1 2 3 4
ព័ត៌មានរាយការណ៍:
ថ្ងៃ សៅរ៍ ទី 07 ខែ មិនា ឆ្នាំ 2015
ប្រធានាធិបតី​សូ​ម៉ាលី​អបអរសាទរ ចំពោះ​ការចូលរួម​វិភាគទាន​របស់​ចិន ក្នុង​ការកសាង​ឡើងវិញ​ប្រទេស​របស់លោក
ចុះនៅថ្ងៃទី 17-09-2013, 06:48 AM
ប្រធានាធិបតី​សូ​ម៉ាលី លោក ហាសាន់​សេក​ម៉ូ​ហា​មូ​ដ បាន​ថ្លែង​គូសបញ្ជាក់​កាលពី​ថ្ងៃ​ពុធ កន្លងមកនេះ​ថា ប្រទេស របស់ លោក​បាន​ដឹងគុណ​យ៉ាងខ្លាំង ចំពោះ​ប្រទេស​ចិន ដែល​ទាក់ទិន​នឹង ការចរចា​គ្នា ដែល​កំពុងតែ​ប្រព្រឹត្តទៅ ដើម្បី កសាង ឡើងវិញ​ប្រទេស​សូ​ម៉ាលី ដែល​វិស័យសេដ្ឋកិច្ច ត្រូវបាន​ខ្ទេចខ្ទាំ​យ៉ាងខ្លាំង ដោយសារតែ​សង្គ្រាមស៊ីវិល​អស់ រយៈពេល ២ទសវត្សរ៍ ដែល​បានបញ្ចប់ ទៅ កាលពី​ឆ្នាំ២០១២ នោះ។

នៅក្រៅ​កិច្ចប្រជុំ​កំពូល​ទី៣ ស្តីពី​ការប្រយុទ្ធ​ប្រឆាំងនឹង​អំពើ​ប្លន់​តាម​សមុទ្រ របស់​ពួក​អារ៉ាប់ រួម​អេ​មី​រ៉ា​ត រយៈពេល២ថ្ងៃ (EAU) នោះ ដែល​បានចាប់ផ្តើម​ឡើង កាលពី​ថ្ងៃ​កន្លងមកនេះ ប្រ​ធានា- ធិបតី​សូ​ម៉ាលី​បាន​អះអាង​បញ្ជាក់ថាៈ «ប្រ ទេស ចិន គឺជា​មិត្ត​ចាស់​របស់​ប្រជាជន​សូ​ម៉ាលី ចាប់​តាំង ពី​ការទទួលបាន​ឯករាជ្យ​របស់​យើង កាលពីដើម​ទសវត្សរ៍ ១៩៦០ មក»។

លោក ម៉ូ​ហា​មូ​ដ ដែល​បាន​ចូលកាន់​មុខតំណែង កាលពី​ថ្ងៃទី១៦ កញ្ញា ២០១២ មក​នោះ បាន​បន្ថែមទៀតថាៈ កិច្ចចរចា គ្នា​រវាង​សូ​ម៉ាលី និង​ចិន សម្រាប់​ការកសាង​ឡើងវិញ ត្រូវបាន​ពង្រឹង កាលពី​ឆ្នាំកន្លងមក។

លោក​ប្រធានាធិបតី​សូ​ម៉ាលី បាន​គូសបញ្ជាក់ថាៈ «មាន​កិច្ចចរចា​គ្នា និង​ការជជែក​គ្នា​ជា ច្រើន កំពុងតែ​ពង្រឹង​ទៅ រវាង ប្រទេស​ទាំងពីរ ហើយ​យើង​សង្ឃឹមថា ប្រទេស​ចិន​នឹង​កសាងឡើង វិញ​ប្រទេស​របស់​យើង ជាមួយនឹង​គម្រោងធំៗ ផ្នែក ហេដ្ឋារចនាសម្ព័ន្ធ​សេដ្ឋកិច្ច ដូចដែល​ប្រទេស ចិន​បានធ្វើ​នៅតាម​តំបន់​ជាច្រើន​នៃ​ទ្វីបអាហ្វ្រិក​ដែរ»។

ប្រធានាធិបតី​សូ​ម៉ាលី ក៏បាន​កត់សម្គាល់​ផងដែរ​ថាៈ ប្រទេស​ចិន​បាន​ចូលរួម​វិភាគទាន ដល់​ការប្រយុទ្ធ​ប្រឆាំងនឹង​អំ ពើ​ប្លន់​នៅតាម​សមុទ្រ ដោយមាន​បេសកកម្ម​ប្រឆាំងនឹង​ចោរប្លន់​តាម សមុទ្រ​អន្តរជាតិ​ក្នុង​ឈូង​សមុទ្រ​អា​ដែន ដោយ លោក​បាន​បន្ថែមទៀតថាៈ តម្លៃ​ទឹកប្រាក់​ដែល​បាន មក​ដោយ​អំពើ​ប្លន់​តាម​សមុទ្រ នៅ​ទូទាំង​មហាសមុទ្រ​ឥណ្ឌា មាន ចំនួន ១៨ពាន់​លាន​ដុល្លារ​អា​មេ-រិ​ក ក្នុង១ឆ្នាំ។

លោក​ប្រធានាធិបតី​សូ​ម៉ាលី បាន​សន្និដ្ឋានថាៈ «គ្រាន់តែ​ចំណែក​មួយ​នៃ​ទឹកប្រាក់​នេះ ប្រចាំឆ្នាំ អាចជួយ​ឱ្យ​ប្រទេស សូ​ម៉ាលី កសាង​សេដ្ឋកិច្ច​របស់ខ្លួន​ឡើងវិញ​បាន ដូច្នេះ​យើង​ស្នើ​សុំឱ្យ សហគមន៍​អន្តរជាតិ​ជួយ​យើង​ក្នុង​ការកសាង ឡើងវិញ​ប្រទេស​របស់​យើង និង​ជួយ​ប្រយុទ្ធប្រឆាំង នឹង​ជួយ​ប្រយុទ្ធ​ប្រឆាំងនឹង​ពួកចោរ​ប្លន់​តាម​សមុទ្រ៕
ចុះនៅថ្ងៃទី 06-03-2015, 02:20 PM, អាន 26ដង
​ថៃ​៖​តុលាការខេត្តប៉ា​តា​យ៉ាកាលពី​ម្សិលមិញ​បាន​កាត់ទោស​មេដឹកនាំ​ក្រុម​អាវ​ក្រហម​ចំនួន​១៥​នាក់​ឲ្យ ជាប់ពន្ធនាគារ​ម្នាក់​៤​ឆ្នាំ​ដោយសារតែ​ពួកគេ​បាន​អុកឡុក​កន្លែង​ប្រជុំ កំពូល​អាស៊ាន​កាលពី​ខែមេសា​ឆ្នាំ ២០០៩ ដែល​បង្ខំ​ឲ្យ​រដ្ឋាភិបាល​ផ្អាក​ការប្រជុំ​នេះ​និង​ធ្វើ​ឲ្យ​ប្រទេស​ទ​ទូល ភាពអាម៉ាស ។
​ក្នុងចំណោម​អ្នក​ដែល​ជាប់ទោស​ទាំងនោះ​គឺមាន​បុគ្គល​សំខាន់ៗ​មួយចំនួន ដូចជាៈ អា​រី​ស្មាន ប៉ុង​រួ​ង​រ៉ុង​, នី​ស៊ីត ស៊ីន​ធូ​ប្រៃ​, ស៊ូ​រ៉ា​ឆៃ ដាន​វ៉ាត​ថា​ណា​នូ​សន​,​ស៊ី​ង​ថង ប៊ួ​ឈុំ​, វូ​រ៉ា​ឆៃ ហេ​ម៉ា និង​ផា​យ៉ាប ផាន​កេ​ត ។ ជាមួយគ្នា​នោះ លោក ស៊ី​ង​ថង ដែលជា​អ្នកនយោបាយ​ក្នុង​បក្ស ភឿ​ថៃ បាន​និយាយថា ពួកគេ​នឹង​ប្តឹង​ជំទាស់​ចំពោះ​ការកាត់ទោស​នេះ ៕

ព័ត៌មានលម្អិត
ចុះនៅថ្ងៃទី 06-03-2015, 02:16 PM, អាន 37ដង
​រាជធានី​ភ្នំពេញ​៖​យោងតាម​ការ​ឲ្យ​ដឹង​ពី មេធាវី​បញ្ជាក់ថា​ឪពុកម្តាយ​របស់​ថោង​សារ៉ាត់​គ្រោង​នឹងដាក់​បុរី ៩៩៩​ដែលមាន​តម្លៃ​ជាង​១០០​លាន​ដុល្លារ​ដើម្បី​ជាការ​ធានា​សុំ​នៅក្រៅ​ឃុំ ជាថ្មី​គ្រា​ដែល​សុខភាព​ឪពុក​លោក ថោង សារ៉ាត់ ដែល​កំពុង​ជាប់​ក្នុង​ពន្ធនាគារ​កាន់តែ​ទ្រុឌទ្រោម​ទៅៗ ។  
​តាម​ការបញ្ជាក់​របស់​លោក​មេធាវី​ការពារ​ក្តី​ប្រាប់ថា គំនិត​ដាក់​បុរី​ធានា​នៅក្រៅ​ឃុំ​នេះ ត្រូវបាន​លើកឡើង ដោយ​ជន​ចាប់​ចោទ​ទាំង​ពីររូប ក្នុង​គ្រា​ដែល​លោក​បាន​ចូលជួប​សួរសុខទុក្ខ​កាលពី​ចុង ខែកុម្ភៈ កន្លង​ទៅហើយ​នឹងត្រូវ​ពិភាក្សា​សម្រេច​ម្តងទៀត នៅពេល​លោក ចូលជួប​អ្នក​ទាំងពីរ នៅ​ថ្ងៃ​ចន្ទ​សប្តាហ៍​ក្រោយនេះ​។
​លោក ម៉ន កែវ​ស៊ី​វិ​ន មេធាវី​ការពារ​ក្តី​ឪពុកម្តាយ​លោក ថោង សារ៉ាត់ បាន​ឲ្យ​ដឹង​ទៀតថា ការដាក់​បុរី​ធានា និង​ពាក្យសុំ​នៅក្រៅ​ឃុំ​ជាថ្មី​នេះ នឹងធ្វើ​ឡើង​នៅ​សាលាដំបូង​រាជធានី​ភ្នំពេញ ដោយ​ភ្ជាប់​នូវ​ឯកសារ​ពាក់ព័ន្ធ ពី​ស្ថានភាព​ជំងឺ​របស់លោក ថោង ចំរើន ឪពុក​របស់លោក ថោង សារ៉ាត់ រួម​នឹង​ការបញ្ជាក់​ពី​ការ​សម្រាក​ព្យាបាល​ជំងឺ​នៅក្នុង​ប្រទេស​ផងដែរ ប៉ុន្តែ​លោក​មិនសូវ​សង្ឃឹម​នោះឡើយ ៕

ព័ត៌មានលម្អិត
ចុះនៅថ្ងៃទី 06-03-2015, 01:52 PM, អាន 16ដង
​រាជធានី​ភ្នំពេញ​៖​សមត្ថកិច្ច​ខណ្ឌ​ឫស្សី​ឃាត់ខ្លួន​ជនសង្ស័យ ម្នាក់​ដែល​បាន​យក​ពូថៅ​កាប់​ក្បាល​ជនរងគ្រោះ​បណ្តាល​ឲ្យ​រងរបួស​ធ្ងន់ ។ ហេតុការណ៍​នេះ​បានធ្វើ​ឡើង កាលពី​វេលា​ម៉ោង​២៣​យប់​ថ្ងៃទី​៥ ខែមីនា ឆ្នាំ​២០១៥​នៅ​ចំណុច​ផ្ទះ​លេខ​១៧៩​ផ្លូវជាតិ​លេខ​៥​ក្រុម​១ ភូមិ​៣ សង្កាត់​ច្រាំង​ចំរេះ​ទី​១ ខណ្ឌឫស្សីកែវ​។  
​ជនសង្ស័យ​ឈ្មោះ ហ៊ីម រ៉ូ​ហ្វា​នី ភេទ​ប្រុស អាយុ​២៤​ឆ្នាំ មុខរបរ​កម្មករសំណង់ ស្នាក់​នៅផ្ទះ​លេខ​៧៥​ក្រុម​1​សង្កាត់​ច្រាំង​ចំរេះ​ទី​១ ខណ្ឌឫស្សីកែវ ។​ចំណែក​ជនរងគ្រោះ​ឈ្មោះ កើ ការី​ម ភេទ​ប្រុស អាយុ​៣៦​ឆ្នាំ ស្នាក់នៅ​ផ្ទះកើតហេតុ​ខាងលើ​(​ត្រូវបាន​ជនល្មើសកាប់​មួយ​ពូថៅ​ចំក្បាល​រងរបួស​ធ្ងន់​) ។
​បច្ចុប្បន្ន​ជនសង្ស័យ​កំពុង​ឃាត់ខ្លួន​បណ្តោះអាសន្ន​នៅ​អធិការនគរបាល ខណ្ឌឫស្សីកែវ​ធ្វើការ​សាកសួរ​និង​កសាង​សំណុំរឿង​បញ្ជូន​ទៅកាន់​សាលាដំបូង រាជធានី​ភ្នំពេញ​ចាត់ការ​បន្ត​តាម​នីតិវិធី​ច្បាប់​៕

ព័ត៌មានលម្អិត
ចុះនៅថ្ងៃទី 06-03-2015, 01:45 PM, អាន 16ដង
​នី​ហ្សេ​រី​យ៉ា​៖​ក្រុម​យោធាបូ​កូ​ហា​រាមបានសម្លាប់​មនុស្ស​យ៉ាងតិច​៦៤​នាក់​នៅក្នុង​ភូមិ​មួយ​ស្ថិតក្នុង​រដ្ឋ បូ​ណូ ភាគ​ឦសាន​ប្រទេស នី​ហ្សេ​រី​យ៉ា ។  
​ក្រុម​យោធា​ទាំងនោះ​បាន​បើក​ការបាញ់ប្រហារ​នៅក្នុង​ភូមិ ចា​បា ដែលមាន​គោលបំណង​ចង់​សម្លាប់​មនុស្ស​ប្រុស​និង​ក្មេងៗ​ហើយ​បន្ទាប់មក​ពួកគេ ក៏បាន​ដុត​ភូមិ​នេះ​ចោល ។
​គួរ​បញ្ជាក់ថា ក្រុម បូ​កូ​ហា​រាម បានសម្លាប់​មនុស្ស​រាប់​ពាន់​នាក់​នៅក្នុង​ប្រទេស​នី​ហ្សេ​រី​យ៉ា​ដើម្បី បង្កើត​ទៅជា​រដ្ឋ​ឥស្លាម ៕

ព័ត៌មានលម្អិត
ចុះនៅថ្ងៃទី 06-03-2015, 01:38 PM, អាន 82ដង
សុខភាព​៖​ក្រុម​ស្រាវជ្រាវ​វិទ្យាសាស្ត្រ​សុខភាព ដែល​បាន​សិក្សា​ស្រាវជ្រាវ​លើ​សត្វ​កណ្តុរ បាន​រកឃើញថា​ការរួម​ភេទ​ជួយ​បង្កើន​កោសិកា​។​ក្រុម អ្នកវិទ្យាសាស្ត្រ​នៃ​សកលវិទ្យា​ល័យ​Maryland​នៅ​អាមេរិក បាន​និយាយថា ការរួមរ័ក​អាចជួយ​បង្កើន​សមត្ថភាព​ខួ​ល​ក្បាល ពោលគឺ​ធ្វើ​ឲ្យ​មានគំនិត​ភ្លឺ​ថ្លា ។
​ការសិក្សា​ផ្នែក​សុខភាព ផ្លូវភេទ​ចុងក្រោយ​នេះ បាន​និយាយថា ការកើនឡើង​នៃ​សកម្មភាព​រួមភេទ នឹង​ជំរុញ​ឲ្យ​សកម្មភាព​ខួរក្បាល​ពោលគឺ​ធ្វើអោយមាន​អ៊ុក​ស៊ី​ហ្សែ​ន គ្រប់គ្រាន់​ដែល​ធ្វើ​ឲ្យ​មានការ​ចង់ចាំ​និង​ការគិត​បានល្អ​ឡើង​។​
​ការរកឃើញ ថ្មី​នេះ បាន​បន្ថែម​ទៅលើ​ការសិក្សា​ស្រាវជ្រាវ​មុនៗ​ដែល​បង្ហាញថា​ការរួម​ភេទ​មិន ត្រឹមតែ​ជួយ​កាត់បន្ថយ​ភាព​តឹង​ក្នុង​អារម្មណ៍​ប៉ុណ្ណោះ​ទេ ប៉ុន្តែ​ថែមទាំង​ដុតបំផ្លាញ​ចោល​កាឡូរី ។​
​សេចក្តីរាយការណ៍ មួយ​ដែល​បាន​ចុះផ្សាយ​ក្នុង​ទស្សនា​វ​ដ្តី​Glamour magazine បាន​និយាយថា ប្តី​ប្រពន្ធ​វ័យចាស់​ដែលមាន​សកម្មភាព​ផ្លូវភេទ​កាន់តែ​ច្រើនជាង​មុន អាចជួយ​កាត់បន្ថយ​ជំងឺផ្លូវចិត្ត​៕

ព័ត៌មានលម្អិត
ចុះនៅថ្ងៃទី 06-03-2015, 01:33 PM, អាន 27ដង
សុខភាព​៖​ត្រី​ត្រូវបាន​គេ​ស្គាល់​យ៉ាងច្បាស់​ថា ជា​ប្រភព​ជាតិ​ខ្លាញ់​អូ​មេ​ហ្គា​-៣ដែលជា​ជាតិ​ខ្លាញ់​ល្អ​បំផុត​ចំពោះ​សុខភាព​។ ហើយ​នៅពេល​ថ្មីៗ​នេះ អ្នកជំនាញ​ផ្នែក​សុខភាព បាន​ឲ្យ​ដឹងថា បុរស​ទាំងឡាយ ប្រសិន បើ​ចង់​ឲ្យ​មេជី​វិត​(​ស្ពែ​ម​) រឹងមាំ​និង​មានគុណ​ភាពល្អ អ្នក​គួរ​ទទួលទាន​ត្រី​ឲ្យ​បាន​ច្រើន​។ ក្រុម​អ្នកស្រាវជ្រាវ​មកពី​សាកលវិទ្យាល័យ​អ៊ី​ល្លីណ​យស៍ បាន​ឲ្យ​ដឹងថា មូលហេតុ​គឺជា​តិ​ខ្លាញ់​អូ​មេ​ហ្គា​-៣ មានការ​ពាក់ព័ន្ធ​នឹង​រូបរាង​មេជី​វិត​។​
​លោក​ទី​ម៉ូ​ធី អាប់​បុ​ត​ត៍  ជា​សហ​អ្នកនិពន្ធ​មួយរូប​នៃ​ការសិក្សា​នេះ បាន​និយាយថា តាម​ធម្មតា មេជី​វិត (​ស្ពែ​ម​) មាន​ក្បាល រាង​ដូច​មួក ដែល​គេ​ហៅថា “​អា​ក្រូ​សូម​” ​។ ហើយ​អង់​ហ្ស៊ី​ម នៅត្រង់​ផ្នែក​ក្បាល មាន​តួនាទី​ជ្រែកចូល​ទៅក្នុង​ស៊ុត ដើម្បី​បង្ករ​កំណើត​។ អង់​ហ្ស៊ី​ម​ទាំងនោះ ត្រូវការ​ជាតិ​ខ្លាញ់​អូ​មេ​ហ្គា​-៣ ដើម្បី​លូតលាស់ ធ្វើ​ឲ្យ​ក្បាល​មេជី​វិត កាន់តែ​ស្រួច និង​មានខ្លួន​កាន់តែ​វែង​។ ផ្ទុយទៅវិញ នៅពេលដែល​វាទ​ទួលបាន​ជាតិ​អាស៊ីដ ខ្លាញ់​អូ​មេ​ហ្គា​-៣ មិន​គ្រប់គ្រាន់ ធ្វើ​ឲ្យ​រូបរាង​របស់​មេជី​វិត លូតលាស់​មិនបាន​ល្អ និង​ធ្វើការ​មិនបាន​ពេញលេញ​នោះឡើយ​។
​ម្យ៉ាងទៀត ក្រុម​អ្នកវិទ្យាសាស្ត្រ បានចាប់ផ្តើម​ធ្វើការ​សិក្សា លើ​មេជី​វិត របស់​បុរស បន្ទាប់ពី​រកឃើញថា សត្វ​កណ្តុរ ដែលមាន​ជាតិ​អាស៊ីដ​ខ្លាញ់ មិន​គ្រប់គ្រាន់ ធ្វើ​ឲ្យ​គុណភាព​មេជី​វិត​ថយចុះ តែ​នៅពេល​គេ​បន្ថែម​សារធាតុ​ខ្លាញ់​អូ​មេ​ហ្គា​-៣ ចូលទៅក្នុង​អាហារ មេជី​វិត​របស់​សត្វ​កណ្តុរ​ទាំងនោះ ត្រឡប់​មកជា​មានគុណ​ភាពល្អ​វិញ​។
​រីឯ​ការសិក្សា​មួយទៀត ដែល​ធ្វើឡើង ដោយ​សកល​វិទ្យាល័យ ហារ​វ៉ាដ  បាន​ឲ្យ​ដឹងថា កង្វះ​ជីវជាតិ អាចធ្វើ​ឲ្យ​គុណភាព​មេជី​វិត ថយចុះ​ដូចគ្នា​ទៅនឹង​អ្នក​ដែល​ទទួលទាន​អាហារ ដែលមាន​ជាតិ​ខ្លាញ់​ច្រើន​ផងដែរ​។​
​ដូចនេះ ប្រការ​ល្អ​បំផុត គឺ​អ្នក​ត្រូវ​ទទួលទាន​ត្រី ឲ្យ​បាន​ច្រើន ដូចជា ត្រី​សាល​ម៉ន ឬ ត្រី​ធូ​ណា ជាដើម បូករួម​ជាមួយនឹង​អាហារ​ផ្សេងៗ​ទៀត ដូចជា​ស៊ុត ទឹកដោះគោ សណ្តែក គ្រាប់​ធញ្ញជាតិ ផ្លែឈើ​ពពួក​បឺ​រ​រី ដំឡូងជ្វា ឬ ប្រូ​ក​ខូ​លី និង​បន្លែ​បៃតង​នានា​៕

ព័ត៌មានលម្អិត
ចុះនៅថ្ងៃទី 06-03-2015, 01:24 PM, អាន 17ដង
​សុខភាព​៖​គូឆាយ​អាច​យកទៅ​ធ្វើជា​អាហារ​ជាច្រើន​ប្រភេទ ដូចជា ឆា​គូឆាយ ឬ​យកទៅ​ធ្វើ​នំគូឆាយ ដែល​ប្រើ​ស្លឹក​សំប៉ែតៗ​របស់​វា​ជាដើម ។ នៅតាម​បណ្ដោយ​នៃ​ស្លឹក​ពណ៌​បៃតង​ស្រស់ របស់​គូឆាយ​សំបូរ​ទៅដោយ​កាល់ស្យូម និង​ស្វូ​ស​ហ្វ័​រ ដែលជា​សារធាតុ​សំខាន់​មួយ​ផលិត និង​ជួសជុល​ឆ្អឹង​នៅតាម​រាងកាយ ។ វា​ក៏​សម្បូរ​ទៅដោយ​វីតាមីន​B វីតាមីន​C និង​ធាតុដែក​ដ៏​មាន​ប្រយោជន៍​ផងដែរ ។ ជាពិសេស​វា មាន​លក្ខណៈ​សំខាន់ ដែល​រាងកាយ​ត្រូវការ ដើម្បី​ផលិត​វីតាមីន​A គឺ​សារធាតុ​បេ​តាខេ​រ៉ូ​ទីន ដែល​គេ​មានជំនឿថា អាច​ការពារ​ជំងឺមហារីក​បាន ។​
​ចំណែក​ផ្កា​គូឆាយ​វិញ ក្រៅពី​សំបូរ​ទៅដោយ កាបូ​ហាយ​ដ្រេ​ត វា​ក៏មាន​សារធាតុ​ដទៃ មិន​ចាញ់​ស្លឹក​វា​ឡើយ ដូចជា បេ​តាខេ​រ៉ូ​ទីន វីតាមីន​B1 ធាតុដែក និង​ហ្វូ​ស​ហ្វ័​រ ។ អ្វីដែល​សំខាន់បំផុត គឺ​វា​មាន​ចំណែក​សំខាន់ ធ្វើ​ឲ្យ​ប្រព័ន្ធ​រំលាយ​អាហារ​មាន​តុល្យ​ភាពល្អ ព្រោះ​វា​មាន​កាក​សរសៃ​អាហារ​ច្រើន ជួយ​ឲ្យ​ការរំលាយ និង​ការ​បន្ទោ​របង់​ប្រព្រឹត្តទៅ​ស្រួល និង​ជួយ​កាត់បន្ថយ​ការ​ទល់លាមក ព្រមទាំង​កម្ចាត់​សារធាតុពុល​ចេញពី​រាងកាយ ដែលជា​ហេតុ​ធ្វើ​ឲ្យ​យើង​មាន​សុខ​ភាពល្អ មាន​ស្បែក​ស្អាត និង​គេច​ផុតពី​ជំងឺមហារីក​ពោះវៀនធំ​ទៀតផង ៕

ព័ត៌មានលម្អិត
ចុះនៅថ្ងៃទី 06-03-2015, 01:20 PM, អាន 37ដង
​សុខភាព​៖​ជំងឺលើសឈាម​ជា​ជំងឺ​ដែល​ងាយ​នឹង​កើតឡើង​បំផុត ជាពិសេស​ចំពោះ​មនុស្ស​វ័យ​ចំណាស់​។​តាម​ការសិក្សា​មួយ​បាន​បង្ហាញថា ដើម្បី​ការពារ​ជំងឺលើសឈាម​គួរ​បរិភោគ​អាហារ​៣​ប្រភេទ​ដូចខាងក្រោម​៖
១- ចេក​៖ ដូចជា ចេក​ស្រស់ៗ ចេកឆាប ចេកឆឹង ក៏ដោយ គឺជា​ប្រភេទ​ផ្លែឈើ​ដែល​សម្បូរ​ប៉ូ​តាស​ស្យូ​ម (Potassium) យ៉ាងច្រើន ។ សារធាតុ​ប៉ូ​តាស​ស្បូ​ម គឺជា​ប្រភេទ​ជួយ​ឲ្យ​សម្ពាធ​ឈាម​ថយ​ចុះមក​ធម្មតា​វិញ ។​
២-​ខ្ទឹមស និង​ខ្ទឹមបារាំង​៖ ឱសថ​បុរាណ​ប្រភេទ​នេះ ត្រូវ​ចាត់ទុកថា ជា​អាហារ​ដែល​មិនគួរ​មើលរំលង​ឡើយ ជាពិសេស ស្ត្រី​ដែល​មិន​ចង់​កើត​ជំងឺលើសឈាម ព្រោះ​សារធាតុ​ស៊ុ​ល​ហ្វួ​រ (Sulfur) នៅក្នុង​ខ្ទឹមស និង​ខ្ទឹមបារាំង ជួយ​ពង្រីក​សរសៃឈាម បន្ថយ​កម្លាំង​កន្ត្រាក់ និង​កម្លាំង​បាញ់​របស់​ឈាម និង​ធ្វើ​ឲ្យ​សម្ពាធ​ឈាម​ស្ថិតនៅក្នុង​សភាព​ធម្មតា ។​
៣-​សារាយសមុទ្រ​៖ ក្រៅពី​ជួយ​ឲ្យ​សក់ខ្មៅ​រលោង​ស្អាត​ហើយ អាស៊ីដ​អូ​មេ​ហ្គា​-៣ (Omega-3) នៅក្នុង​សារាយសមុទ្រ គឺជា​អាស៊ីដ​ខ្លាញ់ ដែល​ជួយ​ការពារ​បេះដូង ធ្វើ​ឲ្យ​ឈាម​ហូរ​ទៅ​ចិញ្ចើម​អវយវៈ​នានា បាន​យ៉ាង​ល្អ និង​ធ្វើ​ឲ្យ​សម្ពាធ​ឈាម​ធម្មតា​៕

ព័ត៌មានលម្អិត
ចុះនៅថ្ងៃទី 06-03-2015, 01:06 PM, អាន 25ដង
បច្ចេកវិទ្យា​៖​ក្រុមហ៊ុន Apple នឹង​បញ្ចេញ​ផលិត​ក្រោយៗ​តាម​បច្ចេកវិទ្យា​ថ្មី​អាច​ធន់​នឹង​ជម្រៅ​ទឹក​បន្ទាប់ពី​ទទួល​នូវ​សិទ្ធ​ប៉ាតង់​ដែល​ខ្លួន​បានដាក់​កាលពី​ឆ្នាំមុន​។ ប៉ុន្តែ​ក្រុមហ៊ុន​មិនបាន​បញ្ជាក់ថា​បច្ចេកវិទ្យា​មួយ​នេះ គឺ​ប្រើ​សម្រាប់​ផលិតផល​មួយណា​ឲ្យ​ប្រាកដ​នៅឡើយ​ទេ​។​
​បច្ចេកវិទ្យា​ថ្មី​នេះ គឺ​ខុសពី​បច្ចេកវិទ្យា​របស់​ក្រុមហ៊ុន​ផ្សេងទៀត​ដែល​ប្រើ​ស្រោម​ការ ពារ​មិន​ឲ្យ​ជ្រាប​ទឹក តែ​ដោយឡែក​គម្រោង​ប៉ាតង់​ថ្មី​របស់ Apple នេះ​វិញ បានបង្ហាញ​ឲ្យ​ដឹងថា​រាល់​ឧបករណ៍​សមាសធាតុ​ផ្នែក​ខាង​មួយចំនួន​ដូច ជា​បន្ទះ​សៀគ្វី​ជាដើម នឹង​ត្រូវបាន​បំពាក់​ដោយ​វត្ថុ​ធាតុ​ដែល​ការពារ​ទឹក​មិន​ឲ្យ​ជ្រៀបចូល​។ មិន​ត្រឹមតែ​ប៉ុណ្ណោះ វត្ថុ​ធាតុ​ដែល​ការពារ​ទឹក​មិន​ឲ្យ​ជ្រាបចូល​នេះ​នឹង​រក្សា​ផ្នែក​សំខាន់ ៗ​ទាំងអស់​មិន​ឲ្យ​ខូចខាត​ដែល​បង្កដោយ​សំណើម​ទឹក​ផងដែរ​។​
​ដូច្នេះ​សម្រាប់​ផលិតផល​បច្ចេកវិទ្យា​ក្រោយៗ​របស់​ក្រុមហ៊ុន Apple ដូចជា iPhone ជាដើម នឹង​លែង​ជា​ក្ដីបារម្ភ​សម្រាប់​អ្នកប្រើប្រាស់​ទៀតហើយ​នៅពេល​ធ្លាក់ ចូល​ទឹក ឬ ក៏​ប្រើ​ក្នុង​ទឹកជា​ដើម​៕
 

ព័ត៌មានលម្អិត
ចុះនៅថ្ងៃទី 06-03-2015, 12:57 PM, អាន 22ដង
​បច្ចេកវិទ្យា​៖​ទីបំផុត​ក្រុមហ៊ុន Microsoft បាន​បញ្ចេញ​កម្មវិធី Office 2016 Mac preview ជា​ផ្លូវការ កាលពី​ម្សិលមិញ ដែល​អាច​ឲ្យ​អ្នកប្រើប្រាស់​ទាញយក​ដោយ​ឥតគិតថ្លៃ សម្រាប់​ប្រើ​ជា​លក្ខណៈ​សាកល្បង​រហូតដល់​ក្រុមហ៊ុន​ដាក់ចេញ​ឲ្យ​ប្រើ ប្រាស់​ពេញលក្ខណៈ នៅ​ចុង​ឆ្នាំនេះ​។​
​ក្រុមហ៊ុន Microsoft បានបញ្ជាក់​ឲ្យ​ដឹងថា​លក្ខណៈពិសេស​បំផុត​របស់ Office 2016 គឺ​អ្នកប្រើប្រាស់​អាច​រក្សា និង​ទាញយក​ឯកសារ​មកប្រើប្រាស់​យ៉ាង​ងាយស្រួល​ពី OneDrive និង SharePoint​។​
​ក្រុមហ៊ុន Microsoft បាន​បន្ថែម​ឲ្យ​ដឹង​ទៀតថា​ការដាក់ចេញ​កម្មវិធី​ថ្មី​នេះ​បាន​នាំមក​នូវ មុខងារ​ថ្មីៗ​ជាច្រើន និង​មានការ​រចនា​គួរ​ឲ្យ​ទាក់ទាញ​ផងដែរ​។​
 នៅក្នុង​កម្មវិធី Word ត្រូវបាន​ដាក់បញ្ចូល​មុខងារ​ថ្មីៗ​ដូចជា Threaded comment, Layout Management Tool ថ្មី​, Navigation Panel និង​មុខងារ​ជាច្រើន​ទៀត​។ ចំណែកឯ Excel វិញ​ក៏​នាំមក​នូវ​មុខងារ Function ថ្មី និង Keyboard Shortcut និង​មុខងារ​ជាច្រើន​ទៀត​។​
 កម្មវិធី PowerPoint បាន​បន្ថែម​មុខងារ​ថ្មី​ជាច្រើន​ទៀត​ផងដែរ​ដូចជា “Presenter View” សម្រាប់​គ្រប់គ្រង​ក្នុង​ការធ្វើ Presentation ,​មុខងារ Animation​ថ្មី និង​មុខ​ង​ងារ​ជាច្រើន​ទៀត​។ បន្ថែម​ទៅទៀត​នោះ​កម្មវិធី Outlook ក៏ត្រូវ​បាន​រចនា​ថ្មី​ដែរ ទាំង​ការប្រើប្រាស់​និង​មុខងារ​គឺ​សុទ្ធ​ផ្ដល់​ភាពងាយស្រួល​ក្នុង ការប្រើប្រាស់​៕
 

ព័ត៌មានលម្អិត
ចុះនៅថ្ងៃទី 06-03-2015, 12:48 PM, អាន 17ដង
យ៉េ​មែន​៖​ប្រជាពលរដ្ឋ​យ៉េ​មែន​រាប់រយ​នាក់​បាននាំគ្នា​ដើរ​ដង្ហែ​ក្បួន​ពេញ​ផ្លូវ​ក្នុង​រដ្ឋធានី​សា​ណា​របស់​ប្រទេស​យ៉េ​មែន​កាលពី​ម្សិលមិញ​ដើម្បី​តវ៉ា​ប្រឆាំង​ការចាប់​ជំរិត​ស្ត្រី​ជនជាតិ​បារាំង​ឈ្មោះ អាសា​បេ​ល ព្រី​មេ និង​អ្នកបើក​នរ​រថយន្តរ​បស់​នាង​ឈ្មោះ សេរី​ន ម៉ា​កា​វី​។​
​អ្នក​តវ៉ា​ក៏បាន​ជំរុញ​ដល់​រដ្ឋាភិបាល​ឲ្យ​អន្តរាគមន៍​បន្ថែមទៀត​ក្នុងការ​ស្វែងរក​ស្ត្រី​ទាំង​២​នាក់​នោះ​ឲ្យ​ឃើញ​។ អ្នក​តវ៉ា​ទាំងអស់​នៅក្នុង​រដ្ឋធានី​សា​ណា បាន​ស្រែក​ខ្លាំងៗ​ទាមទារ​ជនជាតិ​បារាំង​ទាំង ២​នាក់​នោះ​ឲ្យ​វិល​ត្រឡប់មកវិញ​ដោយ​សុវត្ថិភាព​។
​ប្រជាពលរដ្ឋ​ដែល​ចូលរួម​ក្នុង​ការតវ៉ា​បាន​និយាយថា ពួកគេ​ជឿថា​ជនជាតិ​បារាំង​ទាំង​២​នាក់ ត្រូវ​ពួក​កងជីវពល​ចាប់ខ្លួន​ដោយ​មិនដឹង​មូលហេតុ​ហើយ​ពួកគេ​ស្នើ​ដល់​រដ្ឋាភិបាល ធ្វើ​ចំណាត់​យ៉ាងណា​ដើម្បី​អាច​នាំ​ជនរងគ្រោះ​ទាំង ២​មកវិញ​។
​គួរ​បញ្ជាក់ថា ខ្មាន់កាំភ្លើង​មិន​ស្គាល់​អត្តសញ្ញាណ មួយក្រុម​បាន​ចាប់ជំរិត​ស្ត្រី​ជនជាតិ​បារាំងម្នាក់ និង​អ្នកបើកបរ នៅតាម​ផ្លូវ​ទៅកាន់​កន្លែង​ការងារ​កាលពី​ថ្ងៃ​អង្គារ ២៤ កុម្ភៈ ខណៈ​ពួកគេ​កំពុងធ្វើដំណើរ​នៅលើ​បណ្ដោយ​ផ្លូវ​លេខ ៤៥ ក្នុង​ទីក្រុង​៕
ព័ត៌មានលម្អិត
ចុះនៅថ្ងៃទី 06-03-2015, 12:37 PM, អាន 43ដង
​រាជធានី​ភ្នំពេញ​៖​ប្រភពព័ត៌មាន​បា​នប​ង្ហើ​ប​ឱ្យដឹងថា ចៅក្រម​ស៊ើបសួរ​សាលាដំបូង​រាជធានី​ភ្នំពេញ លោក ឡុង កេស​ភី​រម្យ បានចេញ​ដីកា​កោះហៅ​អតីត​ឧ​ត្ត​ម​សេនីយ៍​យោធា ពេជ្រ ព្រហ្ម​មុន្នី និង​ជា​ជំនួយការ​របស់លោក អាំង មាលតី អតីត​ប្រធាន​សាលាដំបូង​រាជធានី​ភ្នំពេញ បច្ចុប្បន្នកំពុង​ជាប់​នៅក្នុង​ពន្ធនាគារ  ឱ្យចូល​បំភ្លឺ​បន្ថែម នៅ​ថ្ងៃទី​១០ ខែមីនា ឆ្នាំ​២០១៥ ខាងមុខនេះ ។​
​ប្រភព​ដដែល​បន្តថា ការសាកសួរ​បន្ថែម​នេះ​ផ្តោត​សំខាន់​ទៅលើ​តួនាទី​និង ភារកិច្ច​របស់​អតីត​ឧ​ត្ត​ម​សេនីយ៍​រូបនេះ ។  បើ​ព័ត៌មាន​ឲ្យ​ដឹងថា បើ​ការសាកសួរ​នេះ មាន​លេចចេញ​នូវ​បទល្មើស​ពុករលួយ​នោះ តុលាការ​នឹង​បញ្ជូន​សំណុំរឿង​ទៅ​ឲ្យ​អង្គភាព​ប្រឆាំង​អំពើពុករលួយ ចាត់ការ​បន្ត​តាម​នីតិវិធី​៕

ព័ត៌មានលម្អិត
ចុះនៅថ្ងៃទី 06-03-2015, 11:51 AM, អាន 30ដង
រាជធានី​ភ្នំពេញ​៖​អាជ្ញាធរ​ជាតិ​អប្សរា​បានចេញ​របាយការណ៍​មួយ​ដែល​បង្ហាញ​ចំណូល​ដែល​ទទួលបាន​ក្នុង​កុម្ភៈ ឆ្នាំ​២០១៥ ៕
ព័ត៌មានលម្អិត
ចុះនៅថ្ងៃទី 06-03-2015, 11:38 AM, អាន 17ដង
អ៊ីរ៉ាក់​៖​ទាហាន​អ៊ីរ៉ាក់​រាប់ពាន់នាក់ និង​ក្រុម​កងជីវពល​និកាយ​ស៊ី​អ៊ី​ត បន្ត​ឆ្ពោះ​ដំណើរ​ទៅមុខ​ឆ្ពោះ​ចូលក្នុង​ក្រុង​ទី​ក្រី​ត​ភាគ​ខាងជើង​ប្រទេស​ដែលជា​ថ្ងៃទី​៣ នៃ​យុទ្ធនាការ​ធំ​បំផុត​របស់​អ៊ីរ៉ាក់​ប្រឆាំង​ពួក​សកម្មប្រយុទ្ធ​កាន់សាសនា​ឥស្លាម​នី​កាយ​សូ​នី​។​
​តាម​ប្រភពពី​ក្រសួងការពារជាតិ​អ៊ីរ៉ាក​បាន​និយាយថា ការវាយប្រហារ​ចេញពី​ខេត្ត​ឌី​យ៉ា​ឡា​ទាហាន​បាន​វាយ​ដណ្ដើម​យកបាន​ភូមិ អា​ប៊ូ អាសា​, ភូមិ​អា​ប៊ូ រ៉ា​យ៉ា​, ភូមិ​ម៉ូ​បា​រ៉ា​ក់ អាល់​ហ្វា​ហាន និង​ស្រុក​ហី​ម​រី​ន​, ស្ពាន អាល់ ស៊ើ​ហ្គា ត​ភ្ជាប់​ទៅកាន់​ទីក្រុង​អា​ឡា​ម និង​ទីក្រុង​ទី​ក្រី​ត​។​
 ប្រភព​ដដែល​ឲ្យ​ដឹង​ទៀតថា​ការ​វាយឆ្មក់​ត្រូវបាន​ធ្វើឡើង ជាមួយ​ការគាំទ្រ​ពី​កងកម្លាំង​ទ័ពអាកាស​អ៊ីរ៉ាក់ ហើយ​អ្នក​ប្រយុទ្ធ​មួយចំនួន នៃ​ពួក​សកម្មប្រយុទ្ធ​រដ្ឋ​ឥស្លាម​បាន​ស្លាប់ ចំណែក​អាវុធ​ត្រូវបាន​រឹបអូស​ព្រមទាំង​បាន​បំផ្លាញ​រោងចក្រ​ធ្វើ​គ្រាប់បែក និង​រថយន្ត​ដឹក​គ្រាប់បែក​ជាច្រើន​គ្រឿង​ទៀតផង​៕

ព័ត៌មានលម្អិត
ចុះនៅថ្ងៃទី 06-03-2015, 11:27 AM, អាន 25ដង
កីឡា​៖​អតីត​កំពូល​អ្នក​ប្រដាល់ Mike Tyson បាន​និយាយ​ដោយ​ជឿជាក់ថា Manny Pacquiao នឹង​អាច​ផ្ដួល Floyd Mayweather បាន ដោយ​សំអាង​លើ​អ្នក​ប្រដាល់​ហ្វីលីពីន​ពូកែ​ម៉ាត់​ជាង និង​អាចមាន​កម្លាំង​ខ្លាំង​វាយ​បាន​ច្រើន​ទឹក​។​
​អតីត​អ្នក​ប្រដាល់​ល្បីឈ្មោះ​ដែល​ធ្លាប់មាន​រឿងអាស្រូវ​ច្រើន​រូបនេះ បាន​និយាយ​មុន​ប្រកួត​ធំ​រវាង Pacman និង Floyd ថា​៖ ពេល​យើង​គិតដល់​កីឡាករ​២​នាក់​ប្រកួត​គ្នា មានតែ​មនុស្ស​ប៉ុន្មាន​នាក់​ទេ​ដែល​អាចធ្វើឱ្យ Pacman ពិបាក​យកឈ្នះ​នោះ គឺ Timothy Bradley Jnr និង Juan Manuel Marquez ព្រោះ​ពួកគេ​មួយ​ទឹក​អាច​ម៉ា​ត់ដល់​១០០​ដៃ​ឯណោះ​។ ខណៈដែល Floyd វិញ គឺ​មិនដែល​ធ្វើបាន​នោះទេ​។ គាត់​ជា​កីឡាករ​វ៉ៃ​តាម​បច្ចេកទេស​ណាស់​។ គាត់​មិនដែល​ប្រើ​កម្លាំង​ម៉ាត់​ចោល​នោះទេ ។​
​យ៉ាងណាក៏ដោយ នេះ​គ្រាន់តែ​ជា​សម្ដី​របស់​បុគ្គល​ដែល​ធ្លាប់​ប្រឡូក​ក្នុង​វិស័យ​កីឡា ប្រដាល់​នេះ​តែប៉ុណ្ណោះ ចាំមើល​ទាល់តែ​ដល់​ថ្ងៃទី​២​ខែឧសភា​ទើប​ដឹង​ច្បាស់​ថា​នរណា​ជា​អ្នក ឈ្នះ​នឹង​ដឹង​យ៉ាងពិត​ប្រាកដ​៕
 

ព័ត៌មានលម្អិត
ចុះនៅថ្ងៃទី 06-03-2015, 11:16 AM, អាន 18ដង
កីឡា​៖​ខ្សែបម្រើ​ក្លិប​តោ​ខៀវ​Celsea កីឡាករ Eden Hazard បានឈ្នះ​ពានរង្វាន់​កីឡាករ​ល្អ​ដាច់​គេ​ប្រចាំឆ្នាំ ប្រចាំ​ទីក្រុង​ឡុង​ដុង (London Footballer of the Year) ។​
​ខ្សែបម្រើ​ឆ្នើម​ប៊ែ​ល​ហ្សិ​ក​រូបនេះ​បាន​ជួយ​ឲ្យ​ក្រុម​តោ​ខៀវ ឈ្នះ​ពាន Capital One Cup កាលពី​ថ្ងៃអាទិត្យ ក្រោយពី​ក្រុម​របស់គេ​យកឈ្នះ ២-០ ទៅលើ​ក្រុម​គូប្រជែង​ទីក្រុង​ឡុង​ដុង Tottenham ហើយ​កីឡាករ​វ័យ​២៤​ឆ្នាំ គឺជា​អ្នក​ស៊ុត​បញ្ចូល​ទី​តែ​១​គ្រាប់​គត់ ជួយ​ឲ្យ Chelsea យកឈ្នះ​ក្រុម West Ham ក្នុងការ​ប្រកួត Premier League កាលពី​យប់​ថ្ងៃ​ពុធ​ដែរ​៕

ព័ត៌មានលម្អិត
ចុះនៅថ្ងៃទី 06-03-2015, 11:06 AM, អាន 31ដង
​អង់កា​រ៉ា​៖​ពី​ឡុ​ក​២​នាក់​បាន​ស្លាប់​ដោយសារ​យន្តហោះ​យោធា​តួ​ក​គី​ប្រភេទ F-4E 2020 មួយគ្រឿង បាន​ធ្លាក់​បណ្តាល​ឲ្យ​ផ្ទុះ​ឆេះ​ដោយសារ​បព​ញ្ហា​បច្ចេកទេស កាលពី​ម្សិលមិញ នៅ​ខេត្ត​កូន​យ៉ា ភាគ​កណ្តាល​ប្រទេស​តួ​ក​គី​។
​ប្រភពពី​សារព័ត៌មាន​ក្នុង​តំបន់​ឈ្មោះ ដូ​ហ្គា​ន់ បាន​រាយការណ៍ ឲ្យ​ដឹងថា យន្តហោះ​ខាងលើនេះ បាន​ចូលរួម​ក្នុង​លំ​ហាត់​ហ្វឹកហ្វឺន និង​ឈ្លបយកការណ៍​តាមផ្លូវ​អាកាស​របស់​ក​ង​ទ័ពអាកាស តួ​ក​គី ដែល​បានចាប់ផ្តើម​ឡើង តាំងពីដើម​ខែមីនា នេះ​មកម្ល៉េះ ។​
​គួរ​បញ្ជាក់ថា នេះ​ជា​លើក​ទី​ពីរ​ហើយ ក្នុង​ខែមីនា​នេះ ដែល​យន្តហោះ​ចម្បាំង​របស់​យោធា​តួ​ក​គី ដោយ​សរុប​ចំនួន ៣​គ្រឿង​ហើយ ៕

ព័ត៌មានលម្អិត
ចុះនៅថ្ងៃទី 06-03-2015, 10:48 AM, អាន 24ដង
ដោយ៖ធារ៉ា
​ខេត្តស្វាយរៀង
​៖​លោក  ជៀង អំ  អភិបាលខេត្ត​ស្វាយរៀង​នា​រសៀល​ថ្ងៃទី​៥ ខែមីនា ឆ្នាំ​២០១៥​បាន​អញ្ជើញ​ជា​អធិបតី​ក្នុង​ពិធី​ប្រារព្ធ​ខួប​លើក​ទី​១០៤​ទិវា​អន្តរជាតិ​៨​មីនាឆ្នាំ​២០១៥​។​ពិធី​នេះ​បាន​ប្រព្រឹត្តទៅ​នា​សាលប្រជុំ​សាលាខេត្ត​ស្វាយរៀង​និង អញ្ជើញ​ចូលរួម​ផងដែរ​ពី​សំណាក់ លោកស្រី  នាង  សេដ្ឋា លោក  លោកស្រី  អភិបាលរង​ខេត្ត  និង មន្ត្រីរាជការ​ជា​ស្ត្រី​ដែល​បំរើ​ការងារ​នៅក្នុង​សាលាខេត្ត​ស្វាយរៀង​ចំនួន​៤៩​នាក់​។​
​លោក  ជៀង អំ អភិបាលខេត្ត​ស្វាយរៀង បាន​មានប្រសាសន៍​ដោយ​លើកឡើងថា​៖​ថ្ងៃ​០៨​មីនា​គឺជា​ថ្ងៃ​រំលឹក​ខួប​នៃ​ការទាមទារ​សិទ្ធិ​ស្មើគ្នា​រវាង​ស្ត្រី​និង​បុរស ប្រាក់បៀវត្សរ៍​ស្មើគ្នា ក្នុងតួនាទី​ដូចគ្នា ម៉ោង​ធ្វើការ​ស្មើគ្នា​។​ស្ត្រីភេទ​មាន​សិទ្ធិ​ជា​រៀងរាលថ្ងៃ​ស្មើនឹង​បុរស​ពុំមែន​មានតែ​មួយថ្ងៃ​នោះទេ​។​
​លោក​អភិបាលខេត្ត​ស្វាយរៀង​ក៏បាន​ថ្លែងអំណរគុណ​ដល់​ស្ត្រី​ទាំងអស់​ដែល​បំរើ​ការងារ​នៅក្នុង​អង្គ​ភាពជា​ស៊ីវិល​ទោះបីជា​នៅតាម​គ្រួសារ​មានការ​មមាញឹក​យ៉ាងណាក៏ដោយ​ក៏​ឆ្លៀតឱកាស​ខិតខំ​បំពេញការងារ​របស់ខ្លួន​យ៉ាង​សស្រាក់សស្រាំ​ដែរ​។​គ្រប់​វិស័យសេដ្ឋកិច្ច  សង្គមកិច្ច  ប្រទេសជាតិ​មាន​សុខសន្តិភាព មាន​ភាព​រីក​ចំ​រើ​ច​ក៏​ដោយសារ​ការចូលរួម​ពី​ស្ត្រី​ផងដែរ​។​អ្វីៗ​ដែល​យើងទាំងអស់គ្នា​ចង់បាន​គឺ​ការបោះឆ្នោត​មួយ​ប្រកបដោយ​យុត្តិធម៌​មាន​សន្តិភាព​ធ្វើ​ឲ្យ​ប្រទេសជាតិ​មានការ​រីកចំរើន​សម​ស្របទៅតាម​គោលនយោបាយ​របស់​រាជ​រដ្ឋាភិបាល​នាពេល​បច្ចុប្បន្ន​។​
​នាឱកាស​នោះ​លោក​អភិបាល​បាន​ឧបត្ថម្ភ​ថវិកា​ដល់​ស្ត្រី​ដែលជា​មន្ត្រី​សាល​ខេត្ត​ក្នុង​ម្នាក់ៗ​ទទួលបាន ថវិកា ១០០០០០​រៀល​និង​សារុង​មួយ​ផងដែរ​៕
ព័ត៌មានលម្អិត
ចុះនៅថ្ងៃទី 06-03-2015, 10:38 AM, អាន 25ដង
​ដោយ​៖​ភួង ផុន​
​ខេត្តរតនគិរី
​៖ អគ្គិភ័យ​ឆាបឆេះ​ផ្ទះ​ចាស់​នៅក្នុង​បរិ​ណ​ភូមិគ្រឹះ​របស់​ឯកឧត្តម​ប៊ូ ឡាំ តំណាងរាស្ត្រ​ខេត្តរតនគិរី​។ ហេតុការណ៍​នេះ​បាន​កើតឡើង​កាលពី​វេលា​ម៉ោង​៣​និង​៣០​នាទី​រសៀល ថ្ងៃទី​០៥ ខែមីនា ឆ្នាំ​២០១៥​នៅក្នុង​បរិវេណ​ភូមិ​គ្រិះ​របស់លោក​ប៊ូ ឡាំ ស្ថិតក្នុង​ភូមិ​អូរ​កន្សែង សង្កាត់​បឹង​កន្សែង ក្រុង​បាន​លុង​។​
​    ​ប្រភពព័ត៌មាន​ពី​កន្លែងកើតហេតុ​បានអោយដឹងថា ផ្ទះមួយ​ខ្នង​ដែលមាន​ទំហំ​៨x១០​ម៉ែត្រ​នេះ​គឺជា​ផ្ទះ​ចាស់​របស់លោក​ប៊ូ ឡាំ តំណាងរាស្ត្រ​ខេត្តរតនគិរី សង់​អំពី​ឈើ​លើ ថ្ម​ក្រោម​។ ហើយ​ផ្ទះ​នេះ​គឺ​លោក​បាន​ទុកអោយ​កូនក្មួយ​ដែល​នៅតាម​ភូមិ​ផ្សេងៗ​មក​រៀន​ក្នុង​ក្រុង​បាន​លុង​ដើម្បី​ស្នាក់នៅ ម្យ៉ាងទៀត​ផ្នែក​ខាងក្រោម​គឺ​សំរាប់​ទុកដាក់​របស់របរ​សំភារៈ តុ ទូ និង​សំភារៈ​ផ្សេងៗ​ទៀតផង​ដែរ​។​
​ប្រភព​ន្ត​ថា នៅ​មុនពេល​កើតហេតុ​នៅក្នុង​ផ្ទះ​នេះ​ពុំមាន​មនុស្ស​ស្នាក់នៅ​នោះទេ គឺ​កូនចៅ​សាច់ញាតិ​បានមក​សំរាក​លេង​នៅក្នុង​ផ្ទះ​ធំ​របស់លោក​ដែល​នៅ​ជិត​ផ្ទះ​ចាស់​នេះ​។ នៅពេល​នោះដែរ​ក៏មាន​កូនស្រី​របស់លោក​បាន​ចេញមកក្រៅ​ក៏​ឃើញ​ផ្សែង​ខ្មួល​ឡើង​ថែមទាំង​ឃើញ​អណ្តាតភ្លើង​បាន​ឆាបឆេះ​យ៉ាង​សន្ធោសន្ធៅ​ពេញ​ផ្ទះ​ទៅហើយទើប​ស្រែក​ឆោឡោឡើង​ផ្អើល​ដល់​អ្នកជិតខាងថែមទាំង​ទូរស័ព្ទ​ហៅ​រថយន្ត​ពន្លត់​អគ្គិភ័យ​ពន្លត់​ផងដែរ​។
​រថយន្ត​ពន្លត់​អគ្គិភ័យ​ចំនួន​២​គ្រឿង​បានមក​ដល់​ទាន់ពេលវេលា​ធ្វើ​ការបាញ់ទឹក​យ៉ាងគំហុក​អស់​ចំនួន​៣​ឡាន​ទើប​អាច​គ្រប់គ្រង​ស្ថានភាព​បាន​មិន​បណ្តាលអោយ​ឆ្លងទៅ​ផ្ទះ​ជិតខាង​នោះឡើយ ប៉ុន្តែ​ផ្ទះ​នេះ​ត្រូវ​ឆេះ​អស់ទាំង​ស្រុង​បូករួម​សម្ភារៈ​ដែលមាន​នៅក្នុង​នោះ​ទៀតផង​។
​    ​បើ​យោងតាម​ប្រភពព័ត៌មាន​ពី​សមត្ថកិច្ច​បានបញ្ជាក់​ថា អគ្គិភ័យ​ដែល​ឆេះ​ផ្ទះ​នេះ​គឺ​បណ្តាលមកពី​ទុស្សេ​ខ្សែភ្លើង​មិនមែនជា​ករណី​លួច​ដុត ឬ​មកពី​ចង្ក្រាន​ភ្លើង​នោះទេ​។ ចំណែក​ទ្រព្យសម្បត្តិ​ដែល​ភ្លើង​ឆេះ​អស់នេះ​សមត្ថកិច្ច​មិនទាន់​បញ្ជាក់បាន​នៅឡើយ​ទេ​រង់ចាំ​បូកសរុប រួច​ទើប​អាច​បញ្ជាក់បាន​។ ប៉ុន្តែ​ប្រជាពលរដ្ឋ​មានការ​សប្បាយ​យ៉ាងខ្លាំង​ចំពោះ​កម្លាំង​សមត្ថកិច្ច​ចំរុះ​ទាំងអស់នេះ​អាចជួយ​ទាន់ពេលវេលា​៕

ព័ត៌មានលម្អិត
ចុះនៅថ្ងៃទី 06-03-2015, 10:29 AM, អាន 20ដង
​ដោយ​៖​ភួង ផុន​
​ខេត្តរតនគិរី​
៖​ក្រោយពី​មានការ​ផ្សព្វផ្សាយ​ព័ត៌មាន​ក្នុង​ខេត្តរតនគិរី ពី​ការធ្វើ​ជំនួញ​ឈើ​ជន្លង់ម្រេច​និង​ដាក់​ម៉ាស៊ីន​ជាច្រើន​គ្រឿង​របស់​ពួក​ឈ្មួញ​បាន​អារ កាប់ ច្រៀក បំផ្លាញ​ព្រៃឈើ​សហគមន៍​ភូមិ​ចា​អ៊ុង​កូវ​យ៉ាងគំហុក ដោយ​សង្ស័យ​មានការ​ឃុបឃិត​បើកដៃ​ពី​ប្រធាន​សហគមន៍​និង​ជំនាញ​រដ្ឋបាល​ព្រៃឈើ​ផ្នែក​អូរ​ជុំនោះ​រួចមក​នៅ​រសៀល​ថ្ងៃទី​០៥​ខែមីនា​នេះ មេព្រៃ​សង្កាត់​អូរ​ជុំ​និង​សង្កា​ក្រុង​បាន​លុង​បាន​ដឹកនាំ​កំលាំង​របស់ខ្លួន​ធ្វើការ​បង្ក្រាប់បាន​ជ​ម្រៀក​ឈើ​ជាច្រើន​ដឹក​យកទៅ​រក្សារ​ទុក​នៅ​ខណ្ឌ​រដ្ឋបាល​ព្រៃឈើ​ខេត្ត​ចាត់ការ​តាមច្បាប់​។​
​លោក មូល សាំ​វាំង បានលើកឡើង​នៅក្នុង​ហេតុការណ៍​បង្ក្រាប​ឲ្យ​ដឹងថា ឈើ​ដែល​កំពុងធ្វើការ​បង្ក្រាប​នេះ​គឺ​ស្ថិតនៅ​ភូមិ​ចា​អ៊ុង​កូវ ឃុំ​ចា​អ៊ុង ស្រុក​អូរ​ជុំ​។ ចំណែក​ឈើ​ដែល​បង្ក្រាបបាន​ទាំងនោះ​ជំនាញ​មិនទាន់បាន​ធ្វើការ​វាស់វែង​កំណត់​តួលេខ​ជាក់លាក់​នៅឡើយ​ទេ ព្រោះ​កំពុងធ្វើការ​ដឹកជញ្ជូន​នៅឡើយ​។ លោក​បាន​បន្ថែមថា លោក​នឹងមាន​ចំណាត់​ការហៅ​លោក​មេ​ប៉ុស្តិ៍ និង​ប្រធាន​សហគមន៍​ធ្វើការ​តាមច្បាប់​។​
​គួររំលឹកថា គេ​បាន​ប្រទះឃើញ​រថយន្ត​គោយន្ត​ច្នៃ​ជាច្រើន​គ្រឿង​កាលពី​ថ្ងៃទី​០៤​ខែមីនា​ឆ្នាំ​២០១៥​មាន​រថយន្ត​កែច្នៃ​របស់ របស់​ឈ្មួញ​ចំនួន​៤​ម្ចាស់ បាន​ដឹកឈើ​ប្រភេទ​ឈើ​ជន្លង់ម្រេច​ដែល​ពួកគេ​កាប់​ដឹក​ចេញពី​ព្រៃ​សហគមន៍ ហើយ​ដឹក​យកទៅលក់​ចែកចាយ​ក្នុង​ខេត្ត និង តាម​បណ្តាល​ស្រុក​យ៉ាង​អនាធិប្បតេយ្យ​ដោយ​មិន​រំខាន​ពី​មន្ត្រី​ពាក់ព័ន្ធ ឫ​អាជ្ញាធរ​មូលដ្ឋាន​នោះឡើយ​។​
​ប្រជាពលរដ្ឋ​និង​មជ្ឈដ្ឋាន​មហាជន​បានលើកឡើង​ទទូច​ស្នើ​សូម​ឲ្យ​អាជ្ញារ​ពាក់ព័ន្ធ​ជាពិសេស​មន្ត្រី​កសិកម្ម​និង​ជំនាញ​រដ្ឋបាល​ព្រៃឈើ​លោក​វង្ស សុក្រ​សិរី នាយ​ខណ្ឌ​រដ្ឋបាល​ព្រៃឈើ​ខេត្ត​មេត្តា​ពិនិត្យមើល​ភាព​អសកម្ម​របស់​មន្ត្រី​ថ្នាក់ក្រោម​ខ្លួន​ផង ព្រោះ​ដែល​គេ​អោយ​សហគមន៍​ថែរក្សា​គ្រប់គ្រង​នេះ​ទុក​សម្រាប់​ត​កូនចៅ​ជំនាន់​ក្រោយ​សម្រាប់ធ្វើ​ផ្ទះសំបែង​៕



ព័ត៌មានលម្អិត
ចុះនៅថ្ងៃទី 06-03-2015, 10:13 AM, អាន 16ដង
​រាជធានី​ភ្នំពេញ​៖​ប្រជាពលរដ្ឋ​បាន ប្រទះឃើញ​សព​ទារក​ម្នាក់​អាយុប្រមាណ​១​ខួប​ត្រូវបាន​រថយន្ត​ធ្វើដំណើរ តាមផ្លូវ​សាធារណៈ​កិន​ដាច់​សាច់​ប៉ាច​ហាច​ពេញ​ថ្នល់​កាលពី​វេលា​ម៉ោង​១០​យប់ ថ្ងៃទី​៥​ខែមីនា ឆ្នាំ​២០១៥ នៅ​ផ្លូវ​លេខ​១០៨ (​ខាងជើង​ផ្សារ​ចាស់​) ក្នុង​សង្កាត់​វត្តភ្នំ ខណ្ឌដូនពេញ ។ ខណដែល​គេ​មិនដឹងថា​តើ​ទារក​នោះ​ត្រូវ​ឪពុកម្តាយ​យកមក​បោះបង់ចោល​តាំងពី ពេលណា​នោះទេ ។  
​ប្រភពព័ត៌មាន​ពី​កន្លែងកើតហេតុ បាន​ឲ្យ​ដឹងថា មុនពេល​មានការ​ភ្ញាក់ផ្អើល​គេ​ឃើញ​មាន​រថយន្ត​មួយគ្រឿង ឆ្លងកាត់​ផ្លូវ​លេខ​១០៨ ពី​កើ​តទៅ​លិច ហើយក៏​បាន​កិន​ទារក​ម្នាក់នេះ ដោយ​អ្នកបើកបរ មិនដឹងថា​មាន​ទារក​នៅ​កណ្តាល​ថ្នល់​នោះទេ ។ បន្ទាប់មក អ្នកធ្វើដំណើរ​ថ្មើរជើង​ឆ្លងកាត់​ទីនោះ បាន​ប្រទះឃើញ​បំណែក​សព​ទារក ខ្ទាត​ប៉ាច​ហាច​ពេញ​ថ្នល់ បង្ក​ឲ្យ​មានការ​ភ្ញាក់ផ្អើល​តែម្តង ។
​មជ្ឈដ្ឋាន​ទូទៅ​ថ្កោលទោស​ចំពោះ​ឪពុកម្តាយ​ដែលមាន​ចិត្ត​តិរច្ឆាន​យក កូន​មក​សម្លាប់​ក្នុង​ទិដ្ឋភាព​គួរ​ឲ្យ​រន្ធត់​និង​អាណោច​អ​ធ័​ម​បំផុត​ហើយ សុំ​ឲ្យ​ឪពុកម្តាយ​ដទៃទៀត​កុំ​យក​គំរូ​តាម​ឲ្យ​សោះ​៕

ព័ត៌មានលម្អិត
ចុះនៅថ្ងៃទី 06-03-2015, 10:09 AM, អាន 25ដង
​រាជធានី​ភ្នំពេញ​៖​នៅ​ព្រឹក​ថ្ងៃទី​៦ ខែមីនា ​ឆ្នាំ​២០១៥​នេះ​ សម្តេច​តេ​ជោ​ហ៊ុនសែន​នាយករដ្ឋមន្ត្រី​បាន​អញ្ជើញដឹកនាំ​កិច្ចប្រជុំ​គណៈរដ្ឋមន្ត្រី​នៅ​វិមាន​សន្តិភាព​ ។
តាម​ព័ត៌មាន​ទទួលបាន​កិច្ចប្រជុំ​គណៈរដ្ឋមន្ត្រី​នឹង​ពិភាក្សា​ទៅលើ សេចក្តីព្រាង​គោលនយោបាយ​អភិវឌ្ឍន៍​វិស័យ​ឧស្សាហកម្ម​កម្ពុ ជា ឆ្នាំ​២០១៥-២០២៥ និង​សេចក្តីព្រាង​អនុក្រឹត្យ ស្តីពី​នីតិវិធី នៃ​ការបង្កើត ការរំលាយចោល និង​ការកំណត់​តួ នាទី និង​ភារកិច្ច សហគមន៍​កសិករ​ប្រើប្រាស់​ទឹក​។  
​ទន្ទឹម​គេ​រំពឹងថា សម្តេចនាយក​រដ្ឋមន្ត្រី​នឹង​លើកយក​បញ្ហា​ផ្សេងៗ ជាច្រើន​ទៀត​មក​ពិភាក្សា​និង​ផ្លាស់ប្តូរ​យោបល់​ក្នុង​កិច្ចប្រជុំ គណរដ្ឋមន្ត្រី​ព្រឹក​នេះ​ផងដែរ ៕

ព័ត៌មានលម្អិត
ចុះនៅថ្ងៃទី 06-03-2015, 10:04 AM, អាន 26ដង
​ទ្រី​ប៉ូ​លី​៖​មន្ត្រី​សន្តិសុខ​មួយរូប​បានឱ្យដឹង​កាលពី​ថ្ងៃ​ព្រ​ហ​ស្ប​ត្តិ៍​ថា រយៈ​ប៉ុន្មាន​ម៉ោង​ប៉ុណ្ណោះ​មុនពេល កិច្ចប្រជុំ​ដែល​គាំទ្រ​ដោយ​អង្គការសហប្រជាជាតិ​ចាប់ផ្តើម​នៅក្នុង​ប្រទេស​ម៉ា​រ៉ុ​ក យន្តហោះ​ចម្បាំង​មកពី​រដ្ឋាភិបាល​ទទួល​ស្គាល់​ជា​អន្តរជាតិ​របស់​ប្រទេស​លី​ប៊ី បានចាប់ផ្តើម​វាយប្រហារ​តាម​ច្រក​អាកាស មកលើ​ព្រលានយន្តហោះ​ទីក្រុង​ទ្រី​ប៉ូ​លី​។​
​ប្រភពព័ត៌មាន ពី​មន្ត្រី​សន្តិសុខ​ប្រចាំ​នៅ​ព្រលានយន្តហោះ បាន​ឲ្យ​ដឹងថា យន្តហោះ​ចម្បាំង​ជាច្រើន​គ្រឿង បាន​វាយប្រហារ​មកលើ​ទីវាល​ក្បែរ​នឹង​ផ្លូវ​រត់​យន្តហោះនៅក្នុង​អាកាសយានដ្ឋាន​ម៉ៃ​ទី​ហ្គា ប៉ុន្តែ​មិន​បណ្តោយឱ្យ​ខូចខាត​អ្វី​ធ្ងន់ធ្ងរ​នោះទេ ហើយ​ព្រលានយន្តហោះនៅ​ប្រតិបត្តិការ​ដូច​ធម្មតា​ទេ​។
​ទោះបីជា យ៉ាងណាក៏ដោយ រដ្ឋាភិបាល​លី​ប៊ី មិនទាន់​បានធ្វើ​សេចក្តីអធិប្បាយ​ភ្លាមៗ​នោះទេ ជុំវិញ​ការវាយប្រហារ​តាម​ច្រក​អាកាស​នេះ​។
​គួរ​បញ្ជាក់ថា បច្ចុប្បន្ន​ប្រទេស​លី​ប៊ី​មាននូវ​រដ្ឋាភិបាល​បែង​ចែក​អំណាច​ចំនួន​២ ដោយ​ក្រុម​ប្រដាប់អាវុធ​របស់​ពួកគេ កំពុង​ធ្វើសង្គ្រាម​ដណ្តើម​គ្រប់គ្រង​ទឹកដី​រៀងៗ​ខ្លួន​។ ដោយឡែក គណៈប្រតិភូ​មកពី​ភាគី​ជម្លោះ​ទាំងពីរ គ្រោង​នឹងចូលរួម​កិច្ចប្រជុំ​ដែល​គាំទ្រ​ដោយ​អង្គការសហប្រជាជាតិ​នៅក្នុង ប្រទេស​ម៉ា​រ៉ុ​ក ដើម្បី​ដោះស្រាយ​កល​វិបត្តិ​៕

ព័ត៌មានលម្អិត
ចុះនៅថ្ងៃទី 06-03-2015, 09:57 AM, អាន 24ដង
​អ៊ីរ៉ាក​៖​ទាហាន​អ៊ីរ៉ាក់ និង​ក្រុម​ជីវពល​ស៊ី​អ៊ី​ត​បាន​រួមគ្នា​ធ្វើសង្គ្រាម​ជាមួយ​ពួក​សកម្មប្រយុទ្ធ​រដ្ឋ​ឥស្លាម និង​ដណ្តើមបាន​ការកាន់កាប់​តំបន់​មួយចំនួន​នៅ​នៅក្នុង​ស្រុក​អា​ឡា​ម ស្ថិតនៅ​ជិត​ទីក្រុង​ទី​គ្រី​ត​ភាគ​ខាងជើង​ប្រទេស​កាលពី​ម្សិលមិញ​។
​ទោះបីជា​យ៉ាងណាក៏ដោយ ទាហាន​អ៊ីរ៉ាក់ មិនអាច​ចូលទៅ​ជិត​បានទេ ខណៈដែល​គ្រាប់មីន​តាមផ្លូវ និង​ការវាយប្រហារ​ដោយ​ក្រុម​អត្តឃាត រារាំង​ដល់​ដំណើរ​វិវត្តន៍​ចុងក្រោយ​របស់​ពួកគេ​។ ទន្ទឹម​នោះ​សង្គ្រាម​ដណ្តើម​គ្រប់គ្រង​ទីក្រុង​ទី​គ្រី​ត ដែលជា​ទីក្រុង​យុទ្ធសាស្ត្រ​មួយ​ស្ថិត​តាម​ដង​ទន្លេ ឈ្នះ ឬ​ចាញ់ គឺ​អាស្រ័យ​លើ​សមត្ថភាព​ទាហាន​អ៊ីរ៉ាក់​ប៉ុណ្ណោះ ក្នុងការ​ទប់ទល់​ជាមួយ​គ្រាប់បែក​របស់​ពួក​សកម្មប្រយុទ្ធ​រដ្ឋ​ឥស្លាម​។​
 គួរ​បញ្ជាក់ថា ទីក្រុង​ទី​គ្រី​ត គឺជា​រដ្ឋធានី​នៃ​ខេត្ត​សាឡា​ហ៊ូ​ឌី​ន ដែល​ស្ថិតនៅ​ចម្ងាយ​១៣០ គ​.​ម ភាគ​ខាងជើង​ទីក្រុង​បា​ដា​ដ ហើយ​ទីក្រុង​មួយ​នេះ បាន​ធ្លាក់​ក្នុង​កណ្តាប់ដៃ​របស់​ពួក​រដ្ឋ​ឥស្លាម ជាមួយនឹង​ទីក្រុង​ធំ​ទី​២​ម៉ូ​ស៊ូ​ល អំឡុង​សង្គ្រាម​ដណ្តើម​ទឹកដី​កាលពី​ឆ្នាំមុន​៕

ព័ត៌មានលម្អិត
ចុះនៅថ្ងៃទី 06-03-2015, 09:48 AM, អាន 28ដង
រាជធានី​ភ្នំពេញ​៖​កម្មការិនី​រោងចក្រ ម្នាក់​ត្រូវ​ស្ត្រី​មិន​ស្គាល់​អត្តសញ្ញាណ​ជះ​ទឹក​អាស៊ីត​ស្រោច​លើ​ខ្លួន បណ្តាល​រលួយរលេះ​សព្វ​ខ្លួន​កាលពី​វេលា​ម៉ោង​០៦​និង​៣០​នាទី​ព្រឹក​ថ្ងៃទី​៦ ខែមីនា​ឆ្នាំ​២០១៥​នេះ​ស្ថិតនៅ​ចំណុច​ផ្ទះជួល​មួយកន្លែង​ក្នុង​សង្កាត់ ចោមចៅ ។  
​យ៉ាងណាក៏ដោយ​ដោយ​គេ​នៅ​ពុំទាន់​ស្គាល់​អត្តសញ្ញាណ​នារី​រងគ្រោះ​នៅឡើយ ទេ ព្រោះ​ត្រូវគេ​បញ្ជូនទៅ​សង្គ្រោះ​មន្ទីរពេទ្យ​ភ្លាមៗ ។ ចំណែកឯ​ស្ត្រី​ដៃដល់​វិញ បាន​រត់គេចខ្លួន​បាត់​ដែរ បន្ទាប់ពី​ធ្វើ​សកម្មភាព​រួច ។  
​តាម​សាក្សី​និយាយថា នៅ​មុនពេល​កើតហេតុ នារី​រងគ្រោះ​កំពុង​ដើរ​នៅ​ច្រក​ផ្លូវលំ​ម្តុំ​ផ្ទះជួល​តែម្នាក់ឯង ក៏​ស្រាប់​តែមាន​ស្ត្រី​ម្នាក់​មាន​មាឌធំ​យួរ​ដប​ទឹក​អាស៊ីត​មក​ស្រោច​ពីលើ នារី​រងគ្រោះ​តែម្តង រួច​គេចខ្លួនបាត់ ។ ចំពោះ​ករណីនេះ​ត្រូវ​មជ្ឈដ្ឋាន​ជុំវិញ​សង្ស័យថា​អាច​បណ្តាលមកពី​ស្នេហា ត្រីកោណ ៕

ព័ត៌មានលម្អិត
ចុះនៅថ្ងៃទី 06-03-2015, 09:41 AM, អាន 23ដង
អាមេរិក​៖​មនុស្ស​ច្រើន​នាក់​បាន​រងរបួស​ធ្ងន់​ស្រាល បន្ទាប់ពី​ជើងហោះហើរ​មួយ​របស់​ក្រុមហ៊ុន​អាកាសចរណ៍ Delta ដែល​កំពុង​ដឹក​អ្នកដំណើរ ១២៧​នាក់ និង​ក្រុមការងារ ៥​នាក់ បាន​រត់​ចេញពី​ផ្លូវ បែរ​ក្បាល​ទៅរក​សមុទ្រ នៅ​ព្រលានយន្តហោះ LaGuardia រដ្ឋ​ញូវយ៉ក សហរដ្ឋអាមេរិក ។​
​យន្តហោះ​ម៉ាក MD-88 និង​ជា​ជើងហោះហើរ 1086 ដែល​ហោះ​ចេញ​មកពី​ទីក្រុង​អា​ត្ល​ង់​តា បាន​ជួប​គ្រោះថ្នាក់​នេះ បន្ទាប់ពី​ជម្នះ​ចុះចត​ក្នុង​អាកាសធាតុ​អាក្រក់​កំពុងមាន​ព្យុះ​ព្រិល យ៉ាងខ្លាំង​។ ភ្លាមៗ​នោះ អ្នកដំណើរ ១២៧​នាក់​ត្រូវ​ជម្លៀសចេញ​ភ្លាមៗ ហើយ​ក្រុមការងារ​លើ​យន្តហោះ ៥​នាក់​ទៀត​បាន​ចាកចេញ​ដោយ​សុវត្ថិភាព​ក្នុង​រយៈពេល ៣០​នាទី​បន្ទាប់​។​
​អាកាសយានដ្ឋាន​បាន​បញ្ជាក់ថា ជើងហោះហើរ 1086 បាន​ឆេះ​នៅ​ខាងក្នុង បើទោះជា​គ្មាន​សញ្ញា​បង្ហាញ​ឲ្យ​ឃើញ​ផ្ទាល់​ភ្នែក​ក៏ដោយ​។ ក្រោយ​ជួប​ហេតុការណ៍​ដ៏​អាក្រក់ យន្តហោះ​នោះបាន​ខូចខាត​ស្លាប និង​ធ្លាយ​ប្រេង​អស់​ជាច្រើន​។ ចំណែកឯ​អ្នកដំណើរ​វិញ រងរបួស​ត្រូវ​បញ្ជូនទៅ​សង្គ្រោះ​នៅ​មន្ទីរពេទ្យ​ភ្លាម​៕

ព័ត៌មានលម្អិត
ចុះនៅថ្ងៃទី 06-03-2015, 09:28 AM, អាន 43ដង
​រាជធានី​ភ្នំពេញ​៖​យ៉ាងហោចណាស់​ភ្ញៀវ​ជិត​៦០០០​នាក់ នឹងត្រូវ​អញ្ជើញ​ឲ្យ​ចូលរួម​ក្នុង​ពិធីមង្គលការ​លោក ឧកញ៉ា​គិត​ម៉េង​និង​អ្នកនា​ស្រី​តូច​ចំណាន​ដែល​នឹង​ប្រព្រឹត្តទៅ​នៅ ថ្ងៃទី​២០​ខែមីនា​ឆ្នាំ​២០១៥​នេះ​នៅ​កោះ​ពេជ្រ​។  
​យោងតាម​សាច់ញាតិ​លោក​ឧកញ៉ា គិត ម៉េង បាន​ឲ្យ​ដឹងថា​ភ្ញៀវ​ដែល​អញ្ជើញ​ចូលរួម​ក្នុង​ពិធីមង្គលការ​នោះ​គឺ​សុទ្ធសឹង ជា​មន្ត្រី​កំពូល​នៃ​ថ្នាក់ដឹកនាំ​ទាំងអស់ ដោយ​រួមមាន​មន្ត្រី​ទូត និង​តំណាង​សភាពាណិជ្ជកម្ម​ប្រចាំ​ប្រទេស​អាស៊ាន​ផងដែរ ។  
​ចំពោះ​សាមញ្ញ​ជន​ទំនង​មានតែ​ក្រុមគ្រួសារ​ជិត​ស្និ​ទ្ធិ​របស់​អ្នកនាង ស្រី​តូច ចំណាន​នៅ​ខេត្តស្វាយរៀង និង​បុគ្គលិក​ប្រចាំការ​របស់​ទូរទស្សន៍​CTN, My TV ,CNC ក្រុមហ៊ុន​ក្រោម​ឱវាទ​របស់លោក​មួយចំនួន​ប៉ុណ្ណោះ ។
​អាច​ចាត់ទុកថា​ជា​មង្គលការ​ដ៏​ធំ​សម្បើម​ទី​១​នៅ​កម្ពុជា គ្រា​ដែល​រាល់​មង្គល​ការកូន​សម្តេច​នាយករដ្ឋមន្ត្រី ហ៊ុន សែន ក៏​មិនមាន​ចំនួន​ភ្ញៀវ​រហូតដល់​ជិត​៦០០០​នាក់​នោះដែរ ៕

ព័ត៌មានលម្អិត
ចុះនៅថ្ងៃទី 06-03-2015, 09:18 AM, អាន 19ដង
រាជធានី​ភ្នំពេញ​៖​ប្តី​ប្រពន្ធ​២​នាក់​បាន​ឈ្លោះប្រកែក គ្នា​យ៉ាង​តឹងសរសៃក ដោយ​ស្ត្រី​ជា​ប្រពន្ធ​ខឹង​ខ្លាំងពេក ក៏​រត់​ចូល​រថយន្ត​ប៉ង​សម្លាប់ខ្លួន តែ​ត្រូវ​បុរស​ជា​ប្តី​ចាប់​ឃាត់​ទាន់​។ ហេតុការណ៍​នេះ​បាន​កើតឡើង​នៅវេលា​ម៉ោង​១១​និង​៤០​នាទី​យប់ ថ្ងៃទី​០៥ ខែមីនា ឆ្នាំ​២០១៥ នៅ​ច្រមុះជ្រូក​ក្បាលថ្នល់ ក្នុង​សង្កាត់​ផ្សារ​ដើមថ្កូវ ខណ្ឌចំការមន ។​
​ក្រោយពី​ឃាត់​ប្រពន្ធ​នៅតែ​មិន​ឈប់​ទៀត​នោះ បុរស​ជា​ប្តី​បាន​ដើរ​ចេញទៅ​ប្រមាណ​ជា​១០០​ម៉ែត្រ​ពី​ប្រពន្ធ ស្រាប់តែ​ឃើញ​ក្រុមអ្នកកាសែត​ថត​យក​ព័ត៌មាន​កើត​ចិត្ត​ខឹង បុរស​ជា​ប្តី​បាន​រើស​ដុំថ្ម​ជា​ច្រើ​ដុំ​គប់​សំដៅ​មកលើ​អ្នកកាសែត​តែ​គេច​ទាន់ ។ ទើប​ភ្ញាក់ផ្អើល​ដល់​សមត្ថកិច្ច​ចុះមក​អន្តរាគមន៍​និង​ធ្វើ​ការអប់រំ​ស្ត្រី​ជា​ប្រពន្ធ​ឲ្យ​ត្រឡប់ទៅផ្ទះ​វិញ​បាត់ទៅ ។​ចំណែក​បុរស​ជា​ប្តី​ក្រោយពី​យក​ដុំថ្ម​គប់​ទៅលើ​អ្នកកាសែត​បាន​រត់​ចូលទៅ​ផ្លូវ​តូច​មួយ​គេចខ្លួនបាត់​តែម្តង​៕

ព័ត៌មានលម្អិត
ចុះនៅថ្ងៃទី 06-03-2015, 09:08 AM, អាន 25ដង
រាជធានី​ភ្នំពេញ​៖​នារី​ស្រស់ស្អាត​ម្នាក់​បាន​លោត​ពីលើផ្ទះ​ជាន់​ទី​១​របស់ខ្លួន​ធ្វើអត្តឃាត ខណៈពេលដែល​ម្តាយ​មិន​នៅផ្ទះ​។ ស្រី​ស្អាត​ខាងលើ​បាន​រងរបួស​ធ្ងន់ ហើយ​ត្រូវបាន​រថយន្ត​សាមុយ​ដឹកយក​ទៅ​សង្គ្រោះ​ភ្លាមៗ​នៅ​មន្ទីរពេទ្យ កាល់ម៉ែត កាល​វេលា​ម៉ោង​៩​និង​៥០​នាទី​យប់ ថ្ងៃទី​០៥ ខែមីនា ឆ្នាំ​២០១៥ ស្ថិតនៅតាម​បណ្តោយ​ផ្លូវ​ផ្ទះល្វែង​លេខ​៣៧១ ក្នុង​សង្កាត់​ច្បារអំពៅ​១ ខណ្ឌ​ច្បារអំពៅ ។​
​ស្រី​ស្អាត​រងគ្រោះ​ត្រូវបាន​សាច់ញាតិ​ឲ្យ​ដឹងថា​នាង​ឈ្មោះ រស្មី អាយុ​១៨​ឆ្នាំ ។​ប្រភព​ដដែល​បាន​ឲ្យ​ដឹង​ទៀង​ថា​មិនដឹង​ពី​មូលហេតុ​នៃ​ការ​លោត​សម្លាប់ខ្លួន​នៅឡើយ​នោះទេ គ្រាន់តែ​ដឹងថា​នារី​រងគ្រោះ​មុនពេល​កើតហេតុ​កាលពី​រសៀល​ថ្ងៃ​ដដែល​បាន ដើរទៅ​ប្រាប់​អ្នកជិតខាង​ថា​នាង​លា​ហើយ លា​រហូត ខណៈនោះ​អ្នកជិតខាង ក៏​មិនបាន​ចាប់​អារ​ម្មរណ៍​អី​នោះដែរ ស្រាប់តែ​នៅវេលា​ខាងលើ ក៏មាន​ការភ្ញាក់ផ្អើល​នាង​លោត​ពីលើផ្ទះ​ជាន់​ទី​១​នេះ​តែម្តង ៕

ព័ត៌មានលម្អិត
ចុះនៅថ្ងៃទី 06-03-2015, 08:59 AM, អាន 11ដង
រាជធានី​ភ្នំពេញ​៖​ដោយសារ​ខឹង​ម្តាយ​ស្តីបន្ទោស​បន្តិចបន្តួច​បុរស​ម្នាក់​បាន​ដើរមក​បម្រុង​លោត​សម្លាប់ខ្លួន​ពីលើ​ស្ពាន​ព្រះមុនីវង្ស​ថ្មី ប៉ុន្តែ​ត្រូវបាន​សមត្ថកិច្ច​ប៉ូលិស​ប្រចាំ​នៅ​គោលដៅ​ក្រោម​ស្ពាន​ឃើញ​បាន​ជួយ​អន្តរាគមន៍​ឃាត់​ភ្លាមៗ ខណៈ​បុរស​រូបនេះ​ឡើង​ទៅលើ​បង្កាន់ដៃស្ពាន​ទៅហើយនោះ​។​
​ហេតុការណ៍​ភ្ញាក់ផ្អើល​នេះ​បាន​កើតឡើង​នៅវេលា​ម៉ោង​៩​និង​៤០​នាទី​យប់ ថ្ងៃទី​០៥ ខែមីនា ឆ្នាំ​២០១៥ នៅក្នុង​សង្កាត់​ច្បារអំពៅ​១ ខណ្ឌ​ច្បារអំពៅ ។​
​ក្រោយ​កើតហេតុ​សមត្ថកិច្ច​ប៉ូលិស​សង្កាត់​ច្បារអំពៅ​បាន​នាំខ្លួន​បុរស ខាងលើ​ទៅធ្វើ​ការអប់រំ ហើយ​ឲ្យ​ត្រឡប់ទៅផ្ទះ​វិញ​តែម្តង ៕

ព័ត៌មានលម្អិត
ចុះនៅថ្ងៃទី 06-03-2015, 08:53 AM, អាន 21ដង
រាជធានី​ភ្នំពេញ​៖​ក្រុម​សមាគម​ម៉ូតូ​កង់​បី​បាន​ប្រមូល​ផ្តុំគ្នា​ធ្វើការ​តវ៉ា​នៅមុខ​អធិការដ្ឋាន​នគរបាល​ខណ្ឌ​នា​ព្រឹក​ថ្ងៃ​៦ ខែមីនា ឆ្នាំ​២០១៥ ដោយសារ​តែមាន​សមាជិក​ក្រុម​ម្នាក់​ត្រូវបាន​គេ​វាយ​កាលពី​យប់​ថ្ងៃទី​០៥ មីនា ព្រោះ​រឿង​លក់​គ្រឿង​ភេសជ្ជៈ​ដូចគ្នា​ដូចគ្នា​ច្រណែន​ថា​ម្នាក់​លក់ដាច់​ជាង ក៏​កើតជា​ជម្លោះ​តែម្តង ។​
​គួរ​បញ្ចា​ក់ថា មនុស្ស​២​ក្រុម​បាន​មានទំនាស់​ពាក្យសម្តី​គ្នា រហូត​ឈានទៅ​វាយតប់​គ្នា​ផ្អើល​សមត្ថកិច្ច​ប៉ូលិស ព្រោះ​តែមាន​តូប​លក់​ភេសជ្ជៈ​នៅជាប់​គ្នា មានការ​កាច់​កុង​គ្នា ខណៈពេល​លក់​ដូចគ្នា ហើយ​ឃើញ​ភាគី​តូប​ម្ខាង​ទៀត​លក់ដាច់​ជាង ។​ហេតុការណ៍​នេះ​បាន​កើតឡើង​នៅវេលា​ម៉ោង​១០​និង​៥០​នាទី​យប់ ថ្ងៃទី​០៥ ខែមីនា ឆ្នាំ​២០១៥ នៅ​ម្តុំ​ផ្សារ​៧​មករា ស្ថិត​តាម​បណ្តោយ​ផ្លូវ​៦១២ កែង​២៨៩ ក្នុង​សង្កាត់​បឹងកក់​១ ខណ្ឌទួលគោក ។​
​ក្រោយពេល​បង្កជម្លោះ​គេ​សង្កេតឃើញ​ភាគី​ទាំងសងខាង​បាន​រងរបួស​ដូចគ្នា ។​ប៉ុន្តែ​អ្វីដែល​បង្ក​ការភ្ញាក់ផ្អើល​នោះ​គឺ​ភាគី​ម្ខាង​នៃ​ជម្លោះ​បាន ហៅ​ក្រុម​សមាគមន៍​ម៉ូតូ​កង់​បី​មកជា​ច្រើន ដើម្បី​ឲ្យ​ជួយ​អន្តរាគមន៍ តែ​ត្រូវបាន​សមត្ថកិច្ច​ប៉ូលិស​ចុះទៅ​ឃាត់​ទាន់ពេលវេលា​នោះ ។​
​ចំណែក​ភាគី​រងរបួស​ទាំងសងខាង​បាន​ទៅ​ដាក់ពាក្យ​បណ្តឹង​ដូចគ្នា ហើយ​សមត្ថកិច្ច​ក៏​នៅ​ពុំទាន់​ដឹង​ច្បាស់​ថា​ភាគី​ខាង​ណា​ជា​អ្នកបង្ក​នោះដែរ ។​ដោយ​ភាគី​ទាំង​២​និយាយ​រក​ត្រូវ​រៀងៗ​ខ្លួន ៕

ព័ត៌មានលម្អិត
ចុះនៅថ្ងៃទី 05-03-2015, 03:48 PM, អាន 30ដង
រាជធានី​ភ្នំពេញ​៖​រាជរដ្ឋាភិបាល​កម្ពុជា បានចេញ​សម្រេច​មួយ​ឲ្យ​បង្កើត​ក្រុមការងារ​ចម្រុះ​ចុះ​រៀបចំ​កិច្ចការ សន្តិសុខ​និង​សុវត្ថិភាព​ដើម្បី​ការពារ​សម្តេច​ហ៊ុនសែន​និង​ភរិយា​លោកជំទាវ ប៊ុនរ៉ានី​ហ៊ុន សែន ក្នុងពេល​ចូលរួម​កម្មវិធី​ផ្សេងៗ​។  
​សេចក្តីសម្រេច​មួយ​ដែល​ត្រូវបាន​ចុះហត្ថលេខា​ដោយ​សម្តេចនាយក រដ្ឋមន្ត្រី ហ៊ុន សែន កាលពី​ថ្ងៃទី​២៦ ខែកុម្ភៈ ឆ្នាំ​២០១៥ ឲ្យ​ដឹងថា​សមាសភាព​ដែល​ចូលរួម​ក្រុមការងារ​ចុះ​រៀបចំ​កិច្ចការ សន្តិសុខ និង​សុវត្ថិភាព រួមមាន​រដ្ឋមន្ត្រី​ប្រតិភូ​អម​នាយករដ្ឋមន្ត្រី និង​ជា​រដ្ឋលេខាធិការ​ក្រសួង​មុខងារសាធារណៈ នាយ​ឧ​ត្ត​ម​សេនីយ៍ យូ ស៊ុនឡុង ជា​ប្រធាន អគ្គមេបញ្ជាការ​រង​នៃ​កងយោធពល​ខេមរភូមិន្ទ និង​ជា​នាយករង​ខុទ្ទកាល័យ​នាយករដ្ឋមន្ត្រី​ជា​លោក ហ៊ីង ប៊ុន​ហៀ​ង ជា​អនុប្រធាន អនុរដ្ឋលេខាធិការ​ក្រសួងការពារជាតិ លោក ហ៊ុយ ពិសិដ្ឋ ជា​អនុប្រធាន នាយករង​ខុទ្ទកាល័យ​នាយករដ្ឋមន្ត្រី លោក ហ៊ុន ស៊ីថា ជា​សមាជិក អគ្គ​ស្នងការរង​នគរបាលជាតិ និង​ជា​ប្រធាន​នាយកដ្ឋានអង្គរក្ស លោក ទូច ណារ៉ុថ ជា​សមាជិក និង​នាយរង​សេនាធិការ​ចម្រុះ មេបញ្ជាការរង​កងទ័ព​ជើងគោក និង​ជា​មេបញ្ជាការ បញ្ជាការដ្ឋាន​ជាតិ​កម្លាំង​ពិសេស​ប្រឆាំង​ភេ​វក​ម្ម លោក ហ៊ុន ម៉ា​ណែ​ត ជា​សមាជិក​។ ក្រៅពីនោះ​សមាជិក​ក្រុមការងារ​ផ្សេងៗ​មាន​ចំនួន​៨​រូប​ទៀត ដែល​ក្នុងនោះ​មាន​ឋានៈ​ជា​ឧ​ត្ត​ម​សេនីយ៍​ឯក​ចំនួន​៦​រូប និង​ជា​ឧ​ត្ត​ម​សេនីយ៍​ទោ​២​រូប ដែល​មកពី​កងយោធពល​ខេមរភូមិន្ទ កង​អង្គរក្ស និង​កងរាជអាវុធហត្ថ​។
​សេចក្តីសម្រេច​របស់​នា​យក​រដ្ឋមន្ត្រី​បន្តថា​ក្រុមការងារ​នឹង​ចុះ​គ្រប់ គោលដៅ​ប្រារព្ធ​ពិធី​ផ្សេងៗ​របស់​នាយករដ្ឋមន្ត្រី និង​ភរិយា ហើយ​ក្រុមការងារ​នឹង​ដឹកនាំ បញ្ជា និង​សហការ​ជាមួយ​សមត្ថកិច្ច​គ្រប់លំដាប់​ថ្នាក់​ព្រមទាំង​អាជ្ញាធរ​ដែនដី លើ​ការងារ​សន្តិសុខ និង​សុវត្ថិភាព​។ ក្រុមការងារ​មាន​តួនាទី​ដោះស្រាយ និង​ទប់ស្កាត់​រាល់​បញ្ហា​ដែល​កើតមានឡើង​ជាយថាហេតុ​ក្នុង កម្មវិធី​នីមួយៗ​។
​ក្រុមការងារ​នឹង​បំពេញ​កិច្ចការ​ផ្សេងៗ​ទៀត ដែល​ពាក់ព័ន្ធ​នឹង​កិច្ចការ​សន្តិសុខ និង​សុវត្ថិភាព​របស់​នាយក​រដ្ឋមន្ត្រី និង​ភរិយា​។ សេចក្តីសម្រេច​បញ្ជាក់ថា​អនុប្រធាន និង​សមាជិក​នៃ​ក្រុមការងារ​ត្រូវ​ចូលរួម​ប្រជុំ​តាម​ការអញ្ជើញ​របស់​ប្រធាន ក្រុម​ងារ​ចុះ​រៀបចំ​កិច្ចការ សន្តិសុខ និង​សុវត្ថិភាព​៕

ព័ត៌មានលម្អិត
ចុះនៅថ្ងៃទី 05-03-2015, 03:43 PM, អាន 32ដង
​ដោយ​៖​ដេ​ង ម៉ា​វិ​ន​
​ខេត្តស្ទឹងត្រែង
​៖​អាណិកជន​ខ្មែរ​រស់នៅ​អាមេរិក​ម្នាក់ បាន​ស្លាប់​ភ្លាមៗ​នៅនឹងកន្លែង​កើតហេតុ បន្ទាប់ពី​ជួប​នូវ​ឧប្បត្តិហេតុ​ក្រឡាប់​រថយន្ត និង​របួសស្រាល​ចំនួន​៣​នាក់​ទៀត ។​ហេតុការណ៍​នេះ បាន​កើតឡើង​កាលពី​វេលា​ម៉ោង​៥​និង​៣០​នាទី​ល្ងាច​ថ្ងៃទី​០៤ ខែកុម្ភៈ​ឆ្នាំ​២០១៥ ស្ថិតនៅ​ចំនុច​វាល​ប៉ា​រ៉ា ក្នុងភូមិ​ណា​អូ​ង ឃុំ​ស្រែ​សំបូរ ស្រុក​សៀម​ប៉ាង ខេត្តស្ទឹងត្រែង ។​
​    ​យោងតាម​ប្រភពពី​កន្លែងកើតហេតុ បាន​ឲ្យ​ដឹងថា​៖​រថយន្ត​ដែល​បាន​ក្រឡាប់ ហើយ​ប ណ្តា​ល​ឲ្យ​មាន​មនុស្ស​ស្លាប់​ម្នាក់ និង​របួសស្រាល​៣​នាក់​ខាងលើនេះ ជា​រថយន្ត​ម៉ាក​កាមរី បា ឡែ​ន ពណ៌​ទឹកប្រាក់​ពាក់​ស្លាក​លេខ​ភ្នំពេញ​2V1617​ជិះ​គ្នា​៤​នាក់​ក្នុងនោះ​មាន​ម្នាក់​ជា​អាណិកជន​ខ្មែរ​រស់នៅ​អាមេរិក​។​
​    ​បើតាម​ប្រភពពី​សមត្ថកិច្ច​នគរបាល ស្រុក​សៀម​ប៉ាង​បាន​ឲ្យ​ដឹងថា​៖​ជនរងគ្រោះ ដែល​បាន​ជួប​ឧប្បត្តិហេតុ​គ្រោះថ្នាក់​ចរាចរណ៍​នេះ គឺ​ទី​១/​មានឈ្មោះ​KROCH BRONSON SOKHON ភេទ​ប្រុស អាយុ​៦៤​ឆ្នាំ ជា​អ​និក​ខ្មែរ សញ្ជាតិ​អាមេរិក​(​ស្លាប់​)​និង​ទី​២/​មានឈ្មោះ​គង់ ប៊ុនហេង ភេទ​ប្រុស អាយុ​២៦​ឆ្នាំ​រួម​ដំណើរ ទី​៣/​ឈ្មោះ​ឡេង ចាន់​តារា​ណា​រិ​ទ្ធ ភេទ​ប្រុស អាយុ​២៨​ឆ្នាំ រួម​ដំណើរ និង​ទី​៤/​ឈ្មោះ​សៀ ជៀ​លាភ ភេទ​ប្រុស អាយុ​២៥​ឆ្នាំ (​អ្នកបើកបរ​) យុវជន​ទាំង​៣ នាក់​រស់នៅ​ក្រុងភ្នំពេញ ។ ជ​រងគ្រោះ​ខាងលើនេះ បាន​ជួប​គ្រោះថ្នាក់​ចរាចរណ៍​ក្នុង​ដំណើរ​ក ម្សា​ន្ត​ទេសចរណ៍ ចេញពី​រាជធានី​ភ្នំពេញ​មកកាន់​ទឹកដី​ខេត្តស្ទឹងត្រែង ។
​ក្រោយពេល​កើតហេតុ​សព​ជនរងគ្រោះត្រូវបាន​សមត្ថកិច្ច​ប្រគល់​ឲ្យ​សាច់​ញ្ញា​ត្តិ​ដឹកយក​ទៅកាន់​ទីក្រុង​ភ្នំពេញ​ទាំងយប់ដើម្បី​ធ្វើបុណ្យ​តាម​ប្រពៃណី។ រីឯ​រថយន្ត​ខូចខាត​ក្នុង​គ្រោះថ្នាក់​ចរាចរណ៍​នេះ ត្រូវបាន​យុវជន​រងគ្រោះ​ទាំង​៣​នាក់ យកទៅ​កាន់​ទីក្រុង​ភ្នំពេញ​ក្នុង យប់​ដដែល​នោះ​ផងដែរ ។​
​    ​សមត្ថកិច្ច បាន​ឲ្យ​ដឹង​ទៀតថា​៖​រថយន្ត​គ្រោះថ្នាក់​ខាងលើនេះ មិន​ត្រូវបាន​សមត្ថកិច្ច​យ ក​ទៅ​រក្សាទុក​ឡើយ គឺ​ប្រគល់​ឲ្យ​ម្ចាស់​វិញ​ព្រោះនេះ​គឺជា​ឧប្បត្តិហេតុ​គ្រោះថ្នាក់​ដោយ​ខ្លួនឯង មិន​បង្ក​ឲ្យ​មានការ​គ្រោះថ្នាក់​ដល់​អ្នក​ដ៏​ទៃ​នោះទេ ។​
​    ​សូមបញ្ជាក់ថា​៖​គ្រោះថ្នាក់​ចរាចរណ៍​ខាងលើនេះ គឺ​បណ្តាលមកពី​អ្នកបើកបរ​មិន​ស្គាល់​ស្ថានភាព​ផ្លូវ​ច្បាស់លាស់ ដូច្នេះហើយ​ទើប​មិនអាច​គ្រប់គ្រង​ការបើក​បរបាន ហើយ​បណ្តាល​ឲ្យ​ជួប​នូវ​ឧប្បត្តិ​ហេតុនេះ​កើតឡើង​តែម្តង​៕


                                                                     

ព័ត៌មានលម្អិត
ចុះនៅថ្ងៃទី 05-03-2015, 03:31 PM, អាន 21ដង
រាជធានី​ភ្នំពេញ​៖​មន្ត្រីនគរបាល​បាន​ឲ្យ ដឹងថា​ជនអន្ដោប្រវេសន៍​វៀតណាម​ខុសច្បាប់​ចំនួន​៤៤​នាក់​ក្នុងនោះ​ស្រី​ចំនួន ២៥​នាក់​ត្រូវបាន​សមត្ថកិច្ច​ឃាត់ខ្លួន​នៅក្នុង​សង្កាត់​ផ្សារកណ្ដាល​២​និង សង្កាត់​បឹង​កេងកង​២ កាលពី​ព្រឹក​ថ្ងៃទី​៥ ខែមីនា​នេះ គ្រា​ដែល​ការចុះ​ឃាត់ខ្លួន​នេះ​មានការ ចូលរួម​សហការ​ពី​សំណាក់​នគរបាល​សង្កាត់​ខាងលើ ជាមួយនឹង​នគរបាល​អន្តោប្រវេសន៍​ផងដែរ​។  
​ឧ​ត្ត​ម​សេនីយ៍​ទោ អ៊ុក ហៃ​សីឡា ប្រធាន​នាយកដ្ឋាន​ស៊ើបអង្កេត និង​អនុវត្ត​នីតិវិធី​នៃ​អគ្គនាយកដ្ឋាន​អន្តោប្រវេសន៍​បាន​ឲ្យ​ដឹងថា ដោយ​ទទួលបាន​សេចក្ដីរាយការណ៍​ជុំវិញ​ការ​ស្នាក់នៅ​ខុសច្បាប់​របស់​ជនជាតិ វៀតណាម​ទាំង ៤៤ នាក់​នេះ នៅក្នុង​សង្កាត់​ផ្សារកណ្ដាល​ទី​២ ទើប​លោក​បាន​បង្គាប់​ឲ្យ​នគរបាល​អន្តោប្រវេសន៍ មានការ​សហការ​ជាមួយ​នគរបាល​ក្នុង​តំបន់ ចុះទៅ​ឃាត់ខ្លួន​ជនជាតិ​វៀតណាម​ទាំង ៤៤ នាក់​នេះ​តែម្ដង​។
​បច្ចុប្បន្ន​ជនអន្ដោប្រវេសន៍​វៀតណាម​ខុសច្បាប់​ទាំង​៤៤​នាក់​នេះ ត្រូវបាន​សមត្ថកិច្ច​ប​ញ្ជូ​ន​ខ្លួន​ទៅកាន់​អគ្គនាយកដ្ឋាន​អន្តោ​ប្រ​រវេ សន៍​ហើយ ដោយ​រង់ចាំ​ចំណាត់ការ​តាម​វិធានការ​ច្បាប់​នាពេល​ក្រោយ​៕

ព័ត៌មានលម្អិត
ចុះនៅថ្ងៃទី 05-03-2015, 03:22 PM, អាន 24ដង
​អ៊ីតាលី​៖​យ៉ាងហោចណាស់​ជនអន្តោប្រវេសន៍​មកពី​អាហ្វ្រិក​ខាងជើង​១០​នាក់​បាន​ស្លាប់ និង​ជាង​១​ពាន់​នាក់​ជួយសង្គ្រោះ​ទាន់ ខណៈ​ទូក​កៅស៊ូ​ទូក​ចំនួន​៨ របស់​ពួកគេ​ក្រឡាប់ ក្នុង​ភាគខាងត្បូង​សមុទ្រ​ម៉េ​ឌី​ទែ​រ៉ា​ណេ កាលពី​ថ្ងៃ​អង្គារ និង​ថ្ងៃ​ពុធ​ម្សិលមិញ​។ នេះ​បើ​យោងតាម​ប្រភពពី​អាជ្ញាធរ​អ៊ីតាលី និង​ទុយ​ណេ​ស៊ី​។​
​ឆ្មាំ​សមុទ្រ​របស់​អ៊ីតាលី​និយាយថា ទូក​មួយ​ក្នុងចំណោម​ទូក​ជាច្រើន របស់​ពួកគេ​បាន​ជួយសង្គ្រោះ​មនុស្ស ១២១​នាក់ បន្ទាប់ពី​ទូក​របស់​ជនអន្តោប្រវេសន៍​ខុសច្បាប់ ទាំងនោះ​ក្រឡាប់​កាលពី​ថ្ងៃ​អង្គារ ស្ថិតនៅ​ប្រមាណ ៥០​ម៉ា​យ ពី​ភាគ​ខាងជើង​ប្រទេស​លី​ប៊ី ជាមួយគ្នា​នោះ​ពួកគេ​បាន​ស្រង់​សាកសព​ចំនួន ១០​នាក់​។ សាកសព​ត្រូវបាន​បញ្ជូន​ទៅកាន់​កំពង់ផែ អក់​ហ្គា​ស្តា នៃ​ឆ្នេរសមុទ្រ​ស៊ី​ស៊ី​លាន របស់​ប្រទេស​អ៊ីតាលី​កាលពី​ល្ងាច​ថ្ងៃ​ពុធ ជាមួយ​ជនអន្តោប្រវេសន៍​ចំនួន ៤៣៧​នាក់ ដែល​ត្រូវបាន​ជួយសង្គ្រោះ​ចេញពី​សមុទ្រ​។
​គួរ​បញ្ជាក់ថា​ការធ្វើ​អន្តោប្រវេសន៍ យ៉ាងច្រើន​នេះ​កើតចេញពី​សង្គ្រាម និង​ភាពក្រីក្រ​ក្នុងប្រទេស​ស៊ី​រី​, លី​ប៊ី និង​បណ្ដា​ប្រទេស​ក្នុង​ប៉ែក​អាហ្វ្រិក​៕

ព័ត៌មានលម្អិត
ចុះនៅថ្ងៃទី 05-03-2015, 03:04 PM, អាន 40ដង
​ម៉ិចស៊ិក​៖​ប្រមុខ​ក្រុម​រត់ពន្ធ​គ្រឿងញៀន​ភាគ​ខាងជើង​ប្រទេស គឺ​ក្រុម Los Zetas​ឈ្មោះ Omar Trevino Morales រហស្សនាម​ថា Zeta 42 ត្រូវបាន​អាជ្ញាធរ​ម៉ិចស៊ិក​កាលពី​ថ្ងៃទី​៤ មីនា នៅ​ទីក្រុង Monterrey រដ្ឋធានី​នៃ​រដ្ឋ​ឧស្សាហកម្ម Nuevo Leon ។​
 នេះ​ជាការ​ចាប់ខ្លួន​ស្តេច​រត់ពន្ធ​គ្រឿងញៀន​ទី​២​ក្នុង​រយៈពេល​តែ​ប៉ុន្មាន​សប្តាហ៍​ប៉ុណ្ណោះ បន្ទាប់ពី​ការចាប់​បាន​ជន​ឈ្មោះ Servando Gomez Martinez ប្រមុខ​ក្រុម​រត់ពន្ធ​គ្រឿងញៀន Chevaliers ក្រុង​ម៉ិចស៊ីកូ កាលពី​ថ្ងៃទី​២៧ កុម្ភៈ កន្លងមកនេះ ។​
​ការិយាល័យ​អគ្គ រដ្ឋអាជ្ញា​ក្រុង​ម៉ិចស៊ីកូ ប្រកាស​ផ្តល់រ​ង្វាន់​៣០​លាន​ពឺ​សូ (​ប្រាក់​ម៉ិចស៊ិក​) ស្មើនឹង​ប្រមាណ​២​លាន​ដុល្លារ សម្រាប់​ការចាប់ខ្លួន​ស្តេច​រត់ពន្ធ​គ្រឿងញៀន Trevino ដែល​ឡើង​ធ្វើ​ប្រមុខ​ក្រុម បន្ទាប់ពី​បងប្រុស​គេ Miguel Angel Trevino Morales ហៅ Zeta 40 ត្រូវ​ចាប់ខ្លួន​កាលពី​ខែកក្កដា ឆ្នាំ​២០១៣ នៅតាម​ព្រំដែន រវាង​រដ្ឋ Nuevo Leon និង​រដ្ឋ Coahuila មក ៕

ព័ត៌មានលម្អិត
ចុះនៅថ្ងៃទី 05-03-2015, 02:50 PM, អាន 21ដង
​រាជធានី​ភ្នំពេញ​៖​យុវជន​២​នាក់​ត្រូវបាន​នគរបាល​ខណ្ឌដង្កោ​ធ្វើការ ឃាត់ខ្លួន​កាលពី​យប់​ថ្ងៃទី​៤​ខែមីនា ឆ្នាំ​២០១៥​នៅមុខ​សាលាខណ្ឌ​ដង្កោ​តាម​បណ្តោយ​ផ្លូវ​២១៧​ភូមិ​ថ្មី​សង្កាត់ ដង្កោ​ខណ្ឌដង្កោ​រាជធានី​ភ្នំពេញ ពាក់ព័ន្ធ​ករណី​គ្រឿងញៀន​។  
​យុវជន​ទាំង​២​នាក់ ដែល​ត្រូវ​ឃាត់ខ្លួន​ពាក់ព័ន្ធ​ករណី​គ្រឿងញៀន ទី​១​ឈ្មោះ ឈៀវ ម៉េង​ហុង អាយុ​២០​ឆ្នាំ មុខរបរ​បើក​អា​ប៊ុល ស្នាក់នៅ​សង្កាត់​រលួស ខណ្ឌដង្កោ ទី​២​ឈ្មោះ ខឿន ឌី​ណា អាយុ​១៩​ឆ្នាំ មុខរបរ​បើ​អេស្កាវ៉ាទ័រ ស្នាក់នៅ​ឃុំ​សៀម ស្រុក​កណ្តាលស្ទឹង ខេត្តកណ្តាល​។
​មន្ត្រីនគរបាល​ព្រហ្មទណ្ឌ​ដង្កោ​ប្រាប់​ឲ្យ​ដឹងថា កាលពី​ព្រលប់​ថ្ងៃទី​៤ ខែមីនា ឆ្នាំ​២០១៥ គណៈបញ្ជាការ​ឯកភាព​ខណ្ឌដង្កោ ដឹកនាំ​ដោយ​លោក ប្រាជ្ញ សីហា អភិបាលរង ខណ្ឌដង្កោ បាន​ដឹ​ន​នាំ​កម្លាំងចម្រុះ​សរុប​ចំនួន ៦២​នាក់ ក្នុងនោះ នគរបាល​៣៣​នាក់ អាវុធ ហត្ថ​០៦​នាក់ មន្ត្រី​សាលាខណ្ឌ ២៣​នាក់ បន្ត​ដាក់​គោលដៅ ដើម្បី​ត្រួតពិនិត្យ​អាវុធជាតិផ្ទុះ នៅក្នុង​មូលដ្ឋាន របស់ខ្លួន ចាប់​វេលា​ម៉ោង ១៩ រហូតដល់​វេលា​ម៉ោង ២០ ទើប​បញ្ចប់ ។ ខណៈ​កំពុង​ត្រួតពិនិត្យ ស្រាបតែ​យុវជន​សង្ស័យ​២​នាក់​ខាងលើ ជិះ​ម៉ូតូ ០១​គ្រឿង ម៉ាក FZ ពណ៍​ខៀវ ពាក់​ស្លាក​លេខ ភ្នំពេញ 1BS-2725 បើកបរ​ឆ្លងកាត់​គោលដៅ​ត្រួតពិនិត្យ ក្នុងទិសដៅ​ពី​ជើង​ទៅ​ត្បូង ដោយមាន​ការសង្ស័យ​ស​ម​ត្ថ​កិច្ច​បាន​ហៅ​ឲ្យ​ឈប់ ដើម្បី​ត្រួតពិនិត្យ ។
​មន្ត្រីនគរបាល​ព្រហ្មទណ្ឌ​ដង្កោ​ដដែល​ប្រាប់​បន្ត​ឲ្យ​ដឹងថា យុវជន​សង្ស័យ​ឈ្មោះ ឈៀវ ម៉េង​ហុង ដែល​ជិះ​ពី​ខាងក្រោយ ដោយ​ឃើញ​សមត្ថកិច្ច​ហៅ​ឆែកឆេរ​បែបនេះ បាន បន្លំ ដក​ថ្នាំញៀន ០១ កញ្ចប់ ចេញពី​ហោប៉ៅ បោះចោល​ទៅលើ​ផ្លូវ​បេតុង ដើម្បី​បន្លំ​ភ្នែក ប៉ុន្តែ​សកម្មភាព​នេះ​ត្រូវបាន​សមត្ថកិច្ច​ក្រឡេក​ភ្នែក​ឃើញ​ទាន់ ទើប​ឃាត់​យុវជន​សង្ស័យ ទាំង​២​នាក់ នេះ​តែម្តង​។
​មន្ត្រីនគរបាល​ព្រហ្មទណ្ឌ​ដង្កោ​ខាងលើ​ប្រាប់​បញ្ជាក់​ឲ្យ​ដឹងថា នៅ​ចំពោះមុខ​សមត្ថកិច្ច យុវជន​សង្ស័យ​ទាំង​២​នាក់​ឆ្លើយ​សារភាព​ប្រាប់ថា គ្រឿងញៀន ០១ កញ្ចប់ នេះ គឺ​ពួកគាត់​បាន​ទិញ​ពី​គេ ក្នុងតម្លៃ ១០​ដុល្លារ ទុក​សម្រាប់​ប្រើប្រាស់ ប៉ុន្តែ​មិនទាន់​ទាំង​បាន​ជក់​ផង ស្រាប់តែ​ត្រូវ​សមត្ថកិច្ច​ឃាត់​ជាប់​។
​បច្ចុប្បន្ន​យុវជន​សង្ស័យ​ទាំង​២​នាក់ សមត្ថកិច្ច​កំពុង​ឃាត់ខ្លួន​បណ្តោះអាសន្ន នៅ​អធិការដ្ឋាន​នគរបាល​ខណ្ឌដង្កោ ដើម្បី​ចាត់ការ​តាម​នីតិវិធី​៕

ព័ត៌មានលម្អិត
ចុះនៅថ្ងៃទី 05-03-2015, 02:42 PM, អាន 118ដង
វៀតណាម​៖​តាម​សេចក្តីរាយការណ៍​ពី​ទីភ្នាក់ងារ​គាំពារ និង​ឱសថ​ក្រសួងសុខាភិបាល​វៀតណាម ឲ្យ​ដឹង​នៅ​ថ្ងៃ​ព្រហស្បតិ៍ ទី​០៥ ខែ មីនា ឆ្នាំ​២០១៥​ថា ជំងឺផ្តាសាយបក្សី​ប្រភេទ H5N1 ត្រូវបាន​រកឃើញ​នៅ​ស្រុក​កេសា​ច់  ខេត្ត​សុច​ត្រាង ភាគខាងត្បូង​ប្រទេស​វៀតណាម ខណៈដែល​ក្រុម​ជំនាញ​អះអាងថា កើត​ឡើងមក​២១​ថ្ងៃ​ទៅហើយ​។
​នាយកដ្ឋាន​បសុសត្វ​ប្រចាំខេត្ត​សុច​ត្រាង​បាន​ឲ្យ​ដឹងថា ជំងឺ​ផ្តាសាយ បក្សី H5N1 ដែល​បាន រីក​រាលដាល​លើស​ត្វ​បក្សី​នេះ ត្រូវបាន​រកឃើញ នៅក្នុង​កសិដ្ឋាន​គ្រួសារ មួយ​នៃ​ឃុំ​ដៃ​ហៃ​នៃ​ស្រុក​កេសា​ច់ ដែល​ត្រូវបាន​អាជ្ញាធរ​ធ្វើការ​រឹបអូស និង​សម្លាប់សត្វ​បក្សាបក្សី​ចំនួន​ជាង ១.១០០ ក្បាល​ដែល​ពួកវា​មាន​អាយុ​ទើបតែ​ពីរ​ខែ​ប៉ុណ្ណោះ ៕

ព័ត៌មានលម្អិត
ចុះនៅថ្ងៃទី 05-03-2015, 02:33 PM, អាន 22ដង
​សុខភាព​៖​ពុំមាន​អាហារ​ទប់ស្កាត់​មហារីក​បាន​ដាច់ខាត ។ ទោះបី​ដូច្នោះ , ការ​ទទួលទាន​ត្រឹមត្រូវ​រួមចំណែក​បន្ថយ​យ៉ាងច្រើន​ហានិភ័យ​កើត​ជំងឺ ។​
​វីតាមីន E ៖ ក្រៅ​ព​លទ្ធភាព​ប្រឆាំង​ទប់ទល់​មហារីក​ពោះវៀន , វីតាមីន E ធ្វើ​សកម្មភាព​ដូចជា​សារជាតិ​ប្រឆាំង​អុកស៊ីតកម្ម​ខ្លាំង​មួយ រួមចំណែក​បន្ថយឥទ្ធិពល​អសកម្ម​ពី​អូហ្សូន និង​សារជាតិ​កខ្វក់ ។ វីតាមីន​នេះ​សម្បូរ​ក្នុង​ស៊ុត , ពន្លក​ស្រូវ​សាឡី , ថ្លើម , ប្រេង​រុក្ខជាតិ និង​ពពួក​បន្លែ​ពណ៌​បៃតងចាស់ ។​
Beta Carotene ៖លទ្ធផល​ស្រាវជ្រាវ​អះអាងថា អ្នក​ទទួលទាន​ច្រើន Beta Carotene មាន​ប្រសិទ្ធភាព​បន្ថយ​ហានិភ័យ​មហារីកក្រពះ ,មហារីក​សួត ។ ដើម្បី​ប្រើប្រាស់​វីតាមីន​មាន​ប្រយោជន៍​នេះ អ្នក​គួរ​ជ្រើស​យក​អាហារ​មាន​ពណ៌​ទឹកក្រូច , បៃតង ដូចជា​ការ៉ុត ,ដំឡូងជ្វា ,ពួយ​ឡេង ,សាឡា​ត់​សង​... ។​
​វីតាមីន B6 ៖ ក្នុងចំណោម​ជំងឺមហារីក , វីតាមីន B6 ប្រសិទ្ធភាព​ជាពិសេស​ក្នុងការ​បង្ការ​មហារីក​មាត់ស្បូន ។ ក្រៅពីនេះ​វា​ក៏មាន​ឥទ្ធិពល​បង្កើន​ប្រព័ន្ធ​អង្គ​បដិបក្ខ , ការពារ​ផ្លូវដង្ហើម​ផុតពី​ការវាយប្រហារ​របស់​សារជាតិ​កខ្វក់ , ឆ្លង​មេរោគ ។ ពិនិត្យ​ជារួម , វីតាមីន B6 សម្បូរ​ក្នុង​ការ៉ុត , គ្រឿងក្នុង​សត្វ , ចេក , បន្លែ​ស្លឹក​បៃតង និង​ដំឡូងជ្វា ។​
​វីតាមីន C ៖ ជា​សារជាតិ​ប្រឆាំង​អុកស៊ីតកម្ម​ដ៏​ខ្លាំងក្លា​មួយ , មានលទ្ធភាព​ទប់ស្កាត់​មហារីក​សុដន់ , អូវែរ , ស្បូន ។ ដើម្បី​ឈានដល់​ការសន្និដ្ឋាន​ខាងលើ ពួក​អ្នកវិទ្យាសាស្ត្រ​ដំណើរការ​តាមដាន​លើ​អ្នកជំងឺ​មហារីក​៦១​នាក់ ក្នុងនោះ​៣០​នាក់ ត្រូវបាន​បំពេញបន្ថែម​វីតាមីន​ក្នុងពេល ៣១​នាក់​ទៀត​មិនបាន​ប្រើ ។ ដំណើរការ​តាមដាន​ប្រព្រឹត្ត​ទៅក្នុង​រយៈពេល​ពី ៥-៧​ខែ បង្ហាញថា អ្នក​ប្រើ​វីតាមីន​នេះ មានលទ្ធភាព​រក្សា​ជីវិត​យូរ​ជាង ១៣-២១​ដង ។​
​អាស៊ីត​ហ្វូ​លិ​ក ៖ ត្រូវបាន​ស្គាល់​ជាមួយ​ឈ្មោះថា អាស៊ីត​ហ្វូ​លិ​ក , វីតាមីន B9 ។ អាស៊ីត​ហ្វូ​លិ​ក​ដើរតួនាទី​សំខាន់​ក្នុង​ការកកើត​សារជាតិ​តំណពូជ DNA និង RNA ។ ពិសេស​ពេល​ចូលក្នុង​សរីរាង្គ​វា​នៅ​នាំមក​នូវ​ប្រសិទ្ធភាព​ប្រឆាំង​តប​ការកកើត , រីកចម្រើន​របស់​កោសិកា​មហារីក​មាត់ស្បូន ។ អាស៊ីត ហ្វូ​លិ​កមាន​ច្រើន​នៅក្នុង​ឆៃថាវ​ស្ករ , ស្ពៃក្តោប , បន្លែ​បៃតង , ស៊ុត , ផ្លែឈើ និង​ត្រី ៕

ព័ត៌មានលម្អិត
ចុះនៅថ្ងៃទី 05-03-2015, 02:26 PM, អាន 19ដង
សុខភាព​៖​ស្ត្រី​មាន​ផ្ទៃពោះ​ដែល​ទទួលទាន​កាហ្វេ​ពីរ​ពែង​ក្នុង​មួយថ្ងៃ​អាចធ្វើ​ឲ្យ​កូន​ក្នុង​ផ្ទៃប្រឈម​ជាមួយនឹង​ការកើតមាន​ជម្ងឺមហារីក​ឈាម​។ ​ការសិក្សា​ធំ​មួយបាន​រកឃើញថា​តាមរយៈ​ម្តាយ​ទទួលទាន​កាហ្វេ​បែបនេះ ទារក​ក្នុង​ផ្ទៃ​អាច​ប្រឈម​ជាមួយនឹង​ការកើតមាន​ជម្ងឺមហារីក​ឈាម​៦០​ភាគរយ នៅពេល​ចូល​នៅក្នុង​វ័យ​កុមារភាព​។​
 ក្រុម​អ្នកសិក្សា បាន​និយាយថា រដ្ឋាភិបាល​ត្រូវតែ​ដាក់​បំរាម​ទៅដល់​ស្ត្រី​មាន​ផ្ទៃពោះ​ទាំងឡាយ ឲ្យ​កម្រិត​ការ​ទទួលទាន​កាហ្វេ នៅ​ស្រប​ពេលដែល​ពួកគេ​ត្រូវបាន​ប្រាប់​ឱ្យ មានការ​កាត់បន្ថយ​ជាតិ​អាកុល និង​ឈប់​ជក់បារី​។​ក្រុម​អ្នកសិក្សា​គិតថា សារធាតុ​កាហ្វេ​អ៊ី​ន​ប្រហែល​អាច​ផ្លាស់ប្តូរ​នូវ​ឌី​អ៊ិន​អេ (DNA) នៅក្នុង​កោសិកា​របស់​កូន​ក្នុង​ផ្ទៃ ដែល​ប្រការនេះ​បានធ្វើឱ្យ​កូន​ក្នុង​ផ្ទៃ​ប្រឈម​ជាមួយនឹង​ការ​ដុះ​ឡើង​នូវ ដុំ​សាច់​។​
​ក្រុម​អ្នកស្រាវជ្រាវ ដែល​បាន​ពិនិត្យមើល​ទៅលើ​ការសិក្សា​ចំនួន​២០ ដែលមាន​រួចមកហើយ បាន​រកឃើញថា​កូន​នៅក្នុង​ផ្ទៃ​នៃ​ស្ត្រី​ដែល​ទទួលទាន​កាហ្វេ​នៅ​អំឡុងពេល មាន​ផ្ទៃពោះ​មានការ​ប្រឈម​នឹង​ការកើតមាន​ជម្ងឺមហារីក​ឈាម​២០​ភាគរយ​។ ប៉ុន្តែ​ប្រសិនបើ​ស្ត្រី​ទាំងនោះ​ទទួលទាន​ពីរ​ពែង ក្នុង​មួយថ្ងៃ ហានិភ័យ​នោះ​នឹង​កើន​ដល់​៦០​ភាគរយ​។ ហើយ​សម្រាប់​ស្ត្រី​ដែល​ទទួលទាន​ពី​បួន​ពែង ឬ​ច្រើន​នេះ ហានិភ័យ​អាច​កើន​មាន​ដល់​៧២​ភាគរយ​៕

ព័ត៌មានលម្អិត
ចុះនៅថ្ងៃទី 05-03-2015, 02:19 PM, អាន 23ដង
សុខភាព​៖​ស្ត្រី​ពេល​មានគភ៌​ទទួលទាន​ផ្លែ​ប៉ោម​ច្រើន ពុំ​ត្រឹមតែ​ជួយ​សរីរាង្គ​បំពេញ​ថែម​បរិមាណ​វីតាមីន ក៏ដូចជា​សារជាតិ​រ៉ែ​ចាំបាច់ មាន​ប្រយោជន៍​សម្រាប់​សុខភាព​ប៉ុណ្ណោះ​ទេ តែ​នៅ​ជួយ​កូន​របស់​អ្នក​បញ្ចៀស​បាន​ជំងឺ​អាលែកហ្ស៊ី​ទៅ​ថ្ងៃក្រោយ ។​នេះ​ជា​លទ្ធផល​ស្រាវជ្រាវ​ថ្មី​បំផុត​របស់​ពួក​អ្នកវិទ្យាសាស្ត្រ​អាមេរិក ។​
​ពួក​ជំនាញការ​បាន​ដំណើរការ​ស្រាវជ្រាវ និង​សរុប​លទ្ធផល​តាមដាន​ដំណើរការ​រីកចម្រើនរ​បស់​កុមារ​ជិត ១៣០០ នាក់ អាយុ​ក្រោម ៥ ឆ្នាំ ។ តាមរយៈ​នោះ ស្ត្រី​ពេល​មានគភ៌​ទទួលទាន​ផ្លែ​ប៉ោម​ប្រមាណ ៤ ផ្លែ ក្នុង​១​សប្តាហ៍ ជាប្រចាំ នោះ​កូន​របស់គេ​ដែល​កើតមក មាន​អត្រា​កើត​ជំងឺ​អាលែកហ្ស៊ី​, ផ្លូវដង្ហើម ទាប​ជាង​កុមារ​ផ្សេងៗ​ដល់ ៣៧% ។ បន្ថែម​លើ​នោះ​, អត្រា​កើត​ជំងឺ​ខាងលើ​របស់​ទារក​ទាំង​នេះ នៅ​វ័យ​កុមារ​ក៏​ទាប​ជាង​កុមារ​មាន​ម្តាយ​មិន​ចូលចិត្ត​ទទួលទាន​ផ្លែ​ប៉ោម ដល់ ៤៦% ។​
​ប្រធាន​ផ្នែក​អង្គ​បដិបក្ខ​របស់​មន្ទីរពេទ្យ William Beaumont (​អាមេរិក​) ឲ្យ​ដឹងថា ផ្លែ​ប៉ោម​សម្បូរ​សារជាតិ​ជីវជាតិ​ដូចជា​វីតាមីន ជួយ​បង្កើន​សមត្ថភាព​អង្គ​បដិបក្ខ​របស់​កុមារ ៕

ព័ត៌មានលម្អិត
ចុះនៅថ្ងៃទី 05-03-2015, 12:06 PM, អាន 22ដង
​រាជធានី​ភ្នំពេញ​៖​យោងតាម​ព័ត៌មាន​ដែលទទួលបាន​ពី​មន្ត្រីជាន់ខ្ពស់​គណបក្សប្រឆាំង​បាន​អះអាងថា​ប្រទេស​ចិន​ព្រម សហការ​ជាមួយ​បក្ស​សង្គ្រោះ​ជាតិ​ដើម្បី​ទប់ស្កាត់​អំពើពុករលួយ​ទាក់ទិន​នឹងក្រុម​អ្នកវិនិយោគ​ចិន​ដែល​ចូលមក​បណ្តាក់ទុន​នៅ​កម្ពុជាដើម្បី​ធានា​ពី​តម្លាភាព​នៃ​គម្រោង​អភិវឌ្ឍន៍​។  ​ការព្រមព្រៀង​គ្នា​នោះ​ត្រូវធ្វើឡើង​នៅក្នុង​ជំនួប​មួយ​រវាង អនុប្រធាន​ទី​១​នៃ​រដ្ឋសភា លោក កឹម សុខា ជួប​ជាមួយ​ឯកអគ្គរដ្ឋទូត​ចិន​ប្រចាំ​នៅ​ប្រទេស​កម្ពុជា​លោកស្រី Bu Jianguo នៅ​វិមាន​រដ្ឋសភា កាលពី​ថ្ងៃ​ពុធ​ទី​៤ ខែ មីនា ឆ្នាំ ២០១៥​។ ក្រោយ​ជំនួប លោក កឹម សុខា ប្រាប់​អ្នកសារព័ត៌មាន​ថា លោក​បាន​ប្រាប់​ឯក​រដ្ឋទូត​ចិន​ប្រចាំ​កម្ពុជា​ថា គម្រោង​អភិវឌ្ឍន៍​របស់​ក្រុមហ៊ុន​ចិន​មួយចំនួន​ដែល​កំពុងដំណើរការ​នៅ កម្ពុជា បាន​បង្ក​ផលប៉ះពាល់​ដល់​ពលរដ្ឋ​ខ្មែរ ជា​ម្ចាស់​ស្រុក​ជាច្រើន ដែល​លោក​យល់ថា កើតចេញពី​អំពើពុករលួយ ធ្វើ​ឲ្យ​ការផ្តល់​សំណង​ដល់​អ្នករស់នៅ​តំបន់​អភិវឌ្ឍន៍​នោះ គ្មាន​តម្លាភាព ពិសេស​ក្រុមហ៊ុន​ធ្វើ​វា​រី​អគ្គិសនី​។
​តាម​លោក​កឹម សុខា បាន​អះអាងថា​បក្ស​គ​ម្មុយ​នី​ស​ចិន​ក្តី រដ្ឋាភិបាល​ចិន​ក្តី គឺ​ប្តេជ្ញា​ប្រឆាំង​អំពើពុករលួយ មិនមែន​ប្រឆាំង​តែ​អ្នកតូច អ្នកធំ​ក៏​គេ​ហ៊ាន​ប្រឆាំង​ដែរ​។ហើយ​លោក​យល់ថា ការដែល​អ្នកវិនិយោគ​ចិនអាច​ពុករលួយ​បាន​ក្នុង​គម្រោង​អភិវឌ្ឍន៍​ផ្សេងៗអាច​ជាការ​ត្រូវ​រូ​វ​ជាមួយ​មន្ត្រី​រដ្ឋាភិបាល​៕

ព័ត៌មានលម្អិត
ចុះនៅថ្ងៃទី 05-03-2015, 11:57 AM, អាន 40ដង
ស៊ី​រី​៖​ក្រុម​អ្នកឃ្លាំមើល​សិទ្ធិមនុស្ស​ប្រចាំ​នៅ​ប្រទេស​ស៊ី​រី​និយាយថា យ៉ាងហោចណាស់​មាន​សមា​ជិ​ក​កងកម្លាំង​សន្តិសុខ​២០​នាក់ និង​ក្រុម​បះបោរ ១៤​នាក់​ស្លាប់​ខណៈ​ក្រុម​ឧទ្ទាម​បាន​បើក​ការវាយប្រហារ​លើ​អគារ​កម្លាំង​ការពារ​សន្តិសុខ របស់​រដ្ឋាភិបាល​ស៊ី​រី​ក្នុង​ទីក្រុង​អា​ឡេ​ប៉ូ ស្ថិតនៅ​ភាគ​ខាងជើង​ប្រទេស​កាលពី​ម្សិលមិញ ។​
​ក្រុម​ជី​ហាត​រួមទាំង​ក្រុម​នូ​ស្រា​ហ្វ្រ​ន់ និង​ក្រុម​ម៉ូ​ហា​ជី​រី​ន និង​ទាហាន​អាន​សា ដែលជា​សម្ព័ន្ធមិត្ត​ពួក​បង្ក​ភេរវកម្ម​អាល់ កេ​ដា បាន​អះអាង​ទទួលខុសត្រូវ​សម្រាប់​ការវាយប្រហារ​នេះ​។ ទន្ទឹម​នោះ​របាយការណ៍​បឋម បាន​ឲ្យ​ដឹងថា​ពួក​បះបោរ​បាន​បំផ្ទុះ​គ្រាប់បែក​ក្នុង​ផ្លូវ​ក្រោម​ដី ឬ​ជិត​អគារ​កងកម្លាំង​ទ័ពអាកាស​ក្នុង​ទីក្រុង​អា​ឡេ​ប៉ូ ដែល​កំពុង​ជួប​ការ​ប្រឈម​ខ្លាំង​រវាង​កងកម្លាំង​រដ្ឋាភិបាល និង​ក្រុម​បះបោរ​។​
 គួរ​បញ្ជាក់ថា ទីក្រុង​អា​ឡេ​ប៉ូ​ដែល​ស្ថិតនៅ​ប្រមាណ ៥០​គីឡូម៉ែត្រ​ពី​ភាគខាងត្បូង ព្រំដែន​ជាមួយ​ប្រទេស​ទួរគី​ត្រូវបាន​ខណ្ឌ​ចែក​រវាង​កងកម្លាំងរ​ដ្ឋា​ភិ​បាល និង​ពួក​ឧទ្ទាម ដែល​ក្រុម​នេះ​កំពុង​ព្យាយាម​ទម្លាក់​ប្រធានាធិបតី​ស៊ី​រី បា​សា​អាល់​អាសាត​៕

ព័ត៌មានលម្អិត
ចុះនៅថ្ងៃទី 05-03-2015, 11:48 AM, អាន 30ដង
យ៉េ​មែន​៖អ្នក​តវ៉ា​រាប់រយ​នាក់​បាន​ប្រមូល​ផ្ដុំគ្នា​ដង្ហែ​ក្បួន​តាម​ដងផ្លូវ​ក្នុង​រដ្ឋធានី​សា​ណា​ប្រទេស​យ៉េ មែន កាលពី​ម្សិលមិញ​ដើម្បី​បណ្តេញ​ក្រុម​ជី​ពល​ហូ​ទី​ចេញពី​យ៉េ​មែន ។​
​អ្នក​តវ៉ា​ម្នាក់​និយាយ ថា​ពួកលោក​ទាមទារ​ឲ្យ​ក្រុម​កងជីវពល​ហូ​ទី ចាក​ចេញពី​រដ្ឋធានី​ហើយ​ពួកគេ​គួរតែ​គោរព​ការទាមទារ​របស់​ពួកលោក​។ ចំណែក​អ្នក​តវ៉ា​ម្នាក់ទៀត​ក៏បាន​ទទូច​ឲ្យ​ក្រុម​ហូ​ទីនេះ​ចាកចេញ​ដែរ​ដោយ​និយាយថា​ពួកលោក ចង់​ឲ្យ​បញ្ចប់​របប​គ្រប់គ្រង​របស់​ក្រុម​ហូ​ទី ដែល​កំពុង​អូសទាញ​ប្រទេស​យ៉េ​មែន​ឲ្យ​ធ្លាក់​ក្នុង​ភាពវឹកវរ​។​
​គួរ​បញ្ជាក់ថា ប្រទេស​យ៉េ​មែន​បាន​ធ្លាក់ចូល​កាន់តែ​ជ្រៅ ក្នុង​ភាពចលាចល​នយោបាយ​ក្នុង​ខែមករា បន្ទប់​ពី​ក្រុម​ហូ​ទី​រឹបអូស​វិមាន​ប្រធានាធិបតី និង​បង្ខំ​ឲ្យ​ប្រធានាធិបតី ដែល​គាំទ្រ​ដោយ​បណ្ដា​ប្រទេស​លោកខាងលិច លោក អេប រ៉ា​ប៊ូ ម៉ាន់​សួ ហា​ឌី និង​រដ្ឋាភិបាល​របស់​លោក​ចាក​ចេញពី​តំណែង​៕

ព័ត៌មានលម្អិត
ចុះនៅថ្ងៃទី 05-03-2015, 11:38 AM, អាន 33ដង
​កីឡា​៖​អ្នកលេង​គុន​ខ្មែរ​កូន​នាគ វង្ស ណ​យ បាន​សម្តែង​ការព្រួយបារម្ភ​ពី​កម្លាំង​ពេល​ប៉ះ​កីឡាករ​ថៃ Sam San Sor Samphong  សម្រាប់​ការប្រកួត​ដណ្តើម​ខ្សែក្រវាត់​នា​ថ្ងៃអាទិត្យ​ទី​៨​មីនា​ខាងមុខ  ។​
​អ្នក​ប្រដា​ល់វ័យ​២៨​ឆ្នាំ វង្ស ណ​យ លើកឡើងថា សម្រាប់​ការប្រកួត​ទី​១​របស់ខ្លួន​ក្នុង​ព្រឹត្តិការណ៍​ដណ្ដើម ខ្សែក្រវាត់​នេះ​រូបគេ​អត់​បារម្ភ​រឿង​បច្ចេកទេស​ទេ​។ ផ្ទុយទៅវិញ​ក្នុងជំនួប​ថ្ងៃអាទិត្យ​នេះ​វិញ​កីឡាករ​រូបនេះ​ព្រួយបារម្ភ​រឿង​កម្លាំង​ស៊ុ​ហ្វ​វិញ ពីព្រោះ​កីឡាករ​ថៃ​ភាគច្រើន​មាន​កម្លាំង​ខ្លាំង​។​
​កីឡាករ​រូបនេះ​បន្តថា ដើម្បី​ទទួលបាន​៣​ពិន្ទុ រូបគេ​កំពុង​ខិតខំ​ហ្វឹកហាត់​បង្កើន​កម្លាំង​ឲ្យ​ខ្លាំង​ជាង​មុន​ដែល អាច​រំពឹង​ឈ្នះ​តារា​ល្បី​ប្រចាំ​ប៉ុស្តិ៍​៧​ថៃ  Sam San Sor Samphong​។​ពេលនេះ​កម្លាំង​ពិត​ជាមាន​សារៈសំខាន់​ណាស់​សម្រាប់​រូបគេ  ពីព្រោះ​សមត្ថភាព​បច្ចេកទេស​របស់គេ​មាន​ស្រាប់​ហើយ​ជាពិសេស​គឺ​ការប្រើ កែង និង​ជង្គង់​។​ទោះជា​យ៉ាងណា​ដើម្បី​បង្កើន​កម្លាំង​បាន​ពេញ​ល្អ​កីឡាករ​រូបនេះ​ខំ​បង្កើន​ការហ្វឹកហាត់​ទ្វេដង​រាល់ថ្ងៃ​ដើម្បី មិនមាន​ការ​ថមថយ​កម្លាំង គ្រប់ការ​ប្រកួត​គេ​នឹងមិន​មានការ​ព្រួយបារម្ភ​ឡើយ​។​
​ការលើកឡើង​របស់​កីឡាករ​រូបនេះ បន្ទាប់ពី​យល់ឃើញ​ភាពទន់ខ្សោយ​របស់ខ្លួន​ផ្នែក​កម្លាំង និង​បានឃើញ​យ៉ាងច្បាស់​ពី​មិត្ត​រួម​ជាតិ ឡុង សុ​ភី បាន​ចាញ់​កីឡាករ​ថៃ​កាលពី​អាទិត្យ​មុន​ដោយសារតែ​ក​ម្លាំ​៕
 

ព័ត៌មានលម្អិត
ចុះនៅថ្ងៃទី 05-03-2015, 11:25 AM, អាន 30ដង
​កីឡា​៖​ខ្សែប្រយុទ្ធ​ជម្រើសជាតិ​អ៊ុយ​រុយ​ហ្គា​យ ដែល​កំពុង​លេង​ក្លិប Barcelona កីឡាករ Luis Suarez នឹង​ក្លាយជា​កីឡាករ​ដំបូង​គេ​ដែល​អាច​ពាក់​ស្បែកជើង​ចាក់​សាក់​របស់​ក្រុមហ៊ុន Adidas ក្នុងការ​ប្រកួត​រវាង​ក្រុម Barcelona ទល់នឹង​ក្រុម Rayo Vallecano នៅ​ចុង​សប្ដាហ៍​នេះ​។​
Suarez ធ្លាប់បាន​ថត​ពាណិជ្ជកម្ម​ឱ្យ​ក្រុមហ៊ុន Adidas ម្ដងមកហើយ​កាលពី​ប៉ុន្មាន​សប្ដាហ៍​មុន ក្នុង​ឈុត​ពាណិជ្ជកម្ម​ដែលមាន​ឈ្មោះថា Love/Hate ។ ខណៈ​ពេលនេះ​ក្រុមហ៊ុន​ក៏បានផ្ដល់​ឱកាស​ដល់​អ​តី​ត​ខ្សែប្រយុទ្ធ​រូបនេះ​ម្ដងទៀត​ក្នុង​ការដែល​បាន​ក្លាយជា​កីឡាករ​បាល់ទាត់​ដំបូង​គេ បាន​ពាក់​ស្បែកជើង​ចាក់​សាក់​ខាងក្រៅ​របស់ Adidas មាន​ឈ្មោះថា F50 ។​
​បើ​យោងតាម​អ្នក​រចនា​ម៉ូដ​របស់​ក្រុមហ៊ុន​យក្ស​ខាងលើនេះ​បានបញ្ជាក់​ថា ស្បែកជើង​មួយគូ​នេះ​ត្រូវបាន​ធ្វើឡើង​ដើម្បី​ទុកឱ្យ​កីឡាករ​ណា​ដែល បានបង្ហាញ​សមត្ថភាព​លើសគេ​នៅក្នុង​ក្រុម​៕
 

ព័ត៌មានលម្អិត
ចុះនៅថ្ងៃទី 05-03-2015, 11:13 AM, អាន 111ដង
​ជប៉ុន​៖​លោកយាយ Misao Okawo គឺជា​ជនជាតិ​ជប៉ុន និង​ជាម​នុស្ស​ចំណាស់​ជាងគេ​បំផុត​លើ​លោក ដែល​ទទួលស្គាល់​ដោយ​ស្ថាប័ន Guinness កាលពី​ខែមីនា ឆ្នាំ​២០១៤ កន្លងទៅ ប្រារព្ធ​ខួបកំណើត​ទី​១១៧​ឆ្នាំ (​ថ្ងៃទី​៥ ខែមីនា ឆ្នាំ​១៨៩៨,៥​មីនា ឆ្នាំ​២០១៥)​។  
​លោកយាយ​ម្ចាស់​កំណត់ត្រា​ចាស់​ជាងគេ​រូបនេះ បាន​រៀប​អាពាហ៍ពិពាហ៍​នៅក្នុង​ឆ្នាំ​១៩១៩ មានកូន​បីនាក់ ចៅ​បួន​នាក់ និង​ចៅទួត ៦​នាក់ ចំណែក​ស្វាមី​លោកយាយ​ស្លាប់ចោល​តាំងពី​ឆ្នាំ​១៩៣១​។
​លោកយាយ Okawo បាន​និយាយ​នៅក្នុង​ពិធី​ខួបកំណើត​ជុំ​គ្រួសារ​ថា រយៈពេល ១១៧​ឆ្នាំ ហាក់ដូចជា​មិនយូរ​ពេក​ទេ​។ បច្ចុប្បន្ន​លោកយាយ​កំពុង​រស់នៅ​ផ្ទះ​គិលានុបដ្ឋាយិកា ក្នុង​ខេត្ត​អូ​សា​កា​។​បុគ្គលិក​នៅ​ទី​នោះបាន​បញ្ជាក់ថា ប៉ុន្មាន​ខែ​ចុង​ក្រោយនេះ​លោកយាយ​ហាក់ដូច​ជាមាន​បញ្ហា​បន្តិចបន្តួច ក្នុងការ​ស្ដាប់​។ ទោះ​បែបនេះ​ក្ដី លោកយាយ​នៅតែមាន​សុខភាព​ល្អ ព្រមទាំង​ទទួលទាន​បានជា​ធម្មតា​៕

ព័ត៌មានលម្អិត
ចុះនៅថ្ងៃទី 05-03-2015, 11:04 AM, អាន 111ដង
ខេត្តកណ្តាល​៖​ក្រុម​សមត្ថកិច្ច​ចម្រុះ​នៃ​បញ្ជាការ​កងឯកភាព​ស្រុក​លើកដែក ខេត្តកណ្តាល​បាន​បើក​ប្រតិបត្តិ​ការបណ្ដេញ​ក្រុម​ប្រជា​នេសាទ​ជនជាតិ​វៀតណាម ចំនួន ២២ គ្រួសារ ដែល​រស់នៅ​លើផ្ទះ​បណ្ដែត​ទឹក ចេញពី​តំបន់​ដែន​អភិរក្ស​មេត្រី​ពូជ នៅ​ឡូត៍​លេខ​១១ ចំណុច​ឃុំ​សណ្តារ កាលពី​ថ្ងៃទី​៤​ខែមីនា ឆ្នាំ​២០១៥ ។  
​លោក សោម ផល្លា អភិបាលរង​ស្រុក​លើកដែក​បាន​ឲ្យ​ដឹងថា យោងតាម​ច្បាប់​ជលផល​តំបន់​ដែន​អភិរក្ស​មេត្រី​ពូជ មិនត្រូវ​បានអនុញ្ញាត​ឲ្យ​ជនណាម្នាក់​ចូលទៅ​រស់នៅ​បានទេ ហើយក៏​មិន​អនុញ្ញាត​ឲ្យ​មានការ​នេសាទ​ត្រី​នៅក្នុង​តំបន់​ដែន​អភិរក្ស​ផងដែរ ទោះបីជា​ប្រើ​ឧបករណ៍​នេសាទ​ស្របច្បាប់​ក្ដី ។
​លោក បាន​បញ្ជាក់ថា​ប្រជា​នេសាទ​ជនជាតិ​វៀតណាម​ជាង ២០ គ្រួសារ ដែល​រស់នៅ​លើផ្ទះ​បណ្ដែត​ទឹក​កាលពីពេល​ថ្មីៗ​នេះ បាននាំគ្នា​លួច​ឆ្មក់​ចូលទៅ​រស់នៅក្នុង​តំបន់ហាមឃាត់​ឡូត៍ លេខ ១១ ដែល​ស្ថិតនៅក្នុង ឃុំ​សណ្ដារ ស្រុក​លើកដែក ក្នុង​គោលបំណង​ប្រព្រឹត្ត​បទល្មើស​នេសាទ ក្នុង​តំបន់​ដែន​អភិរក្ស​មេត្រី​ពូជ​។ លោក​បន្តថា​បន្ទាប់ពី​ទទួលបាន​ដំណឹង​នេះ​កម្លាំង​សមត្ថកិច្ច បាន​បើក​ប្រតិបត្តិ​ការបង្ក្រាប​រយៈពេល​ពីរ​ថ្ងៃ ដែល​ចាប់ផ្ដើម​ពីថ្ងៃ​ទី​៣​ទី​៤ ខែ​មិនា ហើយ​បាន​រកឃើញ​មានផ្ទះ​បណ្ដែត​ទឹក ជនជាតិ​វៀតណាម​ចំនួន ២២ គ្រួសារ នៅក្នុង​តំបន់​នោះ​។
​សមត្ថកិច្ច​របស់​យើង​ចាំបាច់​ត្រូវ​ចាត់វិធានការ​រដ្ឋបាល ដើម្បី​បណ្ដេញ​ពួកគេ​ចេញ​ឲ្យ​ឆ្ងាយ​ពី​តំបន់​ដែន​អភិរក្ស​មេត្រី​ពូជ​នោះ​។ ប្រជាពលរដ្ឋ​បាន​សម្តែង​នូវ​ការគាំទ្រ​ចំពោះ​ចំណាត់ការ​របស់​សមត្ថ​កិច្ច ដែល​បាន​ប្រើ​អូប័រ និង​កាណូត ជា​មធ្យោបាយ​ក្នុងការ​អូស​និង​សណ្ដោង​ផ្ទះ​បណ្ដែត​ទឹក​របស់​ជនជាតិ​វៀតណាម ទាំងនេះ ចេញពី​តំបន់​ដែន​អភិរក្ស​មេត្រី​ពូជ និង​បាន​ជំរុញ​ឲ្យ​អាជ្ញា​ធរមាន​សមត្ថកិច្ច ជាពិសេស​សមត្ថកិច្ចរ​ដ្ឋ​បាល​ជលផល ត្រូវ​ចាត់វិធានការ​តឹងរ៉ឹង និង​ផាកពិន័យ​ឲ្យ​ធ្ងន់ធ្ងរ ទៅលើ​ក្រុមគ្រួសារ​ជនជាតិ​វៀតណាម​ទាំងនោះ ដើម្បី​ឲ្យ​រាងចាល​។ ខណដែល​រាល់​ឆ្នាំ​ជនជាតិ​វៀតណាម​ទាំងនោះ​តែងតែ​ចូលមក​នេសាទ​ត្រី​ខុសច្បាប់ក្នុង​ទឹកដី​កម្ពុជាដោយ​មិន​រអែង​ចំពោះ​សមត្ថកិច្ច​ឬក៏​ច្បាប់​របស់​ប្រទេស​កម្ពុជា​នោះឡើយ ៕

ព័ត៌មានលម្អិត
ចុះនៅថ្ងៃទី 05-03-2015, 11:00 AM, អាន 32ដង
ដោយ៖ធារ៉ា
​ខេត្តស្វាយរៀង​៖​ស្ត្រី​មេម៉ាយ​មានកូន​២​នាក់​ម្នាក់​ត្រូវ​ក្រុមចោរប្លន់​វាយ​បែកក្បាល​ប្លន់​យក​មាស​២​ដំឡឹង​កន្លះ​រួច​ជិះ​ម៉ូតូ​រត់​គេចខ្លួនបាត់​ដោយ​សុវត្ថិភាព​។ ហេតុនេះ​បានកើត​ឡើង​កាល​វេលា​ម៉ោង​៧​យប់​ថ្ងៃទី​៤​ខែមីនា​ឆ្នាំ​២០១៥ ស្ថិត​ក្នុងភូមិ ស្វាយ​តឿ  សង្កាត់​ស្វាយ​តឿ  ក្រុង​ស្វាយរៀង  ខេត្តស្វាយរៀង​។​
​ជនរងគ្រោះ​ឈ្មោះ ឃ្លាំង  សេក  អាយុ  ៤៥ ឆ្នាំ មានកូន​២​នាក់  ស្រី​ម្នាក់ ប្រុស​ម្នាក់ មានមុខ​របរ​លក់​បាយ​នៅមុខ​រោង​(​ជា​ស្ត្រ​មេម៉ាយ​)​។​
​តាម​សម្តី​ជនរងគ្រោះ​បាន​និយាយថា មុនពេល​កើតហេតុ​មាន​មនុស្ស​មួយក្រុម​មាន​គ្នា​៤​នាក់​ជិះ​ម៉ូតូ​២​គ្រឿង​កាត់​តាម​មុខផ្ទះ​របស់គាត់​ខណៈពេល​ដែល​គាត់​ចេញពី​បន្ទប់ទឹក​ចូលទៅ​ក្នុងផ្ទះ​ស្រាប់តែ​ក្រុមចោរប្លន់​ធ្វើ​សកម្មភាព​ប្លន់​វាយ​និង​ស្វាយ​កាំភ្លើងខ្លី​ចំក្បាល​បណ្តាល​ឲ្យ​រយះ​ក្បាល​ពី​កន្លែង​រងរបួស​យ៉ាងដំណំ​។​
​ក្រោយពេល​កើតហេតុ​ឃើញ​មាន​កម្លាំង​នគរបាល​ប៉ុស្តិ៍​រដ្ឋបាល​និង​អាវុធហត្ថ​ខេត្ត​ចុះមក​កន្លែង​ហេតុ​លុះដល់​ព្រឹក​ថ្ងៃទី​៥​ខែ​មិនា​ឆ្នាំ​២០១៥​ជនរងគ្រោះ​បានមក​ដាក់​ពាក់​បណ្តឹង​នៅ​ការិយាល័យ​នគរបាល​ព្រហ្មទណ្ឌ​កំរិតធ្ងន់​នៃ​ស្នងការដ្ឋាន​នគរបាល​ខេត្តស្វាយរៀង​។​
​ក្រោយពី​បានទទួល​បាន​ពាក់​បណ្តឹង​សមត្ថកិច្ច​ស្រាវជ្រាវ​រកមុខ​សញ្ញា​ក្រុមចោរប្លន់​ដើម្បី​យកមក​ផ្តន្ទាទោស​តាមផ្លូវ​ច្បាប់​៕
ព័ត៌មានលម្អិត
ចុះនៅថ្ងៃទី 05-03-2015, 10:42 AM, អាន 108ដង
សេ​អ៊ូ​ល​៖​ប្រព័ន្ធ​ផ្សព្វផ្សាយ នៅ​កូរ៉េខាងត្បូង នៅ​ព្រឹក​ថ្ងៃ​ព្រហស្បតិ៍​បាន​រាយការណ៍​ថា ប្រេសិត​តំបន់​ការទូត​កំពូល​របស់​អាមេរិក​ប្រចាំ ប្រទេស​កូរ៉េខាងត្បូង​លោក ម៉ាក លី​ភើ​ត បានទទួល​រង​ការ វាយប្រហារ​ពី​បុរស ប្រដាប់អាវុធ​ម្នាក់​ក្នុង​ទីក្រុង​សេ​អ៊ូ​ល​បណ្តាល​ឲ្យ​រងរបួស​ហូរឈាម​នៅលើ​ផ្ទៃ មុខ​យ៉ាងដំណំ ។​
​ហេតុការណ៍​នេះ​បានកើត​ឡើង​នៅ​ម៉ោង ៧ និង​៤០​នាទី​ព្រឹក​ថ្ងៃ​ព្រហស្បតិ៍​នេះ នៅពេលដែល​ប្រេសិត​រូបនោះ​អញ្ជើញ​ចូលរួម​ស្រស់ស្រូប​អាហា​ពេលព្រឹក ដែល​បាន​ប្រារព្ធ​ឡើង​នៅក្នុង​ទីក្រុង​សេ​អ៊ូ​ល នា​ព្រឹក​ថ្ងៃ​ព្រហស្បតិ៍​នេះ នៅ​កិច្ចពិភាក្សា​មួយ​ស្តីអំពី​ការបង្រួបបង្រួម​កូរ៉េ​ទាំងពីរ​ឡើងវិញ នៅក្នុង​មជ្ឈមណ្ឌល​វប្បធម៌ សេ​ចុង ចំ​កណ្តាល​ទីក្រុង​សេ​អ៊ូ​ល​តែម្ដង​។​
​ទោះបីជា​យ៉ាងណា លោក Mark Lippert រងរបួស​មិន​ធ្ងន់ធ្ងរ​នោះទេ​។ បន្ទាប់ពី​កើតមាន​អំពើហិង្សា​បែបនេះ​ទីក្រុង​វ៉ាស៊ីនតោន បាន​ថ្កោលទោស​ចំពោះ​ទង្វើ​ដ៏​ព្រៃផ្សៃ​ភ្លាមៗ​ផងដែរ​៕

ព័ត៌មានលម្អិត
« មុន 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 ក្រោយ »
ស្វែងរកតាមរយ:ប្រតិទិន
ចំនួនអ្នកទស្សនា
ថ្ងៃនេះ : 1481 នាក់
ថ្ងៃម្សិល : 44348 នាក់
សរុប : 14863858 នាក់
Flag Counter
Copyright© 2013 by Phnom Penh Daily All right reserved. Email:phnompenhdailynews@gmail.com
Add:#107, St.Railay, Group 57, Sangkat Beong Kok II, Khan Toul Kork Phnom penh Kingdom of Cambodia Tel: 017 700 688