1 2 3 4
ព័ត៌មានរាយការណ៍:
ថ្ងៃ ពុធ ទី 01 ខែ មេសា ឆ្នាំ 2015
ប្រធានាធិបតី​សូ​ម៉ាលី​អបអរសាទរ ចំពោះ​ការចូលរួម​វិភាគទាន​របស់​ចិន ក្នុង​ការកសាង​ឡើងវិញ​ប្រទេស​របស់លោក
ចុះនៅថ្ងៃទី 17-09-2013, 06:48 AM
ប្រធានាធិបតី​សូ​ម៉ាលី លោក ហាសាន់​សេក​ម៉ូ​ហា​មូ​ដ បាន​ថ្លែង​គូសបញ្ជាក់​កាលពី​ថ្ងៃ​ពុធ កន្លងមកនេះ​ថា ប្រទេស របស់ លោក​បាន​ដឹងគុណ​យ៉ាងខ្លាំង ចំពោះ​ប្រទេស​ចិន ដែល​ទាក់ទិន​នឹង ការចរចា​គ្នា ដែល​កំពុងតែ​ប្រព្រឹត្តទៅ ដើម្បី កសាង ឡើងវិញ​ប្រទេស​សូ​ម៉ាលី ដែល​វិស័យសេដ្ឋកិច្ច ត្រូវបាន​ខ្ទេចខ្ទាំ​យ៉ាងខ្លាំង ដោយសារតែ​សង្គ្រាមស៊ីវិល​អស់ រយៈពេល ២ទសវត្សរ៍ ដែល​បានបញ្ចប់ ទៅ កាលពី​ឆ្នាំ២០១២ នោះ។

នៅក្រៅ​កិច្ចប្រជុំ​កំពូល​ទី៣ ស្តីពី​ការប្រយុទ្ធ​ប្រឆាំងនឹង​អំពើ​ប្លន់​តាម​សមុទ្រ របស់​ពួក​អារ៉ាប់ រួម​អេ​មី​រ៉ា​ត រយៈពេល២ថ្ងៃ (EAU) នោះ ដែល​បានចាប់ផ្តើម​ឡើង កាលពី​ថ្ងៃ​កន្លងមកនេះ ប្រ​ធានា- ធិបតី​សូ​ម៉ាលី​បាន​អះអាង​បញ្ជាក់ថាៈ «ប្រ ទេស ចិន គឺជា​មិត្ត​ចាស់​របស់​ប្រជាជន​សូ​ម៉ាលី ចាប់​តាំង ពី​ការទទួលបាន​ឯករាជ្យ​របស់​យើង កាលពីដើម​ទសវត្សរ៍ ១៩៦០ មក»។

លោក ម៉ូ​ហា​មូ​ដ ដែល​បាន​ចូលកាន់​មុខតំណែង កាលពី​ថ្ងៃទី១៦ កញ្ញា ២០១២ មក​នោះ បាន​បន្ថែមទៀតថាៈ កិច្ចចរចា គ្នា​រវាង​សូ​ម៉ាលី និង​ចិន សម្រាប់​ការកសាង​ឡើងវិញ ត្រូវបាន​ពង្រឹង កាលពី​ឆ្នាំកន្លងមក។

លោក​ប្រធានាធិបតី​សូ​ម៉ាលី បាន​គូសបញ្ជាក់ថាៈ «មាន​កិច្ចចរចា​គ្នា និង​ការជជែក​គ្នា​ជា ច្រើន កំពុងតែ​ពង្រឹង​ទៅ រវាង ប្រទេស​ទាំងពីរ ហើយ​យើង​សង្ឃឹមថា ប្រទេស​ចិន​នឹង​កសាងឡើង វិញ​ប្រទេស​របស់​យើង ជាមួយនឹង​គម្រោងធំៗ ផ្នែក ហេដ្ឋារចនាសម្ព័ន្ធ​សេដ្ឋកិច្ច ដូចដែល​ប្រទេស ចិន​បានធ្វើ​នៅតាម​តំបន់​ជាច្រើន​នៃ​ទ្វីបអាហ្វ្រិក​ដែរ»។

ប្រធានាធិបតី​សូ​ម៉ាលី ក៏បាន​កត់សម្គាល់​ផងដែរ​ថាៈ ប្រទេស​ចិន​បាន​ចូលរួម​វិភាគទាន ដល់​ការប្រយុទ្ធ​ប្រឆាំងនឹង​អំ ពើ​ប្លន់​នៅតាម​សមុទ្រ ដោយមាន​បេសកកម្ម​ប្រឆាំងនឹង​ចោរប្លន់​តាម សមុទ្រ​អន្តរជាតិ​ក្នុង​ឈូង​សមុទ្រ​អា​ដែន ដោយ លោក​បាន​បន្ថែមទៀតថាៈ តម្លៃ​ទឹកប្រាក់​ដែល​បាន មក​ដោយ​អំពើ​ប្លន់​តាម​សមុទ្រ នៅ​ទូទាំង​មហាសមុទ្រ​ឥណ្ឌា មាន ចំនួន ១៨ពាន់​លាន​ដុល្លារ​អា​មេ-រិ​ក ក្នុង១ឆ្នាំ។

លោក​ប្រធានាធិបតី​សូ​ម៉ាលី បាន​សន្និដ្ឋានថាៈ «គ្រាន់តែ​ចំណែក​មួយ​នៃ​ទឹកប្រាក់​នេះ ប្រចាំឆ្នាំ អាចជួយ​ឱ្យ​ប្រទេស សូ​ម៉ាលី កសាង​សេដ្ឋកិច្ច​របស់ខ្លួន​ឡើងវិញ​បាន ដូច្នេះ​យើង​ស្នើ​សុំឱ្យ សហគមន៍​អន្តរជាតិ​ជួយ​យើង​ក្នុង​ការកសាង ឡើងវិញ​ប្រទេស​របស់​យើង និង​ជួយ​ប្រយុទ្ធប្រឆាំង នឹង​ជួយ​ប្រយុទ្ធ​ប្រឆាំងនឹង​ពួកចោរ​ប្លន់​តាម​សមុទ្រ៕
ចុះនៅថ្ងៃទី 31-03-2015, 03:24 PM, អាន 41ដង
​រាជធានី​ភ្នំពេញ​៖​សម្តេច​ហ៊ុនសែន​និង​លោក​សមរង្ស៊ី​បាន​ឯកភាព​សម្រេច ជ្រើស​រើសយក​លោក​ហង្ស ពុទ្ធា​នាយក​ប្រតិបត្តិ​អង្គការ​ឃ្លាំមើល​ការបោះឆ្នោត​និចហ្វិក​ជំនួស លោកស្រី​ពុង ឈី​វ​កេក ដែល​បានប្រកាស​បោះបង់ចោល មិន​ទទួលយក​តំណែង​សមាជិក​៩ គ​.​ជ​.​ប ថ្មី​។  
​ព័ត៌មាន​នេះ​ត្រូវបាន​មន្ត្រីជាន់ខ្ពស់ CNRP បង្ហើប​ឲ្យ​ដឹង​កាលពី​ព្រឹក​ថ្ងៃទី​៣១ ខែមីនា​នេះ ។ ប៉ុន្តែ​ដំណឹង​នៃ​ការឯកភាព​ជ្រើស​យក​លោក​ហង្ស​ពុទ្ធា ជំនួស​លោកស្រី ពុង ឈី​វ​កេក មិនត្រូវ​បានបញ្ជាក់​ជា​ផ្លូវការ​នៅឡើយ​ទេ​។ សូម​រម្លឹកថា លោកស្រី ពុង ឈី​វ​ហ្កេ​ក ប្រធាន​អង្គការសិទ្ធិមនុស្ស លីកាដូ បានសម្រេច​បោះបង់ចោល​បេក្ខជន​សមាជិក​គជប​ថ្មី ទី​៩​។
​លោកស្រី បានប្រកាស​ដូច្នេះ តាមរយៈ​សេចក្តីថ្លែងការណ៍​ចំហរ និង​ដោយ​ផ្ទាល់មាត់ នៅ​ព្រឹក​ថ្ងៃទី​៣១ ខែមីនា ឆ្នាំ​២០១៥​។ មូលហេតុ​នៃ​ការសម្រេច​នោះ ត្រូវបាន​លោកស្រី ពុង ឈី​វ​ហ្កេ​ក បញ្ជាក់ថា បើតាម​ច្បាប់ គជប​ថ្មី​នោះ អាច​នឹងមិន​ធ្វើការ​ដោយ​ឯករាជ្យ​បានទេ​។ ក្នុង​លិខិត លោកស្រី បានសរសេរថា "​មកដល់​ថ្ងៃនេះ រូបខ្ញុំ​ជឿជាក់ថា មុខតំណែង​មួយ​នេះ ខ្ញុំ​មិនអាច​អនុវត្ត​ទៅរួច​នោះទេ​"​។
​លោកស្រី ពុង ឈី​វ​ហ្កេ​ក បាន​បញ្ជាក់ថា "​ការដែល​ត្រូវបាន​ជ្រើសរើស​សម្រាប់​មុខតំណែង​ដ៏​សំខាន់​នេះ គឺជា​កិត្តិយស​ដ៏​ខ្ពង់ខ្ពស់ សម្រាប់​រូបខ្ញុំ តែ​គួរ​ឲ្យ​សោកស្តាយ ខ្ញុំ​មិនអាច​ទទួលយក​តំណែង​ជា​សមាជិក​ទី​៩ នៃ​គជប​ថ្មី​នេះ​បានទេ​។ ខ្ញុំ​សូម​អភ័យទោស​ដល់​បងប្អូន​ជនរួមជាតិ​ទាំងឡាយ ដែលមាន​ជំនឿ​លើ​ខ្ញុំ ហើយ​ដែល​អាចមាន​ការខកចិត្ត​ដោយសារ​ការសម្រេច​នេះ​៕

ព័ត៌មានលម្អិត
ចុះនៅថ្ងៃទី 31-03-2015, 03:20 PM, អាន 16ដង
​ខេត្តតាកែវ​៖​កម្មករ​ជាង​៤០​នាក់​ក្នុង​រោងចក្រ​KuanTech​បាន​ដួល​សន្ល​ប​ជា​បន្តបន្ទាប់​បណ្តាលមកពី​ផ្សែង​ដុត​សំរាម​បក់​ចូលក្នុង​រោងចក្រ​វេលា​ម៉ោង​១០​និង​៤០​នាទី​ព្រឹក​ថ្ងៃទី​៣១ ខែមីនា​ឆ្នាំ​២០១៥ ។  
​រោងចក្រ​ដែលមាន​កម្មករ​ដួល​សន្ល​ប​នេះ ស្ថិតនៅ​ឃុំ​ពពេល ស្រុក​ត្រាំកក់ ខេត្តតាកែវ​។ ប្រភពពី​កន្លែងកើតហេតុ បាន​ឲ្យ​ដឹងថា នៅមុខ​ពេល​កម្មករ​ដួល​សន្ល​ប​មាន​គេ ដុត​សំរាម​នៅក្បែរ​រោងចក្រ ហើយ​ធ្វើ​ឲ្យ​ផ្សែងហុយ​ចូល​រោងចក្រ បណ្តាល​ឲ្យ​កម្មករ​សន្លប់​តៗ​គ្នា​តែម្តង​។  
​យ៉ាងណាក៏ដោយ​ក្លា​មៗ នោះ​កម្មករ​ដួល​សន្ល​ប បេឡា​ជាតិ​របប​សន្តិសុខ​សង្គម (​ប​.​ស​.​ស​) សាខា​ខេត្តតាកែវ រួមជាមួយ​រដ្ឋបាល​រោងចក្រ សហជីព និង​សមត្ថកិច្ច​ពាក់ព័ន្ធ​បាន​បញ្ជូន​កម្មករ​សន្ល​ប​ទាំងនោះ ទៅ​សង្គ្រោះ​នៅ​មន្ទីរពេទ្យ ជិត​កន្លែងកើតហេតុ​៕

ព័ត៌មានលម្អិត
ចុះនៅថ្ងៃទី 31-03-2015, 02:43 PM, អាន 32ដង
ខេត្តបន្ទាយមានជ័យ​៖​កម្លាំង​ប៉េអឹម​ក្រុង ប៉ោយប៉ែត​ឃាត់ខ្លួន​បុរស​ជនជាតិ​វៀតណាម​ម្នាក់​ពាក់ព័ន្ធ​ករណី​នាំយក​បន្តោង រូប​ព្រះ​ពី​ប្រទេស​ថៃ​យកទៅ​វៀតណាម​ដោយ​ឆ្លងកាត់​កម្ពុជា​។
​ការឃាត់ខ្លួន​នេះ បានធ្វើ​ឡើង នៅ​ម៉ោង​៩​ព្រឹក ថ្ងៃទី​៣០ ខែមីនា ឆ្នាំ​២០១៥ នៅ​ភូមិ /​សង្កាត់​/​ក្រុង​ប៉ោយប៉ែត ខេត្តបន្ទាយមានជ័យ​។ លោក​ជា ដា មេបញ្ជាការ​ប៉េអឹម ក្រុង​ប៉ោយប៉ែត បាន​និយាយថា ជនសង្ស័យ មានឈ្មោះ ង្វៀង ធី​ថា​ន់ អាយុ​៤២​ឆ្នាំ​។ មូលហេតុ​នៃ​ការឃាត់ខ្លួន ជនសង្ស័យ​នេះ ដោយសារ​ជននេះ នាំចូល​រូបចម្លាក់ មិនមែន​រចនាបថ​ជា​ខ្មែរ ដែល​ក្រសួង​វប្បធម៌ និង​វិចិត្រសិល្បៈ ហាម​នាំចូល​មកប្រើប្រាស់ ឬ​គោរព​សក្ការៈ​ក្នុង​កម្ពុជា​។
​សមត្ថកិច្ច បាន​អប់រំ និង​ធ្វើ​កិច្ចសន្យា លើ​ជននេះ ហើយ​បាន​ដោះលែង​ទៅវិញ​។ ប៉ុន្តែ វត្ថុតាង​បន្តោង​ទាំងអស់ ត្រូវ​រឹបអូស ហើយ​ប្រគល់​ឲ្យ មន្ទីរ​វប្បធម៌ និង​វិចិត្រសិល្បៈ​ខេត្ត រក្សាទុក​។
​លោក យ៉ង់ តាំង​គួ​យ ប្រធាន​មន្ទី​វប្បធម៌ និង​វិចិត្រសិល្បៈ ខេត្តបន្ទាយមានជ័យ បាន អោយដឹងថា បន្តោង​រូប​ព្រះ ដែល​រឹបអូស​បាន​ពី ជនសង្ស័យ រួមមានៈ ១. រូប​ព្រះព្រហ្ម ពណ៌​ប្រាក់ ២៨​រូប ។ ២. រូបព្រហ្ម​ទឹកមាស ១៦ រូប ។ ៣. ព្រះពុទ្ធ​ទ្រង់គ្រឿង​ធំ​៩​រូប ។ ៤. បន្តោង​រូប​ព្រះពុទ្ធ មាន​ត្បូង​ជុំវិញ​. រូប​តូច​មាន​ចំនួន ១៩០ រូប ធំ ៤៥ រូប​។ ៥. រូប​ព្រះពុទ្ធ ពណ៌​ទឹកមាស​. ខៀវ ប្រក់​នាគ បន្តោង​៩២ និង​ពណ៌​ទឹកប្រាក់​៩២. ព្រះពុទ្ធ​សមាធិ ទឹកប្រាក់ បន្តោង ៩៨ ។ រូប​ព្រះ​ម្កុ​ជរាជ សំរាប់​ខ្ទាស់ ពណ៌​ក្រហម ១៤២ និង​ព្រះ​ម្កុ​ជរាជ សម្រាប់​ខ្ទាស់ ពណ៌​ខៀវ​ទឹកប៊ិច ១៣៧​។ ៦.​ព្រះពុទ្ធ​ទ្រង់គ្រឿង ពណ៌​ប្រាក់ ស្រោប​បន្តោង ៩៨. ។ រូប​ព្រះពុទ្ធ​សមាធិ ពណ៌​ទឹកមាស អត់​ស្រោប ១៩៦ និង​រូប​ព្រះពុទ្ធ ពណ៌​ចម្រុះ ជាច្រើន​ទៀត​៕

ព័ត៌មានលម្អិត
ចុះនៅថ្ងៃទី 31-03-2015, 01:45 PM, អាន 20ដង
ខេត្តកណ្តាល​៖​ក្រុមចោរប្លន់​៣​នាក់​ត្រូវបាន​ប្រជាពលរដ្ឋ​រស់នៅ​ភូមិ​កោះ ផុស​ឃុំ​ដីឥដ្ឋ​ស្រុក​កៀនស្វាយ​បាន​ដេញ​ព័ទ្ធចាប់ ក្រោយ​ធ្វើ​សកម្មភាព​ប៉ង​ប្លន់​យក​ម៉ូតូ​របស់​ជនរងគ្រោះ​បន្ទាប់ពី​ក្រុម​ជនសង្ស័យ បាន​ហៅ​ម៉ូតូ​ជនរងគ្រោះ​ឲ្យ​ឌុប​មកកាន់​ចំណុចកើតហេតុ តែ​ត្រូវបាន​ជនរងគ្រោះ​ស្រែក​ឲ្យ​អ្នកភូមិ​ជួយ ។ ហេតុការណ៍​នេះ បាន​កើតឡើង​កាលពី​វេលា​ម៉ោង​៦ និង​៥០​នាទី ថ្ងៃទី​៣០ ខែមីនា ឆ្នាំ​២០១៥ ត្រង់ចំណុច​ភូមិ​កោះ​ផុស ឃុំ​ដីឥដ្ឋ ស្រុក​កៀនស្វាយ ខេត្តកណ្តាល ។  
​លោក ប៉ា សំអិត អធិការ​ស្រុក​កៀនស្វាយ បាន​ឲ្យ​ដឹងថា ជនរងគ្រោះ​ជា​ម្ចាស់​ម៉ូតូ ឈ្មោះ ឆន សុផល អាយុ​២៦​ឆ្នាំ មុខរបរ​រត់​ម៉ូតូឌុប ស្នាក់នៅ​សង្កាត់ ចាក់អង្រែ​ក្រោម ខណ្ឌមានជ័យ ។
​ជនរងគ្រោះ​ជិះ​ម៉ូតូ​ម៉ាក សេ ១២៥ ស៊េរី ២០១១ ពណ៌​ខ្មៅ ពាក់​ស្លាក​លេខ​កណ្តាល 1N-8330 ជនសង្ស័យ​ទាំង​៣​នាក់ ទី​១/​ឈ្មោះ សៅ សូ​នី ភេទ​ប្រុស អាយុ​១៦​ឆ្នាំ រស់នៅ​ភូមិ​ព្រៃ​ស្ពឺ ឃុំ​ពងទឹក ស្រុក​រំដួល ខេត្តស្វាយរៀង​, ទី​២/​ឈ្មោះ​ម៉ាប់ វិច្ឆិកា ភេទ​ប្រុស អាយុ​១៧​ឆ្នាំ រស់នៅ​ភូមិ​ត្រពាំងវែង ឃុំ​ក្រុំ​ពល ស្រុក​មេសាង ខេត្តព្រៃវែង និង​ទី​៣/​ឈ្មោះ ចាន់ សុ​ខេន ភេទ​ប្រុស អាយុ​១៧​ឆ្នាំ រស់នៅ​ភូមិ​តាប់ ឃុំ​តា​សួស ស្រុក​ស្វាយជ្រុំ ខេត្តស្វាយរៀង ។
​បច្ចុប្បន្ន​ជនសង្ស័យ​ទាំង​៣​នាក់​ត្រូវបាន​ឃុំខ្លួន​បណ្តោះអាសន្ន នៅ​អ​ធិ ការ​ស្រុក ដើម្បី​កសាង​សំណុំរឿង ឡើង​តុលាការ​តាម​នីតិវិធី​ច្បាប់ ៕

ព័ត៌មានលម្អិត
ចុះនៅថ្ងៃទី 31-03-2015, 01:37 PM, អាន 22ដង
ខេត្តព្រះវិហារ​៖​សត្វ​គោ​ចំនួន​៣​ក្បាល​ស្លាប់​នៅនឹងកន្លែង ដោយសារ​ក្រុម​ចោរលួច​គោក្របី ឈានទៅ​ប្រើប្រាស់​អាវុធ​បាញ់​និង​បាន​ត្រៀម​មធ្យោបាយ​ដឹកជញ្ជូន​រួចជាស្រេច ខណៈ​ហ្វូងគោ​ដើរ​ទៅ​តំបន់​ព្រៃ​ដាច់​ស្រ​យ៉ា​លពីភូមិ​ដែល​ប្រជាពលរដ្ឋ​មាន​ទម្លាប់​យកទៅ​ព្រលែង​ចោល​អោយ​ដើរ​ស៊ី​ស្មៅ​។​ករណី បាញ់​ប្លន់​នេះ​បាន​បន្សល់ទុក នៅវេលា​ម៉ោង​៤​រសៀល​ថ្ងៃទី ៣០ ខែ មីនា ឆ្នាំ ២០១៥​នៅ​ចំណុច​ស្រះ​ទឹក ស្ថិត​ក្នុងភូមិ ត្មាត​ប៉ើយ ឃុំ ព្រីង​ធំ ស្រុក​ជាំ​ក្សាន្ត ខេត្តព្រះវិហារ ។  
​ប្រភពព័ត៌មាន​ពី​ប្រជាពលរដ្ឋ​បានអោយដឹង​នៅ​ព្រឹក ថ្ងៃទី​៣១​មីនា​ថា គាត់​បានឮ​សូរ​គ្រាប់កាំភ្លើង​ផ្ទុះ​ចំនួន​៤​ទៅ​៥​គ្រាប់​ដែលមាន​ចំងាយ​ពី កន្លែង​គាត់​ភ្ជួរ​ដី​ប្រមាណ​៥០០​ម៉ែត្រ ដែល​ក្រុមចោរ​បាន​បាញ់សម្លាប់​សត្វ​គោ ។​បន្ទាប់មក​គាត់​បាន​ទៅពិនិត្យ​មើល​កន្លែង​ផ្ទុះអាវុធ​នោះ​ស្រាប់តែ​ឃើញ​គោ ចំនួន​៣​ក្បាល​បាន​ស្លាប់​នៅនឹងកន្លែង​ហើយ​មានការ​ភ្ញាក់ផ្អើល​ដល់ ប្រជាពលរដ្ឋ​និង​ម្ចាស់​គោ​បាននាំគ្នា​មកដល់​កន្លែងកើតហេតុ​ការណ៍​រីឯ ក្រុមចោរ​បាន​រត់គេច​ខ្លួន​ដោយ​សុវត្ថិភាព​។
​ប្រភព​បន្តថា ក្រោយពេល​ក្រុមចោរ​បាន​បាញ់សំលាប់​សត្វ​គោ​រួចហើយ គាត់​បានឃើញ​រថយន្ត កាមរី ពណ៌​ស​១​គ្រឿង​បើក​ក្រឡឹង​ចុះ​ក្រឡឹង​ឡើង​ចំនួន​៣​ជុំ​បម្រុង​លើក​គោ​ទាំង​៣ ក្បាល​នោះ​ដាក់​រថយន្ដ​របស់ខ្លួន​បន្ទាប់មក​បាន​រត់គេច​ខ្លួន​វិញ​ព្រោះតែ បែកការណ៍​ដល់​ប្រជាពលរដ្ឋ​និង​សមត្ថកិច្ច​នគរបាល​មូលដ្ឋាន ។​
​អ្នកយកព័ត៌មាន​យើង​មិនអាច​ជួប​ទំនាក់ទំនង​សួរនាំ​លោក ជា គឹម​សេង អភិបាលស្រុក និង​ជា​ប្រធាន​គណៈបញ្ជាការ​ឯកភាព​ស្រុក​ជាំ​ក្សាន្ដ​បានទេ ចំពោះ​សកម្មភាព​ក្រុម​ចោរលួច​ប្លន់ គោក្របី​របស់​ប្រជាពលរដ្ឋ​ដែល​តែងតែ​កើតមានទ្បើង​ជា​ញឹកញាប់​លើ​ទឹកដី​ស្រុក​ជាំ​ក្សាន្ត​៕

ព័ត៌មានលម្អិត
ចុះនៅថ្ងៃទី 31-03-2015, 01:26 PM, អាន 19ដង
​ខេត្តកណ្តាល​៖​គេ​សង្កេតឃើញ​ល្បែងស៊ីសង​បញ្ជល់មាន់​ដែល​ជ្រក​ក្រោម​ស្លាក​កាស៊ីណូ​ហ្គ្រេ​ន​ដ្រា​ហ្គ​ន​រី​សត​បើក​លេង​យ៉ាង អនាធិបតេយ្យ​សមត្ថកិច្ច​អាជ្ញាធរ​មិន​បង្ក្រាប​។ បើ​យោងតាម​ប្រភពព័ត៌មាន​ពី​សន្តិសុខ​ប្រចាំការ​យាម​នៅ​ទីតាំង​នោះបាន​ឲ្យ​ដឹងថា សង្វៀន​បញ្ជល់មាន់​នេះ​ជា​របស់លោក​លុយ ធា​ម មេ​វរៈ​ការពារ​ព្រះ​ដែន​និង លោក​ឡេង ។  
​តាម​សេចក្តីរាយការណ៍​បាន​ឲ្យ​ដឹងថា ជា​រៀងរាល់ថ្ងៃ​មាន​ប្រជាពលរដ្ឋ​ខ្មែរ​ចូល​លេង​ល្បែងស៊ីសង​ក្នុង​សង្វៀន​បញ្ជល់មាន់ នេះ​យ៉ាង​គគ្រឹកគគ្រេង​ធ្វើ​ឲ្យ​ឈ្នះ​ចាញ់​រាប់ពាន់​ដុល្លារ ទង្វើ​បែបនេះ​ដែល​បង្ក​ឲ្យ​មាន​បញ្ហា​ក្នុង​គ្រួសារ​ដូច​ជាមាន​អំពើហិង្សា បទល្មើស​ចោរប្លន់ ចោរឆក់ ចោរ​គាស់​ផ្ទះ ប្រជាពលរដ្ឋ​យក​ទ្រព្យសម្បត្តិ​ជាដើម​។  
​ល្បែងស៊ីសង​បញ្ជល់មាន់​ដ៏​ធំ​នេះ​គឺ របស់លោក​លុយ ធា​ម និង​លោក​ឡេង ដែល​ជ្រក​ក្រោម​ស្លាក​ការ​ស៊ី​ណូ​ដូច​ខាងលើនេះ នៅតែ​បន្តសកម្មភាព​យ៉ាង​ពេញបន្ទុក​នេះ ដោយ​ពុំមាន​សមត្ថកិច្ច​ពាក់ព័ន្ធ​ឬ​មន្ត្រី​អាជ្ញាធរ​ចាត់វិធានការ ទប់ស្កាត់​នោះទេ មាន​ស្ថិតនៅក្នុង​ឃុំ​សំពៅ​ពូន ស្រុក​កោះធំ ខេត្តកណ្តាល​។ ដោយ​ធ្វើ​មិន ដឹង មិនឮ​អ្វី​ទាំងអស់​ចំពោះ​សង្វៀន​បញ្ជល់មាន់​ជា​អំពើ​ខុសច្បាប់​របស់លោក​លុយ ធា​ម និង​លោក​ឡេង ដែល​និង​កំពង់តែ​ផ្គើន​នឹង​បញ្ជា​របស់​ប្រមុខ​រាជរដ្ឋាភិបាល​៩ ចំណុច ភូមិ ឃុំ​មាន​សុវត្ថិភាព​។
 ប្រជាពលរដ្ឋ​ទូទៅ​ក្នុង​ខេត្តកណ្តាល​បាន​សម្តែង​ក្តី​ព្រួយបារម្ភ យ៉ាងខ្លាំង​ចំពោះ​បញ្ហា​សន្តិសុខ នៅ​ក្នុងឱកាស​បុណ្យចូលឆ្នាំ​ថ្មី ប្រពៃណី​ខ្មែរ​យើង​ខាងមុខនេះ ព្រោះ​ល្បែងស៊ីសង កំពុង​កើតឡើង​យ៉ាង​ពេញបន្ទុក​ទូទាំង​ស្រុក​កោះធំ ខេត្តកណ្តាល​។
​ប្រជាពលរដ្ឋ​សូម​អំពាវនាវ​ដល់​លោក​ម៉ៅ ភិ​រុន អភិបាលខេត្ត​និង លោក​អាវ ចំរើន ស្នងការ​នគរបាល​ខេត្តកណ្តាល​មេត្តា ជួយ​ចាត់វិធានការ​ពិនិត្យ​និង បង្ក្រាប​ជាបន្ទាន់​ចំពោះ​សង្វៀន​បញ្ជល់មាន់​របស់​លោក​លុយ ធា​ម និង​លោក​ឡេង បាន​បើក​លេង​ជ្រក​ក្រោម​ស្លាក​កាស៊ីណូ​ហ្គ្រេ​ន​ដ្រា​ហ្គ​ន​រី​សត នេះ​ផង​។ ដើម្បី​កាត់បន្ថយ​នូវ​សេចក្តី​ព្រួយបារម្ភ​របស់​ប្រជាពលរដ្ឋ​ដោយសារតែ ពួកគាត់​សង្កេតឃើញថា រយៈពេល​ប៉ុន្មាន​ខែ​កន្លងទៅនេះ​អំពើ​ចោរប្លន់​ចោរលួច​គោក្របី ចោរ​គាស់​ផ្ទះ​យក​ទ្រព្យសម្បតិ្ត​ប្រជាពលរដ្ឋ​កើតឡើង​ឥតឈប់ឈរ​សោះ ហើយ​សមត្ថកិច្ច​ពាក់ព័ន្ធ​បង្ក្រាបបាន​តិចតួច​បំផុត​។ ការអំពាវនាវ​របស់​ប្រជាពលរដ្ឋ​គឺ​ដោយសារតែ​ពួកគាត់​គ្មាន​ទំនុកបំរុង​ចិត្ត លើ​មន្ត្រី​អាជ្ញាធរ​និង​សមត្ថកិច្ច​ក្នុង​ការរក្សាសន្តិសុខ​សណ្តាប់ ធ្នាប់​សង្គម​ឲ្យ​បានល្អ​ប្រសើរ​នោះទេ​។  ដោយ​មិន​យកចិត្តទុកដាក់​អនុវត្ត​ន័​គោលនយោបាយ​ភូមិ ឃុំ មាន​សុវត្ថិភាព ទាំង​៩​ចំណុច​ដើម្បី​ឲ្យ​ប្រជាពលរដ្ឋ​មាន​ភាពកក់ក្តៅ​ក្នុងការ​រស់នៅ​សព ថ្ងៃ​ទៀតផង​។  
​ពាក់ព័ន្ធ​នឹង​ករណី​រិះគន់​ខាងលើនេះ អ្នកយកព័ត៌មាន​យើង​បានធ្វើការ​ទំនាក់ទំនង​សុំ​ការបំភ្លឺ​និង​បញ្ជាក់​ពី​លោក​ម៉ៅ ភិ​រុន និង​លោក អ៊ា​វ ចំរើន ក៏ប៉ុន្តែ​ពុំមាន​ប្រភព​ទាក់ទង​បានទេ​៕

ព័ត៌មានលម្អិត
ចុះនៅថ្ងៃទី 31-03-2015, 01:14 PM, អាន 30ដង
​រុស្ស៊ី​៖​ប្រធានាធិបតី  វ្ល៉ា​ឌី​មៀរ ពូ​ទីន បាន​និយាយថា រុស្ស៊ី​នឹង​ប្រឹងប្រែង​ដើម្បី​ឯករាជ្យ​ពេញលេញ​របស់​រដ្ឋ​ប៉ា​ឡេ​ស្ទី​ន និង​ប្រកាស​ឲ្យ​មានការ​ដោះស្រាយ​បញ្ហា​មជ្ឈិមបូព៌ា​ដោយ​សន្តិវិធី​។ ការប្រកាស​នេះ ចំ​ពេលដែល​ប្រទេស​រុស្ស៊ី​កំពុងមាន​វិបត្តិ​ជាមួយ​អ៊ុយ​ក្រែ​ន​នៅឡើយ​។​
​លោក​បាន​ប្រាប់​អង្គប្រជុំ​ទាំងមូល​នៅ​ចុង​សប្ដាហ៍​នេះ​ថា ប៉ា​ឡេ​ស្ទី​ន​អាចមាន​សិទ្ធិ​ក្នុងការ​បង្កើត​រដ្ឋ​ឯករាជ្យ និង​ស្ថិតស្ថេរ​ជាមួយ​រដ្ឋធានី​នៅ​ទីក្រុង​ជេ​រូ​សា​ឡឹម​ខាងកើត​​។ ប្រធានាធិបតី​ដ៏​មាន​ឥទ្ធិពល​រូបនេះ បាន​បន្តទៀតថា ​រុស្ស៊ី​នឹង​ជួយ​គាំទ្រ​ដើម្បី​ឲ្យ​ប៉ា​ឡេ​ស្ទី​នស​ម្រេច​គោលបំណង ទាំង​តាម​បណ្ដាញ​ទ្វេភាគី​ក្ដី ទាំង​តាម​បណ្ដាញ​ពហុភាគី​ក្ដី​។​
​ទោះបី​មានការ​រិះគន់​ជា​អន្តរជាតិ​ពាក់ព័ន្ធ​នឹង​គោលជំហរ​លើ វិបត្តិ​អ៊ុយ​ក្រែ​ន ក៏​លោក ពូ​ទីន បានប្រកាស​ក្ដែ​ងៗ​ថា រុស្ស៊ី​មាន​សមត្ថភាព​ក្នុង​ការនាំ​សន្តិភាព ព្រមទាំង​បញ្ចប់សង្គ្រាម​។ បង្ហាញ​នៅក្នុង​កិច្ចប្រជុំ​សម្ព័ន្ធ​អារ៉ាប់​នា​ប្រទេស​អេ​ហ្ស៊ី​ប កាលពី​ថ្ងៃ​សៅរ៍ លោក ពូ​ទីន បាន​និយាយ​ប្រឆាំង​ទៅនឹង​អន្តរាគមន៍​របស់​បរ​ទេស​ជុំវិញ​ជម្លោះផ្ទៃក្នុង របស់ខ្លួន និង​បញ្ជាក់​ពី​តួនាទី​របស់​រុស្ស៊ី​ក្នុង​ទំនាក់ទំនង​ការទូត​។
​គួរ​បញ្ជាក់ថា កាលពី​ខែ​មុន ភាគី​ទាំង​បួន​រួមមាន សហរដ្ឋអាមេរិក សហគមន៍​អឺរ៉ុប អង្គការសហប្រជាជាតិ និង​រុស្ស៊ី បានចេញ​សេចក្ដីថ្លែងការណ៍​រួមគ្នា​បន្ទាប់ពី​កិច្ចប្រជុំ​នៅ អាល្លឺម៉ង់ ដើម្បី​បង្ហាញ​ពី​ការខកចិត្ត​របស់​ពួកគេ បន្ទាប់ពី​បរាជ័យ​ក្នុង​កិច្ចចរចា​នៅ​អ៊ីស្រាអែល​។ បរាជ័យ​នោះ កើតឡើង​ក្រោយ​ភាគី​ទាំងពីរ​ដែលមាន​អ៊ីស្រាអែល និង​ប៉ា​ឡេ​ស្ទី​ន​ចាក​ចេញពី​តុ​ចរចា​៕

ព័ត៌មានលម្អិត
ចុះនៅថ្ងៃទី 31-03-2015, 12:52 PM, អាន 30ដង
​ឈី​លី​៖​យោងតាម​សារព័ត៌​មានបាន​រាយការណ៍​ថា ចំនួន​អ្នកស្លាប់​ពី​គ្រោះធម្មជាតិ​ទឹកជំនន់ នា​ភាគ​ខាងជើង​ប្រទេស​ឈី​លី​បណ្តាល​ឲ្យ​មនុស្ស​និង​បាត់​ខ្លួន​រាប់សិប​នាក់ បន្ទាប់ពី​ទឹកជំនន់​យ៉ាងធ្ងន់ធ្ងរ​កាលពី​សប្ដាហ៍​មុន ។​
​មនុស្ស​ជាង​១៥​នាក់​ត្រូវគេ​ដឹងថា​បាន​ស្លាប់ ក្នុង​ទឹកជំនន់​កាលពី​សប្ដាហ៍​មុន ប៉ុន្តែ​គេ​អះអាងថា​នៅមាន​មនុស្ស​យ៉ាងហោចណាស់ ២០​នាក់​ផ្សេងទៀត​កំពុង​បាត់​ខ្លួន​នៅឡើយ​។ ហើយ​ដំណើរការ​ស្វែងរក​អ្នក​ទាំងនោះ​ក៏​នៅតែ​កំពុង​ធ្វើ​ដែរ​។​
​ក្រុមការងារ​អ្នក​ជួយសង្គ្រោះ និង​សែ្វ​ង​រក​និយាយថា ពួកគេ​មិន​ទំនងជា​រក​អ្នក​នៅមាន​ជីវិត​ឃើញ​ទេ​ក្នុងដំណាក់កាល​នេះ​៕

ព័ត៌មានលម្អិត
ចុះនៅថ្ងៃទី 31-03-2015, 12:32 PM, អាន 19ដង
​កីឡា​៖​ក្រុមបាល់ទាត់​U22​កម្ពុជា​នឹងធ្វើ​ការប្រកួត​ចុងក្រោយ​របស់ខ្លួន ​ជាមួយ​ក្រុម U22 ហ្វីលីពីន​ល្ងាច​នេះ តែ​ជ័យជំនះ​មិនអាច​ធ្វើអោយ​ក្រុម​ទាំងពីរ​មានមុខ​នៅ​ជុំ​បន្ត​ឡើយ​។​
​សំរាប់​ក្រុម​កម្ពុជា​ពីរ​ប្រកួត​កន្លងមក​ក្នុង​វគ្គ​ជំ​រុះ​នេះ ចាញ់​ម្ចាស់ផ្ទះ​ទាំង​មិន​អស់ចិត្ត 2-1 ចាញ់​ក្រុម​ខ្លាំង​កូរ៉េខាងជើង 4-1 កាលពី​ថ្ងៃអាទិត្យ​។ ទោះបីជា​គ្មាន​ឱកាស​ទៅ​ជុំ​បន្ត ក្រុម​កម្ពុជា​នៅតែ​ត្រូវការ​ជ័យជំនះ​ជូន​ជាតិ​មាតុភូមិ​ជានិច្ច ខណៈដែល​ប្រសិនបើ​ទទួលបាន​ជោគជ័យ​ល្ងាច​នេះ ក្រុម U22 កម្ពុជា​នឹង​ទទួលបាន​ប្រាក់រង្វាន់​មួយ​ម៉ឺន​ដុល្លារ​អាមេរិក ពី​សហព័ន្ធ​កីឡាបាល់ទាត់​កម្ពុជា​។​
​ដោយឡែក​សំរាប់​ក្រុម U22 ហ្វីលីពីន​កំពុង​ស្ថិតនៅ​បាត​តារាង​ពីក្រោម​កម្ពុជា​ទៅទៀត ពោលគឺ​ពីរ​ប្រកួត​របស់​ពួកគេ​ចាញ់​កូរ៉េខាងជើង 4-0 និង​ចាញ់​ម្ចាស់ផ្ទះ 5-1​។​ចំណែក​ក្រុម​ម្ចាស់ផ្ទះ​ថៃ​ត្រូវ​ប្រជែង​នឹង​ក្រុម​ជើង​ខ្លាំង កូរ៉េខាងជើង ដើម្បី​ស្វែងរក​ចំណាត់ថ្នាក់​លេខ​១​ក្នុង​ពូ​ល នៅ​កីឡដ្ឋាន​ដដែល​វេលា​ម៉ោង​៧​យប់​៕

ព័ត៌មានលម្អិត
ចុះនៅថ្ងៃទី 31-03-2015, 12:21 PM, អាន 19ដង
​ខេត្តបន្ទាយមានជ័យ​៖​ជនសង្ស័យ​ម្នាក់​ត្រូវ​កម្លាំង​កងរាជអាវុធហត្ថ​ស្រុក​អូរជ្រៅ​ឃាត់ខ្លួន​ឃាត់ខ្លួន​នៅវេលា​ម៉ោង​៩ និង​៣០​នាទី ព្រឹក​ថ្ងៃទី​៣០ ខែមីនា ឆ្នាំ​២០១៥ ត្រង់ចំណុច​យាង​ថ្មី ឃុំ​កូប ស្រុក​អូរជ្រៅ ខេត្តបន្ទាយមានជ័យ​ពីបទ​បង្ខំ​រំលោភ​សេពសន្ថវៈ​បានសម្រេច​។​
​លោក​មេបញ្ជាការ អ​.​ហ ខេត្ត បាន​ថ្លែង​ឲ្យ​ដឹង​នៅ​ល្ងាច​ថ្ងៃនេះ​ថា ក្រោយពី​បានទទួល​ពាក្យ បណ្តឹង​ថា មាន​ករណី រំលោភ​សេពសន្ថវៈ នៅលើផ្ទះ​នារី​រងគ្រោះ លោក​ក៏បាន​បញ្ជា​ឲ្យ លោក ជា ពិសី មេបញ្ជាការ អ​.​ហ ស្រុក​អូរជ្រៅ ធ្វើការ​តាមដាន និង​ស្រាវជ្រាវ​រក​ជនល្មើស រហូត​ឈាន​មក​ការឃាត់ខ្លួន ជនសង្ស័យ បានសម្រេច​តែម្តង​។
​លោក​មេបញ្ជាការ​បា​នប​ន្ត​ថា បើតាម​ការឆ្លើយ​សារភាព របស់​ជនល្មើស​ថា ខ្លួន​ពិតជា​បានធ្វើ​សកម្មភាព ចាប់រំលោភ​លើ នារី​រងគ្រោះ មាន ឈ្មោះ ខ​.​ល អាយុ​២២​ឆ្នាំ រស់នៅ ភូមិ​ខាងលើ​ខាង​នេះ​ពិតប្រាកដ​មែន ខ​ណះ​ពេល​ឪពុកម្តាយ​នាង​មិន​នៅផ្ទះ រវល់​តែ ធ្វើ​ចំការ ឯ​ស្រុក​សំពៅ​លូន ដោយបាន​ប្រើល្បិច​ថា ឪពុកម្តាយ​ខ​ល​ទូរស័ព្ទ​មកលេង ភ្លាមនោះ នារី​រងគ្រោះ​ក៏បាន​បើក ទ្វារផ្ទះ ភ្លាមនោះ​ខ្លួន​បានធ្វើ​សកម្មភាព ចាប់បង្ខំ​រំលោភ​តែម្តង រហូត​បានសម្រេច ។
​ហេតុការណ៍ រំលោភ​សេពសន្ថវៈ​នេះ នៅវេលា​ម៉ោង ប្រមាណ​ជា​២០​យប់ កាលពី​ថ្ងៃទី​២៥ ខែមីនា ឆ្នាំ​២០១៥ កន្លងមកនេះ ។ លោក​មេបញ្ជាការ​បន្ថែម​ថា ជនល្មើស​មានឈ្មោះ ម៉ាន ហ៊​ន អាយុ​៣៨​ឆ្នាំ រស់​ភូមិ​កើត ហេតុ​ខាងលើនេះ ។
​បច្ចុប្បន្ន​សមត្ថកិច្ច បាន​សាង​សំណុំរឿង​ជនល្មើស និង​តាម​ការឆ្លើយ​សារភាព បញ្ជូនទៅ​សាលាដំបូង ខេត្តបន្ទាយមានជ័យ ដើម្បី​ចាត់ការ​តាម​នីតិវិធី​ច្បាប់​៕

ព័ត៌មានលម្អិត
ចុះនៅថ្ងៃទី 31-03-2015, 12:01 PM, អាន 37ដង
​ជប៉ុន​៖​ប្រទេស​ជប៉ុន​បានដាក់​ការហាមឃាត់​មិន​ឲ្យ​មាន​ជើងហោះហើរ​អន្តរជាតិ​ថ្មីៗ​របស់​អាកាសចរណ៍​ថៃ​ទៅកាន់​ប្រទេស​របស់ខ្លួន​ឡើយ និង​តម្រូវ​ឲ្យ​មានការ​ត្រួតពិនិត្យ​បន្ថែម បន្ទាប់ពី​អង្គការ​អាកាសចរណ៍​ស៊ីវិល​អន្តរជាតិ (ICAO) បានលើកឡើង​អំពី​កង្វល់​នៃ​សុវត្ថិភាព​នៃ​ការហោះហើរ​របស់​ប្រទេស​ថៃ​។​
​ប្រទេស​ជប៉ុន​បាន​បិទ​ជើងហោះហើរ​ថ្មីៗ​ពី​ប្រទេស​ថៃ​ហើយ ដោយយោង​តាម​សេចក្ដីសម្រេច​របស់ ICAO​។ ទន្ទឹមនឹងនេះ ប្រទេស​កូរ៉េខាងត្បូង​ក៏​កំពុង​ពិចារណា​អំពី​រឿង​លុប​ការហោះហើរ​ពី ប្រទេស​ថៃ​ដែរ​។​
​ក្នុងចំណោម​ក្រុមហ៊ុន​អាកាសចរណ៍​របស់​ថៃ ដែល​ត្រូវបាន​លុបចោល​ជើងហោះហើរ​អន្តរជាតិ មានដូចជា Thai AirAsia X, NokScoot និង Asia Atlantic Airline​។ ចំណែក​ជើងហោះហើរ Thai Airways ក៏​រង​ផលប៉ះពាល់​ផងដែរ​។​
​អ្នកនាំពាក្យ​ពី​ការិយាល័យ​នៃ​ទីក្រុង​តូ​ក្យូ Noriaki Umezawa បាន​ឲ្យ​ដឹងថា ការបិទ​នេះ​គឺ​ធ្វើជា​បណ្ដោះអាសន្ន​ទេ ដើម្បី​ឲ្យ​ជឿជាក់ថា ជើងហោះហើរ​ត្រូវបំពេញ​គ្រប់​លក្ខខណ្ឌ​ស្តង់ដារ​នៃ​ប្រព័ន្ធ​សុវត្ថិភាព ជា​អន្តរជាតិ​ដែរឬទេ​។​
​អាកាសចរណ៍​ថៃ​ត្រូវបាន​ត្រួតពិនិត្យ​ដោយ ICAO ប្រហែល​ជាមួយ​ទសវត្ស​មុន បន្ទាប់ពី​ការត្រួតពិនិត្យ​ចុងក្រោយ​ក្នុង​ឆ្នាំ​២០០៥​។ ការត្រួតពិនិត្យ​អាកាសចរណ៍​ទៅលើ​ប្រទេសមួយ គឺ​ដើម្បី​ឲ្យ​ច្បាស់​ថា ជើងហោះហើរ​របស់​ប្រទេស​នោះ​គឺ​ប្រកបដោយ​សុវត្ថិភាព​៕

ព័ត៌មានលម្អិត
ចុះនៅថ្ងៃទី 31-03-2015, 11:53 AM, អាន 19ដង
​បច្ចេកវិទ្យា​៖​ក្រុមហ៊ុន Microsoft គ្រោង​ចេញ​កុំព្យូទ័រ Notebook ថ្មី​មួយ ដែល​ដំណើរការ​ដោយ Windows 10 ដើម្បី​ប្រកួតប្រជែង​ទីផ្សារ​ជាមួយនឹង​កុំព្យូទ័រ Chromebook របស់​ក្រុមហ៊ុន Google​។​
​ប្រភពពី​សារព័ត៌មាន Digitimes ឲ្យ​ដឹងថា Microsoft គឺមាន​កុំព្យូទ័រ Notebook ចំនួន​ពីរ​ម៉ូ​ដែល ហើយ​ទាំងពីរ​ម៉ូ​ដែល​នេះ​គឺមាន​ទំហំ​អេក្រង់ ១១,៦​អ៊ី​ញ​ដូចគ្នា​។ ប្រភព​ដដែល​បាន​បន្ថែមទៀតថា Notebook ទាំងពីរ​នោះ​គឺ​បំពាក់​ដោយ CPU Bay Trail-T CR (BTCR) របស់​ក្រុមហ៊ុន Intel ។ មួយ​ម៉ូ​ដែល​ក្នុងចំណោម​នេះ​គឺ​ប្រើ​សម្រាប់​ក្នុង​វិស័យ​អប់រំ ដែល​នឹង​សហការ​ផលិត​ជាមួយ​ក្រុមហ៊ុន Elitegroup Computer Systems (ECS) របស់​តៃវ៉ាន់​។ ក្រុមហ៊ុន Microsoft គឺ​ត្រូវបាន​គេ​រំពឹងទុក​ថា​នឹងដាក់​លក់ Windows 10 Notebook ទាំងពីរ​ម៉ូ​ដែល​នេះ​ទូទាំង​ពិភពលោក​នៅ​ពាក់កណ្ដាល​ឆ្នាំនេះ​៕
 

ព័ត៌មានលម្អិត
ចុះនៅថ្ងៃទី 31-03-2015, 11:47 AM, អាន 17ដង
កីឡា​៖​ប្រធាន​ក្រុម​ជម្រើសជាតិ​អង់គ្លេស និង​ខ្សែប្រយុទ្ធ​របស់​ក្លិប Manchester United កីឡាករ Wayne Rooney ឈរ​នៅ​លំដាប់​លេខ​រៀង​ទី​៨​ជា​កីឡាករ​រត់លឿន​បំផុត​លើ​លោក   ខណៈដែល ខ្សែបម្រើ​ប្រយុទ្ធ​របស់​ក្រុម Real Madrid គឺ​កីឡាករ​Gareth Bale ស្ថិតនៅ​លំដាប់​លេខ​១​។​
​បញ្ជី​កីឡាករ​ល្បឿន​លឿន​បំផុត Top10 គឺ​ត្រូវបាន​វិភាគ និង​សិក្សា​ស្រាវជ្រាវ​ដោយ​ក្លិប Pachuca របស់​ម៉ិ​ក​ស៊ី​កូ ខណៈដែល​កីឡាករ​របស់​ក្លិប​នេះ​ផ្ទាល់ គឺ​ខ្សែបម្រើ Jürgen Damm ជាប់​លេខ​២​។​
Theo Walcott របស់​ក្លិប​កាំភ្លើង​ធំ Arsenal, Aaron Lennon របស់ Everton និង Antonio Valencia របស់​ក្លិប​បិសាច​ក្រហម Man Utd គឺជា​កីឡាករ​ដែល​លេង​នៅ Premier League របស់​អង់គ្លេស​ផ្សេងទៀត ដែល​ជាប់​ក្នុង​បញ្ជី​នេះដែរ​។​
​អតីត​តារា​ឆ្នើម​របស់ Spurs (Bale) គឺជា​កីឡាករ ដែល​រត់លឿន​ជាងគេ​បំផុត ដោយ​កីឡា​ករវែល​រូបនេះ អាច​រត់​បាន​ល្បឿន​ដល់​ទៅ ៣៦,៩​គីឡូម៉ែត្រ​ក្នុង​មួយ​ម៉ោង​។ រីឯ​កីឡាករ​ផ្សេងៗ​ទៀត នៅក្នុង​បញ្ជី​នេះ​មានដូចជា​៖Cristiano Ronaldo, Lionel Messi, Frank Ribery និង Sergio Ramos ផងដែរ​៕

ព័ត៌មានលម្អិត
ចុះនៅថ្ងៃទី 31-03-2015, 01:17 PM, អាន 31ដង
ខេត្តក្រចេះ​៖​មនុស្ស​៨​នាក់​បាន​ស្លាប់ និង​១២​នាក់​ផ្សេងទៀត​របួស​ក្នុងករណី​ក្រឡាប់​គោយន្ដ​ច្នៃ នៅ ចំណុច​ទួល​ព្រិច ឃុំ​ឃ្សឹ​ម ស្រុក​ស្នួល ខេត្ដ​ក្រចេះ កាលពី​វេលា ម៉ោងជាង​៨​ព្រឹក​ថ្ងៃទី ៣១ ខែមីនា ឆ្នាំ​២០១៥​នេះ ។​
​ប្រភពព័ត៌មាន​ពី​កន្លែងកើតហេតុ​បានឱ្យដឹងថា ជនរងគ្រោះ​៨​នាក់ បាន​ស្លាប់​ដោយសារ​គ្រោះថ្នាក់ ចរាចរណ៍​មួយ​នេះ​ក្នុងនោះ​មាន​ប្រុស​ចំនួន​៧​នាក់ ស្រី​ម្នាក់ រីឯ​អ្នករងរបួស​ចំនួន​១២ នាក់ ក្នុងនោះ ប្រុស​ចំនួន​១១​នាក់ និង​ស្រី​ម្នាក់​ផងដែរ ។ សេចក្ដីរាយការណ៍​បាន​បន្ដថា ជនរងគ្រោះ​ដែល​ស្លាប់​និង​របួស​ទាំងនេះ គឺជា​កម្មករ​ដំឡូងរបស់​ក្រុមហ៊ុន ខ្មែរ​អង្គរ ។​
​ប្រភព​ដដែល​បានឱ្យដឹងថា មុនពេល​កើតហេតុ ជនរងគ្រោះ​ទាំង នេះ បានធ្វើ​ដំណើរ តាម​គោយន្ដ​កែច្នៃ​ចេញពី​ក្នុងព្រៃ ដោយ​ធ្វើដំណើរ​តាម​បណ្ដោយ​ផ្លូវលំ លុះដល់​កន្លែង​ចំណោត គោយន្ដ បាន​ដាច់​ហ្វ្រាំង បណ្ដាលឱ្យ​ក្រឡាប់​ធ្លាក់​ពីលើ​ផ្លូវ ស្លាប់​និង​របួស ទាំងអស់​ចំនួន​២០​នាក់ ។​
​ក្រោយ​កើតហេតុ កម្លាំង​សមត្ថកិច្ច​បាន ចុះទៅ​ជួយ​អន្ដរាគមន៍​តាមរយៈ​ជួយ​ដឹកបញ្ជូន​ជនរងគ្រោះ ដែល​រង របួស​ឆ្ពោះទៅកាន់​មន្ទីរពេទ្យ រីឯ​សព​ទាក់ទង​ទៅ​ក្រុមគ្រួសារ មក​ទទួលយក​ទៅធ្វើ​បុណ្យ តាម​ប្រពៃណី ៕

ព័ត៌មានលម្អិត
ចុះនៅថ្ងៃទី 31-03-2015, 11:19 AM, អាន 23ដង
រាជធានី​ភ្នំពេញ​៖​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ​ផ្ញើ​សារ​ចូលរួម​រំលែក​ទុក្ខ​គ្រួសារ​សព​លោក ប៉ែន សមិទ្ធិ ប្រធាន​ក្លឹប​អ្នកកាសែត​កម្ពុជា និង​ជា​និពន្ធ​នាយក​កាសែត​រស្មី​កម្ពុជា ៕
ព័ត៌មានលម្អិត
ចុះនៅថ្ងៃទី 31-03-2015, 11:12 AM, អាន 25ដង
ខេត្តបន្ទាយមានជ័យ​៖​ទីតាំង​ល្បែង​ហ្គា​ម​អន​ឡាញ​មួយកន្លែង​នៅ​ផ្លូវ​ចូល​ផ្សារ​អគ្គ​ចាស់​ហៅ​ផ្សារ​ត្រី​ម្តុំ​សាលា​ពន្លក​ខ្មែរ​ប្រមាណ​ជា ៤០០​ម៉ែត្រ​ស្ថិតនៅ​ភូមិ​ក្បាលស្ពាន​១​សង្កាត់​-​ក្រុង​ប៉ោយប៉ែត ខេត្តបន្ទាយមានជ័យ កំពុង​ពង្វក់ស្មារតី​កុមារ ជា​សិស្សសាលា​ជាច្រើន​នាក់​បាននាំគ្នា​ចូល​លេង ដោយ​ភ្លេច​ចូល​សាលារៀន​។  
​បើតាម​ប្រភព​ពលរដ្ឋ រស់នៅ​ក្បែរ​ទីតាំង​ខាងលើនេះ បាន​រាយការណ៍​ឲ្យ​ដឹងថា កន្លែង​ដាក់​ហ្គា​ម​អន​ឡាញ់ នេះ​បាន​បើក​រយៈពេល​ប្រមាណ​ជាង​១​ខែ​មកហើយ ដោយ​អាង​ខ្លួន​ជាម​សមត្ថកិច្ច នគរបាល​ក្រុង ប៉ោយប៉ែត ។
​ប្រភពពី​ពលរដ្ឋ​ដដែល​បន្តថា គេ​ឃើញ​សមត្ថកិច្ច​ម្នាក់​មាន​មាឌតូច​សំបុរ​ខ្មៅ​ស្រអែម​តែងតែ​បើក​ម៉ូតូ​ធំ ម៉ាក​ទំនើប​ចេញចូល​ជា​រៀងរាល់ថ្ងៃ​ដោយមាន​ឯក​ស្ថាន​ជា​នគរបាល​ផងដែរ​។ ដូច្នេះ​ពួកគាត់​មិន​ហ៊ាន​ប្តឹងទៅ​សមត្ថកិច្ច​ឲ្យ​ជួយ​អន្តរាគមន៍​នោះឡើយ ព្រោះ​ខ្លាច​អំណាច​បុគ្គល​ជាស​មត្ដ​កិច្ច​ខាងលើនេះ​។
​លោកគ្រូ​ម្នាក់​បាន​រៀបរាប់ថា ទីតាំង​ខាងលើនេះ​បើក​លេង​ហ្គា​ម​ទាំង​ព្រឹក ទាំង​ថ្ងៃ មិន​យល់​ពី​កុមារ ដែលជា​ទំពា​ង​ស្នង​ឫស្សី ហើយ​អនាគត​ទៅជា​យ៉ាងណា​បើ​សមត្ថកិច្ច​ជំនាញ​មិន​មក​បង្ក្រាប​នោះ​។  ប្រជាពលរដ្ឋ​បាន​អំពាវនាវ​ដល់ លោក គោ​ស៊ុំ សារឿ​ត អភិបាលខេត្ត លោក​អាត់ ខែម ស្នងការ​ខេត្ត លោក​ឱ បូ​រិន្ទ មេបញ្ជាការ​អាវុធហត្ថ​ខេត្ត ក៏​ដូច​កងកម្លាំង​គ្រប់​ទាំង​ប្រភេទ​គឺ​ប៉ូលិស និង​ប៉េអឹម គួរ​ចាត់វិធានការ​ទប់ស្កាត់​និង​បង្ក្រាប​ឱ្យបាន​ទាន់ពេលវេលា​ផង ដើម្បីឱ្យ​ពួកគាត់​រស់នៅ​មាន​ភាព​កក់ក្តៅ​ទៅ​ថ្ងៃក្រោយ​ផង​៕

ព័ត៌មានលម្អិត
ចុះនៅថ្ងៃទី 31-03-2015, 10:58 AM, អាន 22ដង
​ដោយ​៖​វ៉ៃ​កូ​
​ខេត្តស្វាយរៀង
​៖​យុវជន​ម្នាក់​រងរបួស​ធ្ងន់ធ្ងរ​ដោយសារ​ជិះ​ម៉ូតូ​ធ្លាក់ចូល​ប្រឡាយទឹក​ដែល​រីងស្ងួត​សង្ស័យ​ងោក​មួយភាំង​ធ្វើ​ឲ្យ​មានការ​ភ្ញាក់ផ្អើល​ដល់​ប្រជាពលរដ្ឋ​ចេញមក​ជួយសង្គ្រោះ​។​ហេតុការណ៍​នេះ​បាន​កើតឡើង​កាលពី​វេលា​ម៉ោង ១២ និង​៣០​នាទី ថ្ងៃទី​៣០ ខែមីនា​ឆ្នាំ​២០១៥​លើ​កំណាត់​ផ្លូវជាតិ​លេខ​១​ស្ថិតនៅ​ក្នុងភូមិ​កំពោ​ត​ជ្រូក សង្កាត់​ព្រៃ​អ​ង្គុ​ញ ក្រុង​បាវិត ខេត្តស្វាយរៀង​។​
 បើតាម​ឪពុក​ជនរងគ្រោះ​បាន​ប្រាប់​ឲ្យ​ដឹងថា​៖​កូន​របស់គាត់​មានឈ្មោះ មិន ច​ន្ធី អាយុ ២១ ឆ្នាំ មាន​មុខរបរ​កម្មក​រ​រោង​នៅ​ក្រុង​បាវិត មាន​ទីលំនៅ​ភូមិ ព្រៃ​ចា ឃុំ ខ្សែ​ត្រ ស្រុក កំពង់រោទិ៍ ខេត្ត ស្វាយរៀង​បាន​ជិះ​ម៉ូតូ​ទៅធ្វើ​ការ​នៅ​ក្រុង​បាវិត​។​
​ប្រភពពី​ប្រជាពលរដ្ឋ​ដែល​បាន​ហេតុការណ៍​នេះ​បាន​ប្រាប់​ឲ្យ​ដឹងថា​៖​មុនពេល​កើតហេតុ​គេ​ឃើញ​មាន​យុវជន​ម្នាក់​ជិះ​ម៉ូតូ​ម៉ាក ហុងដា វ៉ែ​វ ពណ៌ ខ្មៅ គ្មាន​ស្លាក​លេខ​ជិះ​ពី​ទិស​ខាង​លិចទៅ​ទិសខាងកើត​ក្នុង​ល្បឿន​យ៉ាង​លឿន លុះដល់​ចំនុចកើតហេតុ​ខាងលើ​ស្រាប់តែ​រ៉េ​ចង្កូត​ធ្លាក់ចូល​ខាងត្បូង​ផ្លូវ​ដែលមាន​ប្រឡាយទឹក​ប៉ុន្តែ​រីងស្ងួត​គ្មាន​ទឹក​បណ្តាល​ឲ្យ​យុវជន​បោក​ក្បាល បែក​ច​ញ្ជើ​ម បែក​មាត់ ហូរឈាម តែ​សំណាងល្អ​មិន​បណ្តាល​ឲ្យ​បាត់បង់​អាយុជីវិត​។​
​ក្រោយពេល​កើតហេតុ​ត្រូវបាន​សមត្ថកិច្ច​ជួយ​ហៅ​រថយន្ត​សង្គ្រោះ​ដឹក​យកទៅ​មន្ទីរពេទ្យ​ដើម្បី​ធ្វើការ​សង្គ្រោះ​រីឯ​ម៉ូតូ​ជនរងគ្រោះ​ត្រូវបាន​ក្រុមគ្រួសារ​ទទួលយក​ទៅផ្ទះ​វិញ​៕
ព័ត៌មានលម្អិត
ចុះនៅថ្ងៃទី 31-03-2015, 10:49 AM, អាន 25ដង
ខេត្តបន្ទាយមានជ័យ​៖​កម្លាំង​នគរបាល​កម្លាំង​នគរបាល​ក្រុង​សិរីសោភ័ណ ដោយមាន​ការអនុញ្ញាត​ពី​ព្រះរាជអាជ្ញា​បាន​បើក​ប្រតិបត្តិ​ការចុះទៅ​បង្ក្រាប និង​ឆែកឆេរ​នៅក្នុង​ផ្ទះសំណាក់​ផ្កាយ​ពេជ្រ​ស្ថិតនៅ​ភូមិ​គាប សង្កាត់​ទឹកថ្លា ក្រុង​សិរីសោភ័ណ កាលពី​វេលា​ម៉ោង​៤ និង ៣០​នាទី រសៀល​ថ្ងៃទី​៣០ ខែមីនា ឆ្នាំ​២០១៥​នេះ ដោយ​ឃាត់ខ្លួន ជនសង្ស័យ​ចំនួន​១៧ នាក់​ដែល​ពាក់ព័ន្ធ ទៅនឹង​សកម្មភាព​ចែកចាយ និង​ប្រើប្រាស់​គ្រឿងញៀន​។  
​ជនសង្ស័យ​ទាំង​១៧​នាក់ ជា​ប្រភេទ​ក្មេងស្ទាវ​បាននាំគ្នា​ប្រើប្រាស់ គ្រឿងញៀន​នៅ ក្នុង​បន្ទប់​ផ្ទះសំណាក់​ផ្កាយ​ពេជ្រ យ៉ាង​អានាធិបតេយ្យ និង​បង្ក​ជា​បញ្ហា​អសន្តិសុខ​នៅក្នុង​មូលដ្ឋាន ដោយសារតែ​មុខសញ្ញា​ទាំងនេះ​ផងដែរ​។
​ប្រតិបត្តិការ​របស់​ស​ម​ត្ថ​កិច្ច ខាងលើនេះ​បានធ្វើ​ឡើង​ក្រោម​ការបញ្ជា​ផ្ទា​ល់ពី​សំណាក់​ស្នងការ នគរបាល​ខេត្ត បន្ទាយមានជ័យ លោក​អាត់ ខែម ក្រោយពី​ទទួលបាន​ព័ត៌មាន​ស្តី អំពី​សកម្មភាព​ល្មើស​មួយ​នេះ​។
​លោក ស៊ីវ សុជាតិ​អធិការ​ក្រុង​សិរីសោភ័ណ បាន​បញ្ជាក់ថា​ក្នុង ចំណោម​ជនសង្ស័យ​ទាំង​១៧ នាក់ មាន​៤​នាក់ ជា​មុខសញ្ញា​ជួញដូរ​គ្រឿងញៀន និង​១៣​នាក់ ជា​មុខសញ្ញា​ប្រើប្រាស់​។
​តាម​លោក​ស៊ីវ សុជាតិ​ក្រៅពី​ការឃាត់ខ្លួន កម្លាំង​សមត្ថកិច្ច​បាន​ដកហូត​ថ្នាំញៀន​ប្រភេទ​ម្ស៉ៅ​ក្រាម ពណ៌​ស ថ្លា ចំនួន​២៣ កញ្ចប់​តូច ម៉ូតូ​ចំនួន​៦​គ្រឿង និង​ឧបករណ៍​សំភារៈ​ជក់​គ្រឿងញៀន​មួយចំនួនទៀត​។
​បច្ចុប្បន្ន​ជនសង្ស័យ​ទាំង​១៧​នាក់ ត្រូវបាន​សមត្ថកិច្ច​យកទៅសួរនាំ​នៅ​ការិយាល័យ​ប្រឆាំង​ការជួញដូរ​គ្រឿងញៀន​ដើម្បីចាត់វិធានការ​តាមផ្លូវ​ច្បាប់​៕

ព័ត៌មានលម្អិត
ចុះនៅថ្ងៃទី 31-03-2015, 10:37 AM, អាន 23ដង
ដោយ៖ធារ៉ា
ខេត្តស្វាយរៀង
​៖​សាខា​កាំ​ត្រូល​ដឹកនាំ​ដោយ​លោក ម៉ាន់ សុខន អនុប្រធាន​សាខា​កាំកុងត្រូល រួម​និង​មន្ត្រីក្រោមឱវាត​សហការ​ជាមួយ​មន្ត្រី​ពាណិជ្ជកម្ម​ខេត្ត ចុះ​ត្រួត​ពិន​ត្យ​ចំណីអាហារ​ដែល​បងប្អូន​អាជីវករ ដាក់លក់​ក្នុង​ផ្សារ​វាយ​ន្ត​ជាពិសេស​អាជីវ​ករលក់​គ្រឿង​សមុទ្រ​និង​ផ្លែ​ក្រែង​មាន​ដាក់​នូវ​សា​ធាតុគីមី​ដែល​ច្បាប់​ហាមឃាត់ កាលពី​ព្រឹក​ថ្ងៃទី​៣០​ខែមីនា​ឆ្នាំ​២០១៥​នេះ​។​
​ចំពោះ​បងប្អូន​អាជីវករ​ដែលជា​អ្នកលក់​អាហារ​គ្រឿង​សមុទ្រ​នោះ​សមត្ថកិច្ច​យើង​បានធ្វើការ​ត្រួតពិនិត្យ​និង​វេច​ខ្ចា​ប់យក​អាហារ​សមុទ្រ​ទាំងនោះ​យកទៅ​ធ្វើការ​ពិសោធន៍​នៅ​ភ្នំពេញ​ដើម្បី​រកមើល​សារធាតុ​គីមី​.​ហ្វ័​រ​ម៉ុ​លីន​.​ដែល​គេ​ប្រើ​សម្រាប់​ដាក់​សាកសព​កុំ​ឲ្យ​ស្អុយ​រីឯ​ផ្លែឈើ​វិញ​សមត្ថកិច្ច​យើង​ក៏បាន​ប្រមូល​យកទៅ​ពិសោធន៍​ផងដែរ​។​
​ក្រៅពីនេះ​សមត្ថកិច្ច​យើង​បានធ្វើ​ការណែនាំ​ដល់​បងប្អូន​អាជីវករ​ទាំងអស់​ឲ្យ​ប្រកាន់​នូវ​អានា​ម័​យ​មានការ​រៀបចំ​ទុកដាក់​មុខទំនិញ​របស់​ឲ្យ​បាន​ត្រឹមត្រូវ​ជៀសវាង​ឆ្លង​ជំងឺ​ផ្សេងៗ​ដល​អ្នក​បរិភោគ​ម្យ៉ាងទៀត​សូម​បងប្អូន​កុំ​ដាក់លក់​នូវ​លទ្ធិ​ផល​ខូចគុណភាព​ដែល​បណ្តា​ឲ្យ​ប៉ះពាល់​ដល​សុខភាព​បងប្អូន​ប្រជាពលរដ្ឋ​យើង​ផងដែរ​៕
ព័ត៌មានលម្អិត
ចុះនៅថ្ងៃទី 31-03-2015, 08:22 AM, អាន 30ដង
ខេត្តបាត់ដំបង​៖​ជនសង្ស័យ​២​នាក់​រួម​និង​ម៉ា​ទឹកកក​២​ថង់​តូច​ត្រូវបាន​កម្លាំង​នគរបាល​ការិយាល័យ ប្រឆាំង​គ្រឿងញៀន​ខេត្ត​កសាង​សំណុំរឿង​បញ្ជូនទៅ​តុលាការ​កាលពី​រសៀល​ថ្ងៃទី​៣០ ខែមីនា ឆ្នាំ​២០១៥ បន្ទាប់ពី​ឃាត់​កាលពី​វេលា ម៉ោង​១១ និង​០០​នាទី យប់​ថ្ងៃទី​២៥ ខែមីនា ឆ្នាំ​២០១៥ នៅ​ចំណុច​ក្រុមទី​១១ ភូមិ​រំចេក​៤ សង្កាត់​រតនៈ ក្រុង​បាត់ដំបង​។​
​នាយរង​ការិយាល័យ ប្រឆាំង​គ្រឿង​ខេត្ត លោក ស៊ាន សូ​ណា​ល់ បាន​ឲ្យ​ដឹងថា ជនសង្ស័យ​ដែល​សមត្ថកិច្ច​ឃាត់ខ្លួន​មានឈ្មោះ កែវ លៀប​ហេង ភេទ​ប្រុស​អាយុ​២០​ឆ្នាំ រស់នៅ​ភូមិ​ព្រែក​មហាទេព​.​សង្កាត់​ស្វាយប៉ោ ក្រុង​បាត់ដំបង និង​ឈ្មោះ ផាត ស្រី​ឆា ភេទ​ស្រី​អាយុ​១៨​ឆ្នាំ រស់នៅ​ភូមិ​ជាមួយគ្នា​ខាងលើ​។​
​លោក ស៊ាន សូ​ណា​ល់ បាន​បញ្ជាក់ថា មុនពេល​ឃាត់ខ្លួន បានទទួល​ព័ត៌មាន​ថា មាន​ករណី​ចែកចាយ​គ្រឿងញៀន​ភ្លាម លោក​បាន​ដឹកនាំ កម្លាំង​១​ក្រុម​ចុះបង្ក្រាប និង​ឃាត់ខ្លួន​បាន​ក្នុង​បទល្មើស​ជាក់ ស្តែង​ព្រមទាំង​រឹបអូស​បាន ម៉ា​ទឹកកក​២​ថង់​តូច ស្មើ​០.៣៧​ក្រាម​៕

ព័ត៌មានលម្អិត
ចុះនៅថ្ងៃទី 31-03-2015, 08:14 AM, អាន 21ដង
រាជធានី​ភ្នំពេញ​៖​ជនសង្ស័យ​មុខសញ្ញា​ជួញដូរ​គ្រឿងញៀន​យ៉ាងសកម្ម​៣​នាក់​ត្រូវបាន​កម្លាំង​នគរបាល​ប៉ុស្តិ៍​គីឡូម៉ែត្រ​លេខ​៦​ឃាត់ខ្លួន ខណៈដែល​ប្រតិបត្តិ​ការចុះទៅ​ស្រាវជ្រាវ និង​ទាំង​ដកហូត នូវ​វត្ថុតាង ជា​ថ្នាំញៀន​ចំនួន​១៦ កញ្ចប់ និង​សម្ភារៈ មួយចំនួនទៀត កាលពី​វេលា​ម៉ោង​១១ និង​៣០​នាទី ព្រឹក​ថ្ងៃទី​៣០ ខែមីនា ឆ្នាំ​២០១៥ ។​
​មន្ត្រីនគរបាល​ព្រហ្មទណ្ឌ​ខណ្ឌឫស្សីកែវ បាន​បញ្ជាក់ថា​ក្រោយពី​ទទួលបាន​ព័ត៌មាន​ស្តីពី សកម្មភាព ជួញដូរ​ថ្នាំញៀន ទាំងនេះ​រួចមក​ស្នងការ​នគរបាល រាជធានី​ភ្នំពេញ លោក​ឧ​ត្ត​ម​សេនីយ៍ ជួន សុវណ្ណ បាន​បញ្ជា​ឲ្យ​ចុះទៅ​ធ្វើការ​ស្រាវជ្រាវ រហូត​ឈានទៅដល់​ការ បង្ក្រាបបាន​ជនសង្ស័យ ៣​នាក់ និង​វត្ថុតាង​មួយចំនួនធំ នៅ​សង្កាត់​គីឡូម៉ែត្រ​លេខ​៦​។  
​បច្ចុប្បន្ន​ជនសង្ស័យ​ទាំង​៣​នាក់​ត្រូវបាន​នាំខ្លួន​យកទៅ​សួរ​នាំនៅ​អធិការដ្ឋាន​នគរបាល​ខណ្ឌឫស្សីកែវ ដើម្បី​កសាង សំណុំរឿង​បញ្ជូន​ទៅកាន់​តុលាការ​ចាត់ការ​បន្តទៅ​តាមផ្លូវ​ច្បាប់​៕

ព័ត៌មានលម្អិត
ចុះនៅថ្ងៃទី 30-03-2015, 03:53 PM, អាន 49ដង
​រាជធានី​ភ្នំពេញ​៖​អំពី​ជីវប្រវត្តិ​សង្ខេប ៖​លោក ប៉ែន សមិទ្ធិ កើត​នៅ​ថ្ងៃទី​១៦ ខែតុលា ឆ្នាំ​១៩៦១​នៅ​ភូមិ​កំពង់ចាម ឃុំ​កំពង់ចាម ស្រុក​កំពង់សៀម ខេត្តកំពង់ចាម ក្នុង​គ្រួសារ​កសិករ​មួយ​ដែលមាន ប្រវត្តិ​ជា​អ្នកសិក្សា​រៀនសូត្រ​។ កាលពី​កុមារភាព លោក ប៉ែន សមិទ្ធិ បាន​សិក្សា​នៅ​សាលាបឋមសិក្សា​វត្ត​ដីដុះ ក្នុងស្រុក​កំពង់សៀម ខេត្តកំពង់ចាម បន្ទាប់មក​សិក្សា​នៅ​វិទ្យាល័យ​ឥន្ទ្រ​ទេវី ទួលគោក ភ្នំពេញ រហូតដល់​ឆ្នាំ​១៩៧៥​។ លោក ត្រូវបាន​ចាត់ទុកជា​សិស្ស​ឆ្នើម​នៅក្នុង​ថ្នាក់រៀន​។ ចាប់ពី​ឆ្នាំ​១៩៧៥-១៩៧៩ លោក​រស់នៅក្នុង​របប​ប៉ុលពត នៅ​ភូមិ​កន្សោម​អក ឃុំ​កន្សោម​អក ស្រុក​កំពង់ត្របែក ខេត្តព្រៃវែង​។ ពី​ឆ្នាំ​១៩៧៩-១៩៨០ គឺ​ក្រោយ​របប​ប៉ុលពត លោក​បាន​សាង​ផ្នួស​ជា​សាមណេរ នៅ​វត្ត​បាភ្នំ ស្ថិតនៅ​ក្នុងស្រុក​បាភ្នំ ខេត្តព្រៃវែង​។  
*​ចំពោះ​ការសិក្សា​ជាន់ខ្ពស់​វិញ លោក ប៉ែន សមិទ្ធិ បានទទួល​សញ្ញាបត្រ​ជាន់ខ្ពស់​ជាច្រើន​ដូចជា​៖ - បានទទួល​សញ្ញាបត្រ​ស្រាវជ្រាវ​វប្បធម៌​ខ្មែរ រាជធានី​ភ្នំពេញ (១៩៨០-១៩៨១)​។ - បានទទួល​សញ្ញាបត្រ​ជាន់ខ្ពស់​ផ្នែក វិទ្យាសាស្ត្រ​នយោបាយ នៅ​វិទ្យាស្ថាន​ង្វៀន​អាយ​គួ​ក ទី​៧ នៃ​ប្រទេស​វៀតណាម (១៩៨៤-១៩៨៦)​។ - បានទទួល​បរិញ្ញាបត្រ ផ្នែក​សារព័ត៌​មាននៅ​អតីត​សហភាពសូវៀត នា ឆ្នាំ​១៩៨៧​។
*​អំពី​បទពិសោធន៍​ការងារ​៖ លោក ប៉ែន សមិទ្ធិ ត្រូវបាន​ចាត់ទុកជា​អ្នកសារព័ត៌មាន​វិជ្ជាជីវ​: មាន​សមត្ថភាព​ខ្ពស់ និង បាន​ចូលរួមចំណែក​យ៉ាង​ធំធេង​បំផុត​ក្នុង​ការធ្វើ​ឲ្យ​វិស័យ​សារព័ត៌​មាននៅ ប្រទេស​កម្ពុជា​មានការ​រីកចម្រើន​។
*​ចំពោះ​បទពិសោធន៍​និង​តួនាទី​ក្នុង​ការងារ​វិស័យ​សារព័ត៌មាន​៖ នៅ​អំឡុង​ឆ្នាំ​១៩៧៩ ដល់​១៩៨១ ជា​បុគ្គលិក​មន្ទីរ​ឃោសនា និង​ព័ត៌មាន​រាជធានី​ភ្នំពេញ ។ ពី​ឆ្នាំ​១៩៨១-១៩៩៣ ជា​អ្នកយកព័ត៌មាន​និង​ជា​និពន្ធ​នាយក​កាសែត​ភ្នំពេញ ។ ឆ្នាំ​១៩៩៤ ជា​សមាជិក​គណៈកម្មាធិកា​រ​នាយក​សមាគម​អ្នកសារព័ត៌មាន​ខ្មែរ ។ ឆ្នាំ​១៩៩៥-១៩៩៩ អនុប្រធាន​សម្ព​ន្ធ័​អ្នក​សារពត៌មាន​កម្ពុជា ។ ចាប់ពី​ខែសីហា ឆ្នាំ​២០០០ ដល់​បច្ចុប្បន្ន​ជា​ស្ថាបនិក​និង​ជា​ប្រធាន​ក្លឹប​អ្នកកាសែត​កម្ពុជា (​កអក​) ។ ចាប់ពី​ខែមេសា ឆ្នាំ​១៩៩៣​រហូតដល់​បច្ចុប្បន្ន​ជា​ស្ថាបនិក និង​ជា​និពន្ធ​នាយក​កាសែត​រស្មី​កម្ពុជា ។ នា​ខែកក្កដា ឆ្នាំ​២០០៨ មកដល់​បច្ចុប្បន្ន​ជា​អគ្គនាយក​គេហទំព័រ CEN.com.kh ។ នា​ខែកញ្ញា ឆ្នាំ​២០០៨ ដល់​បច្ចុប្បន្ន​ជា​សាស្ត្រាចារ្យ​នៅ​ដេ​ប៉ា​តឺ​ម៉​ង់​ប្រព័ន្ធ ផ្សព្វផ្សាយ​និង​សារ គមនាគមន៍​នៃ​សាកលវិទ្យាល័យ​ភូមិន្ទ​ភ្នំពេញ ៕

ព័ត៌មានលម្អិត
ចុះនៅថ្ងៃទី 30-03-2015, 03:48 PM, អាន 23ដង
ខេត្តកំពត​៖​តាម​ការ​ផ្តល់ព័ត៌មានពី​ប្រជាពលរដ្ឋ​នា​ថ្ងៃទី​៣០​ខែមីនា ឆ្នាំ​២០១៥​នៅវេលា​វេលា​ម៉ោង​៦​និង​២០​នាទី​ព្រឹក​កំលាំង​អធិការដ្ឋាន​នគរបាល ស្រុក​កំពង់ត្រាច​នៃ​ស្នងការ​រដ្ឋា​ន​នគរបាល​ខេត្តកំពត ស្ទាក់​ចាប់បាន មុខសញ្ញា​លួច​ម៉ូតូ​ម្នាក់ ស្ថិតនៅ ភូមិ​លក ឃុំ​ឫស្សី ស្រុក​ខាងលិច ស្រុក​កំពង់​ត្រ​ច ខេត្តកំពត និង​ដកហូត​បាន​ម៉ូតូ​មកវិញ ម៉ាក Wave ពណ៌​ខ្មៅ​។​
 តាម​ប្រភពព័ត៌មាន ពី​លោក​អធិការដ្ឋាន​នគរបាល ស្រុក​កំពង់ត្រាច ខេត្តកំពត បាន​ឲ្យ​ដឹងថា ជនសង្ស័យ​មាន ឈ្មោះ ង៉ែត ចែម ភេទ ប្រុស អាយុ ៥២​ឆ្នាំ រស់នៅ ភូមិ​ព្រៃ​កឹ​ក ឃុំ​ភ្នំ​ប្រាសាទ ស្រុក​កំពង់ត្រាច ខេត្តកំពត ។​
 បច្ចុប្បន្ន​ជនល្មើស និង​វត្ថុ​តាំង​ត្រូវ​កំលាំង អធិការដ្ឋាន​នគរបាល ស្រុក​កំពង់ត្រាច បាន​កសាង​សំណុំរឿង ដើម្បី​ធ្វើ​ទៅតាម​នីតិវីធី​ច្បាប់​៕

ព័ត៌មានលម្អិត
ចុះនៅថ្ងៃទី 30-03-2015, 03:11 PM, អាន 20ដង
កីឡា​៖​អ្នកចាត់ការ​ក្លិប​បិសាច​ក្រហម Manchester United លោក Louis van Gaal បានទទួល​ពានរង្វាន់ Anton Geesink Award ពី​ប្រទេស​ហុ​ល្លង់ ដែលជា​ពាន​ដំបូង​ក្នុង​រដូវ​កាល​នេះ ចាប់តាំងពី​លោក​ចូល​ដឹកនាំ​ក្រុម​មួយ​នេះ ។​
​គណៈកម្មការ​ពានរង្វាន់​នេះ បានសម្រេច​ប្រគល់​ពាន​ដល់​លោក Van Gaal គឺ​ដោយសារ​លោក​បាន​ដឹកនាំ​ក្រុម​ជម្រើសជាតិ​ហុ​ល្លង់​បាន​យ៉ាង​ល្អ​កាលពី នៅ World Cup កន្លងទៅ ពោលគឺ​បាន​ចំណាត់ថ្នាក់​លេខ​៣ បន្ទាប់ពី​អាល្លឺម៉ង់ និង​អា​ហ្ស​ង់​ទីន​។​
​គួរ​បញ្ជាក់ថា Anton Geesink គឺជា​ឈ្មោះ​អតីត​កីឡាករ​យូ​ដូ​ល្បីល្បាញ​របស់​ហុ​ល្លង់ ដែល​ត្រូវបាន​គេ​ចាត់ទុកថា​ជា​វីរបុរស​។ ពាន​ដែល​ធ្វើឡើង​ដើម្បី​ផ្ដល់​កិត្តិយស​ដល់​លោក​នេះ ត្រូវប្រគល់​ជូន​ជា​រៀងរាល់​ឆ្នាំទៅ​ឲ្យ​មនុស្ស ទីក្រុង ឬ ស្ថាប័ន​ផ្សេងៗ ដែលមាន​ស្នាដៃ​ជួយ​លើកស្ទួយ​វិស័យ​កីឡា​ប្រទេស​ហុ​ល្លង់​៕

ព័ត៌មានលម្អិត
ចុះនៅថ្ងៃទី 30-03-2015, 02:30 PM, អាន 213ដង
​សិល្បៈ​៖​តារា​សម្ដែង​វ័យក្មេង​ស្រស់ស្អាត​មួយរូប​ប្រចាំ​ទូរទស្សន៍ប៉ុស្តិ៍​លេខ​៧​ថៃ​នាង Min Pechaya បានកើត​ខ្យល់គរ​ដួលសន្លប់ ខណៈពេល​កំពុង​ថត​រឿង​ភាគ “Ban Sai Thong” ។​
​និស្សិត​គ្រប់គ្រង​ពាណិជ្ជកម្ម និង​អក្សរសាស្ត្រ​អង់គ្លេស ហើយក៏​ជា​តារាចម្រៀង និង​សម្តែង​ស្រី​រូបនេះ ត្រូវបាន​គេ​បញ្ជូនទៅ​មន្ទីរពេទ្យ Samitivej ក្នុង​ទីក្រុង​បាងកក​ភ្លាមៗ​ផងដែរ ដើម្បី​ពិនិត្យ​អាកា​រៈ​ជំងឺ​។​
​ជុំវិញ​បញ្ហា​នេះ​លោក​វេជ្ជបណ្ឌិត​មួយរូប​ប្រាប់ថា ដោយសារ​នាង​អស់កម្លាំង​ខ្លាំងពេក ។​
​តារា​បង្ហាញ​ម៉ូដ Min Pechaya Wattanamontree កើត​នៅ​ថ្ងៃទី​២៨ ខែមេសា ឆ្នាំ​១៩៨៩ ក្នុង​ទីក្រុង Khon Kaen ប្រទេស​ថៃ​៕

ព័ត៌មានលម្អិត
ចុះនៅថ្ងៃទី 30-03-2015, 02:18 PM, អាន 31ដង
ដោយ៖ធារ៉ា
​ខេត្តស្វាយរៀង
​៖​លោក​ឧ​ត្ត​ម​សេនីយ៍​ត្រី កឹង ឃ​ន ស្នងការ​នគរបាល​ខេត្តស្វាយរៀង នៅ​ព្រឹក​ថ្ងៃទី​៣០​ខែមីនា​ឆ្នាំ​២០១៥​នេះ បាន​អញ្ជើញ​ជា​អធិបតី​ក្នុង​ពិធី​ប្រកាស​ផ្ទេរ​ភារកិច្ច​តែងតាំង​មុខតំណែង​និង​បំពាក់​ឋានន្តរសក្តិ​ដល់​មន្ត្រីនគរបាល​ជាតិ​នៃ​ស្នងការដ្ឋាន​នគរបាល​ខេត្តស្វាយរៀង​ដែល​ពិធី​នេះ​បាន​ប្រព្រឹត្តទៅ​នា​សាលប្រជុំ​របស់​ស្នងការដ្ឋាន​នគរបាល​ខេត្តស្វាយរៀង​។​
​មន្ត្រី​នគរបាលជាតិ​ដែល​ត្រូវធ្វើ​ពិធី​ផ្ទេរ​ភារកិច្ច​តែងតាំង​មុខតំណែង​និង​បំពាក់​ឋានន្តរសក្តិ​មាន​ចំនួន​៧៧​នាក់ ក្នុងនោះ​មាន ថ្នាក់​អនុសេនីយ៍ឯក​ចំនួន​២៥​នាក់ ថ្នាក់​វរសេនីយ៍ទោ​ចំនួន​៦​នាក់ ថ្នាក់​អនុសេនីយ៍ត្រី​ចំនួន​១០​នាក់ ថ្នាក់​ព្រិន្ទបាលឯក​ចំនួន​៧​នាក់ ថ្នាក់​ព្រិន្ទបាលទោ​ចំនួន​១​នាក់ ក្នុងនោះ​ផ្ទេរ​ភារកិច្ច​មុខតំណែង​២៤​នាក់ សរុប​ទាំងអស់​៧៧​នាក់​ព្រមទាំង​ប្រគល់​វិញាបនបត្រ​បញ្ជាក់​ការសិក្សា វគ្ត​ជំនាញ​កុំ​ព្យុ​ទ័​រ​ចំនួន​១០​នាក់​។​
​ក្នុងឱកាស​នោះ​លោក​ឧ​ត្ត​ម​សេនីយ៍​ត្រី កឹង ឃ​ន ស្នងការ​នគរបាល​ខេត្តស្វាយរៀង​បាន​មានប្រសាសន៍​ដោយ​នាំមក​នៅ​បណ្តាំ​ផ្ញើ​សួរសុខទុក្ខ​ពីស​ណាក់​លោក​ឧបនាយករដ្ឋមន្ត្រី ស ខេង និង លោកនាយ​ឧ​ត្ត​ម​សេនីយ៍ នេ​ត សារឿន  អគ្គស្នងការ​នគរបាល​ជាតិ ជូន​ដល់​មន្ត្រី​នគរបាលជាតិ​នៃ​ស្នងការដ្ឋាន​នគរបាល​ខេត្តស្វាយរៀង​ក្នុងឱកាស​បុណ្យចូលឆ្នាំថ្មី​ខាងមុខ​ផងដែរ​។​
​លោកស្នងការ​ក៏បាន​មានប្រសាសន៍​ដោយ​លើកឡើង​អំពី​បញ្ហា​សន្តិសុខ​សណ្តាប់ធ្នាប់​សង្គម​នាពេល​បច្ចុប្បន្ននេះ​ហាក់ដូច​កើត​មាននៅ​ករណី​ចោរប្លន់​ប្រដាប់អាវុធ​នៅតាម​បណ្តា​ខេត្ត​មួយចំនួន​នៅក្នុង​ប្រទេស​កម្ពុជា​។​ដោយឡែក​នៅក្នុង​ខេត្តស្វាយរៀង​បញ្ហា​ចោរប្លន់​ប្រដាប់អាវុធ​មានការ​ថយចុះ​ដោយសារ​សមត្ថកិច្ច​គ្រប់​ជំនាញ​បាន​នៅ​ប្រចាំ​តាម​គោលដៅ​របស់ខ្លួន​។​
​លោក កឹង ឃ​ន បាន​ស្តីបន្ទោស​ដោយ​ត្រង់ៗ​ទៅលើ​លោក អធិការ​ក្រុង​ស្វាយរៀង​និង​មន្ត្រីនគរបាល​មួយចំនួន​ដែល​អសកម្ម​ចំពោះ​ការងារ​របស់ខ្លួន​(​ស្ទក់​)​ពីព្រោះ​នាពេល​កន្លងមក​ក្រុង​ស្វាយរៀង​មាន​ករណី​ប្លន់​ពីរលើក​នៅ​ពុំទាន់​កំណត់​មុខសញ្ញា​បាន​នៅឡើយ​នោះទេ ដូច្នេះ​សូម​ឲ្យ​មន្ត្រីនគរបាល​ទាំងអស់​ត្រូវខិតខំ​ប្រឹង​ប្រែង​ធ្វើការ​ឡើងវិញ​ក្នុងនាម​យើង​ជា​សមត្ថកិច្ច​ត្រូវតែមាន​កំលាំង​ប្រចាំការ​មិនត្រូវ​ធ្វេសប្រហែស​នោះទេ​កុំ​ឲ្យ​ជនល្មើស​គ្រប់គ្រង​យើង យើង​ត្រូវ​គ្រប់គ្រង​ជនល្មើស​។​
​លោកស្នងការ​នគរបាល​ខេត្ត​បាន​មានប្រសាសន៍​បន្តទៀតថា​៖​នាពេល​បច្ចុប្បន្ននេះ​បញ្ហា​បទល្មើស​ដែល​កើតឡើង​មាន​ពីរ​ដែល​គួរ​ឲ្យ​ចាប់អារម្មណ៍​ទី​១.​អំពើហិង្សា​.​ទី​២.​បញ្ហា​គ្រោះថ្នាក់​ចរាចរណ៍​ដែល​កើតមាន​ជា​ញឹកញាប់​មិន​អន់​ថយចុះ​នៅឡើយ​ទេ ដូច្នេះ​ក្នុងនាម​យើង​ជា​សមត្ថកិច្ច​ត្រូវខិតខំ​បំពេញភារកិច្ច​របស់ខ្លួន​ឲ្យ​បានល្អ​មិនត្រូវ​មើ​លប​ណ្ណាំ​គ្នា​នោះទេ​ត្រូវ​ចូលរួម​អនុវត្តន៍​ភារកិច្ច​រប​ស់​ខ្លួន​ឲ្យ​បានល្អ​ប្រសើរ​៕
ព័ត៌មានលម្អិត
ចុះនៅថ្ងៃទី 30-03-2015, 02:04 PM, អាន 45ដង
រាជធានី​ភ្នំពេញ​៖​ថ្លែង​នៅមុខ​អ្នកគាំទ្រ​ដែល​ចូលរួម​ពិធី​បង្សុកូល​រម្លឹក​វិញ្ញាណក្ខន្ធ​អ្នកស្លាប់​នៅ​ថ្ងៃទី ៣០​មីនា នៅ​ផ្លូវ​វ៉េងស្រេង លោក កឹម សុខា ប្រធានស្តីទី​រដ្ឋសភា និង​ជា​ប្រធានស្តីទី​គណបក្ស​សង្គ្រោះ​ជាតិ ​បែប​ប្រជា​ភិ​ថុ​ត​ថា គេ​មិន​ត្រូវយក​ស្ពាន គឺ​ការសន្ទនា ទៅ​ជាន់ពន្លិច ក្រុម​ភាគី​ម្ខាង​ទៀត និង ប្រជាពលរដ្ឋ​នោះឡើយ​។ ការ​ថ្លែង​ដូច្នេះ​ត្រូវគេ​មើលឃើញថា ជាការ​ធ្វើ​ប្រជា​ភិ​ថុ​ត​ដើម្បី​បោកប្រាស់​ប្រជាពលរដ្ឋ​ប៉ុណ្ណោះ ។
 គួរ​បញ្ជាក់ថា លោក កឹម សុខា បាន​ចូលរួម​ក្នុង​កម្មវិធី​បង្សុកូល ឧទ្ទិស​កុសល​ដល់​វិញ្ញាណក្ខន្ធ​អ្នកស្លាប់ ក្នុង​ព្រឹត្តិការណ៍​បោក​គ្រាប់បែក​កាលពី​ថ្ងៃ​៣០ មីនា ឆ្នាំ​១៩៩៧ នៅ​ព្រឹក​ថ្ងៃទី​៣០ ខែមីនា ឆ្នាំ​២០១៥ ក្នុង​សួនច្បារ​វត្ត​បុ​ទម ក្បែរ​វិមាន​រដ្ឋសភា​ចា​ស់​។ លោក កឹម សុខា បាន​រម្លឹកថា កន្លងមក កម្ពុជា​តែងតែ​ទៅ​ពឹង​បរទេស ដើម្បី​ជួយ​ដោះស្រាយ​បញ្ហា​ក្នុងប្រទេស ដោយសារតែ មិន​ជឿទុកចិត្ត​ខ្មែរ​គ្នាឯង ។ ប៉ុន្តែ សព្វថ្ងៃនេះ រដ្ឋសភាជាតិ​កម្ពុជា បានកំណត់​យក​ស្ពាន​មួយ គឺ​ការសន្ទនា​គ្នា រវាង​ក្រុម​សភា​ភាគច្រើន និង​ក្រុម​សភា​ភាគតិច ហើយ​បើ​ចេះ​ប្រើ គឺ​យើង​អាច​បង្កើន​ជំនឿ​ចិត្ត​រវាង​គ្នា តាមរយៈ​ស្ពាន គឺ​ការសន្ទនា​ហ្នឹង​។ “​ប៉ុន្តែ បើ​គ្រាន់តែ​យក​ស្ពាន​ហ្នឹង គ្រាន់តែ​សម្រាប់ ពន្លិច​ក្រុម​ម្ខាង​ទៀត សម្រាប់​បោកប្រាស់​ប្រជារាស្ត្រ​ទេ គឺ​យើង​មិនអាច​មាន​ជំនឿ​ទុកចិត្ត​លើ​គ្នា​បានទេ​។ ស្ពាន​នេះហើយ ស្រេច​ទៅលើ​មេ ដឹកនាំ​បក្ស​ទាំងពីរ​ហ្នឹង សម្រេច​ប្រើ​ស្ពាន​ហ្នឹង តើ​ប្រើ​ដើម្បី​អី​? បើ​ប្រើ​សម្រាប់​ជួយ​រក​យុត្តិធម៌​ជូន​ប្រជាពលរដ្ឋ ដើម្បី​កសាង​សន្តិភាព​ជូន​ជាតិ អស់លោកអ្នក​ដឹកនាំ​ទាំងអស់​ហ្នឹង នឹង​ក្លាយទៅជា​វីរៈបុរស​ក្នុង​ប្រវត្តិសាស្ត្រ នៃ​ប្រទេស​កម្ពុជា​យើង​ជាមិនខាន​”​។
​យ៉ាងណាក៏ដោយ​ក៏ដោយ​ការលើកឡើង​បែបនេះ​របស់លោក​កឹម សុខា ហាក់​មិន​ស៊ី​សវ្វាក់​ទៅនឹង​ខ្លឹមសារ​នៃ​ការសន្ទនា​រវាង​មេដឹកនាំ​CPP និង CNRP ដើម្បី​បញ្ចប់​វិបត្តិ​នយោបាយ​នៅ​កម្ពុជា​នោះឡើយ​៕

ព័ត៌មានលម្អិត
ចុះនៅថ្ងៃទី 30-03-2015, 01:39 PM, អាន 21ដង
​ខេត្តបន្ទាយមានជ័យ​៖​រថយន្ត​យី​ឌុប​ដឹកទំនិញ​គ្រឿងបន្លាស់​គោយន្ត​របស់​ឈ្មោះ​ឈិន​ថយក្រោយ​ដាក់​ឥ​វ៉ាន់​ចូល​ផ្ទះ ស្រាប់តែ​ទៅបុក​និង​សរស​ភ្លើង​ធំ​របស់​រដ្ឋ​បាក់​ស្ទើរ​រាប​ដល់​ដី​ហើយ សង្កត់​រថយន្ត​តូច​មួយគ្រឿង​និង​ភ្លើង​រលត់​មួយ​ចំហៀង​ខេត្ត​។
​ហេតុ​ការគ្រោះថ្នាក់​ចរាចរណ៍​នេះ​បាន​កើតឡើង​នៅវេលា​ម៉ោង​៩​ព្រឹក ថ្ងៃទី​២៩ ខែមីនា ឆ្នាំ​២០១៥​នៅ​ចំណុច​ខាងជើង​ជាងគំនូរ​ទន្សាយ​មាស​ប្រហែល ១០​ម៉ែត្រ​តាម​ដងផ្លូវ​ជាតិ​លេខ​៥៦​ស្ថិតនៅ​ភូមិ​កំពង់ស្វាយ ឃុំ​កំពង់​ស្វា ក្រុង​សិរីសោភ័ណ ខេត្តបន្ទាយមានជ័យ​។
​អធិការ​នគ​បាល​ក្រុង​សិរីសោភ័ណ​លោក ស៊ីវ សុជាតិ  បាន​ឲ្យ​ដឹងថា​ម្ចាស់​រថយន្ត មានឈ្មោះ​ហេង ហ៊ាន​ភេទ​ប្រុស​អាយុ​៣៩​ឆ្នាំ​រស់នៅ​ភូមិ​តារាង​បាល់ ឃុំ​កំពង់ស្វាយ ក្រុង​សិរីសោភ័ណ ខេត្តបន្ទាយមានជ័យ​មាន​រថយន្ត​ម៉ាក​ហ៊ីយ៉ាន់ដាយ​ប្រភេទ​យ៉ី​ឌុប​ពាក់​ស្លាក លេខ​បន្ទាយមានជ័យ ៣A០៤៦៧​ដឹកទំនិញ​ពេញ​ម៉ា​កកូ​បូ​តា​របស់​ម្ចាស់​ឈ្មោះ​ឈិន​នៅ​ភូមិ ឃុំ​កើតហេតុ​។
​លោក​បាន​និយាយ​ប​ម្ត​ថា​មុនពេល​កើ​ក​ហេតុ​បើតាម​ម្ចាស់​រថយន្ត​បាន​ឲ្យ ដឹងថា​តៃកុង​ធ្លាប់​បើករថយន្ត​នោះ​រល់​ជាប់​ទៅ​បើករថយន្ត​មួយទៀត​ក៏​ឲ្យ ព្រូ​ទៅ​បើក​ជំនួស​។ លោក​បាន​បញ្ជាក់ទៀតថា​ដោយសារតែ​ព្រូ​នោះ​ចេះ​បើករថយន្ត​ស្ទើរៗ​ក៏​ឡើង​បើក អា​យ៉ែ​ថយក្រោយ​ដាក់​ឥ​វ៉ាន់​ចូល​ផ្ទះ​ក៏​ទៅបុក​និង​សរស​ភ្លើង​ធំ​របស់​រដ្ឋ មួយ​ដើម​បាក់​ស្ទើរ​រាប​ដល់​ដី​ហើយ​សង្កត់​លើ​រថយន្ត​មួយគ្រឿង​ទៀត​កំពិត ខ្ទេច​មាន​ម៉ាក​កាមរី​ពណ៌​សំបក​ឪឡឹក​ពាក់​ស្លាក​លេខ​ភ្នំពេញ​២C២២៤១​។
​លោក​បាន​បន្តទៀតថា​ក្រោយពេល​កើតហេតុ​រួច​គេ​ឃើញ​មន្ត្រី​អគ្គីសនី មួយក្រុម​និង​ស​មិត្ត​កិច្ច​ចុះមក​ធ្វើ​អន្តរាគមន៍​ហើយក៏​បាន​យក រថយន្តស្ទូច​របស់​ក្រុមហ៊ុនអគ្គីសនី​មក​ស្ទូច​សរស​ភ្លើង​បាក់​ផ្លាស់​ដាក់ សរសរ​ភ្លើង​ថ្មី​ជំនួស​វិញ​ដើម្បី​ភ្លើង​ឲ្យ​ដំណើរ​ការណ៍​ក្នុង​ថ្ងៃ​និង ឡើងវិញ​រថយន្ត​បង្ក​និង​រថយន្ត​រងគ្រោះ​បាន​អូស​យកទៅ​ទុក​នៅ​អធិការ​ក្រុង សិរីសោភ័ណ​ដើម្បី​ដោះស្រាយ​នៅ​ថ្ងៃក្រោយ​៕

ព័ត៌មានលម្អិត
ចុះនៅថ្ងៃទី 30-03-2015, 01:00 PM, អាន 32ដង
សុខភាព​៖​សុភាពនារី​គ្រប់រូបសុទ្ធតែ​ស្អប់​នូវ​ការ​ដុះ​ក្បាលពោះ ព្រោះ​បើ​វា​ដុះ​នឹង​មិនអាច​ពាក់អាវ​រឹប​រាង​បានទេ ជាហេតុ​ធ្វើឱ្យ​ស​ម្ជ​ស្ស​ធ្លាក់ចុះ​ផងដែរ​។ ដូចនេះតើ​គួរ​ធ្វើ​ដូចម្តេច ទើប​អាច​បំបាត់​បាន​នោះ​?
1. មិនត្រូវ​អង្គុយ​ទេ ក្រោយពេល​បរិភោគ​បាយ​រួច ត្រូវតែ​ឈរ​កន្លះ​ម៉ោង​សិន ទើប​អាច​អង្គុយ​ចុះ​បាន​។​
2. នៅពេលដែល​ទំនេរ ត្រូវតែ​ក្រោកឈរឡើង បន្ទាប់មក ពើងទ្រូង​ទៅមុខ ហើយ​ពោះ​ផត​មក​ក្រោយ បន្ទាប់មកទៀត បង្វិល​ចង្កេះ​ពីឆ្វេង​ទៅ​ស្តាំ ១០០ដង​។​
3. អាច​ធ្វើការ​ម៉ាស្សា​ពោះ នៅពេលដែល​ងូតទឹក​ចំនួន ១ នាទី​បាន​។​
4. អាច​យក​ត្រឡាច​មក​ដាំទឹក​ផឹក ឬក៏​អាច​ផឹកទឹក​ក្រូចឆ្មារ ឬ​ទឹក​ក៏បាន​ដែរ​៕

ព័ត៌មានលម្អិត
ចុះនៅថ្ងៃទី 30-03-2015, 12:44 PM, អាន 33ដង
​ឥណ្ឌា​៖​យ៉ាងហោចណាស់​មនុស្ស​ចំនួន​បាន​៥​នាក់​ស្លាប់ និង​មួយចំនួនទៀត​រងរបួស ក្នុង​ព្រឹត្តិការណ៍​បាក់​រលំ​អគារ​ដែល​កំពុង​សាងសង់​មួយ នៅក្នុង​ស្រុក​ទី​រ៉ូ​វ៉ា​រ៉ូ ភាគខាងត្បូង​រដ្ឋ​តា​មី​ល ណា​ឌូ ប្រទេស​ឥណ្ឌា​កាលពី​ម្សិលមិញ​។​
​យោងតាម​សេចក្ដីរាយការណ៍​ថា នៅក្នុង​ការដ្ឋាន​នេះ​មាន​កម្មករ​កំពុងធ្វើកា​រ​ចំនួន​៣០​នាក់ ក្រៅពី​អ្នក​ស្លាប់មាន​មនុស្ស​យ៉ាងហោច ណាស់​ក៏​១៨​នាក់​ដែរ​បាន​រងរបួស និង​បញ្ជូន​ទៅកាន់​មន្ទីរពេទ្យ​បន្ទាន់​។ សេចក្តី​បាន​រាយការណ៍​ដដែល​ប​ន្ត​ថា អគារ​បាក់​រលំ​សម្លាប់​មនុស្ស ៤​នាក់​នៅ​ហ្នឹង​កន្លែង ចំណែក​ម្នាក់ទៀត​រងរ​បួស​ធ្ងន់ ត្រូវ​បញ្ជូនទៅ​សង្គ្រោះបន្ទាន់​នៅ​មន្ទីរពេទ្យ​៕

ព័ត៌មានលម្អិត
ចុះនៅថ្ងៃទី 30-03-2015, 12:32 PM, អាន 29ដង
ស៊ូដង់​៖​ក្រុម​ឧទ្ទាម​នៅក្នុង​ប្រទេស​ស៊ូដង់ បានសម្លាប់​កង​យោធា​របស់ រដ្ឋាភិបាល​ស៊ូដង់​ចំនួន​៥៤​នាក់ និង​ដណ្តើមបាន​រដ្ឋ Kordofan ដែលជា​តំបន់​យុទ្ធសាស្ត្រ​របស់​ប្រទេស ។​
​អ្នកនាំពាក្យ​មួយរូប​ពី​ក្រុម​ប្រយុទ្ធ​ឧទ្ទាម​លោក Arno Taloudy បាន​ឲ្យ​នៅក្នុង​សេចក្តីប្រកាស​ព័ត៌មាន​ថា កងកម្លាំង​ចលនា​សេរីភាព​ស៊ូដង់ ហៅ​កាត់ (SPLM) នៅ​ភាគ​ខាងជើង បាន​គ្រប់គ្រង​លើ​ទីក្រុង Habila ដែល​ស្ថិតនៅ​ចម្ងាយ ប្រមាណ​៣០​គីឡូម៉ែត្រ ភាគ​អាគ្នេយ៍​នៃ​ទីក្រុង Al-Dalanj ចំរុះ​រដ្ឋ Kordofan ភាគខាងត្បូង ។​
​ចំណែក​អ្នកនាំពាក្យ​មួយរូប​របស់​កង​យោធា​ស៊ូដង់​លោក Al-Sawarmy Khalid Saad បាន​ឲ្យ​ដឹងថា ក្រុម SPLM បានធ្វើ​សកម្មភាព​វាយ ប្រហារ​មកលើ​ក្រុង Habila ពួកគេ​បាន​កំទេច​ផ្ទះសម្បែង​ប្រជាពលរដ្ឋ​ជាច្រើន​កន្លែង និង​បានធ្វើ​ឲ្យ​ខូចខាត​ទ្រព្យសម្បត្តិ​ជាច្រើន និង​បាន​ដុត​កំទេច​ផ្សារ​នៅ​តំបន់​នោះ​ទៀតផង​កាលពី​ព្រឹក​ថ្ងៃ​ម្សិលមិញ ។​
​លោក​បាន​បន្ថែមថា បន្ទាប់ពី​មាន​ករណីនេះ​កើតឡើង កង​យោធា​របស់​យើង​បាន​ត្រូវ​ពង្រឹង និង​បាន​គ្រប់គ្រង​ទៅលើ​ស្ថានការណ៍​ដែល​បាន កើតឡើង​នៅ​តំបន់​ខាងលើ ។​
​ទោះជា​យ៉ាងនេះ​ក្តី យោធា​ស៊ូដង់ បាន​បដិសេធ ទៅលើ​ការអះអាង​ពី​សំណាក់​ក្រុម​ឧទ្ទាម​ដែលថា បាន​គ្រប់គ្រង​លើ​ក្រុង Habaila ប៉ុន្តែ ពួកគេ​ក៏​មិនបាន​បញ្ជាក់ អំពី​ស្ថានភាព​សមរភូមិ​មុខ​នៅ​ក្រុង​នោះ​ច្បាស់លាស់​ដែរ​៕

ព័ត៌មានលម្អិត
ចុះនៅថ្ងៃទី 30-03-2015, 12:24 PM, អាន 24ដង
​រាជធានី​ភ្នំពេញ​៖​ហេតុការណ៍​ភ្ញាក់ផ្អើល​មួយ​បាន​កើតឡើង ខណៈដែល​សព​បុរស​ម្នាក់​ត្រូវបាន​ប្រជាពលរដ្ឋ ឃើញ​អណ្ដែត ទឹកទន្លេ​មុខ​វាំង កាលពី​វេលា​ម៉ោង​៦​ព្រឹក ថ្ងៃទី​៣០​ខែមីនា ឆ្នាំ​២០១៥ នៅ​ទឹកទន្លេ​មុខ​វាំង ស្ថិតក្នុង​សង្កាត់​ជ័យជំនះ ខណ្ឌដូនពេញ​។​
​មន្ត្រីនគរបាល​មូលដ្ឋាន​បាន​ឲ្យ​ដឹងថា នៅវេលា​ម៉ោង​៦​ព្រឹក​ថ្ងៃកើតហេតុ មាន​ប្រជាពលរដ្ឋ បាន​ដើរទៅ​មាត់ទន្លេ ស្រាប់តែ​ប្រទះឃើញ សព​បុរស​ម្នាក់​អណ្ដែត​ទឹក រួច​ក៏​រាយការណ៍ ជូន​សមត្ថកិច្ច​ឲ្យ​ចុះ​បង្កើត​គណៈកម្មការ ចំរុះ​ចុះ​ពិនិត្យ​ធ្វើ​កោសល្យវិច័យ​ផងដែរ​។​
​ប្រភព​បន្តថា សព​បុរស​ម្នាក់​ដែល​គេ​ប្រទះឃើញ​អណ្ដែត​ទឹកទន្លេ​នោះ​មាន​អាយុ​ប្រហែល​ជាង​៣០​ឆ្នាំ ស្លៀកពាក់​អាវយឺត ពណ៌​ត្រួយ​ចេក​ស្លៀកខោ​ជើងវែង​ពណ៌​ខ្មៅ សម្បុរ​ខ្មៅ​ស្រអែម និង​កំពស់​ប្រហែល​១,៦៥​ម៉ែត្រ​។​
​បច្ចុប្បន្ន​សព​ជនរងគ្រោះ ត្រូវបាន​នគរបាល​ប​ញ្ជូ​ន​ទៅ​វត្ត ដើម្បី​ស្រាវជ្រាវ​រក​ក្រុមគ្រួសារ សាច់ញាតិ​មក​ទទួល ធ្វើបុណ្យ​តាម​ប្រពៃណី ៕

ព័ត៌មានលម្អិត
ចុះនៅថ្ងៃទី 30-03-2015, 12:05 PM, អាន 21ដង
កីឡា​៖​អ្នកចាត់ការ​ក្លិប​កាំភ្លើង​ធំ Arsenal លោក Arsene Wenger កំពុងតែ​មានបំណង​ចង់​នាំយក​ខ្សែបម្រើ Pedro ពី​ក្លិប​អ្នកមាន​បុណ្យ Barcelona ។  កីឡាករ​សញ្ជាតិ​អេ​ស្ប៉ា​ញ​រូបនេះ​មិនសូវ​បាន​ចូល​លេង​ទេ​ឲ្យ Barcelona នៅ​រដូវ​កាល​នេះ​ដោយ​គ្រូបង្វឹក Luis Enrique បានផ្តល់​ទំនុកចិត្ត​លើ​កីឡាករ​សំខាន់​ទាំង​៣​គឺ Lionel Messi, Luis Suarez និង Neymar ជំនួស​វិញ ។
​ហេតុនេះហើយ​ទើប​ធ្វើ​ឲ្យ Pedro ចង់​ផ្លាស់​ទៅលេង​ឲ្យ​ក្លិប​ផ្សេង​ហើយ​រូបគេ​ទំនងជា​នឹង​ទៅលេង​ឲ្យ Arsenal ពេល​ចប់​រដូវ​កាល​ជាមួយនឹង​តម្លៃ​ពលកម្ម​ប្រមាណ​២៥​លាន​ផោន ៕

ព័ត៌មានលម្អិត
ចុះនៅថ្ងៃទី 30-03-2015, 12:01 PM, អាន 24ដង
​សុខភាព​៖​ប្រសិនបើ​អ្នក​ចង់​ធ្វើ​ឲ្យ​ខ្លាញ់​ដៃ​បាត់​នោះអ្នក​ត្រូវ​ចាប់ផ្ដើម​ទទួលយក​ទម្លាប់​ល្អ​ចំពោះ​សុខភាព ដោយ​គ្រាន់តែ​ធ្វើ​លំ​ហាត់ប្រាណ​៤​វិធី​ខាងក្រោម​នេះ​៖
១. លោតអន្ទាក់​៖​វា​មិន​ត្រឹមតែ​អាចជួយ​កាត់បន្ថយ​ជាតិ​ខ្លាញ់​នៅ​ដៃ​បានទេ តែ​វា​ក៏​អាចជួយ​កាត់បន្ថយ​ខ្លាញ់​ទាំង​អស់នៃ​រាងកាយ​របស់​អ្នក​ទៀតផង​។ វិធី​អនុវត្តន៍​៖ គ្រាន់តែ​យក​ខ្សែ​មក​លោត​ទៅមុខ ថយក្រោយ​ដែលមាន​ចលនា​ជា​រង្វង់ បែបនេះ​ធ្វើ​ឲ្យ​សាច់ដុំ​មាន​ចលនា និង​អាច​ស្រក​ខ្លាញ់​បាន​។​
២. ចលនា​ទាញ​៖​វិធី​នេះ​ធ្វើ​ឲ្យ​សាច់ដុំ​មាន​ភាព​តឹង​ណែន​ល្អ​នៅលើ​ដៃ​។ វិធី​អនុវត្តន៍​៖ អង្គុយ​សណ្ដូកជើង​ស្ដាំ​ទៅមុខ ដៃ​ទាំងពីរ​ទាញ​ចុង​ម្រាមជើង​ដែល​បោះ​ទៅមុខ​នោះ​។​
៣. បង្វិល​ដៃ​៖​នេះ​ជា​វិធី​ដ៏​ល្អ​បំផុត​សម្រាប់​អ្នក​ឡើង​ទម្ងន់​ខ្លាំង ជាពិសេស​បរិវេណ​ដៃ​តែម្ដង​។ ត្រូវ​ប្រុងប្រយ័ត្ន​ពេល​ឡើង​ទម្ងន់​ខ្លាំង​សាច់​ដុំដៃ​របស់​អ្នកនឹង​ជួប បញ្ហា​ប្រឈម​មួយចំនួន​។ វិធី​អនុវត្តន៍​៖ បោះដៃ​ម្ខាង​ទៅមុខ​ឲ្យ​ត្រង់ ហើយ​យកដៃ​ម្ខាង​ទៀត​ទាញ​បង្វិល រួច​ប្ដូរ​ទៅ​ទាញ​ដៃ​ម្ខាង​ទៀត​។​
៤. អា​វ៉ង់​៖​ការហាត់​ប្រាណ​បែបនេះ​អាចធ្វើ​ឲ្យ​អ្នកមាន​ជំហរ​រឹងមាំ​។ មិន​ត្រឹមតែ​ប៉ុណ្ណោះ​វា​អាចជួយ​ពង្រឹង​សាច់ដុំ​ជាច្រើន​ផ្នែក ជាពិសេស​ដៃ​តែម្ដង ព្រោះ​កន្លែង​នោះ​មាន​សកម្ម​ភាពខ្លាំង​ជាង ដោយ​អនុវត្តន៍​បែបនេះ​មួយថ្ងៃ​១០​នាទី ពីរ​សប្ដាហ៍​នឹង​ឃើញ​លទ្ធផល​៕

ព័ត៌មានលម្អិត
ចុះនៅថ្ងៃទី 30-03-2015, 11:56 AM, អាន 29ដង
សុខភាព​៖​បញ្ហា​ឈឺចង្កេះ​គឺជា​រឿង​មួយ​កំពុងតែ​កើតមានឡើង​ចំពោះ​មិត្ត​យុវវ័យ​ក៏ ដូចជា​អ្នក​អង្គុយ​ធ្វើតាម​ក្រុមហ៊ុន​នានា​។ ការឈឺ​ចង្កេះ​នេះដែរ គឺមាន​ខ្លះ​រហូតដល់​ទៅ​ទ្រាំ​មិនបាន​ឈានទៅដល់​ការ​ខូច​ឆ្អឹងខ្នង​ថែម ទៀតផង ប្រសិនបើ​មិនបាន​រក​វិធីសាស្ត្រ​ព្យាបាល​ឱ្យទាន់​ពេលវេលា​ទេនោះ​។​
​វិធីសាស្ត្រ​ហាត់ប្រាណ​ប្រើ​រយៈពេល​តែ​១​នាទី​ទេ​ក្នុង មួយថ្ងៃ​គឺអាច​បំបាត់​បញ្ហា​ឈឺចង្កេះ​នេះ​បាន​ខ្លះ​ហើយ ។ ក្បាច់​ហាត់ប្រាណ​នេះ​គឺ​ងាយស្រួល​បំផុត ដោយ​ប្រើពេល​១​នាទី​ហើយ​ក្នុង​មួយនា​ទីនោះ អ្នក​ត្រូវ​បែងចែក​ក្បាច់​ជាច្រើន​ផ្នែក​ដូចខាងក្រោម​៖
​ទី​១៖​ត្រូវ​អង្គុយ​ដោយ​យកដៃ​ទាញ​ក្បាលជង្គង់​ម្ខាង​ឱ្យ​ឈរ​ឡើង​រយៈពេល​១០​វិនាទី​
​ទី​២៖​ត្រូវធ្វើ​អ៊ីចឹង​ដែរ តែ​ប្ដូរ​ទៅលើ​កជើង​ម្ខាង​ទៀត​រយៈពេល​១០​វិនាទី​
​ទី​៣៖​ត្រូវ​ដេក​ខ្លួន​ឱ្យ​ត្រង់​ហើយ​លើកជើង​ទាំងពីរ​ចុះឡើង​៥​ដង​រយៈពេល​១០​វិនាទី​
​ទី​៤៖​ដេក​ខ្លួន​ឱ្យ​ត្រង់​ដដែល​តែ​ទាញ​ក្បាលជង្គង់​មក​ប៉ះ​នឹង​ទ្រូង​ឬ​ពោះ​រយៈពេល​១០​វិនាទី​
​ទី​៥៖​ត្រូវធ្វើ​ដូចខាងលើ​នេះដែរ តែ​ប្ដូរ​ទៅលើ​កជើង​ម្ខាង​ទៀត​រយៈពេល​១០​វិនាទី​
​ទី​៦៖​ត្រូវ​សណ្ដូកជើង​ទាំងពីរ​ឱ្យ​ត្រង់ ហើយ​យកដៃ​ទៅ​ចាប់​មេជើង​ទាំងពីរ​រយៈពេល​១០​វិនាទី​
​ផងដែរ​៕
 

 
 
 

ព័ត៌មានលម្អិត
ចុះនៅថ្ងៃទី 30-03-2015, 11:36 AM, អាន 139ដង
ដោយ​៖​ភ្នំពេញ​ដេលី​
​ខេត្តមណ្ឌលគិរី
​៖​យ៉ាងហោចណាស់​ក្នុង​មួយថ្ងៃៗ​ឬមួយ​យប់ៗ​មាន​រថយន្ត​ដឹកឈើ​ប្រណីត​ដូចជា​ប្រភេទ កាមរី​បា​ឡែ​ន កាមរី​ហើម កាមរី​ស្វិត និង​ឡង់​គ្រី​ស័​រ​មិនតិចជាង​៧០​ទៅ​១០០​គ្រឿង​នោះទេ​បានធ្វើ​សកម្មភាព​ដឹកជញ្ជូន​ឈើ​យ៉ាង​គគ្រឹក​គ្រេង​ទៅកាន់​ប្រទេស​វៀតណាម​ចេញ​តាម​ច្រក​ឡា​បា​ខេ​។ ប៉ុន្តែ​សមត្ថកិច្ច​ពាក់ព័ន្ធ​ជាច្រើន​ស្ថាប័ន​មាន​ទាំង​ប៉េអឹម ប៉ូ​លិ​សេដ្ឋកិច្ច​ក្រសួង ប៉ូលិស​សេដ្ឋកិច្ច​ខេត្ត ទាហាន​ការពារ​ព្រំដែន​រួម​និង​សមត្ថកិច្ច​ប្រចាំ​ច្រក​ប៉ុស្តិ៍​ឡា​បា​ខេ​ក៏ដូចជា​ជំនាញ​ពាក់ព័ន្ធ​ផ្សេងៗ​ទៀត​មិន​នាំគ្នា​ទប់ស្កាត់ ឬ​បង្ក្រាប​ទាល់តែសោះ​ក្រៅពី​នាំគ្នា​លូកដៃ​ទទួល​សំណូក​ពី​ឈ្មួញ​ឈើ​។​នេះបើ​តាម​ប្រភព​។​
   សេចក្តី​រា​យា​ការណ៍​ពី​ពលរដ្ឋ​នៅ​ស្រុក​កែវ​សី​ម៉ា​បាន​ឲ្យ​ដឹងថា ក្រុម​ឈ្មួញ​វៀតណាម​បាន​បង្កើត​ដេប៉ូ​សម្រាប់​ប្រមូល​ទិញ និង​ស្តុក​ឈើ​នៅ​មិន​ឆ្ងាយ​ប៉ុន្មាន​ពី​ច្រកព្រំដែន ហើយ​ឈ្មួញ​ឈើ​ខ្មែរ​សុទ្ធ​តែមាន​ទំនាក់ទំនង​យ៉ាង​រលូន​ជាមួយនឹង​សមត្ថកិច្ច ហើយ​និង​មន្ត្រី​ជំនាញ​ទើប​ពុំមាន​ការបង្ក្រាប​។​
    បើតាម​ប្រភព​បង្ហើប​ឲ្យ​ដឹង​ពី​ឈ្មួញ​រកស៊ី​ឈើ​ខ្លះៗ​ក្នុង​លក្ខខណ្ឌ​សូម​មិន​បញ្ចេញ​ឈ្មោះ​បាន​អះអាង ថា ពួកគាត់​សុទ្ធតែ​ត្រូវ​បង់ថ្លៃ​ក្បាល​ឡាន​ទៅ​ឲ្យ​ខាង​សមត្ថកិច្ច​ហើយ​និង​មន្ត្រី​ជំនាញ​ក្នុង​មួយ​ឡាន​ចាប់ពី ១០-២០​ទៅ​៦០​ដុល្លារ  តាម​ជាក់ស្តែង​ឈើ​តិច​ច្រើន ពោលគឺ​ក្នុង​មួយ​ឡាន​ត្រូវ​ចំណាយ​រត់ការ​ផ្លូវ​មិនតិចជាង​៤០០​ដុល្លារ​ឡើយ​។​
     ទោះជា​យ៉ាងណា​ការរាយការណ៍​ខាងលើនេះ​គ្រាន់តែ​ជាការ​លើកឡើង​ពី​សំណាក់​ឈ្មួញ​រកស៊ី​ឈើ​មួយចំនួន​តូច​ប៉ុណ្ណោះ មិនទាន់​យក​ជា​ផ្លូវការ​ទេ តែបើ​ការអះអាង​ខាងលើនេះ​ជាការ​ពិតមែន​នោះ​បានន័យថា ទាំង​សមត្ថកិច្ច ទាំង​មន្ត្រី​ជំនាញ​កំពុងតែ​រួមចំណែក​ខុស​ក្នុង​បទល្មើស​ព្រៃឈើ​ជាមួយ​ពួក​ឈ្មួញ  ពោលគឺ​សមត្ថកិច្ច ហើយ​និង​មន្ត្រី​ជំនាញ​ទាំងនោះ​មិន​ត្រឹមតែ​មិនបាន​ធ្វើការ​ទប់ស្កាត់ ឬ​បង្ក្រាប សកម្មភាព​ដឹកជញ្ជូន​ឈើ​ខុសច្បាប់​ប៉ុណ្ណោះ​ទេ ថែមទាំង​បាន​ជំរុញ​ឲ្យ​មានការ​កាប់បំផ្លាញ​ព្រៃឈើ​នៅក្នុង​ខេត្តមណ្ឌលគិរី​ដ៏​អនាធិបតេយ្យ​បំផុត​ផងដែរ​។ ចំណែក​អ្នក​ដែល​ទទួលខុសត្រូវ​ធំជាងគេ​នៅក្នុង​បទ ល្មើស​កាប់បំផ្លាញ​ព្រៃឈើ​ដ៏​រង្គាល​ទូទាំង​ខេត្តមណ្ឌលគិរី​នោះ​គឺ លោក​អភិបាលខេត្ត​តែម្តង​ពីព្រោះ​គាត់ អសមត្ថភាព​ដឹកនាំ​ក្នុងការបង្រ្កាប​៕
ព័ត៌មានលម្អិត
ចុះនៅថ្ងៃទី 30-03-2015, 11:22 AM, អាន 155ដង
​ដោយ​៖​ភ្នំពេញ​ដេលី​
​ខេត្តមណ្ឌលគិរី
​៖​សកម្មភាព​ដឹកជញ្ជូន​ឈើ​ប្រណីត​ដូចជា ធ្នង់ បេង នាងនួន ទៅកាន់​ប្រទេស​វៀតណាម​តាម​ច្រក​ទ្វេភាគី​ប៉ុស្តិ៍​អំពិល​ស្ថិត​ក្នុងស្រុក​ពេជ្រ​ដា មាន​ភាព​គគ្រឹកគគ្រេង​ជា​រៀងរាល់​យប់ ប៉ុន្តែ​សមត្ថកិច្ច​នៅ​ទីនោះ​មិនដែល​ហ៊ាន​ធ្វើការ​បង្ក្រាប​ទេ ព្រោះ​ឈ្មួញ​ឈើ​ជា​អ្នកមានអំណាច​ចង់​ដក​មន្ត្រីប៉ូលិស​ណា​គ្រវែង​ចោល​ក៏បាន​ដែរ ឲ្យ​តែ​ហ៊ាន​ប៉ះពាល់​មុខ​ជំនួញ​ឈើ​របស់គេ អ៊ីចឹង​ហើយ​ទើប​សមត្ថកិច្ច​ទាំង នោះ​នាំគ្នា​ទ្រាំ​អង្គុយចាំ​ទទួល​សំណែន​ច្រក​ហោប៉ៅ​រៀងៗ​ខ្លួន​ទៅ ។​
    បើតាម​សេចក្តីរាយការណ៍​បាន​ឲ្យ​ដឹងថា លោក​ឧកញ៉ា ហ៊ុន ជា គឺជា​អ្នក​ប៉ាវ​ផ្តាច់​ក្នុងការ​នាំចេញ​ឈើ ប្រណីត​ទៅកាន់​ប្រទេស​វៀតណាម​តាម​ច្រក​ទ្វេភាគី​ប៉ុស្តិ៍​អំពិល​ដើម្បី​យកទៅលក់​ឲ្យ​ឈ្មួញ​ធំៗ​គ្មាន​សមត្ថកិច្ច ឬ​ជំនាញ​ណា​ហ៊ាន​បង្ក្រាប​ទេ ហើយ​ក្នុង​មួយ​យប់ៗ​មិនតិចជាង​៣០​ទៅ​៤០​ឡាន​ឡើយ​។​
     ប្រភព​បន្តថា លោក​ឧកញ៉ា ហ៊ុន ជា បាន​ប្រើប្រាស់​មន្ត្រីនគរបាល​សេដ្ឋកិច្ច​ក្រសួងមហាផ្ទៃ​ឈ្មោះ​ឡាក់​ធ្វើជា​មេ​ការប្រមូលទិញ​ឈើ និង​ចាំ​រត់ការ​សម្របសម្រួល​បង់លុយ​ថ្លៃ​ក្បាល​ឡាន​ឲ្យ​សមត្ថកិច្ច​ជាច្រើន​ស្ថាប័ន​រួម​និង​មន្ត្រី​ជំនាញ​ពាក់ព័ន្ធ​ផងដែរ ។ ចំពោះ​មធ្យោបាយ​ដឹកជញ្ជូន​ឈើ​ប្រណីត​ជា​ប្រភេទ​រថយន្ត​ឡង់​គ្រី​ស័​រ​ស៊េរី 92-93-95 និង​96 ដោយ​បាញ់ថ្នាំ​ជា​ពណ៌​ក្រហម​សម្រាប់​សម្គាល់​ទៀតផង​។​
    ប្រភព​បន្តទៀតថា លោក​ឧកញ៉ា ហ៊ុន ជា បានធ្វើ​ការប្រមូលទិញ​ឈើ​អនាធិបតេយ្យ​ពី​ប្រជាពលរដ្ឋ​ដែល​លួច​កាប់​ខុសច្បាប់​ក្នុង​តំបន់​ហាម​ឃាត ហើយ​និង​តំបន់​មួយចំនួនទៀត​។ បន្ទាប់ពី​ប្រមូល​ទិញ​ឈើ ពី​ប្រជាពលរដ្ឋ​ទាំងនោះ​បាន​ហើយ ទើប​ធ្វើការ​ដឹកជញ្ជូន​តាមរ​ថ​យន្ត​ប៉ា​កុង​ចេញពី​ក្នុងព្រៃ​មក​ផ្ទេរ​ដាក់​រថយន្ត​តូចៗ​ដូច​បាន​រៀបរាប់​ខាងលើ រួច​ដឹក​យកទៅលក់​ឲ្យ​ឈ្មួញ​ធំ​ដែល​ចាំ​ប្រមូល​ទិញ​នៅក្នុង​ទឹកដី ប្រទេស​វៀតណាម​ចេញ​តាម​ច្រក​ទ្វេភាគី​ប៉ុស្តិ៍​អំពិល​យ៉ាង​រលូន​បំផុត​។​
    លោក​ឧកញ៉ា ហ៊ុន ជា និង​មេការ​របស់គាត់​ឈ្មោះ​ឡាក់​មិនអាច​ស្វែងរក​សុំ​ការបំភ្លឺ​បាន​ទេពី​បញ្ហា​នេះ​៕
ព័ត៌មានលម្អិត
ចុះនៅថ្ងៃទី 30-03-2015, 11:02 AM, អាន 28ដង
កាណាដា​៖​យន្តហោះ​AIRBUS A 320 មួយគ្រឿង​ហោះ​មកពី​ទីក្រុង​តូ​រ៉ុង​តូ មកកាន់​ទីក្រុង​ហា​លី​ហ្វាក់​ភាគ​ខាងកើត​កាណាដា បាន​រត់​ធ្លាក់​ផ្លូវ​ពេល​ចុះចត​កាលពី​ថ្ងៃទី​២៩ មីនា វេលា​ម៉ោង​០​និង​៣៥​នាទី​ម៉ោង​ក្នុងស្រុក ។​
​មនុស្ស​ចំនួន​២៣​នាក់​បាន​រងរបួស នៅពេលដែល​យន្តហោះ Air Canada បាន​ហោះ​ទៅបុក​ជាមួយនឹង​អង់​តែ​ន​ហើយ​ធ្លាក់​ចុះដី​បើក​ខុសផ្លូវ​នៅ អាកាសយានដ្ឋាន Halifax កាលពី​ម្សិលមិញ ។  
​នេះ​ជាហេតុ​ការណ៍​ធ្លាក់​យន្តហោះ​មួយទៀត​ខណៈដែល​យន្តហោះ Germanwings បាន​ហោះ​បុក​ភ្នំ​នៅ​បារាំង​និង​បានសម្លាប់​មនុស្ស​ទាំងអស់​១៤៩ កាលពី​៥​ថ្ងៃមុន ។​
 គួរ​បញ្ជាក់ថា បច្ចុប្បន្ន​សុវត្ថិភាព​ផ្លូវអាកាស​កំពុងតែ​បានធ្វើ​ឲ្យ​មនុស្ស​ជាច្រើន នៅលើ​ពិភពលោក​មានការ​ភ័យខ្លាច​យ៉ាងខ្លាំង​ស្របពេល​ដែលមាន​យន្តហោះ​ជួប គ្រោះថ្នាក់​ជា​បន្តបន្ទាប់​និង​បានសម្លាប់​មនុស្ស​រាប់រ​យ​នាក់​៕

ព័ត៌មានលម្អិត
ចុះនៅថ្ងៃទី 30-03-2015, 10:47 AM, អាន 29ដង
ខេត្តបន្ទាយមានជ័យ​៖​មាន​ចលនា​មនុស្ស​ចូលចាប់​យក​ដី​នៅ​ចំណុច​បឹង​ជង្រុក​និង​ប្រាសាទ​ក្រៅ​ភូមិ​អូរ​អម្ពិល ឃុំ​ទួល​ពង្រ ស្រុក​ម៉ាឡៃ​បាន​ផ្ទុះឡើង​នោះ​ឥឡូវ​លេចឮ​ចលនា​បែបនេះ​ផ្ទុះ​នៅ ភូមិ​បឹង​ស្នោ ឃុំ​ស្លក្រាម ស្រុក​ស្វាយចេក​ទៀតហើយ​។
​ពលរដ្ឋ និង​មេភូមិ ភ័យ​ពេក បាន​ប្តឹង​រឿងនេះ​ឡើង​រំលង​ដល់​លោក​ចៅហ្វាយខេត្ត​ដោយ​ចោទ​អ្នក​ចលនា​ថា ចង់​ធ្វើ​អបគមន៍​ផ្តាច់ខ្លួន​ពី​ការគ្រប់គ្រង​របស់​រដ្ឋា​ភិ​បាល​។  លោក យី ភារ​ម្យ មេភូមិ​បឹង​ស្នោ ឃុំ​ស្លា​ក្រាម ស្រុក​ស្វាយចេក និង​ពលរដ្ឋ​ម្ចាស់​ដី បាន​និយាយ​កាលពី​ថ្ងៃទី​២៧​មីនា ថា​: កាលពី​ថ្ងៃទី​២៣ ខែមីនា ឆ្នាំ​២០១៥ មនុស្ស​៥​នាក់​មេខ្លោង បាន​បំផុស និង​នាំ​មនុស្ស ២៦​នាក់ ចូលទៅ​ចាប់ដី មាន​ម្ចាស់ ទំហំ​៤​ហិកតា ដើម្បី​វាស់​អង្កន់​ចែកគ្នា ដោយ​មិន​សហការ​នឹង​អាជ្ញាធរ ឬ​ជំនាញ​ឡើយ​។ ជន​ទាំងនោះ ប្រើ​វិធី​កម្រោល​ឥត​ច្បាប់ទម្លាប់ គឺ​ជិះឡាន ម៉ូតូ មានកាំបិត ពូថៅ ដំបង ឧបករណ៍​មីក្រូ ឧបករណ៍​វាស់ ហើយ​នាំគ្នា​វាស់ដី ដែលមាន​ម្ចាស់ ចែកគ្នា​ធ្វើ​ព្រងើយ​។
​ជន​ទាំង​៥​នាក់​នោះ មានឈ្មោះ ឡុង សុគ​ន្ធី ជា​មេដឹកនាំ និង​សហការី មានឈ្មោះ​អ៊ុក តាំង​, ឈ្មោះ​ផល សារ៉ន​, ឈ្មោះ​ទឹម ណាំ ហៅ​ផល សំរិត ឈ្មោះ​លឹម ឈុន​ទ្រី ហៅ​ម៉ាប់​។ ពួកគេ​មាន​ទីលំនៅ ក្នុងភូមិ​ថ្នល់​បត់ ឃុំ​អូរ​បី​ជាន់ ស្រុក​អូរជ្រៅ ខេត្តបន្ទាយមានជ័យ ហើយ​មានទំនាស់​ដីធ្លី នៅ​ព្រំដែន​ភូមិ​ថ្នល់​បត់ និង​ភូមិ​បឹង​ស្នោ​។
​លោក​មេភូមិ បាន​និយាយ​បន្តថា​: ម្ចាស់​ដី​ទំហំ ៤​ហិកតា​នោះ មានឈ្មោះ សូរ្យ សារ៉េត និង​ឈ្មោះ ផាន់ ម៉ាប់ ជា​ដី​មាន​ប័ណ្ណកម្មសិទ្ធិ​ស្របច្បាប់ នៅ​ភូមិ​បឹង​ស្នោ ឃុំ​ស្លា​ក្រាម ស្រុក​ស្វាយចេក​។ ពួកនេះ​ក៏បាន​បំផ្លាញ ដោយ​ចេតនា​នូវ ដំឡូង​មី ដែល​ម្ចាស់​ដី​បាន​ដាំ​។ មិន​ត្រឹម​ចូលទៅ​រំលោភ​យក​ដី​ទេ ជន​ទាំងនោះ បាន​គំរាមកំហែង សម្លាប់​ម្ចាស់​ដី ចោល​ទៀតផង​។ មេភូមិ និង​ម្ចាស់​ដី បាន​ចោទប្រកាន់​ធ្ងន់​ថា​: ឡុង សុគ​ន្ធី និង​បក្ខពួក ជា​មេខ្លោង​បង្កើត តំបន់អបគមន៍ ព្រោះ​ធ្វើ​អ្វីៗ មិន​ស្តាប់​អាជ្ញាធរ និង​សមត្ថកិច្ច​មូលដ្ឋាន របស់​អាជ្ញាធរ​រដ្ឋាភិបាល​ឡើយ​។ ឈ្មោះ ឡុង សុគ​ន្ធី និង​អ្នក​៤​នាក់​ទៀត មិនអាច​ទាក់ទង​បាន ដើម្បី​សុំ​បំភ្លឺ​ផ្ទាល់ ដោយ​ពួកគេ​ថា មិន​ចង់​សហការ ផ្តល់ព័ត៌មាន​ទេ​។ ប៉ុន្តែ​ប្រភពពី​ពលរដ្ឋ ភូមិ​ថ្នល់​បត់ ឃុំ​អូរ​បី​ជាន់ បានអោយដឹង កាលពី​ល្ងាច​ថ្ងៃទី​២៧​មីនា​ថា​: អ្នក​ទាំង​៥​នាក់​នោះ និង​ពលរដ្ឋ​ទៅជា​មួយ ចុះទៅ​ចាប់យក​ដី ពុំមែន​ចង់​ធ្វើ​អប្បគមន៍​អ្វី​ទេ ។ តែ​ពួកគេ​អស់ជំនឿ លើ​អាជ្ញាធរ និង​សមត្ថកិច្ច ដែល​ដោះស្រាយ តាមច្បាប់​បញ្ហា​ដី​ទំនាស់ មិន​ចេញ ដូច្នេះ​ពួកខ្លួន មានតែ​ប្រើ​វិធី​ផ្ទាល់ខ្លួន កម្លាំងបាយ​ទៅ​ព័ទ្ធ​យក​ដី​ទំនាស់​តែម្តង​៕

ព័ត៌មានលម្អិត
ចុះនៅថ្ងៃទី 30-03-2015, 10:39 AM, អាន 32ដង
​រាជធានី​ភ្នំពេញ​៖​ក្លឹប​អ្នកកាសែត​កម្ពុជា​បាន​សំដែង​នូវ​ក្តី រន្ធត់ចិត្ត​ឥតឧបមា​បន្ទាប់ពី​មរណភាព​របស់លោក ប៉ែន សមិទ្ធិ ប្រធាន​ក្លឹប អ្នកកាសែត​កម្ពុជា​ហើយ​បានចាត់ទុក​មរណភាព​លោក ប៉ែន សមិទ្ធិ ថា​ជាការ​បាត់បង់​ធនធានមនុស្ស​ដ៏​មាន​សារៈសំខាន់ ក្នុង​វិស័យ​សារព័ត៌​មាននៅ​កម្ពុជា ។

ព័ត៌មានលម្អិត
ចុះនៅថ្ងៃទី 30-03-2015, 10:29 AM, អាន 25ដង
​សិង្ហ​បុរី​៖​ក្នុង​ពិធី​បុណ្យសព​កាលពី​ថ្ងៃអាទិត្យ​ម្សិលមិញ​នេះ គេ​ឃើញ​មាន​មេដឹកនាំ​ប្រទេស​ជាច្រើន​បាន​ចូលរួម​ជូន​ដំណើរ​វីរបុរស លី ខ្វាន់​យូ លើកចុងក្រោយ​។​
​បង្ហាញ​វត្ត​មាននៅ​មជ្ឈមណ្ឌល​វប្បធម៌ នៃ​សាកលវិទ្យាល័យ​ជាតិ​សិង្ហ​បុរី (National University of Singapore) រួមមាន នាយករដ្ឋមន្ត្រី​អូស្ត្រាលី Tony Abott, នាយករដ្ឋមន្ត្រី​ឥណ្ឌា Narendra Modi, នាយករដ្ឋមន្ត្រី​ជប៉ុន Shinzo Abe, អនុ​ប្រធានាធិបតី​ចិន Li Yuanchao, អតីត​ប្រធានាធិបតី​សហរដ្ឋអាមេរិក Bill Clinton រួមជាមួយ​ប្រមុខ​ដឹកនាំ​ប្រទេស​នានា​នៅ​តំបន់​អាស៊ាន រាប់ទាំង​សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​ផងដែរ​។​
​បណ្ដា​មេដឹកនាំ​ទាំងនោះ សុទ្ធតែ​បានលើកឡើង​ពី​គុណសម្បត្តិ​របស់​បិតា​ស្ថាបនិក លី ខ្វាន់​យូ ព្រមទាំង​ទំនាក់ទំនង​ដ៏​ស្អិតល្មួត​មិនអាច​បំភ្លេចបាន​។ អ្វីដែល​គេ​មានការ​កោតសរសើរ​បំផុត​នោះ គឺ​វីរបុរស​រូបនេះ បាន​អភិវឌ្ឍន៍​ប្រទេស​ឲ្យ​រីកចម្រើន ដោយ​ប្រើ​ធនធានមនុស្ស​សុទ្ធសាធ​ពី​បាត​ដៃទទេ​៕

ព័ត៌មានលម្អិត
ចុះនៅថ្ងៃទី 30-03-2015, 10:17 AM, អាន 38ដង
​អ៊ីរ៉ាក់​៖​យោធា​ISយ៉ាងតិចណាស់​៣០​នាក់​ត្រូវបាន​សម្លាប់​កាលពី​ថ្ងៃអាទិត្យ​ម្សិលមិញ​នេះ នៅក្នុង​ការប្រយុទ្ធ​គ្នា​មួយ​ជាមួយ​កងកម្លាំង​អ៊ីរ៉ាក់​ក្នុង​ខេត្ត សាលា​ហ៊ូ​ឌី​ន និង​ខេត្ត អាន​បា ។  
​ក្រសួងការពារជាតិ​អ៊ីរ៉ាក់​បានចេញ​សេចក្តីថ្លែងការណ៍​ថា យោធា​ឥស្លាម​ទាំងនោះ​ត្រូវបាន​សម្លាប់​ដោយ​ការវាយប្រហារ​ពីលើ​ដែនអាកាស​របស់ កងកម្លាំង​អ៊ីរ៉ាក់​ដែល​គាំទ្រ​ដោយ​សហរដ្ឋអាមេរិក ។
​គួរ​បញ្ជាក់ថា ស្ថានភាព​សន្តិសុខ​នៅក្នុង​ប្រទេស​អ៊ីរ៉ាក់​កាន់តែ​ធ្លាក់​ដុនដាប​ទៅ ចាប់តាំងពី​ខែមិថុនា​ឆ្នាំមុន​មកម្ល៉េះ​នៅពេលដែល​មានការ​បង្ហូ​រ​ឈាម​គ្នា រវាង​កងកម្លាំង​អ៊ីរ៉ាក់​និង​ក្រុម IS ៕

ព័ត៌មានលម្អិត
ចុះនៅថ្ងៃទី 30-03-2015, 10:02 AM, អាន 21ដង
​ដោយ​៖​ភួង ផុន​
​ខេត្តរតនគិរី
​៖​រថយន្ត​លុ​ច្ស​ស៊ី​ស​៣៣០​តៃកុង​បើក​បុក​ម៉ូតូ​ស្លាប់​អ្នក​ជិៈ​ម៉ូតូ​ម្នាក់ របួសធ្ងន់​២​នាក់ នៅ​ស្រុក​កូន​មុំ​ខេត្តរតនគិរី​។ ហេតុការណ៍​នេះ​កើតឡើង​កាលពី​វេលា​ម៉ោង​៦​រសៀល​ថ្ងៃទី​២៩ ខែមីនា ឆ្នាំ​២០១៥ នៅតាម​បណ្តោយ​ផ្លូវជាតិ​លេខ​៧៨​ត្រង់ចំណុច​អូរ​គគី ស្ថិត​ក្នុងភូមិ​៣ ឃុំ​ស្រែ​អង្គ្រង ស្រុក​កូន​មុំ​។
​លោក ផាន់ តិ អធិការរង​ស្រុក​កូន​មុំ បានអោយដឹងថា រថយន្ត​ដែល​បើក​បុក​ម៉ូតូ​នេះ​ម៉ាក​លុ​ច្ស​ស៊ី​សព​ណ៌​ខ្មៅ ពាក់​ស្លាក​លេខ​2Q-9097 បើកបរ​ពី​កើ​តទៅ​លិច​តាម​បណ្តោយ​ផ្លូវជាតិ​លេខ​៧៨ នេះ​លុះដល់​កន្លែងកើតហេតុ​ក៏​វ៉ា​ក់​អើ​ជាមួយ​ម៉ូតូ​ម៉ាក​យ៉ាម៉ាហា ពណ៌​ខ្មៅ​មួយគ្រឿង​ដែល​ជិះ​ដោយ​យុ​ជន​ម្នាក់​ឌុប​គ្នា​២​នាក់​ទៀត​បត់​ម៉ូតូ​មក​ធ្វេ​ង​ដៃ​បំណង​ចូលទៅ​តាមផ្លូវ​ក្រុមហ៊ុន​ហ៊​ង់ អា​ញ់ ក៏​ជាន់​ហ្វាំ​ង​មិនទាន់​បុក​ម៉ូតូ​នេះ​ពីក្រោយ​ពេញទំហឹង បណ្តាល​អៅ​យ​ផ្លោង​ទាំង​ម៉ូតូ​និង​មនុស្ស​ធ្លាក់​ពីលើ​ថ្នល់​ស្លាប់​ម្នាក់​នៅនឹងកន្លែង​កើតហេតុ ចំណែក​២​នាក់​ទៀត​រងរបួស​ធ្ងន់​ត្រូវបាន​រថយន្ត​ដឹក​យកមក​សង្គ្រោះ​បន្ទាប់​នៅឯ​មន្ទីរពេទ្យបង្អែក​ខេត្ត​។
 ជនរងគ្រោះ​នៅក្នុង​ហេតុការណ​នេះ​មានឈ្មោះ ទី​១.​ឈ្មោះ ធឿន ម៉ៅ ភេទ​ប្រុស អាយុ​១៩​ឆ្នាំ ជនជាតិខ្មែរ ស្លាប់ នៅ​កន្លែងកើតហេតុ ទី​២ ឈ្មោះ ម៉ាច សា​វ៉ែន ភេទ​ប្រុស អាយុ​១៧​ឆ្នាំ ជនជាតិខ្មែរ ទទួលរង​របួសធ្ងន់ និង​ទី​៣ ឈ្មោះ​យឿន ដា​រ៉ា ភេទ​ប្រុស អាយុ​១៩​ឆ្នាំ ជនជាតិខ្មែរ រងរបួស​ធ្ងន់​។ ចំណែក​តៃកុង​បើកបរ​រថយន្ត​បង្ក​នេះ​ក្រោយពី​បុក​ម៉ូតូ​ហើយ​នោះ​មិន​ឈប់​នៅ​មើល​ជនរងគ្រោះ​នោះទេ ថែមទាំង​បើករថយន្ត​រត់គេច​ចំងាយ​ជាង​៣​គីឡូម៉ែត្រ​ពី​កន្លែងកើតហេតុ ទើប​សមត្ថកិច្ច​ដេញ​ឃាត់​បាន​។ ប៉ុន្តែ​តៃកុង​ឡាន​នេះ​បាន​ឈប់​រថយន្ត​ចុះ​រត់​ចូល​ព្រៃ​បាត់ស្រមោល​តែម្តង​។​
 នៅក្នុង​នោះដែរ​សមត្ថកិច្ច​នគរបាល​ស្រុក​កូន​មុំ​សហការ​ជាមួយ​កម្លាំង​អាវុធហត្ថ​បាន​ចុះទៅ​ធ្វើការ​វាស់វែង​រួច​ធ្វើ​កំណត់ហេតុ​ប្រគល់​សព​អោយទៅ​សាច់ញាតិ​យកទៅ​ធ្វើបុណ្យ​តាម​ប្រពៃណី ព្រមទាំង​នាំយក​ម៉ូតូ​និង​រថយន្ត​នេះ​មក​រក្សាទុក​នៅ​កន្លែង​អធិការនគរបាល​ស្រុក​កូន​មុំ ដើម្បី​ធ្វើការ​ស្រាវជ្រាវ​រក​ម្ចាស់​រថយន្ត​នេះ​មក​ដោះស្រាយ​គ្នា​ទៅតាម​ច្បាប់​។​
 បើ​យោងតាម​ប្រភព​ពត៌មាន​ពី​សាច់ញាតិ​ជនរងគ្រោះ​បាន​បញ្ជាក់ថា ជនរងគ្រោះ​ទាំង​៣​នាក់​ធ្វើការ​នៅក្នុង​ក្រុមហ៊ុន​ហ៊​ង អា​ញ់ ដែលមាន​ទីតាំង​ស្ថិតនៅក្នុង​ស្រុក​កូន​មុំ​នេះ​ផងដែរ​៕

ព័ត៌មានលម្អិត
ចុះនៅថ្ងៃទី 30-03-2015, 09:39 AM, អាន 19ដង
ខេត្តកំពង់ចាម​៖​ព្រៃត្រែង​ប្រមាណ​១​ហិកតា​ត្រូវបាន​អគ្គិភ័យ​ឆាប់ឆេះ​ធ្វើ​ឲ្យ​មាន​ផ្សែងហុយ​ខ្មួលខ្មាញ់​ឡើងទៅ​លើ​បង្ក​ឲ្យ​មានការ​ភ្ញាក់ផ្អើល​កាល​វេលា​ម៉ោង ៣ និង​៤០​នាទី​រសៀល ថ្ងៃទី​២៩ ខែមីនា ឆ្នាំ​២០១៥ នៅតាម​មាត់ទន្លេ​មេគង្គ  ក្រោយ​ការិយាល័យ​កំពង់ផែ​របស់​មន្ទីរ​សាធារណការ​ខេត្ត មាន​ទីតាំង​ស្ថិតនៅ​ភូមិ​ទី​៣  សង្កាត់​វាលវង់ ក្រុង​កំពង់ចាម  ។  
​ជុំវិញ​ករណី​អគ្គិភ័យ​ខាងលើ​មិន​បណ្តាល​ឲ្យ​រង​ការខូចខាត ឬ​ឆាបឆេះ​ដល់​អគារ​ការិយាល័យ​កំពង់ផែ​របស់​មន្ទីរ​សាធារណការ​ខេត្ត​នោះទេ ដោយសារតែ​រថយន្ត​ពន្លត់​អគ្គិភ័យ​មកជួយ​បាញ់​ពន្លត់​ទាន់ពេលវេលា​៕

ព័ត៌មានលម្អិត
ចុះនៅថ្ងៃទី 30-03-2015, 09:30 AM, អាន 24ដង
រាជធានី​ភ្នំពេញ​៖​បុរស​ម្នាក់​បាន​ស្លាប់​ភ្លាមៗ​នៅ​កន្លែងកើតហេតុ បន្ទាប់ពី​ចេញពី​ហាង​ផឹកស៊ី​មួយកន្លែង ជិះ​ម៉ូតូ​ទៅធ្វើ​ការ​វិញ​ក្នុង​ល្បឿន​លឿន​ជាន់​ហ្វ្រាំង​មិនទាន់​ជ្រុល​បុក​រថយន្ត​តួ​រី​ស​ចំ​ពីមុខ​ពេញទំហឹង ។​ហេតុការណ៍​នេះ​កើតឡើង​កាល​វេលា​ម៉ោង​៩ និង​៤០​នាទី​យប់ ថ្ងៃទី​២៩ ខែមីនា ឆ្នាំ​២០១៥ ស្ថិត​តាម​បណ្តោយ​ផ្លូវជាតិ​លេខ​១ ក្នុងភូមិ​តា​ព្រហ្ម សង្កាត់​ព្រែក​ឯង ខណ្ឌ​ច្បារអំពៅ ។​
​ក្រោយ​កើតហេតុ​អ្នកបើករថយន្ត​បាន​រត់គេចខ្លួន​បាត់ស្រមោល ចំណែក​រថយន្ត​និង​ម៉ូតូ​ត្រូវបាន​សមត្ថកិច្ច​ខណ្ឌ​ច្បារអំពៅ​យកទៅ​រក្សា ទុក ។​ចំពោះ​សាកសព​រងគ្រោះ​ត្រូវបាន​ក្រុមគ្រួសារ​ដឹកយក​ទៅធ្វើ​បុណ្យ​តាម ប្រពៃណី ៕

ព័ត៌មានលម្អិត
ចុះនៅថ្ងៃទី 30-03-2015, 09:04 AM, អាន 22ដង
​កីឡា​៖U22 កម្ពុជា ស៊ុត U22 កូរ៉េខាងជើង​ចាញ់​ដោយ​លទ្ធផល​៤-១ ក្នុង​វគ្គ​ជម្រុះ AFC Championship ពូ​ល G នៅ​ប្រទេស​ថៃ​។ កូរ៉េខាងជើង រក​គ្រាប់​បាល់​បាន​នៅ​នាទី​ទី ១៧, ៣៧, ៥១ , និង ៥៨​។ ចំណែក​កម្ពុជា​ស៊ុត​ដោយ​កីឡាករ ម៉ាត់​ណូ​រ៉ូ​ទីន នាទី​ទី ៨១ បន្ទាប់ពី​កា​រប​ញ្ចូ​ន​យ៉ាង​ល្អ​ពី ចាន់ វឌ្ឍនាការ​។ ចំណែក ថៃ ស៊ី​ហ្វីលីពីន ៥-១​។​
​លទ្ធផល​កន្លងមក កម្ពុជា​ចាញ់ ថៃ ២-១ ហើយ កូរ៉េខាងជើង ស៊ី ហ្វីលីពីន ៤-០​។ នៅ​ថ្ងៃទី ៣១ មីនា ខាងមុខ កម្ពុជា ជួប ហ្វីលីពីន ម៉ោង ៤ រសៀល ដែលជា​ការប្រកួត​ចុងក្រោយ​ក្នុង​ពូ​ល​៕

ព័ត៌មានលម្អិត
ចុះនៅថ្ងៃទី 30-03-2015, 09:13 AM, អាន 34ដង
​រាជធានី​ភ្នំពេញ​៖​ប្រធាន​ក្លឹប អ្នកកាសែត​កម្ពុជា និង​ជា​និពន្ធ​នាយក​កាសែត​រស្មី​កម្ពុជា លោក ប៉ែន សមិទ្ធិ បានទទួល មរណភាព​ដោយ​រោគាពាធ នា​ព្រឹក​ថ្ងៃទី​៣០ ខែមីនា ឆ្នាំ​២០១៥​នេះ នៅ​មន្ទីរពេទ្យ​កាល់ម៉ែត ក្នុង​ជន្មាយុ ៥៤​ឆ្នាំ​។​
​សព​របស់លោក ប៉ែន សមិទ្ធិ នឹងត្រូវ​តម្កល់​ធ្វើបុណ្យ​តាម​ប្រពៃណី នៅ​គេហដ្ឋាន​របស់លោក​ក្បែរ​រង្វង់​មូល​ផ្សារ​ដើម ថ្កូវ ខណ្ឌចំការមន​៕


ព័ត៌មានលម្អិត
ចុះនៅថ្ងៃទី 30-03-2015, 08:37 AM, អាន 35ដង
ដោយ​៖​ភួង ផុន​
​ខេត្តរតនគិរី​
៖អាជីវករ​លក់ដូរ​នៅមុខ​បរិវេណ​ផ្សារ​ក្រុង​បាន​លុង ផ្ទុះ​កំហឹង​តវ៉ា​យ៉ាងខ្លាំង​ជាមួយ​លោក​ជា គួ​ង នាយក​ក្រុមហ៊ុន គីម​ជ្រា អនាម័យ​ក្រុង​បាន​លុង ខណៈ​លោក​ដឹក​ដែក​យកទៅ​សាងសង់ តុ​ប ស្តង់ កន្លែង​អាជីវករ​កំពង់​លក់ដូរ  ដោយ​ពុំមាន​កិច្ចព្រមព្រៀង ចេញ​លិ​ត​ខិត​ជូនដំណឹង និង​លក្ខខណ្ឌ ណាមួយ​អោយបាន​ជាក់លាក់​ជាមួយ​អាជីវករ​លក់ដូរ​នៅ​ទីនោះ​ទេ​។​
     ហេតុការណ៍​នេះ​បាន​ផ្ទុះឡើង​នៅ​ព្រឹក​ថ្ងៃទី​២៩ ខែមីនា ឆ្នាំ​២០១៥ នៅពេលដែល​លោក ជា គួ​ង បាន​ដឹកនាំ​កម្មករ និង​ដឹក​ដែក​យកទៅ​សាងសង់ តូប ស្តង់ លក់ដូរ​នៅមុខ​ផ្សារ​ក្រុង​បាន​លុង លើ​បរិវេណ​ដី​សាធារណៈ​របស់​រដ្ឋ ខាងក្រោយ​ស្នាក់ការ​ផ្សារ​។ ក៏ប៉ុន្តែ​ក្រោយពេល​ផ្ទុះ​កំហឹង​មួយ​ប្រាវ គេ​ឃើញ​តំណាង​អាជ្ញាធរ​ក្រុង រួមទាំង​សមត្ថកិច្ច ចុះទៅ​ដល់ ធ្វើការ​ផ្អាក ការសាងសង់​របស់លោក ជា គួ​ង និង ទុក​បញ្ហា​នេះ​ដោះស្រាយ​ថ្ងៃក្រោយ ទើប​សភាពការណ៍​ស្ងប់ស្ងាត់​ទៅវិញ​។​
    ក្រុមអាជីវករ​ទាំងនោះ​បាន​ចោទប្រកាន់ថា លោក ជា គួ​ង ជា​ក្រុមហ៊ុន​អនាម័យ តើ​លោក​មាន​សិទ្ធិ​អី មក​ដំឡើង​តូប ដេញ​ពួកគាត់​លក់​នៅទីនេះ​ចេញ លោក ជា គួ​ង បាន​ចុះបញ្ជី​វិនិយោគ​ដី​រដ្ឋ​ពី​កាលណា បានជា​គាត់ ធ្វើ​សកម្មភាព​មិនចេះចប់​មិនចេះហើយ ម្ដង​យក​ឆ័​ត្រ មក​ដាក់អោយ​ពួកគាត់​ជួល ដល់​តែ​ពួកគាត់​មិន​ជួល គាត់​ចង់​មក​ធ្វើ​តូប​ជួល​ទៀត ដ​ច្នេះ​ពួកគាត់​ត្រូវតែ​ប្រឆាំង​ដាច់ខាត​ចំពោះ​លោក​ជា​គួ​ង​។​
     ជុំវិញ​ករណី​ផ្ទុះ​កំហឹង​របស់​អាជីវករ​ខាងលើនេះ​លោក អ៊ុក សំអុល អភិបាលក្រុង​បាន​លុង​បានអោយ​អ្នកសារព័ត៌មាន​យើង​ដឹងថា នេះ​ជាការ​ភាន់ច្រឡំ របស់​អាជីវករ​ទេ​។ គ្រប់​ផែនការ​ទាំងអស់ គឺជា​គំរោង​របស់​អាជ្ញាធរ​ក្រុង​ទាំងអស់ លោក ជា គួ​ង គ្រាន់​ជា​ក្រុមការងារ របស់​អាជ្ញាធរ​ក្រុង​តែប៉ុណ្ណោះ​។ លោក​បាន​បន្តទៀតថា ការដែល​លោក ជា គួ​ង ដាក់​ឆ័​ត្រ​ជួល ជា​របស់​ក្រុង ហើយ​ការសាងសង់​នេះ​ក៏​ជា​របស់​ក្រុង​ដែរ តែ​ការសាងសង់​នេះ មិនមែនជា​ស្តង់​ឬ​តូប​ទេ គឺ​សាងសង់​ជា​រោង​វែង ប្រក​ដំបូល​ធ្វើជា​ផ្សារ​ជនជាតិភាគតិច ដោយ​លើកលែង​ពុំមាន​ការយក​ភាស៊ី ឬ​ថ្លៃ​អនាម័យ​ផ្សេងៗ​ទេ  តែ​ដោយឡែក​អាជីវករ​ដែល​លក់ដូរ​នៅ​ចំណុច​នោះ លោក​និង​ចុះបញ្ជី​អោយបាន​ត្រឹមត្រូវ​មិនអោយ​បាត់បង់​ឈ្មោះ​ទេ ហើយ​លោក​នឹង​ចែក​កន្លែង​អោយ​លក់​ជាធម្មតា មិនអោយ​បាត់​អ្នកណាម្នាក់​ឡើយ​។ ការសាងសង់​នេះ​លោក​ក៏បាន​ធ្វើ​សេចក្ដីជូនដំណឹង​តាមរយៈ​ក្រុមប្រឹក្សា​ក្រុង​រួចមកហើយ​ដែរ​។ លោ​២​កបាន​បន្ថែមទៀតថា ការផ្ទុះ​កំហឹង​តវ៉ា​នេះ មកពី​មានការ​ញុះញង់​ពី​មជ្ឈដ្ឋាន​មួយ​ក្ដាប់​តូច ដែល​ប៉ះពាល់​ផលប្រយោជន៍​របស់​ពួកគេ​។​
     ទោះជា​យ៉ាងណាក៏ដោយ ក្រុមអាជីវករ បាន​លើកឡើងថា តាំងពី​ពួកគាត់​បានមក​ដាក់លក់​រហូតមក​ដល់ពេល លោក ជា គួ​ង ដឹក​ដែក​មក​សាងសង់​នេះ ពុំមាន​អាជ្ញាធរ​ក្រុង មក​ធ្វើបញ្ជី​ឈ្មោះ​អោយបាន​ត្រឹមត្រូវ និង​ធ្វើ​សេចក្ដីជូនដំណឹង​ដល់​ពួកគាត់​ទេ​។ ដូច្នេះហើយ​បានជា​គាត់ ខ្លាច​បាត់បង់​កន្លែង​លក់​របស់​ពួកគាត់​៕
     

ព័ត៌មានលម្អិត
ចុះនៅថ្ងៃទី 27-03-2015, 03:33 PM, អាន 91ដង
ខេត្តកំពង់ចាម​៖​កម្លាំង​នគរបាល​ស្រុក​ជើងព្រៃ បាន​ចាប់ខ្លួន​ព្រះសង្ឃ​៤​អង្គ ខណៈដែល​ពួក គេ កំពុង​ច្រៀង​ខារ៉ាអូខេ​យ៉ាង​សប្បាយ​ដែល ខុស​ទៅនឹង​វិន័យ​ព្រះពុទ្ធសាសនា (​សម្រាប់ ព្រះសង្ឃ​) នៅក្នុង​ហាង​ខារ៉ាអូខេ​យីហោ ជា ធិ​តា ស្ថិតនៅ​ភូមិ​ស្គន់ ឃុំ​សូ​ទិព្វ ស្រុក​ជើងព្រៃ ខេត្ដ​កំពង់ចាម​នាំមក​កាន់​អធិការដ្ឋាន​នគរបាល​ស្រុក​ជើងព្រៃ​សួរនាំ​រួច​ផ្សឹក​ជា​គ្រហស្ថ ។ លោក​វរសេនីយ៍ត្រី យ៉ែម សុផល អធិការរង​នគរបាល​ស្រុក​ជើងព្រៃ​ប្រាប់​ឲ្យ​ដឹងថា ក្រុម​សង្ឃ​កំហូច​ទាំង​៤​អង្គ​នោះ​មានៈ ១-​ឈ្មោះ ឡា​ច ហ៊ាន ភេទ​ប្រុស អាយុ​៤២​ឆ្នាំ នៅ​ភូមិ​សង្កែ ឃុំ​ព្រៃឈរ ស្រុក​ព្រៃឈរ   គង់នៅ​វត្ត​រស្មី​សង្កែ ភូមិ​សង្កែ ២-​ឈ្មោះ ហែម បញ្ញា ភេទ​ប្រុស អាយុ​២៤​ឆ្នាំ នៅ​កង​តា​ណឹ​ង ឃុំ​កង​តា​ណឹ​ង ស្រុក​កងមាស  គង់នៅ​វត្ត​ព្រែកកុយ  ៣-​ឈ្មោះ ច​ន សុខ​លាង ហៅ​ម៉ៅ ចាន់​លាង ភេទ​ប្រុស អាយុ​២៤​ឆ្នាំ ចៅអធិការ​វត្ត​កន្លែង​រុន  ៤-​ឈ្មោះ កង សារឿន  ភេទ​ប្រុស អាយុ​៤៣​ឆ្នាំ ភូមិ​បា​ខម  ឃុំ​សំពង​ជ័យ ស្រុក​ជើងព្រៃ ជា​ចៅអធិការ​វត្ត​រស្មី​សង្កែ ស្រុក​ព្រៃឈរ ។
​នគរបាល​ស្រុក​ជើងព្រៃ​ប្រាប់ថា ដោយមាន​ការសង្ស័យ​នោះ គេ​បានដាក់​កម្លាំង​តាមដាន​សង្ឃ​កំហូច​ទាំង​៤​អង្គ​នៅ​ទីបំផុត​ក៏បាន​តាមដាន ឃើញ​មក​ចូល​ច្រៀង​ខារ៉ាអូខេ​នៅ​យីហោ​ខាងលើ​យ៉ាង​សប្បាយ​ដោយ​មិនបាន ដឹងខ្លួន​ឡើយ ។  បន្ទាប់មក​ប្រជាពលរដ្ឋ​បាន​ប្តឹងទៅ​វេន​ប្រចាំ​បញ្ជា​របស់​ស្នងការដ្ឋាន នគរបាល​ខេត្ត កម្លាំង​ខេត្ត​បាន​បញ្ជា​ឲ្យ​អធិការនគរបាល​ស្រុក​ជើងព្រៃ​នាំ​មន្ត្រី​នគរ បាល​ជាច្រើន​នាក់​ចុះទៅ​ទ្បោ​ម​ព័ទ្ធ​ហាង​ខារ៉ាអូខេ​ធិ​តា ដោយ​ឃាត់​បាន​សង្ឃ​២​អង្គ​គឺ​ឈ្មោះ ហ៊ាន​និង​ឈ្មោះ បញ្ញា នាំមក​កាន់​អធិការដ្ឋាន​នគរបាល​ស្រុក​ដើម្បី​សួរនាំ ។
​រហូតមកដល់​វេលា​ម៉ោង​៨ និង​៣០​នាទី​ព្រឹក​ថ្ងៃទី​២៧ មីនា ប្រជាពលរដ្ឋ​បានឃើញ​ជនសង្ស័យ​ចំនួន​២​នាក់​កំពុងតែ​នាំគ្នា​ដើរកាត់​តាម វាលស្រែ​ត្រង់​ភូមិ​ផ្តៅ​ជុំ​កើត ឃុំ​ផ្តៅ​ជុំ ស្រុក​ជើងព្រៃ  ។ បន្ទាប់មក​ប្រញាប់​រាយការណ៍​មក​សមត្ថកិច្ច​ជាបន្ទាន់​ចុះទៅ​មើលឃើញ មនុស្ស​២​នាក់​មែន ដំបូង​នឹក​ស្មានតែ​ក្រុម​ដើរ​កាច់​សោ​.​ក​ម៉ូតូ​លុះ​ពេល​ដោះ​មួក​ចេញ ស្រាប់តែ​ឃើញ​ក្បាល​ត្រងោល​ទាំង​២​នាក់​ទើប​ដាក់​ការសង្ស័យ​សង្ឃ​ដែល​បាន មក​ចូល​ច្រៀង​ខារ៉ាអូខេ​ដែល​រត់គេច​នោះ ។​
​នៅ​ចំពោះមុខ​សមត្ថកិច្ច សង្ឃ​ទាំងនេះ​បាន​ឆ្លើយ​សារភាពថា ពួកគេ​ពិតជា​ក្រុម​សង្ឃ​ដែល​បាន​ចូល​ច្រៀង​នៅ​ហាង​ធិ​តា ដោយ​ពិតប្រាកដ​មែន​ជាមួយ​នោះ​សមត្ថកិច្ច​បានឃើញ​វត្ថុតាង​ស្បង់​ចីវរ​ចំនួន​៤ ដាក់​ក្នុង​រថយន្ត​កាមរី​ឆ្លាម​២​គ្រឿង ដែល​ចត​ក្នុង​ហាង ។ បច្ចុប្បន្ន​សង្ឃ​ទាំង​៤​អង្គ​ត្រូវ​ជំនាញ​ទាក់ទង​ទៅ​ធម្មការ​ស្រុក​ដើម្បីចាត់​វិធានការ​តាមផ្លូវច្បាប់​ ៕

ព័ត៌មានលម្អិត
ចុះនៅថ្ងៃទី 27-03-2015, 02:04 PM, អាន 69ដង
រាជធានី​ភ្នំពេញ​៖​យោងតាម​លិខិត​ផ្ទេរសិទ្ធិ​របស់​ក្លឹប​អ្នកកាសែត​កម្ពុជា​ដែល​បាន​ចុះហត្ថលេខា​ដោយ លោក ប៉ែន សមិទ្ធិ កាលពី​ថ្ងៃទី​២០ ខែមីនា បាន​ឲ្យ​ដឹងថា  លោក ប៉ែន សមិទ្ធិ បានប្រកាស​លាឈប់ ពី​តំណែង​ប្រធាន​ក្លឹប​អ្នកកាសែត​កម្ពុជា ដោយសារ​បញ្ហា សុខភាព និង​ខ្វះ​ពេលវេលា​។​
​ក្នុង​លិខិត​ដដែល​បញ្ជាក់ថា តួនាទី​ត្រូវបាន​ផ្ទេរ​ឲ្យ​លោក ប៉ែន ប៉ូ​ណា សមាជិក​គណៈកម្មាធិកា​រ​នាយក​របស់​ក្លឹប​អ្នកកាសែត​កម្ពុជា ធ្វើជា​ប្រធានស្តីទី​ក្លឹប​អ្នកកាសែត​កម្ពុជា ដើម្បី​ដោះស្រាយ​បញ្ហា​ការងារ​មួយចំនួន កុំ​ឲ្យ​រាំង ស្ទះ​ដល់​ដំណើរការ​របស់​អង្គភាព​៕

ព័ត៌មានលម្អិត
« មុន 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 ក្រោយ »
ស្វែងរកតាមរយ:ប្រតិទិន
ចំនួនអ្នកទស្សនា
ថ្ងៃនេះ : 280 នាក់
ថ្ងៃម្សិល : 61433 នាក់
សរុប : 15836917 នាក់
Flag Counter
Copyright© 2013 by Phnom Penh Daily All right reserved. Email:phnompenhdailynews@gmail.com
Add:#107, St.Railay, Group 57, Sangkat Beong Kok II, Khan Toul Kork Phnom penh Kingdom of Cambodia Tel: 017 700 688