1 2 3 4
ព័ត៌មានរាយការណ៍:
ថ្ងៃ សៅរ៍ ទី 05 ខែ កញ្ញា ឆ្នាំ 2015
មូលហេតុ​អ្វី​បានជា​ទឹកកាម​ចេញ​លឿន​ពេក?
ចុះនៅថ្ងៃទី 25-10-2013, 06:49 AM
ជាទូទៅ​ធ្លាប់មាន​គេ​ពោលថា បញ្ហា​ឆាប់​ចេញ​ទឹកកាម​របស់​បុរស​នេះ​បាន​កើតមាន​ចំពោះ​បុរស​នៅលើ​លោក​នេះ ជា​យូរយារ​ណាស់​មកហើយ ដែល​ស្ថានភាព​នៃ​អាការ​មួយ​នេះ​មាន​ឥទ្ធិពល​បំផ្លាញ​ទំនុកចិត្ត​ដល់​បណ្តា សុភាពបុរស​ខ្លាំងជាងគេ បន្ទាប់មក​គឺ​បញ្ហា​អង្គជាត​មិន​ឡើង​រឹង។ ហើយ​ជាងនេះទៅទៀត​នោះ គេ​មានជំនឿថា​មាន​បុរស​រហូតដល់​ទៅ៧០ភាគរយ​ឯណោះ ដែល​កំពុង​ស្វែងរក​ដំណោះស្រាយ​ក្នុង​បញ្ហា​ខាងលើនេះ។ តែ​ទោះបី​យ៉ាងនេះ​ក្តី​ក៏ត្រូវ ឈ្វេងយល់​ជាមុនសិន​ថា តើ​កម្រិត​ប៉ុណ្ណា​ទៅ​ទើប​អាច​ហៅ​បាន​ថា​ហូរ​លឿន។ បើ​និយាយ​ពី​អា​ការហូរ​ទឹកកាម​លឿន​នេះ អ្នក​ដែល​ព្រម​ទទួលស្គាល់​ច្រើនជាងគេ​គឺ​សមាគម​គ្រូពេទ្យ​អាមេរិកាំង​ដោយ ពួកគេ​បានធ្វើ​ការពិសោធ​ហើយ​បានកំណត់​ទុកជា៣ចំណុច​ដូចខាងក្រោម។ តទៅ​នេះ​សូម​ប្រិយមិត្ត​ឈ្វេងយល់​សេចក្តីលម្អិត​ដូចតទៅ៖

១. ការហូរ​ទឹកកាម​ក្រោយពេល​មានការ​ភ្ញោ​ច​ផ្លូវភេទ​ត្រឹមតែ​បន្តិចបន្តួច ហើយ​ពេលខ្លះ​អាច​កើត​មុនពេល​ស៊ក​អង្គជាត​ចូល​ឬ​ខណៈពេល​ខ្លះ ស៊ក​ចូល​បានត្រឹមតែ២នាទី​ប៉ុណ្ណោះ ស្រាប់តែ​ចេញ​ទឹកកាម​តែម្តង។

២. កើតមាន​អាការ​ដែល​មិនមែន​កើតចេញពី​ឱសថ ឬ​សារ​ធាតុគីមី​ប្រភេទ​ខ្លះ។

៣. បង្ក​ឱ្យ​កើតមាន​បញ្ហា​រវាង​គូ​ស្វាមីភរិយា ឬ​ដៃគូ​ដំណេក ។

ចំពោះ​មូលហេតុ៖ គេ​នៅ​មិនទាន់​ដឹង​ច្បាស់​នៅឡើយ​ទេ​ប៉ុន្តែ​គេ​មានជំនឿថា គឺ​វា​អាចពាក់ព័ន្ធ​នឹង​បញ្ហា​ផ្លូវចិត្ត​និង​រោគ​ក្នុង​រាងកាយ​ដែល​ទាក់ទិន នឹង​សរសៃប្រសាទ។ ក្នុងករណី​អ្នក​នៅមាន​វ័យក្មេង​ច្រើន​មាន​មូលហេតុ​បណ្តាលមកពី​ការ ខ្វាយខ្វល់​ច្រើន​ហើយ​ភ័យខ្លាច ភាគី​ស្រី​មាន​ផ្ទៃពោះ​ដោយ​ការប៉ាន់ស្មាន ឬ​ការភ្ញាក់ផ្អើល​គិតពី​នេះ​ពី​នោះ​ច្រើនពេក ទើប​ធ្វើឱ្យ​ភាគី​បុរស​ឆាប់​ចេញ​ទឹកកាមភ្លាមៗតែម្តង។ ប៉ុន្តែ​ក្រោយពី​យើង​យល់​ពី​អាការ​ទាំងអស់នេះ រួចហើយ​ខិតខំ​ប្រមែប្រមូល​បទពិសោធ​ខាង​ផ្លូវភេទ​ឱ្យបាន​ច្រើន ហើយ​រៀន​ពី​ការប្រើ​អារម្មណ៍​អូសបន្លាយ​ពេលវេលា​ឱ្យបាន​យូរ ពេលនោះ​ភាគី​បុរស​អាចមាន​បច្ចេកទេស កែសម្រួល​ក្នុងការ​បញ្ជា​ទឹកកាម​ឱ្យចេញ​នៅពេលណា​ក៏បាន​ដែរ លើសពីនេះ​ទៀត​នោះ​ក៏​នាំ​ឲ្យ​ដៃគូ​មាន​ទំនុកចិត្ត​ជាខ្លាំង​មកលើ​ខ្លួន ទៀតផង៕
ចុះនៅថ្ងៃទី 05-09-2015, 10:14 AM, អាន 25ដង
ដោយ​៖​ភួង ផុន
ខេត្តរតនគិរី
​៖​អំពើចោរកម្ម លួច ឆក់ មានការ​កំរើក​ឡើង​ខ្លាំង​នៅ​ខេត្តរតនគិរី ចាប់ពី​អំឡុង​ដើមឆ្នាំ​២០១៥ គ្រា​ដែល​រាជរដ្ឋាភិបាល​ប្រទេស​កម្ពុជា​កំពង់​លើកទឹកចិត្ត​ជំ​រុញអោយ​ក្រសួងមហាផ្ទៃ និង​អគ្គស្នងការ​រដ្ឋា​ន​នគរបាលជាតិ បានដាក់​ចេញ​នូវ​វិធានការ​ជាបន្ទាន់ ប្រឆាំង​ទៅ​និង​អំពើ​អសកម្ម​នេះ​។​
    ជាក់ស្ដែង​នៅវេលា​ម៉ោង​៦ និង​៤៥​នាទី ព្រលប់​ថ្ងៃទី​៣ ខែកញ្ញា ឆ្នាំ​២០១៥ អំពើ​ជិះ​ម៉ូតូ​ឆក់​កាបូប​មួយ​បាន​កើតមាន​ឡើងលើ​ស្ត្រី​ម្នាក់​ជា​អ្នកដើរ​កត់​កន្ទុយលេខ​ឈ្មោះ រួស ចាន់​ដា​នី អាយុ​៤៥​ឆ្នាំ ជនជាតិខ្មែរ តាម​ដងផ្លូវ ស្ថិត​ក្នុងភូមិ​ជ័យជំនះ សង្កាត់​ឡា​បាន​សៀក ក្រុង​បាន​លុង ត្រង់ចំណុច​ខាងលិច​ផ្សារ បណ្ដាលអោយ​ជនរងគ្រោះ​ដួល​ម៉ូតូ អូស​ជាច្រើន​ម៉ែត្រ រងរបួស​ធ្ងន់​មួយ​ចំហៀង​ខ្លួន​ផ្នែក​ខាងស្ដាំ ចំណែកឯ​ចោរ​ជិះ​ម៉ូតូ​រត់​គេចខ្លួនបាត់​ដោយ​សុវត្ថិភាព​។​
     ស្ត្រី​រងគ្រោះ​បានអោយដឹងថា គាត់​មកពី​កត់​កន្ទុយលេខ ជិះ​ម៉ូតូ​ត្រឡប់ទៅផ្ទះ​វិញ មកដល់​ចំណុចកើតហេតុ ក៏មាន​បុរស​ម្នាក់​ជិះ​ម៉ូតូ​ស៊េរី​ទំនើប​មិន​ស្គាល់​ម៉ាក មក​ឆក់​កាបូប​ពី​គាត់​តែម្ដង​។ ហើយ​ក្នុង​កាបូប​នោះ មាន​លុយ​ជិត​មួយ​លាន​រៀល​លុយ​ដុល្លារ​ជិត​មួយរយ​ព្រមទាំង​ទូរស័ព្ទដៃ​ពីរ​គ្រឿង​ទៀតផង​។​
      ជុំវិញ​ករណី​ចោរកម្ម​មានការ​កើនឡើង​ក្នុង​ក្រុង​បាន​លុង​នេះ អ្នកយកព័ត៌មាន​យើង​មិនអាច​សុំ​ការបំភ្លឺ ឬ តួលេខ​សរុប​ពាក់ព័ន្ធ​ការ​លួច ឆក់ និង​ការបង្ក្រាប ពី​លោកស្នងការ​នគរបាល​ខេត្ត​បានទេ ក្នុងអំឡុងពេល​៨​ខែ​ដើមឆ្នាំ​២០១៥​កន្លងមកនេះ លោក​ថា មិនអាច​អោយបាន​ទេ ដោយ​លោក​កំពុងធ្វើការ​ស៊ើបអង្កេត​។​
     ទោះជា​យ៉ាងណាក៏ដោយ ករណី​លួច​និង​ឆក់ ហាក់បីដូច​ជាមាន​សក​ម្ម​ភាពជា​ញឹកញាប់ ហើយ​ការបង្ក្រាប​បានតែ​តិចតួច​តែប៉ុណ្ណោះ បើទោះជា​រាជរដ្ឋាភិបាល​បានដាក់​ចេញ​នូវ​គោលនយោបាយ ភូមិ​ឃុំ​មាន​សុវត្ថិភាព​ទាំង​៩​ចំណុច​យ៉ាងណាក៏ដោយ​។ ប៉ុន្តែ​ខេត្តរតនគិរី ហាក់បីដូច ការអនុវត្ត ពុំ​សូវ​មាន​ប្រសិទ្ធភាព​នោះទេ ព្រោះថា ល្បែងស៊ីសង កន្ទុយលេខ ចាក់បាល់ គេ​សង្កេតឃើញ​មានការ​កើនឡើង​យ៉ាង​ពេញបន្ទុក នៅក្នុង​ក្រុង​បាន​លុង ពុំមាន​ការបង្ក្រាប​ពី​សមត្ថកិច្ច​នោះឡើយ​។ នេះហើយ​ជាដើម​ចម នៃ​អំពើ​លួច ឆក់ ធ្វើអោយ​ប្រជាពលរដ្ឋ​មានការ​ព្រួយ​រម្មជា​ខ្លាំង​៕



ព័ត៌មានលម្អិត
ចុះនៅថ្ងៃទី 04-09-2015, 03:16 PM, អាន 52ដង
ខេត្តកំពង់ស្ពឺ​៖​សមត្ថកិច្ច​ឃាត់​កូនប្រុស​ចិត្ត​តិរច្ឆាន​ម្នាក់​ហ៊ាន​លើកដៃ​អា​រក​ម្តាយបង្កើត​នឹង​កាំបិតផ្គាក់​បណ្តាល​ឲ្យ​រងរបួស​ធ្ងន់​ដេក​ក្នុង​ថ្លុកឈាម​។ ហេតុការណ៍​នេះ​កើតឡើង​កាលពីរ​វេលា​ម៉ោង​៦ និង​៣០​នាទី ព្រឹក​ថ្ងៃទី ០៤ ខែកញ្ញា ឆ្នាំ​២០១៥ ស្ថិតនៅ​ភូមិ កុមារ​រមាស ឃុំ​អម​លាំង ស្រុក​ថ្ពង ខេត្តកំពង់ស្ពឺ បន្ទាប់ពី​កូន​តិ​រិ​ច្ឆា​ន​នោះ​ផឹកស៊ី​ស្រវឹង រករឿង​ក្នុង​គ្រួសារ ហើយ​រហូត​ទាញ​កាំបិត​អារ ក​ទៅលើ​ម្ដាយ របស់ខ្លួន​បណ្ដាល​ឲ្យ​រងរបួស​ធ្ងន់​តែម្តង ។
​    ​ជនបង្ក​ត្រូវបាន​គេ​ឈ្មោះ សាម ចាន់​រ៉ា អាយុ ២៧ ឆ្នាំ ឯ​ស្ត្រី​ជា​ម្ដាយ​ដែល​រងគ្រោះ ឈ្មោះ ជ័យ សើន ហៅ រិ ។
​    ​បច្ចុប្បន្នសមត្ថកិច្ច​ឃាត់ខ្លួន​កូន​រូបនោះ​ និង​បញ្ជូនទៅ​ស្នងការដ្ឋាន​នគរបាល​ខេត្ត​ដើម្បី​កសាង​សំណុំរឿង​បញ្ជូន​ខ្លួន​ទៅ​តុលាការ​ចាត់ការ​បន្ត​តាម​នីតិវិធី​ច្បាប់​៕

ព័ត៌មានលម្អិត
ចុះនៅថ្ងៃទី 04-09-2015, 02:56 PM, អាន 33ដង
កីឡា​៖​គ្រូបង្វឹក​របស់​ក្លិប Brighton & Hove Albion លោក Chris Hughton បាន​ក្លាយជា​អ្នកដឹកនាំ​ល្អ​ជាងគេ​សម្រាប់​ខែសីហា​នៅក្នុង​ក្របខ័ណ្ឌ Championship របស់​អង់គ្លេស​កាលពីពេល​ថ្មីៗ​នេះ​។​
​    ​អតីត​គ្រូបង្វឹក​របស់​ក្លិប​សារិកា​ព្រៃ Newcastle និង​ចាប​លឿង Norwich ត្រូវបាន​បោះឆ្នោត​ឲ្យ​ក្លាយជា​គ្រូបង្វឹក​ល្អ​ជាងគេ​សម្រាប់​ខែសីហា ដោយបាន​ឈ្នះ​លើ​គ្រូបង្វឹក​លោក Steve Bruce ដឹកនាំ​ក្លិប Hull City, លោក Mick McCarthy ដឹកនាំ​ក្លិប Ipswich និង​លោក Chris Ramsey ដឹកនាំ​ក្លិប Queen Park Rangers​។​
​    ​គួរ​បញ្ជក់​ថា លោកគ្រូ​បង្វឹក Chris Hughton នឹងត្រូវ​បន្ត​ដឹកនាំ​ក្លិប Brighton & Hove Albion ប៉ះ​ជាមួយនឹង​ក្លិប​ខ្លាធំ Hull City នៅ​ថ្ងៃទី​១២ ខែកញ្ញា​ខាងមុខនេះ​៕

ព័ត៌មានលម្អិត
ចុះនៅថ្ងៃទី 04-09-2015, 01:51 PM, អាន 35ដង
​ដោយ​៖​ឣ៊ួ​ង វឹង​
​ខេត្តកំពត​
៖​លោក​អភិបាលរង​ខេត្តកំពត​ហេង​វ​ន្ថា​និង​លោក​ព្រះរាជអាជ្ញារង​សាលាដំបូង ខេត្ត​បានធ្វើ​ការឃាត់ទុក​គោយន្ត​ដឹកឈើ​មួយគ្រឿង​ហើយ​បានប្រគល់​ឲ្យ​ទៅ កម្លាំង​មេព្រៃ កាលពី​វេលា​ម៉ោង​១០​ព្រឹក ថ្ងៃទី​៣ ខែសីហា ឆ្នាំ​២០១៥ ។ ការឃាត់​គោយន្ត​ដឹកឈើ​នេះ​ធ្វើឡើង​នៅ​ចំណុច​ភូមិ​ស្រកានាគ ឃុំ​តា​កែន ស្រុក​ឈូក ខេត្តកំពត ។
​     អភិបាលរង​ខេត្តកំពត​លោក ហេង វ​ន្ថា ត្រូវបាន​គេ​ដកស្រង់​សំដី​ដោយ​លោក​អះអាងថា ការឃាត់​គោយន្ត​ដឹកឈើ​នេះ​គឺ ខណៈ​រូបលោក និង​ព្រះរាជអាជ្ញារង ខេត្ត​កំពុងធ្វើដំណើរ​ចេញ ទៅ​បំពេញ​បេសកម្ម នៅ​តំបន់​៣១៧​កោះស្លា​ហើយ ក៏​ជួបប្រទះ​បទល្មើស មាន​គោយន្ត​កន្ត្រៃ ដឹកឈើ​១​គ្រឿង នោះ​តែម្តង​។
   លោក ខាន់ សុផល ព្រះរាជអាជ្ញារង​អម​សាលាដំបូង​ខេត្តកំពត​បាន​ប្រាប់​ឣ្ន​ក​យក​ព័ត៌មាន​ថា ខណៈ​រូបលោក និង​អភិបាលរង ខេត្ត ធ្វើដំណើរ​ចេញ ទៅ​បំពេញ​បេសកម្ម នៅ​តំបន់​៣១៧​កោះស្លា​នោះ​លុះដល់​តាមផ្លូវ ក៏​ជួបប្រទះ​បទល្មើស មាន​គោយន្ត​កន្ត្រៃ​ដឹកឈើ​មួយគ្រឿង ហើយក៏​ធ្វើ​ការឃាត់ បន្ទាប់មក​តេ ទូរស័ព្ទ​ឲ្យ​កម្លាំង​សង្កាត់រដ្ឋបាល​ព្រៃឈើ​ឈូក មក​ទទួល​ករណីនេះ យកទៅ​ចាត់ការ​តាមច្បាប់​។​លោក​អ៊ុក លី មន្ត្រីសង្កាត់​រដ្ឋបាល​ព្រៃឈើ ស្រុក​ឈូក​បាន​ឲ្យ​ដឹងថា​បច្ចុប្បន្ន​គោយន្ត​កន្ត្រៃ​រួម​នឹង​ឈើ ប្រភេទ ឈើ​ចំបក់ ចំនួន​៣៦​កំណាត់ ត្រូវបាន​រក្សាទុក​បណ្តោះ​អាសន្ន នៅឯ​ប៉ុស្តិ៍នគរបាល រដ្ឋបាល ឃុំ​តា​កែន ហើយ​កំពុង​រៀបចំ​សំណុំរឿង​បញ្ជូនបន្ត​ឲ្យ​ខណ្ឌ​រដ្ឋបាល ព្រៃឈើ​កំពត ដើម្បី​ចាត់ការ​បន្តទៀត​តាម​នីតិវិធី​ច្បាប់ រីឯ​ម្ចាស់​ឈើ បាន​គេចខ្លួនបាត់​។​
​គួរបញ្ជាក់​ផងដែរ​ថា មេព្រៃ​ឣ​ង្គុ​យ​ចាំ​យកលុយ​ពីបទ​ល្មើស​ព្រៃឈើ រីឯ​លោក​ឣ​ភិ​បាល​រង​ខេត្ត និង​លោក​ព្រះរាជ​ឣា​ជ្ញា​រង​ជា​ឣ្ន​ក​បង្ក្រាប​វិញ​គួរ​ឣោ​យ​ឈ្ងល់​ណាស់​៕
ព័ត៌មានលម្អិត
ចុះនៅថ្ងៃទី 04-09-2015, 01:31 PM, អាន 30ដង
រាជធានី​ភ្នំពេញ​៖​សេចក្ដីព្រាង​អនុក្រឹត្យ​ស្ដីពី​វិធានការ​សុខាភិបាល ដើម្បី​ទប់ស្កាត់​និង​ឆ្លើយតប​ការឆ្លង​រាលដាល​ជា​អន្តរជាតិ​នៃ​ជំងឺ​នៅតាម ច្រ​ល​ចេញ​-​ចូល​ដើម្បី​ពង្រឹង​យន្តការ​នៃ​ការអនុវត្ត​ច្បាប់ និង​រក្សា​និរន្តរភាព​នៃ​ការអនុវត្តន៍​ការងារ​ទប់ស្កាត់​ការឆ្លង​រាលដាល​ជា អន្តរជាតិ​នៃ​ជំងឺ​ឲ្យ​មាន​ប្រសិទ្ធភាព ត្រូវបាន​កិច្ចប្រជុំពេញអង្គ​គណៈរដ្ឋមន្ត្រី​អនុម័ត​កាលពី​ព្រឹក​មិញ ។ នេះ​បើ​យោងតាម​ការសរសេរ​លើ​ទំព័រ​ហ្វេ​ស​ប៊ុ​ក របស់លោក ផៃ ស៊ី​ផាន រដ្ឋលេខាធិការ​គណរ​ដ្ឋ​មន្ត្រី ។
​    ​លោក ផៃ ស៊ី​ផាន បាន​បញ្ជាក់ថា សេចក្ដីព្រាង​អនុ​ក្រិ​ត្យ​នេះ​ត្រូវបាន​រៀបចំឡើង ដើម្បី​ពង្រឹង​យន្តការ​នៃ​ការអនុវត្ត​ច្បាប់​អោយបាន​ត្រឹមត្រូវ និង​ដើម្បី​រក្សា​និរន្តរភាព​នៃ​ការអនុវត្តន៍​ការងារ​ទប់ស្កាត់​ការឆ្លង រាលដាល​ជា​អន្តរជាតិ​នៃ​ជំងឺ​ប្រកបដោយ​ប្រសិទ្ធភាព ស្របតាម​ច្បាប់​កម្ពុជា​ក៏ដូចជា​បទ​ប្បញ្ញត្តិ​រប​ស់​អង្គការ​សុខភាព ពិភពលោក​ដែល​ប្រទេស​កម្ពុជា​ក៏​ជា​សមាជិក​។ លោក​បន្តថា អនុក្រឹត្យ​នេះ​មាន​គោលបំណង​កំណត់​អំពី​វិធានការ​សុខាភិបាល​អនុវត្ត​ដោយ មន្ត្រី​ច​ត្តា​ឡី​ស័ក ដើម្បី​ទប់ស្កាត់​និង​ឆ្លើយតប​គ្រោះអាសន្ន​បន្ទាន់​ចំពោះ​សុខភាព​សាធារណៈ ដែលជា​កង្វល់​ជាតិ និង​អន្តរជាតិ នៅតាម​ច្រកចេញចូល​។
​    ​សេចក្តីព្រាង អនុក្រឹត្យ​នេះ​មាន​៦​ជំពូក និង​១១​មាត្រា ដែល​ជំពូក​ទី​១​ចែង​អំ​ពីបទ​ប្បប​ញ្ញត្តិ​ទូទៅ មាន ៤​មាត្រា ជំពូក​ទី​២ ចែង​អំពី​សមត្ថកិច្ច​គ្រប់គ្រង មាន​១​មាត្រា ជំពូក​ទី​៣ ចែង​អំពី​វិធានការ​សុខាភិបាល មាន​១​មាត្រា ជំពូក​ទី​៤​ចែង​អំពី​កម្រៃ​សេវា មាន​១​មាត្រា ជំពូក​ទី​៥ ចែង​អំពី​ទណ្ឌកម្ម មាន​២​មាត្រា និង​ជំពូក​ទី​៦​ចែង​អំពី​អវសាន​ប្បញ្ញត្តិ​មាន​២​មាត្រា​៕

ព័ត៌មានលម្អិត
ចុះនៅថ្ងៃទី 04-09-2015, 01:19 PM, អាន 64ដង
​រាជធានី​ភ្នំពេញ​៖​លោក ប៉ែន ចំ​រ៉ុង តារា​សម្តែង និង​ជា​ពិធីករ​ល្បីឈ្មោះ​កាលពី​ព្រឹក​មិញ​នេះ​បានមក​សាលាដំបូង​រាជធានី​ភ្នំពេញ​ដើម្បី​បំភ្លឺ​ពាក់ព័ន្ធ​លើ បណ្តឹង​របស់​ឪពុក​កញ្ញា​ភិន សុ​ដា​លី​ស គឺ​លោក​អ៊ិន សុ​ភិន ចាងហ្វាង​ផលិតកម្ម​មហាហង្ស តាម​ដីកា​កោះហៅ​របស់​ព្រះរាជអាជ្ញារង​សាលាដំបូង​លោក ប៊ុត វង្ស​វិសុត ។
​    ​ឪពុក​ដា​លី​ស​ប្រកាន់​ជំហរ​ថា កូនស្រី​លោក​រក​មិនទាន់​ឃើញ ដូច្នេះ​លោក​ប៉ែន ចំ​រ៉ុង ត្រូវតែទៅ​បំភ្លឺ​នៅ​តុលាការ​ពេល​មានការ​កោះហៅ ។
​    ​លោក អ៊ិន សុ​ភិន ចាងហ្វាង​ផលិតកម្ម​មហាហង្ស​បានធ្វើ​សន្និសីទកាសែត​កាលពី​ព្រឹក​ថ្ងៃ ព្រហស្បតិ៍ ទី​២៧ ខែសីហា ឆ្នាំ​២០១៥ នៅ​ទីស្នាក់ការ​ក្រុមហ៊ុន មហាហង្ស ក្នុង​សង្កាត់​បឹងកក់​២​ខណ្ឌទួលគោក រាជធានី​ភ្នំពេញ ប្រកាស​ធ្វើសង្គ្រាម ឬ​ចង​សត្រូវ​ជាមួយ​តារា​សម្តែង​លោក ប៉ែន ចំ​រ៉ុង ៕

ព័ត៌មានលម្អិត
ចុះនៅថ្ងៃទី 04-09-2015, 12:17 PM, អាន 39ដង
​រាជធានី​ភ្នំពេញ​៖​លោក​ផៃ​ស៊ី​ផាន​អ្នកនាំពាក្យ​ទីស្តីការគណៈរដ្ឋមន្ត្រី បានបញ្ជាក់​ថាស​ម្តេច​អគ្គមហាសេនាបតី​តេ​ជោ​ហ៊ុនសែន​នាយករដ្ឋមន្ត្រី​នៃ ព្រះរាជាណាចក្រ​កម្ពុជា នៅក្នុង​កិច្ចប្រជុំពេញអង្គ​គណៈរដ្ឋមន្ត្រី នា​ព្រឹក​ថ្ងៃទី ០៤ ខែ កញ្ញា ឆ្នាំ ២០១៥ នេះ សម្តេច​តេ​ជោ​បានលើកឡើង​បន្ថែមថា គណបក្ស​សង្គ្រោះ​ជាតិ (CNRP) គួរ​មាន​ភាពស្មោះត្រង់​នឹង​ប្រជាជាតិ ចំពោះ​ករណី​ផែនទី ដើម្បី​ផលប្រយោជន៍​ប្រជាជាតិ​រួម​។
​    ​លោក​បញ្ជាក់​បន្ថែមថា ការផ្ទៀងផ្ទាត់​ផែនទី​ដទៃ ជាមួយ​ផែនទី​រដ្ឋ​គ្រាន់តែ​ជា​កិច្ច​គួបផ្សំ មិនមែនជា​ការចាំបាច់​ទៀត​ទេ​។ ក៏ប៉ុន្តែ​ភាពល្ងង់ខ្លៅ​ដទៃទៀត​របស់​អ្នកមាន​និន្នាការ​ប្រឆាំង ឬ​ប្រើប្រាស់ ដើម្បី​ផលប្រយោជន៍​ប្រជាភិថុតិ ឬ​នយោបាយ​នោះ ក៏​ត្រូវតែ​បញ្ចប់ ហើយ​ដែន​សមត្ថកិច្ច និង​ការអនុវត្ត​ច្បាប់​ចំពោះ​ការងារ​ព្រំដែន ត្រូវតែ​បន្ត ម៉ឺងម៉ាត់ និង​គ្មាន​ការយោគយល់​។
​    ​សម្តេច តេ​ជោ បាន​រំឭក​ដល់​ក្រុម​ដែល​ខ្លៅ​ចំពោះ​ការងារ​ទាំងអស់នោះ​ថា ៖ ១- ការដោះស្រាយ​ការងារ​ព្រំដែន​ជាមួយ​ថៃ គឺ​តាមរយៈ​អនុស្សរណៈ​យោគយល់​គ្នា ឆ្នាំ ២០០០ ជាមួយនឹង​ផែនទី​កម្ពុជា​-​ថៃ ដែល​ផលិត​តាមរយៈ​អនុសញ្ញា ១៩០៤ និង ១៩០៧ ជាមួយ​ផែនទី​ខ្នាត ១/២០០.០០០ ២- ជាមួយ​លាវ គឺ​ឆ្នាំ​១៩៩៥ លើ​ផែនទី​ខ្នាត ១/១០០.០០០ ៣- ជាមួយ​វៀតណាម ឆ្នាំ ១៩៨៥ លើ​ផែនទី​ខ្នាត ១/១០០.០០០ រឿង​ផ្ទៀងផ្ទាត់​ផែនទី​ចប់​ហើយ ការងារ​នីតិរដ្ឋ​ត្រូវតែ​បន្ត​ដោយ​ម៉ឹងម៉ាត់​៕

ព័ត៌មានលម្អិត
ចុះនៅថ្ងៃទី 04-09-2015, 12:12 PM, អាន 47ដង
ខេត្តកណ្តាល​៖​ក្រុម​ជំនួយ​លោក​ហ៊ុន​ម៉ា​ណែ​ត​កាលពី​ព្រឹក​ថ្ងៃ​ពុធ​ទី​០៣​ខែកញ្ញា ឆ្នាំ​២០១៥ បាន​នាំយក​នូវ​ថវិកា​ចំនួន​២​លាន​រៀល អង្ករ​៥០០​គីឡូក្រាម​មី​៣០​កេស​ប្រេងឥន្ធនៈ​៥00​លីត្រ ប្រគេន​ដល់​វត្ត​ក្រូចសើច ស្ថិតក្នុង​ឃុំ​ទ្រា ស្រុក​កណ្តាលស្ទឹង ខេត្តកណ្តាល ។ ទន្ទឹម​នោះ​ចែកជូន​លោកយាយ​លោកតា ១៥០​នាក់ ក្នុង​ម្នាក់ៗ ក្រណាត់ស ០១​ដុំ និង​ថវិកា ១​ម៉ឺន​រៀល ដែលជា​អំណោយ​ដ៏​ថ្លៃថ្លា​របស់ លោក ហ៊ុន ម៉ា​ណែ​ត និង​លោកជំទាវ ។
​    ​លោក មែ ស៊ីថន តំណាង​ក្រុម​ជំនួយការ​បាន​មានប្រសាសន៍ថា កន្លងមក លោក ហ៊ុន ម៉ា​ណែ​ត និង​លោកជំទាវ​ធ្លាប់បាន​នាំយក​អំណោយ​មួយចំនួន របស់​សម្តេច​តេ​ជោ និង​សម្តេច​កិត្តិ​ព្រឹទ្ធ​បណ្ឌិត ប្រគេន និង​ជូន​តាម​សំណូមពរ​របស់​មូលដ្ឋាន​រួចមកហើយ​សម្រាប់​ប្រគេន​បន្ថែម​ដល់ វត្ត​ក្រូចសើច ក្នុង​ការបន្ត​ដោះស្រាយ​ការកសាង​សមិទ្ធិផល​វត្ត សំដៅ​បម្រើ​ដល់​ការគោរព​បូជា​របស់​ពុ​ទ្ធ​បរិស័ទ​ជិត​ឆ្ងាយ​ទៅតាម​គន្លង ព្រះពុទ្ធសាសនា ។
​    ​អំណោយ ទាំងអស់នោះ​គឺជា​ការបង្ហាញ​នូវ​មនោសញ្ចេតនា​និង​ការគិតគូរ​ពី​សុខទុក្ខ របស់​ប្រជាជន​ខ្មែរ​គ្រប់​ទីកន្លែង​ពី​សំណាក់​សម្តេច​តេ​ជោ និង​សម្តេច​កិត្តិ​ព្រឹទ្ធ​បណ្ឌិត​។
​    ​លោក មែ ស៊ីថាន បាន​លើកឡើងថា ទោះបី​លោក​ជា​យុវជន​ជំនាន់​ក្រោយ​សង្គ្រាម​ក្តី បានទទួល​រង​នូវ​ការបាត់បង់​ជីដូន​ជីតា​នៅក្នុង​របប​ប្រល័យពូជសាសន៍​ហើយ​បាន និរាស​ព្រាត់ប្រាស់​គ្រួសារ​ដូចជា​ប្រជាជន​រងគ្រោះ​ទូទាំងប្រទេស​ផងដែរ ។ ប៉ុន្តែ​ជា​ភ័ព្វសំណាង​សន្តិភាព​ដោយ​កម្រ ក្រោម​ឥទ្ធិពល​នៃ​នយោបាយ​ឈ្នះ​ឈ្នះ​របស់​សម្តេច​តេ​ជោ ដែល​ប្រៀបបាន​ទៅនឹង​នយោបាយ​សុខដុម​នីយកម្ម​ខ្មែរ​ដែល​ធ្លាប់​មាននៅ សម័យអង្គរ ដែល​បាន​នាំមក​នូវ​សុខសន្តិភាព​ពេញ​ផ្ទៃ​ប្រទេស និង​ការអភិវឌ្ឍន៍​លើ​គ្រប់​វិស័យ ។ ដូច្នេះ​យុវជន​ខ្មែរ​គ្រប់រូប​ត្រូវ​ស្វែងយល់​អំពី​តម្លៃ​នៃ​សន្តិភាព និង​ប្តេជ្ញា​ចូលរួម​ថែរក្សា​សន្តិភាព​មួយ​នេះ​ឲ្យ​នៅ​ថិ​ត​ថេរ ដើម្បី​ជាតិ​មាតុភូមិ និង​ប្រជាជន​គ្រប់​ជំនាន់ ។
​    ​លោក តេង រិទ្ធី អភិបាលរង ស្រុក​កណ្តាលស្ទឹង ក្នុងនាម​អាជ្ញាធរ​មូលដ្ឋាន ក៏ដូចជា​ជំនួសមុខ ក្រុមការងារ​គណបក្ស​ប្រជាជន​កម្ពុជា​ចុះជួយ​ឃុំ​ទ្រា និង​មូលដ្ឋាន​ស្រុក​កណ្តាលស្ទឹង និង​ជួសមុខ​ប្រគេន​ព្រះសង្ឃ​គ្រប់​ព្រះអង្គ​វត្ត​ក្រូចសើច គោរព​ថ្លែងអំណរគុណ​យ៉ាង​ជ្រាលជ្រៅ​ជូន​ចំពោះ សម្តេច​តេ​ជោ និង​សម្តេច​គតិ​ព្រឹទ្ធ​បណ្ឌិត ព្រមទាំង លោក ហ៊ុន ម៉ា​ណែ​ត ដែល​តែងតែ​បន្ត​ជួយឧបត្ថម្ភ​គាំពារ​គ្រប់បែបយ៉ាង​ដល់​វត្ត ជាពិសេស​នៅក្នុង​រដូវ​ចូល​ព្រះវស្សា​បុណ្យ​ភ្ជុំបិណ្ឌ​នេះ​ថែមទៀត ក៏ដូចជា​នៅ​មូលដ្ឋាន​ឃុំ​ទ្រា​យើង​នេះ​ជា​បន្តបន្ទាប់ ៕

ព័ត៌មានលម្អិត
ចុះនៅថ្ងៃទី 04-09-2015, 12:00 PM, អាន 37ដង
​កីឡា​៖​ក្រោយ​បញ្ចប់​ការប្រកួត​វគ្គ​ជម្រុះ​នៅ​តំបន់​អាស៊ី​ក្នុង​ព្រឹត្តិការណ៍ បាល់ទាត់​ពិភពលោក World Cup ឆ្នាំ 2018 ដែល​នឹង​ប្រារព្ធ​ឡើង​នៅ​ប្រទេស​រុស្ស៊ី​រួចមក ឃើញថា​នៅ​យប់​នេះ​នៅ​តំបន់​អឺរ៉ុប​ក៏មាន​ការប្រកួត​វគ្គ​ជម្រុះ​ក្នុង ព្រឹត្តិការណ៍​បាល់ទាត់​ពានរង្វាន់​ប្រចាំ​ទ្វីបអឺរ៉ុប European Cup ឆ្នាំ 2016 ដែល​នឹង​ធ្វើឡើង​នៅ​ប្រទេស​បារាំង​ផងដែរ ។​សូម​មើល​រូបភាព​ខាងក្រោម​នេះ​៖

ព័ត៌មានលម្អិត
ចុះនៅថ្ងៃទី 04-09-2015, 11:52 AM, អាន 34ដង
រាជធានី​ភ្នំពេញ​៖​ក្រសួងទេសចរណ៍​និង​វិស័យ​ឯកជន​បាន​សន្យាថា​នឹង​រួមគ្នា​ជំរុញ វិស័យ​ទេសចរណ៍​ឲ្យ​កាន់​តែមាន​ភាពល្អប្រសើរ​និង​និរន្ត​ភាព គ្រា​ដែល​វិស័យនេះ​កាន់តែ​បង្ហាញ​នូវ​តួនាទី​យ៉ាងសំខាន់​ក្នុងការ​ពង្រឹង និង​ពង្រីក​សេដ្ឋកិច្ច​នៅ​កម្ពុជា ។ ការបង្ហាញ​នូវ​ការសន្យា​រួមគ្នា​នោះបាន​ធ្វើឡើង​ក្នុងឱកាស​ដែល ក្រសួងទេសចរណ៍​និង​វិស័យ​ឯកជន​បាន​បើក​កិច្ចប្រជុំ​មួយ កាលពី​រសៀល​ថ្ងៃទី​៣​ខែកញ្ញា​នេះ ក្រោម​វត្តមាន​លោក ថោង ខុន រដ្ឋមន្ត្រី ក្រសួងទេសចរណ៍ និង​មាន​អ្នក​ចូលមក​ថ្នាក់ដឹកនាំ​មកពី​ស្ថាប័នរដ្ឋ និង​វិស័យ​ឯកជន ដែល​ធ្វើ​អាជីវកម្ម​ទេសចរណ៍​នៅ​កម្ពុជា ។
​    ​លោក ទិ​ត្យ ចន្ថា រដ្ឋ​លេខ​ធិ​ការ​ក្រសួងទេសចរណ៍​បានឱ្យដឹងថា កិច្ចប្រជុំ​នេះ ផ្តោតជាសំខាន់​លើ​ការសិក្សា​អំពី​ទីផ្សារ​និង​ផ្សព្វផ្សាយ​ទេសចរណ៍ ដោយ​ខិតខំ​រក​វិធី​ជំរុញ​ការទាក់ទាញ​ទេសចរណ៍​មក​កម្ពុជា រួមទាំង​យន្តការ​ផ្សេងៗ ទាក់ទង​នឹង​ការផ្សព្វផ្សាយ​ផលិតផល​ទេសចរណ៍ គោលដៅ​ទេសចរណ៍ សំខាន់​បញ្ហា​សុខសន្តិភាព ស្ថេរភាព របស់​កម្ពុជា ដើម្បី​ជាការ​ទាក់ទាញ​ទេសចរណ៍​មក​កម្ពុជា ។
​    ​លោក រដ្ឋលេខាធិការ​បន្តថា កិច្ចប្រជុំ​នោះ​ក៏បាន ពិភាក្សា​អំពី ការបង្កើត​ក្រុមប្រឹក្សាភិបាល​សិក្សា​ផ្សព្វផ្សាយ​ទេសចរណ៍ ដោយបាន​ឯកភាពគ្នា​រវាង​រដ្ឋ​និង​ឯកជន​រួមគ្នា អភិវឌ្ឍន៍​ផលិតផល​ទេសចរណ៍ ការប្រយុទ្ធប្រឆាំង​ការប្រកួតប្រជែង​មិន​ស្មើភាព​គ្នា​ក្នុង​អាជីវកម្ម ទេសចរណ៍ ការគ្រប់គ្រង​ការរំខាន​ដោយ​សម្លេង​ពី​មណ្ឌល​កំសាន្ត​មនុស្សពេញវ័យ ការគ្រប់គ្រង​សន្តិសុខ សុវត្ថិភាព​ទេសចរណ៍​តាម​គោលដៅ​សំខាន់​( Healthy Tourism) ការគ្រប់គ្រង​ប្រព័ន្ធ​អគ្គីភ័យ និង​ប្រព័ន្ធ​ច្រក​សុ​វត្តិភាព តាម​អាជីវកម្ម​ទេសចរណ៍ ក៏ដូចជា​កម្វិធី​សម្អាត​កម្ពុជា (Clean Up Cambodia) និង​សេចក្តីព្រាង​សេចក្តីសម្រេច ស្តីពី​ការបង្កើត​ខេ​ខា​ធិ​ការ​រដ្ឋា​ន​ក្រុមការងារ​ផ្នែក​ទេសចរណ៍ ដែល​ភាគី​ទាំងពី​រដ្ឋ​និង​ឯកជន​ត្រូវតែ​រួមគ្នា​ធ្វើយ៉ាងណា​ឱ្យមាន ប្រសិទ្ធភាព ដើម្បី​ស្រូបយក​ទេសចរណ៍​ជាតិ និង​អន្តរជាតិ​មក​កម្ពុជា​។
​    ​ទាក់ទិន នឹង​កង្វល់​របស់​វិស័យ​ឯកជន លោក ថោង ខុន ក៏បាន​ជម្រាបជូន​ថា ក្រសួង​និង​ស្ថាប័ន​របស់​រដ្ឋ​ទាំងអស់​ដែល​ពាក់ព័ន្ធ​នឹង​ខិតខំ​ប្រឹង​ប្រែ ធ្វើយ៉ាងណា​ឲ្យ​បាន ល្អប្រសើរ​បំផុត ហើយ​អាជ្ញាធរ​នៅតាម​តំបន់​គោលដៅ​ទេសចរណ៍​បាន​ត្រៀមលក្ខណៈ​ជាស្រេច​ក្នុងការ សហការ​ជាមួយ​វិស័យ​ឯកជន ទាំង​ការពារ សន្តិសុខ សណ្តាប់ធ្នាប់ ក៏ដូចជា​រួមគ្នា​ក្នុងការ​បង្កើត​ផលិតផល​ទេសចរណ៍​ថ្មីៗ​បន្ថែមទៀត ដើម្បី​បំពេញ​សេចក្តីត្រូវការ និង​ការប្រកួតប្រជែង​ទីផ្សារ​ទេសចរណ៍​ក្នុង​តំបន់ និង​ពិភពលោក ដោយ​សំអាង​ទៅលើ​សក្កដានុពល​ទេសចរណ៍​ដែល​កម្ពុ​ជាមាន ទាំង​ទេសចរណ៍វប្បធម៌ ធម្មជាតិ កែច្នៃ​និង​ទេសចរណ៍​ប្រវត្តិសាស្ត្រ​។
​    ​យ៉ាងណា លោក​រដ្ឋមន្ត្រី​អះអាង​យើង​ជៀស​មិន​ផុត​ទេពី​ចន្លោះប្រហោង​តិចតួច ដែល​ទាមទារ​ឱ្យ​យើងទាំងអស់គ្នា​ខិតខំ​ប្រឹងប្រែង​ដោះស្រាយ​រួមគ្នា ដើម្បី​ធ្វើឱ្យ​បញ្ហា​ទាំងនោះ​កាត់បន្ថយ និង​ឱ្យបាន​ប្រសើរឡើង ទាំង​គុណភាព និង​ប្រសិទ្ធភាព​ខ្ពស់​។
​    ​មន្ត្រី ក្រសួងទេសចរណ៍​អះអាងថា កិច្ចប្រជុំ​នេះ​បានធ្វើ​ឡើងជា​រៀងរាល់​៣​ខែម្តង រវាង​ស្ថា​ប័​ន្ធ​រដ្ឋ និង វិស័យ​ឯកជន ក្នុង​កម្រិត​ក្រុមការងារ​ខាង​វិស័យ​ទេសចរណ៍ ប៉ុន្តែ​បើ​មាន​កិច្ចការ​ចាំបាច់​ត្រូវ​កោះប្រជុំ​បន្ទាន់ ដើម្បី​ដោះស្រាយ​ជម្រុញ​និង​អនុវត្ត​កិច្ចការ​ទេសចរណ៍ ធ្វើឱ្យ​វិស័យនេះ​កាន់តែ​មានការ​រីកចំរើន និង​ប្រកបដោយ​សុខសន្តិភាព​និង​និរន្តរភាព​៕

ព័ត៌មានលម្អិត
ចុះនៅថ្ងៃទី 04-09-2015, 11:38 AM, អាន 34ដង
កីឡា​៖​អ្នក​ប្រដាល់​សញ្ជាតិ​អាមេរិក Floyd Mayweather បានប្រកាសថា គាត់​នឹង​រក្សា​ភាពមិន​ដែល​ចាញ់​របស់គាត់ នៅពេលដែល​ត្រូវ​ឡើង​សង្វៀន​ប្រកួត​ជា​លើកចុងក្រោយ​ជាមួយនឹង​អ្នក​ប្រដាល់ សញ្ជាតិ​អាមេរិក Andre Berto នៅ​ថ្ងៃទី​១២ ខែកញ្ញា​នេះ​។​
​    ​ចំណែក អ្នក​ប្រដាល់ Andre Berto វ័យ​៣១​ឆ្នាំ​រូបនេះ​ធ្លាប់​ប្រកួត​ចំនួន​៣៤​លើក ឈ្នះ ៣១​លើក (​ផ្ដួល​គូប្រកួត​ឲ្យ​សន្លប់ ២៤​លើក​) ចាញ់ ៣​លើក និង​មិនដែល​ស្មើ ។​
​    ​គួរ​បញ្ជាក់ថា អ្នក​ប្រដាល់​មិនដែល​ចាញ់ Floyd Mayweather នឹងត្រូវ​លើក​ការពារ​ខ្សែក្រវ៉ាត់ WBC ជាមួយនឹង​អ្នក​ប្រដាល់​សញ្ជាតិ​អាមេរិក​ដូចគ្នា Andre Berto នៅ​សង្វៀន MGM Grand ក្នុង​ទីក្រុង Las Vegas៕

ព័ត៌មានលម្អិត
ចុះនៅថ្ងៃទី 04-09-2015, 11:11 AM, អាន 37ដង
ម៉ាឡេស៊ី​៖​សាកសព​ជនអន្តោប្រវេសន៍​១៤​នាក់ ក្នុងនោះ​ស្ត្រី​១៣​នាក់ បុរស​ម្នាក់ ត្រូវ​ក្រុម​ជួយសង្គ្រោះ​ម៉ាឡេស៊ី​រកឃើញ​នៅ​ឆ្នេរសមុទ្រ​ម៉ាឡេស៊ី បន្ទាប់ពី​ទូក​ដឹក​មនុស្ស​ប្រមាណ​១០០​នាក់​បាន​លិច​ក្នុង​សមុទ្រ​ម៉ាឡេស៊ី កាលពី​ម្សិលមិញ ។​
​ទោះជា​យ៉ាងណាក៏ដោយ ក្រុម​អ្នក​ជួយសង្គ្រោះ​ម៉ាឡេស៊ី​បានឱ្យដឹងថា មនុស្ស​ជាច្រើន​នាក់​នៅតែ​បាត់​ខ្លួន ខណៈដែល​មនុស្ស​១៥​នាក់​បាន​ជួយសង្គ្រោះ​ទាន់ពេលវេលា​ដែរ​៕

ព័ត៌មានលម្អិត
ចុះនៅថ្ងៃទី 04-09-2015, 11:09 AM, អាន 36ដង
ខេត្តបាត់ដំបង​៖អតីត​ពិធី​ការិនីទូរទស្សន៍ CTN ​កញ្ញា ឯក សុជាតា ហៅ សា​សា នៅ​ព្រឹក​ថ្ងៃទី​៤ ខែកញ្ញា ឆ្នាំ​២០១៥​នេះ  បានបង្ហាញ​វត្តមាន និង​ស្នើសុំ​តុលាការខេត្តបាត់ដំបង​ចូលខ្លួន​បំភ្លឺ មុន​កាលកំណត់​លើ​ដីកា​កោះហៅ​ជា​លើក​ទី​២​ជុំវិញ​សំណុំរឿង​បង្ក​គ្រោះថ្នាក់​ចរាចរណ៍​កាលពី​ថ្ងៃទី​២ ខែសីហា​កន្លងទៅ​។
​គួរ​បញ្ជាក់ថា ព្រះរាជអាជ្ញារង​សាលាដំបូង​ខេត្តបាត់ដំបង​កាលពី​ថ្ងៃ​ទី​៣១ ខែសីហា ឆ្នាំ​២០១៥ កន្លងទៅនេះ​បានចេញ​ដីកា​កោះហៅ​កញ្ញា​សា​សា​ឲ្យ​ចូល​បំភ្លឺ​នៅ​តុលាការ​ជា​លើក​ទី​២​នៅ​ម៉ោង​៨ និង​៣០ នាទី​ព្រឹក ថ្ងៃទី​១០ ខែកញ្ញា ឆ្នាំ​២០១៥ ខាងមុខនេះ​ពាក់ព័ន្ធ​ករណី​គ្រោះថ្នាក់​ចរាចរណ៍ កាលពី​ថ្ងៃទី​២ ខែសីហា កន្លងទៅ បន្ទាប់ពី​ដីកា​កោះហៅ​លើក​ទី​១​កាលពី​ថ្ងៃទី​២៧ ខែសីហា ត្រូវបាន​អវត្តមាន និង​ពុំមាន​មូលហេតុ​ច្បាស់លាស់​៕

ព័ត៌មានលម្អិត
ចុះនៅថ្ងៃទី 04-09-2015, 11:30 AM, អាន 52ដង
​ដោយ​៖​កង សាន់​ដា​រា​
​ខេត្តក្រចេះ
​៖​ប្រភពព័ត៌មាន​បាន​រាយ​ការណ៍​ថា ក្រុមហ៊ុន​ដី​សម្បទាន​សេដ្ឋកិច្ច​មួយ​ឈ្មោះថា ម៉ូ​រី​បា ស្ថិត​នៅជាប់​ព្រំប្រទល់​នៃ​ច្រក​១០៥​ស្រុក​ចិ​ត្ត្រ​បុរី​ខែ​ត្ត​ក្រចេះ និង​ខែ​ត្ត​ម​ណ្ល​ល​គិរី  ដែលជា​ច្រក​ដ៏​សំខាន់​មួយ​ស្ថិតក្រោម​ដែន​សមត្ថកិច្ច​គ្រប់គ្រង​របស់លោក កែវ ចំណាន មេ​នាយ​សង្កាត់រដ្ឋបាល​ព្រៃឈើ​កន្ទួត​ត្រូវគេ​មើលឃើញថា ទាំង​រដូវប្រាំង​វស្សា​ចេញ​ឈើ​គ្រប់​ប្រ​ភ​ទ​មាន​ទាំង​ឈើ​ប្រណីត រហូតដល់​ជន្លុង​ម្រេច  ដោយ​គ្មាន​ការទប់ស្កាត់​ពី​ជំនាញ​ឡើយ​។ ប្រភព​បន្តថា បច្ចុប្បន្ន​នេះដែរ​ឈើ​ប្រភេទ សុ​ក្រម ត្រូវ​ក្រុម​ឈ្មួញ​ប្រមូល​រាប់ពាន់​កំណាត់​ស្តុក​ទុក​នៅ​ចំណុច​ក្រុមហ៊ុន​ម៉ូ​រី​បា និង​បន្ត​ដឹក​ចេ​ញេ​ទៅ​ប្រទេស​វៀតណាម​។​
​សេចក្តីរាយការណ៍​ដដែល​បញ្ជាក់ថា ការប្រមូល​ឈើ​ស្តុក​ទុក​នេះដែរ​គឺ​ក្រោម​ទទួលខុសត្រូវ​ដោយ ឈ្មោះ​ជាង ដែលជា​មន្ត្រីប៉ូលិស​ប៉ុស្តិ៍​កន្ទួត​ជា​អ្នកប្រមូល​អោយ​ថៅកែ​២​នាក់​ទៀត​ឈ្មោះ ធា និង គ្រូ​បូ  និង​ជា​អ្នកចេញ​មុខ​កាង​ក្រោយ​អ្នកកាសែត​ថត​គំនរ​ឈើ​នោះ ហើយ​បាន​បញ្ជូន​ជើង​អោយ​ផ្សាយ​បើ​បាន​ផ្សាយ​កាន់តែច្រើន​កាន់តែ​ល្បីឈ្មោះ​បន្ថែមទៀត  និង​ជួយ​ថែមលុយ​អោយ​តៀត​។ ចំណែក​លោក​មេ​នាយ​សង្កាត់រដ្ឋបាល​ព្រៃឈើ​ឯណោះ​វិញ​អះអាង​តាម​ទូរស័ព្ទ​ថា គ្រូ​បូ ហែក​ពែ​មី​ពី​ខែ​ត្ត​មណ្ឌលគិរី​មិនទាន់​ដឹក​ចេញមក​ផង ថែមទាំង ស្ថិតនៅក្នុង​ខេត្តមណ្ឌលគិរី៎ ឲ្យ​គាត់​ធ្វើ​ម៉េច សំដី​នេះ​គ្រាន់តែ​ជាការ​ដោះស្រាយ​បិទបាំង​អំពើពុករលួយ និង​បដិសេធន​មិន​ទទួលខុសត្រូវ​ក្រោម​ដែន​គ្រប់គ្រង​ខ្លួន​ប៉ុណ្ណោះ​។
​ជុំវិញ​រឿង​ប្រមូល​ឈើ​នេះដែរ​លោក​អភិបាលស្រុក​ចិត្រ​បុរី​លោក ​ហង់ ​ចាន់​ឌី ​មានប្រសាសន៍​តាម​ទូរស័ព្ទ​ថា លោក​មិនដែល​ដឹង​សោះ​លោក​នឹង​ឲ្យ​កំលាំង​ចុះ​សិក្សា​ករណី​ខាងលើនេះ​៕
​    ​

ព័ត៌មានលម្អិត
ចុះនៅថ្ងៃទី 04-09-2015, 10:24 AM, អាន 41ដង
​កីឡា​៖​ក្រុមបាល់ទាត់​ជម្រើសជាតិ​កម្ពុជា​បានបញ្ចប់​ការប្រកួត​ជម្រុះ​បាល់ទាត់​ពិភពលោកឆ្នាំ​២០១៨​របស់ខ្លួននៅ​ពូ​ល E សម្រាប់​តំបន់​អាស៊ី ជុំ​ទី​ពីរ​ជើង​ទី​១​កាលពី​យប់មិញ​ដោយ​លទ្ធផល​ក្រុម​សា​ម៉ូ​រៃ​ជប៉ុន ដែល​សម្បូរ​ទៅដោយ​កីឡាករ​លេង​នៅ​អឺរ៉ុប​នោះបាន​យកឈ្នះ​អ្នក​ចម្បាំង​ក្រុង​អង្គរ៣ទល់នឹង០ ក្នុង​រយៈពេល ៩០​នាទី​។
​គ្រាប់​ទី​១​របស់​ជប៉ុន​ធ្វើបាន​ដោយ​កីឡាករ Honda នៅ​នាទី​២៨ តាមរយៈ​ការ​ស៊ុត​ដ៏​ខ្លាំង​មួយ​ជើង​នៅ​ជិត​តំបន់​គ្រោះថ្នាក់​របស់កម្ពុជា​។ ច​ណែ​ក​Yoshida  និង Kagawa បាន​ទម្លាយ​សំណាញ់​ទី​កម្ពុជា​ម្នាក់​មួយ​គ្រាប់​ទៀត​នៅ​នាទី​៥០ និង​៦១​។
គួរបញ្ជាក់ថា ២​គ្រាប់​ក្នុងចំណោម​៣​គ្រាប់​របស់ ក្រុម​ជប៉ុន ជា​បាល់​ស៊ុត​ពី​ចម្ងាយ ព្រោះ​មិនអាច​នាំ​បាល់​បុក​ចូល​ខ្សែការពារ​កម្ពុជា​បាន​៕

ព័ត៌មានលម្អិត
ចុះនៅថ្ងៃទី 04-09-2015, 09:57 AM, អាន 51ដង
រាជធានី​ភ្នំពេញ​៖​បុរស​ម្នាក់​បាន​ដឹកយក​ប្រពន្ធ​ដែលមាន​ផ្ទៃពោះ​គ្រប់​ខែ​តាម​រ៉ឺម៉ក​កង​បី​ទៅ សម្រាលកូន​នៅ​មណ្ឌល​សុខភាព តែ​មិនទាន់​ដល់​ផង​ក៏​សម្រាល​នៅ​ពាក់​កណ្តាលផ្លូវ​លើ​រ៉ឺម៉ក​កង់​បី សំណាងល្អ​ក៏ត្រូវ​បាន​កម្លាំង​ប៉ូលិស​អន្តរាគមន៍​ខណ្ឌ​សែន​សុខ​ប្រចាំការ​នៅក្បែរនោះ​ឃើញ​ក៏​ជួយ​ដឹក​តាម​រ៉ឺម៉ក​កង​បី​នោះ​យកមក​មណ្ឌល​សុខា​ភាព​ទឹកថ្លា​វិញ​ទាន់ពេល​។ ហេតុការណ៍​នេះ​កើតឡើង​កាលពី​វេលា​ម៉ោង​៤​ទាបភ្លឺ​ឈានចូល​ថ្ងៃទី​៤ ខែកញ្ញា ឆ្នាំ​២០១៥ តាម​បណ្តោយ​ផ្លូវ​២០០៤ នៅ​ចំណុច​ស្តុ​បណ​ត់​ប្រ៊ី​ត ស្ថិតក្នុង​សង្កាត់​ទឹកថ្លា ខណ្ឌ​សែន​សុខ​។​
​ស្ត្រី​នោះ​ឈ្មោះ សុន ដាវី អាយុ​៣០​ឆ្នាំ បាន​សម្រាល​បានកូន​ស្រី​ម្នាក់ ចំណែក​ប្តី​ឈ្មោះ ធើ​ម សា​ម៉ៃ អាយុ​៣៤​ឆ្នាំ មុខរប​រត់​រ៉ឺម៉ក​បី ទាំង​២​នាក់​ប្តី​ប្រពន្ធ​ស្នាក់នៅ​ភូមិ​ត្រពាំង​ថ្លឹង សង្កាត់​ចោមចៅ ខណ្ឌ​ពោធិ៍​សែន​ជ័យ បាន​និយាយថា នៅវេលា​ម៉ោង​៣ និង​៤៥​នាទី​ទាបភ្លឺ​ប្រពន្ធ​របស់គាត់​ឈឺពោះ​សម្រាលកូន​គ្រប់​ខែ ពេលនោះ​គាត់​បាន​ស្វះស្វែង រត់​ទៅ​ពឹង​ម៉ូតូ​កង់​បី ដើម្បី​ឲ្យ​ជួយ​ដឹក​គាត់ និង​ប្រពន្ធ​របស់គាត់ ទៅ​មណ្ឌល​សុខភាព​ទឹកថ្លា ដើម្បី​បង្កើតកូន ប៉ុន្តែ​ពុំទាន់​ទៅដល់​ផង ប្រពន្ធ​របស់គាត់​បាន​ឆ្លងទន្លេ​លើ​តុ​កៗ បង្កើតបាន​កូនស្រី​មួយ​ភ្លាមៗ​នៅ​ចំណុច​ស្តុ​បណ​ត់​ប្រ៊ី​ត​។​
​លោក​បន្តថា ភ្លាមៗ​នោះ​កម្លាំង​ប៉ូលិស​ដែល​អន្តរាគមន៍​នៅ​ទីនោះ​បានមក​ជួយ​បើក​រ៉ឺម៉ក​កង​បី ដើម្បី​ដឹកយក​ប្រពន្ធ​គាត់​ទៅ​សម្រាល​ក្នុង​មណ្ឌល​សុខា​ភាព​ទឹកថ្លា បន្ត ដែល​នៅក្បែរនោះ​ទាន់ពេល​ដោយ​សុវត្ថិភាព​ផងដែរ​។ បុ​ច្ចុ​ប​ន្យ​ស្ត្រី​ខាងលើ​នឹង​កូនស្រី​បាន​សំរាក​ព្យាបាល​នៅក្នុង​មណ្ឌល​សុខា​ភាព​ទឹកថ្លា ដោយ​សុវត្ថិភាព​ទេ​៕

ព័ត៌មានលម្អិត
ចុះនៅថ្ងៃទី 04-09-2015, 09:24 AM, អាន 34ដង
​ខេត្តកណ្តាល​៖​អនុប្រធាន​ការិយាល័យ​ចរាចរណ៍​ផ្លូវគោក​នៃ​ស្នងការដ្ឋាន​នគរបាល​ខេត្តកណ្តាល លោក ឆេង សំអឿន បាន​និយាយថា ក្នុង​រយៈពេល​៩​ខែ​ឆ្នាំ​២០១៥​នេះ​គ្រោះថ្នាក់​ចរាចរណ៍​ទូទាំង​ខេត្តកណ្តាល​កើតឡើង​២៣៩​ករណី បណ្តាល​ឲ្យ​មនុស្ស​១២៦​នាក់​បាន​ស្លាប់ និង​២២៨​នាក់​របួសធ្ងន់ ហើយ​និង​១៧០​ផ្សេងទៀត​របួសស្រាល​។​
​លោក អនុប្រធាន​បន្តថា ក្នុង​២៣៩​ករណី មានកំ​រិត​ស្រាល​១៤២​ករណី និង​បណ្តាលអោយ​ខូចខាត​រថយន្ត​តូច​៧៦​គ្រឿង រថយន្ត​ធំ​៤២​គ្រឿង ម៉ូតូ​២៧៣​គ្រឿង រឺ​ម៉ក​ម៉ូតូ​២០​គ្រឿង កង់​៩​គ្រឿង និង​អ្នក​មិន​ពាក់មួក​សុវត្ថិភាព​ពេល​គ្រោះថ្នាក់​៣១៩​នាក់ ក្នុងនោះ​អ្នករួមដំណើរ​១៤១​នាក់​។​
​លោក​បញ្ជាក់ថា ជាទូទៅ​គ្រោះថ្នាក់​ចរាចរ​ក្នុង​ទឹកដី​ខេត្តកណ្តាល​នេះ​បណ្តាលមកពី​បើកបរ​ហួស​ល្បឿន​កំណត់ ,​បើកបរ​មាន​ជាតិ​ស្រវឹង ,​បើកបរ​មិន​ប្រកាន់​ស្តាំ​បើកបរ​មិន​គោរព​សិទ្ធិ​អាទិភាព និង​បើកបរ​ប្រជែង​ក្នុងស្ថានភាព​គ្រោះថ្នាក់​។​
​គួរ​បញ្ជាក់ថា តាម​របាយការណ៍​ពី​ការិយាល័យ​ចរាចរណ៍​ផ្លូវគោក​នៃ​ស្នងការដ្ឋាន​នគរបាល​ខេត្តកណ្តាល បាន​បង្ហាញថា​រយៈពេល​៩​ខែ ២០១៥​នេះ បើ​ធៀប​នឹង​រយៈពេល​៩​ខែ ២០១៤ មានការ​កើនឡើង​៣៤​ករណី ហើយ​អ្នកស្លាប់​ថយចុះ​១២​នាក់​៕

ព័ត៌មានលម្អិត
ចុះនៅថ្ងៃទី 04-09-2015, 09:11 AM, អាន 36ដង
រាជធានី​ភ្នំពេញ​៖​ជនសង្ស័យ​៦​នាក់​បានធ្វើ​សកម្មភាព​វាយ​បុរស​៣​នាក់​ប្លន់​យក​ម៉ូតូ​សង់​មួយគ្រឿង​ពណ៌​ខ្មៅ ស្លាក​លេខ​ភ្នំពេញ​៖ 1BE-3689  បានសម្រេច​ជិះ​គេចខ្លួនបាត់​ដោយ​សុវត្ថិភាព​។ ហេតុការណ៍​នេះ​កើតឡើង​កាលពី​វេលា​ម៉ោង​១១ និង​៣០​នាទី​យប់ ថ្ងៃទី​៣ ខែកញ្ញា ឆ្នាំ​២០១៥ នៅ​ជិត​ផ្សារ​រាត្រី ស្ថិតក្នុង​សង្កាត់​វត្តភ្នំ ខណ្ឌដូនពេញ ។​
​ជនរងគ្រោះ​ទី​១៖ ឈ្មោះ សូ ប៊ុន​រិ​ទ្ធ ភេទ​ប្រុស អាយុ​២៣​ឆ្នាំ ស្នាក់នៅ​ជិត​វត្ត​គៀន​ឃ្លាំង ខណ្ឌ​ជ្រោយចង្វា​, ទី​២៖ ឈ្មោះ ពុធ ពៅ ភេទ​ប្រុស អាយុ​២៥​ឆ្នាំ និង​ទី​៣៖ ឈ្មោះ ហេង តៃគង់ អាយុ​១៧​ឆ្នាំ ស្នាក់នៅ​ជាមួយ​ជនរងគ្រោះ​ខាងលើ ។​
​តាម​ការរៀបរាប់​ពី​ជនរងគ្រោះ​បាន​ឲ្យ​ដឹងថា មុន​កើតហេតុ គាត់​បាន​ជិះ​ម៉ូតូ​មកពី​ផ្ទះ គោលបំណង​ទៅ​តាខ្មៅ លុះ​ជិះ​មិនទាន់​ដល់​កន្លែង​នោះ​ផង ក៏​ស្រាប់តែ​លេចមុខ​ជនល្មើស​៦​នាក់ ជិះ​ម៉ូតូ​៣​គ្រឿង​ម៉ាក់​ឌ្រី​ម​ទាំងអស់​មក​ជិត រួច​ក៏​ធាក់​ម៉ូតូ​គាត់​ឲ្យ​ដួល ហើយ​បាន​វាយ​ពី​ជនរងគ្រោះ​នៅក្រោយ ហើយក៏​យក​ម៉ូតូ​ជិះ​គេច​ចេញទៅ​បាត់ ដោយ​ក្នុងការ​វាយ​ប្លន់​នោះ​ក្រុម​ជនល្មើស​ប្រើប្រាស់​ម៉ូតូ​៣​គ្រឿង សុទ្ធតែ Dream ទាំងអស់ ក្រោយពី​កើតហេតុ​ជនរងគ្រោះ បាន​ទៅ​ដាក់ពាក្យ​បណ្តឹង​នៅ​ប៉ុស្តិ៍​វត្តភ្នំ​៕

ព័ត៌មានលម្អិត
ចុះនៅថ្ងៃទី 04-09-2015, 08:49 AM, អាន 36ដង
រាជធានី​ភ្នំពេញ​៖​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា  នា​ព្រឹក​ថ្ងៃ​សុក្រ ទី​០៤ ខែកញ្ញា ឆ្នាំ​២០១៥ នេះ​បានជា​អធិបតី​ដ៏​ខ្ពង់ខ្ពស់​បើក​កិច្ចប្រជុំពេញអង្គ​គណៈ​រដ្ឋ កិច្ចប្រជុំ​គណៈរដ្ឋមន្ត្រី នឹង​ពិភាក្សា​លើ​របៀបវារៈ​ដូចខាងក្រោម ៖
១-​សេចក្ដីព្រាង​អនុក្រឹត្យ ស្តីពី​វិធានការ​សុខាភិបាល​ដើម្បី​ទប់ស្កាត់ និង​ឆ្លើយតប​ការឆ្លង​រាលដាល​ជា​អន្តរជាតិ នៃ​ជំងឺ​នៅតាម​ច្រកចេញចូល​។​
២-​សេចក្តីព្រាង​គោលនយោបាយ​ជាតិ​ស្តីពី​មុខរបរ និង​ការងារ ២០១៥-២០២៥​។​
៣-​បញ្ហា​ផ្សេងៗ​៕

ព័ត៌មានលម្អិត
ចុះនៅថ្ងៃទី 04-09-2015, 08:39 AM, អាន 33ដង
រាជធានី​ភ្នំពេញ​៖​នៅ​ថ្ងៃទី​៣​ខែកញ្ញា​ឆ្នាំ​២០១៥​ម្សិលមិញ​មាន​គ្រោះថ្នាក់​ចរាចរណ៍​នៅ​ទូទាំងប្រទេស​ចំនួន​១២​លើក យប់​២​លើក​, បណ្តាលអោយ​មនុស្ស​ស្លាប់​៦​នាក់​(​ប្រុស​) អ្នករបួសធ្ងន់​១៣​នាក់​(​ស្រី​៣​នាក់​) និង​របួសស្រាល​៣​នាក់​(​ប្រុស​)​។​
​ក្នុង​គ្រោះថ្នាក់​ចរាចរណ៍​ទាំង ១២​លើក​នេះ បាន​បង្ក​ឲ្យ​ខូចខាត​យានយន្ត​សរុប​១៦​គ្រឿង ក្នុងនោះ​មាន​ម៉ូតូ​ចំនួន​១០​គ្រឿង​, រថយន្ត​ធុន​តូច​៣​គ្រឿង​,​រថយន្ត​ធុន​ធំ​២​គ្រឿង​,​កង់​១​គ្រឿង និង ថ្មើរជើង​២​នាក់​។​
​មូល​ហេតុដែល​បណ្តាល​ឲ្យ​មាន​គ្រោះថ្នាក់​រួមមាន ល្មើស​ល្បឿន​៧​លើក​,​មិន​គោរព​សិទ្ធ​២​លើក​,​កត្តា​យានយន្ត​១​លើក​និង​ស្រវឹង​២​លើក ក្នុងនោះ​អ្នក​មិន​ពាក់មួក​ពេល​គ្រោះថ្នាក់​មាន​១៣​នាក់​(​យ​ប​១០​នាក់​) ។​
​រថយន្ត​ពិន័យ​សរុប​ចំនួន​១,១២៦​គ្រឿង (​រថយន្ត​ធំ​១៧៥​គ្រឿង​) ស្មើ​និង​១,១៥៦​ករណី​ល្មើស​ក្រដាស​ស្នាម​មាន​៧៧៧ គ្រឿង ស្មើនឹង​៧៨៧​ករណី​, ចំពោះ​ករណី​ល្មើស​បច្ចេកទេស​៣៤៩ គ្រឿង​ស្មើនឹង​៣៦៩​ករណី ដោយឡែក​ម៉ូតូ​ត្រូវបាន​ពិន័យ​សរុប​ចំនួន ១,៩២៣ គ្រឿង​៕

ព័ត៌មានលម្អិត
ចុះនៅថ្ងៃទី 03-09-2015, 03:55 PM, អាន 38ដង
​កីឡា​៖​ក្លិប​នៅ​ប្រទេស​ក្រិច PAOK បាន​ឈានដល់​កិច្ចព្រមព្រៀង​ជាមួយនឹង​ក្លិប AS Monaco លើ​ការ​ទិញយក​ខ្សែប្រយុទ្ធ Dimitar Berbatov រួចរាល​អស់ហើយ​ដោយ​មិនបាន​បង្ហាញ​ពី​តម្លៃ​ខ្លួន​ឡើយ ។​
​    ​កីឡាករ​សញ្ជាតិ​ប៊ុលហ្គារី​វ័យ​៣៤​ឆ្នាំ​រូបនេះ​បានសម្រេច​ចិត្ត​ផ្លាស់​ទៅកាន់​ក្លិប​នៅ​ទឹកដី​នៃ​ប្រទេស​ក្រិ​ក PAOK និង​បាន​ចុះហត្ថលេខា​លើ​កិច្ចសន្យា​រយៈពេល​មួយឆ្នាំ​ផងដែរ ខណៈដែល​ខ្សែប្រយុទ្ធ​រូបនេះ​ក៏មាន​ការចង់បាន​ពី​ក្លិប Aston Villa នៅមុន​ពេល​ទ្វារ​ដោះដូរ​កីឡាករ​បាន​បិទ​កាលពី​ថ្ងៃ​អង្គារ​កន្លងទៅនេះ​។​
​    ​គួរ​បញ្ជាក់ថា កីឡាករ Berbatov អាច​នឹង​ក្លាយជា​ខ្សែប្រយុទ្ធ​លេចធ្លោ​របស់​ក្លិប PAOK ក្នុង​ព្រឹត្តិការណ៍ Europa League បន្ទាប់ពី​ក្លិប​មួយ​នេះ​ស្ថិតនៅក្នុង​ពូ​ល C ដែលមាន​ក្លិប​ខ្លាំងៗ​ដូចជា Dortmund, Krasnodar និង Qabala ៕

ព័ត៌មានលម្អិត
ចុះនៅថ្ងៃទី 03-09-2015, 03:45 PM, អាន 37ដង
​ម៉ាឡេស៊ី​៖​ទូក​ផ្ទុក​ជនអន្តោប្រវេសន៍​ខុសច្បាប់​ប្រហែល​១០០​នាក់​បាន​លិច​នៅ​សមុទ្រ​ភាគ​ខាងលិច​នៃ​ប្រទេស​ម៉ាឡេស៊ី នៅ​ជិត​ច្រក​សមុទ្រ​ម៉ា​ឡា​កា​។ នេះ​បើតាម​អាជ្ញាធរ​ដែនសមុទ្រ​បាន​និយាយ​នៅ​ថ្ងៃ​ព្រ​ហ​ស្ប​ត្តិ៍​ទី​០៣​កញ្ញា​នេះ​។​
​ប្រភព​បន្តថា ភ្លាមៗ​ក្រោយ​ហេតុការណ៍​លិច​ទូក​កើតឡើង គេ​មិនទាន់​ដឹង​ច្បាស់​ថា​មាន​មនុស្ស​ស្លាប់​ឬ​រងរបួស​នៅឡើយ​ទេ​។ ទីភ្នាក់ងារ​អនុវត្ត​ច្បាប់​ដែនសមុទ្រ​ម៉ាឡេស៊ី បាន​បញ្ជូន​ក្រុម​ជួយសង្គ្រោះ​ទៅ​កន្លែងកើតហេតុ​នៅ​ព្រឹក​ថ្ងៃ ព្រ​ហ​ស្ប​ត្តិ៍ ហើយ​រហូតដល់​រសៀល​ថ្ងៃ​ដដែល មិនទាន់​ឃើញ​ក្រុម​ជួយសង្គ្រោះ​ត្រឡប់មកវិញ​នៅឡើយ​ទេ​។​
​ទោះជា​យ៉ាងណា​នៅ​មិនទាន់មាន​ព័ត៌មាន​ណាមួយ​បញ្ជាក់​ពី​ចំនួន​អ្នកស្លាប់ ឬ​បាត់​ខ្លួន​នៅឡើយ​រហូតមក​ដល់ពេលនេះ​៕

ព័ត៌មានលម្អិត
ចុះនៅថ្ងៃទី 03-09-2015, 03:16 PM, អាន 48ដង
រាជធានី​ភ្នំពេញ​៖​ប៉ូលិស​អន្តរាគមន៍​មួយក្រុម​មាន​គ្នា​៥​ទៅ​៦​នាក់​បាននាំគ្នា​ចូលទៅ​ផឹកស៊ី​ក្នុង​ហាង​បុប្ផា​រាជធានី ហើយ​បង្កជម្លោះ​ឈ្លោះ​វាយតប់​គ្នា​រហូត​បោក​ចាន​បោក​កែវ​រហូត​ប្រើប្រាស់​អាវុធខ្លី​ដក​ភ្ជង់​គ្នា​ទៅវិញទៅមក ធ្វើ​ឲ្យ​ភ្ញៀវ និង​ម្ចាស់​ហាង​រត់​ទាំង​ព្រលឹងចុងសក់​។ ហេតុការណ៍​ភ្ញាក់ផ្អើល​នេះ​កើតឡើង​កាលពី​វេលា​ម៉ោង​ប្រហែល​ជិត​១​រំលងអធ្រាត្រ​ឈានចូល​ថ្ងៃទី​៣ ខែកញ្ញា ឆ្នាំ​២០១៥ នៅក្នុង​ហាង​បុប្ផា​រាជធានី នៅជាប់​ផ្លូវ​បេតុង​ភូមិ​ទួលគោក សង្កាត់​ទួល​សង្កែ ខណ្ឌឫស្សីកែវ ។
​    ​តាម​ប្រភពព័ត៌មាន​ថា ក្រុម​ចូល​ផឹកស៊ី​ហើយ​អុកឡុក​ក្នុង​ហាង​បុប្ផា​រាជធានី​គឺជា​កម្លាំង​ប៉ូលិស ផ្នែក​អន្តរាគមន៍​ខណ្ឌឫស្សីកែវ ដែល​គេ​ស្គាល់​ថា​ជា​ក្រុមប៉ូលិស​ដែល​ទើបនឹង​ចូល​បំរើ​ការងារ​នៅពេល​ថ្មីៗ នេះហើយ​ជនបង្ក​ដែល​បោក​កែវ​និង​ដក​អាវុធ​ភ្ជុង់​គំរាម បក្ខពួក​ខ្លួន​នោះ ឈ្មោះ ឡាយ ផល្លី ហៅ​អា​ត្រេ​ន ភេទ​ប្រុស​អាយុ​ជាង​២០​ឆ្នាំ ចំណែក​ភាគី​ម្ខាង​ទៀត​គឺជា​ប៉ូលិស​ក្រុម​ជាមួយគ្នា ហើយ​ជនបង្ក​ត្រៀម​នឹង​ឡើង​តំណែង​ជា​អនុប្រធាន​ផ្នែក​ផងដែរ ។
​    ​បើតាម​ប្រភពព័ត៌មាន​ពី​អ្នកបំរើ​ការងារ​នៅក្នុង​ភោ​នី​យ​ដ្ឋា​ន បុប្ផា​រាជធានី​បាន​ឲ្យ​ដឹង​ទៀតថា​នៅក្នុង​ហេតុ​ការ​វាយតប់​គ្នា​នោះ​គឺមាន ផ្ទុះអាវុធ​១​គ្រាប់​ផងដែរ ទើប​មានការ​ភ្ញាក់ផ្អើល​រួច​សន្តិសុខ​បាន​ទាញ​ទ្វាររបង​បិទ​ជិត ទើប​ក្រុម​ជនបង្ក​មិនអាច​គេចខ្លួន​បាន​។
​    ​លោក ហ៊ុយ ហ៊ាន នាយប៉ុស្តិ៍​ទួល​សង្កែ​បានឱ្យដឹងថា ក្រោយពេល​កើតហេតុ បានធ្វើការ​សម្របសម្រួល​បញ្ចប់រឿង​ព្រោះ​ក្រុម​បង្ក​ជា​កម្លាំង​ប៉ូលិស ផ្នែក​អន្តរាគមន៍​ដែលជា​អ្នក​រួម​ការងារ​ក្នុង​ខណ្ឌ​ជាមួយគ្នា​។​
​     ពាក់​ព​ន្ធ័​នឹង​ករណី​ខាងលើនេះ​អ្នក​សារ​ព័​ត៏​មាន​យើងខ្ញុំ​បាន​ព្យាយាម​សុំ ការបំភ្លឺ​ពី​លោក មាស សុ​ផា អធិការរង​ទទួល​ផ្នែក​អន្តរាគមន៍ នៃ​អធិការ​ខណ្ឌឫស្សីកែវ ដោយ​លោក មាស សុ​ផា បញ្ជាក់ថា រឿងនេះ លោក​មិនដឹង​ទេ ព្រោះ​គ្មាន​អ្នកណា​រាយការណ៍​ប្រាប់​គាត់​ទេ ហើយ​គាត់​ក៏​មិនត្រូវ​វេន​ប្រចាំការ​ផងដែរ​៕

ព័ត៌មានលម្អិត
ចុះនៅថ្ងៃទី 03-09-2015, 02:20 PM, អាន 134ដង
​ចំណេះដឹង​៖​នេះ​មិនមែន​មានន័យថា មាន​អ្វី​មិន​ប្រក្រតី​ចំពោះ​អ្នក​ទេ វា​គ្រាន់តែ​មានន័យថា អ្នក​ប្រហែលជា​ត្រូវ​ការកែរ​សម្រួល​លើ​ទម្លាប់​រួមភេទ​។ ស្ត្រី​ភាគច្រើន​ត្រូវការ​វិធីសាស្ត្រ​រួមភេទ​ច្រើន​ដែល​ទាក់ទង​នឹង ការ​ស្រើបស្រាល​ជាដើម​។ ទោះបីជា​យ៉ាងណាក៏ដោយ ស្ត្រី​មួយចំនួន​ប្រហែលជា​មិន​ប្រាកដថា​ត្រូវ​ធ្វើការ​រួមភេទ យ៉ាងដូចម្តេច​ឡើយ​ទើប​ល្អ​នោះ​។​
​ថ្ងៃក្រោយ​ពេលដែល​អ្នក​ទាំ​ង​ពីរ​ដេក​ជាមួយគ្នា​នៅលើ​គ្រែ ចូរ​ពិចារណា​អោយបាន​ល្អិតល្អន់​ថា​មាន​បញ្ហា​ឈឺក្បាល ឬក៏​អត់ ហើយ​ដើម្បី​កុំអោយ​ខូច​បរិយាកាស​អ្នក​គួរតែ​សួរ​នាង​ទុកជាមុន​។ នេះ​គឺជា​វិធី​រួមភេទ​ប្លែកៗ​ចំនួន ៧​ដែល​អាចធ្វើអោយ​ការរួម​ភេទ​មាន​ភាព​អស្ចារ្យ​បាន ប៉ុន្តែ​មិនត្រូវ​អៀន​ពេក​ទេ​។​
១, ការរួម​ភេទ​ដោយ​ដៃ​ ៖ ការរួម​ភេទ​ដោយ​ដៃ​គឺជា របៀប​រស់នៅ​មួយ​ប្រភេទ​ដែលមាន​សុខភាព​ល្អ ចុះ​ហេតុអ្វី​បានជា​អ្នក​មិន​ព្រម​ចែករំលែក​វា​ជាមួយ​ដៃគូ​របស់​អ្នកផង ទៅ​? ប្រសិនបើ​អ្នក​មិនមាន​ការអៀនខ្មាស​អ្វី​ច្រើន​ទេ ចូរ​ធ្វើអោយ​នាង​មើល​ពី​របៀប​ដែល​អ្នក​ធ្វើទៅ​។ របៀប​ដែល​អ្នកធ្វើការ​រួមភេទ​ដោយ​អាថ៌កំបាំង​ដោយ​ខ្លួនឯង​នេះ​ប្រហែលជា អាច​បង្ហាញ​អោយ​នាង​ឃើញ​បាន​ហើយ​ពេលនេះ​។ ល្បិច​សម្រាប់​អ្នក​ពេលនេះ​គឺថា ក្រោយពី​នាង​បាន​មើលឃើញ​អ្នក​ហើយ នាង​ប្រហែលជា​មានគំនិត ឬ​វិធី​តិចតួច​មួយ​ដើម្បី​នាង​អាចជួយ​ដល់​អ្នក​បាន​បន្ថែមទៀត​ផង​។​
២, រួមភេទ​តាម​រន្ធ​គូថ​ ៖ ការ​រួមភេទ​ប្រភេទ​នេះ អាច​នឹង​ធ្វើអោយ​មានកា​រ​អៀនខ្មាស​តិចតួច​។ អ្នក​អាច​ចាប់ផ្តើម​ដោយ​ការ​រួមភេទ​ក្បាច់ Spoon (​អ្នក​ទាំងពីរ​ត្រូវ​រួមភេទ​ដោយ​ដេក​ចំហៀង​ទាំងពី​នាក់​) ដោយ​យឺតៗ​។ ការធ្វើ​បែបនេះ​គឺជា​សកម្មភាព​ដ៏​យឺត​បំផុត ព្រមទាំង​ជា​មធ្យោបាយ​នៃ​ការចាប់ផ្តើម​បង្កើត​ភាពស្និទ្ធស្នាល ហើយ​វា​ជា​វិធី​ដ៏​សំខាន់​មួយ​ក្នុងការ​បម្រើការ​សប្បាយ​ដល់​នាង​ផង​។ នៅពេលដែល​អ្នក​បាន​គ្រប់គ្រង​ស្ថានការណ៍​នេះហើយ អ្នក​ពិតជា​អាច​បន្ថែម​ល្បឿន​ដល់​ការរួម​ភេទ​នេះ​បាន​ហើយ​។​
៣, រួមភេទ​សំដែង​តួ​
​ប្រសិនបើ​អ្នក​ធ្លាប់​សំដែង ល្ខោន​ដូច​កាលពី​រៀន​នៅ​វិទ្យាល័យ ឥឡូវនេះ​អ្នកនឹង​មានឱកាស​សំដែង​សម្រាប់​ខ្លួនឯង​ហើយ​។ ការ​សម​ទុកជាមុន​ប្រហែលជា​អាចធ្វើអោយ​នាង​ទទួលបាន​នូវ​ការ​រួមភេទ​ដ៏ អស្ចារ្យ​ហើយ​។ ចូរ​ស្វែងរក​ឈុត​ឆាក ឬ​ជីវិត​ដ៏​សិច​ស៊ី​ពិតប្រាកដ​ដើម្បី​ច្នៃ​ការសំដែង​សម្រាប់​ខ្លួនឯង បន្ទាប់មក​ចូរ​ធ្វើ​វា​ទៅតាម​ការស្រមើស្រមៃ​ទៅ​។​
​ដំបូង អ្នក​ប្រហែល​ជាមាន​អារម្មណ៍​ថា​ធ្វើ​ការខុស​តិចតួច ប៉ុន្តែ​ក្រោយមកទៀត​អ្នកនឹង​ចូលចិត្ត​វា​ហើយ​។ តួរ​សំដែង​មួយចំនួន​ប្រហែលជា​ចាប់ផ្តើម​សម​ទុកជាមុន​គ្រប់ពេល​នៅពេល​ដេក ជាមួយគ្នា​។​
៤, ការ​រាំ​សិច​ស៊ី​ ៖ វា​គ្មាន​អាថ៌កំបាំង​អ្វីដែល ថា បុរស​ភាគច្រើន​ចូលចិត្ត​មើល​ការ​រាំ​របស់​ពួកគេ​ដែល​សិច​ស៊ី​នោះទេ​។ ដៃគូរ​រួម​ភែ​ទ​មួយចំនួន​ប្រហែលជា​បង្កើត​នូវ​កន្លែង​រ៉ាំ​តាម​ដំបន់​ប៉ូល នៅក្នុង​បន្ទប់ដេក​របស់​ពួកគេ​។ ប៉ុន្តែ​តើ​អ្នក​ធ្លាប់​គិត​អំពី​របៀប​រ៉ាំ​តាម​ដំបន់​ប៉ូល​ដែរ​ទេ​? ខ្ញុំ​ជឿថា​នាង​នឹង​អាច​គិតដល់​រឿង​នោះ​។​
​ហេតុអ្វី​បានជា​មិន​ធ្វើអោយ​នាង​ភ្ញាក់ផ្អើល​ជាមួយនឹង​ការ​រាំ​ដែល​សិច​ស៊ី​បន្តិចបន្តួច​ក្នុង​បន្ទប់​ទៅ​? ចូរ​ចាក់​បទ​ចម្រៀង​ដែល​នាង​ចូលចិត្ត និង​ចាប់ផ្តើម​រាំ​។ ចូរ​ធ្វើខ្លួន​អោយមាន​អារម្មណ៍ល្អ​ជាមួយនឹង​ការ​រាំ​តិចតួច​នៅ​ពីមុខ​កញ្ចក់ នៅពេល​នៅតែ​ឯង ហើយក៏​មិនបាច់​បារម្ភ​ថា​ខ្លួនឯង​ធ្វើ​អ្វី​ខុស​ដែរ​៕

ព័ត៌មានលម្អិត
ចុះនៅថ្ងៃទី 03-09-2015, 01:56 PM, អាន 39ដង
កីឡា​៖​ក្លិប​ចាប​លឿង Norwich City បានប្រកាសថា ក្លិប​បាន​ឈានដល់​ព្រមព្រៀង​នាំយក​ខ្សែបម្រើ​របស់​ក្លិប​ញញួរ​ធំ West Ham United គឺ​កីឡាករ Matt Jarvis ជា​លក្ខណៈ​ខ្ចី​ជើង​ពេញ​មួយ​រដូវ​កាល​។​
​    ​កីឡាករ​សញ្ជាតិ​អង់គ្លេស​វ័យ​២៩​ឆ្នាំ​រូបនេះ​បានបង្ហាញ​ខ្លួន​ឲ្យ​ក្លិប​ញញួរ​ធំ West Ham United ត្រឹមតែ​៥​ប្រកួត​តែប៉ុណ្ណោះ​កាលពី​រដូវ​កាល​មុន ប៉ុន្តែ​ខ្សែបម្រើ​រូបនេះ​នៅតែ​សម្រេចចិត្ត​បន្ត​កុងត្រា​ឲ្យ​ក្លិប​ញញួរ​ធំ West Ham United រយៈពេល​៤​ឆ្នាំ​ទៀត មុន​ពេលដែល​រូបគេ​ត្រូវបាន​ក្លិប​ចាប​លឿង Norwich City នាំយក​ទៅជា​លក្ខណៈ​ខ្ចី​ជើង​ក៏ដោយ ។​
​    ​គួរ​បញ្ជាក់ថា កីឡាករ Matt Jarvis លេង​ឲ្យ​ក្លិប​ញញួរ​ធំ West Ham United តាំងពី​ឆ្នាំ ២០១២​មកម្ល៉េះ ដោយ​ស៊ុត​បាល់​បញ្ចូល​ទី​បាន​ចំនួន​៦​គ្រាប់​ក្នុងការ​បង្ហាញខ្លួន​៩០​លើក​៕

ព័ត៌មានលម្អិត
ចុះនៅថ្ងៃទី 03-09-2015, 12:31 PM, អាន 41ដង
កីឡា​៖​ក្រុមបាល់ទាត់​ជម្រើសជាតិ​ជប៉ុន​នឹង​បើកទ្វារ​ពហុ​កីឡដ្ឋាន Saitama Stadium ទទួលភ្ញៀវ​ក្រុម​ជម្រើសជាតិ​កម្ពុជា​នៅ​ល្ងាច​ថ្ងៃទី​៣ ខែសីហា ឆ្នាំ​២០១៥​នេះ ក្នុង​វគ្គ​ជម្រុះ​ពានរង្វាន់​បាល់ទាត់​ពិភពលោក ឆ្នាំ​២០១៨ នៅ​ប្រទេស​រុស្ស៊ី សម្រាប់​តំបន់​អាស៊ី​ជើង​ទីមួយ​នៅវេលា​ម៉ោង​៥ និង​៣០​នាទី​ល្ងាច​ម៉ោង​នៅ​កម្ពុជា​។
​     ក្រុមបាល់ទាត់​ជម្រើសជាតិ​កម្ពុជា​ស្ថិតនៅ​ពូ​ល​E ដែល​រួមមាន​ប្រទេស សិង្ហ​បុរី អាហ្គានីស្ថាន ស៊ី​រី និង​ក្រុម​ជើង​ខ្លាំង​នៅ​តំបន់​អាស៊ី​គឺ​ប្រទេស​ជប៉ុន ។ កម្ពុជា​បាន​ឡើងមក​ការប្រកួត​ជម្រុះ​ជុំ​ទី​ពីរ​នៃ​ពានរង្វាន់​បាល់ទាត់ ពិភពលោក​ឆ្នាំ​២០១៨​នេះ បន្ទាប់ពី​យកឈ្នះ​លើ​ប្រទេស​ម៉ា​កាវ ដោយ​សរុប​ទាំងពីរ​ជើង​គឺ ៤-១ (​ឈ្នះ​៣-០ នៅក្នុង​ផ្ទះ និង​ស្មើ ១-១ នៅក្នុង​ផ្ទះ​ម៉ា​កាវ​)៕

ព័ត៌មានលម្អិត
ចុះនៅថ្ងៃទី 03-09-2015, 12:23 PM, អាន 38ដង
​រាជធានី​ភ្នំពេញ​៖រដ្ឋមន្ត្រី​ក្រសួងការបរទេស​លោក​ឧបនាយករដ្ឋមន្ត្រី ហោ ណាំហុង ​បានប្រកាសថា​បញ្ហា​ផែនទី​គួរតែ​បញ្ចប់​ត្រឹមនេះ​។ ការប្រកាស នោះ​ធ្វើឡើង​បន្ទាប់ពី​ការផ្ទៀងផ្ទាត់​ផែនទី​កម្ពុជា ដែល​បារាំង​ផ្តល់​ឲ្យ ជាមួយនឹង​ផែនទី​របស់​រាជរដ្ឋាភិបាល​កម្ពុជា នៅ​ព្រឹក​ថ្ងៃទី​៣​កញ្ញា​នេះ ដោយ​ឃើញថា ដូចគ្នា​បេះបិទ​ទាំង​២៦​ផ្ទាំង​។
​    ​លោក​ឧបនាយករដ្ឋមន្ត្រី​ក៏បាន​អំពាវនាវ​ដល់​គណបក្ស​នយោបាយ​ទាំងអស់​គួរតែ​ឃោសនា​ដោយ​លើកឡើង​ពី​កម្មវិធី​នយោបាយ​របស់ខ្លួន​ជាជាង​ការយក​បញ្ហា​ព្រំដែន​ទៅ​ឃោសនា​រក​សំឡេងឆ្នោត​។
​គួរ​បញ្ជាក់ថា ការផ្ទៀងផ្ទាត់​ផែនទី​ពី​រដ្ឋាភិបាល​នៃ​សាធារណរដ្ឋ​បារាំង​ជាមួយ​ផែនទី​ផ្លូវការ និង​ស្របច្បាប់​របស់​រាជរដ្ឋាភិបាល​កម្ពុជា​ទាំង​២៦​ផ្ទាំង​បានធ្វើ​ឡើង​ចាប់ពី​ម៉ោង​៩​ព្រឹក​ដល់​ម៉ោង​ជិត​១២​ថ្ងៃត្រង់​ថ្ងៃទី​៣ ខែកញ្ញា នៅ​វិមាន​សន្តិភាព ដោយមាន​ការផ្សាយ​ផ្ទាល់​តាម​គ្រប់​ប៉ុស្តិ៍​ទូរទស្សន៍​ក្នុងស្រុក​។
​    ​លទ្ធផល​នៃ​ការផ្ទៀងផ្ទាត់​ផែន​ទីមួយ​ផ្ទាំង​ម្តងៗ បាន​បង្ហាញថា ផែនទី​ទាំងនោះ ជា​ផែន​ទីបោ​ន ខ្នាត ១ លើ ១០០.០០០ ហើយ​ដូចគ្នា​បេះបិត​។ នៅក្នុង​ពិធី​ប្រគល់​ផែនទី​ជា​ផ្លូវការ នៅ​ព្រឹក​នេះ​នេះ គឺមាន​ការចូលរួម​សង្កេតការណ៍​ក្នុង​ពិធី​ទទួល និង​ផ្ទៀង ផ្ទាត់​ផែនទី ដែល​រួមមាន​តំណាង​គណបក្សនយោបាយ ចំនួន​៣ រួមមាន គណបក្ស​ប្រជាជន​កម្ពុជា​៥​រូប គណបក្ស​សង្គ្រោះ​ជាតិ​៥​រូប និង​គណបក្ស​ហ្វ៊ុនស៊ិនប៉ិច​៥​រូប​។ ក្រៅពីនេះ​ក៏មាន​តំណាង​រដ្ឋសភា តំណាង​ស្ថាប័នព្រឹទ្ធសភា តំណាង​ឧត្ដមក្រុមប្រឹក្សា​នៃ​អង្គចៅក្រម ក្រុម​ស្រាវជ្រាវ​ព្រំដែន នៃ​រាជបណ្ឌិត្យសភា និង​ទីប្រឹក្សា​រាជរដ្ឋាភិបាល ដែលជា​ជនជាតិ​បរទេស​មួយចំនួន​៕

ព័ត៌មានលម្អិត
ចុះនៅថ្ងៃទី 03-09-2015, 12:08 PM, អាន 58ដង
​បាងកក​៖​ជនសង្ស័យ​ម្នាក់​ដែល​ប៉ូលិស​ចាប់ខ្លួន​កាលពីពេល​ថ្មីៗ​នេះ​ពាក់ព័ន្ធ​ការ​បំផ្ទុះ​គ្រាប់បែក​នៅ​កណ្ដាល​ទីក្រុង​បាងកក​កាលពី​ថ្ងៃទី​១៧ ខែសីហា កន្លងទៅនេះ​បាន​អះអាងថា រូបគេ​បាន​ជួល​រថយន្ត​ជិះ​ឆ្លងកាត់​ប្រទេស​កម្ពុជា មុនពេល​ចូលទៅ​កាន់​ប្រទេស​ថៃ។ នេះ​បើ​យោងតាម​ការចុះផ្សាយ​រប​ស់ កាសែត​បាងកក​ប៉ុស្ដិ៍​។​
​ប្រភព​បន្តថា ជនសង្ស័យ​រូបនោះ​បាន​ប្រើប្រាស់​លិខិតឆ្លងដែន​ក្លែងក្លាយ និង​បានធ្វើ​ដំណើរ​ពី​ប្រទេស​តួ​ក​គី មកកាន់​ប្រទេស​វៀតណាម ឡាវ និង​បាន​ជួល​រថយន្ត​ជិះ​មកកាន់​ប្រទេស​កម្ពុជា ដើម្បី​ឆ្លងដែន​ទៅកាន់​ប្រទេស​ថៃ តាម​ច្រក​ខេត្ត​ស្រះកែវ​។ ប្រភព​បញ្ជាក់ថា ពេលមកដល់​កន្លែង​ត្រួតពិនិត្យ​នៅ​ច្រកព្រំដែន ជនសង្ស័យ​បាន​បង់ប្រាក់​ជា​សំណូក​ចំនួន​១៨.០០០​បាត​ឲ្យ​ប៉ូលិស​ថៃ​ដើម្បី​បាន​ចូល​ទឹកដី​ថៃ​ដោយ​ស្របច្បាប់​៕

ព័ត៌មានលម្អិត
ចុះនៅថ្ងៃទី 03-09-2015, 11:44 AM, អាន 40ដង
រាជធានី​ភ្នំពេញ​៖​ការ​ផ្ទៀ​ត​ផ្ទាត់​ផែនទី​ដែល​ផ្តល់​ដោយ​ប្រទេស​បារាំង និង​ផែនទី​របស់​រាជរដ្ឋាភិបាល​កម្ពុជា​ដែល​កំពុង​ប្រើប្រាស់​ក្នុងការ​បោះបង្គោល​ព្រំដែន​កម្ពុជា​-​វៀតណាម​នោះបាន​បញ្ចប់​ហើយដោយ​ពិនិត្យ​ជាក់ស្តែង​ឃើញថា ផែនទី​ទាំង​២៦​ផ្ទាំង​នោះ​គឺ​ដូចគ្នា​បេះបិទ​ទាំងអស់​៕

ព័ត៌មានលម្អិត
ចុះនៅថ្ងៃទី 03-09-2015, 11:32 AM, អាន 56ដង
ប៉េកាំង​៖​រដ្ឋាភិបាល​ចិន​បានប្រកាសថា នឹង​កាត់បន្ថយ​កងកម្លាំង​យោធា​ចំនួន​៣០​ម៉ឺន​នាក់​។ ការប្រកាស​បែបនេះ​បានធ្វើ​ឡើង​ក្នុង​ពិធី​អបអរសាទរ​ខួប​៧០​ឆ្នាំ នៃ​ជ័យជម្នះ​សង្គ្រាមលោកលើកទី​២ នៅ ចំពោះមុខ​ប្រធានាធិបតី​ចិន​លោក ស៊ី ជិន​ពីង និង​ថ្នាក់ដឹកនាំ​កំពូលៗ​លើ​ពិភពលោក​៣០​ប្រទេស​។ នេះ​បើ​យោងតាម​ព័ត៌មាន​ចិន​ស៊ិន​ហួ​ផ្សាយ​នៅថ្ងៃនេះ​។​
​ពិធី​អបអរសាទរ​ខួប​៧០​ឆ្នាំ នៃ​ជ័យជម្នះ​លើ​សង្គ្រាមលោកលើកទី​២ មាន​ការដើរ​ក្បួនព្យុហយាត្រា​ពី​កង​យោធា​គ្រប់​ប្រភេទ ប្រមាណ​ជា​១​ម៉ឺន​នាក់​មកពី​ចំនួន​១៧​ប្រទេស និង​មាន​បណ្តា​មេដឹកនាំ​ពិភពលោក​ល្បី​មកពី​៣០​ប្រទេស ក្នុងនោះ​មាន​លោក ប្លា​ឌឺ​មៀ ពូ​ទីន ប្រធានាធិបតី​រុស្ស៊ី និង​ជា​សម្ព័ន្ធមិត្ត​ចិន លោកស្រី ប៉ាក យ៉ុ​ន​ហេ ប្រធានាធិបតី​កូរ៉េខាងត្បូង លោក បាន គី​មូ​ន អគ្គលេខាធិការ​អង្គការសហប្រជាជាតិ​។ ដោយឡែក​ព្រះមហាក្សត្រ​នៃ​ព្រះរាជាណាចក្រ​កម្ពុជា ព្រះករុណា ព្រះបាទ សម្តេចព្រះ​បរមនាថ នរោត្តម សីហមុនី ក៏បាន​យាង​ចូលរួម​ក្នុង​ពិធី​នេះ​ផងដែរ​។​
​គួរ​បញ្ជាក់ថា ចិន​ជា​ប្រទេស ដែល​បាន​រងគ្រោះ និង​រង​នូវ​ការជិះជាន់​យ៉ាង​ខ្លោចផ្សារ​បំផុត​ពី​ទាហាន​ជប៉ុន ក្នុង​សង្គ្រាមលោកលើកទី​២ ហើយ​នេះ ក៏​ជាការ​ប្រារព្ធ​ខួប​លើកដំបូង​ផងដែរ សម្រាប់​ប្រទេស​ចិន ចាប់តាំងពី​សង្គ្រាមលោក​ដ៏​ប្រល័យ ត្រូវបាន​រលំរលាយ​ទៅ​នៅក្នុង​ឆ្នាំ​១៩៤៥៕

ព័ត៌មានលម្អិត
ចុះនៅថ្ងៃទី 03-09-2015, 11:00 AM, អាន 42ដង
ខេត្តកោះកុង​៖​ក្រុមអ្នកតវ៉ា​ទាំង​១៧​នាក់​រួមទាំង​មន្ត្រី​សមាគម​សិទ្ធិមនុស្ស និង​អ្នកសារព័ត៌មាន​ម្នាក់​ដែរនោះ​ត្រូវបាន​សមត្ថកិច្ច​ដោះលែង​វិញ​ហើយ​កាលពី​វេលា​ម៉ោងជាង​៦ និង​០០​នាទី​រសៀល​ថ្ងៃទី​២ ខែកញ្ញា បន្ទាប់ពី​ពួកគេ​ត្រូវបាន​ឃាត់ខ្លួន​កាលពី​វេលា​ព្រឹក​ថ្ងៃនោះ​។
​     គួរ​បញ្ជាក់ថា កាលពី​ម្សិលមិញ​ក្រុម​ប្រជាពលរដ្ឋ​ប្រមាណ​៣០​នាក់ បាន​បន្តធ្វើ​ការតវ៉ា​ឲ្យ​ការដោះលែង​សកម្មជន​បរិស្ថាន​៣​នាក់ ដែល​សមត្ថកិច្ច​បាន​ចាប់ខ្លួន​នាពេល​កន្លងទៅ ។ ប៉ុន្តែ​ក្រុមអ្នកតវ៉ា​បាន​រង​នូវ​ការប្រឈមមុខ​ជាមួយ​ក្រុម​សមត្ថកិច្ច ដែល​រៀបចំ​សណ្តាប់ធ្នាប់​នៅ​ទីនោះ ហើយក៏​ឈានដល់​ការចាប់ខ្លួន​ប្រជាពលរដ្ឋ មន្ត្រី​សិទ្ធិមនុស្ស​រួមទាំង​អ្នក​សារពត៌មាន​ម្នាក់​តែម្តង ។  
​     យ៉ាងណាក៏ដោយ​អាជ្ញាធរខេត្ត​កោះកុង​បាន​អះអាងថា យើង​គ្រាន់តែ​រៀបចំ​ការពារ​ឲ្យ​មាន​សណ្តាប់ធ្នាប់​និង​របៀបរៀបរយ​ប៉ុណ្ណោះ ព្រោះ​ម្សិលមិញ​នេះ​មាន​ក្រុមអ្នកតវ៉ា និង​ក្រុម​អ្នកប្រឆាំង​និង​ការតវ៉ា​នោះ​។ ដូច្នេះ​ប្រសិនបើ​អាជ្ញាធរ​មិន​ទប់ស្កាត់​ទេ នោះ​អាច​នឹងមាន​អំពើហិង្សា​៕

ព័ត៌មានលម្អិត
ចុះនៅថ្ងៃទី 03-09-2015, 10:47 AM, អាន 41ដង
ខេត្តពោធិ៍សាត់​៖​ចរន្តអគ្គិសនី​បាន​ឆក់យក​ជីវិត​បុរស​ម្នាក់ ខណៈ​ងូតទឹក​ហើយ​មិនបាន​ជូត​ខ្លួន​ក៏​ឡើងទៅ​លើផ្ទះ​យក​ទូរស័ព្ទ​ម៉ាក​អាយ​ហ្វូ​ន​ទៅ​ដោត​ឌុយ​សាក​ថ្ម​ក៏​បណ្ដាល​ឲ្យ​ឆក់​ស្លាប់​ភ្លាមៗ​តែម្តង​។ ហេតុការណ៍​ភ្ញាក់ផ្អើល​នេះ​កើតឡើង​កាលពី​យប់​ថ្ងៃទី​២ ខែកញ្ញា ឆ្នាំ​២០១៥ នៅផ្ទះ​ជនរងគ្រោះ ស្ថិតក្នុង​ភូមិ​សំរោង ឃុំ​ក្បាល​ត្រាច ស្រុក​ក្រគរ ខេត្តពោធិ៍សាត់​។ យុវជន​រងគ្រោះ​ឈ្មោះ អាន សារិទ្ធ អាយុ​២៦​ឆ្នាំ​។​
​    ​បើតាម​ក្រុមគ្រួសារ​បាន​ឲ្យ​ដឹងថា មុនពេល​កើតហេតុ​ជនរងគ្រោះ​បាន​ងូតទឹក​ហើយ មិនបាន​ជូត​ខ្លួន​ក៏​ស្ទុះ​ឡើងលើ​ផ្ទះ​ទៅ​ចាប់​ទូរស័ព្ទ​អាយ​ហ្វូ​ន​ទាំង​ខ្លួន​មាន​ភាព​សើម​រួច​ដោត​ឌុយ​ទៅ​ព្រី​ភ្លើង​ក៏ត្រូវ​ចរន្តអគ្គិសនី​ឆក់ បណ្ដាល​ឲ្យ​ប្រកាច់​ស្លឈាម ត្រូវគេ​ដឹក​ទៅ​មណ្ឌល​សុខភាព​ក្រគរ​ក៏បាន​ដាច់ខ្យល់​ស្លាប់​នៅ​ទីនោះ​តែម្ដង​។
​    ​ក្រោយពី​មាន​ករណីនេះ​កើតឡើង​កម្លាំង​សមត្ថកិច្ច​បាន​ចុះទៅពិនិត្យ​លើ​ខ្លួន​សព ហើយ​បាន​បញ្ជាក់ថា ជនរងគ្រោះ​ពិតជា​ស្លាប់​ដោយ​ចរន្ត​ភ្លើង​ឆក់​ប្រាកដ​មែន​៕

ព័ត៌មានលម្អិត
ចុះនៅថ្ងៃទី 03-09-2015, 10:27 AM, អាន 48ដង
រាជធានី​ភ្នំពេញ​៖​ការផ្ទៀងផ្ទាត់​ផែនទី​រវាង​ផែនទី​របស់​ខ្មែរ​ដែល​ផ្តល់ជូន​ដោយ រដ្ឋាភិបាល​បារាំង​និង​ផែនទី​របស់​រាជរដ្ឋាភិបាល​នាពេល​បច្ចុប្បន្ន​បាន ផ្ទៀងផ្ទាត់​ដល់​ផ្ទាំង​ទី​៧ ហើយ​នៅវេលា​ម៉ោង​ជិត​១០​ព្រឹក ថ្ងៃទី​០៣ ខែកញ្ញា​នេះ ហើយ​បាន​រកឃើញថា​មាន​ខ្សែបន្ទាត់​ព្រំដែន​ដូចគ្នា​បេះ បិត​។​
​      ការផ្ទៀងផ្ទាត់​ផែនទី​នេះ គេ​បាន​ប្រើ​វិធីសាស្ត្រ ដោយ​យក​ទី​ទាំងពីរ​ប្រភេទ​ដាក់​ត្រួត​លើ​គ្នា ហើយ​ឆ្លុះ​ជា​កាល់ ដើម្បី មើល​ខ្សែបន្ទាត់​បន្ទាត់​ព្រំដែន​។ ការផ្ទៀងផ្ទាត់ ត្រូវបាន​ធ្វើឡើង​ម្តង​មួយ​ផ្ទាំងៗ តាម​វី​ធី​ដូចៗ​គ្នា រហូត​គ្រប់ ២៦​ផ្ទាំង​។
​    ​លោក វ៉ា គឹមហុង ប្រធាន​គណៈកម្មាធិការ​ព្រំដែន​ចម្រុះ​កម្ពុជា បាន​បញ្ជាក់ថា ផែនទី​បោ​ន ខ្នាត ១ លើ​១០០. ០០០ ដែល​ផ្តល់​ដោយ​បារាំង​នេះ មាន​ចំនួន ២៥​ផ្ទាំង បោះពុម្ព​ដោយ​ក្រុម​ភូមិសាស្ត្រ​ឥណ្ឌូ​ន​ចិន ចន្លោះ​ឆ្នាំ​១៩ ៥១-១៩៥៣ ហើយ​មួយ​ផ្ទាំង​ទៀត​បារាំង​រក​មិនឃើញ​នោះទេ​។ ផែន​ទីមួយ​ផ្ទាំង​ដែល​រកឃើញ​មិនឃើញ​នេះ​បារាំង​បានផ្តល់​ជំនួស​ដោយ​ផែនទី UTM ខ្នាត​១​លើ ១០០.០០០៕

ព័ត៌មានលម្អិត
ចុះនៅថ្ងៃទី 03-09-2015, 10:22 AM, អាន 43ដង
រាជធានី​ភ្នំពេញ​៖​បុរស​ចិត្តខ្លាំង​ម្នា​ក់បាន​ចងក​សម្លាប់​ខ្លួនឯង​ដោយសារ​ខឹង​ប្រពន្ធ​ស្តីបន្ទោស​រឿង​ផឹកស៊ី។ ហេតុការណ៍​ភ្ញាក់ផ្អើល​នេះ​​កើតឡើង​កាលពី​វេលា​ម៉ោង​១ និង​១០​នាទី​រំលងអធ្រាត្រ​ឆ្លង​ចូល​ថ្ងៃទី​៣ ខែកញ្ញា ឆ្នាំ​២០១៥ នៅចំណុច​រោង​ក្រឡុក​ជីធម្មជាតិ​ផ្លូវលំ ក្រុមទី​១៣​ភូមិ​ទួលគោក សង្កាត់​ទួល​សង្កែ ខណ្ឌឫស្សីកែវ ។
​    ​បុរសរងគ្រោះ​ឈ្មោះ ប៊ុន ថន ហៅ ក្រូ​ច  អាយុ​២៦​ឆ្នាំ មុខរបរ​កម្មករ​ធ្វើ​ជីធម្មជាតិ មាន​ស្រុកកំណើត​នៅ​ខេត្តកំពង់ចាម មាន​ប្រពន្ធ​ឈ្មោះ សែម ថេ​ង អាយុ​២២​ឆ្នាំ មានមុខ​កម្មករ​ធ្វើ​ជីធម្មជាតិ​មាន​ស្រុកកំណើត​នៅ ភូមិ​សាលា​សន្ទុក ឃុំ​កកោះ ស្រុក​សន្ទុក ខេត្តកំពង់ធំ​។
​    ​តាម​ប្រភពពី​ក្រុមគ្រួសារ​របស់​បុរស​នោះបាន​ឲ្យ​ដឹងថា នៅ​មុនពេល​កើតហេតុ​ម៉ោង​ប្រហែល​ជាង​៨​យប់​ថ្ងៃទី​២ ខែកញ្ញា​នេះ ប្តី​របស់គាត់​បាន​ផឹក​ស្រាស​ជាមួយ​មិត្ត​ភ្រ​ក័​៣​នាក់រ​អស់​ប្រហែល​១​លី​ត្រ នៅ​កន្លែងកើតហេតុ​។ លុះ​ស៊ីផឹក​និយាយ​គ្នា​លេង​រហូតដល់​ម៉ោង​ប្រហែល​ជាង​១១ យប់​គាត់​(​ប្រពន្ធ​)​បាន​ដើរមក​ហៅ​ប្តី​ទៅ​ដេក​និង​បាន​និយាយ​ស្តីបន្ទោស ឲ្យ​គាត់​ថា​ខ្លួនឯង​ទើបនឹង​លេបថ្នាំ​គ្រុន​ផ្តាស​សាយ​សោះ​ប្រយ័ត្ន​មិនជា គាត់​និយាយ​រួច​ក៏​វិលត្រឡប់​មក​ដេក​វិញ ស្រាប់តែ​ដល់​ម៉ោង​១​រំលងអធ្រាត្រ​គាត់​(​ប្រពន្ធ​)​ដឹងខ្លួន​មន​ឃើញ​ប្តី ក៏​ចុះ​ដើររក​ប្តី ស្រាប់តែ​ប្រទះឃើញ​ចងក​នឹង​ផ្ទ​ង​ដែក​រោង​ក្រឡុក​ជី ស្លាប់​បាត់ទៅ​បង្ក​ឲ្យ​មានការ​ភ្ញាក់ផ្អើល​ទាំងយប់​អធ្រាត្រ​ហើយ ត្រូវបាន​ក្រុមគ្រួសារ​នាំគ្នា​ស្រាយ​យក​សព​ចុះមក​ដាក់​ក្រោម​រួច​ដឹក​យកទៅ តំកល់ទុក​នៅ​វត្ត​ទួល​អស់លោក​ដើម្បី​ធ្វើបុណ្យ​តាម​ប្រពៃណី​យ​។​
​    ​គួរ​បញ្ជាក់ថា ជនរងគ្រោះ​មាន​ជំងឺមហារីក​ខួរក្បាល និង​មហារីក​ក្រ​ពោះ​រយៈពេល​ជាង​មួយឆ្នាំ​មកហើយ​រួច​ធ្លាប់បាន​ចងក​ចំនួន​៣​លើក​មកហើយ​នៅលើ​ក​នេះ​ជា​លើក​ទី​៤​បានតែ​ម្តង​៕

ព័ត៌មានលម្អិត
ចុះនៅថ្ងៃទី 03-09-2015, 10:01 AM, អាន 43ដង
​រាជធានី​ភ្នំពេញ​៖​យោងតាម​របាយការណ៍​របស់​នាយកដ្ឋាន​សណ្តា​ប់​ធ្នាប់​នៃ​អគ្គស្នងការ​នគរបាល​ជាតិ​បាន​ឲ្យ​ដឹងថា នៅ​ថ្ងៃទី​២ ខែកញ្ញា ឆ្នាំ​២០១៥​ម្សិលមិញ​មាន​ករណី​គ្រោះថ្នាក់​ចរាចរណ៍​នៅ​ទូទាំងប្រទេស​កើតឡើង​៦​លើក យប់​៤​លើក បណ្តាល​ឲ្យ​មនុស្ស​ស្លាប់​២​នាក់​( ស្រី​ម្នាក់​)​អ្នករបួសធ្ងន់​៦​នាក់​(​ស្រី​២​នាក់​) និង​របួសស្រាល​៥​នាក់ (​ស្រី​២​នាក់​)​។​
​    ​របាយការណ៍​ដដែល​ប​ន្ត​ថា ក្នុង​គ្រោះថ្នាក់​ចរាចរណ៍​ទាំង ៦​លើក​នេះ បាន​បង្ក​ឲ្យ​ខូចខាត​យានយន្ត​សរុប ៩​គ្រឿង ក្នុងនោះ​មាន​ម៉ូតូ​ចំនួន ៨​គ្រឿង​, រថយន្ត​ធុន​តូច ១​គ្រឿង និង​ថ្មើរជើង​ម្នាក់​។ របាយការណ៍​បញ្ជាក់ថា មូល​ហេតុដែល​បណ្តាល​ឲ្យ​មាន​គ្រោះថ្នាក់​រួមមាន ល្មើស​ល្បឿន ២​លើក ,​មិន​ប្រកាន់​ស្តាំ ១​លើក ,​សត្វ​គោ​រត់​ឆ្លងផ្លូវ ១​លើក ,​មិន​គោរព​សិទ្ធ ១​លើក និង​ស្រវឹង ១​លើក ក្នុងនោះ​អ្នក​មិន​ពាក់មួក​ពេល​គ្រោះថ្នាក់​មាន ១២​នាក់ (​យ​ប​១០​នាក់​) ។​
​      របាយការណ៍​ខាងលើ​​បន្ថែមថា រថយន្ត​ពិន័យ​សរុប​ចំនួន ១,០៥៤​គ្រឿង (​រថយន្ត​ធំ ២៨៤​គ្រឿង​) ស្មើនឹង ១,០៥៧​ករណី ,​ល្មើស​ក្រដាស​ស្នាម​មាន ៦៥៤​គ្រឿង ស្មើនឹង ៦៥៧៣​ករណី ,​ចំពោះ​ករណី​ល្មើស​បច្ចេកទេស ៤០០​គ្រឿង​ស្មើនឹង ៤០០​ករណី ដោយឡែក​ម៉ូតូ​ត្រូវបាន​ពិន័យ​សរុប​ចំនួន ១,៧៤៥ គ្រឿង​៕

ព័ត៌មានលម្អិត
ចុះនៅថ្ងៃទី 03-09-2015, 09:24 AM, អាន 49ដង
រាជធានី​ភ្នំពេញ​៖​ដូច​អ្វីដែល​គ្រោងទុក​នៅ​ព្រឹក​ថ្ងៃទី​០៣ ខែកញ្ញា ឆ្នាំ​២០១៥​នេះ​ពិធី​ប្រគល់ ទទួល​ផែនទី​មកពី​ប្រទេស​បារាំង និង​ដាក់ឱ្យ​សាធារណជន​ផ្ទៀងផ្ទាត់​ផែនទី របស់​រាជរដ្ឋាភិបាល​ក្នុងការ​បោះបង្គោល​ព្រំដែន​ជាមួយ​វៀតណាម និង​ផែនទី​ដែល​ទើប​មកពី​ប្រទេស​បារាំង​។
​កម្មវិធី​នេះ​ធ្វើឡើង​នៅ​វិមាន​សន្តិភាព ក្រោម​វត្តមាន​លោក​ឧបនាយករដ្ឋមន្ត្រី ហោ ណាំហុង រដ្ឋមន្ត្រី​ក្រសួងការបរទេស​កម្ពុជា  និង​តំណាង​គណបក្សនយោបាយ​ទាំង​៣​ដូចជា គណបក្ស​ប្រជាជន​កម្ពុជា​៥​រូប​, គណបក្ស​សង្គ្រោះ​ជាតិ​៥​រូប និង​គណបក្ស​ហ្វ៊ុនស៊ិនប៉ិច​៥​រូប រួម​នឹង​តំណាង​ស្ថាប័នព្រឹទ្ធសភា និង​រដ្ឋសភា ព្រមទាំង​តំណាង​ឧ​ត្ត​ម​ក្រុមប្រឹក្សា នៃ​អង្គចៅក្រម​ចំនួន​២​រូប លោក បណ្ឌិត សុខ ទូច និង​សហការី នៃ​រាជបណ្ឌិត្យសភា​ចំនួន​៣​រូប និង​ទីប្រឹក្សា​រដ្ឋាភិបាល ដែលជា​ជនជាតិ​បរទេស​មួយចំនួន​។​
​មន្ត្រី​ស្ថានទូត​បារាំង​នៅ​កម្ពុជា នឹង​តំណាងឱ្យ​ប្រទេស​បារាំង​ប្រគល់​ផែនទី​បោ​ន​នេះ​មកឱ្យ​កម្ពុជា​៕

ព័ត៌មានលម្អិត
ចុះនៅថ្ងៃទី 03-09-2015, 09:13 AM, អាន 45ដង
រាជធានី​ភ្នំពេញ​៖​ជនសង្ស័យ​ម្នាក់​ត្រូវបាន​កម្លាំង​នគរបាល​ល្បាត និង​នគរបាល​ប៉ុស្តិ៍​របស់​អធិការដ្ឋាន នគរបាល​ខណ្ឌទួលគោក សហការ​ជាមួយ​កំលាំង​នគរបាល ខណ្ឌ​សែន​សុខ​ឃាត់ខ្លួន ខណៈដែល​បក្សពួក​៤​នាក់​ទៀត​រត់គេចខ្លួន​បន្ទាប់ពី​ធ្វើ​សកម្មភាព​ប្លន់​ម៉ូតូ​ពី​និស្សិត​ម្នាក់​។ ករណីនេះ​កើតឡើង​កាលពី​ម៉ោង​១ និង​១០​នាទី​រំលងអធ្រាត្រ​ឆ្លង​ចូល​ថ្ងៃទី​៣ ខែកញ្ញា ឆ្នាំ​២០១៥ ស្ថិត​ចំណុច​មុខផ្ទះ​លេខ​២៧១ ផ្លូវ​លេខ​១៨២ ក្រុមទី​២១ ភូមិ​៨ សង្កាត់​ទីក​ល្អក់​ទី​២ ខណ្ឌទួលគោក​។​
​អធិការនគរបាល ខណ្ឌទួលគោក លោក ហ៊ុន សុធី បាន​ឲ្យ​ដឹងថា ជនសង្ស័យ​ដែល​ឃាត់ខ្លួន​ឈ្មោះ វ៉ាន់ ជី​វ័​ន្ត អាយុ ២០​ឆ្នាំ មុខរបរ មិន​ពិតប្រាកដ មាន​ទីលំនៅ​ដើម ភូមិ​ល្វា​ស ឃុំ​ល្វា​ស ស្រុក​ល្វាឯម ខេត្តកណ្តាល ស្នាក់នៅ​បណ្តោះអាសន្ន​ផ្ទះជួល ភូមិ​ត្រពាំង​ឈូក សង្កាត់​ទឹកថ្លា ខណ្ឌ​សែន​សុខ ។ ចំណែក​ជនរងគ្រោះ​ឈ្មោះ ឡេង ស៊ី​ឌឿ​ន អាយុ​២៦​ឆ្នាំ ជនជាតិខ្មែរ មុខរបរ​និស្សិត​ឆ្នាំ​ទី​៣( ភាសា​អង់គ្លេស​)​ស្នាក់​នៅផ្ទះ​លេខ​២២៧ ផ្លូវ​នរោត្តម សង្កាត់​ទន្លេបាសាក់ ខណ្ឌចំការមន រាជធានី​ភ្នំពេញ​។​
​លោក ហ៊ុន សុធី បាន​បន្តថា មុនពេល​កើតហេតុ ជនរងគ្រោះ បាន​ជិះ​ម៉ូតូ​តែម្នាក់ឯង​គោល បំណង​មក​យក​សង្សារ​ដែល​ធ្វើការ​នៅ​ខារ៉ាអូខេ នគរ​សំរិទ្ធ ដោយ​ធ្វើដំណើរ​តាម​ប​ណ្តោ​ផ្លូវ លេខ​១៨២ ពី​កើតមក​លិច ខណៈ​មកដល់​ចំណុចកើតហេតុ មាន​ជនសង្ស័យ​មួយក្រុម​មាន​គ្នា​០៥​នាក់​ជិះ​ម៉ូតូ​០២​គ្រឿង​ម៉ាក Suzu ki Nex ពណ៌​សលាយ​ខ្មៅ​ទិសដៅ​បញ្ច្រាស​គ្នា​មក​ធាក់​ជនរងគ្រោះ បណ្តាលឱ្យ​ដួល​ម៉ូតូ ហើយ​ក្រុម​ជនសង្ស័យ​បាន​ដក​ខ្សែក្រវ៉ាត់ ដេញ​វាយ​ជនរងគ្រោះ រួច​លើកយក​ម៉ូតូ​ជន រងគ្រោះ​ជិះ​គេចខ្លួន ។​
​ពេលនោះ​ជនរងគ្រោះ បាន​ស្រែក​ចោរៗ ស្រប​ពេលដែល​កំលាំង ល្បាត​សហ​ប៉ុស្តិ៍​របស់​អធិការដ្ឋាន​នគរបាល ខណ្ឌទួលគោក បានមក​ដល់​បាន​អន្តរាគមន៍ ដេញតាម​ក្រុម​ជនសង្ស័យ​រហូតដល់​ក្រោយ KTV Newstar ផ្លូវលំ ភូមិ​ត្រពាំង​ឈូក ក្រុមទី​៨ សង្កាត់​ទឹកថ្លា ខណ្ឌ​សែន​សុខ យើង​បាន​សហការ​ជាមួយ កំលាំង​នគរបាល​ខណ្ឌ សែន​សុខ បាន​ស្ទាក់​ឃាត់ខ្លួន​បាន​ជន សង្ស័យ​ម្នាក់ និង​ចាប់យក​វត្ថុតាង ម៉ូតូ របស់​ជនរងគ្រោះ ម៉ាក Honda C125 ពណ៌​ខ្មៅ ស៊េរី ២០១៤ ពាក់ ស្លាក​លេខ​ភ្នំពេញ 1CO-4917 បាន​ជាក់ស្តែង​,​ចំណែក​ជនសង្ស័យ​០៤​នាក់​ទៀត​បាន​ជិះ​ម៉ូតូ​គេចខ្លួនបាត់​។​
​បច្ចុប្បន្ន​ជនសង្ស័យ​កំពុង​ឃាត់ខ្លួន​នៅ អធិការដ្ឋាន​នគរបាល​ខណ្ឌទួលគោក​ដើម្បី​សាកសួរ​ស្រាវជ្រាវ​រក​បក្សពួក និង​កសាង​សំណុំរឿង​បញ្ជូនទៅ​តុលាការ​ចាត់ការ​តាមផ្លូវ​ច្បាប់​៕

ព័ត៌មានលម្អិត
ចុះនៅថ្ងៃទី 03-09-2015, 08:55 AM, អាន 37ដង
ដោយ៖ធារ៉ា​
​ខេត្តស្វាយរៀង
​៖​សមត្ថកិច្ច​នគរបាល​ការិយាល័យ​ប្រឆាំង​បទល្មើស​គ្រឿងញៀន​នៃ​ស្នងការដ្ឋាន​នគរបាល​ខេត្តស្វាយរៀង​សហការ​ជាមួយ​នគរបាល​ក្រុង​ស្វាយរៀង​បាន​ចុះ​ប្រតិបត្តិការ​បំបែកសម្បុក​មេខ្លោង​ចែកចាយ និង​ជួញដូរ​គ្រឿងញៀន ឃាត់ខ្លួន​មនុស្ស​ប្រុស​ស្រី​៥​នាក់​។​
 ប្រតិបត្តិការ​នេះ​ធ្វើឡើង​កាលពី​វេលា​ម៉ោង​១០ និង​០០​នាទី​ថ្ងៃទី​១ ខែកញ្ញា ឆ្នាំ​២០១៥ និង​បន្ត​រហូតដល់​ថ្ងៃទី​២ ខែកញ្ញា ឆ្នាំ​២០១៥ ក្នុងនោះ​មាន​បុរស​ម្នាក់​កំពុងតែ​ចែកចាយ​ថ្នាំញៀន​នៅ​ម្ដុំ​ក្រោយ​មន្ទីរពេទ្យ​ស្រុក​ប្រតិបត្តិ​ស្វាយរៀង​ស្ថិតក្នុង​ភូមិ​គៀន​សាំង សង្កាត់​-​ក្រុង​ស្វាយរៀង​។​
​បើតាម​ប្រភពពី​សមត្ថកិច្ច​ស្រុក​ស្វាយទាប​បាន​ប្រាប់​ឲ្យ​ដឹងថា ឈ្មោះ ភោគ សារ៉ាត់ នេះ​ជា​មេខ្លោង​ទើបតែ​ចេញពី​គុក​បាន​៣​ខែ​ប៉ុណ្ណោះ​ដោយសារ​ពាក់ព័ន្ធ​ទៅនឹង​ករណី​ចែកចាយ​គ្រឿងញៀន​នៅ​រាជធានី​ភ្នំពេញ ប៉ុន្តែ​នៅតែ​មិន​រាងចាល​ឥឡូវ​ត្រូវបាន​សមត្ថកិច្ច​ខេត្តស្វាយរៀង​ចាប់បាន​ពាក់ព័ន្ធ​រឿង​គ្រឿងញៀន​ដដែល​នេះ​ផងដែរ​៕
ព័ត៌មានលម្អិត
ចុះនៅថ្ងៃទី 02-09-2015, 03:46 PM, អាន 35ដង
កីឡា​៖​ក្លិប Southampton បាន​ឈានដល់​កិច្ចព្រមព្រៀង​ជាមួយនឹង​ក្លិប Celtic លើ​ការ​ទិញយក​ខ្សែការពារ Virgil van Dijk រួចរាល់​អស់ហើយ​នៅ​រដូវ​កាល​នេះ​។​
​    ​យោងតាម ការចុះផ្សាយ​របស់​គេហ​ទំព័រ Daily Mail បាន​ឲ្យ​ដឹងថា កីឡាករ​សញ្ជាតិ​ហូ​ឡង់ វ័យ ២៤​ឆ្នាំ​រូបនេះ​បានធ្វើការ​ត្រួតពិនិត្យ​សុខភាព​រួចរាល់​អស់ហើយ និង​បាន​ចុះហត្ថលេខា​លើ​កិច្ច​ស​ន្យ​រយៈពេល​៥​ឆ្នាំ​ផងដែរ​ឲ្យ​ក្លិប Southampton ជាមួយនឹង​តម្លៃ​ពលកម្ម​ចំនួន​១១.៥​លាន​ផោន​។​
​    ​គួរ​បញ្ជាក់ថា ក្លិប Celtic បានសម្រេច​ចិត្ត​លក់​ចេញ​ខ្សែការពារ Virgil van Dijk ទៅ​ឲ្យ​ក្លិប Southampton បន្ទាប់ពី​ក្លិប Celtic ទើបតែនឹង​បាន​នាំចូល​ខ្សែការពារ​វ័យក្មេង​រប​ស់​ក្លិប​បិសាច​ក្រហម Manchester United គឺ​កីឡាករ Tyler Blackett៕

ព័ត៌មានលម្អិត
ចុះនៅថ្ងៃទី 02-09-2015, 03:33 PM, អាន 35ដង
កីឡា​៖​ក្លិប​ទូកក្ដោង Everton បានប្រកាសថា ក្លិប​បានសម្រេច​ទិញយក​ខ្សែបម្រើ​របស់​ក្លិប​មាន់​ខ្នាយ​មាស Tottenham hot Spur គឺ​កីឡាករ Aaron Lennon ជា​ផ្លូវការ​តែម្ដង​នៅ​រដូវ​កាល​នេះ ។​
​    ​យោងតាម​ការចុះផ្សាយរ​បស់​សារព័ត៌មាន Sky Sports បាន​ឲ្យ​ដឹងថា បន្ទាប់ពី​បាន​ចំណាយពេល​ពាក់កណ្ដាលរ​ដូ​វ​កាល​លេង​ឲ្យ​ក្លិប​ទូកក្ដោង Everton ជា​លក្ខណៈ​ខ្ចី​ជើង​កាលពី​រដូវ​កាល​មុន កីឡាករ​សញ្ជាតិ​អង់គ្លេស​វ័យ​២៨​ឆ្នាំ​រូបនេះ​ត្រូវបាន​ក្លិប​មាន់​ខ្នាយ​មាស Tottenham hot Spur ព្រមព្រៀង​លក់​ទៅ​ឲ្យ​ក្លិប​ទូកក្ដោង Everton ក្នុងតម្លៃ​ពលកម្ម​ប្រមាណ​៤.៥​លាន​ផោន ជាមួយ​កិច្ចសន្យា​រយៈពេល​៣​ឆ្នាំ​ផងដែរ ។​
​    ​គួរ​បញ្ជាក់ថា កីឡាករ Aaron Lennon បង្ហាញខ្លួន​ជា​លក្ខណៈ​ខ្ចី​ជើង​ឲ្យ​ក្លិប​ទូកក្ដោង Everton ចំនួន​១៤​លើក និង​បាន​ស៊ុត​បាល់​បញ្ចូល​ទី​ចំនួន​២​គ្រាប់​ផងដែរ​៕

ព័ត៌មានលម្អិត
ចុះនៅថ្ងៃទី 02-09-2015, 03:27 PM, អាន 54ដង
រាជធានី​ភ្នំពេញ​៖​រថយន្ត​មួយគ្រឿង​ម៉ាក​ឡិច​ស៊ី​ស​RX330​ត្រូវបាន​គេ​ប្រទះឃើញ​ជិះ មក​ផ្លុ​ង​ចោល​នៅ​ក្នង​ទឹកដី​សង្កាត់​ជ្រោយចង្វា​និង​ធ្វើ​ឲ្យ​មានការ ភ្ញាកផ្អើល​ឡើង​នៅ​ម៉ោង​៧ និង​៣០​នាទី​ព្រឹក​ថ្ងៃទី​២ ខែកញ្ញា ឆ្នាំ​២០១៥ នៅតាម​ផ្លូវ​ទន្លេមេគង្គ​មុខផ្ទះ​លេខ​៣០​ក្រុមទី​៥​ភូមិ​២ សង្កាត់​ជ្រោយចង្វា ខណ្ឌ​ជ្រោយចង្វា​។
​    ​រថយន្ត​ដែល​ប្រជាពលរដ្ឋ​ប្រទះឃើញ​នោះ​ម៉ាក​ឡិច​ស៊ី​ស​RX330​ពណ៌​ស្ករ​ពាក់​ស្លាក លេខ​កាលី​ហ្វូ​ញា​5ZU670 មាន​ស្លាក​លេខ​តែ​ខាងមុខ​ហើយ​ម្ចាស់​បាន​អះអាងថា​រថយន្ត​ខាងលើនេះ​គឺជា រថយន្ត​របស់គាត់​ដែលមាន​ឈ្មោះ អេ​ម ផានី ភេទ​ប្រុស អាយ​៣៤​ឆ្នាំ ជា​មន្ត្រី​ម៉ូ​លិ​ស​ស្នាក់នៅ​កន្លែងកើតហេតុ​ខាងលើ​និង​មាន​ស្រុកកំណើត​នៅ ឃុំ​ពោធិ៍​អង្ក្រង​ស្រុក​បសេដ្ឋ​ខេត្តកំពង់ស្ពឺ​។ ក្រោយ​កើត​ហ​តុ​រថយន្ត​ត្រូវបាន​សមត្ថកិច្ច​ប្រគល់​ឲ្យ​ម្ចាស់​វិញ​៕

ព័ត៌មានលម្អិត
ចុះនៅថ្ងៃទី 02-09-2015, 03:15 PM, អាន 40ដង
ដោយ​៖​ឣ៊ួ​ង វឹង​
​ខេត្តកំពត
​៖​សេចក្តីរាយការណ៍​ពី​ប្រជាពលរដ្ឋ​រស់នៅ​ភូមិ​កំពង់ត្រាច​ទី​១ ឃុំ​កំពង់ត្រាច ស្រុក​កំពង់ត្រាច ខេត្តកំពត​បាន​ឲ្យ​ដឹងថា សព្វថ្ងៃនេះ​ករណី​ល្បែង​កន្ទុយលេខ បៀ​ឣា​ប៉ោង​ខុសច្បាប់​បើក​លេង​យ៉ាង​គគ្រឹកគគ្រេង   តែ​សមត្ថកិច្ច​ប៉ូ​លិ ប៉េអឹម មិនដែល​មាន​វិធានការ​បង្ក្រាប ដោយសារតែ​បានទទួល សំណែន​ពី​ពួក​មេ​ឆ្នោត​ធំៗ​និង​ល្បែង​បៀ​ឣា​ប៉ោង​នៅក្នុង​ស្រុក ដែល​ធ្វើ​ឲ្យ​ប្រជាពលរដ្ឋ​អស់ជំនឿ​លើ​គោល នយោបាយ ភូមិ​ឃុំ​មាន​សុវត្ថិភាព របស់​រាជរដ្ឋាភិបាល​។​
​តាម​ប្រភពព័ត៌មាន​ពី​ប្រជាពលរដ្ឋ​រស់នៅ​ផ្សារ​កំពង់ត្រាច​បានអោយ​ដឹងថា​មាន​មេ​ឆ្នោត​ជាច្រើន​កន្លែង បើក​លេង​យ៉ាង​អ​នា​ធិ​តេ​យ្យ​ដោយសារតែ​មានការ​ឃុបឃិត​គ្នា​ជាមួយនឹង​សមត្ថកិច្ច​ប៉ូលិស​និង​ប៉េអឹម​និង​អជ្ញាធរ​ស្រុក បានជា​ល្បែង​លេង​ច្រើន​យ៉ាងនេះ ។​
​ករណី​បើក​លេងល្បែង​កន្ទុយលេខ​នៅ​ស្រុក​កំពង់ត្រាច ខេត្តកំពត​ខាងលើនេះ​គេ​ពុំដែល​ឃើញ​សមត្ថកិច្ច​ចុះ​ធ្វើការ​ចុះបង្ក្រាប​ចំពោះ​មេខ្លោង​ធំៗ​ម្តងណា​ឡើយ គ្រាន់តែ​ហៅ​មេ​ឆ្នោត​ទាំងនោះ​ធ្វើ​កិច្ចសន្យា​តែ​ប៉ុ​ន្នោះ​រួចជាស្រេច ។​
​ប្រជាពលរដ្ឋ​ដែល​រស់នៅ ស្រុក​កំពង់ត្រាច ខេត្តកំពត​បាន​សង្កេត​ឃើញថា​ការចុះ​បង្ក្រាប​បទល្មើស​ខុសច្បាប់​តាម​បណ្តា​ខេត្ត​ក្រុង​សមត្ថកិច្ច​បាន​អនុវត្តតាម​គោលនយោបាយ​ភូមិ​ឃុំ​មាន​សុវត្ថិភាព​ដែល​ប្រមុខ​រាជរដ្ឋាភិបាល​ដាក់​បញ្ជារ​អោយ​បង្ក្រាប​ស្ទើ​ទាំងស្រុង​ទៅហើយ ចំណែក​ខេត្តកំពត​នេះ​វិញ ហាក់បីដូចជា​ធ្វើ​មិនដឹងមិនឮ​សោះ ជាពិសេស​ឣ​ធិ​ការ​ស្រុក​កំពង់ត្រាច​តែម្តង​។​
​ចំពោះ​បទល្មើស​ដែល​កើតឡើង​នៅ​ស្រុក​កំពង់ត្រាច​សមត្ថកិច្ច​មើលមិនឃើញ​សោះ​និង​មាន ភាព​ធូររលុង​បែបនេះ​ធ្វើ​ឲ្យ​ប្រជាពលរដ្ឋ​មានការ​ព្រួយបារម្ភ​និង​ភ័យខ្លាច​យ៉ាងខ្លាំង​ចំពោះ​ភូមិ​ឃុំ​ដែល​គ្មាន​សុវត្ថិភាព​ជូន​ពួកគាត់ និង​កើតឡើង​ដូចជា​អំពើហិង្សា​ក្នុង​គ្រួសារ​ចោរលួច​ចោរឆក់​ចោរប្លន់​ចោរ​គាស់​ផ្ទះ​និង​អំពើ​ជាច្រើន​ទៀត ជាពិសេស​គ្រឿ​ញៀន​។​
​ប្រជាពលរដ្ឋ​នៅ​ស្រុក​កំពង់ត្រាច ខេត្តកំពត សូម​សំណូមពរ​ដល់​លោក​អភិបាល​នៃ​គណៈ​អភិបាល​ខេត្តកំពត​មេត្តាជួយ​ពិនិត្យមើល​ភាព​អសកម្ម​របស់​អាជ្ញាធរ​និង​សមត្ថកិច្ច​ប៉េអឹម និង​ប៉ូលិស​ដែល​កំពុងតែ​សប្បាយ​ឃុបឃិត​បើក​ឲ្យ​មាន​បទល្មើស​ល្បែងស៊ីសង កន្ទុយលេខ​(​ហៅ​ឆ្នោត​)​យ៉ាង​គគ្រឹកគគ្រេង ដែលជា​ទង្វើ​មួយ​ផ្ទុយ​ពីបទ​បញ្ជា​សម្តេច​អគ្គមហាសេនាបតី​តេ​ជោ ហ៊ុន សែន ប្រមុខ​រាជរដ្ឋាភិបាល​ដែល​បាន​រឹតបន្តឹង​ជាដាច់ខាត​មិន​ឲ្យ​កើតមាន​។​
​លោក អ៊ុម ស៊ី​ណាត អភិបាលស្រុក​កំពង់ត្រាច​បាន​ប្រាប់​អ្នកយកព័ត៌មាន​ថា ចាំ​លោក​ហៅ​ប៉ូលិស​មក​សួរ​មើល លោក ហា​ញ់ គា អធិការ​ស្តីទី​បានអោយដឹងថា លោក​បាន​ហៅ​មក​ធ្វើ​កិច្ច​ស​ន្យ​អស់ហើយ ហើយ​ពួកវា​ថា​ឈប់​ឈប់​លេង​។​ចំណែក​លោក​ឣ​ធិ​ការ​ស្រុក​វិញ​នោះ​ឆ្លើយ​យកតែ​រួចខ្លួន​។​
​គួរបញ្ជាក់​ផងដែរ​ថា នៅ​ស្រុក​កំពង់ត្រាច​ជា​ស្រុក​មួយ​ជាប់​លំដាប់ថ្នាក់​លេខ​មួយ​ខាង​ល្បែងស៊ីសង​ប្រចាំ​ខេត្តកំពត​៕

ព័ត៌មានលម្អិត
ចុះនៅថ្ងៃទី 02-09-2015, 02:56 PM, អាន 38ដង
កីឡា​៖​ក្លិប​បិសាច​ក្រហម Manchester United បាន​ឈានដល់​កិច្ចព្រមព្រៀង​ជាមួយ​ក្លិប AS Monaco លើ​ការ​ទិញយក​ខ្សែប្រយុទ្ធ Anthony Martial រួចរាល់​អស់ហើយ​។​
​    ​យោងតាម​ការចុះផ្សាយរ​បស់​គេហទំព័រ Daily Mail បាន​ឲ្យ​ដឹងថា កីឡាករ​អន្តរជាតិ​អាយុ​ក្រោម​២១​ឆ្នាំ​របស់​បារាំង​វ័យ​១៩​ឆ្នាំ​រូបនេះ​បានធ្វើ​ដំណើរ​មកដល់​ទី​ក្រុង Manchester ដើម្បី​ត្រួតពិនិត្យ​សុខភាព​រួចរាល់​អស់ហើយ និង​បាន​ចុះហត្ថលេខា​លើ​កិច្ចសន្យា​រយៈពេល​៤​ឆ្នាំ​ផងដែរ ជាមួយនឹង​តម្លៃ​ពលកម្ម​ចំនួន​៣៦​លាន​ផោន ។​
​    ​គួរ​បញ្ជាក់ថា កីឡាករ Anthony Martial ស៊ុត​បាល់​បញ្ចូល​ទី​គូប្រកួត​ឲ្យ​ក្លិប AS Monaco បាន​ចំនួន​១១​គ្រាប់​ក្នុងការ​បង្ហាញខ្លួន​ចំនួន​៤៩​លើក​៕

ព័ត៌មានលម្អិត
ចុះនៅថ្ងៃទី 02-09-2015, 02:45 PM, អាន 39ដង
ដោយ​៖​កង សាន់​ដា​រា​
​ខេត្តក្រចេះ​
៖​បុរស​ម្នាក់​ត្រូវ​សមត្ថកិច្ច​ឃាត់ខ្លួន បន្ទាប់ពី​ធ្វើ​សកម្មភាព​ចាប់រំលោភ​កូនស្រី​បង្កើត​អាយុ​១៣​ឆ្នាំ​បានសម្រេច​២​ដង​ជា​បន្តបន្ទាប់ ខណៈ​ប្រពន្ធ​មិន​នៅផ្ទះ​កាលពី​ថ្ងៃទី​១៧ ខែសីហា ឆ្នាំ​២០១៥​។ ការឃាត់ខ្លួន​ជនសង្ស័យ​នេះ​ធ្វើឡើង​កាលពី​ថ្ងៃទី​៣១ ខែសីហា ឆ្នាំ​២១០៥ ស្ថិតនៅ​ភូមិ​សំបុក ឃុំ​សំបុក ស្រុក​ចិត្រ​បុរី ខេត្តក្រចេះ​។​
​ជនសង្ស័យ​ជា​ឪពុក​ឈ្មោះ អ៊ុន សុន អាយុ​៤៣​ឆ្នាំ រស់នៅ​ភូមិ​សំបុក ឃុំ​សំបុក ស្រុក​ចិត្រ​បុរី ខេត្តក្រចេះ​។ ចំណែក​នារី​រងគ្រោះ​ឈ្មោះ អ​.​ប អាយុ​១៣​ឆ្នាំ រៀង​ន​ថ្នាក់​ទី​៨ បាន​រំលោភ​កូនស្រី​បង្កើត​ឈ្មោះ​អូន​ប៉ី​កំពុង​នៅ​រៀន​ថ្នាក់​ទី​៨​អាយុ​១៣​ឆ្នាំ​បានសំរេច​ចំនួន​២​ដង​ខណៈ​ប្រពន្ធ​មិន​នៅផ្ទះ​កាលពី ថ្ងៃទី​១៧  ខែសីហា ឆ្នាំ​២០១៥ បន្ទាប់ពី​រំលោភ​ហើយ​គំរាម​មិន​ឲ​ប្រាប់​ម្តាយ​បើ​ប្រាប់​សំលាប់ចោល​។​
​តាម​នារី​រងគ្រោះ​បាន​ឲ្យ​ដឹងថា ឪពុក​របស់​នាង​បាន​ចាប់​នាង​រំលោភ​បានសម្រេច​២​ដង ខណៈ​ម្តាយ​មិន​នៅផ្ទះ ។ នាង​បន្តថា ក្រោយពី​រំលោភ​រួច​ឪពុក​នាង​បាន​គំរាម​សម្លាប់ចោល បើ​ហ៊ាន​ប្រាប់​ម្តាយ ក្រោយមកទៀត​ឱកាសល្អ​ប្រពន្ធ​មិន​នៅ​ឪពុក​តិរច្ឆាន​នេះ​រំលោភ​នាង​ជាថ្មីទៀត​តែ​មិនបាន​សំរេច​បែកធ្លាយ​ជនរងគ្រោះ​ប្រាប់​ប្អូ​ន‌​‌​‌​បន្តរ​ប្រាប់​ម្តាយ  ទើប​ម្តាយ​ជនរងគ្រោះ​ទៅប្តឹង​ប៉ូលីស​ប៉ុស្តិ៍​រដ្ឋា​បាល​សំបុក​ទើប​ឈានដល់​ថ្ងៃទី​៣១​សីហា ឆ្នាំ​២០១៥​កំលាំង​ប៉ុស្តិ៍​ចាប់​ជនសង្ស័យ​កាន់​មក​ប៉ុស្តិ៍​បន្តទៅ​អធិការដ្ឋាន​ស្រុក​ចិ​ត្ត្រ​បុរី​និង​បន្តរ​ទៅ​តុលាកា​ចាត់ការ​តាម​នីតិវិធី​ច្បាប់​៕

ព័ត៌មានលម្អិត
ចុះនៅថ្ងៃទី 02-09-2015, 02:26 PM, អាន 40ដង
កីឡា​៖​ទីផ្សារ​ដោះដូរ​កីឡាករ​បាល់ទាត់​សម្រាប់​រដូវ​កាល ២០១៥-២០១៦ នេះ​បានបញ្ចប់​ជា​ផ្លូវការ​ហើយ​កាលពី​យប់មិញ​នេះ​ដោយ​ឃើញថា​នៅ​ក្របខ័ណ្ឌ Premier League របស់​ប្រទេស​អង់គ្លេស​នៅតែ​ជា​ក្របខ័ណ្ឌ​កំពូល​ដែល​ចំណាយ​ទឹកប្រាក់ ច្រើនជាងគេ​លើ​ការដោះដូរ​កីឡាករ​បាល់ទាត់ ។​
​    ​យោងតាម ការចុះផ្សាយ​របស់​គេហ​ទំព័រ Daily Mail បាន​ឲ្យ​ដឹងថា ក្លិប​នៅ​ក្របខ័ណ្ឌ Premier League របស់​ប្រទេស​អង់គ្លេស បាន​ចំណាយ​ទឹកប្រាក់​លើ​ការដោះដូរ​កីឡាករ​រហូត​ទៅដល់ ៨៧០ លាន​ផោន ដែល​ការចំណាយ​ទឹកប្រាក់​នេះ​គឺមាន​ការកើនឡើង​៤% បើ​ប្រៀបធៀប​ទៅនឹង​រដូវ​កាល​មុន ។ ជាក់ស្ដែង​ក្លិប​មេឃ​ខៀវ Manchester City គឺជា​ក្លិប​ដែល​ចំណាយ​ទឹកប្រាក់​ច្រើនជាងគេ​រហូតដល់​ទៅ ១៥០​លាន​ផោន បន្ទាប់មក​គឺ​ក្លិប​បិសាច​ក្រហម Manchester United ចំណាយ​ទឹកប្រាក់​អស់ ១១៥​លាន​ផោន ។​
​    ​គួរ​បញ្ជាក់ថា ក្របខ័ណ្ឌ Serie A របស់​អ៊ីតាលី​គឺជា​ក្របខ័ណ្ឌ​ចំណាយ​ទឹកប្រាក់​ច្រើន​ទី​ពីរ​នៅក្នុង ទ្វីបអឺរ៉ុប​ដោយបាន​បញ្ចេញ​ទឹកប្រាក់​អស់ ៤០៥ លាន​ផោន ទី​បី​ក្របខ័ណ្ឌ La Liga របស់​អេ​ស្ប៉ា​ញ ៤០០​លាន​ផោន ទី​បួន Bundesliga របស់​អាល្លឺម៉ង់ ២៩០ លាន​ផោន និង​ចុងក្រោយ Ligue 1 របស់​បារាំង​២២០​លាន​ផោន​៕
 
ព័ត៌មានលម្អិត
ចុះនៅថ្ងៃទី 02-09-2015, 02:14 PM, អាន 41ដង
​រាជធានី​ភ្នំពេញ​៖​ប្រធានាធិបតី​បារាំង​លោក​ហ្វ្រ​ង់​ស័​រ​ហូ​ឡង់​(François HOLLANDE)​បាន​ផ្ញើលិខិត​ជូន​សម្តេចនាយក​រដ្ឋមន្ត្រី​ហ៊ុនសែន​កាលពី​ថ្ងៃទី ៣១​សីហា​ដើម្បី​តប​នឹង​លិខិត​របស់​សម្តេច​តេ​ជោ កាលពី​ថ្ងៃទី​១៥ ខែកក្កដា ឆ្នាំ​២០១៥​។ ភ្លាមៗ​នោះ​សម្តេច​តេ​ជោ ហ៊ុន សែន ក៏បាន​ផ្ញើលិខិត​ជូន​លោក François HOLLANDE ប្រធានាធិបតី​នៃ​សាធារណៈរដ្ឋ​បារាំង​។
​    ​ក្នុង​លិខិត​នោះ លោក​ប្រធានាធិបតី​បារាំង ហូ​ឡង់ បាន​សម្តែង​ការគាំទ្រ និង​សាទរ​កម្ពុជា ដើម្បី​ឈាន​សម្រេច​ឲ្យ​បាន​នូវ​ការកំណត់​ព្រំដែន​ជាមួយ​វៀតណាម​។ ក្នុង​លិខិត ចុះ​ថ្ងៃទី​៣១ ខែសីហា ឆ្នាំ​២០១៥ លោក ហ្វ្រ​ង់​ស័​រ ហូ​ឡង់ បាន​សម្តែង​ការចាប់អារម្មណ៍​យ៉ាងខ្លាំង ចំពោះ​លិខិត​របស់​សម្តេច ហ៊ុនសែន ចុះ​ថ្ងៃទី​១៥​កក្កដា ទាក់ទង​ទៅនឹង​ការកំណត់ និង​បោះបង្គោល​ព្រំដែន​រវាង​ប្រទេស​កម្ពុជា ជាមួយ​វៀតណាម​។​
​     លោក​ប្រធានាធិបតី​បារាំង ក៏បាន​សម្តែង​ការរីករាយ​ចំពោះ​ការយកចិត្តទុកដាក់រ​បស់​កម្ពុជា ដើម្បី​ឈានទៅ​សម្រេច​ឲ្យ​បាន​នូវ​ការកំណត់​ព្រំដែន​ជាមួយ​ប្រទេស​វៀតណាម ដោយ​គោរព​ច្បាប់​អន្តរជាតិ និង​មាន​តម្លាភាព​។
​    ​លោក ប្រធានាធិបតី​បារាំង បាន​កត់សម្គាល់ថា ដំណើរ​ការបោះ​បង្គោលព្រំ​ដែន ត្រូវបាន​ធ្វើឡើង​នៅក្នុង​ក្របខណ្ឌ​គណៈកម្មការ​ចម្រុះ​ព្រំដែន ដោយ​ផ្អែកលើ​ផែនទី​បោះពុម្ព ដោយ​ក្រុម​ភូមិសាស្ត្រ​ឥណ្ឌូចិន មុន​ឆ្នាំ​១៩៥៣​។ ក្នុង​លិខិត​ដដែល លោក ហ្វ្រ​ង់​ស័​រ ហូ​ឡង់ បាន​គូសបញ្ជាក់ថា ប្រទេស​បារាំង សុំ​រក្សា​ភាពមិនលម្អៀង​យ៉ាង​មុតមាំ ក្នុង​ដំណោះស្រាយ​បញ្ហា​ព្រំដែន រវាង​កម្ពុជា និង​វៀតណាម​។ ដើម្បី​រួមចំណែក​ក្នុង​ការរក​ដំណោះស្រាយ​ភាព​ខ្វែងគំនិត​គ្នា ស្ថានទូត​បារាំង​នៅ​ភ្នំពេញ នឹង​ប្រគល់​ច្បាប់​ចម្លង​នៃ​ផែនទី​បោះពុម្ព​ដោយ “​ក្រុម​ភូមិសាស្ត្រ​ឥណ្ឌូចិន​” ដែល​ទទួលបាន​ពី “​វិទ្យាស្ថាន​ជាតិភូមិ​សាស្ត្រ​”​។
​    ​យ៉ាងណាក៏ដោយ លោក​ប្រធានាធិបតី​បារាំង មិនបាន​បញ្ជូន​ក្រុម​អ្នកជំនាញការ​ផែនទី​បារាំង មក​ទេ ព្រោះ​បើតាម​ឯកឧត្តម​ប្រធានាធិបតី ការបញ្ជូន​ក្រុម​អ្នកជំនាញការ​ផែនទី​បារាំង ដើម្បី​មក​ពិនិត្យ​ផ្ទាល់ អាចធ្វើ​ទៅបាន លុះត្រា​ណា​មានការ​ស្នើសុំ និង​ឯកភាពគ្នា​ពី​ភាគី​ពាក់ព័ន្ធ​ទាំងពីរ​។
​    ​ជាការ ឆ្លើយតប នៅ​ថ្ងៃទី​១ ខែកញ្ញា ឆ្នាំ​២០១៥ សម្តេច​ហ៊ុនសែន បាន​សរសេរ​លិខិត ជូន​លោក ហ្វ្រ​ង់​ស័​រ ហូ​ឡង់ ប្រធានាធិបតី​នៃ​សាធារណរដ្ឋ​បារាំង ដោយ​គូសបញ្ជាក់ថា ជាការ​ពិត​ផែនទី ដែល​រាជរដ្ឋាភិបាល​កម្ពុជា បាន និង​កំពុង​ប្រើប្រាស់​ជា​ផ្លូវការ​ក្នុងការ​កំណត់ និង​ការបោះបង្គោល​ព្រំដែន​ជាមួយ​វៀតណាម គឺមាន​លក្ខណៈ​ត្រឹមត្រូវ និង​ស្រប​ទាំងស្រុង​តាម​គតិ​នៃ​រដ្ឋធម្មនុញ្ញ​កម្ពុជា​។
​    ​សម្តេច ហ៊ុនសែន បាន​ជម្រាបជូន​ប្រធានាធិបតី​បារាំង​បន្ថែមថា ការពិត គឺ​មិនមាន​ការខ្វែងគំនិត​គ្នា​ណាមួយ​នោះទេ រវាង​កម្ពុជា និង​វៀតណាម ពាក់ព័ន្ធ​នឹង​ការប្រើប្រាស់​ផែនទី​នេះ ពីព្រោះ​ផែនទី ដែល​រាជរដ្ឋាភិបាល​កម្ពុជា បាន និង​កំពុង​ប្រើប្រាស់​ក្នុងការ​កំណត់ និង​ការបោះបង្គោល​ព្រំដែន​មួយ​ប្រទេស​វៀតណាម​នេះ មានការ​ទទួលស្គាល់​ជា​ផ្លូវការ​ដោយ​ភាគី​ទាំងសងខាង ហើយ​វា​ក៏​ជា​ឧបសម្ព័ន្ធ​នៃ​សន្ធិសញ្ញា​កំណត់ព្រំដែន​រដ្ឋ​រវាង​ប្រទេស ទាំងពីរ​។
​    ​ក្នុង លិខិត​ដដែល សម្តេច​ហ៊ុនសែន បាន​បញ្ជាក់ថា រាជរដ្ឋាភិបាល​កម្ពុជា បាន​ស្វះ​ស្វែងរក​កិច្ចសហការ​ស្នើសុំ​ខ្ចី​ផែនទី​ដើម ដែលមាន​ការពាក់ព័ន្ធ និង​ស្នើសុំ​អ្នកជំនាញការ​ផែនទី មក​ផ្ទៀងផ្ទាត់​ជាមួយនឹង​ផែនទី​ផ្លូវការ និង​ស្របច្បាប់ ដែល​រាជរដ្ឋាភិបាល​កម្ពុជា បាន និង​កំពុង​ប្រើប្រាស់​ក្នុងការ​កំណត់ និង​ការបោះបង្គោល​ព្រំដែន​ជាមួយ​ប្រទេសជិតខាង​នេះ ក្នុង​គោលបំណង​សំខាន់ៗ​មួយចំនួន រួមមាន​៖ ដើម្បី​ធានា​តម្លាភាព​ចំពោះ​ប្រជាជាតិ​កម្ពុជា​ទាំងមូល ដើម្បី​បញ្ចៀស និង​បញ្ចប់​នូវ​ការ​ញុះញង់ ដោយ​គ្មាន​ការទទួលខុសត្រូវ និង​មិន​ក្រែងរអែង​លើ​ការបំពានច្បាប់ ព្រមទាំង​ដើម្បី​បញ្ជាក់​អំពី​ការប្តេជ្ញាចិត្ត​ដ៏​មោះមុត​ឥត​ងាករេ​របស់ រដ្ឋាភិបាល ក្នុង​ការកសាង​ខ្សែបន្ទាត់​ព្រំដែន​។
​    ​សូម រម្លឹកថា រាជរដ្ឋាភិបាល​កម្ពុជា នឹង​រៀបចំ​ពិធី​ទទួល និង​ផ្ទៀងផ្ទាត់​ផែនទី​កម្ពុជា ដែល​ផ្តល់​ឲ្យ​ដោយ​ប្រទេស​បារាំង នា​ព្រឹក​ម៉ោង ៩ ថ្ងៃទី​៣ ខែកញ្ញា ឆ្នាំ​២០១៥ នៅ​វិមាន​សន្តិភាព ក្នុង​រាជធានី​ភ្នំពេញ​។ ពិធី​ផ្ទៀងផ្ទាត់​នោះ មានការ​អញ្ជើញ​ឲ្យ​ចូលរួម​ពី​តំណាង​គណបក្ស​ប្រជាជន​កម្ពុជា គណបក្ស​សង្គ្រោះ​ជាតិ គណបក្ស​ហ្វ៊ុនស៊ិនប៉ិច តំណាង​ព្រឹទ្ធសភា រដ្ឋសភា ឧ​ត្ត​ម​ក្រុមប្រឹក្សា​នៃ​អង្គចៅក្រម ព្រមទាំង​ក្រុម​អ្នកស្រាវជ្រាវ​ព្រំដែន​របស់​ក្រុម​លោក​សុខ​ទូច​៕
 
ព័ត៌មានលម្អិត
ចុះនៅថ្ងៃទី 02-09-2015, 02:03 PM, អាន 43ដង
​រាជធានី​ភ្នំពេញ​៖​សាលាឧទ្ធរណ៍​នៅ​ព្រឹក​មិញ​នេះ​បាន​ច្រានចោល​សំណើសុំ​នៅក្រៅ​ឃុំ របស់លោក​ហុង​សុខ​ហួរ​សមាជិក​ព្រឹទ្ធសភា​មកពី​គណបក្ស​សមរង្ស៊ី​។​
​     ការសម្រេច​របស់​សាលាឧទ្ធរណ៍​ធ្វើឡើង​បន្ទាប់ពី​លោក ហុង សុខ​ហួរ ត្រូវ​សាលាដំបូង​រាជធានី​ភ្នំពេញ​សម្រេច​ឃុំខ្លួន​នៅ​ពន្ធនាគារ​ព្រៃ​ស ដោយ​ចោទ​ពីបទ​ក្លែង​ឯកសារ​សា​ធារ ណៈ​ប្រើប្រាស់​ឯកសារ​សាធារណៈ​ក្លែង និង​ញុះញង់​ឲ្យ​ប្រព្រឹត្ត​បទឧក្រិដ្ឋ​ជាអាទិ៍​ទាក់ទង​នឹង​ផែនទី និង​សន្ធិសញ្ញា ឆ្នាំ​២០០៥ រវាង​កម្ពុជា​-​វៀតណាម​៕
 
ព័ត៌មានលម្អិត
ចុះនៅថ្ងៃទី 02-09-2015, 02:00 PM, អាន 36ដង
​កីឡា​៖​ក្លិប​កញ្ជ្រោង Leicester City បានប្រកាសថា ក្លិប​បាន​ព្រមព្រៀង​នាំយក​ខ្សែបម្រើ​ស្លាប Nathan Dyer របស់​ក្លិប​ក្ងាន​ព្រៃ Swansea City ជា​លក្ខណៈ​ខ្ចី​ជើង​ពេញ​មួយ​រដូវ​កាល ។​
​    ​យោងតាម ការចុះផ្សាយ​របស់​គេហ​ទំព័រ Daily Mail បាន​ឲ្យ​ដឹងថា កីឡាករ​សញ្ជាតិ​អង់គ្លេស វ័យ​២៧​ឆ្នាំ​រូបនេះ​បាន​ចំណាយពេល​៦​រដូវ​កាល​មកហើយ​នៅ​ជាមួយនឹង​ក្លិប​ក្ងាន​ព្រៃ Swansea City ប៉ុន្តែ​រូបគេ​បាន​បាត់បង់​ឱកាស​ក្លាយជា​ជម្រើស​ដំបូង​របស់លោក​គ្រូបង្វឹក Gary Monk នៅ​រដូវ​កាល​ថ្មី​នេះ បន្ទាប់ពី​ខ្សែបម្រើ​ស្លាប Andre Ayew ផ្លាស់​មក​ចូលរួម​ជាមួយនឹង​ក្លិប​មួយ​នេះ ។​
​    ​សូមបញ្ជាក់ថា កីឡាករ Nathan Dyer គឺជា​សមាជិក​ទី​៧​ហើយ​ដែល​គ្រូបង្វឹក Leicester City លោក Claudio Ranieri នាំចូល​មកកាន់​ក្លិប​នៅ​រដូវ​កាល​នេះ​។
 
ព័ត៌មានលម្អិត
ចុះនៅថ្ងៃទី 02-09-2015, 01:53 PM, អាន 29ដង
ដោយ​៖​ធារ៉ា​
​ខេត្តស្វាយរៀង
​៖​ប្រជាពលរដ្ឋ​ក៏ដូចជា​អ្នកដំណើរ​បានចាត់ទុក​បង្គោល​ដែក​តាម​ផ្លូវជាតិ​លេខ​១៣៨​ជា​បង្គោល​ដែក​ម​ច្ជុ​រាជ ខណៈដែល​ប្រជាពលរដ្ឋ​ក៏ដូចជា​អ្នកធ្វើដំណើរ​បាន​រងរ​បួស និង​ស្លាប់​ប្រមាណ​ជាង​២០​នាក់​ដោយសារ​បង្គោល​នេះ​ក្នុង​រយៈពេល​តែ​២​ឆ្នាំ​ប៉ុណ្ណោះ​។​
​បើតាម​ប្រជាពលរដ្ឋ​រស់នៅ​តាម​ដង​ផ្លូវជាតិ​លេខ​៣១៦​ស្ថិតនៅក្នុង ភូមិ គោក​ល្វៀង សង្កាត់ ព្រៃ​អ​ង្គុ​ញ  ក្រុង​បាវិត ខេត្តស្វាយរៀង​បានអោយដឹងថា កាលពី​ឆ្នាំ​២០១៣ ខាង​មន្ទីរ​សាធារណការ​ដឹកជញ្ជូន​ខេត្ត​បានធ្វើ​បា​រ៉ា​ស់កាត់​ទទឹងផ្លូវ​ដើម្បី​ការពារ​រថយន្ត​ដឹកទំនិញ​ធ្ងន់ៗ​។ ប៉ុន្តែ​កន្លងមក​ត្រូវបាន​អ្នកធ្វើដំណើរ​តែងតែ​ជិះ​ម៉ូតូ​បុក​បង្គោល​ដែក​ជា​ញឹកញាប់​ហើយ​បណ្តាលអោយមាន​អ្នករងរបួស​ធ្ងន់​និង​ស្លាប់​ជាច្រើន​នាក់​៕
ព័ត៌មានលម្អិត
ចុះនៅថ្ងៃទី 02-09-2015, 01:43 PM, អាន 55ដង
​រាជធានី​ភ្នំពេញ​៖​សម្តេច​អគ្គមហាសេនាបតី​តេ​ជោ​ហ៊ុនសែន​បាន​បញ្ជា​ឲ្យ​សមាគម​អតីត យុទ្ធជន​ទូទាត់​សងបំណុល​ចំនួន​៦​ពាន់​លាន​រៀល​ជិត​១,៥​លាន​ដុល្លារ​ជូន ដល់​គ្រួសារ​សព​អតីតយុទ្ធជន​ចំនួន​១៥២៣​នាក់ ធ្វើយ៉ាងណា​ឲ្យ​បាន​មុន​បុណ្យ​ភ្ជុំបិណ្ឌ​។
​     ការចេញ​បញ្ជា​បែបនេះ​របស់​សម្តេច​តេ​ជោ​នាយករដ្ឋមន្ត្រី បានធ្វើ​ឡើង​នៅ​ព្រឹក​ថ្ងៃទី​០២ កញ្ញា ២០១៥ ក្នុងឱកាស​សម្តេច​អញ្ជើញ​បើក​សន្និបាត​តំណាង​សមាគម​អតីតយុទ្ធជន​ទូទាំងប្រទេស​នៅ​វិទ្យាស្ថាន​ជាតិ​អប់រំ​៕
 
ព័ត៌មានលម្អិត
« មុន 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 ក្រោយ »
ស្វែងរកតាមរយ:ប្រតិទិន
ចំនួនអ្នកទស្សនា
ថ្ងៃនេះ : 58153 នាក់
ថ្ងៃម្សិល : 96206 នាក់
សរុប : 25293150 នាក់
Flag Counter
Copyright© 2013 by Phnom Penh Daily All right reserved. Email:phnompenhdailynews@gmail.com
Add:#107, St.Railay, Group 57, Sangkat Beong Kok II, Khan Toul Kork Phnom penh Kingdom of Cambodia Tel: 017 700 688