1 2 3 4
ព័ត៌មានរាយការណ៍:
ថ្ងៃ សៅរ៍ ទី 23 ខែ ឩសភា ឆ្នាំ 2015
ប្រធានាធិបតី​សូ​ម៉ាលី​អបអរសាទរ ចំពោះ​ការចូលរួម​វិភាគទាន​របស់​ចិន ក្នុង​ការកសាង​ឡើងវិញ​ប្រទេស​របស់លោក
ចុះនៅថ្ងៃទី 17-09-2013, 06:48 AM
ប្រធានាធិបតី​សូ​ម៉ាលី លោក ហាសាន់​សេក​ម៉ូ​ហា​មូ​ដ បាន​ថ្លែង​គូសបញ្ជាក់​កាលពី​ថ្ងៃ​ពុធ កន្លងមកនេះ​ថា ប្រទេស របស់ លោក​បាន​ដឹងគុណ​យ៉ាងខ្លាំង ចំពោះ​ប្រទេស​ចិន ដែល​ទាក់ទិន​នឹង ការចរចា​គ្នា ដែល​កំពុងតែ​ប្រព្រឹត្តទៅ ដើម្បី កសាង ឡើងវិញ​ប្រទេស​សូ​ម៉ាលី ដែល​វិស័យសេដ្ឋកិច្ច ត្រូវបាន​ខ្ទេចខ្ទាំ​យ៉ាងខ្លាំង ដោយសារតែ​សង្គ្រាមស៊ីវិល​អស់ រយៈពេល ២ទសវត្សរ៍ ដែល​បានបញ្ចប់ ទៅ កាលពី​ឆ្នាំ២០១២ នោះ។

នៅក្រៅ​កិច្ចប្រជុំ​កំពូល​ទី៣ ស្តីពី​ការប្រយុទ្ធ​ប្រឆាំងនឹង​អំពើ​ប្លន់​តាម​សមុទ្រ របស់​ពួក​អារ៉ាប់ រួម​អេ​មី​រ៉ា​ត រយៈពេល២ថ្ងៃ (EAU) នោះ ដែល​បានចាប់ផ្តើម​ឡើង កាលពី​ថ្ងៃ​កន្លងមកនេះ ប្រ​ធានា- ធិបតី​សូ​ម៉ាលី​បាន​អះអាង​បញ្ជាក់ថាៈ «ប្រ ទេស ចិន គឺជា​មិត្ត​ចាស់​របស់​ប្រជាជន​សូ​ម៉ាលី ចាប់​តាំង ពី​ការទទួលបាន​ឯករាជ្យ​របស់​យើង កាលពីដើម​ទសវត្សរ៍ ១៩៦០ មក»។

លោក ម៉ូ​ហា​មូ​ដ ដែល​បាន​ចូលកាន់​មុខតំណែង កាលពី​ថ្ងៃទី១៦ កញ្ញា ២០១២ មក​នោះ បាន​បន្ថែមទៀតថាៈ កិច្ចចរចា គ្នា​រវាង​សូ​ម៉ាលី និង​ចិន សម្រាប់​ការកសាង​ឡើងវិញ ត្រូវបាន​ពង្រឹង កាលពី​ឆ្នាំកន្លងមក។

លោក​ប្រធានាធិបតី​សូ​ម៉ាលី បាន​គូសបញ្ជាក់ថាៈ «មាន​កិច្ចចរចា​គ្នា និង​ការជជែក​គ្នា​ជា ច្រើន កំពុងតែ​ពង្រឹង​ទៅ រវាង ប្រទេស​ទាំងពីរ ហើយ​យើង​សង្ឃឹមថា ប្រទេស​ចិន​នឹង​កសាងឡើង វិញ​ប្រទេស​របស់​យើង ជាមួយនឹង​គម្រោងធំៗ ផ្នែក ហេដ្ឋារចនាសម្ព័ន្ធ​សេដ្ឋកិច្ច ដូចដែល​ប្រទេស ចិន​បានធ្វើ​នៅតាម​តំបន់​ជាច្រើន​នៃ​ទ្វីបអាហ្វ្រិក​ដែរ»។

ប្រធានាធិបតី​សូ​ម៉ាលី ក៏បាន​កត់សម្គាល់​ផងដែរ​ថាៈ ប្រទេស​ចិន​បាន​ចូលរួម​វិភាគទាន ដល់​ការប្រយុទ្ធ​ប្រឆាំងនឹង​អំ ពើ​ប្លន់​នៅតាម​សមុទ្រ ដោយមាន​បេសកកម្ម​ប្រឆាំងនឹង​ចោរប្លន់​តាម សមុទ្រ​អន្តរជាតិ​ក្នុង​ឈូង​សមុទ្រ​អា​ដែន ដោយ លោក​បាន​បន្ថែមទៀតថាៈ តម្លៃ​ទឹកប្រាក់​ដែល​បាន មក​ដោយ​អំពើ​ប្លន់​តាម​សមុទ្រ នៅ​ទូទាំង​មហាសមុទ្រ​ឥណ្ឌា មាន ចំនួន ១៨ពាន់​លាន​ដុល្លារ​អា​មេ-រិ​ក ក្នុង១ឆ្នាំ។

លោក​ប្រធានាធិបតី​សូ​ម៉ាលី បាន​សន្និដ្ឋានថាៈ «គ្រាន់តែ​ចំណែក​មួយ​នៃ​ទឹកប្រាក់​នេះ ប្រចាំឆ្នាំ អាចជួយ​ឱ្យ​ប្រទេស សូ​ម៉ាលី កសាង​សេដ្ឋកិច្ច​របស់ខ្លួន​ឡើងវិញ​បាន ដូច្នេះ​យើង​ស្នើ​សុំឱ្យ សហគមន៍​អន្តរជាតិ​ជួយ​យើង​ក្នុង​ការកសាង ឡើងវិញ​ប្រទេស​របស់​យើង និង​ជួយ​ប្រយុទ្ធប្រឆាំង នឹង​ជួយ​ប្រយុទ្ធ​ប្រឆាំងនឹង​ពួកចោរ​ប្លន់​តាម​សមុទ្រ៕
ចុះនៅថ្ងៃទី 22-05-2015, 02:32 PM, អាន 30ដង
ខេត្តបន្ទាយមានជ័យ៖​ប្រជាពលរដ្ឋ​ចំនួន​៤៩​នាក់​ក្នុងនោះ​ស្រី​២២​នាក់​បាននាំគ្នា ប្រមូលផ្ដុំ​តវ៉ា​នៅ មុខ​សាលា​ខេត្ដ​បន្ទាយមានជ័យ​ដើម្បី​សុំឱ្យ​អាជ្ញាធរ​ខេត្ដ​ជួយ​ដោះស្រាយ និង​សុំ​ឲ្យ​ក្រុមហ៊ុន​ញាំ​សា​វួ​ន​បញ្ឈប់​ការកាយ​ដី​យក​លក់​ធ្វើឱ្យប៉ះពាល់ ផ្លូវ​និង​ដី ចំការ​របស់​ពួកគាត់ ។ ការតវ៉ា​នេះ​បានធ្វើ​ឡើង​កាលពី​វេលា ម៉ោង​៧​និង​៣០​នាទី​ព្រឹក​ថ្ងៃទី​២២ ខែឧសភា ឆ្នាំ​២០១៥ ដែល​ប្រជាពលរដ្ឋ​ទាំង​នោះមក ពី​ភូមិ​ពង្រ សង្កាត់​កំពង់ស្វាយ ក្រុង​សិរិ​សោភ័ណ ។
​    ​តាម ប្រភពព័ត៌មាន​ពី​ប្រជា​ពល រដ្ឋ​បានឱ្យដឹងថា ក្រុមហ៊ុន​ខាងលើ បាន​ឈូស ឆាយដី​ធ្វើឱ្យប៉ះពាល់​ដល់​ដីចំការ​និង​ដី​ផ្លូវ​ធ្វើ ដំណើរ​របស់​ពួកគាត់ ដោយ​មិនមាន​ការទទួល ខុសត្រូវ​និង​ចេញមុខ​ដោះស្រាយ​នោះឡើយ ទើប​ពួកគាត់​បាននាំគ្នា​មក តវ៉ា​នៅមុខ​សាលា​ខេត្ដ​សុំឱ្យ​ថ្នាក់ដឹកនាំ​ខេត្ដ​ពិសេស​លោក​ឧ​ប​រដ្ឋមន្ត្រី កែ គឹមយ៉ាន ប្រធាន​ក្រុមការងារ​ចុះជួយ​ខេត្តបន្ទាយមានជ័យ​។
​    ​យោងតាម​ពី​សំដី​មន្ត្រី​សាលា​ខេត្ដ​បានឱ្យដឹងថា នៅវេលា​ម៉ោង​៨ និង​១៥ នាទី​ព្រឹក​ថ្ងៃ​ដដែល​នេះ តំណាង​ប្រជាពលរដ្ឋ ចំនួន​៥​នាក់ ត្រូវបាន​អនុញ្ញាត​ឱ្យចូល​ជួប​ជា មួយ​អភិបាលរង​ខេត្ដ លោក​ចុង ផែត​ដើម្បី ស្វែងរក​ដំណោះស្រាយ ។
​    ​មន្ដ្រី សាលា​ខេត្ដ​បន្ទាយមានជ័យ បាន បញ្ជាក់ទៀតថា ដំណោះស្រាយ​ចំពោះមុខ ដែល​អាជ្ញាធរ​ខេត្ដ ជួយ​អន្ដរាគមន៍​នោះ រួម មាន​ទី​១ ក្រុមហ៊ុន​កាយ​ដី ត្រូវ​ផ្អាក​សកម្ម ភាព​របស់ខ្លួន​ជាបន្ទាន់ ទី​២ ក្រុមហ៊ុន​ត្រូវធ្វើ ផ្លូវ​ឱ្យ​ប្រជាពលរដ្ឋ​វិញ ទី​៣ បើ​ក្រុមហ៊ុន ធ្វើឱ្យប៉ះពាល់​ដល់​ប្រជាពលរដ្ឋ​នោះ គឺ​ប្រជា ពលរដ្ឋ ត្រូវធ្វើ​ពាក្យបណ្ដឹង​ជា​បុគ្គល​មក អាជ្ញាធរ​ខេត្ដ និង​ទី​៤ ក្រោយ​ចប់​ពិភាក្សា រួចមក អាជ្ញាធរ​ខេត្ដ បាន​ចាត់​ឱ្យ​ក្រុម​ការ ងារ​ចុះ​ទៅដល់​ទីនោះ រីឯ​ប្រជាពលរដ្ឋ ក៏មាន ការរំសាយ​ផងដែរ នៅវេលា​ម៉ោង​៨​និង​២៥ នាទី​ព្រឹក​ថ្ងៃ​ដដែល​នេះ ។
​    ​ចំពោះ ការតវ៉ា​របស់​ប្រជាពលរដ្ឋ​ខាងលើ នេះ គេ​សង្កេតឃើញ​កម្លាំង​សមត្ថកិច្ច​ជា ច្រើន នាក់​ទាំង នគរបាល​និង​អាវុធហត្ថ​បាន ដាក់ពង្រាយ​ការពារ​សន្ដិសុខ​នៅមុខ​សាលា ខេត្ដ ដើម្បី​ទប់ស្កាត់ ក្រែង​មាន​អំពើហិង្សា ណាមួយ​កើតមានឡើង​ផងដែរ ៕

ព័ត៌មានលម្អិត
ចុះនៅថ្ងៃទី 22-05-2015, 02:14 PM, អាន 48ដង
​ខេត្តរតនគិរី​៖​លោក​ឧកញ៉ា​ទ្រី​ភាព​បាន​ប្តឹង​ចោទប្រកាន់​កុមារា​២​នាក់ ដែលជា​ជនសង្ស័យ​ទាក់ទង​ករណី​ចូល​លួច​លុយ​ចំនួន​១២.០០០​ដុល្លារ​អាមេរិក ក្នុងភូមិ​គ្រឹះ​របស់លោក​ឧកញ៉ា​នា​ខេត្តរតនគិរី កាលពី​រាត្រី​ថ្ងៃទី​២០ ខែមេសា ឆ្នាំ​២០១៥ កន្លងទៅ ។
​    ​យោងតាម ការផ្តល់​ពត៌មាន​ពី​មន្ត្រីនគរបាល បាន​ឲ្យ​ដឹងថា កុមារា​ចំនួន​២​នាក់​ដែល​ត្រូវ​លោក​ឧកញ៉ា ទ្រី ភាព ប្តឹង​ចោទប្រកាន់​ពីបទ​លួច​លុយ​លោក​ឧកញ៉ា​ចំនួន​១២.០០០​ដុល្លារ​អាមេរិក​នោះ គឺ​ទី​១/ ឈ្មោះ ដែន បូរ​ម្យ អាយុ​១៤​ឆ្នាំ និង​ទី​២/ ឈ្មោះ ខុម ដាលីន អាយុ​១៥​ឆ្នាំ រស់នៅ​ក្នុងភូមិ​ជ័យជំនះ សង្កាត់​ឡា​បាន​សៀក ក្រុង​បាន​លុង ខេត្តរតនគិរី ។
​    ​តាម​ស្ត្រី​ដែល​ប្រចាំការ​ក្នុងភូមិ​គ្រឹះ និង​ត្រូវជា​បងថ្លៃ​លោក​ឧកញ៉ា ទ្រី ភាព បាន​រៀបរាប់​ប្រាប់​សមត្ថកិច្ច​ឲ្យ​ដឹងថា កាលពី​រាត្រី​ថ្ងៃទី​២០ ខែមេសា ឆ្នាំ​២០១៥ រូបគាត់​បាន​ទៅ​ហូប​ការ​គេ​នៅ​រាជធានី​ភ្នំពេញ លុះ​ពេល​ត្រឡប់មក​ភូមិគ្រឹះ​វិញ បែរជា​ឃើញ​ទ្វារ​ផ្នែក​ខាងក្រោយ​ផ្ទះ​ត្រូវបាន​ចោរ​គាស់​ខ្ទេច​អស់ រួមទាំង​ទ្វារ​បន្ទប់ដេក​ផង ដោយបាន​បាត់​បង់លុយ​សុទ្ធ​ចំនួន​១២.០០០​ដុល្លារ​អាមេរិក​ផងដែរ ។
​    ​ប្រភពព័ត៌មាន​ពី​សាលាដំបូង​ខេត្តរតនគិរី បាន​ឲ្យ​ដឹងថា នៅ​ថ្ងៃទី​២១ ខែឧសភា ឆ្នាំ​២០១៥​នេះ កុមារា​ទាំង​២​នាក់​ត្រូវបាន​សមត្ថកិច្ច​នគរ​បាល​ក្រុង​បាន​លុង​ចាប់បញ្ជូន ខ្លួន​មកកាន់​តុលាការ តាម​ដីកា​បង្គាប់​របស់​ចៅក្រម​ស៊ើបសួរ​សាលាដំបូង​ខេត្តរតនគិរី ក្រោម​ទម្ងន់​បណ្តឹង​ចុះ​ថ្ងៃទី​២៩ ខែមេសា ឆ្នាំ​២០១៥ របស់លោក​ឧកញ៉ា ទ្រី ភាព ជា​ឈ្មួញ​ឈើ​ដ៏​ល្បីឈ្មោះ ក្នុងនាម​ជាដើម​បណ្តឹងរដ្ឋប្បវេណី ។
​    ​យ៉ាងណាក៏ដោយ​លោក​ឧកញ៉ា ទ្រី ភាព មិនអាច​ទំនាក់ទំនង​សុំ​ការបំភ្លឺ​បាន​នោះទេ ខណៈដែល​មន្ត្រី​តុលាការ​ក៏​មិន​ទាក់ទង​បាន​នូវ​ចំណាត់ការ​ណាមួយ​លើ​ជនសង្ស័យ ជា​កុមា​រទាំង​២​នាក់​នោះដែរ ព្រោះថា​សំណុំរឿង​ខាងលើ​មិនទាន់មាន​ភស្តុតាង​ដើម្បី​ចោទប្រកាន់​នៅឡើយ​ទេ ៕

ព័ត៌មានលម្អិត
ចុះនៅថ្ងៃទី 22-05-2015, 02:07 PM, អាន 23ដង
​សុខភាព​៖​ខណៈពេលដែល​អ្នកមាន​ផ្ទៃពោះ​, សូម​ប្រាកដថា អ្នក​បាន​យកចិត្តទុកដាក់​លើ​ធ្មេញ និង​អញ្ចាញធ្មេញ​របស់​អ្នក​។ សមាគម​សុខភាព​មាត់​ធ្មេញ​អាមេរិក​បាន​ប្រាប់ ពី​ការថែទាំ​មាត់​ធ្មេញ​មួយចំនួន​ចំពោះ​ស្ត្រី​មាន​ផ្ទៃពោះ​៖
•​    ​ដុសធ្មេញ​មួយថ្ងៃ​ពីរដង​ជាមួយនឹង​ថ្នាំដុសធ្មេញ​ដែលមាន​ជាតិ​ហ្វ្ល​អរ​រ៉ា​យ​។ ខ្ពុរមាត់​ជា​រៀងរាល់ថ្ងៃ​ផងដែរ​
•​    ​សូម​អាហារសម្រន់​ក្នុង​កម្រិត​មធ្យម ហើយ​សូម​ប្រាកដថា បាន​ញ៉ាំ​អាហារ​ដែលមាន​ស្ថេរភាព​
•​    ​ជួបនឹង​ទន្ត​បណ្ឌិត​ជា​ទៀងទាត់​ចំពោះ​ការថែទាំ និង​សម្អាត​
•​    ​និយាយ​ទៅកាន់​ទន្ត​បណ្ឌិត​របស់​អ្នក​អំពី​ការលាង​សម្អាត​មាត់ ធ្មេញ​នៅពេល​យប់​ប្រសិនបើ​អ្នកមាន​បញ្ហា​ក្នុងការ​គ្រប់គ្រង​ការជាប់ កម្ទេចកម្ទីរ​នៅក្នុង​មាត់​៕

ព័ត៌មានលម្អិត
ចុះនៅថ្ងៃទី 22-05-2015, 01:57 PM, អាន 28ដង
​រុស្ស៊ី​៖​រដ្ឋមន្ត្រីការបរទេស​របស់ ប្រទេស​រុស្ស៊ី​លោក​Sergei Lavrov​បាន​និយាយថា​ប្រទេស​រុស្ស៊ី​បាន​សម្តែង​ការត្រៀមខ្លួន​រួចរាល់​ហើយ ក្នុងការ​ផ្គត់ផ្គង់​អាវុធ​ទៅ​ឲ្យ​ប្រទេស​អ៊ីរ៉ាក់​ដើម្បី​ជួយ​ប្រយុទ្ធ ប្រឆាំងនឹង​ពួក​សកម្មប្រយុទ្ធ​រដ្ឋ​អ៊ីស្លាម ។ ការធ្វើ​បែបនេះ​គឺជា​ភស្តុតាង​នៃ​ការពង្រីក​កិច្ចសហប្រតិបត្តិការ​យោធា​នៃ ទីក្រុង​ម៉ូស្គូ​និង​ទីក្រុង​បា​ដា​ដ ។
​លោក Lavrov បាន​ប្រាប់​អ្នកយកព័ត៌មាន​ថា យើង​នឹងធ្វើ​កិច្ចខិតខំ​ប្រឹងប្រែង​ទាំងអស់​ដើម្បី​បំពេញ​តាម​ការស្នើសុំ ដែល​អាចធ្វើ​ទៅបាន​រប​ស់​ប្រទេស​អ៊ីរ៉ាក់​ដើម្បី​ធានា​ឲ្យ​វា​នូវ​សមត្ថភាព ការពារ​និង​សមត្ថភាព​ដើម្បី​កម្ចាត់​ក្រុម​រដ្ឋ​អ៊ីស្លាម​[​អតីត ISIS,​ឬ​ក្រុម ISIL និង​ក្រុម​ភេរវ​ករ​ផ្សេងទៀត​ចេញពី​ទឹកដី​របស់ខ្លួន ៕

ព័ត៌មានលម្អិត
ចុះនៅថ្ងៃទី 22-05-2015, 01:50 PM, អាន 30ដង
​សុខភាព​៖​អា​ការៈឈឺ​បំពង់ក គឺជា​ជំងឺ​មួយ ដែល​កើតមាន​ជា​ញឹកញាប់​បំផុត លើ​មនុស្ស​យើង ប៉ុន្តែ វា​ក៏​អាច​ដោះស្រាយ បាន​ដោយ​ងាយ ដោយ​វិធី​ស្រួលៗ និង​មិនបាច់​ប្រើ​ថ្នាំ​ទេ​។
​ខ្ពុរ​ទឹកអំបិល​
​រក្សា​សំណើម ង​បំពង់ក​
​ចូរ​ទទួលទាន​ទឹក​ក្តៅ​ឧណ្ហៗ ទឹក​ធម្មតា និង​ទឹក​ផ្លែឈើ ឱ្យបាន​គ្រប់គ្រាន់​។ ចូរ​ចៀសវាង​ការផឹក​ភេសជ្ជៈ ឬ​អាហារ​មាន​ជាតិ​កាហ្វេ​អ៊ី​ន​។
​ញ៉ាំ​អាហារ ដែល​ផ្តល់​សុខភាព ឱ្យបាន​គ្រប់គ្រាន់ ដើម្បី​បង្កើន​មុខងារ​ប្រព័ន្ធ​ភាពស៊ាំ​
​សម្រាក ឱ្យបាន​ច្រើន​
​បំពង់ក នឹង​ឆាប់​ជា បើសិនជា​អ្នក គេង​បាន​កាន់តែច្រើន​។​
​ផឹកទឹក​ឃ្មុំ លាយ​ទឹក​ក្រូចឆ្មារ​
​ចូរ​លាយ​ទឹកឃ្មុំ មួយ​ស្លាបព្រា​កាហ្វេ ក្នុង​ទឹក​ក្តៅ ហើយ​ច្របាច់​ក្រូចឆ្មារ មួយ​ចំហៀង​ចូល​ដែរ​ទៅ​។ ល្បាយ​មួយ​នេះ នឹង​ជួយ​សម្រួល ដល់​បំពង់ក និង​ឆាប់​ជា​ផងដែរ​។
​ធ្វើឱ្យ​កក់ក្តៅ​
​ការដែល​ត្រជាក់​ពេក កាន់តែ​ធ្វើឱ្យ​បំពង់ក ឈឺ​កាន់តែខ្លាំង​ប៉ុណ្ណោះ​។
​ផឹកទឹក​ឃ្មុំ មួយ​ស្លាបព្រា​កាហ្វេ មុនពេល​ចូល​គេង ឬ​ពេល​យល់ថា ស្ងួត​បំពង់ក​
​ការធ្វើ​បែបនេះ នឹង​ជួយ​សម្រួល ដល់​បំពង់ក​បានដែរ​៕

ព័ត៌មានលម្អិត
ចុះនៅថ្ងៃទី 22-05-2015, 01:38 PM, អាន 43ដង
ថៃ​៖​អតីត​នាយករ​ដុ្ឋ​មន្ដ្រី​ថៃ​លោកស្រី​យី​ង​ឡាក់​ស៊ីណា​វ៉ា​ត់​ត្រា​ប្រគល់​ប្រាក់​៣០​លាន​បាត​ដើម្បី​ធានា​សុំ​នៅក្រៅ​ឃុំ តែ​តុលាការ​កំពូល​ហាម​មិន​ឲ្យ​លោកស្រី​ចាក​ចេញពី​ប្រទេស ហើយ​បង្គាប់​ឲ្យ​មក​បំភ្លឺ​ដោយផ្ទាល់​នៅ​គ្រប់ការ​កោះហៅ​របស់​តុលាការ​។​
​លោកស្រី​អះអាងថា​នឹង​ចូលខ្លួន​ក្នុង​សវនាការ គឺ​នៅ​គ្រប់​កាលៈទេសៈ​ទាំងអស់​ឲ្យ​តែ​តុលា​ការកោះហៅ លោកស្រី​។ ប៉ុន្តែ​នៅ​ថ្ងៃ​ម្សិលមិញ លោកស្រី​បាន​ថ្លែងថា​មិន​ចង់​មកកាន់​បន្ទប់​សវនាកា​រ​ដោយផ្ទាល់​នោះទេ គឺ​លោកស្រី​ចង់​ឲ្យ​មេធាវី​មក​ជំនួស​។ ប៉ុន្ដែ​ត្រូវ​ចៅក្រម​បដិសេធ​តម្រូវ​ឲ្យ​លោកស្រី​ចូលខ្លួន​ដោយផ្ទាល់​។ ក្រុម​ចៅក្រម​និយាយថា​ករណី​របស់​លោកស្រី គឺជា​សំណុំរឿង​ព្រហ្មទណ្ឌ​។​
​គួរ​បញ្ជាក់ថា ក្នុង​សំណុំរឿង​ពុករលួយ​គម្រោង​ទិញស្រូវ​របស់រ​ដុ្ឋ​ដែល​ខាតបង់​ប្រាក់​ជិត​២០​ពាន់ លាន​ដុល្លារ​អាមេរិក​នោះ លោកស្រី​យី​ង​ឡាក់​ដែលជា​ចុងចោទ​នឹងត្រូវ​ដាក់​ឲ្យ​ជាប់ពន្ធ​នា គារ​១០​ឆ្នាំ​នៅក្រោម​ច្បាប់ព្រហ្មទណ្ឌ​ប្រទេស​ថៃ ប្រសិនបើ​រកឃើញ​កំហុស​ដូច​ការចោទប្រកាន់​រប​ស់​គណៈកម្មការ​ប្រឆាំង​អំពើពុករលួយ​៕

ព័ត៌មានលម្អិត
ចុះនៅថ្ងៃទី 22-05-2015, 12:57 PM, អាន 25ដង
កីឡា​៖​អ្នកដឹកនាំ​ក្រុម Napoli លោក Rafael Benitez បានបង្ហាញ​ពី​អារម្មណ៍​ថា “​ពិតជា​សប្បាយចិត្ត​ប្រសិនបើ​ក្រុម Real Madrid ទទួលយក​លោក​ទៅ​ដឹកនាំ​នៅ​រដូវក្តៅ​នេះ​” ។ បើ​យោងតាម​ភ្នាក់ងារ​របស់លោក Manuel Garcia Quilon ។​
​បុរស​វ័យ​៥៥ ឆ្នាំ​រូបនេះ​បច្ចុប្បន្ន​នៅជាប់​កិច្ច​ច​សន្យា​ជាមួយ ក្លិប Napoli ប៉ុន្តែ​នៅ​ចុងបញ្ចប់​នៃ​រដូវ​កាល​នេះ នឹង​ទៅ​ជំនួស​តំណែង​លោក Carlo Ancelotti នៅឯ​កីឡដ្ឋាន Bernabeu ។​
​គួរ​បញ្ជាក់ថា លោក Benitez បាន​ដឹកនាំ​ក្លិប Valencia ឈ្នះ​ជើងឯក La Liga នៅក្នុង ២០១១-២០១២ និង ២០០៣-២០០៤ ខណៈនោះ​ដែល​ក៏មាន​ឈ្មោះ​បោះ​សំឡេង​លើ​ឆាក​បាល់ទាត់​នៅ​អឺរ៉ុប​ផងដែរ​៕
ព័ត៌មានលម្អិត
ចុះនៅថ្ងៃទី 22-05-2015, 12:22 PM, អាន 27ដង
​កីឡា​៖​យោងតាម​សេចក្តីរាយការណ៍​បាន​ឲ្យ​ដឹងថា ក្លិប​ជើងឯក​របស់​អេ​ស្ប៉ា​ញ Barcelona គ្រោង​ចំណាយ​ទឹកប្រាក់​ចំនួន​៥០​លាន​ផោន ដើម្បី​នាំយក​កីឡាករ​ខ្សែបម្រើ​របស់​ក្លិប Arsenal គឺ Aaron Ramsey ។​
​តាម​របាយការណ៍​ខាងលើ​បាន​បង្ហាញថា​ក្រុម​ក្លិប Barcelona បាន​សំ​ម្លឹ​ង​ឃើញ​កីឡាករ​វ័យ​២៤​ឆ្នាំ​រូបនេះ​បាន​១០​ដង​ក្នុង​រដូវ​កាល​នេះ ប៉ុន្តែ​វា​នៅតែ​មិន​ច្បាស់​ថា​តើ FIFA នឹង​អនុញ្ញាតឱ្យ​ក្លិប​មួយ​នេះ​ចូលទៅក្នុង​ទីផ្សារ​ដោះដូរ​កីឡាករ​នៅ​រដូវក្តៅ​នេះ​។​
​បច្ចុប្បន្ននេះ​ក្រុម Barcelona កំពុងស្ថិត​នៅក្រោម​ការ​ហ៊ុមព័ទ្ធ​ពី​ផ្ទេរ​ដោះដូរ​កីឡាករ​ក្នុង​ឆ្នាំ ២០១៥​នេះ ប៉ុន្តែ​ពួកគេ​នៅតែ​ត្រូវ​មានឈ្មោះ​ខ្ពស់​នៅក្នុង​ប៉ុន្មាន​ខែ​ចុងក្រោយ​នេះ​។​
​គួរ​បញ្ជាក់ថា Ramsey នៅសល់​រយៈពេល​បួន​ឆ្នាំ​នាពេល​បច្ចុប្បន្ននេះ​នៅលើ​កិច្ចព្រមព្រៀង​មួយ​ជាមួយនឹង​ក្រុម Arsenal ៕
ព័ត៌មានលម្អិត
ចុះនៅថ្ងៃទី 22-05-2015, 11:43 AM, អាន 23ដង
កីឡា​៖​បន្ទាប់ពី​ផុត​កុងត្រា​ជាមួយ​ក្លិប Real Madrid នៅ​ថ្ងៃទី​៣០ ខែមិថុនា​ខាងមុខនេះ កីឡាករ​ខ្សែបម្រើ Sami Khedira អាច​នឹង​ផ្លាស់​ទៅលេង​ជាមួយ​ក្រុម​សេះបង្កង់ Juventus របស់​អ៊ីតាលី ។ នេះ​បើ​យោងតាម​កាសែត Marca របស់​អេ​ស្ប៉ា​ញ ។​
​ខ្សែបម្រើ​វ័យ​២៨​ឆ្នាំ​រូបនេះ មិន​ត្រឹមតែ​ក្លិប​សេះបង្កង់​ចង់បាន​ន៉​ទេ សូម្បីតែ Bayern Munich និង​ក្លិប​ធំៗ​នៅ​អង់គ្លេស​ក៏​ធ្លាប់​តាម​ប្រ​ម៉ាញ់​ផងដែរ ប៉ុន្តែ​Real Madrid មិន​ព្រម​លក់​ឱ្យ​។ ស្របពេល​ចប់​រដូវ​កាល​នេះ​វិញ អតីត​កីឡាករ​ក្រុម VfB Stuttgart រូបនេះ​នឹង​អស់​កុងត្រា​ជាមួយ​អធិរាជ​ស​ហើយ នេះ​មានន័យថា​អាច​ទៅលេង​ក្លិប​ណា​ក៏បាន​ដែរ​តាមតែ​ចិត្ត​ចង់​។​
​ជាមួយគ្នា​នោះ​តាម​ប្រភព​ខាងលើ​ថា ក្រុម Juventus កំពុងតែ​ចរចា​លក្ខខណ្ឌ​ផ្ទាល់ខ្លួន​ជាមួយ​កីឡាករ Khedira  ខណៈដែល​ខាង​សាមីខ្លួន​វិញ​ក៏​ទំនងជា​មានចិត្ត​ចង់ទៅ​លេង​នៅ​អ៊ីតាលី​ផងដែរ ដោយ​សំអាងថា​ចង់​ពង្រឹងសមត្ថភាព​នៅ​លី​ក​ដែល​មានការ​ប្រជែង​ខ្លាំង​។​
​គួរ​បញ្ជាក់ថា Khedira ជា​កីឡាករ​ដែលជា​ប់​ជា​ជម្រើសជាតិ​អាល្លឺម៉ង់​តាំងពី U17 មកម្ល៉េះ ហើយ​បាន​ចូល​លេង​ជាមួយ​ក្រុម Real Madrid នៅ​ឆ្នាំ​២០១០ និង​ជួយ​ក្លិប​នេះ​ឈ្នះ​ពាន UEFA Champions League ១​ដង , UEFA Super Cup ១​ដង , FIFA Club World Cup ១​ដង , La Liga ១​ដង , Copa del Rey ១​ដង និង Supercopa de Espana ១​ដង​៕

ព័ត៌មានលម្អិត
ចុះនៅថ្ងៃទី 22-05-2015, 11:09 AM, អាន 19ដង
រាជធានី​ភ្នំពេញ​៖​កាលពី​ថ្ងៃទី​២១ ខែឧសភា ឆ្នាំ​២០១៥ មាន​ករណី​គ្រោះថ្នាក់​ចរាចរណ៍ នៅ​ទូទាំងប្រទេស​កើតឡើង​ចំនួន​៩​លើក ក្នុងនោះ​យប់​៣​លើក​, បណ្ដាលអោយ​មនុស្ស​ស្លាប់​៤​នាក់​(​ស្រី​ម្នាក់​) របួសធ្ងន់ ១២​នាក់​(​ស្រី​២​នាក់​),​និង​របួសស្រាល​១០(​ស្រី​៣​នាក់​)​។​នេះ​បើ​យោងតាម​របាយការណ៍ នាយកដ្ឋាន​សណ្ដាប់ធ្នាប់ នៃ​អគ្គស្នងការដ្ឋាន​នគរ​បាល​ជាតិ​។​
​នៅក្នុង​ហេតុការណ៍​គ្រោះថ្នាក់​ចរាចរណ៍​ទាំង ៩​លើក​នេះ បាន​បង្ក​ឲ្យ​មានការ​ខូចខាត​យានយន្ត​សរុប​១៣ គ្រឿង ក្នុងនោះ​មាន​ម៉ូតូ​ចំនួន​៨​គ្រឿង​, រថយន្ត​ធុន​តូច​២​គ្រឿង​,​រថយន្ត​ធុន​ធំ​១​គ្រឿង​,​យាន​ផ្សេងៗ​២​គ្រឿង និង​ថ្មើរជើង​ម្នាក់​។​
​ប្រភពព័ត៌មាន​ខាងលើ​ប្រាប់​បន្តថា មូល​ហេតុដែល​បណ្ដាល​ឲ្យ​កើតមាន​ករណី​គ្រោះថ្នាក់​ចរាចរណ៍ រួមមាន ល្មើស​ល្បឿន​៣​លើក​,​បត់​គ្រោះថ្នាក់​១​លើក​, ស្រវឹង​២​លើក​,​មិន​ប្រកាន់​ស្តាំ​១​លើក​, មិនចេះ​បើកបរ​១​លើក​,​សត្វ​គោ​រត់​ឆ្លងផ្លូវ​១​លើក ។ ចំពោះ​អ្នកជិះ​ម៉ូតូ​គ្រោះថ្នាក់​ដោយ មិនបាន​ពាក់មួក​សុវត្ថិភាព​ចំនួន​១២​នាក់​(​យប់​ម្នាក់​) ក្នុងនោះ​យានយន្ត​ដែល​បង្កហេតុ​មាន​ម៉ូតូ​៤​លើក​,​រថយន្ត​តូច​២​លើក​, រថយន្ត​ធំ​១​លើក​,​កង់​១​លើក​និង​សត្វ​គោ​រត់​ឆ្លងផ្លូវ​១​លើក​។​
​ប្រភពព័ត៌មាន​ពី​នាយកដ្ឋាន​សណ្ដាប់ធ្នាប់ នៃ​អគ្គស្នងការដ្ឋាន​នគរ​បាល​ជាតិ​ប្រាប់​បន្តទៀត​ឲ្យ​ដឹងថា កាលពី​ថ្ងៃទី​២១ ខែឧសភា ឆ្នាំ​២០១៥ រថយន្ត​ទាំងអស់​ដែល​ផាកពិន័យ​សរុប​ចំនួន​៨៩៥​គ្រឿង​(​រថយន្ត​ធំ​៣៥៤​គ្រឿង​) ស្មើ​និង​៩២១​ករណី​,​ករណី​ល្មើស​ក្រដាស​ស្នាម​៤៣២​គ្រឿង ស្មើនឹង​៤៤៦​ករណី​, ចំពោះ​ករណី​ល្មើស​បច្ចេកទេស​៤៦៣​គ្រឿង​ស្មើនឹង​៤៧៥​ករណី​។ ដោយឡែក​ម៉ូតូ​ត្រូវបាន​ពិន័យ​សរុប​ចំនួន​១,៣២៧​គ្រឿង​៕

ព័ត៌មានលម្អិត
ចុះនៅថ្ងៃទី 22-05-2015, 10:36 AM, អាន 33ដង
​ខេត្តសៀមរាប​៖​ប្រជាពលរដ្ឋ​ជាង​១​ពាន់​នាក់​នៅ​ព្រឹក​ថ្ងៃទី​២២ ឧសភា​នេះ បាន​ប្រមូល​ផ្ដុំគ្នា​ដើម្បី ហែ​ញត្តិ​ទៅ​ដា​ក់នៅ​សាលាខេត្ត​ជំរុញ​ឲ្យ​មាន​ដំណោះស្រាយ​បញ្ហា ជម្លោះដីធ្លី​រ៉ាំរ៉ៃ​របស់​ពួកគេ​។​ប៉ុន្តែ​ការ​ដង្ហែ​ក្បួន​នោះ​ត្រូវ រារាំង​ដោយ​កម្លាំង​សមត្ថកិច្ច​ចម្រុះ​ខេត្ត​ដែល​បានដាក់​ពង្រាយ​ចាប់តាំងពី​បរិវេណ​អង្គរ​ឃ្យូ​ង​យូ​ទៅដល់​សាលាខេត្ត ។
​តាម​ព័ត៌មាន​ទទួលបាន​ប្រជាពលរដ្ឋ​បានចេញ​ដើរ​ជា​ក្បួន​ចេញពី​អង្គរ​ឃ្យុ​ង យូ សំដៅទៅ​សាលាខេត្ត​សៀមរាប ដែលមាន​ចម្ងាយ​ប្រហែល​២០០​ម៉ែត្រ​ពី​កន្លែង​ជួបជុំ​។
​    ​គួរ​បញ្ជាក់ថា អ្នកមាន​ជម្លោះដីធ្លី​ចំនួន​១៥​សហគមន៍ មកពី​ស្រុក​ចំនួន​៨ ក្នុងចំណោម​ស្រុក​ទាំង​១២ របស់​ខេត្ដ​សៀមរាប ទាមទារ​ឲ្យ​គណៈ​អភិបាលខេត្ត​សៀមរាប រាជរដ្ឋាភិបាល និង​ស្ថាប័ន​នីតិបញ្ញត្តិ ជួយ​ដោះស្រាយ​ជម្លោះដីធ្លី​រ៉ាំរ៉ៃ ដែល​ធ្វើ​ប៉ះពាល់​ដល់​ជីវភាព​ពួកគេ​៕

ព័ត៌មានលម្អិត
ចុះនៅថ្ងៃទី 22-05-2015, 09:47 AM, អាន 35ដង
​ដោយ​៖​ភួង ផុន​
​ខេត្តរតនគិរី​
៖​លោក សួស ប្រាថ្នា ប្រធាន​នាយកដ្ឋាន​កិច្ចការរដ្ឋបាល​រាជធានី ខណ្ឌ និង​ខេត្ត នៃ​អគ្គនាយកដ្ឋាន​រដ្ឋបាល ក្រសួងមហាផ្ទៃ បាន​ចុះ​មកជួប​ថ្នាក់ដឹកនាំ​តាម​លំដាប់​ដាច់​ផ្សេងៗ​ពីគ្នា ព្រមទាំង​យក​ស្នាម​មេដៃ​អាជីវករ ដែល​ពាក់ព័ន្ធ ទៅនឹង​ពាក្យ​បណ្ដឹងសុំ​ផ្លាស់ប្ដូរ​អភិបាលក្រុង​បាន​លុង កាលពី​ថ្ងៃទី​២៧ ខែមេសា ឆ្នាំ​២០១៥ ត្រូវ​ប្រជាពលរដ្ឋ​ភាគច្រើន​សង្កេតឃើញថា ហាក់​មាន​ភាពមិនប្រក្រតី​។​
      កាលពី​ថ្ងៃទី​១៨ ខែឧសភា ឆ្នាំ​២០១៥ លោក សួស ប្រាថ្នា បាន​អញ្ជើញ​មក​ខេត្ត​រតនគីរី​ជួប​ជាមួយ​ក្រុមប្រឹក្សា​ខេត្ត បន្ទាប់​មកជួប​គណៈ​អភិបាលខេត្ត ក្រុមប្រឹក្សា​ក្រុង គណៈ​អភិបាលក្រុង និង​ជួបជុំ​ជា​ចុងក្រោយ អាជីវករ​ដែល​ពាក់ព័ន្ធ​ស្នាម​មេដៃ​បណ្ដឹង នៅ​សាលាក្រុង​បាន​លុង ដើម្បី​ស្ទង់​មតិ និង​យក​ស្នាម​មេដៃ​ស្ដាំ ប្រ​ម៉ាណ​ជា​៦០​នាក់ ផងដែរ​។​
     ការ​ជំនួប​អាជីវករ​ខាងលើនេះ​លោក អ៊ុក សំអុល អភិបាលក្រុង​បាន​លុង​ថា លោក​ពុំ​បានដឹង​មុន និង​រៀបចំ​ការជួប​នេះ​ទេ អាជីវករ​ដែល​មក​ជុំគ្នា​នៅ​សាលាក្រុង​បាន​លុង​នេះ គឺ​សាលាខេត្ត បាន​ជូនដំណឹង​ទៅ​ក្រុមហ៊ុន​វិនិយោគ​ផ្សារ អោយ​ផ្ដល់ដំណឹង​ដល់​អាជីវករ​។​
      ដោយឡែក​សកម្មភាព​ធ្វើអោយ​អាជីវករ​ភ្ញាក់ផ្អើល​ខាងលើ លោក សួស ប្រាថ្នា បានអោយ​ក្រុម​អ្នកសារព័ត៌មាន​យើង​ដឹង​តាម​ទូរ​ស័​ព្វ​នៅ​រសៀល​ថ្ងៃ​ទ​២១ ខែឧសភា ឆ្នាំ​២០១៥​ថា លោក​មិនមែន​ចុះទៅ​ដើម្បី​កិច្ចការងារ​អ្វីមួយ​ទេ លោក​ចុះ​មកនេះ​ដើម្បី​ស្ទាបស្ទង់​មើល​បញ្ហា​តែប៉ុណ្ណោះ​ទេ ពីព្រោះ​ពុំមាន​ពាក្យបណ្ដឹង​អី​ទេ លោក​ដឹងលឺ​តាម​កាសែត​តាម​ព័ត៌មាន​ដែរ​។​
      ទោះជា​យ៉ាងណាក៏ដោយ ប្រជាពលរដ្ឋ​ក្នុង​ក្រុង​បាន​បាន​ជជែក​គ្នា​ថា បើសិន​ជាយ​កសា្ន​ម​មេដៃ​នៅ​សាលាក្រុង​បាន​លុង​នា​ថ្ងៃទី​១៨ ជាការ​ស៊ើបអង្កេត​វិញ​នោះ​ពុំ​អា​ចរក​ការពិត​ឃើញ​ទេ​។​ពីព្រោះ បើ​អោយ​ខាង​ផ្សារ​ជា​អ្នក​ហៅ​អាជីវករ គឺ​គេ​ហៅ​តែ​គ្នា​គេ និង អ្នក​ដែល​ចង់​បង្កបញ្ហា​មក​តែ​ប៉​ណ្ណោះ ហើយ​ម្យ៉ាងទៀត ប្រជាពលរដ្ឋ​ក្នុង​ក្រុង​បាន​លុង រាប់ម៉ឺន​នាក់​គេ​ពេញចិត្ត​លោក​អភិបាលក្រុង ចុះ​អ្នក​ដែល​មិន​ពេញចិត្ត​តែ​ប៉ុន្មាន​នាក់​៕

ព័ត៌មានលម្អិត
ចុះនៅថ្ងៃទី 22-05-2015, 09:28 AM, អាន 24ដង
​រាជធានី​ភ្នំពេញ​៖​មនុស្ស​ប្រុស ស្រី​២​នាក់​បាន​រងរបួស​ធ្ងន់​ស្រាល​ដោយសារ​រថយន្ត​កាមរី​បា​ឡែ​ន​បុក​ម៉ូតូ​កង់​បី​ពីក្រោយ​រួច​បើក​គេចខ្លួន​បាត់ស្រមោល ខណៈដែល​ពី​ពួកគេ​ទាំង​២​នាក់​បាន​ដឹក​បន្លែ​ចេញ​ផ្សារ​តាខ្មៅ​យកទៅលក់​នៅ​ផ្សារ ។ ហេតុការណ៍​កើតឡើង​កាលពី​វេលា​ម៉ោង ៣ ទៀបភ្លឺ ថ្ងៃទី​២២ ខែឧសភា ឆ្នាំ​២០១៥ នៅតាម​បណ្តោយ​ផ្លូវ​ព្រះមុនីវង្ស ស្ថិតក្នុង​សង្កាត់​ទន្លេបាសាក់ ខណ្ឌចំការមន ។​
​ប្រភពព័ត៌មាន​បាន​ឲ្យ​ដឹងថា នៅ​មុនពេល​កើតហេតុ​គេ​បានឃើញ​ម៉ូតូ​រ៉ឺម៉ក​កង់​បី​ដឹក​បន្លែ​មួយគ្រឿង មិនមាន​ស្លាក​លេខ ជិះ​ដោយ​បុរស​ស្ត្រី​២​នាក់ តាម​បណ្តោយ​ផ្លូវ​ព្រះមុនីវង្ស ក្នុងទិសដៅ​ពី​ត្បូង​ទៅ​ជើង បាន​ដឹក​បន្លែ​ចេញពី​ផ្សារ​តាខ្មៅ យកទៅលក់​នៅឯ​ផ្សារ ខណៈ​មកដល់​ចំណុចកើតហេតុ​ស្រាប់​តែមាន​រថយន្ត​កាម​រី​បា​ឡែ​ន​មួយគ្រឿង មិន​ចាំ​ស្លាក​លេខ បើក​មកពី​ក្រោយ​ជ្រុល​ទៅបុក​ចំ​ពីក្រោយ​យ៉ាង​ពេញទំហឹង បណ្តាលអោយ​បុរស​ស្ត្រី​ទាំង​២​នាក់​រងរបួស​ធ្ងន់​ស្រាល ចំណែក​រថយន្ត​បង្ក​បាន​បន្ថែម​ល្បឿន​បើក​គេចខ្លួន​បាត់ស្រមោល​តែម្តង​។​
​ក្រោយពេល​កើតហេតុ​អ្នករងរបួស​ត្រូវបាន​រថយន្ត​សាមុយ​ដឹក​យកទៅ​សង្គ្រោះ​នៅ​មន្ទីរពេទ្យ ចំណែក​ម៉ូតូ​រ៉ឺម៉ក​កង់​បី​ត្រូវបាន​សមត្ថកិច្ច​យកទៅ​រក្សាទុក​នៅ​ប៉ុស្តិ៍​ទន្លេបាសាក់ ដើម្បី​រង់ចាំ​បងប្អូន​របស់​ជនរងគ្រោះ​មក​ទទួលយក​៕

ព័ត៌មានលម្អិត
ចុះនៅថ្ងៃទី 22-05-2015, 09:16 AM, អាន 26ដង
​រាជធានី​ភ្នំពេញ​៖​នារី​ស្រស់ស្អាត​ម្នាក់​បើក​មួយគ្រឿង​ម៉ាក​រថយន្ត​ឡិច​ស៊ី​ស​៤៥០​ងក់​មួយភាំង​រេ​ចង្កូត​ទៅបុក​ក្បាល​ថ្ម​ពុះ​ចែក​ទ្រូងផ្លូវ​បណ្តាលអោយ​រថយន្ត​កល់​និង​ថ្ម​បើក​ទៅមុខ​លែងរួច​។ ហេតុការណ៍​នេះ​កើត​នៅវេលា​ម៉ោង​៣ និង​៣០​នាទី​ទៀបភ្លឺ ថ្ងៃទី​២២ ខែឧសភា ឆ្នាំ​២០១៥ នៅតាម​បណ្តោយ​ផ្លូវ​ព្រះមុនីវង្ស សង្កាត់​ផ្សារ​ដើម​ស្កូវ ខណ្ឌ​ចំកា​មន ។​
​ប្រភពព័ត៌មាន​អោយដឹងថា នៅ​មុនពេល​កើតហេតុ​មាន​នារី​ម្នាក់​ជិះ​រថយន្ត​មួយគ្រឿង​ម៉ាក​ឡិច​ស៊ី​ស​អិ​ល​អិ​ច​៤៥០ ពណ៌​ស្ករ ពាក់​ស្លាក​លេខ ភ្នំពេញ​2J-4324 ធ្វើដំណើរ​តាម​បណ្តោយ​ផ្លូវ​ព្រះមុនីវង្ស ក្នុងទិសដៅ​ពី​ជើង​ទៅ​ត្បូង ខណៈ​មកដល់​ចំណុចកើតហេតុ​ដោយ​អត់ងងុយ​ខ្លាំងពេក​ក៏​បិទ​ភ្លែ​ក​លក់​មួយភាំង​រថយន្ត​បណ្តាល​ឲ្យ​រេ​ចង្កូត​ទៅបុក​ក្បាល​ថ្ម​ពុះ​ចែក​ទ្រូងផ្លូវ​ធ្វើ​ឲ្យ​រថយន្ត​កល់​កង់​មុខ​ទាំង​២​និង​ថ្ម​បើក​ទៅមុខ​លែងរួច​តែម្តង​។​
​ក្រោយពេល​កើតហេតុ​សមត្ថកិច្ច​ជំនាញ​បានមក​ធ្វើការ​វាស់វែង និង​ស្ទូច​រថយន្ត​យកទៅ​រក្សាទុក​នៅ​ការិយាល័យ​ចរាចរណ៍​ជើងគោក​នៃ​ស្នងការ​នគរបាល​រាជធានី​ភ្នំពេញ ដើម្បី​ធ្វើការ​ដោះស្រាយ​៕

ព័ត៌មានលម្អិត
ចុះនៅថ្ងៃទី 22-05-2015, 09:04 AM, អាន 29ដង
​រាជធានី​ភ្នំពេញ​៖​ជនសង្ស័យ​២​នាក់​បានធ្វើ​សកម្មភាព​ឆក់​កាបូប​ពី​នារី​វ័យក្មេង​ម្នាក់​ខណៈ​កំពុង​ជិះ​ម៉ូតូ​ចេញពី​ធ្វើការ​ហើយ​ត្រឡប់ទៅផ្ទះ វិញ បណ្តាលអោយ​ដួល​ម៉ូតូ​បោក​ក្បាល​នៅ​ថ្នល់​រងរបួស​ធ្ងន់​។​ហេតុការណ៍​នេះ​កើតឡើង​កាលពី​វេលា​ម៉ោង​៩​និង​២០ នាទី​យប់ ថ្ងៃទី​២១ ខែឧសភា ឆ្នាំ​២០១៥​តាម​បណ្តោយ​ផ្លូវ​លេខ​២៣០ ក្នុង​សង្កាត់​ទឹកល្អក់​៣ ខណ្ឌទួលគោក ។​
​នារី​រងគ្រោះ​បាន​ឲ្យ​ដឹងថា នាង​ឈ្មោះ មាស  អាយុ​២៥ ឆ្នាំ ធ្វើការ​នៅ​សណ្ឋាគារ​មួយ​ក្បែរ​វិមានឯករាជ្យ  ហើយ​ស្នាក់​នៅផ្ទះ​ក្នុង​សង្កាត់​ទឹកថ្លា ខណ្ឌ​សែន​សុខ ។ នាង​បន្តថា មុនពេល​កើតហេតុ​នាង​ចេញពី​ធ្វើការ​ហើយ​ជិះ​ម៉ូតូ​ម៉ាក ឃ្លិ​ច ពណ៌ ឈាមជ្រូក លាយ ស ដោយ​ធ្វើដំណើរ តាម​បណ្តោយ​ផ្លូវ​លេខ ២៣០​ក្នុងទិសដៅ​ពី​កើ​តទៅ​លិច​ត្រឡប់ ទៅផ្ទះ​វិញ ដោយ​ស្ពាយ​កាបូប​នៅជាប់​ខ្លួន​។  លុះ​មកដល់​កន្លែងកើតហេតុ​ស្រាប់​តែមាន​ជនសង្ស័យ​២​នាក់​ជិះ​ម៉ូតូ​មួយគ្រឿង​មិន​ស្គាល់​ម៉ាក បាន​ជិះ​មក​អែបជិត​ម៉ូតូ​នាង ហើយ​ជនសង្ស័យ​ដែល​អង្គុយ​ក្រោយ​ក៏​ធ្វើ​សកម្មភាព​ឆក់​កាបូប ពី​នាង តែ​ដោយ​រូបនាង​ព្យាយាម​ទាញ់​មកវិញ​ក៏​បណ្តាលអោយ​នាង​ដួល​ម៉ូតូ​ប្រាវ​ទៅ​និង​ថ្នល់​បោក​ក្បាល​រងរបួស​ធ្ងន់​តែម្តង ។​
​ក្រោយពី​ធ្វើ​សកម្មភាព​មិនបាន​សម្រេច​ជនសង្ស័យ​ក៏​ជិះ​ម៉ូតូ​គេចខ្លួនបាត់​ស្រមោល​តែម្តង ។​ដោយឡែក នារី​រងគ្រោះ​ត្រូវបាន​ប្រជាពលរដ្ឋ​ក្បែរ​នោះ​ជួយសង្គ្រោះ​ដោយ​ដឹក​នាង​តាម​ម៉ូតូ​កង់​បី​ទៅ​ព្យាយាម​នៅ​មន្ទីរពេទ្យ ចំណែក​ម៉ូតូ​ត្រូវ​សមត្ថកិច្ច​ប្រគល់​ទៅអោយ​ក្រុមគ្រួសារ​៕

ព័ត៌មានលម្អិត
ចុះនៅថ្ងៃទី 22-05-2015, 10:33 AM, អាន 777ដង
ដោយ៖ធារ៉ា​
ខេត្តស្វាយរៀង
​៖​លោក ប៉ា ដា​រ៉ា​ល នាយក​គ្រឹះស្ថាន​មីក្រូហិរញ្ញវត្ថុ ស្ថាបនា លីមីត​ធី​ត សាខា​ខេត្តស្វាយរៀង និង​ជា​តំណាង​របស់លោក​បណ្ឌិត ប៊ុន មុនី ប្រធាន​អគ្គនាយក​ស្ថាបនា លីមីត​ធី​ត  កាលពី​រសៀល​ថ្ងៃទី​២០ ខែឧសភា​ឆ្នាំ​២០១៥​បាន​នាំយក​ថវិកា​ចំនួន​៥.៨០០.០០០​រៀល​យកទៅ​ចែកជូន​និង​សួរសុខទុក្ខ​ក៏​ដូច​រំលែក​ទុក្ខ​ដល់​ក្រុមគ្រួសារ​ជនរងគ្រោះ​ដោយ​គ្រោះ​ចរាចរណ៍​សម្លាប់​មនុស្ស​ចំនួន​១៨​នាក់​បាន​ស្លាប់​និង​២១​នាក់ ។​
​លោក ប៉ា ដា​រ៉ា​ល បាន​មានប្រសាសន៍​ឲ្យ​ដឹងថា នេះ​ជា​សកម្មភាព​មនុស្សធម៌​មួយ​ដែល​ស្ថាបនា​លីមីត​ធី​ត​តែងតែបាន​ចូលរួម​ជាប្រចាំ​នៅពេល​គ្រា​ដែល​បងប្អូន​ប្រជាពលរដ្ឋ​កម្ពុជា​បាន​ជូ​ប​ប្រទះ​បញ្ហា​ប្រឈម​នានា​ដោយ​រួមទាំង​បញ្ហា​គ្រោះធម្មជាតិ​ផងដែរ​។ លោក​បន្តថា រូបលោក​និង​បុគ្គលិក ថ្នាក់ដឹកនាំ​ស្ថាបនា​ទាំងអស់​មាន​សេ​ក្តី​រន្ធត់​តក់ស្លុត​និង​សោកស្តាយ​ចំពោះ​គ្រោះ​នេះ​យ៉ាងខ្លាំង​។​ជួសមុខ​ឲ្យ ស្ថាបនា លីមីត​ធី​ត លោក​សូន​រួមចំណែក​រំលែក​ទុក្ខ​ក្រុមគ្រួសារ​រងគ្រោះ​ទាំងអស់​និង​សូម​ស្នើរ​ឲ្យ​អ្នក​ដឹក​អ្នកដំណើរ​និង​អ្នកបញ្ជា​យានយន្ត​លើ​ដងផ្លូវ​ទាំងអស់​គោរព​ច្បាប់​ចរាចរណ៍ ត្រូវ​ពាក់​មូ​ក​សុវត្ថិភាព និង ដាក់ ខ្សែក្រវ៉ាត់ ឲ្យ​បាន​ត្រឹមត្រូវ​ជាពិសេស​ត្រូវ​បង្កើន​ស្មារតី​ប្រុង​ប្រ​យ័ន្ន​ខ្ពស់​និង​ប្រកាន់​នូវ​ធម៌​អធ្យាស្រ័យ​គ្នា​ជានិច្ច​ព្រោះ​ជីវិត​អ្នកដំណើរ​គឺ​ផ្ញើ​លើ​អ្នកបើកបរ​នេះឯង​។​
​ការធ្វេសប្រហែស​មួយគ្រា​អាច​បណ្តាល​ឲ្យ​ខ្លួនឯង​និង​អ្នកដទៃ​អាច​ជួប​និង​បញ្ហា​គ្រោះថ្នាក់​យ៉ាងធ្ងន់ធ្ងរ​ឬ​អាច​បណ្តាល​ឲ្យ​បាត​បង់ជីវិត​ដូច​ពេលនេះ​ជាដើម​។​ចំពោះ​ក្រុមគ្រួសារ​អ្នកស្លាប់​ម្នាក់ៗ​ទទួលបាន​ថវិកា​ចំនួន​២០០០០០​រៀល​រីឯ​អ្នករងរបួស​ម្នាក់ៗ​ទទួលបាន​ថវិកា​ចំនួន​១០០០០០​រៀល​ផងដែរ​។​
​គួ​រំលឹកថា​៖​ស្ថាបនា លីមីត​ធី​ត គឺជា​គ្រឹះស្ថាន​មីក្រូហិរញ្ញវត្ថុ​ដែល​កំពុង​តែមាន​ប្រជាប្រិយភាព​យ៉ាងខ្លាំង​ក្នុងប្រទេស​កម្ពុជា​និង​មាន​កំណើន​អតិថិជន​យ៉ាង​ឆាប់រហ័ស​ក្នុង​រយះពេល​៥​ឆ្នាំ​ចុង​ក្រោយនេះ​។​គិត​ត្រឹម​ថ្ងៃទី​៣០​ខែមេសា​ឆ្នាំ​២០១៥​កន្លងទៅ ស្ថាបនា​ទទួលបាន​កំណើន​អតិថិជន​ប្រាក់កម្ចី​សរុប​ចំនួន​១១៤.៨៣១​នាក់​ដែលមាន​ទឺ​ក​ប្រាក់កម្ចី​រហូតដល់​ជាង​៣៨៣​លាន​ដុល្លារ​សហរដ្ឋអាមេរិក​។​ចំណែក​អតិថិជន​ប្រាក់​បញ្ញើ​-​សន្សំ​បាន​កើនឡើង​រហូតដល់​១០៣.៨៩៦​នាក់​និង​មាន​ទឹកប្រាក់​សន្សំ​ចំនួន​ជា​២១០​លាន​ដុល្លារ​សហរដ្ឋអាមេរិក​។​ហើយ​ស្ថាបនា​ក៏​ត្រូវបាន​ក្រុមហ៊ុន​ទិន្ន័យ​អន្តរជាតិ​IDG​ផ្តល់​ពានរង្វាន់​ទទួលស្គាល់​ពី​ភាព​រីកចំរើន​នៃ​កំណើន​អតិថិជន​ប្រាក់កម្ចី​ក្នុង​ឆ្នាំ​២០១៤​ផងដែរ​៕
ព័ត៌មានលម្អិត
ចុះនៅថ្ងៃទី 21-05-2015, 04:04 PM, អាន 135ដង
​រាជធានី​ភ្នំពេញ​៖​ជា​រឿង​គួរ​ឲ្យ​ភ្ញាក់ផ្អើល​បំផុត​ខណដែល មន្ត្រីជាន់ខ្ពស់​ក្រសួងការពារជាតិ​ម្នាក់​កាលពី​ព្រឹក​មិញ​នេះ​បានចេញ មុខមក​អះអាងថា អាវុធ​ទាំង​១៥​ដើម​ដែល​សមត្ថកិច្ច​រកឃើញ​នៅ​ក្នុងផ្ទះ​ឪពុកម្តាយ​លោក ថោង សារ៉ាត់ សុទ្ធសឹង​ជា​អាវុធ​ស្របច្បាប់​និង​មាន​លិខិតបញ្ជាក់​បេសកកម្ម​ត្រឹមត្រូវ ។
​    ​ការចេញមុខ មក​អះអាង​នោះ​គឺ ស្រប​ពេលដែល​ឧកញ៉ា ថោង សារ៉ាត់ ក្នុងអំឡុង​សវនាការ​កាលពី​ម្សិលមិញ នៅ​សាលាដំបូង​រាជធានី​ភ្នំពេញ​បាន​បដិសេធ​ចំពោះ​បទចោទប្រកាន់ អំពី​ការកាន់កាប់​អាវុធ​ខុសច្បាប់​។ ទន្ទឹម​នោះ​ឪពុកម្តាយ​របស់លោក ថោង សារ៉ាត់ លោក ថោង ចម្រើន និង​អ្នកស្រី កែវ សារី ដែល​ត្រូវបាន​ចោទប្រកាន់​ពាក់ព័ន្ធ​នឹង ការកាន់កាប់ ឬ​ដឹកជញ្ជូន​អាវុធ​ដោយ​មិនមាន​ការអនុញ្ញាត ក៏បាន​ចូលរួម​នៅ​តុលាការ ជាមួយ​លោក​ឧកញ៉ា ថោង សារ៉ាត់ ផងដែរ​។ ពួកគេ​ទាំងពីរ​នាក់​ក៏បាន​អះអាងថា​គ្មាន​ទោស កំហុស​ដែរ ហើយ​បាន​សុំ​ឲ្យ​តុលាការ​លើកចោល​បទចោទប្រកាន់​ទាំងអស់​និង​ដោះលែង​ពួកគេ​ពី ពន្ធនាគារ​។
​    ​ចៅក្រម ឃី ឆែ បាន​ប្រាប់​តុលាការ​ថា នគរបាល​បាន​ចុះទៅ​ផ្ទះ​របស់​អ្នក​ទាំងបី​កាលពី​ខែធ្នូ បន្ទាប់ពី​ករណី​ឃាតកម្ម​លើ​លោក​ឧកញ៉ា ម៉េង​ជឺ ដោយ​រកឃើញ​គ្រាប់កាំភ្លើង​និង​អាវុធ​ចំនួន ១៥​ដើម​ក្នុងនោះ​កាំភ្លើង AK-47 ចំនួន​បួន​ដើម​។ លោក​ថា ក្នុងចំណោម​អាវុធ​ទាំងនោះ​ពួកគេ​មាន​អាជ្ញាប័ណ្ណ​ស្របច្បាប់​កាន់កាប់​តែ ពីរ​ប៉ុណ្ណោះ​។ បន្ទាប់ពី​ការបដិសេធ​របស់​កូនប្រុស ម្តាយ​របស់លោក អ្នកស្រី សារី អាយុ ៥៥​ឆ្នាំ បាន​ថ្លែងថា អ្នកស្រី​ទទួលស្គាល់​តែ​កាំភ្លើងខ្លី​ពីរ​ដើម ដែលមាន​អាជ្ញាប័ណ្ណ ដែល​ត្រូវបាន​រឹបអូស​ពី​ផ្ទះ​របស់​អ្នកស្រី​។ អ្នកស្រី បញ្ជាក់ថា ក្នុងចំណោម​អាវុធ​ទាំងនោះ ខ្ញុំ​ទទួលស្គាល់​តែ​ពីរ ថា​ជា​អាវុធ​ផ្ទាល់​របស់ខ្ញុំ និង​ប្តី​របស់ខ្ញុំ​ពីព្រោះ​យើង​បានស្នើ​សុំ​ពី​ក្រសួងការពារជាតិ សម្រាប់​គោលបំណង​ប្រើប្រាស់​ផ្ទាល់ខ្លួន​ស្របច្បាប់​តែប៉ុណ្ណោះ​។
​    ​ចំណែក លោក លីម វណ្ណា មេធាវី​ការ​-​ពារ​ក្តី​ឲ្យ​លោក ចម្រើន និង​អ្នកស្រី សារី បាន​ថ្លែងថា អាវុធ​មួយចំនួន​ក្នុងចំណោម​អាវុធ​ទាំងអស់​ដែល​រឹបអូស​ពី​ផ្ទះ​កូនក្តី របស់លោក​ត្រូវបាន​ដាក់​ដោយ​នគរបាល​ដើម្បី​ចោទប្រកាន់​លើ​កូនក្តី​របស់លោក​។ លោក​បញ្ជាក់ថា មិនមាន​ភ័ស្តុតាង​ពិតប្រាកដ​បង្ហាញថា កូនក្តី​របស់ខ្ញុំ​បាន​កាន់កាប់ និង​រក្សា​អាវុធ​ទាំងនោះ​នៅក្នុង​ផ្ទះ​របស់​ពួកគេ​ទេ​ហើយ សូម​ស្នើ​តុលាការ​លើកចោល​បទចោទប្រកាន់​នេះ ហើយ​ដោះលែង​ពួកគាត់​ភ្លាម​។ ទាក់ទង​សំណុំ​រឿងនេះ​ឧ​ត្ត​ម​សេនីយ៍​ទោ មាស វណ្ណា នាយករង​ខុទ្ទកាល័យ​ក្រសួងការពារជាតិ បាន​ថ្លែងថា ក្រសួង​បានចេញ​អាជ្ញាប័ណ្ណ​កាំភ្លើង ៩ ដើម​ដល់​លោក សារ៉ាត់​កាលពី​ខែមិថុនា ឆ្នាំ ២០១៤ និង​២​ដើម​ទៅ​ឪពុកម្តាយ​របស់គាត់​។ លោក​ថ្លែងថា អាជ្ញាប័ណ្ណ​សម្រាប់​អាវុធ​ទាំង​១១​ដើម​នោះ​នៅមាន​សុពលភាព​នៅឡើយ​។
​    ​តាមរយះ នៃ​ការចេញ​មុខមក​អះអាង​របស់លោក មាស វណ្ណា នោះ​អាច​បញ្ជាក់ថា ឪពុកម្តាយ​រួមទាំង​លោក​ឧកញ៉ា ថោង សារ៉ាត់ មិនមាន​កំហុស​ទាក់ទង​ការប្រើប្រាស់​និង​លាក់​អាវុធ​ខុសច្បាប់​នោះទេ ។ ប៉ុន្តែ​សមត្ថកិច្ច​ឯណោះ​ទេ ជា​អ្នក​ខុស​ព្រោះ​បាន​រាយការណ៍​ថា អ​វុ​ធ​ទាំងអស់នោះ​ខុសច្បាប់ ។ ដូច្នេះ​តើ​សំណុំរឿង​សម្លាប់​លោក​ឧកញ៉ា អឹង ម៉េង​ជឺ នឹង​ទៅជា​យ៉ាងណា​ទៅវិញ ឬ ក៏​ជាការ​រៀបចំ​ឆាក​ដើម្បី​ឲ្យ​ឧកញ៉ា ថោង សារ៉ាត់ រួមទាំង​ឪពុកម្តាយ​បាន​រួចខ្លួន ៕

ព័ត៌មានលម្អិត
ចុះនៅថ្ងៃទី 21-05-2015, 03:26 PM, អាន 60ដង
រាជធានី​ភ្នំពេញ​៖​សមត្ថកិច្ច​នគរបាល​នាយកដ្ឋាន​ព្រហ្មទណ្ឌ​នៃ​ក្រសួងមហាផ្ទៃ​នៅ​ព្រឹក​ថ្ងៃទី​២១ ខែឧសភា ឆ្នាំ​២១០៥​នេះ បាន​ចាប់ខ្លួន​ស្ត្រី​ជនជាតិ​វៀតណាម​អាយុ​៥០​ឆ្នាំ​ម្នាក់ ជាប់​ពាក់ព័ន្ធ​នឹង​ករណី​ឆបោក​ប្រាក់ និង​ចេញ​សែក​ស្អុយ​តម្លៃ​២​ម៉ឺន​ដុល្លារ​ឲ្យ​ទៅ​ភាគី​ម្ចាស់បំណុល ដែលជា​មន្ត្រីនគរបាល​ជាន់ខ្ពស់​ម្នាក់ និង​ជា​ស្នងការរង​នគរបាល​ខេ​ត្ក​រតនគិរី ដែលជា​ភាគី​ម្ចាស់បំណុល​កាលពី​អំឡុង​ខែតុលា ឆ្នាំ​២០១៤​កន្លងទៅ​។
​    ​មន្ត្រីនគរបាល នាយកដ្ឋាន​ព្រហ្មទណ្ឌ​នៃ ក្រសួងមហាផ្ទៃ​បាន​ឲ្យ​ដឹងថា ជនសង្ស័យ​រូបនេះ មានឈ្មោះ តាំង អៀង ភេទ​ស្រី អាយុ ៥០​ឆ្នាំមាន​មុខរបរ ជា​ឈ្មួញ​រកស៊ី​ផ្នែក​សាងសង់​សំណង់ រស់នៅ​ផ្ទះ​លេខ ៧០២ ក្រុម​៤៣ សង្កាត់​ផ្សារ​ដើមថ្កូវ ខណ្ឌចំការមន រាជធានី​ភ្នំពេញ​។
​    ​ការចាប់ខ្លួន ជនសង្ស័យ​គឺ​យោងតាម​ដីកា​បញ្ជា​ឲ្យ​ចូលខ្លួន​របស់​ព្រះរាជអាជ្ញារង អម​សាលាដំបូង​រាជធានី​ភ្នំពេញ លោក គង់ សំ​សារ៉េត ដោយ​សមត្ថកិច្ច​នគរ​បាល​នាយកដ្ឋាន​ព្រហ្មទណ្ឌ នៃ ក្រសួងមហាផ្ទៃ​នៅ​ចំណុច​ក្បែរ​ស្ថានីយ​ប្រេង​កាល់​តិច ស្ថិតក្នុង​ខណ្ឌទួលគោក រាជធានី​ភ្នំពេញ​។
​    ​តាម មន្ត្រីនគរបាល​នាយកដ្ឋាន​ព្រហ្មទណ្ឌ ការឃាត់ខ្លួន​នេះ​បន្ទាប់​ស្ត្រី​ឈ្មោះ តាំង អៀង​នេះ បាន​ព្យាយាម​គេចវេះ​មិន​ព្រម​ចូល​បង្ហាញខ្លួន​នៅ​ស្ថាប័ន​អយ្យការ អម​សា​លោ​ដំបូង​រាជធានី​ភ្នំពេញ តាម​ដី​លា​កោះហៅ​របស់ តំណាង​អយ្យការ លោក គង់ សំ​សារ៉េត ចំនួន ២​លើក ។ ការមិន​ចូលខ្លួន​ចំនួន​ពីរលើក​តាម​ដីការ​កោះហៅ​របស់​តុលាការ​សាមីជន ត្រូវ​ប្រឈម​នឹង​ការចាប់ខ្លួន ៕

ព័ត៌មានលម្អិត
ចុះនៅថ្ងៃទី 21-05-2015, 04:07 PM, អាន 49ដង
​រាជធានី​ភ្នំពេញ​៖​ជន​សង្ស័យ​ម្នាក់​ដែលជា​មុខសញ្ញា​ជួញដូរ​គ្រឿងញៀន​ត្រូវបាន​សមត្ថកិច្ច​ខណ្ឌឫស្សីកែវ​សហការ​ជាមួយ​ប៉ុស្តិ៍នគរបាល​រដ្ឋបាល​ច្រាំង​ចំរេះ​ទី​២​ស្រាវជ្រាវ​ឈានទៅ​ធ្វើការ​ឃាត់ខ្លួនបាន​កាលពី​វេលា​ម៉ោង​១៥​និង​១០​នាទីថ្ងៃទី​២១ ​ខែឧសភា ឆ្នាំ​២០១៥ នេះ​នៅ​ចំណុច​ផ្ទះ​លេខ​០៣៦​ក្រុម​២​ក្នុង​ភូមិឃ​២ សង្កាត់​ច្រាំង​ចំរេះ​២ ខណ្ឌឫស្សីកែវ​។​
​ជនសង្ស័យ​ឈ្មោះ​អ៊ុង សំ​អ៊ុ​ល ភេទ​ប្រុស អាយុ​២៩​ឆ្នាំ មុខរបរ​មិន​ពិតប្រាកដ​ស្នាក់ នៅ​ភូមិ​កើតហេតុ​ខាងលើ  ។​
​ប៉ូលិស​បាន​ឲ្យ​ដឹងថា​នៅក្នុង​ប្រតិបត្តិ​ការបង្ក្រាប​ករណី​គ្រឿងញៀន​នេះ​កម្លាំង​សមត្ថកិច្ច ដកហូត​វត្ថុតាង​គ្រឿងញៀន​ប្រភេទ​ក្រាម​ស​ថ្លា​(​ម៉ា​ទឹកកក​ចំនួន​៩​កញ្ចប់ធំ និង៧កញ្ចប់​តូច​)​រួម​នឹង​វត្ថុតាង​ពាក់​ព​ន្ធ័​មួយចំនួនទៀត​។​
​បច្ចុប្បន្ន​ជនសង្ស័យ​កំពុង​ឃាត់ខ្លួន​បណ្តោះអាសន្ន​នៅ​អធិការដ្ឋាន​ខណ្ឌឫស្សីកែវ ដើម្បី​សាកសួរ​និង​កសាង​សំណុំរឿង​បញ្ជូនទៅ​តុលាការ​ចាត់ការ​បន្តទៅ​តាម​នីតិវិធី​ច្បាប់​៕
ព័ត៌មានលម្អិត
ចុះនៅថ្ងៃទី 21-05-2015, 02:40 PM, អាន 52ដង
​អាមេរិក​៖​ក្រសួងការបរទេស​ស​ហ​រដ្ឋ​អាមេរិក​កាលពី​ម្សិលមិញ​បានចេញ​សេចក្តី​ប្រកាសថា នឹង​ទទួលយក​ជនភៀសខ្លួន Rohingya​ជាង​៣០០០​នាក់​ដែល​កំពុង​ជាប់គាំង​នៅ​សមុទ្រ​ក្នុង​តំបន់​អាស៊ាន​អស់​ជាច្រើន​ថ្ងៃ​មកហើយ​។
​រយៈពេល ៣​សប្ដាហ៍​កន្លងទៅ ជនភៀសខ្លួន​ជា​ជនជាតិ​មូស្លីម Rohingya ជាង ៣​ពាន់​នាក់ បាន​ភៀសខ្លួន​យ៉ាង​វេទនា ពី​ប្រទេស​មី​យ៉ាន់​ម៉ា និង​បង់​ក្លា​ដេ​ស ដើម្បី​គេចចេញ​ពី​ភាពក្រីក្រ​។ ពួកគេ​បានធ្វើ​ដំណើរ​តាម​ទូក​ដោយ​លើស​ចំណុះ​ហូរហៀរ មក​បណ្ដា​ប្រទេស​នៅក្នុង​តំបន់​អាស៊ាន ប៉ុន្តែ​ត្រូវ​ប្រទេស​ទាំងនេះ​បដិសេធ​មិន​ទទួលយក​។​
​អ្នកនាំពាក្យ​ក្រសួងការបរទេស​រប​ស់​សហរដ្ឋអាមេរិក អ្នកស្រី Marie Harf បាន​និយាយថា សហរដ្ឋអាមេរិក​ត្រៀមខ្លួន​ដើរតួ​ជា​ប្រទេស​ឈានមុខ​គេ​ក្នុង​ការទទួលយក ជនភៀសខ្លួន​ងាយ​រងគ្រោះ​បំផុត ដែល​រៀបចំឡើង​ដោយ​ភ្នាក់ងារ​ជនភៀសខ្លួន​របស់​អង្គការសហប្រជាជាតិ​។​
​អ្នកស្រី Harf បាន​ស្វាគមន៍​ចំពោះ​ការសម្រេចចិត្ត​របស់រ​ដ្ឋា​ភិ​បាល​នានា ក្នុងការ​ប្រកាន់ខ្ជាប់​នូវ​ទំនួល​ខុសត្រូវ​របស់ខ្លួន​ស្របតាម​ច្បាប់ អន្តរជាតិ ព្រមទាំង​ផ្ដល់ជំនួយ​មនុស្សធម៌ និង​ជម្រក​ដល់​ជនភៀសខ្លួន​ដែល​ងាយ​រងគ្រោះ​ចំនួន ៧០០០​នាក់​។
​គួរ​បញ្ជាក់ថា ចាប់តាំងពី​ថ្ងៃទី​១ ខែតុលា​មក សហរដ្ឋអាមេរិក​បាន​ជួយ​តាំង​ទីលំនៅ​ឡើងវិញ​ដល់​ជនភៀសខ្លួន Rohingya ជាង ១០០០​នាក់​រួចមកហើយ​៕

ព័ត៌មានលម្អិត
ចុះនៅថ្ងៃទី 21-05-2015, 02:28 PM, អាន 41ដង
​ថៃ​៖លោក​ប្រា​យុទ្ធ ចន្ទ​អូ​ចា បាន​ថ្លែង​ទៅកាន់​កិច្ចប្រជុំ​គណៈរដ្ឋមន្ត្រី​របស់លោក​ថា ការបោះឆ្នោត​សភា​នឹងត្រូវ​លើក​ពេល​រហូតដល់​ទៅ​ខែសីហា ឆ្នាំ​២០១៦ ដោយអះអាងថា ការបោះ​ប្រជាមតិ​លើ​រដ្ឋធម្មនុញ្ញ​ជាមុនសិន គឺ​ចាប់ផ្ដើម​នៅ​ខែមករា ឆ្នាំ​២០១៦​។​
​លោក​ឧ​ត្ត​ម​សេនីយ៍​ប្រា​យុទ្ធ បាន​ថ្លែង​ដូចនេះ​គឺជា​ការឆ្លើយតប​ចំពោះ​គណបក្ស​មួយចំនួន​រិះគន់​លោក​ថា មិនបាន​រៀបរៀង​រដ្ឋធម្មនុញ្ញ​ឲ្យ​ស្របតាម​នីតិរដ្ឋ​ហើយ​បានទាមទារ​ឲ្យ​មាន​ការធ្វើប្រជាមតិ​។ ទន្ទឹម​នោះ អតីត​នាយករដ្ឋមន្ដ្រី​នៃ​គណបក្ស​ភឿ​ថៃ​ម្នាក់ លោក​ឧ​ត្ត​ម​សេនីយ៍ ឆា​វ៉ា​លី​ត យុង​ឆៃ​យុទ្ធ ព្រមាន​ថា ប្រសិនបើ​រដ្ឋធម្មនុញ្ញ​ថ្មី​នេះ​មិនបាន​នាំមក​នៅ​ការផ្សះផ្សា​ជាតិ​ពិត ប្រា​ដក​នោះ គឺ​រដ្ឋប្រហារ​នឹង​បន្ដ​កើតមាន​ច្រើន​ថែមទៀត
​គួរ​បញ្ជាក់ថា ប្រទេស​ថៃ​ធ្លាប់មាន​រដ្ឋប្រហារ​១៩​លើក​មកហើយ ដែល​ក្រោយ​រដ្ឋប្រហារ​តែងតែមាន​ការបោះឆ្នោត គឺ​បន្ទាប់ពី​ពួកយោធា​ជា​អ្នកត្រួសត្រាយ​ផ្លូវ​ដើម្បី​សន្ដិភាព និង​ការផ្សះផ្សា​ជាតិ​៕

ព័ត៌មានលម្អិត
ចុះនៅថ្ងៃទី 21-05-2015, 02:13 PM, អាន 47ដង
​កីឡា​៖​ក្រុម Man City ត្រូវបាន​គេ​រាយការណ៍​ថា​បានរៀបចំ​ផែនការ​ចាប់ផ្តើម​ការដេញ​ថ្លៃ​យក​ខ្សែប្រយុទ្ធ​ក្លិប West Bromwich Albion គឺ​កីឡាករ Saido Berahino មួយ​រដូវក្តៅ​នេះ​។​
​អតីត​ម្ចាស់​ជើងឯក​ក្របខ័ណ្ឌ Premier League ត្រូវបាន​គេ​ជឿថា​មានបំណង​ក្នុងការ​ពង្រឹង​ចំនួន​នៃ​កីឡាករ​ក្នុងចំណោម​ជួរ​កីឡាករ​ដែលមាន​ទេពកោសល្យ​របស់​ពួកគេ​។​
​កីឡាករ​សញ្ជាតិ​អង់គ្លេស​វ័យ​២១​ឆ្នាំ​រូបនេះ​ត្រូវបាន​គេ​អះអាង​កាលពី​ខែកុម្ភៈ​ថា បាន​យល់ព្រម​ចុះ​កុងត្រា​ថ្មី​មួយ​នៅ Hawthorns ។​
​ជាមួយគ្នា​នោះ​កីឡាករ​រូបនេះ​បាន​អះអាងថា ខ្លួន​ចង់​ផ្លាស់​ទៅកាន់​ក្លិប​ធំ​ជាង​នេះ​។ នេះ​បើ​តោ​យ​តាម​ប្រភពពី​សារព័ត៌មាន Daily Star៕

ព័ត៌មានលម្អិត
ចុះនៅថ្ងៃទី 21-05-2015, 02:46 PM, អាន 45ដង
កីឡា​៖​ខ្សែការពារ​ក្លិប Valencia កីឡាករ Nicolas Otamendi ត្រូវបាន​គេ​រាយការណ៍​ថា​បាន​យល់ព្រម​កិច្ច​កុងត្រា​ជាមួយ​ក្លិប Manchester United នៅពេល​ទីផ្សារ​ផ្ទេរ​កីឡាករ​ចាប់ បើកទ្វារ​នៅក្នុង​រដូវក្តៅ​នេះ​។​
​ប្រភពព័ត៌មាន​នានា​បាន​ផ្សាយ​ថា សម្រាប់​រដូវក្តៅ​នេះ​លោក Louis van Gaal ត្រូវបាន​គេ​មើលឃើញថា កំពុង​មមាញឹក​ក្នុង​សកម្មភាព​ផ្ទេរ​, និង​នាំយក​ខ្សែការពារ​កណ្តាល​ដើម្បី​ពង្រឹង​ក្លិប​មួយ​នេះ​៕
ព័ត៌មានលម្អិត
ចុះនៅថ្ងៃទី 21-05-2015, 01:45 PM, អាន 41ដង
​កីឡា​៖​ក្រុម Manchester United ត្រូវបាន​គេ​រាយការណ៍​ថា បាន​ប្រើ​អ្នកជំនួយការ​អ្នកចាត់ការ​ទូទៅ លោក Ryan Giggs ដើម្បី​ជួយ​បញ្ចុះបញ្ចូល​កីឡាករ Gareth Bale ដើម្បី​ផ្លាស់​មក​ទឹកដី Old Trafford នៅ​រដូវក្តៅ​នេះ​បន្ទាប់ពី​ការខកចិត្ត​នៅ Real Madrid នៅ​រដូវ​កាលមុន​។​
​កីឡាករ​វ័យ​២៥ ឆ្នាំ​រូបនេះមិន​ត្រូវបាន​មកដល់​ចុងបញ្ចប់​នៃ​រដូវ​កាល​ទី​ពីរ​របស់លោក​នៅ ឯ​កីឡដ្ឋាន Bernabeu នេះ​ទេ ប៉ុន្តែ​ព័ត៌មាន​ចចាមអារ៉ាម​ថា​កីឡាករ​រូបនេះ​ចង់​ចាកចេញ​រួចហើយ​។​
​កីឡាករ Gareth Bale បាន​ក្លាយជា​កីឡាករ​ដែលមាន​តម្លៃ​ថ្លៃ​បំផុត​ក្នុង​ប្រវត្តិសាស្ត្រ នៅពេលដែល Real បាន​ចំណាយ​ប្រាក់​៨៥​លាន​ផោន​ទិញ​ពី​ក្រុម Tottenham Hotspur កាល​រដូវក្តៅ​ឆ្នាំ​២០១៣ ។​
​យោងតាម​កាសែត​របស់​អេ​ស្ប៉ា​ញ​បាន​ផ្សាយ​ថា មិត្ត​រួម​ជាតិ​វ៉េ​ល Ryan Giggs អាច​នឹង​បញ្ចុះបញ្ចូល​កីឡាករ​រូបនេះ​ឲ្យ​ផ្លាស់​មក​ទឹកដី Old Trafford ព្រោះ​វា​គឺជា​កន្លែង​ត្រឹមត្រូវ​សម្រាប់​គាត់​៕
ព័ត៌មានលម្អិត
ចុះនៅថ្ងៃទី 21-05-2015, 01:15 PM, អាន 46ដង
ចិន​៖​យោងតាម​មន្ត្រីជាន់ខ្ពស់ចិន​បាន​និយាយថា រដ្ឋាភិបាល​ក្រុង​ប៉េកាំង​គ្រោង​ចំណាយ​ទឹកប្រាក់​ជាង​១៨២​ពាន់​លាន​ដុល្លារ​អាមេរិក​នៅ​ចុងឆ្នាំ​២០១៧​ដើម្បី​បង្កើនល្បឿន​អ៊ី​ន​ធើ​ណឺ​ត និង​បន្ត​ជំហាន​បង្កើត​កំណើនសេដ្ឋកិច្ច​។
​ក្រុម​ព្រឹក្សា​រដ្ឋាភិបាល​ចិន​មានប្រសាសន៍ថា រដ្ឋាភិបាល​នឹង​ចំណាយ​ទឹកប្រាក់​ច្រើនជាង ៦៩,៣​ពាន់​លាន​ដុល្លារ​អាមេរិក​ឆ្នាំនេះ​ទៅលើ​ការសាងសង់​បណ្ដាញ Network ជាមួយនឹង​ការចំណាយ​ជាង ១១២,៨​ពាន់​លាន​ដុល្លារ​អាមេរិក​ផ្សេងទៀត​សម្រាប់​២​ឆ្នាំ​បន្ទាប់​។ គោល បំណង​នៃ​ការចំណាយ​ទឹកប្រាក់​នេះ​គឺ​ដើម្បី​បង្កើនល្បឿន​នៃ​ការបញ្ជូន ទិន្នន័យ​តាម​ខ្សែ Fibre Optic និង​ល្បឿន 4G mobile networks​។ នេះ​បើតាម​ការ​ឲ្យ​ដឹង​របស់​មន្ត្រី​រដ្ឋាភិបាល​ចិន​នៅលើ​គេហទំព័រ​របស់ ពួកគេ​។​
​ជាមួយគ្នា​នោះដែរ ក្រុមហ៊ុន​គ្រប់គ្រង​ប្រព័ន្ធ Wireless ចិន​ចំនួន​បី​ក៏​ត្រៀមខ្លួន​ក្នុងការ​ចូលរួម​ផងដែរ ដោយ​កាលពី​ខែ​មុន​ក្រុមហ៊ុន China Mobile Ltd, China Unicom (Hong Kong) Ltd និង China Telecom Corp Ltd បាន​និយាយថា ពួកគេ​នឹង​បញ្ចុះតម្លៃ ព្រមទាំង​បង្កើនល្បឿន​អ៊ីនធឺណិត​ក្នុងឆ្នាំនេះ​ដើម្បី​ផ្លាស់ អតិថិជន​ប្ដូរ​មក​ប្រើ​ប្រព័ន្ធ 4G ឲ្យ​កាន់តែច្រើន​។​
​គួរ​បញ្ជាក់ថា ចិន​ស្ថិតនៅក្នុង​ចំណាត់ថ្នាក់​ទី ៨២ នៃ​ល្បឿន​អ៊ីនធឺណិត យឺត​ជាង​ប្រទេស​ម៉ាឡេស៊ី ថៃ និង​កោះ​តៃវ៉ាន់​។ នេះ​បើតាម​ការ​គណនា​សេវា​ដែល​ផ្ដល់​ដោយ​ក្រុមហ៊ុន Akamai ដែល​ផ្អែកលើ​របាយការណ៍​នៅ​ត្រីមាស​ទី​៤​ឆ្នាំ​២០១៤៕

ព័ត៌មានលម្អិត
ចុះនៅថ្ងៃទី 21-05-2015, 12:56 PM, អាន 42ដង
ដោយ៖ធារ៉ា
​ខេត្តស្វាយរៀង
​៖​សាខា​កាំកុងត្រូល​ខេត្តស្វាយរៀង​នៅ​ព្រឹក​ថ្ងៃទី​២១​ខែឧសភា​ឆ្នាំ​២០១៥​នេះ​បាន​សហការ​ជាមួយ​មន្ទីរ​ពាណិជ្ជកម្ម​ខេត្តស្វាយរៀង​ចុះ​ត្រួតពិនិត្យ​មុខទំនិញ​ចំណីអាហារ​ការដាក់​កាលបរិច្ឆេទ​ផលិតផល​និង​កាលបរិច្ឆេទ​ផុតកំណត់​ប្រើប្រាស់​លើ​សំបក​វេច​ខ្ចប់​ដែល​ច្បាប់​ហាមឃាត់​។​
​លោក ផាត សា​វុ​ទ្ធ  អនុប្រធាន​សាខា​កាំកុងត្រូល​ខេត្តស្វាយរៀង បាន​មានប្រសាសន៍​ឲ្យ​ដឹងថា​៖ ការចុះ​ត្រួតពិនិត្យ​និង​ធ្វ​ការណែនាំ​ដល់​អាជីវករ​ហាមឃាត់​រប​ស់មុខ​ទំនិញ​ដែល​ខូចខាត​គុណ​ភព​គឺ​មិន​ដាក់តាំង​លក់​នោះទេ​។ ដោយឡែក​ចំពោះ​ចំណីអាហារ​ដែល​បានដាក់​លក់​នោះ​មន្ត្រី​យើង​បាន​ពិនិត្យ​កាលបរិច្ឆេទ​ផលិតផល​និង​កាលបរិច្ឆេទ​ផុតកំណត់​ការប្រើប្រាស់​ហើយ​ដាក់លក់​ចំណីអាហារ​ណា​ដែល​ហួស​សុពលភាព​នៃ​កា​ផលិត​នោះឡើយ​ហើយ​បើ​រកឃើញ​គឺ​ផ្នែក​ជំនាញ​នឹងធ្វើ​កំណត់ហេតុ​ដកហូត​តែម្តង​។​
​លោក​អនុប្រធាន​បន្តទៀតថា  កន្លងមក​ធ្លាប់ធ្វើ​ការណែនាំ​អាជីវក​មិន​ឲ្យ​ដាក់រ​លក់ទំនិញ​ដែល​ខូចគុណភាព​ធ្វើ​ឲ្យ​ប៉ះពាល់​សុខភាព​ដល់​ប្រជាពលរដ្ឋ និង​ធ្លាប់​ណែនាំ​អាជីវករ​នៅតាម​អគារ​លក់ទំនិញ​តាម​ទីផ្សារ​នានា​និង​នៅតាម​បណ្តា​ទីកន្លែង​សាធារណៈ​ផ្សេងៗ​ផងដែរ ។​
​លោក​បញ្ជាក់ថា ដើម្បី​ឲ្យ​អ្នកប្រើប្រាស់​និង​អ្នក​លក់បាន​យល់ដឹង​នូវ​ផលិតផល​ម្ហូបអាហា​រវេ​ច​ខ្ចប់​ស្រាប់​លក្ខខណ្ឌ​តម្រូវ​ជាធរ​មាននៃ​ស្លាក​សញ្ញា​មាន ឈ្មោះ​មុខទំនិញ ឈ្មោះ​អាស័យដ្ឋាន​អ្នកទទួលខុសត្រូវ​លើ​ផលិតផល ប្រភព​ច្បាស់លាស់​បរិមាណ​ទំងន់​ចំណុះ​លេខ​ឡូត៍ ថ្ងៃ​ផលិត​ថ្ងៃ​ផុតកំណត់​នៃ​ការប្រើប្រាស់​គ្រឿងផ្សំ​អត្រា​ជាតិ​អាល់កុល​វិធី​ប្រើប្រាស់​លិខិតអនុញ្ញាត​របស់​ស្ថាប័ន​មាន​សមត្ថកិច្ច​មុន​ដាក់​ឲ្យ​ចរាចរ​.​ស្លាក​សញ្ញា​សុ​វត្តិភាព​រឺ​ស្លាក​សញ្ញា​ស្តង់ដា​ផ្សេងៗ​និង​លក្ខខណ្ឌ​អនាម័យ​នៃ​កា​ដាក់តាំង​លក់​៕
ព័ត៌មានលម្អិត
ចុះនៅថ្ងៃទី 21-05-2015, 12:41 PM, អាន 47ដង
រាជធានី​ភ្នំពេញ​៖​ផ្ទះមួយ​ខ្នង​ត្រូវបាន​រង​ការខូចខាត​ដោយសា​អគ្គិភ័យ​មួយ​ បាន​កើតឡើង​កាលពី​វេលា​ម៉ោង​៧​និង​៣០​នាទី​ព្រឹក​ថ្ងៃទី​២០​ខែឧសភា​ឆ្នាំ​ ២០១៥​នេះ​នៅ​ភូមិក​សង្កាត់​ច្រាំង​ចំរេះ​២​ខណ្ឌ​ចំការ​ឫ​ស្សី​កែវ ស្ថិតនៅ​ខាងក្រោយ​សង្កាត់​តែម្តង​។ ​
    ប្រភពពីកន្លែងកើតហេតុបានអោយដឹងថា​មុន​កើតហេតុ​គេ​ឃើញ​ផ្សែង​ឆេះ​ទ្រលោម​ឡើង​យ៉ាង​ខ្មួលខ្មាញ់​បង្ក​ឲ្យ​មានការ​ភ្ញាក់ផ្អើលដល់​ប្រជាពលរដ្ឋរស់​នៅក្បែរនោះ​ភ័យ​ស្លន់ស្លោ​និង​បាននាំគ្នា​ជួយ​​ពន្លត់ជួយ​បាញ់​ទឹក​ព្រោះតែ​ខ្លាច​ភ្លើង​ឆាបឆេះ​រាលដាល​ដល់ផ្ទះ​របស់គេ​ឯង។ ហើយ​ការឆេះ​នេះ​គឺ​បណ្តាល​មូលហេតុ​មកពី​ការ​កំដៅ​ម្ហូប​ហើយ​ផ្ទុះ​កំប៉ុង​ហ្គាស។​ ​
          សមត្ថកិច្ច ​បាន​ឲ្យ​ដឹងថា ម្ចាស់ផ្ទះ​ឈ្មោះ ឡេះ​ណា ភេទ​ស្រី អាយុ​៣៦​ឆ្នាំ​មុខរបរ​អ្នកលក់​សាច់គោ នៅ​ផ្សារ​គីឡូម៉ែត្រ លេខ​៦​។ ក្នុងនោះ​ការខូចខាត​សំភារ​:​ប្រើប្រាស់​ខាងក្នុង ពុំទាន​អាច​កំណត់​បាន​នៅឡើយ​ទេ​។​ ​ក្នុងស្ថានភាព​នេះដែរ​ដោយ​ការសហការ​រវាង​ប្រជាពលរដ្ឋ​និង​កម្លាំង​ សមត្ថកិច្ច រួមទាំង​កម្លាំង​ប្រជា​ការពារ​មូលដ្ឋាន​នាំគ្នា​ជួយ​ពន្លត់​ទើប​រលត់​ជា​ស្ថាពរ និង​មិន​បង្ក​ឲ្យ​រាលដាល​ទៅផ្ទះ​អ្នកដទៃ ឬ​បង្ក​ឲ្យ​នរណាម្នាក់​រងរបួស​ឡើយ​៕ ​
 
ព័ត៌មានលម្អិត
ចុះនៅថ្ងៃទី 21-05-2015, 12:12 PM, អាន 56ដង
ដោយ៖កងដារ៉ា
​ខេត្តមណ្ឌលគិរី
​៖​យោងតាម​ប្រជាពលរដ្ឋ​រស់នៅ​ស្រុក​ពេ​ជ្រា​ដា ខេត្តមណ្ឌលគិរី​បាន​រាយការណ៍​ថា រយៈពេល​ជាង​២​ខែ​នេះ​គេ​បានឃើញ​វត្តមាន​លោក​ឧកញ៉ា សឹង សំអុល ដែលជា​ឈ្មួញ​ឈើ​ដ៏​ល្បីល្បាញ​ម្នាក់ រួមទាំង​បក្សពួក​បាន​ទៅ​ឈរជើង​ចាំ​ទិញ​ឈើ​គ្រប់​ប្រភេទ ហើយ​ស្តុក​ទុក​នៅ​ទីតាំង​របស់​ក្រុមហ៊ុន​វៀតណាម​មួយ​ឈ្មោះ ដាយ​ថា​ន់ ស្ថិតក្នុង​ភូមិ​ចុង​ផាង ឃុំ​ពូ​ជ្រៃ ស្រុក​ពេ​ជ្រា​ដា ដើម្បី​ដឹក​បន្ត​តាម​រថយន្ត ទៅ​លក់​នៅ​ប្រទេស​វៀតណាម​។​
    ប្រជាពលរដ្ឋ​បាន​ឲ្យ​ដឹងថា ក្រុមហ៊ុន​វៀតណាម​ដាយ​ថា​ន់​នេះ​ត្រូវបាន​រាជរដ្ឋាភិបាល​ដក​អាជ្ញាប័ណ្ណ​កាលពីពេល​ថ្មីៗ​នេះ ដោយសារតែ​កាប់បំផ្លាញ​ព្រៃឈើ​មិន​គោរព​តាម​កិច្ចសន្យា ប៉ុន្តែ​មកដល់ពេលនេះ​គេ​ឃើញ​ក្រុម​នៅតែ​បន្តធ្វើ​សកម្មភាព​កាប់បំផ្លាញ​ព្រៃឈើ ហើយ​កាប់​រហូតដល់​ព្រៃ​សហគមន៍​ថែមទៀត​។ ទន្ទឹម​នោះ​លោក​ឧកញ៉ា សឹង សំអុល ក៏ត្រូវ​បាន​គេ​ប្រទះឃើញ​មាន​វត្តមាន​ក្នុង​ទីតាំង​ក្រុមហ៊ុន​មួយ នេះដែរ​។ សកម្មភាព​របស់លោក​ឧកញ៉ា សឹង សំអុល គឺ​ប្រមូល​ទិញ​ឈើ​ពី​ក្រុម​ឈ្មួញ​មួយចំនួន​ដែល​កំពុង​កាប់បំផ្លាញ​ព្រៃឈើ​ក្នុង​ដីព្រៃ​សម្បទាន​របស់​ក្រុមហ៊ុន​ដាយ​ថា​ន់ ដែល​ត្រូវបាន​ដកហូត​អាជ្ញាប័ណ្ណ រួមទាំង​ព្រៃ​សហគមន៍​ក្នុងស្រុក​ពេ​ជ្រា​ដា​ថែមទៀត​។​
    តាម​ប្រជាពលរដ្ឋ​រាយការណ៍​ថា រណារយន្ត​ត្រង់សឺន័រ​រាប់រយ​គ្រឿង​ត្រូវបាន​គេ​ប្រើប្រាស់​ក្នុង​សកម្មភាព​កាប់បំផ្លាញ​ព្រៃឈើ​នៅ​ចំណុច​ភ្នំ​កុង ត្រពាំង​ខ្ញោ​ច ភ្នំ​សេ​វ៉ា អូរ​ខ្វាវ ជើង​រើ​ង ល្មា​ញ ស្រុក​កែវ​សីមា ខេត្តមណ្ឌលគិរី ហើយ​ឈើ​ទាំងនោះ​ត្រូវបាន​គេ​ដឹក​ចេញ​យកមក​លក់​ឲ្យ​ក្រុម​លោក​ឧកញ៉ា សឹង សំអុល ដែល​ឈរ​ចាំ​ទិញ​នៅ​ទីតាំង​ក្រុមហ៊ុន​ដាយ​ថា​ន់​។​
    ប្រភពព័ត៌មាន​មួយ​បាន​បញ្ជាក់ថា លោក​ឧកញ៉ា សឹង សំអុល ដែលជា​ឈ្មួញ​ឈើ​ដ៏​ល្បីល្បាញ​នេះ​ពីមុន​រកស៊ី​ឈើ​នៅ​ខេត្តក្រចេះ កំពង់ចាម និង​ត្បូងឃ្មុំ​ប៉ុណ្ណោះ ប៉ុន្តែ​ដោយសារតែ​គ្មាន​ឈើ​នៅក្នុង​ខេត្ត​ទាំង​៣​នោះ​ត្រូវគេ​កាប់​អស់​គ្មាន​សល់​នោះ លោក​ឧកញ៉ា សឹង សំអុល ក៏​ទៅ​កាប់​ឈើ​នៅ​ខេត្តមណ្ឌលគិរី​បន្តទៀត ខណៈដែល​ខេត្ត​មួយ​នេះ​មាននៅ​សេសសល់​ឈើ​ខ្លះ​នៅឡើយ ពិសេស​ព្រៃ​សហគមន៍​។​
      ប្រភព​ដដែល​បន្ថែមថា ឈើ​គ្រប់​ប្រភេទ​ប្រមាណ​រាប់ពាន់​ម៉ែត្រ​គីប​ក្នុង​មួយថ្ងៃៗ​ត្រូវបាន​ឧកញ៉ា សឹង សំអុល ទិញ​និង​ស្តុក​ទុក​ក្នុង​ទីតាំង​ក្រុមហ៊ុន​ដាយ​ថា​ន់ បន្ទាប់មក​គេ​ដឹក​តាម​រថយន្ត​ទៅកាន់​ប្រទេស​វៀតណាម​ជា​រៀងរាល់​យប់​មិនដែល​លោះ​នោះឡើយ​។​
    យ៉ាងណាក៏ដោយ​សកម្មភាព​កាប់បំផ្លាញ​ព្រៃឈើ​ដែល​បង្កដោយ​ក្រុម​លោក​ឧកញ៉ា​ខាងលើ​មិន​រំខាន​ដល់​សមត្ថកិច្ច​ជំនាញ​ទាំង​បរិស្ថាន និង​រដ្ឋបាល​ព្រៃឈើ​នោះឡើយ បើទោះជា​រថយន្ត​ដឹកឈើ​បើក​កាត់​ស្នាក់ការ​មន្ត្រី​បរិស្ថាន​ប្រចាំការ​នៅ​តំបន់​នោះ​ក៏ដោយ​។​
     សាធារណជន​បានធ្វើ​ការរិះគន់​យ៉ាងខ្លាំង​ចំពោះ​អាជ្ញាធរ និង​មន្ត្រី​ជំនាញ​ពាក់ព័ន្ធ​ដែល​មិន​យកចិត្តទុកដាក់​ក្នុងការ​បង្ក្រាប​បទល្មើស​ព្រៃឈើ​ដ៏​ធំ​សម្បើម​នោះ ហើយ​បណ្តោយ​ឲ្យ​ក្រុម​ឈ្មួញ​រកស៊ី​ឈើ​ដែល​សាធារណជន​បាន​ស្គាល់មុខ​ច្បាស់​នោះ​បន្តសកម្មភាព​ល្មើស​យ៉ាង​រលូន​ដូច្នេះ​។​
    ចំណែក​ប្រជាពលរដ្ឋ​សំខាន់​បងប្អូន​ជនជាតិភាគតិច​កំពុងតែ​បង្ហាញ​នូវ​ក្តី​ព្រួយបារម្ភ​អំពី​ការបាត់បង់​ព្រៃឈើ​សហគមន៍​របស់ខ្លួន ព្រោះថា បច្ចុប្បន្ននេះ​ព្រៃ​ក្នុង​ដី​សម្បទាន និង​ព្រៃ​នៃ​ដែន​ជម្រក​ការពារ​រលាយ​ស្ទើរ​គ្មាន​សល់​ទៅហើយ ហើយ​នៅសល់​តែព្រៃ​សហគមន៍​ប៉ុណ្ណោះ​។ ដូច្នេះ​បើ​គេ​បណ្តោយ​ឲ្យ​ឈ្មួញ​ឈើ​គ្រាក់ៗ​ដូច​ឧកញ៉ា សឹង សំអុល នេះ​កាប់បំផ្លាញ​ព្រៃឈើ​បន្តទៀត​ដូច​សព្វថ្ងៃនេះ​ប្រាកដជា​ហិនហោច​អស់​គ្មាន​សល់​ឡើយ​៕
ព័ត៌មានលម្អិត
ចុះនៅថ្ងៃទី 21-05-2015, 11:16 AM, អាន 54ដង
​ខេត្តបន្ទាយមានជ័យ​៖​កម្លាំង​កងរាជអាវុធហត្ថ​ខេត្តបន្ទាយមានជ័យ​បាន​ឃាត់ខ្លួន​បុរស​ម្នាក់​តាម​ពាក្យ​របស់​ស្ត្រី​ម្នាក់​ចោទ​ពីបទ​ប៉ន​ប៉ង​រំលោភ​សេពសន្ថវៈ​កាលពី​ថ្ងៃទី​២០ ខែឧសភា ឆ្នាំ​២០១៥​។​
​យោងទៅតាម​ពាក្យបណ្តឹង​របស់​ស្ត្រី​ម្នាក់​ឈ្មោះ សារុន ប៊ុន​ថង អាយុ​២៣​ឆ្នាំ រស់នៅ​ភូមិ​ស្ទឹង​បត់ សង្កាត់​ផ្សារកណ្តាល ក្រុង​ប៉ោយប៉ែត ខេត្តបន្ទាយមានជ័យ បាន​ប្តឹង​ធ្វើការ​ចោទប្រកាន់​ឈ្មោះ វ៉ាង វួ​ច​ភេទ​ប្រុស​អាយុ​៣០​ឆ្នាំ រស់នៅ​ភូមិ​កំណ​ព្វ ឃុំ​តា​ប៉ែន​ស្រុក​ស្វាយចេក ខេត្តបន្ទាយមានជ័យ​បានធ្វើការ​ប៉ុនប៉ង​រំលោភ​មិនបាន​សម្រេច​លើ​នាង​។​
​    ​ហេតុការណ៍​ចាប់រំលោភ​មិនបាន​សំរេច​នៅវេលា​ម៉ោង​១២​អធ្រាត្រ​ថ្ងៃទី​១៩​ខែឧសភា ឆ្នាំ​២០១៥​នៅ​ចំណុច​ភូមិ​ស្ទឹង​បត់ សង្កាត់​ផ្សារកណ្តាល ក្រុង​ប៉ោយប៉ែត ខេត្តបន្ទាយមានជ័យ​។ លោក​ឱ បូ​រិន្ទ​មរ​បញ្ជាការ​កងរាជអាវុធហត្ថ​ខេត្តបន្ទាយមានជ័យ​បាន​ឲ្យ​ដឹងថា​តាម ការបំភ្លឺ​របស់​ជនរ​ង​គ្រោះ​បាន​ឲ្យ​ដឹងថា​នៅ​ថ្ងៃទី​១៧​ខែឧសភា​ឆ្នាំ​២០១៥ នោះ​ឈ្មោះ​វ៉ាង វួ​ច​បាន​មកសុំ​ស្នាក់នៅ​បណ្តោះអាសន្ន​ជាមួយ​ជនរងគ្រោះ​ចំនួន​៣​ថ្ងៃ​លុះ​នៅ ម៉ោង​១២​យប់​ថ្ងៃទី​១៩​ឈ្មោះ​វ៉ាង​វួ​ច​បាន​ចូលទៅក្នុង​បន្ទប់ដេក​របស់​ជនរ ង​គ្រោះ​បំរុង​ឡើងលើ​គ្រែ​និង​ធ្វើការ​ចាប់រំលោភ​នាង​ពេលនោះ​ជនរងគ្រោះ​បាន ភ្ញាក់​ស្ទុះ​ចេញមកក្រៅ​ទាន់ពេលវេលា​រួច​រត់​ទៅប្តឹង​កងរាជអាវុធហត្ថ​ក្រុង ប៉ោយប៉ែត​ឲ្យ​ចុះមក​ចាប់​តែម្តង​។
​    ​លោក ឱ បូ​រិន្ទ បាន​និយាយ​បន្តថា បើតាម​ចំលើយសារភាពរ​បស់ជនស​ង្ស័​យ​បាន​និយាយថា ខ្លួន​ពិតជា​បាន​ប្រព្រឹត្ត​អំពើ​ប៉ុនប៉ង​រំលោភ​ទៅលើ​ឈ្មោះ​សារុណ ប៊ុន​ថង​កាលពី​ថ្ងៃទី​១៩​ខែឧសភា​ឆ្នាំ​២០១៥​កន្លងមក​ពិតប្រាកដ​ម៉ែន​ព្រោះ រយះពេល​កន្លងមក​ឈ្មោះ​ថង​នេះ​ធ្លាប់មាន​ការទំនាក់ទំនង​គ្នា​តាម​ផ្លូវភេទ ទើប​គេ​ហ៊ាន​បើក​មុង​ប៉ុនប៉ង​ចាប់រំលោភ​យ៉ាង​ដូច្នេះ​។​លោក​ឪ​បូ​រិន្ទ បានបញ្ជាក់​ទៀតថា​ជន​ល្មើស​ត្រូវបាន​កំលាំង​អាវុធហត្ថ​ខេត្ត​កសាង​សំណុំរឿង បញ្ជូនទៅ​តុលាការ​ដើម្បី​ដាក់ទោស​ទៅតាម​ផ្លូវច្បាប់​៕

ព័ត៌មានលម្អិត
ចុះនៅថ្ងៃទី 21-05-2015, 11:02 AM, អាន 41ដង
រាជធានី​ភ្នំពេញ​៖​បុរស​ជនជាតិ​ចិន​ម្នាក់​សង្ស័យ​ស្រវឹង​វង្វេងស្មារតី​បាន​បើករថយន្ត​កាមរី​ឆ្លាម​មួយគ្រឿង​ដេញ​បុក​គេ​ពេញ​ស្ថានីយប្រេងឥន្ធនៈ​កាល់​តិច​កែង​ស្ដុ​ប​បូក​គោក បង្ក​ការភ្ញាក់ផ្អើល​ដល់​សមត្ថ​កិច្ច​ចុះមក​អន្តរាគមន៍​។ ហេតុការណ៍​នេះ​កើតឡើង​កាលពី​វេលា​ម៉ោង​៣ និង​៣០​នាទី​ទៀបភ្លឺ​ថ្ងៃទី​២១​ខែឧសភា​ឆ្នាំ​២០១៥ នៅ​បរិវេណ​ស្ថានីយប្រេងឥន្ធនៈ​កាល់​តិច​ស្ដុ​ប​បូកគោ ស្ថិតក្នុង​សង្កាត់​ទន្លេបាសាក់ ខណ្ឌចំការមន​។​
​ប្រភពព័ត៌មាន​អោយដឹងថា នៅ​មុនពេល​កើតហេតុ​គេ​ឃើញ​បុរស​ជនជាតិ​ចិន​ម្នាក់​បើករថយន្ត​កាមរី​ឆ្លាម​មួយគ្រឿង ពណ៌​ទឹកប្រាក់ ពាក់​ស្លាក​លេខ ភ្នំពេញ 2AB-7248 មិនដឹង​បើក​មកពីណា​នោះទេ ក៏​មក​ឈប់​នៅ​បរិវេណ​ស្ថានីយប្រេងឥន្ធនៈ​កាល់​តិច​ស្ដុ​ប​បូកគោ​មួយសន្ទុះ​ហើយ​រោទិ៍​ម៉ាស៊ីនរថយន្ត​យ៉ាងខ្លាំង​បំរុង​បុក​ចូល​កន្លែង​ដែល​ភ្ញៀវ​កំពុងតែ​អង្គុយ​ញ៉ាំ​អី ហើយក៏​ជាន់​ហ្វ្រាំង​ជាប់ រួច​ក៏​ថយ​រថយន្ត​ទៅវិញ​ធ្វើអោយ​ភ្ញៀវ​នៅ​ទីនោះ​រត់​ចែក​ជើង​គ្នា​ព្រាត ហើយក៏​ប្ដឹង​សមត្ថកិច្ច​សុំ​ការអន្តរាគមន៍​។​
​បន្ទាប់ពី​កើតហេតុ​សមត្ថកិច្ច​ក៏បាន​មកដល់​កន្លែងកើតហេតុ ហើយ​បុរស​ជនជាតិ​ចិន​រូបនោះ​ក៏បាន​ឈប់​រថយន្ត​និយាយ​គ្នា​ជាមួយ​សមត្ថកិច្ច​ទោះបី​សមត្ថកិច្ច​អោយ​បើករថយន្ត​ចេញ​ក៏​មិន​ព្រម ហើយ​និយាយ​មិន​ស្ដាប់​គ្នា​ឡើយ មួយសន្ទុះ​ក្រោយមក​សមត្ថកិច្ច​ក៏បាន​និយាយ​ណែនាំ​ទៅ​បុរស​នោះ​ហើយក៏​បានអោយ​បើករថយន្ត​ត្រឡប់ទៅផ្ទះ​វិញ​ទៅ ដោយ​មិនបាន​ឃាត់ខ្លួន​អ្វី​នោះទេ ដោយសារ​ពុំមាន​បង្ករ​បួស​ស្នាម​ដល់​នរណា​ឬក៏​ខូចខាត​ទ្រព្យសម្បត្តិ​អ្វី​ដែរ​៕

ព័ត៌មានលម្អិត
ចុះនៅថ្ងៃទី 21-05-2015, 10:55 AM, អាន 44ដង
​រាជធានី​ភ្នំពេញ​៖​រហូតមកដល់​ម៉ោង​៩ និង​៣០​នាទី ថ្ងៃទី​២១ ឧសភា​នេះ អគ្គិភ័យ​ដែល​ឆាបឆេះ​ផ្ទះ​ប្រជាពលរដ្ឋ​នៅក្រោយ​រោងកុន​លុ​ច្ស ស្ថិតក្នុង​សង្កាត់​ជ័យជំនះ ខណ្ឌដូនពេញ ត្រូវបាន​អន្តរាគមន៍​បាញ់​ទឹក​ពន្លត់​ទាំ​ស្រុង​ដោយ​ប្រើ​ឡានទឹក​អស់​ចំនួន​៤​ឡាន​៕
ព័ត៌មានលម្អិត
ចុះនៅថ្ងៃទី 21-05-2015, 10:41 AM, អាន 44ដង
​រាជធានី​ភ្នំពេញ​៖​បុរស​ជនជាតិ​វៀតណាម​ម្នាក់​ត្រូវបាន​សមត្ថកិច្ច​ប៉ុស្តិ៍​ទន្លេបាសាក់​ឃាត​ខ្លួន ខណៈ​ធ្វើ​សកម្មភាព​ដាក់​ថ្នាំ​ស​ណ្តុំ​នារី​បរទេស​ម្នាក់​ប៉ុនប៉ង​ប្លន់​យក​កាបូប​និង​វត្ថុ​មានតម្លៃ ។ ហេតុការណ៍​នេះ​កើត​នៅវេលា​ម៉ោង​២ និង​១០​នាទី រំលងអធ្រាត្រ​ឈានចូល​ថ្ងៃទី​២១ ខែឧសភា ឆ្នាំ​២០១៥ នៅ​ចំណុច​នាគ​បាញ់​ទឹក តាម​បណ្តោយ​ផ្លូវ​សុធារស់ ស្ថិតក្នុង​សង្កាត់​ទន្លេបាសាក់ ខណ្ឌ​ចំកា​មន ។​
​ប្រភពព័ត៌មាន​បានអោយ​ដឹងថា​នៅ​មុនពេល​កើតហេតុ​មាន​បុរស​ជនជាតិ​វៀតណាម​២​នាក់​ប៉ុនប៉ង​ដាក់​ថ្នាំ​នារី​ជនជាតិ​បរទេស​ម្នាក់​ដើម្បី​យក​កាបូប​និង​វត្ថុ​មានតម្លៃ​តែ​សំណាងល្អ​នៅពេលដែល​នារី​ជនជាតិ​បរទេស​នោះ​លេខ​ថ្នាំ​បានតែ​៣​គ្រាប់​ក៏ត្រូវ​បាន​អ្នករត់​ម៉ូតូ​កង់​បី​ប្រទះឃើញ​ក៏​ជួយ​ទំនាក់ទំនង​ទៅ​សមត្ថកិច្ច​អោយ​ចុះមក​កន្លែងកើតហេតុ​ភ្លាមៗ​នោះ​ជនជាតិ​វៀតណាម​បានដឹងខ្លួន​ទាន់ពេល​ក៏​ព្យាយាម​រត់គេចខ្លួន ។​
 ក្រោយពេល​កើតហេតុ​សមត្ថកិច្ច​បាន​ធ្វើការ​ឃាត់ខ្លួន​បុរស​ជនជាតិ​វៀតណាម​បាន​ម្នាក់​យកទៅ​សាកសួរ​នៅ​ប៉ុ​សិ៍​នគ​បាល​រដ្ឋបាល​ទន្លេបាសាក់ ចំណែក​នារី​ជនជាតិ​បរទេស​នៅពេលដែល​ឃើញ​សមត្ថកិច្ច​ចុះមក​គាត់​ក៏បាន​ដើរ​ចេញពី​កន្លែងកើតហេតុ​ទៅ​បាត់​៕

ព័ត៌មានលម្អិត
ចុះនៅថ្ងៃទី 21-05-2015, 10:09 AM, អាន 51ដង
ខេត្តបន្ទាយមានជ័យ​៖​កូន​តុងទីន​ប្រមាណ​ជិត​១០០​នាក់​បាន​លើកគ្នា​ទៅ​ឡោមព័ទ្ធ​ផ្ទះ​មេ​តុង​ទិន​ហើយ ចោទប្រកាន់ថា​មេ​តុង​ទី​ប្រមូល​លុយ​ហើយ​រត់គេចខ្លួន​បាត់​នៅ​បន្សល់​តែ​ប្តី​នៅចាំ​ផ្ទះ​។ ករណី​លើក​មក​ព័ទ្ធ​ផ្ទះ​នេះ​កើតឡើង​កាលពី​វេលា​ម៉ោង​១១ និង​៤០​នាទី​ថ្ងៃត្រង់ ថ្ងៃទី​២០​ខែ ឧសភា ២០១៥ ស្ថិតនៅ​ភូមិ​ក្បាលស្ពាន​២ សង្កាត់​-​ក្រុង​ប៉ោយប៉ែត​ខេត្តបន្ទាយមានជ័យ​។​
​តាម​ការអះអាង​ពី​ស្ត្រី​វ័យ​ជាង​៥០​ឆ្នាំ​ម្នាក់​ឈ្មោះ ចែ លាង ដែល​ត្រូវជា​ម្តាយ​មេ​តុងទីន​បាន​ឲ្យ​ដឹងថា កូន​របស់គាត់​មិនបាន​រត់ចោលស្រុក​ទេ​គឺ​នាង​ទៅ​ព្យាបាល​ជំងឺ​នៅ​ប្រទេស​ថៃ​។ ស្ត្រី​ម្នាក់​ជា​កូន​តុងទីន​បាន​និយាយប្រាប់​សារពត៌មាន​ថា ពួកគាត់​មកនេះ​ដោយសារ​ឮ​តៗ​គ្នា​ថា​មេ​តុងទីន​ឈ្មោះ​ថូ​យ​បាន​រត់គេចខ្លួន​ហើយ​ពួកគាត់​ទាំងអស់​នាំគ្នា​មក​ទារលុយ​យក​វិញ​ក្នុង​ម្នាក់ៗ​អស់​២​លាន​បាត ខ្លះ​៥០​ម៉ឺន​បាត​តាម​អ្នកលេង​តិច​ឬ​ច្រើន​ក្បាល​។​
         ស្ត្រី​ចាស់​ម្នាក់​ឈ្មោះ ចែ លាង តំណាង​ឲ្យ​កូនស្រី​បាន​បើកទ្វារ​របង​ដេញ​ជះ​ទឹក​ចេញពី​ក្នុងផ្ទះ​ឲ្យ​អ្នកកាសែត​ថត ដោយ​និយាយថា រឿង​ទាំងអស់នេះ​គាត់​កំពុងតែ​រក​វិធី​ដោះស្រាយ​ហើយ ចំណែក​កូន​តុងទីន​កំពុង​ឈរ និង​អង្គុយ​រង់ចាំ​មេ​តុងទីន​នោះ​សូម​ត្រឡប់​ទៅវិញ​សិន​ចុះ​មិនបាច់​មក​ឡោម​ព​ន្ធ័​ផ្ទះ​គាត់​ឡើយ​។​
       ឈ្មោះ ចែ លាង តំណាង​កូន​បាន​និយាយថា ចាំ​កូន​គាត់​ត្រឡប់​មកពី​ព្យាបាល​ជំងឺ​ពី​ប្រទេស​ថៃ​សិន​កូន​គាត់​មិន​រត់​ទេ​ដោយសារ​កូន​របស់គាត់​ឈឺ​បំពង់​ត្រូវ​កាត់​រយៈ​២​ខែ​ឯណោះ​ការរំសាយ​មេ​តុងទីន ជាមួយ​កូន​នោះ​មិន​ពិតប្រាកដ​ឡើយ​។ រងចាំ​កូន​តុងទីន​បង់លុយ​ឲ្យ​កូន​គាត់​បាន​៥០%​ហើយ​កូន​គាត់​ត្រឡប់មកវិញ​គឺ​គាត់​សុំ​បង់​ឲ្យ​កូន​តុង​ទិន​តែ​៥./.​ដូចគ្នា​គឺ​អស់​១​ម៉ឺន​បាត​ត្រូវបាន​៥​ពាន​បាត​ទេ​ព្រោះ​រឿង​មានកូន​ខ្លះ​មិន​ព្រម​បង់លុយ​ឲ្យ​មេ​តុងទីន​។​
      បុរស​ម្នាក់​ឈ្មោះ​មាក់​ត្រូវជា​ប្តី​របស់​មេ​តុងទីន​និយាយថា រឿង​ទាំងអស់​ប្រពន្ធ​មេ​តុងទីន​មិន​ពាក់​ព​ន្ធ័​ជាមួយ​ប្តី​ឡើយ​ការ​បង់លុយ​ជា​រឿង​របស់​កូន​និង​មេ​ទេ​កំ​មករក​រឿង​គេ​ជា​នៅផ្ទះ​ចំពោះ​កិច្ចសន្យា​លេង​តែ​ក្រុម​គ្នា​ឯ​ទេ​មិន​ពាក់ព័ន្ធ​ជាមួយ​ខ្ញុំ​ឡើយ​៕
ព័ត៌មានលម្អិត
ចុះនៅថ្ងៃទី 21-05-2015, 09:38 AM, អាន 42ដង
​រាជធានី​ភ្នំពេញ​៖​កាលពី​វេលា​ម៉ោង​៨ និង​៥០​នាទី​ព្រឹក​ថ្ងៃទី​២១​ឧសភា​នេះ អគ្គិភ័យ​បាន​ឆាបឆេះ​ផ្ទះ​ប្រជាពលរដ្ឋ​នៅក្រោយ​រោង​គុន​លុ​ច្ស​នៅផ្ទះ​ល្វែង​ជាន់​ទី​២ ផ្ទះ​លេខ​១៧២  ស្ថិតក្នុង​សង្កាត់​ជ័យជំនះ ខណ្ឌដូនពេញ សកម្មភាព​នៃ​ក្រុម​ពន្លត់​អគ្គិភ័យ​កំពុង​បាញ់​ពន្លត់ភ្លើង​ដដែល​កំពុង​ឆេះ សង្កាត់​ជ័យជំនះ ខណ្ឌដូនពេញ ។​
​បើ​យោងតាម​ប្រភពព័ត៌មាន​បាន​ឲ្យ​ដឹងថា ការឆេះ​នេះ​អាច​បណ្តាលមកពី​ទុសេ​ចរន្តអគ្គិសនី​ចេញពីផ្ទះ​អាជីវកម្ម​ផ្សារ​ដែក​៕
ព័ត៌មានលម្អិត
ចុះនៅថ្ងៃទី 21-05-2015, 08:59 AM, អាន 47ដង
​រាជធានី​ភ្នំពេញ​៖មនុស្ស​មួយ​គ្រួសារ​មាន​គ្នា​៤​នាក់ ប្តី​ប្រពន្ធ និង​កូនស្រី​២​នាក់​ទៀត​បាន​ស្លាប់ និង​ផ្ទះ​៣​ខ្នង​ត្រូវបាន​អគ្គិភ័យ​ឆាបឆេះ​កាលពី​វេលា​ម៉ោង​៤ និង​៣០​នាទី​ទៀបភ្លឺ​ថ្ងៃទី​២១ ខែឧសភា ឆ្នាំ​២០១៥​នេះ នៅ​ចំណុច​ផ្លូវ​៩២ ភូមិ​ច្រេះ សង្កាត់​ភ្នំពេញ​ថ្មី ខណ្ឌ​សែន​សុខ រាជធានី​ភ្នំពេញ ។​
​ជនរងគ្រោះ​ដែល​ស្លាប់​រួមមាន​ឈ្មោះ គឹម ចាន់​រ័ត្ន អាយុ​៣៧​ឆ្នាំ មុខរបរ​លក់ដូរ ជា​ប្តី , ឈ្មោះ សែន សុផល អាយ​៣៦​ឆ្នាំ មុខរបរ​ជា​គ្រូបង្រៀន ជា​ប្រពន្ធ​, ឈ្មោះ គឹម ណា​រី ភេទ​ស្រី អា​១០​ឆ្នាំ និង​ឈ្មោះ គឹម សួស្តី ភេទ​ស្រី អាយុ​៨​ឆ្នាំ ត្រូវជា​កូន ។ កូនស្រី​ទាំង​២​បាន​ស្លាប់ នៅ​ជាន់​ឡៅតឿ ចំណែក​ឪពុកម្តាយ​បាន​ស្លាប់​នៅ​ខាងក្រោម​។​
​តាម​ការអះអាង​របស់​សមត្ថកិច្ច​ថា អគ្គិភ័យ​នេះ​អាច​បណ្តាលមកពី​ទុស្សេ​ខ្សែភ្លើង ដែល​ផ្តើម​ចេញពីផ្ទះ​សង់​អំពី​ឈើ​លើ ថ្ម​ក្រោម របស់​ជនរងគ្រោះ និង​រាលដាល​ឆាបឆេះ បន្តទៅ​លំនៅដ្ឋាន​ចំនួន​២​ទៀត ។ ដោយសារ​ស្ថានភាព​ភ្លើង មាន​លក្ខណៈ​សន្ធោសន្ធៅ​ខ្លាំង ការជួយ​អន្តរាគមន៍​មិន អាច​ទប់​សភាពការណ៍​បាន ក៏​បណ្តាល​ឲ្យ​មនុស្ស​៤​នាក់​បាន​ស្លាប់ ទាំង​គ្រួសារ ។​
​ប្រភព​បាន​បន្តថា ក្នុងករណីនេះ​បាន​ប្រើ​រថយន្ត​ពន្លត់​អគ្គិភ័យ​អស់​ចំនួន​៧​គ្រឿង​។  ពេលនេះ​សមត្ថកិច្ច​មិនទាន់ ប៉ាន់ប្រមាណ​បាន​ថា ទ្រព្យសម្បត្តិ​ជនរងគ្រោះ ខូចខាត​មាន​ចំនួន​ប៉ុន្មាន នោះឡើយ ៕

ព័ត៌មានលម្អិត
ចុះនៅថ្ងៃទី 21-05-2015, 08:26 AM, អាន 54ដង
ខេត្តស្វាយរៀង​៖​នៅ​រសៀល​ថ្ងៃទី​២០​ខែឧសភា​ឆ្នាំ​២០១៥ សមត្ថកិច្ច​ចម្រុះ​ដឹកនាំ​ដោយ​លោក​ព្រះរាជអាជ្ញារង​អម​សាលាដំបូង​ខេត្តស្វាយរៀង មន្ត្រី​សាខាគយ និង​រដ្ឋាករ​ខេត្ត នគរបាល​ប្រឆាំង​បទល្មើស​សេដ្ឋកិច្ច បានធ្វើការ​ឆែកឆេរ​និង​ត្រួតពិនិត្យ​រថយន្ត​ទេសចរណ៍​ប្រភេទ​៤៥​កៅអី​ដែល​ពាក់​ស្លាក​លេខ ភ្នំពេញ 3C 6336 របស់​១៥Sh  ប្រទះឃើញ​មុខទំនិញ​ជាច្រើន​ប្រទេស​ដែល​បាន​បង្កប់​ក្នុង​រថយន្ត​នោះ​ប្រមាណ​ជាង​២០​តោន​។​
​សមត្ថកិច្ច​បាន​ឲ្យ​ដឹងថា​៖​មុខទំនិញ​ដែល​កំលាំងចម្រុះ​រកឃើញ​រួមមាន សំលៀកបំពាក់ ទ្រនាប់ជើង ឡេ​លាប​ខ្លួន ម្ជុលដេរ ស្ទីក​ឃ័​រ គ្រឿង​ខ្ចៅ និង​ប្រភេទ​មុខទំនិញ​ជាច្រើន​មុខ​ទៀត​ដោយមាន​ប្រភេទ​ទំនិញ​ខ្លះ​មាន​បង្កាន់ដៃ​បង់ពន្ធ​នាំចូល ខ្លះ​គ្មាន​បង្កាន់ដៃ​បង់ពន្ធ​ជា​ប្រភេទ​លួចលាក់​បង្កប់​រកស៊ី​ខុសច្បាប់​ហើយ​នាំចូល​យ៉ាង​រលូន​ពី​ទីក្រុង​ហូជីមិញ​ទៅ​រាជធានី​ភ្នំពេញ​តាម​ច្រកទ្វារ​អន្តរជាតិ​បាវិត​។​
​ក្រោយ​ធ្វើការ​ឆែកឆេរ​ត្រួតពិនិត្យ​រួច​កំលាំងចម្រុះ​បាន​កសាង​សំណុំរឿង​ធ្វើការ​ដកហូត​យកទៅរ​ក្សា​ទុក​ដើម្បី​ចាត់ការ​នីតិវិធី​ច្បាប់​។​ដោយឡែក​អ្នក​ដែល​ឃើញ​ការឆែកឆេរ​ពី​សំណាក់​សមត្ថកិច្ច​ចម្រុះ​បាន​និយាយថា​៖​បើ​កុំ​តែមាន​គ្រោះថ្នាក់​ចរាចរណ៍​នេះ​កើតឡើង​ហើយ​សមត្ថកិច្ច​ឆែកឆេរ​រកឃើញ​ទំនិញ​ល្មើសច្បាប់​ដូច្នេះ​ទើប​បែកធ្លាយ​រឿង​រថយន្ត​ទេសចរណ៍​ឆ្លងកាត់​ព្រំដែន​ដឹកទំនិញ​រត់ពន្ធ​ដូច​ច្នេះ​ហើយ​ទំរាំ​ចាប់បាន​ពេលនេះ​ពុំ​ដឹង​ជាមាន​រថយន្ត​ទេសចរណ៍​ប៉ុន្មាន​គ្រឿង​ទេ​ដែល​និយម​ដឹកទំនិញ​បង្កប់​ដូច​ច្នេះ​?៕
ព័ត៌មានលម្អិត
ចុះនៅថ្ងៃទី 20-05-2015, 03:59 PM, អាន 79ដង
រាជធានី​ភ្នំពេញ៖​សម្តេចនាយក​រដ្ឋមន្ត្រី​ហ៊ុនសែន​បាន​ប្រាប់​ឲ្យ រដ្ឋមន្ត្រីក្រសួង​សេដ្ឋកិច្ច​និង​ហិរញ្ញវត្ថុ ពិភាក្សា​ជាមួយ​គណៈកម្មាធិការ​ជាតិ​រៀបចំ​ការបោះឆ្នោត​(​គ​.​ជ​.​ប​)​ស្តីពី ការស្នើសុំ​កញ្ចប់​ថវិកា​សម្រាប់​ប្រើប្រាស់​នៅក្នុង​ការងារ របស់ខ្លួន​មុននឹង​ដាក់​ស្នើ​ទៅ​រាជរដ្ឋាភិបាល​។
​    ​ការ​ថ្លែង​របស់​សម្តេច ហ៊ុន សែន ធ្វើឡើង​ក្នុងឱកាស​ដែល​សម្តេច​ចូលរួម​ក្នុង​កិច្ចប្រជុំ​ត្រួតពិនិត្យ ប្រចាំឆ្នាំ​នៃ​កម្មវិធី​កែទម្រង់​ការ គ្រប់គ្រង​ហិរញ្ញវត្ថុ​សាធារណៈ នា​ព្រឹក​ថ្ងៃទី​២០ ខែឧសភា​នេះ ។
​    ​សម្តេច​បញ្ជាក់ថា រដ្ឋាភិបាល​មានការ​លំបាក​ក្នុងការ ផ្តល់​ថវិកា​ដល់​ស្ថាប័ន​ឯករាជ្យ​មួយចំនួន ក្នុងនោះ​មាន​រដ្ឋសភា ព្រឹទ្ធសភា ក្រុមប្រឹក្សា​រដ្ឋា​ធម្មនុញ្ញ និង​គ​.​ជ​.​ប ជាដើម​។ សម្តេច​បន្តថា​គោលការណ៍​ឯករាជ្យ​នេះ​អាចអនុវត្ត​បានតែ​សម្រាប់​មុខងារ​ទេ តែ​មិនអាច​បាន​ក្នុងការ​ចាយវាយ​ថវិកា​ឡើយ ដោយសារ​ត្រូវសុំ​ថវិកា​ពី​រដ្ឋាភិបាល​។
​    ​សម្តេច ហ៊ុន សែន បាន​ថ្លែង​ឲ្យ​ដឹងថា ថ្មីៗ​នេះ គ​.​ជ​.​ប ទើបតែនឹង​បញ្ជូន​សេចក្តីស្នើសុំ​កញ្ចប់​ថវិកា ដើម្បី​ប្រើប្រាស់ តែ​សម្តេច​សុំ​ឲ្យ​រដ្ឋមន្ត្រីក្រសួង​សេ​ដុ្ឋ​កិច្ច ចរចា​ជាមុនសិន​លើ​កិច្ចការ​នេះ ដើម្បី​ធានាថា​ការចំណាយ​មួយ​សមរម្យ​។ សម្តេច​បាន​ឲ្យ​ដឹង​ទៀតថា កន្លងទៅ ដោយសារ​រដ្ឋមន្ត្រីក្រសួង​យុត្តិធម៌​ជា​សមាជិក​នៃ​ឧ​ត្ត​ម​ក្រុមប្រឹក្សា អង្គចៅក្រម ដូច្នេះ​ការចរចា​រឿង​ប្រាក់ខែ​មិនមាន​ជា​បញ្ហា​នោះទេ ៕

ព័ត៌មានលម្អិត
ចុះនៅថ្ងៃទី 20-05-2015, 03:48 PM, អាន 111ដង
​ខេត្តស្វាយរៀង​៖​មន្ត្រី​សាលាដំបូង​ខេត្តស្វាយរៀង​បាន​ឲ្យ​ដឹងថា  អ្នកបើកបរ​ជនជាតិ​វៀតណាម​ដែល​បើកឡាន​បុក​ស្លាប់​ជិត​២០​នាក់​នៅ​ស្វាយរៀង​កាលពី​ថ្ងៃ​១៩ ឧសភា ត្រូវ​តំណាង​អយ្យការ លោក អ៊​ង រី ចោទប្រកាន់​នៅ​ព្រឹក​ថ្ងៃទី​២០ ឧសភា​នេះ ពីបទ​ធ្វើ​ឲ្យ​មនុស្ស​ស្លាប់​ច្រើន​នាក់​ដោយ​អ​ចេតនា ហើយ​បាន​រុញ​សំណុំរឿង​បន្តទៅ​ចៅក្រម ហេង ផល្លា ដើម្បី​សម្រេច​បញ្ជូនទៅ​ឃុំខ្លួន​ក្នុង​ពន្ធនាគារ​នា​ល្ងាច​ថ្ងៃទី​២០ ឧសភា ២០១៥៕
ព័ត៌មានលម្អិត
ចុះនៅថ្ងៃទី 20-05-2015, 03:42 PM, អាន 73ដង
សម្រស់​៖​មនុស្ស​អាយុ​ចាប់ពី ៥០ ឆ្នាំ​ឡើងទៅ មនុស្ស​ស្បែក​ស្តើង និង​ប៉ះពាល់​នឹង​កាំរស្មី​យូ​វី​ច្រើន​។ ស្នាម​អ៊ុច​ប្រភេទ​នេះ កើតឡើង​ដោយសារតែ​វា​ផ្ទុក​ទៅដោយ​ជាតិ Melanin ដែលជា​សារធាតុ​បំពាក់​ពណ៌ ស្ថិតនៅ​ខាងលើ​គេ​បង្អស់ នៃ​ស្រទាប់​ស្បែក ដែល​វា​អាចមាន​ប្រតក​ម្ម និង​បង្កើតជា​ស្នាម​អ៊ុច​ខ្មៅៗ​បែបនេះ​បាន​។ នេះ​ជា​វិធីសាស្ត្រ​មួយចំនួន​ដែល​អាច​បំបាត់​វា​បាន​៖
​លាបទឹក​ក្រូចឆ្មារ លើ​ស្នាម​អ៊ុចៗ​នោះ ផ្ទាល់​តែម្តង
​ទឹកក្រូច​ឆ្មារ ផ្ទុក​ទៅដោយ​ជាតិ​អាស៊ីត​ម្យ៉ាង ដែល​អាច​ទៅ​បំបែក​សារធាតុ Melanin បាន ដូច្នេះ វា​នឹង​កាត់បន្ថយ​ការចេញ​ស្នាម​អ៊ុចៗ​នេះ ចាប់ពី​រយៈពេល​មួយ​ទៅ​ពី​ខែក្រោយ​។ វីតាមីន C ក្នុង​ក្រូចឆ្មារ ប្រហែលជា​ផ្តល់​ភាពស្រស់ស្អាត ដល់​ស្បែក​ផងដែរ​។ ចូរ​កាត់​ក្រូចឆ្មារ​ជា​បន្ទះ ហើយ​យក​វា​ដាក់​ទៅលើ​កន្លែង​ណា ដែលមាន​ស្នាម​អ៊ុច​ខ្មៅៗ​ផ្ទាល់ បន្ទាប់មក ទុកចោល​ប្រមាណ ៣០ នាទី ចាំ​លាង​ចេញ​។
​ចូរ​ប្រយ័ត្ន​អំពី​ការប្រើ​ទឹកក្រូច​ឆ្មា​ជាមួយនឹង​ការប៉ះពាល់​នឹង ពន្លឺព្រះអាទិត្យ ព្រោះ​កាលណា​មានទឹក​ក្រូចឆ្មា​នៅលើ​ស្បែក ពន្លឺព្រះអាទិត្យ​អាច​នឹង​ធ្វើអោយ​ស្បែក​នោះ​រលា​កបាន​។ ប៉ុន្តែ​ការសិក្សា​ផ្សេងទៀត​បានអោយដឹងថា​ដើម្បី​អាចរំលាយ​ស្នាម​អ៊ុច​ខ្មៅ លើ​ស្បែក​យ៉ាង​មាន​ប្រសិទ្ធភាព​នោះ​ទាមទារ​អោយមាន​ការប៉ះពាល់​នឹង ពន្លឺព្រះអាទិត្យ​ដោយផ្ទាល់​។ ទោះបីជា​យ៉ាងណាក៏ដោយ អ្វីដែល​ល្អ​បំផុត​នោះ អ្នក​គួរតែ​កាត់បន្ថយ​ការប៉ះពាល់​នឹង​ពន្លឺព្រះអាទិត្យ​នៅពេល​ប្រើ ក្រូចឆ្មា​លាប​លើ​ស្នាម​អ៊ុច​ខ្មៅ​រយៈពេល ១០​នាទី​។
​ប្រើ​ទឹក​ក្រូចឆ្មា និង​ស្ករស​
​ចូរ​ច្របាច់​ទឹកក្រូច​ឆ្មា​មួយ​ផ្លែ​ចូលក្នុង​ចាន ហើយ​លាយ​ស្ករ ២ ទៅ​៤​ស្លាបព្រា ដោយ​ការ​លាយ​នោះ​ត្រូវធ្វើ​បន្តិច​ម្តងៗ​រហូទដល់​ក្លាយទៅជា​ល្បាយ​មួយ​។
•​    ​យក​ល្បាយ​នោះ​លាប​លើ​កន្លែង​ដែលមាន​ស្នាម​អ៊ុច​ខ្មៅៗ​ដោយ​ប្រើ​សម្លី ឬ​ច្រាស់​
•​    ​ទុក​ល្បាយ​នោះ​ជាប់​កន្លះ​ម៉ោង​ចាំ​លាង​ចេញ​ជាមួយ​ទឹក​ត្រជាក់​
•​    ​ល្បាយ​នេះ​ប្រហែលជា​ធ្វើអោយ​ស្បែក​ស្ងួត​បាន ដូច្នេះ​ចូរ​ប្រាកដថា​អ្នក​បាន​លាប​ក្រែ​ម​ផ្តល់​សំណើម​ដល់​ស្បែក​ក្រោយពី ព្យាបាល​ជាមួយ​ល្បាយ​នេះ​រួច​។​
​ធ្វើ​ល្បាយ​មួយ​ដោយមាន​ទឹកឃ្មុំ​, ស្ក និង​ទឹក​ក្រូចឆ្មា​
​ចូរ​ច្របាច់​ទឹកក្រូច​ឆ្មា​មួយ​ផ្លែ​ចូលទៅក្នុង​ចាន ហើយ​លាយ​ស្ករស​ពីរ​ស្លាបព្រា​បាយ (​អាស្រ័យ​ទៅតាម​ចំនួន​ទឹកក្រូច​ឆ្មា​ដែល​អ្នកមាន​) និង​ទឹកឃ្មុំ ២​ស្លាបព្រា​បាយ ដើម្បី​ក្លាយជា​ល្បាយ​មួយ​។
•​    ​លាប​ល្បាយ​នេះ​លើ​ស្នាម​អ៊ុច​ខ្មៅៗ​ដោយ​ប្រើ​សម្លី ឬ​ច្រាស​
•​    ​ទុកចោល​កន្លះ​ម៉ោង​ចាំ​លាងចម្រះ​ដោយ​ទឹក​ត្រជាក់​
•​    ​ទឹកឃ្មុំ​នឹង​ផ្តល់​ជា​ភាព​សំណើម​ដើម្បី​ការពារ​ស្បែក​ពី​ការ​ស្ងួត​ជ្រុល​បាន​៕

ព័ត៌មានលម្អិត
ចុះនៅថ្ងៃទី 20-05-2015, 03:16 PM, អាន 64ដង
​អាល់​ហ្សេ​រី​៖​ក្រសួងការពារជាតិ​និង​ប្រភព សន្តិសុខ​មួយ​បាន​និយាយថា​ទាហាន​អាល់​ហ្សេ​រី​បាន​ពួនស្ទាក់​និង​សម្លាប់ ពួក​សកម្មប្រយុទ្ធ​ដែល​ចងសម្ព័ន្ធ​ទៅនឹង​ក្រុម​រដ្ឋ​អ៊ីស្លាម​យ៉ាងហោចណាស់ ២២ នាក់​នៅពេល​ពួកគេ​បានរៀបចំ​ការជួប​ជុំគ្នា​មួយ​នៅ​ភាគ​ខាងកើត​របស់​រដ្ឋធានី កាលពី​ថ្ងៃ​អង្គារ​នៅក្នុង​ប្រតិបត្តិការ​យោធា​ធំ​បំផុត​របស់​ប្រទេស​ក្នុង រយៈពេល​ប៉ុន្មាន​ឆ្នាំ​ចុង​ក្រោយនេះ​។​
​យុទ្ធជន​ដែលជា​សម្ព័ន្ធមិត្ត​ទាំង​ជាមួយ​ក្រុម​អាល់​កៃ​ដា​នៅក្នុង​តំបន់ អ៊ីស្លាម Maghreb និង​ប្រតិបត្តិការ​រដ្ឋ​អ៊ីស្លាម​នៅ​អាល់​ហ្សេ​រី​ដែល​ភាគច្រើន​នៅក្នុង តំបន់​ភាគ​ខាង​ជើងភ្នំ​នោះ​ប៉ុន្តែ​ការវាយប្រហារ​កងទ័ព​គឺជា​រឿង​ដ៏​កម្រ ចាប់តាំងពី​សង្គ្រាម​ទសវត្សរ៍​ឆ្នាំ ១៩៩០ ជាមួយ​ក្រុម​បះបោរ​អ៊ីស្លាម​។​
​ទីភ្នាក់ងារ​ព័ត៌មាន​រដ្ឋ APS បាន​ដកស្រង់​សេចក្តីថ្លែងការណ៍​របស់​ក្រសួង​ដោយបាន​និយាយថា​ប្រតិបត្តិការ នេះ​បាន​កើតឡើង​នៅ​ភាគ​ខាងកើត​នៃ​រដ្ឋធានី Algiers ជិត​ទីក្រុង Bouira ដែលជា​ផ្នែក​មួយ​នៃ​តំបន់​កាន់កាប់​ជា​យូរ​មកហើយ​របស់​ពួក​សកម្មប្រយុទ្ធ ក្នុងអំឡុងពេល​សង្គ្រាម​ដែល​បានធ្វើ​ឲ្យ​មនុស្ស ២០០ ០០០ នាក់​ស្លាប់​៕

ព័ត៌មានលម្អិត
ចុះនៅថ្ងៃទី 20-05-2015, 03:07 PM, អាន 54ដង
​រាជធានី​ភ្នំពេញ​៖​ក្រសួងទេសចរណ៍​និង គណៈកម្មាធិការ​ជាតិ​អ្នកជំនាញ​ទេសចរណ៍​បានចេញ​នូវ​សេចក្តីជូនដំណឹង​ជា សាធារណៈ​ស្តីពី​ការជ្រើសរើស​បេក្ខជន​បេ​ក្ខ​នារី​ចូលរៀន​វគ្គ​បណ្តុះបណ្តាល គ្រូ​បង្គោល​ជាតិ​និង​អ្នកវាយតម្លៃ​បង្គោល​ជាតិ​ផ្នែក​សេវាកម្ម​ម្ហូបអាហារ និង​ភេសជ្ជៈ​នៃ​សេវាកម្ម​សណ្ឋាគារ​។
 យោងតាម​សេចក្តីជូនដំណឹង​ចុះ​ថ្ងៃទី​១៨ ខែឧសភា​នេះ ក្រសួងទេសចរណ៍​បាន​បញ្ជាក់ថា គោលបំណង​នៃ​វគ្គ​បណ្តុះបណ្តាល នេះ​គឺ​ដើម្បី​ទ្រទ្រង់​ការបណ្តុះបណ្តាល​ស្តង់ដារ​សមត្ថភាព​និង​ការវាយតម្លៃ សមត្ថភាព​អ្នកជំនាញ​ទេសចរណ៍​កម្ពុជា ឲ្យ​មានការ​ទទួលស្គាល់​ស្របតាម​ស្តង់ដារ​អាស៊ាន​សំដៅ​ចូលរួម​ជម្រុញ​បម្លាស់ ទី​ការងារ​ក្នុង​តំបន់ ស្របតាម​ស្មារតី​នៃ​កិច្ចព្រមព្រៀង​ទទួល​ស្គាល់គ្នា​ទៅវិញទៅមក​លើ​អ្នកជំនាញ ទេសចរណ៍ ( MRA-TP ) ក្រសួងទេសចរណ៍​និង​គណៈកម្មាធិការ​ជាតិ​អ្នកជំនាញ​ទេសចរណ៍ ។​
  សេចក្តីជូនដំណឹង​ដដែល​បាន​បញ្ជាក់ថា វគ្គ​បណ្តុះបណ្តាល​ចែកចេញជា​ពីរ​វគ្គ​សំខាន់ៗ ក្នុងនោះ​វគ្គ​បណ្តុះបណ្តាល​គ្រូ​បង្គោល​ជាតិ ផ្នែក​សេវាកម្ម​ម្ហូបអាហារ និង​ភេសជ្ជ​ចំនួន​៤០​រូប ដោយ​ចាប់ផ្តើម​ពីថ្ងៃ​ទី​៤ -១០ ខែមិថុនា ឆ្នាំ​២០១៥ នៅ​រាជធានី​ភ្នំពេញ ។ ចំណែក​វគ្គ​បណ្តុះបណ្តាល​អ្នកវាយតម្លៃ​បង្គោល​ជាតិ ផ្នែក​សេវាកម្ម​ម្ហូបអាហារ​និង​ភេសជ្ជៈ​មាន​ចំនួន​៤០​នាក់​ដោយ​ចាប់ផ្តើម ពីថ្ងៃ​ទី​៤-៨ ខែមិថុនា ឆ្នាំ​២០១៥​នៅ​រាជធានី​ភ្នំពេញ ។​
 ចំពោះ​លក្ខខណ្ឌ​នៃ​ការជ្រើសរើស​គឺ​រួមមាន សម្រាប់​បេក្ខជន បេ​ក្ខ​នារី​ដែល​កំពុង​បម្រើ​ការងារ​តាម​សណ្ឋាគារ បេក្ខជន បេ​ក្ខ​នារី​ទាំង​ពីរភេទ ត្រូវមាន​សញ្ញាបត្រ​បរិ​ញ្ញាប​ត្រ​ផ្នែក​ទេសចរណ៍ និង​បដិសណ្ឋារកិច្ច​ឬ​សញ្ញាបត្រ​ដែលមាន​តម្លៃ​ស្មើ ។ ត្រូវមាន​បទពិសោធន៍​ផ្នែក​ឧស្សាហកម្ម​ទេសចរណ៍​យ៉ាងតិច​៣​ឆ្នាំ ព្រមទាំង​មាន​កម្រិត​ភាសា​អង់គ្លេស​ខ្ពស់ ។ ទន្ទឹម​នោះ​បេក្ខជន បេ​ក្ខ​នារី​ទាំង​ពីរភេទ ត្រូវមាន​ការបញ្ជា​ក់ថា ជា​បុគ្គលិក​កំពុង​បម្រើ​ការងារ​ក្នុង​សណ្ឋាគារ​ផ្នែក​សេវាកម្ម​ម្ហូបអាហារ និង​ភេសជ្ជៈ ដែលមាន​បទពិសោធន៍​យ៉ាងតិច​៣០​ឆ្នាំ និង​ស្ថិតក្នុង​សណ្ឋាគារ​ដែលមាន ចំណាត់ថ្នាក់​ចាប់ពី​ផ្កាយ​បី​ឡើងទៅ ហើយ​មាន​អាជ្ញាប័ណ្ណ​ទទួលស្គាល់​ពី​ក្រសួងទេសចរណ៍​ឬ​មន្ទីរ​ទេសចរណ៍ ។​
 បេក្ខជន បេ​ក្ខ​នារី​គឺជា​អ្នកទទួលបន្ទុក​ផ្នែក​អប់រំ និង​បណ្តុះបណ្តាល​នៅក្នុង​សេវាកម្ម​សណ្ឋាគារ​និង​មាន​ភាពស្វាហាប់ ស្មោះត្រង់​និង​កេរ្តិ៍ឈ្មោះ​ល្អ​ក្នុង​ស្ថាប័ន​ការងារ រួមទាំង​មានការ​ទទួលខុសត្រូវ​និង​មាន​សមត្ថភាព​ខ្ពស់​ក្នុងការ​បំពេញការងារ និង​មាន​ទំនាក់ទំនង​ល្អ​ជាមួយ​សហការី​ក្នុង​ស្ថាប័ន​ការងារ​រួមទាំង​មាន មូលដ្ឋានគ្រឹះ​ផ្នែក​កំ​ព្យូ​ទ័​រ ។​
  ដោយឡែក សម្រាប់​បេក្ខជន បេ​ក្ខ​នារី​ដែល​បច្ចុប្បន្ន​ជា​គ្រូបង្រៀន​តាម​សាលា​បណ្តុះបណ្តាល​គឺ បេក្ខជន បេ​ក្ខ​នារី​ត្រូវមាន​សញ្ញាបត្រ​ជាន់ខ្ពស់ ឬ​សញ្ញាបត្រ​ផ្នែក​ទេសចរណ៍​និង​បដិសណ្ឋាកិច្ច​ឬ​សញ្ញាប័ត្រ​ដែលមាន​តម្លៃ ស្មើ ។ មានបទពិសោធន៍​យ៉ាងតិច​៣​ឆ្នាំ​លើ​ការអប់រំ​បណ្តុះបណ្តាល​ជំនាញ​វិជ្ជាជីវៈ ទេសចរណ៍​ជាពិសេស​ផ្នែក​សេវាកម្ម​ម្ហូបអាហារ និង​ភេសជ្ជៈ ។ ជា​គ្រូ​ប​ង្គ្រោ​ល​ជំនាញ​វិជ្ជាជីវៈ ដែល​កំពុង​បម្រើ​ការងារ​តាម​សាលា​បណ្តុះបណ្តាល​វិជ្ជាជីវៈ​ទេសចរណ៍​ដែល​បាន ចុះបញ្ជី​ទទួលស្គាល់​ដោយ​ក្រសួងទេសចរណ៍ ។ ទន្ទឹម​នោះ​បេក្ខជន បេ​ក្ខ​នារី​អាច​ប្រើប្រាស់​ភាសា​អង់គ្លេស​កម្រិត​ខ្ពស់​ក្នុងការ បណ្តុះបណ្តាល​មាន​ទំនួល​ខុសត្រូវ និង​ការតាំង​ចិត្ត​ខ្ពស់​ក្នុងការ​បណ្តុះបណ្តាល​បន្ត​មាន​មូលដ្ឋានគ្រឹះ ផ្នែក​កុំព្យូទ័រ ៕

ព័ត៌មានលម្អិត
ចុះនៅថ្ងៃទី 20-05-2015, 01:04 PM, អាន 58ដង
​អ៊ីរ៉ាក់​៖​កងកម្លាំង​សន្តិសុខ​អ៊ីរ៉ាក់ បានដាក់​ពង្រាយ​រថក្រោះ​និង​កាំភ្លើង​ធំ​នៅ​ជុំវិញ​ទីក្រុង Ramadi​ដើម្បី​ប្រឈម​នឹង​យុទ្ធជន​រដ្ឋ​អ៊ីស្លាម​ដែល​បាន​ចាប់យក​ទីក្រុង​នេះ នៅក្នុង​ការបរាជ័យ​ដ៏​ធំ​មួយ​សម្រាប់​រដ្ឋាភិបាល​ទីក្រុង Baghdad និង​ម្ចាស់ជំនួយ​ខាងលិច​របស់ខ្លួន​។​
 បន្ទាប់​ដួលរលំ​ទីក្រុង Ramadi កាលពី​ថ្ងៃអាទិត្យ កម្លាំង​ជីវពល​និកាយ​ស៊ី​អ៊ី​ត​បាន​ចងសម្ព័ន្ធ​ទៅនឹង​កងទ័ព​អ៊ីរ៉ាក់​បាន វាយលុក​ចូលទៅ​មូលដ្ឋាន​មួយ​នៅក្បែរនោះ​ដើម្បី​រៀបចំ​សម្រាប់​វាយបក នៅលើ​ទីក្រុង​នេះ​ដែល​ស្ថិតនៅក្នុង​ខេត្ត Anbar​របស់​ម៉ូ​ស្លី​ម Sunni ដែលមាន​ចម្ងាយ​ត្រឹមតែ ១១០ គីឡូម៉ែត្រ (៧០ ម៉ា​យល៍​) ប៉ុណ្ណោះ​ភាគ​ពាយព្យ​នៃ​ក្រុង Baghdad ។​
 នៅពេល​សម្ពាធ​កាន់តែ​កើនឡើង​ដោយសារតែ​សកម្មភាព​យក​ទីក្រុង​មកវិញ មន្ត្រី​រដ្ឋាភិបាល​ក្នុង​តំបន់​បាន​ជំរុញ​ឲ្យ​ពលរដ្ឋ Ramadi ដើម្បី​ចូលរួម​ជាមួយ​ក្រុម​ប៉ូលីស​និង​កងទ័ព​សម្រាប់​អ្វីដែល​ពួក​ឧទ្ទាម ស៊ី​អ៊ី​ត​បាន​និយាយថា នឹង​ក្លាយជា "​សមរភូមិ Anbar" ៕

ព័ត៌មានលម្អិត
ចុះនៅថ្ងៃទី 20-05-2015, 01:00 PM, អាន 63ដង
​រុស្ស៊ី​៖រដ្ឋាភិបាលក្រុងម៉ូស្គូបានចាត់ទុកថា ​ស្ថានទូត​រុស្ស៊ី​នៅក្នុងរដ្ឋធានី​ដា​ម៉ាស​ប្រទេស​ស៊ី​រី​ដែល​រង​ដោយ​ការបាញ់​ផ្លោង​កាលពី​ថ្ងៃអង្គារ​នោះ​គឺ​ជា​អំពើ​ភេរវកម្ម។
​អ្នកនាំពាក្យ​ស្ថានទូត​លោក Asiya Turuchiyeva បាន​ប្រាប់​សារព័ត៌មាន RIA Novosti ថា គ្រាប់កាំភ្លើង​ត្បាល់​ពីរ​គ្រាប់​បាន​ធ្លាក់​ចូលក្នុង​បរិវេណ​នៃ​ស្ថានទូត រុស្ស៊ី​នៅពេល​រសៀល​ដែលមាន​មួយគ្រា​ប់​ធ្លាក់​ជិត​ច្រកទ្វា​ធំ​ចំណែក​មួយ គ្រាប់​ទៀត​បាន​ធ្លាក់ចំ​អគារ​រដ្ឋបាល​។ អ្នកនាំពាក្យ​រូបនេះ​បាន​បន្ថែមថា ពុំមាន​អ្នកស្លាប់​ឬ​របួស​ឡើយ​នៅពេល​ការវាយប្រហារ​ដោយ​កាំភ្លើងត្បាល់​នេះ បានកើត​ឡើង​ក្នុងអំឡុងពេល​សម្រាក​អាហារ​ថ្ងៃត្រង់​៕

ព័ត៌មានលម្អិត
ចុះនៅថ្ងៃទី 20-05-2015, 12:31 PM, អាន 57ដង
កីឡា​៖​ក្រុម​បិសាច​ក្រហម Manchester United បាន​ត្រៀម​ថវិកា​ចំនួន​២៥​លាន​ផោន​នាំយក​អ្នកចាំទី​សញ្ជាតិ​ហុ​ឡង់​របស់​ក្រុម Ajax គឺ​កីឡាករ Jasper Cillessen ដើម្បី​ជំនួស​កន្លែង​កីឡាករ David de Gea ។​
​អ្នកចាត់ការ​ក្រុម Man United លោក Louis van Gaal បាន​និយាយថា ក្លិប​បាន​ថ្លៃ​២៥​លាន​ផោន​សម្រាប់​ទិញ​កីឡាករ Cillessen  ប្រសិនបើ​លោក​បរាជ័យ​ក្នុងការ ទប់ស្កាត់​ការ De Gea បាន​ចង់ទៅ ចូលរួម​ជាមួយ​ក្លឹប Real Madrid នៅ​រដូវក្តៅ​នេះ ។ លោក​បញ្ជាក់ថា Cillessen ធ្លាប់​ធ្វើការ​ជាមួយ​អ្នក​អំឡុងពេល​លោក​នៅ​ជា​គ្រូបង្វឹក​ហូ​ឡង់ និង​ល្បីល្បាញ​ពេល​ស៊ុត​ប៉េ​ណា​ល់​ជាមួយ​កូ​ស្តា​រី​កា​នៅ​វគ្គ​ប្រកួត World Cup ។​
​គួរ​បញ្ជាក់ថា Cillessen នឹង​ក្លាយ​កីឡា​ករទី​២​របស់​ប្រទេស​ហូ​ឡង់​ដែល​ចុះ​កុងត្រា​ជាមួយ Man United បន្ទាប់ពី Depay ៕

ព័ត៌មានលម្អិត
ចុះនៅថ្ងៃទី 20-05-2015, 12:12 PM, អាន 52ដង
​កីឡា​៖​យោងតាម​ការផ្សាយ​ពី​បណ្តាញសារព័ត៌មាន Daily Star បាន​ឲ្យ​ដឹងថា ក្រុម Aston Villa កំពុងធ្វើការ​ដេញថ្លៃ​ក្នុងតម្លៃ​១៥​លាន​ផោន​នាំ​ខ្សែ​ប្រ​យុ​ទ្ធេ Charlie Austin ពី Queens Park Rangers នៅ​រដូវក្តៅ​នេះ​។​
​ជាមួយគ្នា​នោះ​ក្លិប​សារិកា​ព្រៃ Newcastle United និង​ក្លិប Southampton ក៏ត្រូវ​បាន​គេ​ជឿថា​កំពុង ចាប់អារម្មណ៍​លើ​កីឡាករ Austin ដែល​បាន​ស៊ុត​បាល់​បញ្ចូល​ទី​បាន​១៧ គ្រាប់​សម្រាប់​ក្រុម QPR ផងដែរ​៕
ព័ត៌មានលម្អិត
ចុះនៅថ្ងៃទី 20-05-2015, 11:43 AM, អាន 58ដង
បារាំង​៖​ជនអន្តោប្រវេសន៍​ប្រមាណ​២២០​នាក់​ត្រូវបាន​រកឃើញ​ក្នុង​សមុទ្រ​មេ​ឌី​ទែ​រ៉ា​ណេ បន្ទាប់ពី​ប្រទះឃើញ​ដោយ​នាវា​អ៊ី​ស្លង់ របស់​កងទ័ពជើងទឹក​នៃ​បេសកកម្ម​ស្វែងរក និង​ជួយសង្គ្រោះ​ទ្រី​តុ​ន​ក្នុង​សហភាព​អឺរ៉ុប ខណៈពេល​ពួកគេ​ចូលកាន់​តែ​ជិត​ឆ្នេរសមុទ្រ​ស៊ី​ស៊ី​លី ។​
​បុគ្គលិក​របស់ MSF លោកស្រី ឈៀ​រ៉ា ម៉ុ​នតា​ល​ដូ និយាយថា​ការត្រួតពិនិត្យ​បឋម បាន​បង្ហាញថា​មួយចំនួន​នៃ​ពួកគេ​ទំនងជា បាន​ទទួលរង​ទារុណកម្ម ឬ​ឈឺ​ចាប់ពី​ជំងឺ​ក្នុង​មជ្ឈមណ្ឌល​ឃុំឃាំង​ក្នុងប្រទេស​លី​ប៊ី និង​សញ្ញា​ធ្វើដំណើរ​អាក្រក់​ក្នុង​សមុទ្រ​។ ។ ជាក់ស្ដែង​បច្ចុប្បន្ន​ពួកគេ​រងរបួស ឬ​រលាក​ដោយសារ​ធាតុ​គីមី ព្រោះ​ពួកគេ​អង្គុយ​លើ​ប្រេង​លាយ​ជាមួយ​ទឹកអំបិល​។
​គួរ​បញ្ជាក់ថា មនុស្ស​ជាច្រើន​បាន​ស្លាប់​នៅ​សមុទ្រ រួមទាំង​លង់ទឹក​ជាង ៩០០​នាក់​លើ​នាវា​ក្នុង​សមុទ្រ​មេ​ឌី​ទែ​រ៉ា​ណេ កាលពី​ឆ្នាំមុន​ដែល​តម្រូវ​ឲ្យ​រដ្ឋាភិបាល នៃ​សហភាព​អឺរ៉ុប​ត្រូវ​ឆ្លើយតប​បន្ទាន់ ប៉ុន្តែ​លើសពី​សមត្ថភាព​នៃ​ការផ្ដល់​មូលនិធិ​សម្រាប់​ប្រតិបត្តិការ ជួយសង្គ្រោះ​៕

ព័ត៌មានលម្អិត
ចុះនៅថ្ងៃទី 20-05-2015, 11:35 AM, អាន 46ដង
យេ​មែន​៖​អារ៉ាប៊ីសាអ៊ូឌីត​បាន​ដឹកនាំ​ការវាយប្រហារ​តាម​អាកាស​លើ​មូលដ្ឋានទ័ព​នានា​លើ​ភ្នំ​ណូ​ងុម​របស់​រដ្ឋធានី​សា​ណា​កាលពី​ម្សិលមិញ​។ នេះ​ជា​ថ្ងៃទី​២ ហើយ​នៃ​ការវាយប្រហារ លើ​កងកម្លាំង​ស្មោះស្ម័គ្រ​នឹង​អតីត​ប្រធានាធិបតី អា​លី អាប់​ឌូ​ឡា សា​ឡេ បន្ទាប់​ពីបទ​ឈប់​បាញ់​គ្នា​រយៈពេល ៥​ថ្ងៃ​បានបញ្ចប់​កាលពី​ថ្ងៃអាទិត្យ​។​
 កិច្ចសហប្រតិបត្តិការ​ណ៍​យោធា បាន​បន្ត​កាលពីដើម​ថ្ងៃ​ចន្ទ​ក្នុង​ភាគ​ខាងជើង​ខេត្ត​សា​ណា និង​ក្នុង​ភាគខាងត្បូង​ទីក្រុង​អាឌិន​។ អំពើហិង្សា​កើតឡើង​ខណៈ​មន្ត្រីជាន់ខ្ពស់​មួយរូប​របស់​ប្រទេស​យេ​មែន ក្នុងប្រទេស​អារ៉ាប៊ីសាអ៊ូឌីត​បាន​និយាយថា ខ្លួន​នឹងមិន​យល់ព្រម​ឲ្យ​មាន​កិច្ចពិភាក្សា សន្តិសុខ​ជាមួយ​ពួក​ចលនា​បះបោរ​ឡើយ​។​
​ជាមួយគ្នា​នោះ​លោក​អនុ​ប្រធានាធិបតី ខា​លី​ដ បា​ហា បាន​ប្រាប់​អ្នកសារព័ត៌មាន ក្នុង​រាជធានី​រី​យ៉ា​ត​ប្រទេស​អារ៉ាប៊ីសាអ៊ូឌីត​ថា ក្រុម​សម្ព័ន្ធមិត្ត​អ៊ីរ៉ង់​ត្រូវតែ​ប្រតិបត្តិ​តាម ដំណោះស្រាយ​របស់​ក្រុមប្រឹក្សា​អង្គការសហប្រជាជាតិ ក៏ដូចជា​បញ្ឈប់​បន្ទាន់​នូវ​សកម្មភាព​អុកឡុក​ទីក្រុង និង​ប្រគល់​អាវុធ​ដែល​ពួកគេ​រឹបអូស​បាន​៕

ព័ត៌មានលម្អិត
ចុះនៅថ្ងៃទី 20-05-2015, 10:38 AM, អាន 59ដង
រាជធានី​ភ្នំពេញ​៖​ជនសង្ស័យ​២​នាក់​ដែល​ធ្វើ​សកម្មភាព​គាស់​ផ្ទះ​លួច​យក ទ្រព្យសម្បត្តិ​គេ​មិនបាន​សម្រេច​ត្រូវបាន​សមត្ថកិច្ច​ប៉ុស្តិ៍នគរបាល រដ្ឋបាល​ឫស្សីកែវ​ឃាត់ខ្លួន​កាលពី​រសៀល​ថ្ងៃទី​១៩​ខែឧសភា ឆ្នាំ​២០១៥ នេះ​នៅ​ចំណុច​ផ្លូវលំ ក្រុម​៧ ក្នុងភូមិ​ឃ្លាំង​សាំង សង្កាត់​ឫស្សីកែវ ខណ្ឌឫស្សីកែវ​។
​    ​ជនសង្ស័យ​២​នាក់​ដែល​សមត្ថកិច្ច​ឃាត់ខ្លួន​នោះ ទី​១​មានឈ្មោះ ម៉ម វី​រ៉ូ​ត ភេទ​ប្រុស អាយុ​២១​ឆ្នាំ មុខរបរ​មិន​ពិតប្រាកដ​ស្នាក់ ក្រុម​៥ ភូមិ​ឃ្លាំង​សាំង សង្កាត់​ឫស្សីកែវ ខណ្ឌឫស្សីកែវ និង​មាន​ទីលំនៅ​ភូមិ​អង្គរ​អង់ ស្រុក​ពាម​រក៍ ខេត្តព្រៃវែង ឯ​ម្នាក់ទៀត ឈ្មោះ សៀ សៀង​ហៃ ភេទ​ប្រុស អាយុ​១៩​ឆ្នាំ មុខរបរ​មិន​ពិតប្រាកដ ស្នាក់នៅ​កន្លែងកើតហេតុ​ខាងលើ​។​ចំណែក​ជនរងគ្រោះ​ដែល​ត្រូវ​ជនសង្ស័យ​គាស់ ផ្ទះ​លួច​យក​ទ្រព្យសម្បត្តិ​នោះ​មាន ឈ្មោះ ហុន សារី ៣៨​ឆ្នាំ មុខរបរ​អ្នករត់​រឺ​ម៉ក​ម៉ូតូ​កង​បី​។
​    ​សមត្ថកិច្ច បាន​ឲ្យ​ដឹងថា​ក្រោយពី​សមត្ថកិច្ច​ទទួលបាន​ពាក្យបណ្តឹង​រួច​កម្លាំង សមត្ថកិច្ច​យើង​ចុះ​ឃាត់ខ្លួន​ជនសង្ស័យ​ទាំង​2​នាក់​បាន នៅត្រង់ចំណុច​ក្បែរ​កន្លែង កើតហេតុ​រួច​នាំមក​កាន់​ប៉ុស្តិ៍​ធ្វើការ​សួរនាំ ។​
 បើ​យោងតាម​ចំលើយសារភាពរ​បស់ជនស​ង្ស័​យ​ទាំង​២​នាក់​បាន​សារភាពថា ខ្លួន​ពិតជា​បានធ្វើ​សកម្មភាព​គាស់​ផ្ទះ ខាងលើនេះ​ពិតប្រាកដ​មែន ។ ហើយ​កន្លងមក​ខ្លួនគេ​ទាំង​២​នាក់​ក៍​ធ្លាប់បាន​ប្រើប្រាស់​គ្រឿងញៀន​ផងដែរ​។  
​    ​បច្ចុប្បន្ន​ជនសង្ស័យ​ទាំង​២​នាក់​កំពុង​ឃាត់ខ្លួន​បណ្តោះអាសន្ន​នៅ​ប៉ុស្តិ៍នគរបាល រដ្ឋបាល​ប៉ុស្តិ៍​ឫស្សីកែវ ដើម្បី​សាកសួរ​និង​កសាង​សំណុំរឿង​បញ្ជូនទៅ​តុលាការ​ចាត់ការ​ទៅតាម​នីតិវិធី​ច្បាប់​៕

ព័ត៌មានលម្អិត
ចុះនៅថ្ងៃទី 20-05-2015, 10:26 AM, អាន 60ដង
​រាជធានី​ភ្នំពេញ​៖​សាស្ត្រាចារ្យ​ក្នុង ក្របខ័ណ្ឌ​មន្ត្រីរាជការ​នៃ​វិទ្យាស្ថាន​ជាតិ​ពាណិជ្ជ​សាស្ត្រ​ប្រមាណ​ជិត ៥០​នាក់​បាននាំគ្នា​ផ្តិតមេដៃ​និង​ធ្វើ​ការតវ៉ា​សុំ​ឲ្យ​នាយក​វិទ្យាស្ថាន មួយ​នេះ​បើកប្រាក់​ភាគរយ​គ្រប់​មួយរយ​ភាគរយ​ក្នុង​ឆ្នាំ​សិក្សា​២០១៣​និង ២០១៤ និង​រក្សា​ប្រាក់ឧបត្ថម្ភ​និង​ប្រាក់​ម៉ោង​បង្រៀន​នៅ​ដដែល ។ ទន្ទឹម​នោះ​ពួកគាត់​ក៏​ទាមទារ​ឲ្យ​មានការ​បង្ហាញ​នូវ​របាយការណ៍​ហិរញ្ញវត្ថុ ផ្លូវការ​ក្នុង​ឆ្នាំ​២០១៣-២០១៤ និង​ឆ្នាំ​សិក្សា​បន្តទៀត ។ ការធ្វើ​ដូច្នេះ​ព្រោះ​ពួកគាត់​បាន​មើលឃើញថា មាន​អំពើពុករលួយ​ក្នុង​វិទ្យាស្ថាន​ជាតិ​ពាណិជ្ជ​សាស្ត្រ​ដែល​ត្រូវ​កែលម្អ​ជាបន្ទាន់​។​
 យោងតាម​លិខិត​មួយច្បាប់ ដែលមាន​ផ្តិតមេដៃ​សាស្ត្រាចារ្យ​ចំនួន​៤៦​រូប បានទាមទារ​ដល់​លោកនាយក​វិទ្យាស្ថាន​ដោះស្រាយ​បើកប្រាក់​ភាគរយ​ឲ្យ​បាន​គ្រប់ ចំនួន​១០០% សម្រាប់​ឆ្នាំ​សិក្សា​២០១៣-២០១៤ ហើយ​ទាមទារ​ឲ្យ​រក្សា​ប្រាក់ឧបត្ថម្ភ​និង​ប្រាក់​ម៉ោង​បង្រៀន​នៅ​ដដែល រួមទាំង​ការបង្ហាញ​នូវ​របាយការណ៍​ហិរញ្ញវត្ថុ​ដោយ​តម្លាភាព​ផងដែរ ។ លិខិត​នោះបាន​បញ្ជាក់ថា សព្វថ្ងៃនេះ​និស្សិត​ដែល​កំពុង​រៀន​នៅ​វិទ្យាស្ថាន​ជាតិ​ពាណិជ្ជ​សាស្ត្រ សរុប​ចំនួន​៣២០០​នាក់ ខណដែល​និស្សិត​អាហារូបករណ៍​ចំនួន​១០០០​នាក់ ។​
 បើតាម​គោលការណ៍​សាស្ត្រាចារ្យ​ដែល​បង្រៀន​ត្រូវបាន​វិទ្យាស្ថាន​ផ្តល់ជូន ប្រាក់​ភាគរយ​ចំនួន​៤០% ហើយ​វិទ្យាស្ថាន​រក្សាទុក​៦០% លើ​ចំនួន​សិស្ស​បង់ថ្លៃ​សិក្សា​សរុប ។ សាស្ត្រាចារ្យ​ទាំង​នោះបាន​លើកឡើងថា ក្នុង​ឆ្នាំ​២០១៣-២០១៤ កន្លងទៅនេះ លោក លី សុធា គណៈ​គ្រប់​គ្រង់​វិទ្យាស្ថាន​មិនបាន​ផ្តល់ជូន​ប្រាក់​ភាគរយ​គ្រប់​ចំនួន នោះឡើយ ខណៈដែល​ប្រាក់​ភាគរយ​មាន​សរុប​រហូតដល់​៣១៥០០​ដុល្លារ ។ ប៉ុន្តែ​លោក លី សុធា បែ​ជា​ឃុបឃិត​ប្រព្រឹត្តិ​អំពើពុករលួយ​ជាមួយ​សមា​ជិ​គណកម្មាធិកា​រ នាយក​ដោយ​ខុសច្បាប់ ។ ហេតុដូច្នេះ​ហើយ​ទើប​ពួកគាត់​ធ្វើការ​តវ៉ា​និង​ទាមទារ​ឲ្យ​លោក លី សុធា បើកប្រាក់​ភារ​យ​ឲ្យ​បាន​គ្រប់​ចំនួន បើ​ពុំ​នោះទេ​ពួកគាត់​និង​មិន​ចូល​បង្រៀន​វិញ​ឡើយ ។
​តាម​សាស្ត្រាចារ្យ​ទាំងអស់នោះ​បានលើកឡើង​ថា វិទ្យាស្ថាន​ជាតិ​ពាណិជ្ជ​សាស្ត្រា​បាន​ផ្ទុះ​រឿងអាស្រូវ​យូរហើយ ប៉ុន្តែ​ដោយសារ​សាស្ត្រា​ទាំងនោះ​មិន​ចង់​បើក​កកាយ​និង​ហែកកេរ្តិ៍​អា​មាស​នៃ ផ្ទៃក្នុង​ខ្លួន​ឲ្យ​អ្នក​ក្រៅ​បានដឹង និង​រង់ចាំ​ឲ្យ​គណ​គ្រប់​គ្រង់​វិទ្យាស្ថាន​មានការ​កែប្រែ​មុខមាត់​ឈប់ ប្រព្រឹត្ត​អំពើពុករលួយ ដែល​នាំ​ឲ្យ​ប៉ះពាល់​ដល់​គុណភាព​អប់រំ​សមត្ថភាព​សិស្ស និស្សិត ។ រហូតមកដល់​ពេលនេះ​គណ​គ្រប់​គ្រង់​វិទ្យាស្ថាន​ហាក់​មិន​យកចិត្តទុកដាក់​ឬ អើពើ​ក្នុង​ការកែប្រែ​ឬ​ទទួលយក​នូវ​សំណើ​របស់​សាស្ត្រាចារ្យ​នោះឡើយ​ទើប ពួកគាត់​ផ្ទុះ​ការតវ៉ា​តែម្តង ។ ទាក់ទង​ការតវ៉ា​ខាងលើនេះ​ក្រុមអ្នកកាសែត​បាន​ព្យាយាម​សុំ​ការបំភ្លឺ​ពី​គណៈ​គ្រប់គ្រង​វិទ្យាស្ថាន​ផងដែរ ប៉ុន្តែ​លោក ទា អី​វ​ហូត នាយករង​វិទ្យាស្ថាន​មិន​គ្រាន់តែ​មិនបាន​ផ្តល់ព័ត៌មាន​ដល់​អ្នកកាសែត​នោះទេ ថែមទាំង​បាន​បណ្តេញ​អ្នកកាសែត​ចេញពី​វិទ្យាស្ថាន​ថែមទៀត​៕

ព័ត៌មានលម្អិត
ចុះនៅថ្ងៃទី 20-05-2015, 10:15 AM, អាន 62ដង
​រាជធានី​ភ្នំពេញ​៖​ក្រុមអាជីវករ​បានធ្វើ​ការរិះគន់​ចំពោះ​គណៈកម្មាធិការ​គ្រប់គ្រង​ធនធាន​ខ្សាច់​ដែល​យឺត​យ៉ាង​ក្នុង​ការរៀបចំ​ដេញថ្លៃ​និង​ចេញ អាជ្ញាប័ណ្ណ​អាជីវកម្ម​បូម​ខ្សាច់ ខណៈដែល​រាជរដ្ឋាភិបាល​បានចេញ សេចក្តីសម្រេច​ស្តីពី​ការកំណត់​គោលការណ៍​ធ្វើ​អាជីវកម្ម​ខ្សាច់​តាំងពី ថ្ងៃទី​២០ ខែមីនា ឆ្នាំ​២០១៥ ។ ការ​យឺត​យ៉ាងនោះ​បានធ្វើ​ឲ្យ​ខ្សាច់​ឡើងថ្លៃ​ដោយសារតែ​សព្វថ្ងៃនេះ​មានតែ អង្គភាព​កំពង់ផែ​ស្វយ័ត​ភ្នំពេញ​មួយ​ប៉ុណ្ណោះ ដែល​ត្រូវបាន​ក្រសួង​អនុញ្ញាត​ឲ្យ​ធ្វើ​អាជីវកម្ម​បូម​ខ្សាច់ ។  
​    ​ក្រុមអាជីវករ ក៏បាន​ធ្វើការ​រិះគន់​ដែរ​ថា ពួកគាត់ ត្រូវបាន​ក្រសួង​រ៉ែ​និង​ថាមពល​កំណត់ ឱ្យ​ចូលរួម​ដេញថ្លៃ បើទោះជា​មាន​ឡូ​តិ៍ ខ្សាច់​ស្របច្បាប់​ពីមុនមក​ក្ដី ប៉ុន្ដែ​ចំពោះ អង្គភាព​កំពង់ផែ​ស្វយ័ត​បែរជា​មិនបាន ដេញថ្លៃ តើ​នីតិវិធី​នេះ​បានបង្ហាញ​នូវ​តម្លាភាព​ឬ​យុត្តិធម៌​ដែរ​ទេ​? ។ ពួកគាត់​បាន​បន្ដថា ភាពយឺត​យូរ​នៃ ការចេញ​អាជ្ញាប័ណ្ណ​ដោយ​ក្រសួង​រ៉ែ​និង ថាមពល ក៏ដូចជា​តម្រូវឱ្យ​អាជីវករ​ដេញ ថ្លៃ បានធ្វើឱ្យ​បញ្ហា​ស្នើសុំ​អាជ្ញាប័ណ្ណ​នេះ ទៅជា​មាន​ភាពអនាធិបតេយ្យ​មិន​ច្បាស់លាស់ ខណដែល​ក្រសួង​រ៉ែ​និង​ថាមពល យក​ចិ​ត្ដ ទុកដាក់ តែ​ទៅលើ​អង្គភាព​កំពង់ផែ​ស្វយ័ត ភ្នំពេញ​មួយ​ប៉ុណ្ណោះ ។
​    ​ទន្ទឹម នោះ​ចំណាត់ការ​នេះ​បានបង្ហាញ​ឲ្យ​ឃើញថា​ក្រសួង​បាននិងកំពុង​អនុវត្ដ​ផ្ទុយ ពី​សេចក្ដីសម្រេច របស់​រាជរដ្ឋាភិបាល​ស្ដីពី​ការកំណត់​គោល ការណ៍​ធ្វើ​អាជីវកម្ម​ខ្សាច់​ឬ​អាច​និយាយថា នឹង​កើតមាន​ភាពមិនប្រក្រតី​ណាមួយ​ពី​ការដេញថ្លៃ​ឬ ចេញ​អាជ្ញាប័ណ្ណ​។ ហេតុដែល​មានការ​លើក​ឡើង​ដូច្នេះ ព្រោះថា​សព្វថ្ងៃនេះ​គេ​ឃើញ​មាន​ក្រុមហ៊ុន​មួយចំនួន​កំពុង​ជ្រក​ក្រោម​ស្លាក កំពង់ផែ​ស្វយ័ត​ភ្នំពេញ ហើយ​ធ្វើ​អាជីវកម្ម​ខ្សាច់​ដោយ​រលូន ថែមទាំង​មាន​ក្រុមហ៊ុន​មួយ ចំនួន​កំពុងធ្វើការ​ងារ​ឱ្យ​ខាង​កំពង់ផែ សម្រាប់​ការលក់​ខ្សាច់​ក្នុង​ទឹក និង​ខ្សាច់ បូម​ហើយ​បន្ដទៅ​ចែកចាយ​តាម​ដេប៉ូ និង​ក្រុមហ៊ុន​ផ្សេងទៀត ។  
​     ក្រុមអាជីវករ​បានបញ្ជាក់​ថា បច្ចុប្បន្ននេះ​មានឈ្មោះ ខៃ ទ្រី និង​ឈ្មោះ យ៉ា កំពុង​ចេញមុខ​ឱ្យ កំពង់ផែ​ស្វយ័ត​ភ្នំពេញ ដើម្បី​លក់​ខ្សាច់ ក្នុង​ទឹក​តម្លៃ​១,៨​ដុល្លារ ទៅ​២,៣​ដុល្លារ ក្នុង​១​ម៉ែត្រគូប ដែល​ការធ្វើ​របៀបនេះ​មិនបាន​បំរើ​ឲ្យ​ផលប្រយោជន៍​ប្រជាពលរដ្ឋ​នោះឡើយ ។  ក្រុមអាជីវករ​បាន​អំពាវនាវ​ផងដែរ​ឲ្យ​គណៈកម្មាធិការ គ្រប់គ្រង​ធនធាន​ខ្សាច់​ដែលមាន​លោក លឹម គានហោ រដ្ឋមន្ដ្រីក្រសួង​ធនធាន ទឹក និង​ឧតុនិយម​ជា​ប្រធាន គួរ​មាន​វិធាន ការត្រួតពិនិត្យ​តាមដាន​ចំ​ចាត់ការ​ក្នុងករណីនេះ ពីព្រោះ​នៅក្នុង​សេចក្ដីសម្រេច​រាជ​រដ្ឋា ភិ​បាល​ស្ដីពី​ការកំណត់​គោលការណ៍​ធ្វើ អាជីវកម្ម​ខ្សាច់ ក្នុង​ប្រការ​៣ និង​ប្រការ ៤ បានបញ្ជាក់​យ៉ាង​ដូច្នេះ​ថា “​ក្នុងពេល អនុវត្ដ​ការធ្វើ​អាជីវកម្ម គណៈកម្មាធិការ គ្រប់គ្រង​ធនធាន​ខ្សាច់ ក្រសួង ស្ថាប័ន ពាក់ព័ន្ធ​មាន​សិទ្ធិ​ធ្វើការ​តាមដាន​ត្រួត ពិនិត្យ​និង​ផ្ដល់​អនុសាសន៍​លើ​រាល់​ចំណុច បច្ចេកទេស គោលការណ៍ លក្ខការណ៍ និង​កាតព្វកិច្ច​ដែល​ពាក់ព័ន្ធ​នឹង​វិស័យ របស់ខ្លួន ជូន​ដល់​ក្រសួង​រ៉ែ​និង​ថាមពល ដើម្បី​ធ្វើការ​កែលម្អរ​ជាបន្ទាន់ ។ ក្នុងករណី​មាន​ភាពអនាធិបតេយ្យ ធ្ងន់ធ្ងរ​កើតឡើង ប្រធាន​គណៈ​ក​ម្មា​ធិ ការ គ្រប់គ្រង​ធនធាន​ខ្សាច់ ត្រូវ​អញ្ជើញ រដ្ឋមន្ដ្រី ក្រសួង​រ៉ែ​និង​ថាមពល (​ឬ តំណាង​ក្រសួង​ដែលមាន​សិទ្ធិ​សម្រេច​) ក្រសួង​ស្ថាប័ន​ពាក់ព័ន្ធ ព្រមទាំង​សមា ជិ​ក​គណៈកម្មាធិការ​គ្រប់គ្រង​ធនធាន ខ្សាច់ ដើម្បី​ប្រជុំ​ត្រួតពិនិត្យ​វាយតម្លៃ និង​សម្រេច​វិធានការ ។  អាជីវករ​បានលើកឡើង​ថា រហូតមកទល់​ពេលនេះ ប្រធាន​គណៈ កម្ម​ការគ្រប់គ្រង​ធនធាន​ខ្សាច់​ហាក់ដូច ជា​មិនទាន់​អើពើ​នៅឡើយ ហើយ​ធ្វើ​ឲ្យ​ពួកគាត់ អស់ជំនឿ ទៅលើ​ការចេញ អាជ្ញាប័ណ្ណ​ខ្សាច់​នេះ ថា​មាន​តម្លាភាព ភាព​យុត្ដិធម៌ ។  
​    ​យ៉ាងណាក៏ដោយ ក្រុមអាជីវករ​បានធ្វើ​ការរិះគន់​ផងដែរ​ចំពោះ​ភាព​ព្រងើយកន្តើយ​របស់​ក្រសួង រ៉ែ​និង​ថាមពល​ដែល​មិនមាន​ភាពក្លាហាន​ក្នុងការ​ដកហូត​ឡូត៍​ខ្សាច់​របស់ ឧកញ៉ា លី យ៉ុង​ផាត់ នៅ​ខេត្ដ​កោះកុង , ឧកញ៉ា ម៉ុង ឫទ្ធី ឡូត៍​ខ្សាច់​ស នៅ​កំពង់ផែ​កែវផុស​, ឧកញ៉ា អៀក ប៊ុន​ថុល ក្រុមហ៊ុន​ឧត្ដម សីមា នៅ​ស្រែអំបិល , អណ្ដូងទឹក​ខេត្ដ កោះកុង ជាដើម ដើម្បី​បង្ហាញ​នូវ​តម្លាភាព​ឬ​យុត្តិធម៌​សម្រាប់​ការអនុវត្ត​នូវ សេចក្តីសម្រេច​របស់​រា​ជ​រដ្ឋាភិបាល ៕

ព័ត៌មានលម្អិត
« មុន 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 ក្រោយ »
ស្វែងរកតាមរយ:ប្រតិទិន
ចំនួនអ្នកទស្សនា
ថ្ងៃនេះ : 59966 នាក់
ថ្ងៃម្សិល : 79944 នាក់
សរុប : 18639217 នាក់
Flag Counter
Copyright© 2013 by Phnom Penh Daily All right reserved. Email:phnompenhdailynews@gmail.com
Add:#107, St.Railay, Group 57, Sangkat Beong Kok II, Khan Toul Kork Phnom penh Kingdom of Cambodia Tel: 017 700 688