវ ត្រូវបាន​ដំណើរការ​ចំពោះ​ស្ត្រី​ចំនួន ៩០.១៣៧ នាក់ ដែលមាន​អាយុ​ជា​មធ្យម ក្នុង​ចន្លោះ​ពី ៥០-៧៩ ឆ្នាំ​, ពិសេស​តាមដាន​កម្រិត ប្រើប្រាស់​ប៉ូ​តា​ស្យូ​ម ក្នុង​រយៈពេល​វែង ១១ ឆ្នាំ ។ ពេល​ការស្រាវជ្រាវ ត្រូវបាន​ចាប់ផ្តើម​, អ្នកចូលរួម​សុទ្ធតែ មាន​សុខ​ភាពល្អ មិនមាន​ជំងឺស្ត្រូក , បរិមាណ​ប៉ូ​តា​ស្យូ​ម ប្រើប្រាស់​ជា​មធ្យម ២.៦១១ មី​លី​ក្រាម ក្នុង​១​ថ្ងៃ ។ ពួក​អ្នកមាន​របប​អាហារ សម្បូរ​ប៉ូ​តា​ស្យូ​ម​បំផុត (​ជាង ៣.១៩៣ មី​លី​ក្រាម ក្នុង​១​ថ្ងៃ​) នោះ​អត្រា​កើត​ជំងឺស្ត្រូក ទាប​ជាង ១២ ភាគរយ បើ​ប្រៀប​នឹង​អ្នក​ទទួលទាន អាហារ​មាន​ប៉ូ​តា​ស្យូ​មតិ​ច (​ក្រោម ១.៩២៥ មី​លី​ក្រាម ក្នុង​១​ថ្ងៃ​) ។
​ចំពោះ​ក្រុម​មិន​លើសឈាម​, ប្រសិន​ប្រើ​អាហារ ផ្ទុក​ប៉ូ​តា​ស្យូ​ម​ច្រើន នោះ​ហានិភ័យ​ស្ត្រូ​កទាប​ជាង ២១% ប្រៀប​នឹង​ក្រុម​ប្រើ​ប៉ូ​តា​ស្យូ​មតិ​ច ។ សូម្បីតែ​អ្នក​លើសឈាម​, ប្រសិន​របប​អាហារ សម្បូរ​ប៉ូ​តា​ស្យូ​ម មុនពេល​កើត​ជំងឺ ក៏មាន​ប្រសិទ្ធភាព សម្រាប់​សុខភាព​។ តែ​ក្រោយពេល​កើត​ជំងឺ ប៉ូ​តា​ស្យូ​ម បែរជា​ពុំមាន​ប្រសិទ្ធភាព ធ្វើ​ឲ្យ​ថយចុះ​ស្ត្រូ​ក ។ ប៉ុន្តែ​វា​អាច​បន្ថយ អត្រា​បាត់បង់​ជីវិត និយាយ​រួម​ដល់ ១០ ភាគរយ បើ​ប្រៀប​នឹង​ក្រុម​មិនត្រូវ​បាន បំពេញ​ប៉ូ​តា​ស្យូ​ម​គ្រប់គ្រាន់ ។​
​ដោយសារ​ផលប្រយោជន៍​ដ៏​ធំធេង ដូចខាងលើ ហេតុនេះ អង្គការ​សុខភាព​ពិភពលោក (WHO) ទូន្មាន​ដល់​មនុស្ស​គ្រប់គ្នា គួរ​បំពេញបន្ថែម ក្នុង​១​ថ្ងៃ ៣.៥១០ មី​លី​ក្រាម​,ក្នុងពេលនោក្រសួងកសិកម្ម​អាមេរិក (USDA) ទូន្មាន​កម្រិត​ខ្ពស់ជាង​ដល់៤.៧០០ មី​លី្ល​ក្រាម ។ ព្រោះ ចេក ១ ផ្លែ ផ្ទុក​ជា​មធ្យម  ៤៥០ មី​លី្ល​ក្រាម ប៉ូ​តា​ស្យូ​ម ៕

ព័ត៌មានលម្អិត
ចុះនៅថ្ងៃទី 03-03-2015, 02:16 PM, អាន 26ដង
​សម្រស់​៖​តាម​ការសិក្សា​ពី​ក្រុម​អ្នកជំនាញ​មួយ​បាន​បង្ហាញថា ដំឡូងបារាំង អាច​ថែរក្សា​ស​ម្ជ​ស្សបាន​ល្អ​យ៉ាង​មាន​ប្រសិទ្ធភាព ហើយ​មិន​ត្រឹមតែ​អាច​សម្រស់​នោះទេ ថែមទាំង​ធ្វើឱ្យ​សុភាពនារី​ទាំងអស់ កាន់តែ​ល្អប្រសើរ​ទៀតផង​។ ដូចនេះ តើ​គួរ​យក​វា​មក​ធ្វើ​ដូចម្តេច ទើប​អាច​រក្សា​ស​ម្ជ​ស្ស​ឱ្យ​ស្ថិតស្ថេរ​បាន​នោះ​?
1.    អ្នក​អាច​យក​ដំឡូងបារាំង​ស្រស់ មក​ចិត​ជា​បន្ទះ​ស្តើងៗ បន្ទាប់មក យកមក​បិទ​លើ​ភ្នែក​រយៈ ៣០ នាទី ហើយ​លាង​សម្អាត ដោយ​ទឹក​ក្តៅ​អ៊ុនៗ​ជាការ​ស្រេច​។ វិធី​នេះ​អាច​ការពារ​ភ្នែក​អ្នក មិនឱ្យ​កើត​ស្នាម​ជ្រួញ​ជុំវិញ​ភ្នែក ថែមទាំង​អាច​បំបាត់​ស្នាម​ខ្មៅ ជុំវិញ​ភ្នែក​ទៀតផង​។​
2.    អ្នក​ក៏​អាច​យក​ទឹក​ដំឡូងបារាំង​ស្រស់ មក​ធ្វើជា​ម៉ាស​បិទមុខ​ដែរ ព្រោះ​វា​ធ្វើឱ្យ​ស្បែក​អ្នក​ស ម្យ៉ាងទៀត បើ​ស្បែក​អ្នក​ខ្មៅ​ដោយសារ​ត្រូវ​កំដៅថ្ងៃ​ច្រើន អ្នក​ក៏​អាច​ប្រើ​វិធី​នេះ​បានដែរ​។​
3.    ជាងនេះទៅទៀត បើ​ស្បែ​កមុខ​អ្នកមាន​ជាតិ​ខ្លាញ់​ច្រើន ហើយ​ឡើង​មុន​នោះ អ្នក​អាច​យក​សំលី ទៅ​ជ្រលក់​ទឹក​ដំឡូងបារាំង​ស្រស់ ហើយ​យកមក​លាប នៅ​កន្លែង​ដែល​កើតមុន​បាន​៕

ព័ត៌មានលម្អិត
ចុះនៅថ្ងៃទី 03-03-2015, 11:46 AM, អាន 26ដង
ខេត្តកំពង់ធំ​៖​កម្លាំង​នគរបាល​ការិយាល័យ ប្រឆាំង​គ្រឿងញៀន​សហការ​ជាមួយ​នគរបាល​មូលដ្ឋាន​ក្រុង​ស្ទឹងសែន​បាន​បើក ប្រតិ​ប​ត្ដិ​ការបង្ក្រាប​ករណី​ជួញដូរ​និង​ប្រើប្រាស់​គ្រឿងញៀន​ដោយ ឃាត់ខ្លួន​ជនសង្ស័យ ៤​នាក់ ក្នុងនោះ​មាន​ស្ដ្រី​ម្នាក់ ព្រមទាំង​ដកហូត​វត្ថុតាង មួយចំនួនធំ ក្នុង​រយះពេល​ប៉ុន្មាន​ថ្ងៃ​ជាប់ ៗ គ្នា​នេះ ។  
​លោក​កែវ ហួរ ស្នងការរង និង​ជា​ប្រធាន​សេនាធិការ ខេត្ដ​កំពង់ធំ បាន​បញ្ជាក់ថា គិត​ចាប់ពី​ថ្ងៃទី​២៦ ខែកុម្ភៈ ដល់​ថ្ងៃទី​០១ ខែមីនា ឆ្នាំ​២០១៥ កម្លាំង​នគរបាល​បាន​បើក ប្រតិ​ប​ត្ដិ​ការបង្ក្រាប​បទ ល្មើស​ជួញ ដូរ​និង​ប្រើ ប្រាស់​គ្រឿងញៀន ចំនួន​៣​ករណី នៅ​ក្រុង​ស្ទឹងសែន ដោយ​ឃាត់ខ្លួន​ជនសង្ស័យ ៤​នាក់​និង វត្ថុតាង​ប្រភេទ មេ​តំ​ហ្វេ​តា​មីន ០,១២​ក្រាម ប្រាក់​ដុល្លារ ៦០​ដុល្លារ ប្រាក់ បាត ១០០០​បាត ប្រាក់រៀល ៥០​ម៉ឺន​រៀល និង​ទូរស័ព្ទដៃ​ចំនួន​៧​គ្រឿង ។ ក្នុងនោះ​រួមមាន​ការ ស្រាវជ្រាវ​និង​ចុះទៅ​ឆែកឆេរ​នៅផ្ទះ​សំណាក់​មនោ​រម្យ ភូមិ​ទី​១ សង្កាត់​កំពង់ធំ ក្រុង​ស្ទឹងសែន កាលពី​រសៀល​ថ្ងៃទី​២៦ ខែកុម្ភៈ ឆ្នាំ​២០១៥​។ ដោយ​ឃាត់ខ្លួន​ជនសង្ស័យ​ពីរ​នាក់ ទី​១ ឈ្មោះ​ស៊ុន គឹម​ឡាយ ភេទ​ប្រុស អាយុ ១៩​ឆ្នាំ មុខរបរ​សិស្ស រស់នៅ​ភូមិ​សាន់​គរ (​ខ​) ឃុំ​សាន់​គរ ស្រុក​កំពង់ស្វាយ និង​ទី​២ ឈ្មោះ​សាន ពិសី ភេទ​ស្រី អាយុ​១៧​ឆ្នាំ មុខរបរ​លក់​ផ្លែឈើ នៅ​ភូមិបាល្ល​ង្គ សង្កាត់​ដំរី​ជាន់ខ្លា ក្រុង​ស្ទឹងសែន ។
​លោក កែវ ហួរ បន្តថា​ក្រោយពី​បញ្ចប់ ប្រតិ​ប​ត្ដិ​ការបង្ក្រាប​ករណី​គ្រឿងញៀន​ខាង លើ​នេះ កម្លាំង នគរបាល ដែល​ដឹកនាំ ដោយ​តំណាង​អយ្យការ បាន​បន្ដទៅ​បង្ក្រាប​មួយ​ករណី​ទៀត នៅតាម​ទីសាធារណៈ ក្នុងភូមិ​ព្រៃ​បន្លិច សង្កាត់​អាចារ្យ​ល​ក្ខ័ ក្រុង​ស្ទឹងសែន កាលពី រសៀល​ថ្ងៃទី​២៨ ខែកុម្ភៈ ដោយ​ឃាត់ខ្លួន ជនសង្ស័យ​ម្នាក់ ឈ្មោះ​លឹម ដា​រ៉ារ​ត្ន័ ភេទ ប្រុស អាយុ​៣៣​ឆ្នាំ ជា​មន្ដ្រីនគរបាល​នាយកដ្ឋាន​អន្ដរាគមន៍ ឋានៈ​នាយរង​ផ្នែក រស់នៅ​ភូមិ​ទី​១ សង្កាត់​អូរឫស្សី ខណ្ឌ​៧​មករា ដោយ​ដកហូត ថ្នាំញៀន ប្រភេទ មេ​តំ​ហ្វេ​តា​មីន ០,៩​ក្រាម លុយ​៥០​ម៉ឺន​រៀល ៦០​ដុល្លារ ១០០០​បាត និង​ទូរស័ព្ទ ៣​គ្រឿង ។
​លោក​កែវ ហួរ បានបញ្ជាក់​ទៀតថា ក្រោយពី​បញ្ចប់​ការសួរនាំ ជនសង្ស័យ​ទាំងនេះ កម្លាំង​សមត្ថកិច្ច បាន​បន្ដទៅ​បង្ក្រាប ករណី​គ្រឿងញៀន​មួយទៀត កាលពី​រសៀល​ថ្ងៃទី​០១ ខែមីនា ឆ្នាំ​២០១៥ ស្ថិត នៅផ្ទះ​សំណាក់ ចំរើន​លាភ ភូមិ​កំពង់ធំ សង្កាត់​កំពង់ធំ ដោយ​ឃាត់ខ្លួន​ជនសង្ស័យ ម្នាក់ទៀត ឈ្មោះ​អ៊ឹង សុផល អាយុ​៣៥​ឆ្នាំ មុខរបរ​បើក​ត្រាក់ទ័រ នៅ​ភូមិ​ពោធិ៍ ឃុំ​សំពង​ជ័យ ស្រុក​ជើងព្រៃ ខេត្ដ​កំពង់ចាម ដោយ​ដកហូត​ម៉ា​ទឹកកក​មួយកញ្ចប់​តូច និង​ទូរស័ព្ទដៃ​ពីរ​គ្រឿង ។
​បច្ចុប្បន្ន​ជនសង្ស័យ​ទាំងនេះ ត្រូវបាន សមត្ថកិច្ច​កសាង​សំណុំរឿង​បញ្ជូន​ទៅកាន់ តុលាការ​ចាត់ការ​បន្ដ តាមផ្លូវ​ច្បាប់ ៕

ព័ត៌មានលម្អិត
ចុះនៅថ្ងៃទី 03-03-2015, 11:40 AM, អាន 25ដង
​កីឡា​៖​ក្លិប​ទូកក្តោង Everton កំពុងតែ​ត្រៀម​ប្រាក់​១៤​លាន​ផោន​ដើម្បី​ទិញយក​ខ្សែបម្រើ Mateo Kovacic ពី​ក្លិប Inter Milan ពេល​ចប់​រដូវ​កាល​នេះ ។  
​កីឡាករ​ក្រូ​អាត​វ័យ​២០​ឆ្នាំ​រូបនេះ​បាន​ផ្លាស់​ពី Dinamo Zagreb មក Inter កាលពី​ឆ្នាំ ២០១៣ ហើយ​បច្ចុប្បន្ន​រូបគេ​ត្រូវបាន​ចាត់ទុកថា​ជា​កីឡាករ​យុវជន​ដែល​លេង​បានល្អ​ជាងគេ​នៅ​អឺរ៉ុប ។​
​គួរ​បញ្ជាក់ថា នៅ​រដូវ​កាល​នេះ Kovacic ស៊ុត​បញ្ចូល​ទី​បាន​៨​គ្រាប់​ឲ្យ Inter ៕

ព័ត៌មានលម្អិត
ចុះនៅថ្ងៃទី 03-03-2015, 11:37 AM, អាន 21ដង
ហ្សេ​ង​ចូ​វ​៖​យ៉ាងហោចណាស់​មនុស្ស​ចំនួន​២០​នាក់​បាន​ស្លាប់ និង ១៣​នាក់​ទៀត​រងរបួស​ធ្ងន់ ក្នុង​ឧបទ្ទវហេតុ​ថយ​ន្ត​ក្រុង​ជ្រុល​ចង្កូត​ធ្លា​ក់នៅ​ជ្រលង​ផ្លូវ​ស្ថិតនៅ​ទីក្រុង​លី​ចូ​វ នៃ​ខេត្ត​ហេ​ណាន ភាគ​កណ្តាល​របស់​ប្រទេស​ចិន នៅ​ព្រឹក​ថ្ងៃ​អង្គារ ទី​០៣ ខែមីនា ឆ្នាំ​២០១៥ នេះ ។​
​មន្ត្រីរដ្ឋបាល​ខេត្ត​ហ្សេ​ង​ចូ​វ​បាន​និយាយថា រថយន្តក្រុង​ខាងលើ​បាន ដឹក​សមាជិក នៃ​ក្រុម​ល្ខោន​អូ​ប៉េ​រ៉ា ឆ្ពោះទៅកាន់​ទីក្រុង​អាន​យ៉ាង បន្ទាប់មក​ក៏​ជួប​គ្រោះថ្នាក់​ពេល ធ្វើដំណើរ​តាម​ដងផ្លូវ ឆ្លងកាត់​ទីក្រុង​លីន​ចូ​វ​តែម្តង ។​
​លោក​បន្តថា រថយន្តក្រុង​ដែល​ជួប​គ្រោះ​អ​កុស​ល្យ​នោះ ជា​កម្មសិទ្ធិ​របស់​ក្រុម ល្ខោន​ខាងលើ ហើយ​ចំពោះ មូលហេតុ​នៃ​គ្រោះថ្នាក់ កំពុង​ស្ថិតក្រោម​ការស៊ើបអង្កេត​៕

ព័ត៌មានលម្អិត
ចុះនៅថ្ងៃទី 03-03-2015, 11:30 AM, អាន 32ដង
​រាជធានី​ភ្នំពេញ​៖​ក្រសួង​សង្គមកិច្ច អតីតយុទ្ធជន និង​យុវនីតិសម្បទា បានប្រកាស​ទទួល​ពាក្យ​ស្មុំ​កូន​អន្តរប្រទេស​ឡើង វិញ​ហើយ បន្ទាប់ពី​បាន​ផ្អាក​កាលពី​ឆ្នាំ​២០១១​។​
​ក្រសួង​សង្គមកិច្ច កាលពី​ថ្ងៃទី​០២ ខែមីនា ឆ្នាំ​២០១៥ បានប្រកាសថា បណ្តា​ប្រទេស ដែលមាន​បំណង​ធ្វើ​កិច្ច សហ​ប្រ​ត្តិ​ការទាក់ទង​ការ​ស្មុំ​កូន​អន្តរប្រទេស​ជាមួយ​កម្ពុជា តាមរយៈ​កិច្ចព្រមព្រៀងទ្វេភាគី ស្តីពី​ការកំណត់​ចំនួន ទីភ្នាក់ងារ និង អនុញ្ញាត​ឲ្យ​ទីភ្នាក់ងារ​ស្មុំ​កូន ដែល​បាន​ចុះបញ្ជី​ត្រឹមត្រូវ​នៅក្នុង​បណ្តា​ប្រទេស​ជា​ដៃគូ អាចដាក់ ពាក្យស្នើសុំ ដើម្បី​ទទួលបាន​ការអនុញ្ញាត​ឲ្យ​ធ្វើ​ប្រតិបត្តិការ​ការ​ស្មុំ​កូន​អន្តរប្រទេស​នៅ​កម្ពុជា​៕

ព័ត៌មានលម្អិត
ចុះនៅថ្ងៃទី 03-03-2015, 11:17 AM, អាន 37ដង
​ខេត្តបន្ទាយមានជ័យ​៖​ដោយសារតែ​មានការ​ធូររលុង​នៃ​ការត្រួតពិនិត្យ​ជំងឺឆ្លង​ចំពោះ​ភ្ញៀវ​អន្តរជាតិ​ដែល​ចូល​តាម ច្រកទ្វារ​អន្តរជាតិ​ប៉ោយប៉ែត​នោះ​ប្រជាពលរដ្ឋ​បានស្នើ​សុំ​ឲ្យ​មន្ត្រី ជំនាញ​សំខាន់​ក្រសួងសុខាភិបាល​ពង្រឹង​ការត្រួតពិនិត្យ​ឲ្យ​បាន​ដិតដល់​ចំពោះ ភ្ញៀវ​ទាំងអស់​ព្រោះ​បើ​បណ្តោយ​ឲ្យ​ដូច​សព្វថ្ងៃនេះ​ជំងឺឆ្លង​ងាយ​នឹង ចូលមក​កម្ពុជា​តាមរ​យៈ​ភ្ញៀវទេសចរ​អន្តរជាតិ​។  
​ភ្ញៀវ​ជាតិ​បាន​ប្រាប់ថា នៅពេលដែល​គាត់​ឆ្លងកាត់​ច្រកទ្វារ​អន្តរជាតិ​ប៉ោយប៉ែត​ខេត្តបន្ទាយមានជ័យ​គឺ គេ​ឃើញ​មាន​កន្លែង​ត្រួតពិនិត្យ​ភ្ញៀវ​អន្តរជាតិ​ទៅលើ​សុខភាព តែ​គេ​ឃើញ​មាន​មន្ត្រី​មិនបាន​ធ្វើការ​អោយបាន​ដិតដល់​នៅឡើយ​។​គឺ​ឃើញតែ​ភ្ញៀវ អន្តរជាតិ​ឆ្លងកាត់​ពី​ថៃ​ចូលមក​កម្ពុជា ចេញចូល​ដោយ​សេរី​មិនឃើញ​មានការ​ត្រួតពិនិត្យ​អ្វី​នោះឡើយ​។
​លោក​វេជ្ជបណ្ឌិត ឡេ ច័ន្ទ​សង្វាត អនុប្រធាន​មន្ទីរ​សុខាភិបាល​ខេត្តបន្ទាយមានជ័យ​បាន​ប្រាប់ថា ក្រោយពេល​ផ្ទុះ កើតមាន​ជំងឺឆ្លង​តាមរយៈ​ផ្លូវដង្ហើម​នៅ​បរទេស​គឺ​ជំងឺផ្តាសាយបក្សី កន្លងមក​គឺ​រាជរដ្ឋាភិបាល​បាន​យកចិត្តទុកដាក់​អោយ​ក្រសួង​ជំនាញ​ចាត់ មន្ត្រី​ជំនាញ​មាន​មន្ត្រី​ក្រសួង​និង​មន្ទីរ​សុខាភិបាល​ខេត្ត​ចំនួន​៦​នាក់ និង​ម៉ា​ស៊ី​ស្កែ​ន​ដា​ក់នៅ​ច្រកទ្វារ​អន្តរជាតិ​ប៉ោយប៉ែត​។​ក្រោយពេល​ដាក់ គឺ​រកឃើញ​មាន​ជនបរទេស​មាន​ជំងឺឆ្លង​តាមរយៈ​ផ្លូវដង្ហើម​ហើយ​ត្រូវបាន បញ្ជូនទៅ​មន្ទីរ​ខេត្តសៀមរាប​។
​លោក​បន្តថា រហូត​ពេលនេះ​ក្រសួង​បាន​ដក​មន្ត្រី​ជំនាញ​ទុកអោយ​មន្ត្រី​ជំនាញ​មន្ទីរ សុខាភិបាល​ខេត្ត​៣​រូប​ដើម្បី​តាមដាន​សុខភាព​ភ្ញៀវ​អន្តរជាតិ​ដោយ​នៅចាំ បំពេញបែបបទ​ជូន​ភ្ញៀវ​អន្តរជាតិ​ចូលមក​កម្ពុជា​តាម​ច្រកទ្វារ​អន្តរ​ប៉ោយប៉ែត ដើម្បី​ពិនិត្យ​តាមដាន​ការពារ​ជំងឺឆ្លង​៕

ព័ត៌មានលម្អិត
ចុះនៅថ្ងៃទី 03-03-2015, 11:09 AM, អាន 24ដង
ខេត្តបន្ទាយមានជ័យ​៖​ក្នុង​ឆ្នាំ​២០១៤​ដល់​២០១៥​គ្រោះថ្នាក់​ចរាចរ​បានកើត​មាន​ចំនួន​៣៨៩​ករណី បណ្តាល​ស្លាប់​១៨០​នាក់​។
​លោក​ឧ​ត្ត​ម​សេនីយ៍​ត្រី អាត់ ខែម ស្នងការ​នគរបាល​ខេត្តបន្ទាយមានជ័យ​បាន​មានប្រសាសន៍ថា នៅ​ខេត្តបន្ទាយមានជ័យ គ្រោះថ្នាក់​ចរាចរ​នៅក្នុង​ឆ្នាំ​២០១៤​កើតមាន​ចំនួន​៣០៦​ករណី​បណ្តាល​ស្លាប់ ចំនួន​១៣៥​នាក់​ក្នុងនោះ​ស្រី​ចំនួន​២២​នាក់ និង​របួសធ្ងន់​ចំនួន​២៥៨​នាក់ ស្រី​ចំនួន​៦៣​នាក់ របួសស្រាល​ចំនួន​២០៣​នាក់​ស្រី​៦០​នាក់​និង​ដើមឆ្នាំ ២០១៥​គ្រោះថ្នាក់​ចរាចរ​កើតមាន​៨៣​លើក​បណ្តាល​ស្លាប់​៤៥​នាក់​របួសធ្ងន់​៦៨ នាក់​របួសស្រាល​៧៩​នាក់​។  
​លោក​បាន​បន្តថា​ក្នុង​ឆ្នាំ​២០១៤​ដល់​២០១៥​គ្រោះថ្នាក់​ចរាចរ​បណ្តាល ស្លាប់​ស្លាប់​១៨០​នាក់​ហើយ​លោក​បាន​អោយកំលាំង​នគរបាល​ចរាចរ ខេត្តបន្ទាយមានជ័យ​និមន្ត​ព្រះសង្ឃ​ដើម្បី​ប្រោះ​ព្រហ្ម​តាមផ្លូវ​ជាតិ​លេខ​៥​និង​លេខ​៦​និង​ផ្លូវ​ក្រុង​សិរីសោភ័ណ​ដើម្បី​សុំ សេចក្តីសុខ​ជូន​ដល់​បងប្អូន​ប្រជាពលរដ្ឋ​គេច​ផុតពី​គ្រោះថ្នាក់​។  
​លោក​ឧ​ត្ត​ម​សេនីយ៍​ត្រី អាត់ ខែម បាន​អំពាវនាវ​ដល់​បងប្អូន​ប្រជាពលរដ្ឋ​ត្រូវ​បើកបរ​គោរព​ច្បាប់​ចរាចរ​និង ចេះ​អនុគ្រោះ​គ្នា​ទៅវិញទៅមក​ទើប​កាត់​អាច​បន្ថយ​គ្រោះ​ចរាចរ​មិនអោយ​កើតមាន ចំពោះ​បងប្អូន​ប្រជាពលរដ្ឋ​។​
​គួរ​បញ្ជាក់ថា ក្រោយ​ពេលដែល​និមន្ត​ព្រះសង្ឃ​ប្រោះ​ព្រហ្ម​តាមផ្លូវ​ហើយ ក្រោយមក​មាន​គ្រោះថ្នាក់​ចរាចរ​កើតមាន​ចំនួន​៣​ករណី​បណ្តាល​របួសធ្ងន់​២ នាក់​ស្រាល​៣​នាក់​ក្នុង​ថ្ងៃ​តែមួយ​៕     

ព័ត៌មានលម្អិត
ចុះនៅថ្ងៃទី 03-03-2015, 11:00 AM, អាន 29ដង
រាជធានី​ភ្នំពេញ​៖​ក្រុម​ម៉ូតូ​កង់​៣​ប្រមាណ​ជាង​១០០​នាក់​ដែល​ម្ខាង​ជា​សមាជិក​របស់លោក​វន​ពៅ និង​ម្ខាង​ទៀត​ជា សមាជិក​របស់លោក ឯ សុភា​ស់ បាន​ឈ្លោះប្រកែក​គ្នា​រហូត​បង្ក​ជា​អំពើហិង្សា យ៉ាង​អ​នា​ធិ​តេ​យ្យ នៅ​ម្តុំ​មុខ​រ៉ា​រថភ្លើង ក្នុង​សង្កាត់​ស្រះចក ខណ្ឌដូនពេញ កាលពី​វេលាយប់​ថ្ងៃទី​២ ខែមីនា ឆ្នាំ​២០១៥ វេលា​ម៉ោង​៧​យប់​។  
​តាម​ប្រភពព័ត៌មាន​បាន​ឲ្យ​ដឹងថា អំពើហិង្សា​នេះ​បង្កឡើង​ដោយ ក្រុម​ម៉ូតូ​កង់​បី​បាន​ឈ្លោះប្រកែក​គ្នា​រឿង ដណ្តើម​ម៉ូយ ហើយ​ក្រុម​ទាំងសងខាង​បាន​កែន​បបួលគ្នា​រហូត​ក្រុម​ម្ខាងៗ មាន​គ្នា​ប្រមាណ​ពី ៥០​នាក់​ទៅ​៦០​នាក់ បង្ក​ជា​អំពើហិង្សា វាយតប់​គ្នា បែកក្បាល ខ្លះ​រងរបួស​ធ្ងន់ ស្រាល ប្រមាណ​៤​ទៅ ៥​នាក់​។
​ក្រោយ​សមត្ថកិច្ច​ចុះ​ធ្វើ​អន្តរាគមន៍ ក្រុម​ម៉ូតូ​កង់​បី​ខាងលើ​បាន​បំបែក​គ្នា​ទៅផ្ទះ​រៀងៗ​ខ្លួន ចំណែក​ជនរងគ្រោះ​ត្រូវបាន​ដឹក យកទៅ​សង្គ្រោះ​នៅ​មន្ទីរពេទ្យ​ព្រះ​កុស​មៈ ហៅ​ពេទ្យ​លោកសង្ឃ​៕

ព័ត៌មានលម្អិត
« មុន 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 ក្រោយ »
ស្វែងរកតាមរយ:ប្រតិទិន
ចំនួនអ្នកទស្សនា
ថ្ងៃនេះ : 46843 នាក់
ថ្ងៃម្សិល : 45680 នាក់
សរុប : 14769776 នាក់
Flag Counter
Copyright© 2013 by Phnom Penh Daily All right reserved. Email:phnompenhdailynews@gmail.com
Add:#107, St.Railay, Group 57, Sangkat Beong Kok II, Khan Toul Kork Phnom penh Kingdom of Cambodia Tel: 017 700 688